متسـانده ع الســرير وترمس في التلفووون واتصيـــح...
شهــد: اقووولك اتفقـوا الملجه تكوون بعـد اسبووع واتقولي ليش اتصيحين..
سـالم: عااادي فـديتج ليش مكبره الموضوع انتي..شو يعــني ملجه؟!!..مافي شـي بيتغير في علاقتنا..
شـهد: بس ســالم والله مااقدر اكون على ذمـة ريـال ثااني غيرك مااقـــدر انت شوو مااتغـــار؟!!
سـالم: اااه يا قـلبي الله العالم بس اشكـثر انـا اتعـذب من دااخلي وانتي يبون يغصبونج..
شهـد: شوف سـالم,,بعـده باجي اسبووع ..تعال اخـطبني بس خطووبه ع الاقــل..
سـالم: وانتي عبالج يعني اهلج بيفضـلوني انا على ولـد عمج؟!!..ماايصير شهــودتي حبيبتي خلااص ارضـي بنصيبج..
شهــد: ااااه مااقــدر مااقدر اتخيــل عمري ويا واحـد ثاني غيرك..
سـالم: انزين انتي ليـش ما تتصـلين في ولد عمج السخيف هذا واتفهمينه انج ماتبينه..؟!
شهــد: لاااااا شووو من صجـك انته!!..استـــــحي..
ســالم: يااااااالله اونج تستحيـن..يعني يوم رمستيني انا مااستحيتي ..تستحين من ولد عمج؟!!...
شهــد: اشقـــصدك يعني..
ســالم: ماشــي ماشــي..
شهــد: ســالم انته غيـــــر..سـالم والله احــبك..
سـالم يتنهـد واونه مضايج..: يليـت بس تثبتيـن لي صـدق انج تحبيني..
شهـد: يعـــني انت مب مصــدقني؟!!..
سـالم: امممم كل وحده اتقول حق واحد اتحــبه يعـني هي صــدق اتحبه؟!!.
شـهد: بس انا اظـهر ويـاك شو تبـا اكثر عن جــيه..
سـالم: انا ابغـي احـس انج مـلكــي..خلااص انا معتبرنج شـرات مـرتي..يوم اقولج ننزل مكان اتقولين لااا..يوم اقولج بنحجـز ليله وحـده بــس ليله وحـده في فـندق راهـي اتقولين لا..ويــن الحــب الي اتقولين عنه قوليلي..
شهـد: ســالم شقايل تباني انزل وياك وبعده ماصار بينا شـي رسمي..
سـالم: افااا وانا اقول هاي الي اتحــبني وميته فيـني..ما عليه ..ماعليه..خلااص اخليج..
شـهد: سالم حبيبي دخيييييلك لا تزعل انا روحي الي فيني كافيني..
سـالم: يلا بـــاي..
شهـــد اتصيــح من الخاطر: ســـــالم الله يخـــليك...
سـالم: ااه لو شو مااتسوين ماتهونيين علي..وبعـد مب واثقه فيني لكـن الله يسامحج
شهـد: والله واثقــه فيك حبيبي ..انا لو ماكنت واثقه فيك ماكنت برمسك ولا بظهر ويااك..الحيـن قولي انا شو اســــوي..
سـالم: خلاص تراج اتقولين اتفقوا على كـل شـي..مابيدج الا انج ترضين بالواقع..
شهـــد: ااااااه مااقـــــدر..
سـالم: فديتج انتي لا تكبرين السالفه..شوفي,,انتي على ايام المـلجه لا تعطينه ويـه واايد ولا تعبرينه ليـن ماحس انج مـاتبينه وعقب عاد غصبن عنه بيطلقـج..
شهـد: خـلااص اوكـي بس انت خـلك ويااي دخيلك انا مالي غــنى عنـك..
سـالم: اكيــد حياتي انا بكون وياااج اصلا انا الي مااروم اعيش من دونج..
شهــد: فــديتك والله..
سـالم: يلا عيل حبي اخليج الحينه..
شهـد: اووكي فـديتك..
سـالم: يلا بــــاي..
شهــد: باي..
........................
مر اسبـوعين على خيـر وتقـريبا ماصار فيهم شـي يــديد..شمـا بدت تتحسـن حـالتها بعـد ماخبرت حمده عن كـل شـي..وحمده مب مقصـره معاها بشـي..اي وقـت شمـا محتايتنها اتيها..مـايـد بـدا شوي شـوي يتغيــر على نـوال للاحـسن طـبعا..لاانه خـلااص يحـس مابيده الا انه يتقرب منها ويعـاملها بطريقه حلوه لاانه هالشـي بيــريحه هوو وبيريح نـوال..وخصوصا انه اتفقوا يكون العرس عقب ثــلااث شهور..جــاســم,,مافي شـي يديد في حيـاته الا انه يوم عن يوم يزيـد حبه لمنـال وكلمـا يقول في خـاطره بيقولها عن الي يحـس فيه يتردد ويقـول لاا بعـده..وشكـله ليـن الحيـن ماله نيــه يرجع..!..
.
.
مــنى يـالسه في الصـاله واترمـس نــوال بمبــايلها..
نــوال: ههههههه اقووول,,هزاعووو والقطـوه الســوده يسلموون عليج..اونه ســلاام خااااص حق ام النعااال..
منـى: هههههههههه جب حقيييييييييره وحده الله لا يسـلمهم..هذا اخووج سخيييييف والله..والقطوووه الله يااخذها ان شاء الله ليـن الحينه في بيتكم..!
نوال: هههههه ماادريبها والله..تدرين كل مااتذكـر السالفه ايلس روحي اضحك شرات الميانييين..
منى: هههههههه ســــــباااااله كله منج انزييييييين..ههههه اسكتي انا اخــس عنج كلما اتذكر انقع من الضحك على شكـلي..
نوال: ههههههه انزين انتي غبيـــه تراج..ترى ورا البيـت شـي باااب ثاني يوديج الصاااله..
منى: جب جب وانا اشدرااااني يعني انه شي باب ثااني ..انزين بس الله يخليج لا تذكريني هههههههه
نوال: هههههه هزاعوو دوم يسأل عنج اونه شخبارها ام النعااال ويضحك..
مــنى: ههههههههه خاااااااااااااايس والله..عيل الهـرم كان واقف يراقبني من بعيد ويضحــك هاا..
نوال: هههههههههه هييييه..
منى: خيااااااااس انتي ويا اخوووج ..(انفتح بـاب الصاله ومـايد الي كان داش)..هههه وصل وصــل..
نوال: ويييييي فـــديته..عطيه عطيه التلفون..
منى: جـــــب يلاا لو تبين روحج اتصلي فييه تبيــن اتخسريني انا اشحقه!
نوال: زطـــــــيه والله..عطييه ما بطــول..
منى: اففففففففف,,مــايد..تبا اترمســك هاي..
مايد: منوووو؟؟
منى: منو بعــد..نوالووو...
سار مـايد صوبها وشل عنها التلفون..
مـايد: الوو,,هلا والله,,تمام انتي اشحـالج؟.....تــمت مـنى مبطــله عيووونها وهي اتشوفه ساير صووب حجـرته..دش داخل وقفــل الباب ورااه..
منــى: لاا بـــالله تم شــي من رصيدي..حسبي الله علييييج يا نوالوووو
.....................
