سـالم في سيـارته وااقف عـند بيت شـهد وهي ويااه ويترياها تنـزل..
سـالم..: يلا شو تترييين؟!!..
شهـد مبـوووزه..: انزيييين انا بعـدني ما ملييت منك..انسيــر بعــد لفـه وانرد..
سالم.: بس حبــي الوقت اتأخر الحيينه..باااجر ان شاااء الله انزييين!!!
شهـد.: ماابا ماابا ..انا ابغي الحييينه..اسير البيت شسوي دام انه محـد فييه..
سالم.: انزييين شو تبيني اسويييييلج انا..اذا تبييين انسير ننزل فالمكان الي قلتلج اوكييييه ..لكن حواطه في السياااره لااا..
شهـد: المكاان الي قــلته لااااا لااااا..اممم شو رايـك تنــزل وياااي البيييت!!..
سـالم وهو مبطل عيوونه يطـالعها باستغراااب..: اتخــــبلتي انتي؟!!!
شهـد: ليييييييش عادي والله..
سـالم: يلاااا شهوود يلااا انــزلي ولا تأخريني..
شهـد: ليييش ان شاااء الله شو وراااااك؟!!!..
سـالم.: ما وراااااي شــي بس ابغي اروووح يعني لين متى بتم واقف اهنييه..
شهـد: سلوووم حبيبي دخيلك انـزل وياااااي..
سالم: انتي اكيد مب صاااحيـــه!!..اشقايل تبيني انزل وياااج بيييييتكم..واذا حد شااافنا!!
شهـد: محــد فالبيييييييت لا تحااااااتي..يلا حيااتي عشان خااطري براوييك بيتنا..
سالم.: يا بنت الحلاااال ما يصييييير تدرييين لو شافوونا اهـلج شو بيسوون فيييييج!!!
شهـد: اقوووولك ما في حد اشفييييك..امي وابووي مسافرين واختييه فالعرس واخوووي مستحيل ايرد ابهالوقت..
سـالم.: امممم انتي متأكــــده؟!!..
شهـد: هي والله متأكـــده اميـه بالميـه بعـــد..انت روووحك اتعرف.. دووم شرات هالوقت اخبرك انه مافي حد فالبيت
سـالم.: خلااص عيل يلا ننزل..
نـزل وياها سـالم البيــت وقبضـت ايده وهي مستااانسه وودتــه داخل البيــت وتمـت اتراويها اول طابق وعقب ودته فووق وتمت اتراويه الحجـر..ودته آخر شـي حجـرتها..
شـهـد: شوو رايــــك؟!!..حلوه حجرتييه صح؟!!..
سـالم وهو يمرر عيونه ويبتسم من ورى خاطره..: هييه حلــوه..سـكر الباااب وسـار يـلس ع طرف الشبريه..وابتسم بخبـــث..بس احــلى اذا يـلسنا فييها انا وانتي..
سـارت شـهد ويـلست حذاااله..: اكيــد احــلى..دام اني بكوون وياااك..
سـالم اتقـرب صوبها أكثـــر ولوى ع جتفها ..: اتحبيني؟!!
شهـد احمرت نزلت راسـها ونشــت على طووول..: سااااااالم!!..انت اتعرف انا اشكثـر احــبك..
سـالم: انزين ليش قمتي تعالي يلسـي..
شهـد وهي تبتسم بخجل..: سااالم انت تحرجـــــني..
سالم: هههههه شو سويييت انا الحيينه..!..قام من مكانه وسار صووبها وجابلها وحط ايدينه ع جتووفها..: افااا تستحيين مني..نحن شوو اتفقـنا..ما قـلنا اني حسبة ريـلج الحيينه..
شهـد: هيييه ادري بس شو الفايـده دام انه بيني وبينك بـس..انا ابغي النااس كلها تدري..
سـالم.: لا تستعيليين..ان شاء الله الناس كلها بتـعرف..وهو يغمـز لها..جريييب ان شاااااء الله جريييب..
شهــد وهي تشهـق فرحاااانه..: جرييييييييييب!!..
سـالم: هههه اوهووو عاد انا قايل بخليها مفاجئـه..
شهــد: ياااااااي فــدييتك والله ما تتصور اشقـد فرررحتني..يعني خلااااااص اتطـلق من ولد عمي؟!!..
سـالم.: هههه لا فدييتج اتريي انا بقووولج متى تتطلقيين..بس الحين ممكن تاخذين راحتج وانتي اف حجرتج!!!
شهـد: امممم كيـــف يعني!!
سـالم.: يعني انتي يوم راده من برع وتحدرين حجرتج تقعدين فيها جـذه بالشيله والعباااه !!!
شهـد: ههههه لاا طبعاا افصخهم..
سالم: انزين واشحقه لاابستنهم الحيـــــنه!!!..
شهـد تنزل راسـها..: ترى انت ويــــاي..
سالم.: وانا امنوووو؟!!!..
شهـد وهي ترفع راسـها وتبتسـم..: اممممم حبيبي..
سالم.: وشووو بعــد؟!!..
شهـد.: ان شاء الله ريــلي جرييييب..
سالم.: بلسااانج قلتيها..جريييييب..يعني ما باجي شي حبي واتصيرين ملكـي..ليش تستحيين مني؟!!..
شهـد.: ههههه ماادري..بس بعـده ما صااار شـــي..
سالم.: ان شاء الله بيصير حيااتي تراني قلتلج جريييب..يلا فديييييتج خاااطري اشوفج من غير الشيله والعباااه..دخييلج لا تحرميني من شوووفتج تدرين بعـد هاي فرصـه ما تتعوض..
شهـد: ههههه أستــحيييييي..
سالم.: اوهوووو شو قلنا احــنا!!..
شهـد.: ههه زين زين خلااص..
.
في هاللحظـه كـان في سـياارته يحووط ويتـريااا اتصـــال..شـوي والا يـرن تلفوونه ورد على طووول..
عـادل: هلا هلا شمسـه..
شمسـه: اهليين عادل ..سوري يوم اتصـلت فييه صكييت عنك حشششره ما كـنت اسمع شـي..تدري بعـد عـرس..
عادل: لا لا عــادي شماااسي..الا اخـبرج شهــد مب ويـــاكم؟!!..
شمسـه: لااا قالت ما بتي ويااانا..
عادل: انـزين ويييينها عيـــل؟!!!..
شمسـه: يالســه فالبييييت..
عادل: لاااا هي مب في البيـت..مريت صووب بيتكم وسئلت البشكاره قالتلي انها ظـهرت..واتصـل فييها مااترد عليه..وانا من امس متفق وياها نظهر اليوووم..اتحراها يت العرس ويااكم..
شمسه.: لاا هي قااالت ما بتي..عيل اكيد تترياااك فالبيييت يعني معقووله تظـهر من غير مااتقـــولك؟!!..
عادل.: ماادريبها والله بدييت احااتيييها انا..
شمسه.: لا ما عليك انا بتصل فيها الحينه وانت مر صوب البيت مره ثاانيه وشووفها
عادل.: خلااص اووووكي..
...........................
طـلعت حمـده من حجرة اميـره بعـد ما يا راشـد عندها وسـارت صووب حجـرتها وهي مرتبشه واتغــني..ياللي على البــــااال تطري وانت ما تدري,,وش ذنبــه الي يحـــــــــ .......اول ما دشــت الحجــره سكتت يوم شافت عوووشه منسدحه ع الشبريه ومغطيه ويهها بايدها..
حمده وهي سايره صووبها وتشــهـق..: اوووو ماااي جااااد..!!! عووشوووه انتي رااااقـــده؟!!..
اتقربت صووبها اكثر ويـلست حــذالها وشـلت ايـدها..انصـــدمــت يوووم شاقتها اتصييييح..
حمده وهي مبطـله عيوونها ورافعه حياتها..: عوشوووووووه اشفيييييييييج؟!!!..
نشـت عووشه على طوول وارتمـت في حضـنها وتمت اتصيييييح بصووت عااالي..: حمدووووووووووه..