أمـــس ردوا حمد ومـريم من السـفر..وكانوا مستانسيـن ومرتاحين وايد الايام الي طافت الا هاليوميــن الي كانوا في جـولد كـوست لاانه شـافوا رهـف مرتين غير المره الي طـافت وكـانت توقفهم وتتـرجا حمد من دون لا تهتـم لوجود مريم ويـاه..بس حمد ماكان يسـويلها سـالفه ويطنشــها..هـو اكبـر من انه ينجــذب لهالنووع من البـنات..وماخـلى مريم ثاانيه وحده بروحها من بعـد الي صـار..عقب مـاطلعوا من هالمنطـقه ارتـــــاحوا من رهــف واستانسـوا خصوصا انهم ماكانوا رواحهم..احــمد ربيع حمـد وشووق كانوا ويــاهم..كل مكان كـانوا يظهرون ويـا بعض وابدا ماحسـوا بمــلل..شوق ومـريم وايد خـذوا على بعــض وكـانوا شرات الخـوات اهناك..حـتى الاغراض الي خذووها نفس الشـــي واتفقوا انهـم ماينقطعون عن بعض في البــلااد..يتزاوروون ويتصلون في بعـض..في هالوقت كانوا متمعين بيت حمــد..اميره وراشــد..حمده وعووشه..حمد وراشـد يالسين يسولفون في صووب والبنات متيمعات حوالين مريـم..اميره يالسه حذالها وحمده وعوشه يالسين على ريولهم ع الارض جدامها..
عوشه: انزييييين وبعد شو اســـتوى..
مريم: ههههه انا ابغي اعرف الكنبـه اشطولها اشعرضها يالسين تحت اشحقه!
حمده: يااختييه متولهات عليييج انزين نبا نشووفج فيس تو فيييس
عوشه: هي والله مريووووم حدددي متولهه عليج كيفكم يا ابات عندكم اليوم او انتي اتين بيتنا..
مريم: ههههه يصير خير ان شاء الله..
عوشه: اييييييه من صجي انا..
اميره: ما عليييج منهن قوليلي بعد شو سويتوو..
مريم: هههه بس قلتلكم كـــل شي بعد شو تبوون تعرفون..
عوشه: ويا رااااااسج ما يبتيلي كوالا..قايلتلج انا..
مريم: ههههه يبتــلج تراااني..
عوشه: لاا لاا ابغـــي الصجي انا..
حمده: غبـــــيه هااااي..وين تبينهم يحطونه لج يعــني؟!!..
عوشه: افففففف انا مااحب الي يرزوون الفــــيس..ترى رزة الفيس من طـــبايع الــــ...... شسمه هذا..هههههه
حمـده: هههههه جب جب يالبقــره..انزين ماااعليـــه..بشوف منو بيخليج تنامين وياي اليووم..اميروووه خذيها وياج البيــت انا مايخصني فيها..
عوشه: ههههه حبيبتي بنام عند اختي اليوم صــح اختييه؟!
مريم: هههه هييييه صح..
حمـده تشــهق..: بترقـــدين هاي عندج وانا لاا!!..ماايخصني انا بعد ابـغــي..
اميره: هههههه الله يعينج شو بيفكج منهم الحين..
مريم: ههههه خلااص اليوم كلكم تعاالو عــندي..
اميره: هههه انزين عيل مريووم تقولين استانستوا هاا..
مريم: هي والله واااااايد..
اميره: مـــالت علي محد يوديني مكــــان...
مريم: بعـد يوم ريــلج مزاااجي شو نسـوي فييه..ان شاء الله السنه اليــايه كلنا بنسير..
عوشه: هيييييه اكيــــــد..
حمـده: احــم,,انا وريـلي بعـد بني وياكم..
مريم: ههههه اووب اووب..امنوا قدج اخاف عقب مااتسويلنا سالفه..
عوشه: عااادي اتوقعي منها..يوم الحيــنه نستناا بعد وين لو عقـب..
حمده: افففف انا هاي تقهــرني..الحين انا متى نسييييتج..
عوشه: لاا موووول..خليني ساكته بــــس..
مريم: يلا عااد مب وقت ضرابه الحينه..قولولي انتو شريتوا اغراض حق الجامعه والا بعدكم..
عوشه: لاا يااختييه اتريا آنسـه حمده متى اتقرر عشان انسير..
اميره: مابــاجي شــي واتخلص الاجــازه..اسبوعين بــس..
عوشه: وانتي شو هاامنج عااد لاا شغل ولا مشـغله كل ايااامج اجاازه..
اميره: هههه اسكتي والله الا انا هامني اكثر عنكــــم..موعـــد الولاده بتجرب..الله يستر بس
مريم: لاا تزيغييين عااادي..كل وحده اتمر في هالشــي..الله يسـهلها عليج ان شاء الله..
اميره: ان شااااء الله..
عوشه وهي تنش من مكانها..: اففف انا تعـــبت..وتقعـد حذال مريم..
مريم: ههه وانتي حمدووه يلا قومي..
حمده: مافيني بعـد اتقول هاي اتقـلدني..
عوشه: ههههه اصلا امبوونج قلاااده..
حمده: جب جب..واتنش من مكانها وتقعد حذال اميره..بس عشان مرت اخووي قالتلي..
عوشه: ههههه والله جـــذاااابه..انزين ويا هالويه متى بنسير نتشرى ماشي وقــت اسبوعين وبنداوم
حمده: كيييييفج انا بسير ويا ريـــلي احــم..
عوشه تشــهق وهي مبققـه عيونها وتطالع اميره ومريم: شوفوووها الخــــاينه..الحيــن انا من متى اتريااها وآخر شي اتقول بسير ويا ريـلي..
مريم: هههه ما عليه خل اتسير ويا ريـلها..نحن بنوديج انتي وباخذلج اشياء حــلوه..اما هي ماعندها حد تاخذ رايه اذا بتاخذ شي..طبعا ريـلها اكيد مايعرف هالسوالف..
عوشه: احــــــم فديييت اختييه انا..خلااص خلااص..سيري وياااه خل ينفعج..
حمده وهي تلوي على ايـد اميره..: لاا فـــديتكن بتغايضني اونــكن..انا بعـد اختي حبيبتي بتاخذني بتوديني وبتختارلي اشياء حلوه..
اميره: ههههه منو اخــتج..انا ؟!!..لاا فديتج سيري مااعرفج انا..
حمده تحايس بشفايفها وتطـالعها..: افاااااا..مامنج فااايده اخت ع الفااضي انتي..خل اسير عند مريووم ابركلي..ونشت ويلست ع الارض مجابلتنها..
عوشه: هههه سييييري سييييري يلا ماايخصج في اختييه..
حمده: جب جب مرت اخووووي..
مريم: ههههه خلااص خلااص بنسير كــلنا..
يوقف راشــد ووياه حمـــد..
راشــد: يلااا عيل انخليكم نحــن..يلا اميره نسير...
حمـد: وين يا رياال توه النــاس يالسين ترانا..
راشـد: لاا بــس من متى يــايين نحــن..
مريم: شو من مــتى راشــد توكم يايين..
راشـد: ههه ان شاء الله باجر بعد بنيــكم..
اميـره تنش من مكانها..: يلا عوشووه بتين ويانا والا بتمين؟؟
حمده: بـــتي بتي ويااكم..
عوشه: هههه جب بتـــم..
اميره: هههه احسن بعــد..راشـد انت مقومـني من الحيـنه ما بسير البيــت مللل..
راشـد يطالعها بطرف عينه: وين تبيــن تسيرين حضــرتج؟!!..
اميره: انحوووط مثلاا..ننزل في سنتـــر..نتعشى برع ..اي شــي..