حمـده بهتت في هاللحظــــه ..: عوشووووووه فـــدييييتج شو بلاااااااج ليش اتصيحييييين؟!!!..
عوشه.:.......
حمده وهي خاايفه عليها..: اشفييييج عوشووووووه دخيلج ارمسي..
عـوشه اتصيييح وتشااااهق مب رايــمه تررمـــس..
حمده..: انــزين بــس بــــس خلاااااص اهـــدي..
تمت حمـده لاويــه علييها وهي مصدووومه مب عارفه شو السااالفه وعووشه اتصيح..لين ما هـدت شـويه ورفعت راسـها..
حمـده.: انتي اشفييييييييييج؟!!!..
عوشه كـانت تمسـح دمووعها وما ردت عليها..
حمده.: عوشووووه الله يخليج ارمسـي قووولي اشفيييييج؟!!!
عووشه.: حمدوووه لو اقووولج شو استـوى ما بتصدقيني..انا ماادري ليش يستوي فييه جذه ماادري
حمده.: بسم الله علييييج اشفيييييييييج انزين قوليلي؟!!
تمـت عوشه اتخـبرها السالفه وحمـده مبطـله عيوونها ع الاخــر و كل شــوي تشهــــق..!
حمـده..: لاا لاااااا عوشوووووه دخيلج قولي غير هالكلااااااام!!!..يعني انتي يوووم ظهرتي من عندنا ما كانت اخته
عوشه وهي تصيح.: لاااا..كان هووو..
حمـده.: جــــلب ..حقيييييييييييير هــذا نصوووور..اخييييه شو هالحــظ..!!..عاد خطيبج ما طلع الا ولد خــالة هالنذل..انزيييين والحيييينه شو الحــل..قوولي حق اخته اتفهمه انه انتي مالج ذنب..
عـوشه.: من شوي سكـرت عنها وخبرتها كــل شي وقالت انها اتعرف هالخاااايس عنده هالسوااالف وبتقوول حق اخووها وبترد عليه..
حمـده.: ومتى بترد عليييج..!!
عوشه.: ماادري قالت الحيين بتسير بتخبره وبتتصل فيني..
حمـده.: لا حول ولا قوة الا بالله..الحين الملجة ورى باااجر ويصير كل هذا !!..
عوشـه تصيح بحررقه.: اسكـتي الله يخليييج..
حمـده.: ما علييه لا تحاتيين انتي ان شاء الله بعـد ما اتخبره اخته الساالفه يهدى الوضع..
عوشـه.: اااااااه حمدووه ليــش كلما ابغي افرح يصير فيني شــي..ليييش انا بالذاات لييييش..
حمـده.: والله ماادري شو اقوولج عوشوووه بس انتي الصراحه تقهرييين..موول ما تسمعين الكلااام..واتدوريين الفرحه والونااسه بطرق مب زيــــنه..لا تزعليين مني بس هذا هوو الصـج..اول مره..طرتي من الونااسه يووم يتج رسـااالة الاعجاب من هاييج الخااايسه واستااانستي..قلتلج يا عوشوووه ابتعـدي عن هالبنت ترى سمعتها فالارض ما سمعتي كلااامي وسايرتيها..وصار الي صاااار..والحين بعـد من الفرااغ والملل تميتي اتدشيين النت لين مااتعرفتيلج على هــذا وشوووفي شوو صار الحييينه..
عوشـه..: اول مره اوكيييه انا الغلطاااانه ادري..بس الثاانيه لييييش يا ربيي ليييش..والله لو ماكنت ادري انه هذا صادق ويااي ويبغي يخطبني جان ما رمسـته..بس هووو وفـى بوعـده وياا خطبـني..ليش يصير كل هااااا..
حمـده..: حبيبتي شو الفااايده ترى الاساااس غلــط..انا مووول مااتدش رااااسي هالعلااقاات الي فالنت والا الي في التلفوونااات..احسـها ما تستمـــر..الا ناااااادر اسمع يقولون انها تستمر..
عوشـه.: الحيـن انتي ليييش يالسه تحبطيني..ليش تبين اتخليني افقـد الامــــل !
حمـده.: لا والله بالعكــس انا اتمـنى من كل قلبي انه الاموور تنحـل باسررع وقـت وترتبطيين فيه..بس الي كنت اباا اقوولح اياه انه الشي الي بـدايته غلط احتمااال كبيير ينتهــي ..
عوشـه اتصييح بصوت مسمووع..: حمدوووووه والله حرام عليج الي تسوييينه فيني ..بس سكتي
حمـده اتحس بقلبها يعورها عليها.: مب قصدي عوشوووه بلااااج!!..والله انا اتمـنى انه يكوون من نصيييبج وتستمروون واتعيشوون باقي حياتكم ويا بعـض..اتمنى من كل قلبي بعـد..بس اقوولج يعـني احتمااااال ينتهي..
اول ما خلصت حمده كلامها رن تلفووون عوشـه وردت على طوووول..
عوشـه.: هاااا بشـــري شوو استــوى؟!!..
خلود.: افففف تعبــت من كـثر مااعيـد له السااالفه واحااول اقنعه بس ماااشي فاايده يا عوشه مب مصــدقني..يقوول نصووور مستحييل يسـوي جييه ومستحييل يقص علي..تدرين بعـد هم من كانوا صغاريه وهم ويا بعـض..
عوشـه من الصيـــاااح مب رايمه ترررمس..
خلود دمعـت ..: بس حبيبتي بس ..والله اعرف انتي اشكثر طيبه وحبووبه..ومستحيل تطـلع منج هالسواالف..انا اعرف نصوووور وسوااالفه اففف والله انه خااايس هالولـد ..ماادانييه اكرهه..بس المشكله انه محد يصـدق انه هذا تطلع منه هالسوالف..
عوشـه وهي تشااهق وبصوت متقـطع.: انزين والحييينه شوووه؟!!!...
خلود.: ماادري يا عووشه ماادري..بس منصووور دام انه الرمسـه يته من ناااصر النـذل اكييد ما بيجــذبه..
عوشـه بالزوور ترمـس من كثر مااتصيح.: انـزين خلااص مب مشكله بخليج..
خلود.: قوولي حق اهلج انج انتي الي ما تبييينه..طلعي لهم اي سبب قولي انج مب مرتااحه.. بس اتريي مب الحييينه..بنتريااا لين بااجر يمـكن الله يهـدييه ويصـدقني..انا بحاااول وياااه لا تحااتييين..
عوشـه غمضت عيونها عيوونها وحست بدمووع حاااااره تنسااب على خدها.: اوكيـه خلااص..مع السلامه
خلود.: مع السلامه..
سكـرت عنها عوشـه واطـالعت حمـده الي كانت تتريااها ترمـس
حمـده.: ها شوووووه؟!!!
عـوشه حطـت ايدينها على ويهها وتمت اتصيح بصوت عالي.: خلاااااااااص حمدووووه ما يباااني ما يباااااني..
حمـده والدمعه في عيوونها.: ليييييييش شو قاااااال!!!
عوشـه.: مـا صــدقها وقااال انه هالحيوااااان مستحيل تطلع منه هالسوااالف لاانهم وااايد ويا بعـض.. والله انا ما يخــصني في شي والله..الحييين لو انا كـنت راااضيه اني ارمسـه والا اطـلع ويااه كنت بقوول مب مشكله عااادي يسوي فييه الي يبااه معذوووور.. لكـن هوو غصبني حمدووووه والله غصبني كان يهدد..ااااااه حمدووه بمووت ابغي يفهم انه ظاااالمني..عاااادي مب لازم ياااخذني بس اهم شي ماابغي تكووون هاي نظرته لــي..ابغييي يعرف اني انااا مالي ذنب والله مالي ذنب..اااااااه حمدوووه ما خلى شـي ما قاااله عــــني ما خلى شـي..
حمـده لوت عليها .: بس فديتج اهـدي اهـدي..لاازم بيي يوووم وبيعرف انج مظلووومه..بس تدرين عوشووه..انا اقوول احسـن لج انتي لو ما ياااخـذج..داام انه طـلع ولد خـالة هالنذل وهم واايد ويا بعـض..لو فرضنا انكم ملجتوا..ما بيخلييه في حاله صدقيني بيتم على راسـه وبيقوله كلاام عنج لين ما يكرهج ..فأحسـن لج من الحيـنه يتكنسل كل شي..
عوشـه.: حراااااااام الي يصير فيني والله حرااام..انا احبـه حمدوووه احـــبه ليش ما يصدقني لييييش..
حمده.: الله يهديج بس,,تبيـن يصـدق وحـده عرفها من شهرييين ويجـذب واااحد يعرفه من سنيييين!!!
عوشـه.: اااااه حمدوووه بس دخيييلج والله انج تعذبيني بكلااامج..
حمـده.: انزين صـدق بعد شووو..حطي نفسج مكاانه..لو انا ييتج وقلتلج انه هذا عليه سوااالف وحركات خاايسه ويبت وياايه الدليييل وهو يقولج عكس كلامي بتصدقيين امنوو..انا والا هووو!!
عـوشـه ما ردت علييها وكـانت تصيييييح..
حمـده دمعـــت.: بس حبيبتي بـــس عورتي قلبي تراااج,, قوليلي الحينه شو ناويه اتسوين؟
عوشـه.: اخته قالتلي اتريا لين باجر هي بتحاول ويااه اذا اصر على رايه اقووول حق الاهل اني انا الي ماابغييه ..
حمـده.: والله انا اقووول مافي داعي حتى اترمسـه..خلااص عوشووه هذا ما يصلح لج ..وانتي اتعرفيين لييش..
عوشـه..:.........
.
.
في حجرة أميــره..راشـد كان يالس حـذالها ع الشبريه وكـان شال بنته وضامنها بايديينه وهي مغمضه عيونها راااقـده..
راشـد.: يعـني تبيني أقـص علييج واقولج اني ما ارووح المزرعه!!..احمدي ربج اصارحج في كل شي..
أميـره مبطـله عيوونها .: راشـــد يعني كل الي استـوى ما يااب نتيييجه؟!!
راشـد: قــــلتلج من البدااايه هذا شي يخصني ومحد بيرووم يغصبني اني اودره..
أميـره مغتبنـه.: واذا خــبرت عليييييك!
راشـد.: ههههه خبري ..عاادي شرات ما رمـت افك عمري المره الي طااافت بسويها هالمره بعـد..قلتلج ترااني محد يرووم عليه ما صدقتيني
اميـره بدت تذرف .: اااه راشـــد غصب تبا اتخليني اكرهــك..
راشـد.: ههههه عاادي اكرهيني..ماابغي حبج انا..
اميـره وهي تصيح.: والله انــك نـــذل..قووم من عندي قوووم ماابغيك اتي اهـني مره ثاانيه..
راشـد اطـالعـها بعصــبيـه..: اتخسيين الا انتي ماايي..جي تتحريني يااي عشان سواد عيوونج!!..انا ياااي عند بنتي بس..
اميـره.: انت ما تستااااهل اتكوون ابووو..والله ما تستااااهل..عشان خاطر هالبـنت خل عـنك هالسوالف المااصخـه..حراام يوم تكـبر تلقـى ابوها جيــه والله حرااام..
راشـد.: جــــب ماايخصـج فيني انتي..بسـوي الي يريحــني..
اميـره.: يااااا رب ان شااء الله تحترق المزرعه ياا رب..
راشـد: هههههههه جي مـا شي مكان غيرها؟!!!..
اميره.:......ما ردت علييه وتمـت اتصييح..في هالوقـت صاحـت اليازيه بعـد وكان يهزها راشـد بس ماشي فايده اتصيح..مد ايدينه لأميـره عشاان اتشيلها وشلتها عنه..وهوو ظـهر من الحجـره حتى ما قال مع السلامه ولا اهتم لاميره الي كانت تصيييح..اول ما طلع شـااف عووشه طالعه من حجرة حمده الي كانت ورااها..
عوشـه..: رااااشد..
راشـد: شووو
عوشـه.: بترد البييت؟َ!!..
راشـد.: هييه..
عوشـه.: انزين بيي ويااااك..
اتقـرب منها راشـد وتم يطـالعها باستغــراب..
راشـد وهو عاقد حياته.: عوشووه اشفييج؟!!
عوشـه ارتبكـت.: ممااا ما فيني شـي..
راشـد.: شكلج كنتي اتصيحييين..
حمـده.: هههه عوشووه غبيه على اي شي تصييح..كنا يالسين نطالع فلم هـندي وهي اتأثرت فيه وااايد وتمت تصيح
عوشـه.: هييه صح..كان ايصيح
راشـد.: زين يلا اترياج في السياره بسررعه..وراح عنهن..
عوشـه.: حمدوووه ما بتين وياي؟!!!
حمـده.: ماروووم عوشوووه لا تنسين انه عنا جامعه باجر..
عوشـه.: انا ما بدااووم..
حمـده.: عوشووووه عن المصاااخه لا تسوين في رووحج جذه..
عوشـه: صدقيني حمدوووه مالي بارض حق شـي..حتى لو ييت اعرف عمري ما بحضر ولا كلاس..
حمـده.: خلااص مب مشكـله انا بييج باجر اول ما بطلع من الجامعه وبقوولج شو خـذنا..بس اهم شـي الحينه نفتك من هالساالفه..عوشوووه خلااص قولي انج ما تبيينه انزين..
عوشـه بدت اتصيح.: بيحرجووون عليه انا اعرف..
حمـده.: هوو شي طبيعي بيحرجوون بس شو بتسويين يوم هوو ما يبااج..خلاااص خله يـولي وشرات ما قلتلج ترى احسـن لج والله..الله بيعوضج باللي احسـن منه ان شاء الله..
عوشـه تصيح وبالغصب ترمس.: اوكي حمدووه عيل اخلييج يلا مع السلامه..
حمده قلبها يعورها والدمعه في عيوونها.: مع السلامه فديتج..
........................
من ورى الباااب..واااقف متيبــس في مكااانه منصعـق من الي يسمعه..
شهـد: ههههههه ساااااااااالم عن الحركاات قووم عني..
سالم.: الله يخليييج بس وحـده بس وحـده..
ما ااتحمــل يتم واااقف زووود..بطـل الباااااب على طووووول ووقــــف مبهت ومصدووم من الي يشوووفه جداااامه وكأنه حد صـب عليه ماي بااارد..كـانـوا يالسين ع الشبريه وهو لااوي عليها..اول ما شافوووه نشـوا وهم بعـد منصعقيييييين ومااتوقعـوا هالشي ابـدا..شهــد ماااتت من الزييييييغه حست بقشعريره في جسمها كله وحراااره مب طبيعيه من الصــدمه ..وتمـت تتناااافض..وهووو واااقف ويتمـنى الارض تنشق وتبلعه ولا انه يشووف هالموقـف جداااامه..يمرر عيونه عليهم وحاااس بالدنيــا اتدووور فييه مب قـادر يصــدق الي يشوووفه..اتقــرب منهم اكثـر وهو مبطـل عيوونه ع الاخـــر..
عادل.: شوو هاااا؟!!..شو ياس يستوي اهنيييه..
شهـد من الزيــغه والصـدمه حطت ايدينها على ويهها و تمــت اتصييح..مشى ساالم وكـان بيطـلع بس زخااه عاادل وهوو لين الحينه مصدوووم يحـس انه في حــلم..
عادل: انت شو تسـوي اهني!!!
سالم.:شوف يا رياال.. انا ماايخصـني..لزمت عليه و قالت الا تنزل وياايه البييت..اونه براوييك بيتنا..انا قلت مب مشكله هالبنت رايحه فيها بنزل ويااااها..نسيت اقولك تراها الجيرل فريند مااالتي..اظن انت ريلـها ولد عمها صح؟!!..هييه هييه انا متأكـد انه انته ..شفتك هااك اليووم في الستي يوم كنت واقف عندها عند باريس غاليري واترمسها..عادي عادي دووم اظهر ويااها انا..هي تباا جيـه شو اسوي فيها..وع فكره ترى اعرفها قبل ما تملج عليها..يعني من زماان انا وياها..ماادري ليش عايفتنك يااخي ما تبااك..تبا تتطلق منك بعـد عسب اوني انا آخــذها..ماادري شو تتحراني غبي والا أهـبل عسب آخذ وحده شرااتها..