عوشه: لاا عيــل خلااص بيي ويــاكم..
اميره: ههههه لاا لاا تمــي الحين مابناخذج..
مريم: ههههه انا عندي اقتراح ..شو رايـكم نطــلع كــلنا كشته..وعقبها نسير نتعشــى..
حمده: فدييييييييت مرت اخوويه وفدييت اقتراحاتها..وهي تنش من مكانها بســرعه ..يلا يلا انا بسير اتزهــب..
اميره: هههه طاعو هاي ما صـدقت..صــدقها مريووم بنطـلع كـلنا وابسيـاره وحده بعــد..
عوشه: يا سلااااام والله كشــــخه ..
حمد: والله انا ما عندي مـانع..شو رايـك راشــد؟
راشـد: يلا بــرايكم,,انسيــــر..
.....................
في ستـي سنتــر دبي..عــند باريس غاليري..كـانت واقفـه متغــشيه وعلى أعصــابها..كل شـوي تصـد يمـين ويســار تترياااه اييها..افففف وين ســار هـذا قالي خمس دقـايق وبيــرد..يا ربيي وايد اتأخــر..كـان طـالع من باريس غاليري ويا ربيعه..شـافها واقفه ومن هيـئتها شـبهها عليها..قال حق ربيعـه يترياه..وهو اتجـرب منها وهو عـاقد حيــاته..مره وحـده صـدت صووبه وشـافها من تحــت الغشـوه لاانها كانت خفييفه..انصعـــقت هي في هاللحــظه وحسـت عمرها تتنافض من الزيغـه وريولها مب شايلتنها..سـار وقف مجابـلنها وهو معـــصب..
عــادل: شــــــــــهــد!!!!..
شهـد وهي ميـته من الزيغه: عــ عــادل!!
عـادل قبـضها من ايدهـا بعصبيــه..: انتي شو تسويييييين اهـــني؟!!!..
شـهـد: عاادل هــدني هـدني فضحتني جدام النــاس..
عادل وهو صـاك ع اسـنانه معصـب: مب هادنج قبل لا تقولين انتي شو تسويين اهني وويا امنوو يايه؟؟!
شهـد: عاادل حرام عليك انا يايه ويا ربيعتي..
عـادل: ومنوو سمـح لج اتين ويا ربيعــتج رواحكن اهــني!
شهـد: لاا لاا مـب رواحـنا..اختيه شمااسي بعـد ويااانا..
هـداها عـادل في هاللحظــه..: وويــنهن عـــنج..
شـهــد: ماادريبــهن والله..
عادل: لاا والله اشقـايل ما تدرين عـنهم بعـد..
شهـد: ماادري عــادل انا ضعـت عنهــم ماادري وين سـاروا اففف..
عادل: انزيـن اتصـــلي في اي وحده منهـن..
شـهــد: اتصـلت وقالولي الحيـن بييوني..
عـادل: حبيبتي انا آسـف لااني عصـبت عليج..
شهـد: عادي عادي ماصار شي..
عـادل: فديـتج والله بس ليش ما خبرتيني انج بتظـهرين..
شهـد: افففف عادل نسيييت..وبعدين شوو حرام اظهر ويا اختي!!..
عادل: انزين حياتي لاا اتعصبيـن..اتجوفين الجـيس الي بيــدي تراه حقــج..ههه قلت يوم بيي بيتكم بفاجئج وبعطيـج لكـن مارمـت..شريت لج اشياء بتعيبج ان شاء الله من باريس غاليري..اندووج..
شهـد تمد ايدها تاخذه عنه: والله؟!!..زين مشكور..
عادل: العفوو غنااتي..شوفي حبي انا بتم واقف وياج ليـن ما ربيعتج اتيج..
شهـد: هاا!!..بتوقف وياي!!..لاا حبيبي ربيعتي لو شـافتك انت واقف وياي اكيد بتستحي ومابتي صوبي..
عادل: هييه صـح..انزين خلااص عيل اخليج فديتج..دقي علي يوم بتوصلين ترى بتم احاتيج..اذا اتأخرتي انا روحي بتصل..
شـهد.. افففف شو هاا والله لزقــه..: خلااص اوكي..
وراح عنها عادل وسـار صوب رفيجـه..اول ما راح.. يا سـالم صوبها..
سـالم: منوو هذا الي واقفه اتسولفين ويااه..
شهــد: ساااالم هذا ريلي ..بسررعه خل نطـلع من السنتر بسررعه اخاف يشوفني ويااك..
سالم: هذا ريــلج!!.زين زين..وهالجيس من وين يبتييه..
شهـد: سالم دخييلك مب وقته الحين خلنا نركب السياره وعقب سولف على راحتك..
سالم: بلااج انتي زاايغه..خلااص شفته نزل تحت..ما قلتيلي من وين يبتي هالجيس..
شهـد: هوو عطاني اياه اونه ماخذلي اغراض من باريس غاليري عشان اييبه لي البيت ويفاجئني فيهم
سالم: هههه الجيس عوود وشكـله مليااان..ههههه والله غــبي!!..
شهـد: سالم انت وايد متفيج الصراحه يلا خلنا انسيييييير..
سالم: اوووكي يلا..
شهــد: انت امش جدامي وانا ورااك..اخاف امشـي وياك ويشوفنا..
سالم: اففففف انا مااحب هالحركااات..
شهـد: ساااالم دخيييييلك..
سـالم: انزين انزين يلاا..
...............................
مرت الايـام بسـرعه وبـدت دواماتهــم..حمده وعـوشه فالبـدايه كانت الاجواء غريبه عليهم اول يوم جاامعه لكـن يوم بعد يووم اتأقلمــوا واحـلى شي انهم كـانوا ويا بعـض..مريـــم,, بـدت دوامها في المسـتشفى والحمدالله مرتـــاحه وايد في شغــلها.. شمــا بعد بدت دوامها في المدرسـه صـباحي..كـانت اتحس بضيــج اوائل الايـام واتقول ما تباا اتسير بس حمده وحاارب وامها كانوا يشجعوونها ويخلونها تكمــل..وهي يوم تشوف تشجيعهم لها تتحمــس..لاانها هي اصلا حابه انها اتكمل دراسـتها بس بنفس الوقت خاايفه من الي صار لها قبل سنتيين يتكرر..
بعـد مرور شـهر من بدت الدوامات..
.
.
جـاسم في الايام الي طـافت رجع ثلاث اسابيع من كثر ما ابووه يتصل فييه ويصر علييه انه يرجع لاانه واايد اتأخر عليهم..رجع لكـن قلبه في الكــويت..صح كان ويااهم لـكن كل تفكيره فيها..بعـد ثلااث اسابيع ما قدر يستحمـل من كثر ما هو متـوله عليها قال بعد بيرد يسـافر بحجة انه ربيعه زاد عليه المـرض ولاازم يسير يشووفه..وبالزووور وبعـد طلعة الروح قدر يقنع ابووه وسـافر مره ثاانيه..لدرجه انه في اليـوم الي وصــل فيه ماقدر يخفي مشـاعره واحاسيــسه ..قــال لمناال عن كــل الي يحـس فيه اتجــاهها وانه ميـت فيها..
.
.
في هاللحظـه منال كـانت في حجرتها ومتسانده ع السرير وترمس بالتلفون..
مناال: هههههههههه والله قاااال انه يحبني..
طلال: وانتي يعني وايد فرحانه!!..على شووو؟!!!..
منال: ههههههه اييه موو ضحكـــني واايد لما قال هالكلاام..انا ماادري هذا مينوون والا صااحي..بعد هذا الي ناااقص يحبني..