هالكــلاام مثل الطعــنه يت في قـــلب شــهــد..فااجه عيووونها ع الاخر وهي تتطـالعه والدموووع منسااااابه على خـدها..مب مصـدقه انه هالكلاام طـلع من لسان ساالم..ونفس الشي طعـن قلب عـادل.. زخـاه بالقووو وتـم فتـره يطــــالعه وهو مبقق عيوووونه..وسالم يحـــاول يسحـب اييده ويشـرد من الزييييغه بس مب رااايم من قوة قبضـته..مـره وحـده رص عـادل على اسنااانه بالقووو وصفــعه صفعــة قوووويه على خــــده الي مـن قوووته بغـى يمووت من زوود العواااار ..تم حااط ايده على خــده وعيوونه محمـــره و يطــالعه وهووو محرررج..رد لــه سااالم الصفــعه وقبضــه من صـدره بقووووه وهوو متجااهل العوااااار.. عادل من زوود ما هوو مصدووم ما حس بالصفعه..
سـالم يطـالعه والشرااار يطاير من عيووونه وصـاك على اسنانه ..: جـــــــلب..
عادل يطـالعه بنفــس النظــرات شــل ايييده من صدره وفرااه بالقوووووو لدرجـة انه دعــم اليدااااار وحـس بعواااار فضيع في ظـهره من زووود ماكانت الدعمه قوويه..
سـار عااادل صوووبه من دوووون لاا يحـــس حط ايدينه ع رقبـته وتـم راااااص عليييييها من كثر ما مقهوووور ومحررررج ومصدوووووم..وساالم مب رااااااايم يتنفس وحاس انه خلاااااص بيموووووت..مد ايدييينه وحطهن ع رقبه بعد وهوو يحاااول يرص وبنفس الوقت يبعــده..شهـد كانت حاسه انهاا انتهــت من الوجووود خلاااااص..كانت واااقفه متسانده ع اليدار واتحس بريوولها مب شايلتنها تتناااااافض ..حاطه ايدينها على ويهها وهي اتصييييح واتصاااارخ من الزيييييييييغه..عااااااااااااادل لااااااا عاااااااااادل..انصعـــقت مره وحده يووم شافت الباب اتبطــل ونااصر الي داااش..شــــهق يووووم شااااف المووووقف تم يطاالع شــهد بصــدمه ويطــالعهم..بغــى يتخـــبل..بقق عيووونه ومب عااارف شوو السالفه..بس شاف انه وقفته جذه ما منها فااايده يسييير يلحق عليييهم اول قبل لا يذبحووون بعض وعقب يفهم الساالفه..ربــــع صووووبهم وسحــب عاااادل بالقووووه وبعـــده وتم زااخنه..
نااصر وهوو يصااارخ.: عاااااااااااادل اشفيييك اشفييييك..منو هـــذا الي مدخلنه اهني !!!
سالم تم يتنفــس ع السريييع وما صــدق انه عاااادل هــدااااه وربـع صووب البااب وطـلع على طوووول..
عااادل يصاارخ بأعـلى صووته..ويحااول يفج نااصر عنه.: قووووووووووم عني قووووووم.خلني اسيييير الحقـــــه..قووووووووم والله بجتله والله..
ناصـر..: عاااااااااادل لا تخبلني قوووولي شو السااالفه منووو هــــذا..
عادل فـج عمـره بالقووو من ايدين نــاصــر وتــم يمشــي بخـطوااات بطـيئه صووب شـهـد بنظــراااااات كلها غضــب وشر..وهي تصيييح وميــته من الزيغـه ترتجــف وتبتعــد عنه..مره وحـده ربـعت وسـارت ورى نااصر وتمت قابضتنه من كندوورته وكأنها تبغيه يحميها من الي بييها منه وهـو مبحـلق عيووونه شرات الميانيين مب فااهم شـو الساالفه..سـار لها عــادل وهووو خلااص مفـــوّل ع الاخــر وقبضــها من شــعرررها بالقووو وسحــبها وياااه وكفــــخهاااا بكل قوته..حسـت انها بتموووووت من زوود الالم الي اتحس فيه وتمت اتصااارخ واتصيييح ونااصر مبهـــــت يبغي يفجها عن عادل بس مب رااااايم..وفررراها مررره وحـده فره قوووويه ع الارض زين ما تكسرت وشل عقااله من راسـه وتم يضـربها بدووون رحمـه وهوووو يصاااارخ باعلى صووت..(لييييييش سويت جــذيي..ليييييييش)..وهي تصااارخ وتصييييييح..(نااااااااااااااصر الحقـــني ناااااصر بمووووووت)..وناصر منصعــق يحاااول يسحب عادل صوووبه بس مب قاااادر..
ناصر يصااارخ.: ايييييييييييييه شووو بلااااك انت منهــد عليها جييييييه..شووووو الساااالفه فهمووووووني بتخبل
عادل فر نااااصر وهووو يصااارخ وعيووونه محمره ومليااانه دموووع.: انت جـــــــــــــب ولا كلمه يالحيواااااان..انت طرطووووووووور يالس اهني طرطوووووور!!!..24 ساااااعه بررررع اكيد ما بتعرف شــــي..ما بتعــرف هااااي الهاااااااايته الضااايعه شو تســـوي من ورااااك يالاثوووول..اووووونك مأمنييينك عليها بعـــد..(وهووو يضـربها بكـل قسـوه)..الله يغربـــــلها ان شاااااءالله.. انتي شووووووه..شووو من بنيـــه انتي..هااا شووووو؟!!..احلفــــي هـــذا الي شفــــته صــج!!!..قووووولي والله انه صــــج!!!..حراااااااااام علييييج والله حرااااام علييييج..سودتي ويوووهنا الله يسوووود ويهج ان شااااااءالله..هااااي سوواااات اتسويييينها يالجــــــلبه هاي سوواااات اتسويييييينها..وانتي مااالجه وعلى ويه زواااااااااج..وصلت فيييج المواصييييل انج اتدخليينه اف حجرتج..لاااا حيااا ولا مستــحى يالستلي عنده جــــذه وتضحكييين ويااااه..انا يووووم البشكاااره خبرتني بغيييت اتخــبل ما صدقت قلت لاااااازم ايي بنفسي واشووووف..تتحريييييييين محد بيعرف هااااا..تتحريييييين محــد بيعــــرف!..شوووو سوييييت لج انا قوليييلي شو سوييييت لج عشان اتسويييين فيييــه جيييييييييييه..
شهــد ميــــته من الصيااااح واتصااااارخ..: ااااااااااااه عااادل بس حرااام عليييييك ااااااااااه بمووووووت والله يعووور والله ..نااصر الحقني نااصر بمووووووت..
عاادل يحـس بحنجرته اتعوره من كثر ما يصارخ ..ويضـربها بكل قوووته ومب هااامنه..: ان شااااااااااء الله تموووتيييييييين..يا رب اتموتيييييييييييين ونفتك منج..يا رب تموتيييين يــــاااا رب..
نااصر تم فاااج عيووووونه يطـالعهم يبغي ايمع الكلاام الي قاااله عاادل ويفهم الكلااام بس يحس عمـره ضااايع مب قااادر يفهم شي.....سحـب عادل بالقوو وودااه على صوووب..
ناصر وهوو مبـطل عيووونه وبهدوووء.: انته شوو سالفتك؟!!..
عاادل قبضـه من صــدره بكـــل قووووه وفراااه ع الشبريه..: قوووووووووم عني انته الثاااااني قوووووم لا اذبحــك الحييييييينه..كـــله منـــك..كــله منك يالجــــــــــــلب انت السبب..اخــــتك الله يااااخذها ويفكنا منها سوودت ويوووووهنا ..غربلااااااااتها ان شاااء الله مضيعه المذهب..لكن لــو كـــانت محصــله حد يقعــد لها في البيـــت جان ماتجـرأت وسوووت جييييه..ساااار صوووووبها ومطها من شعــرها وقووووومها ورص ع اسناااااانه بقهـــــر ويصاااارخ..جــااااان مااتجـــــرأت وظـــهرررت ويااااااه.. (نــــزلت من عيوونه دمعــه حاااره على خـده ويحس بطعنااات في قـلبه لاااانه حبها من كـل قلبه ويصارخ باعلى صوووته..)..جااااااان ما اتجــرأت ودخــــلته البيييت..والله وقوووواااااات عييييييين عليها دخلته حجـــرتها بعــــد..دخلــــته حجـــــرتها الجــــلبه .دخـــــلته حجرتها الي ما تستحي..وفرااااها ع الارض بقوووه..
شهـد تصيييييح بصووووت عالي وجنها يااااهل من كثر العوار اتحس بجسمها كله اتكسر.: اااااه انا ماايخصــني ماايخصــني ..اااه حراااام عليييييييييييييك والله حراااااااااااااااام..نااااااصر الحق علي بمووووت بمووووت..
نـاصر تم عاقـد حيااااته يطـــالع شــهد وكأنه شـوي شـوي بـدا يستوعـب السااالفه وهوو يتذكـر الولد الي كان اهنـيه قبل شـوي..شهــد مااااتت من الزيغه وهي اتشووف نظراته وتمت تتنااافض..كـان يتقـرب منها بخطوات بطيـئه ويطـالعها وهوو مبهــت بس وقـف يوم سمع عااادل..
عادل يصاااارخ..: لكـــــــن والله مااسكـــت لها والله ماا بسكـــــت..اول ما عميي ومرته بيردووون من السفر بقووولهم عن سواااالف بــــنتهم المصوووون..بقوووولهم شووووفوا بنتكم الي هــديييتووها وســرتووا كيف احترمـــتكم واحترمـــتني واحترمت البيت الي هي يالسه فيييييه..واكبر دلييل انها مسويه علاااااقه ويا واااااحد.. ومب بس جييييه..دخلتــه وياااها البيييييت والحجـــــره..( شـــاتها بالقووو) ..عنلاااااااتها ان شاااااء الله دخـــــــلته ويااها الحجــــره الحيوااااااااانه..والله بقوووووولهم عشان يربووونج من اول ويديييد..لاانهم ما عرفـــوا يربووونج ماعرفـوا..والا لييييش اتريااااهم..الحييين بسييييير اخبر ابوووويه وعمووومتي كلهم عن سواد ويــــــهج وبخليييهم يأدبوووونج عــدل.. اااااااااااخ يالقهـــــــر..هاااااي بـــنت عمـــي الي حبيييتها من خااااطري..هاااي الي عزيييتها و وسوييييت لها الي تبااااه وما خلييت شي في خااطرها..اعــد الاياااااام متى اتمر عشاااان العرس..واقوووول في خااطري حلم واتحقق..واخييييييييرا استوت من نصيبي..ما عندي سااااالفه يوووم اني اتمنيتج تكونيين زووووجتي والله مااا عندي ساااالفه.. اتعرفييين انتي شووو بالنسبااالي الحيييينه..اتعرفيييين شووووه!!..جنج وحـــده لاقييينها في الشاااااارع ويااابووووها عـــله.. ..تف عليييييج وعلى شكـــلج ياللي ما تستحييييين.... سمعينييي من اليوووووم ورااايح انسي انه عندج ولد عم اسمه عااادل لاانج ما اتشرفينييي و متبري منــــج ليوووووم الدييييييين..وانتي طااالق طاالق طاالق..مب بس ثلاااااث الا عشر مراااااااات..مشـى بسررعه صووب البااب وظهر وهووو مغيـــض وبنفس الوقت ميت من الضييييج..موووول مااتوقـع كل هـذا يصيييير ..يحس جنه في كابووووس يبغي يصحى منه باسررع وقـت..
اتقرب منها نااصروهوو فاااااج عيوووووونه من الصدمه الي كانت وايد قوويه علييه وااااااايد.. كـلااام عاادل يدووور في راسه جنه دواااامه مب قاادر يستـوعبه ويحس عمره داايخ..وهي لحظتها كانت منهااره من الصياااح..يالسه تتطااالعه واتحس بجسمها كله يرجـف من زووود ماهي مترووووعه وضامه عمرها كأنها تبغي تحمي نفسـها اتحس عمـرها خلاااااص ما لها شـده على الضرب مره ثاااانيه كفااايه الي ياها..نزل عمـره ويـلس مجـابلها وهي باليلسـه اترد ع ورى وتتنااااافض
شهـد بصووت متقطع..: ما يخصـني والله ما يخصـني..جذااااااب لا تصـدقه..لا تصـــدقه..
قبضها مره وحــده من شعرهااا قبضـه قووويه ورد راسها ع ورى والشراااار يطااااير من عيوونه..
شـهـد تصيييح.: اااااه راااااااااسي ااااااه الله يخليك هدني بموووووووت..حرام عليكم والله حراام عليكم انتووو ما تحسوووووون ااه والله يعووووور.
ناصر يصااارخ بأعلى صوووته ومغيـــض من الخااااطر.: شو هالكـلاااااام الي سمعــــته ..قوليليييي شووووووه.. لييييييييييش تسوييييين جييييييييه..ليييييش ليييييش..تبين اتنزلييييين رووووسنا بالقااااع..تبيييين اتخلييين سمعتنا بالارض ..بشوووو قصرنا عليييلج قوووووولي بشوووو..هذا يزاانا وثقنا فيييييييييج هذا يزاانا..اخخ عليييييييييييج مسووودة الويــــه اخخخ..شفتــه بعيوووووني اف حجرتج والله العظيييم شــــفته بعيوووووني..اشقاااايل اتجـرأتي تدخلييييييييينه شقااااااايل اتجرأتي يالجــــلبه..اتعرفيييييين لو امي وابوووي عرفوا شو ممكن يصير فيييييهم..حرااام عليييج والله حراااام...هم رووحهم حالتهم حااااله يعابلوووون بميثوووه اخـتي الي ما ينــدرى عقب هالعلااااج كله اتظــل عاااااااايشه والا اتموووت..وانتي حضــرتج هااااااااي سوااااتج..بيلقووونها من وييييين والا من وييييييييين..(يرص ع اسناانه ويطالعها بنظرات كلها شــر) ..موووول مااتوقعــت انه هااااي سوااات اخـــــــتي انااااا..ابد ابد مااتوقعت ( وهوووو اييير شعرها بكـل قوووته..)..مااتوقعــــــــــــت..
شهـد تصاااارخ وتصيييييح.: ااااااااااااه ارحمني..ارحمني الله يخليييييك انا مالي ذنب ..قص علي والله قص علي والله ااااااه ..
نااصر.: اخ يالخاااااااايسه يعني تعترفييين انج كنتي على علااااقه ويااااه.. اكدتيلي هالشي الحيييييييينه.. انا برااااويييييج..انا براااااويييييج يالحماااااااره..مب عموووومتي ولا ابوووووي اللي بيربوووونج..انا الي بربييييييج..
هـد شعـــرها وقــبض ايدها بكــل غيييييض وتم يسحـبها وراااااه برع الحجــره..ونزلها ع الدري وطلعـها برررع وهي مصدوووومه ومبققه عيوونها تبغي اتعرف وين بيوديييها وبنفس الوقت اتصييح من الخااطر..تم يمشـي فيها في الحوووي لين ما وداها ورى البيــت صووب المطبخ وغرفة البشكاره..بس هوو عداا هالمكانيين ووداها سييده صوب غرفـة صغيييره كانت جرييبه من الزرع..ومحد دخـلها من فتره طويييله..بطـل باااب الحجـره وكــانت هاااديه و مظلمــه..حسـت شهــد بقبضه في قلبـها واطالعت ناصر وهي متروووعه وجنها عرفت الي يبااه يسويييه..من شاف نظراااتها ما همه دخلها دااخل بقوووه وفتح الليـت..كـانت غرفة صغيره ومب مأثثه..بس فارشيين فيها زوووليه ..فراااها ع الارض بقهــــر ..