طلال: اااه يا قـلبي ارحميني الله يخلييج ترى اغاار عليج انا..
منال: ههههه وليش تغار يا بعد قلبي انت حسبالك اني بعبره..
طلال: اييه بس قال يحبج ويبي يخطبج بعــد.
منال: هههههههههه والله لو اموت مااخذه..ينيت انا آخذه!!..ليش قلوا الريايييل..انا عندي شيخ الرياييل كلهم بعد ليش اشوف غيره..
طلال: يا بعـد عمري والله..انزين يلا اتزهبي انا بمر عليج الحين اوكي..مثل مااتفقنا..
منال: خلااااص اوكي انطــرك..
طلاال: الحيين جريب بيتكم انا..
منال: خلااص دقايق واكوون عندك..
طلال: يلا حبيبتي بااي..
منال: بااي..
نشـت منال من مكـانها وبدلت ثيابها ولبست لها بدله حلووه واتعـدلت واتكشخت..اول ماطلعت من حجرتها شافت امهــا واستأذنت منها انها بتطلع وبتسير بيت ربيعتها..طبعا كالعاده وافقــت..نزلت تحـت وسارت صوب البــاب بتطـلع..اول ما تبغي تبطـل جان اتشوف الباب يتبطل وجاسم الي كـان ياااي..
جاســم: مناااال..
منال من دوون نفـــس..: نعــــم!!..
جاسم: مناال ما رديتي علي؟!!..
منال: واشتبيني اقوولك بالله..انت هاااي ترى وايد مصدق ويهــك وحسبالك يعني انا بعـد احبـك لما قلتلي ناوي اخــطبج!!..لو سمــحت انا لاا اتفكـر فيني ولا اتقرب صووبي..انا لاا حبيتك ولا افكر احــبك بعــد..يلا وخر عن طريجي خلني ارووح..
جــاسم حــس بطعـــنه في قـلبه بعــد هالكــلاام وانصعــــق...موول مااتوقع هالانسـانه البـريئه الحبووبه الطيبــه يطلع من هالكلاام او انها تكون بهالجــرأه..جاسم وهو مب حــاس قبض ايدها ويحــس بدمعـته شويه وتنــزل ..يطــالعها بصـــدمه وحزن وضييج..: مناال شو هالكـلام؟!!..
منال سحـبت ايدها بالقــو وهي معــصبه..: شوووف ترى والله اعلم عليك امي وابووي اذا سويت هالحركه مره ثااانيه..يااخي انت رديت لديرتك شنو الي يااابك اهني عندنا مره ثااانيه اففففف..يلاااا وخر عن طريجي ترى والله اصاارخ واخلي الكـل يتيمع اهـني واقولهم انك تتحرش فيني..
ابتعــد جـــاسم وهــو مب قــادر يستوعــــب الــي سمعــــه وما حس حتى بدمووعه وهي تنــزل..كان وااقف متيبس بمكاانه مصدوووم مب عاارف شو يسـوي..تم فتره على هالحاله ليـن ما شـل تلفونه واتصل في فواز اييه بسررعه..دقايق واتصل به فوااز وقال انه وصل..ظـهر بسررعه وسـار صووب سيـارته وركب فيها..
فواز: جسوووم اشفيييك خرعتني..
جاسم وهو راد راسـه ع ورى والدموع ماليه عيونه..: اااه يا فوااااز...
فواز: جاااااسم..!!!.اشصــاير قوووولي الله يخليك تراني احاتي..
جاسم وهو يذرف دمووعه..: مااتحــبني يا فواز مااتحـــبني..
انصــعق فواز يوم شـاف دمووعه..اول مره يشووف جااسم في هالحــاله..عقب استوعــب يوم قاال مااتحــبني..اكيييد اكييـد مناال قالتله هالكـــلام..قلتلك يا جاسم قلتلك ابتعد عن هالبنت احــسن..هذي مااتنـــاسبك قلتلي لاااا..قلتلي اتحـبها وميــت فيها..والله انها ما تستااااهلك جااسم والله..حــس عمره مقهووور ومب رايــم يسكــت وهو يشوف حالة ربيعــه..لاازم يقوله عن مناال لاااازم..
فواز: جــاسم,,اسمعــني,,يمكن الكلاام الي بقولك اياه ايضايقك اكثـر بس لاازم تعــرف..
جاسم: دخيلك فواز انا مب ناقص..
فواز: يااخي انت ذابح عمرك على وحـده ما تستاااهل...والله ما تستاهل اتسوي كل هذا عشانها..
جاسم يطـالعه باستغراااب وهو عاقد حياته..: ليش انت اتعرفها!!..
فواز: اييه اعرفها..بس لا تفهمني غلط خل اقولك اشلون عرفتها..
جـاسم مصدوووم..: قووول!!!!!
فواز: شوف يا جاسم..هذي الله يسلمك الاهـل كلموني عنها وقالوا انها خوش بـنت وقالوا بيخطبونها لي..وانا قلت اوكي مب مشكـله..وراحوا الاهـل يوم وطلبوا ايدها ووافقــوا..عقب في يـوم سرت انا وياهم واتشاوفنا انا والبنت وانا الصراحه عيبتني ..بعـد كمــن يوم اتفاجأ بتلفوون من رقم غريب مااعرفه..رديت انا وسمعت صووت بـــنت اتقولي انته فواز!!..انا اهني استغربت قلت اشلون تعرفني هااي وانا مااعرف حد بهالرقم..قلتلها اييه انا فواز..انصـدم انه هالبـنت تطـلع مناال الي شفتــها والله لو اقولك شو قالتلي ما بتصــدق..اتخيــل وحده مااتعرف وااحد وتوه خاطبها وتتصل فيه واتقوله ما تباااه..وانها اتحــب واحد ثااااني..!!!..يعني انا الصراحه عمري ما شفت وحده بهالجرأه..!!..وغير هذا انا سامع كلااام وايد عنها وبس الله يستر عليها..
جــاسم اهــني حــس انه خلااص مــــب رايــــــم ينطــــــق..وتم مبطــل عيـــونه يطـالع فوااز ويهز راسه مب قادر يصـدق وكأنـــه يقووله الله يخليييك قوول عير هالكــــلاام ..قوول انــك اتقــص علي دخيييييلك...!
..............................
عوشه وحمـده يـالسين في الصاله في بيت قوم عووشه يسولفون جان اتي اميــره عندهن الي التعـب كان مبين على ملامح ويهها..وكانت تمشــي بصعووبه وبطــء صوبهن لين ماوصلت عندهن ويلست وياهن..لاانه الحيـن هي في الشهر التاسع..
اميره: اااه والله تعــبت..اشحااالكن..
حمده: ههههه والله محد قاالج تعالي عدنا جان اتصـلتي نجن يينا عندج...
عوشه: لااااا احسـن خليها تمشــي عشان بسرعه يطلع اليااهل افف تراه والله مصخها شكله يتغـلى..
حمده: هههههه اقوول عوشووه..مب جنها حاطه كوووره..!!
عوشه: هههه هي والله كنت بقول انا بعـد..اخاف حاطه كووره وهي اتقص علينا واتقول حامل..
اميره تطـالعهـن بغيـض بس من التعب مب متفيجه حتى اترد عليييهن..
حمده: يلا جـــــب لا تغلطين على اختي لو سمــحتي..
عوشه: ههههه انتي الي بديتي انزييين..
حمده: اميروه فديتج لو تعباانه سيري ارتااحي..