ناصر يصااارخ.: من اليووووم وراااايح هذا بيكووون مكاااانج فاااهمه..عطينااااج حريتــج ما احترمتيييها..خلييييج الحيييينه محبووووسه في هالمكاااان الي المفروووض تنحطيين فييه من زماااااان من زماااان والا ما صاااار هـــذا كله..
تمـت شهــد تتطـالع حوالييينها وحســـت بخوووف مب طبيعي ..نشت بسرررعه من مكااانها وساارت صوووبه وهي تتنااافض وتصييح..
شهـد قبضت ايدنيه وتترجااااه..: لاااااااااااا نااااصر دخييييلك لاااااا..الله يخلييييييييك مابغي اتم اهـــني برووووحي الله يخلييييييك..حراام عليك انا اختك اهوون عليك اتسوي فييه جيييه حراااام عليك..
ناااصر دزاها بقووووه ويطـالعها بعصبيه ويصااارخ باعلى صوووت.: اتخسيييييييين انتي اختي..لاا اتقووليييين هالكلمه مره ثاااانيه..ماابغي اسمعها منج ماابغي فاااهمه..خلااااااص انا كرهـــتج اتعرفيين شوو يعـني كرهتج..قولي الحمدالله اني ما ذبحـــــتج..
مشـــى صووووب البااااب وكااان بيطـلع بس حس بايد تقبض رييييله ..نزل راسـه ولقااها تطالعه بنظرااات ترجي
شهـد..: الله يخلييييك لااا اتخلني برووووحي اهـــني..انا اخاااااااف لا اتخلني ابرووووحي حراااام والله حراااااااام الي تسويييه فيني حراااااااااااام..
سحـــب رييـــله بغيييييييض وظـهر بسررعه وبند البااب وراااه وقفـــله..تمت هي ياااالسه ومنصـــعقه من سمعت صووت القفل..وقفت بسرررعه وتمــت اتدقدق ع الباااااب بكل قوووه وهي تصاااررخ وتصيييييييح..(لاااااااااااااااا ناااااصر لااااااااااااا..تعااااال فج الباااااااب الله يخليييك فجه..حراااام علييييييك اتخليني ابروووووووووحي اهني..نااااااصر تعااااااال ناااااااصر..دخيييييييييلك تعااال تعااال لا تهـــدني بروووووحي والله اخااااااف والله..) نااصر كان يمشـي ويسمع صووتها بس ما حـرك فيييه ولااا شـي من كثــر ماهوووو مغيـــض ومقهووووور يحس انه هـذا شويــه..هذا اقـل شي يسويييييه عشان يخليها تتأدب..
يلست ورى الباااب و هي ململمه عمرها ومنزله راااسه واتصييح..يوم حسـت انه خلااص نااصر ما يسمعها ومافي امل يرجع لها..رفعت راسها وتمت تطالع حوالييينها حسـت بخوووف مب طبيعي وتمـت اتصييح بصووت عااالي شرات اليهاال..طاحت عيوونها على الدرييشه ونشـت بسرعه وسارت صووبها على طوول..فجتها وشـافت انه فيها حدايد ..حست بخيبـة امــل لاانها كانت ناويه تطلع منها وتمت واقفه صووووبها وتصرخ..(طلعووووووني طلعوووني من اهني حرااام علييييكم..ماابغي اتم اهني برووووحي ماابغي ..ناااااااااااااااااصر تعاااال ناااصر طلعني حرام علييييييييك..بهتت وشهقـــت مره وحـده يووم سمعت اصوااات عجييييبه و غرييييبه من بررع..بندت الدرييشه بسرررعه وهي ميتــه من الزييييييغه وتتنااااافض..يلست ع الارض وهي تصيييح بصمت وتشاااهق ..حطت ايدها ع قلبها وحسـت بنبضااااته اتزييد من زوود ماهي متروووعه..تمت تقرى المعوذاااات وهي تتصــد كل شـــوي من الزييييغه..هـدت شوي بعـد ما خـصلت ويلسـت اتصيييييح وهي تتذكـر كل الي صاار لها اليوووم..مووول ما كان على بالها ولا اتوقعت كل هذا يصييير فيها..
...............................
اليووم الثاني..الظهـر..طـلعت من حجـرتها وميــته من الضيييج على الي صاار فيها وعلى الي تباا تسويييه..بس شو بتسوي غصبن عنها ..سـارت صووب حجـرة أمهـا..بطلت الباااب ولقـتها واقفه عند الكبت وجنها اتدور شي..حست انه حد دخل فصدت عليها وسارت صووبها..
ام جاسم.: هلااا امـي هلااا عووشه..
عوشه حبت راسـها..: اهليييين اميه اشحالج
ام جاسم.: بخير فديتج انتي جيف حاالج الحييينه ان شاء الله احسـن قلتي انج تعبااانه..
عوشه.: هييه اميه احسن لا تحاتيييين..شو تسوييين؟
ام جاسم.: يـاسه ادوور على طقم الالمااااس الي خذته هاك اليوووم وطقم الذهب الي من زمان عندييه ماادري وييينهم..
عوشـه.: اكيييد موجووداات يمكن حاطتنهم مكاان ثااني اميه دوري عدل
ام جاسم وهي تطـالع ويهها بتمعن.: هي ما علييه بدورهم عدل خلااف.. اقوووول امييه.. انتي شكلج لين الحيينه تعباااانه بلااهن عيوونج جذه محمرااات فدييتج..
عوشـه والعبره خانقتنها.: امييه طوول الليل ما نمت من التفكييير..
ام جاسم اتقربت منها ولوت ع جتفها وهي تتطالعها باستغرااااب.: شو بلاااااج حبيبتي في شوووو تفكرييين..
عوشـه بـدت تذرف واتحس بقلبها يتقطع لاانه بالغصب اتقول هالكلام.: اميييه خلااااااااص انا ماابغـي امـلج..هالريااال انا ماابغيه..
ام جاسم انصعـقت في هاللحظـه وبطـلت عيووووونها.: شوووووه!!..انتي شووو تقولييييين..اتخبـــلتي!!!..
عوشـه.: امييه ماابغييه انا مضيجه ومب مرتاااحه من سالفة الملجه..
ام جاسـم معصـبه.: لااااا والله !!..اليوووم يايه اتقولييين هالكلااام..!!..شكلج ناسيه انه باجر الملجه..شووو ناويه تفضحييينا جدام العرب..واشحقه ما رمستــي من قبل
عوشـه.: من هاليووميين وانا حاااسه بضيييييج موول مب مرتااحه دخيلج اميه ماابغيييه..
ام جاسم.: لييييش فديييتج ليييش ترااه ريااال زييين وما ينعااااب وما بتحصليين احسن منه وهالكلاااام مووول مب وقته..خلااااص يااميييه باجر الملجه..
عوشـه.: خلااااااص هالملجه مستحييييل اتم اميه مستحييييل..
ام جاسم.: ان شاء الله بتم غنااتي انتي لا تحاتيين ولا تفكريين وااايد شرات ما قلتلج تراه ريال زيين وما ينرفض ..
عوشه.: دخيييلج افهميني اماايه انا ماابغيييييه مب مرتاااحة له ..
ام جاسم.: انزييين ليييييش سامعه عنه شي؟!!
عوشه.: لااا..بس اميه انتي ما يرضييج اخذه وانا مب مرتاحتله ومب مقتنعه فيييه..
ام جاسم.: واشمعـنى ارتحي واقتنعتي من البدااايه..جااان قلتي انج مب مواافقه وخلااااص ع الاقل ما بتفضحيني جداام النااااااس..الحيين شو تبيني اقووولهم..اقوول بنتي ما تباا ولدكم لاانها حست انها مب مرتااااحتله..لااااا والمصييبه انه الملجه بااااجر..شو تبيينهم يقولووون عنا!!
عوشـه وتحس بعوااار في القـلب وتتذكـر الكلااام الي قاله منصوور لها امس في التلفوون.: امييه لا تحاتيين ما بيقولون شـي..(وبصووت واطي)..هم الي ما يبوووني..