اميـره: اففففف احس بعواار مب طبيعي في ظــهري..
عوشه: انزين سيري انسدحي ع السرير وارقـدي شو تتريين!!..
اميره: اترياا اخووج يـــرد..
حمده: جي ويــــنه هوو في هالوقـــت!!..اتصلي فيه شوفيه وييين..
اميره: حضرته غالق موبااايله..
عوشه: انزين انتي اشعليج منه سيري ارتااحي..
اميره: لااا اخااف برووحي..
عوشه: انزين شو رايج تسيرين فووق وترتاحين اف حجرتي لين ما هو ايي..
حمده: هي صـدقها عوشوووه..
اميره تــوقف.: خـلااص عيل بسيــر..
حمده: تبيــنا انوصــلج؟!!!..
اميره: هههه لا شكــرا أندل الدرب..وراحـت عنهــن فووق..
حمده: انزين دبووه يلا قوليلي شو السالفه المهمه الي بتخبريني عنها...؟!
عوشه وهي تحايس بشفايفها..: بس اوعديني ما تزعلين مني واهم شـي ما تفهميني غــلط..
حمده: اوييي!!..شو مســويه يا حظــــي؟!!
عوشه: حمدوووه مب عارفه كيف اقوولج...انا اول مره اخبي عنج شي
حمده: ما علييييييييه انا الغبيه يوم اقولج كل شـي..
عوشه: اوهووو خلااص ما بقووول..
حمده: اوووه يلا عاد ارمسي وخلصيني..
عوشه: اممم حمدووه انا احـــب..
اتقربت حمده صوبها اكثر من الصدمه وهي مبققه عيونها تطــالعها..: شو شو شو قــلتي..اجيــن اجيـــن لو سمحتــي؟!!!
عوشه: ايهييي انا هالحركاات الي مااحبها..
حمده: انتي اكيد يالسه اتسولفييين...!
عوشه: لاا مااسووولف..خليني اكمل السالفه انزيين..
حمده: لحظه لحظه انا مب قادره اصــدق!!..
عوشه: اوووه اسمعي انتي اول شـي..شوفي انا الصراحه الفتره الي طافت من كثر الملل والضيج كنت وايد ادش النت والمنتديات وهالسوالف..واتعرفت على واحد من منتدى وعطيته ايميلي وضافني..تمينا اول شي شرات الاخوان بس عقـب طـبعا.....وتحايس بشفايفها وحمــده مبطـله عيونها قد ما تقـدر من كثر ماهي منصدمه..
حمده: لا وتقوليلي ماافهمج غلط بعد..
عوشه: اتريي انا ماكملت السالفه انزين..المهم وايد اتعلق فيني واتعلقت فييه ولاازم كل يوم انرمس بعـض ع المسـن..انا عيبتني وايد شخصيته وحسيته فناان والله غير غير عن كل الشبااب..
حمده: ههههه يالشاااطره وعطيتيه رقمج صـــح؟!!!..
عوشه: حمدووووووه..! ترى ما بكمل والله..لاا ما عطيته رقمي جي شوو قالولج اتخــبلت؟!!..اتعرفين انه لين الحين ما طلب مني رقمي..اقولج غيييييير عن الكـــل..
حمده وهي تصااارخ : عوشوووووووه!!..دخيلج لا ترفعيييين ضغطــــي..انتي تراج مال مقصـه بسررعه ينقص عليييج..اتخبلتي انتي والله..اترمسيــــن واحـــد ياللي ما تستحييين!!..مافي حد احسن عن الثاني حبيبتي كلهم جذابيييييين..
عوشه: سكتـــي الله يخسج ان شاء الله عن حد يسمع..عشان ابين لج انه مب جـذاااب..قال بيخطــــبني..!..يتريا احدد انا يوووم واييب اهله بيتنا..
حمده: ههههههههههههههههههههه
عوشه: اففففففففففففففف حمدووه دخيييلج لا اتخليني اندم اني قلتلج
حمده: ههههههههه يوم اقولج مال مقصه مااتصدقيني..
عوشه: انزين واذا قلتلج انه معرفنـي على اخــته..دووم انرمس بعـض انا وهي واتعرف الي بيني وبين واخوها..ودوم اتقوولي اخبر امييه انهم يبوون ايون عسب يخطبووني بس انا خاااايفه...
حمده: مستحيييييل عوشووه مستحيييييل..جي الدنيا فوضـى ..واحد اتعرفينه من النت من فتره قصييره.. ويقول يبا يخطبج وهو لا شافج ولا شـي..
عوشه: قال عاادي انا مايهمني الشكل اهم شي اخلاق البنت وشخصيتها..اقولج معرفني على اخـــته..
حمده: انتي متأكــده انها اخـــته..!
عوشه: ههههه خبله والله..طبعا متأكـــده انها اخــــته..
حمده: والله ماادري شو اقولج انا الصراحه هالعلاقات مااقتنع فيها واحـس انه كلها فاااشله..
عوشه: حمدووه هذا غييييير..قال يبا يخــطبني..
حمده: ماادري والله..خلااص انزين خبري امج وقوليلها انه في ناس يبون يخطبوونج..مع انه السالفه موول مب داشه مخـي..
عوشه: انتي ما يالسه اتشجعيني حمدوووه..
حمده: خلااص انزين قوليلهم ايوون وبشوف عاد جان صـادق وياج والا لا..!..
انتبهـوا لاميــره واقفـه ع الــدري ومغمضــه عيوونها بالقـــو وكأنهــا تتألم..ربعوا حمده وعووشه صووبها..
حمده: اميروووه اشفيييييج؟!!..
اميره تمشـي بصعووبه نازله من الدري..: ااااه ماشي ماشي..
عوشه: اميرووه انتي شكـلج بتربييييييين!!..
اميره: لاا لاا..هالالم من دخلت الشهر التاسع وانا احس فييه..يلا انا بسير بيتنا..
حمده: لحــظه!!.متأكده انتي مافيج شي..شكلج واايد تعباانه..
اميره: لاا لاا عاادي مافيني شـي..يلا اخليكم..
عوشه: اوكي..راشـد يا والا؟؟
اميره: ماادري بسير اشوف..بس اكيد ياا الحين..
حمده: خلاص اوكي فـديتج الله وياج..
راحت عنهم اميره وتمـت تمشـي بصعووبه صـوب بيتهم..وهي تتألم..اتحس الالـم مره وحده يزيييد وعقب يخــف في بطـنها وظــهرها..بس هالشي عادي ودوم اتحس فيه..دخـلت البيـت وعلى طول من التعب سارت انسـدحت ع الكنبه في الصــاله ماكانت رايمه اتسير فووق..اكيد راشد الحين فوق يترياااني وبيحرج اذا مـاشافني في هالوقت في البيــت..شلت تلفوونها واتصـلت فييه بس لقته لين الحين مغــلق..معقوله لين الحين ما رد؟!!!..هذا ويــــنه ليــــن الحين!!..حسـت انه فيها رقــــاد..غمضـت عيونها وقـالت بترقـد واذا راشـد دخل اكيد بتحس فيه وبتنش..حست لحظتها انه فيهــا رقااد بس مــب رااااايمه تــرقــد..حــاسه بالعــوار شوي شوي يزييييد عـــليها..نشــت وتــمت يااالسه وهي مغمضـــه عيوونها بالقوو واتحس انه العوااار اكثر عن كــل مره..تمت جيه ليــن ما حســت بالدمووع تنــزل من عيوونها من زوود العوااار ومــب رايمه تستحــمل اكثـــر..نشـت من مكـانها وتمــت تمشـــي والعوار يزيييييد..عاد هي اهـني خلااااص حست بتموووت..آآآآآآآآآآآآآآآآه اميييييه لحقي عــــلي..راشــــــد..راشــــد ويييينك بمووووت...آآآآآآآآه..ما حســت الا بالباااب ينفتح وراشــد الي دااااش..سارت بسررعه صوووبه وهي مب حاسه بعمرها من كثر العواار..راشـــــد انت وييييييييينك اااااااه راشد بموووت..الحـــــق علي رااااشد..بس راشـــد يطـالعها وهو عاقـد حياااته ومب قادر يوقــف عدل ومب مستوعــب اصلا هي شو تقووول..