ام جاسم.: شوووو قلتي؟!!.
عوشـه.: ماشي..امااايه دخييييلج حسي فيني..ماابغـي اخذه غـصب ماابغي..
ام جاسم.: ياامييه يا عووشه محد بيغصبج عليييه بس لييييش ما قلتي هالكلاااام يوووم خطبوووج..
عوشـه.: ماادري ماادري المهم انا ماابغيييه ..رمسي ابوووي..
ام جاسم.: لا حول ولا قوة الا بالله ماادري شو جـلب حاالج جذه..كنتي مستااانسه ومرتااحه..الله يستر بس شو بيسـوي ابوووج اذا عرف..
عوشـه.: دخيلج اميه حاولي تقنعيينه قوولي اني مب مرتااحه من هالساااالفه..وانا ماابغي اغصب عمري واستعيل امييه ورااااي 4 سنوااات دراسه..لااحقه ع الزوااج والمسؤوليه..
ام جـاسم .: عوشوووووه اخاف حـد تارس مخـــج بس..مريومووو ما قالت لج شي!
عوشه.: لاااااااا اميه حلييلها مريوووم..بالعكس هي وايد فرحاااانة لي..اميه دخييلج ابغي افتك من هالسالفه بسررعه..
ام جاسم تتنهـد بضيييج..: يصير خييير..
..................
جريب المغررب في سيـارة فوااااز..كان مبركـن عند البييت ويترياا جاسم ينزل..
فواز.: افففففففففففف يلاااا روووح وخلصني..
جاسم.: الحين انا ابغي اعرف انت بلاااااك محررررج اليووووم..مااحيدك كلت فلفل ع الغدا..
فواز.: يعني اشلووون تبيني اكوون..اضحـــك واستااانس وانت بتروووح عني اليووووم..
جاسم.: هههه له له له امنووو قــدي..قوووول جي من قبل ..كل هذا عشااان بروووح..يااخي يووم انك جذه اتحبني وما تبا تفارقني تعاال ويااي..
فواز.: انزين يلا جب وانزل الحييين..مالي شغل لو طارت الطيااره عنك انا..
جاسم.: هههههه انت تتمنى اصلا عشان اتم عندك زيااده..
فواز.: مااااالت على هالويه..يعني واايد مصدق رووحك..الا قووول مليت من كثر مااجابلك..
جاسم.: هههههههه والله جذاااب توك تقوول مضاااايج ومحررج لااني برووح عنك..
فواز.: الحين انته بتنزل والا شلووووون؟!!
جاسم.: يااخي ماادري والله متردد انا رووحي مقهوووور وقايل اني ما بطب هالبيت مره ثانيه بعد اللي صاار وانت تبااااني اسييير لهم الحيينه..مااقدر فوازووو مااقدر..مابغي اجابلهم حاس لو شفتهم بقوولهم كل شي من زوود القهر..
فواز..: يالاثووول هذي خاالتك لاازم اتسير تسلم عليها قبل لا ترد دييرتك..وبعدين يلا بلااا خباااال ..يااخي مليوون مره قلتلك خلاااص انسى الي انا قلتلك ايااه..تدري اني ندمت لااني قلتلك..يااخي انت الي تقهـر..يمكن الكلاام الي سمعته مووو صج..وتلفونها لي كـان بدافع الرفض..
جاسـم وهو يقلده بطناازه..: تلفوونها لي كان بدافع الرفض..لاا والله!!..يعني مااترووم اترمس امها والا ابووها واتقوول انه ما تبااااك..لااااااازم هي تتصل!!!
فواز.: اممممم يمكن قالتلهم بس ما سمعـوا كلاااامها ..
جاسم.: اسكت اسكت الله يخلييييك لا تحااول اتدافع عنها خلااااص طاااااااحت من عيييييييني..ان شاء الله بش مااشوووفها الحينه..يلااا عيل بنزل..
فواز.: زين يلا رووح بس لا تتأخر انطرك انا..
....................
في سيـارة حمــد..
مريـم وهي مبتسـمه.: ما بتنزل؟!!
حمـد.: لاا فـديييتج مواعد ربعـي اليوووم نطـلع كـلناا..نستعيــــد اياااام زمااان..
مريم.: هههه يا حيكم والله..وان شاء الله بس كلهم متزوجيين
حمـد.: ههه هييه لا تحاتييين سوووها قــبلي..
مريـم.: زين زين الحمدالله..خلااص حبيبي ان شاء الله تستانس في طلعتكم..دير بااالك على عمرك..
حمـد.: ان شاااء الله من عيووني..
بطـلت البااب ونـزلت من السياره اول ما تبا اتسكـره زقرها..
حمـد.: مريـــم..
مـريم.: هلاااا..
حمـد.: أحــــبج..
مريم.: هههههه خلااااص كبرنا على هالسوااالف.. ماااال ايام الملجه هالحركاااات..
حمـد.: ههههه ولهت عليها شسوي..يلا ردي علي..
مريم.: ههههه زييين وانا بعد احبك..
حمـد.: ههههه فديتج يلا سيري..
مريم.: اوووكي يلا مع السلااااامه..
حمـد.: ربي يحفــظج..
ابتسمـت له مريم وراحـت عنه ودشـت البييت..اول ما كـانت بتدش دااخل غيرت راايها واتذكـرت عااايشه..حست انه متولهه عليها واايد لاانه امس موول ما شافتها..سارت صووب حجرتها ..دقت الباااب وفجــته على طوووول..فرحـتها ما تنوصــف يووم شـافت مريم واقفه مجابلتنها..ســلمت علييها مــريم..
عايشـه..: هلا هلا فدييييتج ويينج عني امس..
مريم.: ههه ما رمت ايي خالووو انشغــلت..شخبااارج وعلووومج ان شاء الله بخير..
عايشـه.: انا بخييير ربي يسلمج شخبااارج انتي..
مريـم.: انا الحمدالله بخيييير فديتج..
عايشـه.: تعااالي اميه تعااالي يـــلسي..
ساروا صووب السرير ويلسـوا علييه..
مريـم.: اتولهــت عليييج وعلى سواالفج خالوووه..امس كنت حااسه انه ناااقصني شـي..
عايشه.: يا بعـد عمـري والله اني افتقدتج..
مريـم.: الحمدالله اني قـدرت ايي اليووووم..
عايشـه.: هييه الحمدالله..وشخباارج بعـد غناااتي شو الدوااام؟!!
مريم.: الدواام مرتااحه فيه الحمدالله..
عايشـه.: الحمدالله يعل ان شااء الله كل شي اتسويينه ترتاحيين فييه..ربي يوفجج فديتج..
مريم وابتسامه كبيره انرسمت على ويهها..: ان شاااء الله آمييين خالووه..شخبار عياالج ان شاء الله كلهم بخييير..
عايشـه.: الحمدالله فديت رووحج كلهم بخييير..وعووشه شخبارها فديييتها مفتقدتنها هي بعد..اكييد مستااانسه عشااان بااجر..
مريم.: هههه هيييه واايد مستااانسه خالوووه جنها مب مصدقه..
عايشه.: حلييييلها والله ربي يهنييها ويوفجها ان شاااااء الله وااايد فرحتلها وااايد فديييتها..
مريـم.: ان شاااااء الله آميييين..
عايشـه.: وأميـــره شخبااااارها واخبااار الصغيرووونه وياها والله في خااطري اشوووفها..
مريـم.: الحمدالله بخيييير..افاا عليج خالووه مصورتنها بتلفووني براوييج اياها الحينه..شلت تلفوونها وطـلعت الصووره وراوتها..
عايشـه.: فديييييييتها انا اشحلااااتها يا ربيي..ماشاءالله عليييها..ربـــي يحفظها ان شاااااء الله..يا حيااااااتي احسها تشبه امييره..
مريم.: هههه هييه كلهم يقولوون جــذه..