اميره وهي تصااااارخ من العواااار..: راااااااااااااااشد لا توقف تطالعني جييه انا بمووووووت ودني المستشفى شكلي بربي اااااااااااااه..
راشــد وهــو رايح فيها وسكرااااان..: ههههه انا اول مره اشوف وحده بتربي ويالسه تستأذن..روحي ربي حد ميودنج..ومشــى عنها صووب الدري وتم يخربــط..قالت يا راشـد احبك..لاا لاا قالت راشـد انا احبك قلت من قدي..اميــره اتشوووفه وهي منصـــعقه وحاسه عمرها خلااااااص بتمووووت من العواااااار واتصيييح واتصاااارخ..آآآآآآآآآآآآآآآآآآآآآآآآآآآآه بمووووووت بمووووووت آآآآه مب قاادره مب قادره استحمل خلااااص..سارت بسررعه صوب التلفوون وبالغصــب كانت اتدق رقم مريـــم..كمن مره غلطـــت في الرقم ..حتى مب قادره تستوعب من زوود العوااار..بس اخييرا دقته صـــح..
بطـلت مريم عيوونها بصعووبه وهي تسمع صوت الموبايل يــرن..استغــربت منو الي يتصل في هالوقت!!..قـامت اتساندت ع السرير وشلت موبايلها من الكمدينو وانصـدمت يوم شافت رقـم امييره..ردت على طوول..
مريم: الووووو..اميـــره؟!!..
اميره وهي اتصااارخ..:ااااااااااااااااااااااااه مريوووووم لحقي علي...لحقي علي بموووت بمووووت.. مااقدر استحمل خلاااااص..اااااااااااااه بطـــني..
مريم انصعــقت من سمعتها جي اتقووول وشهــقت...: انتي شكــلج بتربييييييين..ويييييينه رااااشد بسررعه خله يودييج المستشفى..
اميره: مااااااااااااااادري مااااااادري الله يخليييج تعاالي بسرررعه مريوووم والله بمووووت اااااااه..
مريم: خلااص خلااااااص الحين بنيج انا وحمـــد الحيييييييين..
اميره: ااااااااه ابغــــي اميييه ييبوها ويااااكم اااااااااه..
مريم: خلااص خلااص اوكي..وبندت مريم التلفوون وع السريع صدت صووب حمد وتمت اتطبطب على جــتفه..: حمـــد...حمـــــد قوووووم حمــــد..
حمــد: ..........كان رااااقد...
مــريم: حمـــــد الله يخليييييييك نش بسرررعه..
حمـد: شو تبييين خليني اناااام..
مريم: حمــــــد قووووم مب وقته دخيييلك قووووووم..
حمـد وهو يبطـل عيوونه بصعووبه وعاقد حيااته..: شوووووه!!..
مريم: حمــــد امييييره امييييييره بتربي قووووم خل انوديها المستشــــفى..
ينــش حمــد مره وحـــده...: شووو اميره بتربي!!..انزين وييين ريلها ليش ما وداها المستشــفى؟!!!..
حمـد: ماادري ماادري حمــد هي متصله فيني حليلها اتصاارخ واتصييح من الويع يلا حمــد خل انسير دخييلك..
ونش حمد بسررعه من السرير..: زين زين يلااااا...
مريم: حمــــد سير ازقـــر خالوووه بعـــد خل اتي وياانا..
حمد: اوكي اوكي يلا انتي بسرعه اتزهبي..
مريم: انـــزين..
وع السريييع اتزهبـوا كلهم وسااار حمـد زقر امـه اتي ويااهم وراحوا صووب بيت اميــره وخذووها ويااهم للمستشـقى..
.
.
بعد مرور 3 ساعات تقريبا
.
.
نزل من سيـــارته وتم يمشــي ع السريييع صووب بااب المستشـفى..صــعد باللفت لين قســم الولااااده..لقـى جدامه بــاب..فتحـــه وشااف ممـــر طويييييييل..تـــم يربع ويشــاهق ليـــن ما وصـــل نهااية المــمر..شــاف مريم واااقفه ع الزااويه واتصيييييييح وتطالعه باحتقااار..سار صووبها على طــــول..
راشـــد: هااا شوووو..ربــت؟!!..شو يابــت؟!!..وشخبارها الحين؟!!..
مريم وهي تقبضــه من صــدره بقوه واتصاارخ واتصيييييح..: ماااااااتوا..مااااتوا وانت السبـــــب..انت الســـبب
.
.
الجزء الحادي والعشرون
الفصل الاول
الي قالته مريم نــزلت مثل الصااعقــه عليييه..تــم واقف متيبــس في مكااانه حـس عمره كأنه انشـــــل..مــب رايم يتحــرك..تم فتره جــيه يطـالعها والدموع تنزل من عيوونه..عقبها تـم يهـز راسه ويصـــارخ باعلى صووته..لااااااااااااااا لااااااااااااا...مستحييييل مريم ...حراااام عليج ليـــش جي اتقولين..قبض مريم من ايدينها وتم يهزها وهي تصيييييح ..مـــريم لاااااااا..كييييييييف...اميره اتموووووت واليااهل الي اترياه تسع شهوووور حرااام والله حرااااااااام..وتم يصييييييح من الخاااااطر شرات اليهاال..كره عمـره لحظــتها حس انه فعلا هوو السبــب في مووتهم واتمنى المووت لعمــره في هاللحظــه..لكـــن مره وحــده فــــز من السرير ..وهو يصااارخ لااااااااااا..تم مبقق عيوونه.. ويطالع حوااالينه و حاط ايده على قلبه وهوو يتنفس ع السرييع ويشـــــاهق..وحط ايده الثانيه على خـده حس بدمووعه تنزل..تم فتره جذه يااالس يبغي يستوعــب الي صااار..ويمرر عيونه حوالين الحجـره بس عقب استوعب انه كااان يحـــــــلم..!..خـــذ نفس طويييييل وحس بدقات قلبه بدت تخف...اااااه,,الحمدالله..الحمــــدالله يا ربي الحمدالله ..كنت بمووت لو صج..حس بريجـــه ناااشف..صد ع يمينه وشاف غرشة مـاي محطايه ع الكمدينو..جان ياخذ له كاس ويصب لــه شوي..وشــــربه وحــس برااااحه ما بعــدها رااحه انه الي صااار كله حـــلم..بـــس اميــره؟!!!..اميره وينــها؟!..شـل اللحـــاف الي علييه وقام من السرير بيشووفها يمكن راقده في الصاله ..اول ما بيرووح سمع تلفوونه يــرن..شـــلااه وشاف مريم تتصــل..استغـرب وتم عاقد حيااته يطــالع التلفوون..مريم شـــو تباا متصـله هالوقـــت!!..رد بسررعه..
راشـد: الوو..
مريم: رااااشــــــد انت ويييينك..حرقت تلفوونك من كثر مااتصل؟!!!
راشد وهووو خااايف و يتذكـر الحلم..: انا اهني كنت راقــد..جي شوو مستــوي مريم..اميييره مب عـــندي ويــــنها!!!..
مريم: لاا والله؟!!..توك تسأل عن امييييييره!!...بسرررعه تعاااال اميره بتربي وانت حضرتك راقــد..
راشـد: هااااا بتربي....!!!..الحيييييين الحيييييين يااااي..وسكر التلفووون وع السرييع اتزهـــب وشغل مووتره وطـــلع من البيت ساير صوب المستشــفى..
.
.
في حجرة عوشــه..حمده واقفه عند الدريشـه ومبطـله عيوونها..وبسررعه راحت صوب عووشه الي كانت يالسه عالكنبه والاب توب ع ريوولها..
حمده: عوشووووه
عوشه: هاااااااااااا
حمده: شفت راشـــد ركــب سياارته وطلع من البيييييييت!..
عوشه: شوووووه !!..اتخبلتي انتي؟!!..جريب الفير الحينه وين بيسير راشـد!!..
حمده: والله شفتــــه بعيووووني..
عوشه: شفتيه بعيوونج!!..اتحراج شفتيه بريولج ها ها ها ..
حمده تيلس حذالها معصبه..: هيهيهي ماشفت بحياتي وحده اسخف عنج..
عوشه: ههههه مشكووره يزاج الله خيير..
حمده: اففففففففففف..وتشيل عنها الاب تووب بعصــبيه وتسكره ..
عوشه: اييييييييييييه حيوااااانه..
حمده: جـــــب جب..الحين يايبتني عندج وانتي حضرتج حاطه هذا ع ريوولج وماادري شو تسويييين..ليكون اترمسييييييييينه!!!..
عوشه: مممماااا يخصـــج انتي !
حمده مبطـله عيونها تطالع عوشه..: كنتـــــي اترمسينه صح؟!!..
عوشه وهي تحاول تسحب الاب توب منها وتصاارخ..: حمدوووووه عن السخافه عطيني ايااااه..
حمده: استحـــــي ع ويهج اترمسينه بهالوقـــت..وبعدين خلاااااص لاازم مااترمسينه دام انه مثل ما ايقول بيخطبج..
عوشه: وانتي شو يخصــج انزييييين عطيني قلتلج...
حمده: افاااا الحين انا شو يخصـني هااا..واتقولين لي انا متغيره علييج..(حطت الاب توب على ريول عوشه )..اندووج رمسيييه..بس مره ثانيه لا تقولين لي تعاالي بيتنا انزييين..نشت من عندهاا وسارت يلست ع السرير..ما حست الا بدمعه نازله من عيونها..اتلومت عوشه ونزلت راسها..حطت الاب توب ع الكنبه وسارت يلست عندهااا..
عوشه: حمدووه انا آسفه..
حمده وهي تمسح دمعتها: قوووومي عني انا غبيه يوم ييت عندج..
عوشه: حمدووه يلا عاااد..
حمده: شو تبييييييييين!
عوشه: ارضـــــي..
حمده: ماابــــا,,سيري سيري كملي مغاازل انا برقـد..
عوشه: سخييييييفه انزين..حمدوووه حرام علييج والله مب قصدي..
حمده: اوهووو قومي خليني ارقـد..
عوشه: حمدوووووه..!
حمده: شوووووه!!..والله فييه ارقاد..
عوشه: انزين الحين جريب وبيأذن الفير بنصلي وبنرقـد..حمدوووه انا آسفــه..
حمده: عوشووه والله غلط الي اتسويينه ..يوم انه يبا يخطبج خلااص لاازم مااترمسينه..
عوشه: حمدووه والله اتعودت خلاااص مااروم ارقد بدون ماارمسه حتى لو ربع ساعه عالاقـل..
حمده وهي تهز راسـها بأسف..: والله خايفه اتطيحين من عينه..
عوشه: شوووووه!!..وليش ان شاء الله..
حمده: احسج وايد عااقه عمرج علييه..خل يكوون عندج شخصيه قـويه وقوليله خلااص ما برمسك دام انك بتي تخطبني وعقب الملجه بنرمس بعض على راحتنا..دخييلج خلي يعرف انج غااليه انتي بهالحركاات الصراحه بتبينيين له انج رخييصه!..
عوشه: حمدوووه شو هالكلاااام!!..لاا لاا انا متأكده انه هوو ما يقول عني جــيه..(وبصوت واطي)..هو يحـــبني..
حمده: والله عاد انا قلتلج وانتي بكيفج..
عوشه: انزين انزين بحاااول بس انا متأكـده انه ماايقول جييه وانج انتي فاهمتنه غلط..المهم قوليلي انتي الحين صـدق شفتي راشـد طالع هالوقت!!!..
حمده: هي والله شــــفته..ويا راســـه وين هااد اختي وساااير بهالوقت؟!!..
عوشه: والله ماادري!..
.
.
دفع البـــاب وبسرعه دش داخل ..صد على يسـاره ولقـى كرااسي وشـاف مريم دااخل ووياها حـرمه كبيره في السـن..مريم اول ماشافته ساارت صوبه..
مريم: هلا هلا راشـــد..انت ويينك الله يهـدااك وين كنت يوم اميره ياها الطلق..
راشـد: انا كنت طاالع كان عندي شغـل...المهم قوليلي شخباارها الحيين؟!!..
مريم: حليييلها والله الويع زاد عليها..الله يسهل عليييها ياااارب..
راشـد: دخيييلج سيري شوفيها..
مريم: لاا يـا راشد من شوي كنت عندهاا..مااقدر والله قلبي يعورني عليها..خالوو عندها
راشـد: الحين انتي اونج دكتووره..
مريم: هههه احيد ودووني مره قسم الولاده قبل يوم كنا نتدرب عملي..شوو ماصحت صيااااح..لكن الحين الحمدالله انا عند اليهالووو فديتهم والله بعد يعورون قلبي يوم اعالجهم..
راشـد: ههههه انتي مول ما تنفعين دكتوره يوم انه قلبج جذه..
مريم: هههه شسوي انزين,,اخبرك تعاال وياي دااخل ترى يستوي انت تدخـل عندها تراك ريلها..
راشـد: والله؟!..عيل جي مااتقولين..يلا نسير..
مشوا صوب الباب بس شافوا على يسارهم عند الرياييل حمد روحه يالس و راد راسه ع ورى وفي ساابع نوومه..
مريم: فدييييته والله راقــــد..
راشـد: ههههههه طااعي شكله والله يضحك..فشله بسير اقومه..
مريم: لاا لاا حرام علييك ليش اتسير اتقومه خله راقـد..
راشـد: ههههه والله فشله اذا حد ياا وشافه راقد!..
مريم: وييه عااادي ما فيها شي يعرفون انه الحين وقت الرقاااد..
راشـد: هههههه شو رايج اصـــوره وهو راقد جييه..
مريم: هههه لاا لاا حرام عليك..يلا امش خلنا نسير..
فتحت مريم اول باب ولقـوا ام حمـد وااقفه واتصييح..سارت مريم صووبها
مريم: خالووو فــديتج بس لا تسـوين في عمرج جذه,,ليش طلعتي من عندها؟!
ام حمـد: توه دخلووها غرفة الولاااده..
مريم وهي تلوي عليها..: بس خالوو فـديتج بس ..دام ان دخلوها الحين خلاااص ان شاء الله بتربي بسررعه ..يااااارب انك اتســهل عليييها يـــارب..