تمـت فتـره ميـوده الموبااايل وتتطـالع الصووره وتتأمــل فيييها..حسـت انها بتصييح وقلبها يعورها وهي اتشووف..تبغي اتقوول انه هي لها علاقه بهالبـنت..هي اتصير يـدتها..في خااطرها اتشيلها واتضمها..تبغي الكل يعرف انها صاااارت يــــده..بس طـبعا هـذا من سابع المستحيلاات..قاومـت دمووعها قـد ما تقـدر انها ما تنزل وتفضحها..ابتسمـت وعطـت التلفووون لمــريم..
عايشه.: ماشاءالله عليييها ربيي يحفظها من كـل شــر وتتربى في عزكم ياا رب..
مريم ردت لها الابتسامه.: آميييين فديتج..
.........................
كـان واقف عند الميلـس الي متيمعين فيها الشباب..متساند ع اليدار وتـوه بس اتصل فيها ويتريااها ترد..
مـنااال ومبين على صوتها التعـب وانها تصييح.: نعـــــــم؟!!
طلال.: هلاااا هلااا حبي هلا حيااااتي هلا قلبي..شلووونج ..طمنيني عليييج..
منال.: حقيييييييييير لاا تقعد تسويلي هالحركااااااااات..انا خلاااااص كرهتك كرهتك على كثر ما حبييييتك..ابغي حل حق هالمصيييييييييبه..
طلال.: الله يساامحج..بعتبر عمري ما سمعت كلااامج هذا الي يجرح..اااه لو تدرين بس اشكثر انا احبـج..وترى الي صاار هذاك اليووم يوم خبرتيني كـانت مثل الصدمه لي مااتوقعتها..من جيه انفعلت وما عرفت شوو اســـوي..حـتى عقبها سااافرت من الضيييييج قلت لاازم اغير جووو واليوووم انا رااد وحاس اني مشتااق لج وااايد واااايد..
منال.: انا كـــل هذا ما يهمــــني انا ابي الحل حق هالمصييييبه تكفى ابغي حل..
طلال.: وانا ليييش متصـل الحيين؟!!..متصل لااني عندي الحـــل..طوول الفتره الي كـنت فيها في السفر وانا افكـر في الحـل..عشان تدرين بس انتي اشكثر غاليه عندي..
منال.: قوووووول بسرررعه قوووووول شنو الحل..
طلال.: اول شـي اتقوميـن الحين وتتزهبييين لاان بنروح العيااااده..ترى انا ماخذ موووعـد..واليووم موعد العمليه عشاااان اتطيحين اليااهل..وبعـدها بيووووم ان شاء الله بييب اهلي وبنخطبج ..هااا اشقلتي..
منال تصييييح..: لااااااااااااا عمليه لااااااااااا..ماابي مااابي..انت ينييييت!!..ما فكرت في اهلي الي بيحاتووني اذا شافووني غايبه عن البيت كمن يوووم..
طلال.: ياا حيااااتي منو قالج بتقعدين عندهم كمن يوووم..اليوووم العمليه وباااجر بتطلعييين ويمكن اليووم بعد..هذي عياده موو مستشفى..انتي قولي لهم بسير اليووم ابات عند رفيجتي ..واحلى شي انه باجر ماكوو دوام يعني اكيد بيرضووون..
منال.: انزيييين وانته..انا شو يضمن لي انك بتـوفي بوعـدك.!!
طلال.: يا منااال اشفيج انتي..انا ابغي افتك من هالساااالفه اكثر عنج..تتحسبيني انا مرتاااح يعني!!..لاااا والله..بس خلاااااص حبي شي وصااار وكان مكتوووب..لا تخافييين يا بعد قلبي انا حبي لج مثل ما هووو..والله احبج والله وموو متخيل حيااتي بدووونج..انا ابغيييج انتي وماابغي غييرج..صدقييني..زين مب مشكله..اذا بعد العمليه شفتي اني ما يبت اهلي وقصيت علييج..افضحيني وسوي فيني الي تبيينه..وانتي رووحج تدرين انا ولد منووو..وشنوو ممكن يصير لو فضحتيني..يعني انا خاايف من الفضيحه اكثر منج..
منال.: ماادري طلااال ماادري انا وااايد خايفه من العملـيه حااسه اني بموووت فييييها..
طلال.: لا تخافين يا عمري انا بكوون وياج..وبعدين انا ما بوديج اي عيااااده..بوديج احسن عياااده في الدييره..والدكتووور الي فيها متخصص في هالمجاال ووايدييين يروحوون عنده ويمدحووونه..
منال.: متأكـــد!
طلال.: ايييه حبي متأكــد..يلاااا حياااتي اتزهبي بسررعه وبي امر عليج عشان ما نتأخر ع الموعد زين..
منال اتصيح وحاسه بخووف مب طبيعي بس بنفس الوقت تبغي تفتك.: خلاااص اوووكي..
سكر عنـها وعلااماات الفرحه بينــــت على ويهه ودش الميييييلس بسررررعه وهووو طاير من الفرحه..
عبدالله..: هااااا شنووووو بشــــــر!!
طلال.: هههههاااااي وهي تقدر تقووول لااا!!..قصيت عليها بكلمتييين ورضت..المهم الحيين يلا قومووووا خلوونا انسير المكاان الي اتفقنا عليه وافتـك من هالساااااالفه اففف هم على قلبي..
فواز.: شسااااالفه اشفييكم!!
بدر.: ههههه اووووو فوازووو ما يدري عن شــي..قووم قووم معانا وبنفهمك كل شي بالطرييج..
فواز.: لااااا لااااا ابي افهم كل شي الحيييين..
طلال.: زييين زيين اسمع..وتم يقوووله الساااالفه من اولها لييييين الي يبووون يسووونه الحييييييين..
فواز انصـــعق وتم يمرر عيوونه على ربعــه وهوو مصدوووم فيهم مااتوقع يكون تفكيرهم جيييه..ولا اتوقع انه يكووون قلوووبهم حجــــر..يعرف عن سوااالفهم والي يسووونه في البنااات بس ان تووصل لهاي الدرجه ابـــد مااتوقعها..
فواز وهوو مبطـل عيووونه..: من صـــجكم انتووو من صجـــكم!!..حراام عليييييكم..لو شوو ماسوت المفروووض ما تفكروون في هالشـــــي..ما فكــرتووو بالبنت واهلها!!!
طلال.: فوازووووو الحين مو وقته هالكــلاااام..انا الي براااسي بسويييه ومستحييل اغير رايي..بتي معانا والا شلوووون!!..
فواز مبطـل عيوووونه يطـالعه مصدوووووم..
طلال.: فوازوووووو احااجيك انا..
فواز وهوو يفكـر في شــي يوقفهم عن الي بيسووونه..: هااا..ايه اييه بيي..بس بلحقكم انا زييين..قولوولي ويين بتكونوون؟!!
بدر.: تعرف المكااان الي كنا ننصب فيه خيمه ودايما نتيمع فيييه..
فواز.: ايه ايه اعرف..
بدر.: زييين بتلاقينا اهناااك..واذا ضعت وما عرفت وييين اتصل..
فواز.: خلاااااص اووووكي..
طلال.: انزين..الحين انا بروووح بسيارتي امر عليها..وانت بدّووور خذ معاك عبدالله والحقني بسيارتك..
بدر.: اووووكي يلا نسييير..
نشـوا وطـلعوا برع..فواااز تــــم ياااااااالس مبهـــــت..هاذيييله شكلهم جادييين بالي بيسوووونه..هو عارف ومتأكد انه حتى لو رمسهم او قالهم لاا تسووونها ما بيسمعوون كلامه يعرفهم زيين..شاف انه يلسته جذه ما منها فاايده لاانه في شي يدوور في راسـه ويبغي يسويييه..لاااازم يسويييه اصلاااا عشان يوقف ربعـــه عند حــــدهم..وماينفذووون الي برااااسهم..حرااام والله حرااام..طلع بسرررعه وركـــب موووتره..وهووو مب هااامنه ولا واحد من ربعــه..كل الي هااامنه البـــنت المسكيينه بس..وتم يسووووق بسرررعه ليــــن ما وصل المكان الي يبغيييه!
|