ام حــــمد...: ياااااارب..انتبهـت لراشــد الي كـان ســاكت بس وااقف وهو على اعصــابه..راشـــد انت متى ييت؟!!..
راشـد: انا جيه من شوي يــاي..
ام حمد: وويــنك من قبل؟!!..جي ما ييت وياها هادنها جييه..
راشـد: عمتي اسمحيلي والله انا ماكنت ادري..كنت طالع عندي شغله مهمه اسويها..ويوم ردييت البيت ما حصلت حد قلت اكيد هي في بيت ابويه..رقــدت ما نشيت الا على صوت التلفوون..مريم كانت تتصـل رديت عليها وخبرتني وسييييده ييت..
ام حمـد: هييييه من جييه..ماعليه مااستوى شي فديتك..عيل حمد ويينه؟؟
مريم: حمـد من التعـب يالس اهناك وراقد حليله..
ام حمـد: ويييه فديييته اكيد تعبااان..بس الحمدالله انه باجر اليمعه يعني ماشي دوام..
مريم: هييه الحمــدالله,,
تمـوا فــتره سااكتيين كلهم يتريوون وحده من الممرضات ااتي تبشـرهم..يدعوون الله يسهل عليها ويقومها بالسلاااامه..ام حمد كلما تتذكـر كيف كانت تصيح وتصرخ اتصييح ومريم اتهـديها..راشــد كــان رايح و راد على اعصـــــابه..كل شوي يسير صوب البااب يطالع من الجامه الصغيره الي فووق اذا اي وحده يـايه صووب الباب وتبشرهم بس مافي حـد..مر ساعه الا ربع والكل على اعصـابه وخاصه راشـد كان متحرقص بالقوو...
راشـد: مريم سيري شوووفي دخييلج عادي انتي يخلونج تدخلين تراج دكتووره..
مريم: هي الدكتوره الي عندهاا اعرفها قالتلي اسير وياها لكن انا مااقدر راشـد مااتحمل اشوف اميره تتألم جييه والله بيلس اصيح ويااها..فديييتها ياربي يااالله انك تسهل علييها ياالله..
ام حمد وهي تصيـح..: بس واايد اتأخـرت ياامي وااايد ..صدقه راشد سيري شوفيها ..
مريم..: خلااص بس عسب اطمنكم بسير..ان شاء الله تكون مربيــه ان شاء الله..
دفعت مريم البـاب ومشت في الممـر لين آخر غرفة والي هي غرفة الولاده..اول ماكانت بتدخل طلعـت لها الدكتووره..
مريم: هاااا دكــتووووره بشــــري..
الدكتوره: الف الف مبرووووك دكتووره مريم بــــنت زي الأمـــر..
مريم وهي فاااتحه عيووونها وحلجها من الفـــرحه..: والله؟!!!..الله يبشــرج بالخييير دكتوووره..وهي شوو صحـــتها..
الدكتوره..: الحمدالله,, صحتها عااال العااال..
مريم: الحمدالله يا ربييي الحمدالله..خليني اسيير ابشــر خالووو واخووي راااشـد عيل..
الدكتووره: ههههه طيب يا حبيتي رووحي..
ومشـــت مريم ع السريييييع صوب البااااب وهي فرحاانه.. دفعته واول ما حدرت ساروا صووبها ام حمـد وراشــد ومن ملامح ويهها عرفوا انه عندها خبر حلووو..
ام حمد: هاا امييييييه بشــــري..
مريم لوت عليها..: الف الف مبرووووووك خالوووو اميره يابت بـــنت..
ام حمد من الفرحــه يببت: الله يبشرج بالخييييير فدييييييتج والله يبارك فييج ..الحمـــــدالله..الحمدالله..عقباااالج ياامي..
مريم: هههههه ان شاء الله
راشــــد في هاللحظــه فرحته ما تنــــوصف..كان مستاااانس من الخــــاطر..سارت مريـم صوووبه..لوت عليييه عليه وباركت له..وعقــبها ام حمــد..
راشـد: هههه الله يبااارك فيييكم,,ابغي اشوووفها..
مريم: الحين بنسير لها كلنا.. بس تعال وياي الحين خل نسير نزقر حمد ..هههه يعني معقوله لين الحينه راقد؟!!!..
راشــد: ههههه فضييحه ريلج هــذا..تمي انتي فشله لاا اتيين,,اخاف حد من الريااييل يكون يالس اهناك..
مريم: هههه خلااص عيل سير ازقره وييبه اهـني..
راشـد: اوووكي..طـلع راشـد وسار صوب مكان انتظار الرياييل وشافه شرات ماهووو..يالس و راقــد لين الحينه ولا حااس بعمــره..سار يلس عنده وهوو يضحك على شكله ..
راشـد وهو حاط ايده على جتفه ويهزه ع الخفيف..: حمــد,,حمـــد..
حمـد: ........
راشــد: حمد قووووم حمــــد..
حمـد: همممم,,بعدين بعـدين..
راشـد: هههههه شو الي بعـــدييين..(وهوو يعـلي صووته شوي جريب من اذنه ويهزه بالقووو)..حمـــــد قووووووم انا استوييت ابووو وانت خااال قووووووم..
يفــز حمــد من نووومه مره وحــده وهو يتصــدد شرات الميانييين..: هاا منو ويين شوو السالفه؟!!..
راشــد: ههههههههههههه فضحتنا فضحتنا يا ريااال..ياي المستشفى اتنام انته..
حمـد تم يالس فتره وهو عاقـد حيااته مب مستوعب شي..عقبها اتمدد وصــد صووب راشــد..
حمد وهو يتثاوب : هلا هلا راشـــد..انت متى يييت؟!!..
راشـد: هههههه انا من زمان اهني..قوووم يلا قوووم ..حمد استويييييت ابووو..ههههه والله مب مصــدق..فرحاااان انا فرحاااان قوووم..
حمد وبفـــرح..: واللـــــه؟!!..ربــــت؟!!.. ههه مبرووك مبروووووك (وسلم عليه يبارك له).. وليييش محد خبرني..وشو يابت؟؟!!
راشــد: هههه توها ربـت متى انخبرك يعني..ههه بـــنت..
حمد: زيين زيييين اكيــد تشبه خـــالها..
راشـد: هههه بعدنا ما شفناها يلا قووم خل انسير انشووفها..يلاااا..
حمد: يلا يلا نسير عيل..
نشـوا من مكانهم ودشـوا داااخل..
مريم: هههههه هلا والله صباح الخييير..شبعت ارقااد..
حمد: هههه جيه انتو تخلون الواحد يتهـنى برقااده..وجان ينتبـه لاامه وسار صوبها ولوى عليها وحـبها ع راسها..
حمد: مبروووك مبرووك الوااالده ..عيل استويتي يـده هااا..
ام حمـد: هههه هي يا وليــدي شو انسـوي كبـرنــا..يـــالله ان شاء الله اشوف عيالكم كـــلكم..
الكـــل: آميــــــن..
حمد: الله يطــول بعمــرج اميــه ولا يخلينا منج..يلااا شو الحيـنه ما بتدخلون عندها
مريم: بـلا يلا بنسير الحيـنه..
اتجدمتهم مريـم وساروا وراها ..ليـن الغرفـه الي كانت راقده اميره فيها.. في هاللحظـه من التعـب كــانت مغمضـه عيوونها بترقـد..بس حسـت بدخـلتهم عليها وبطـلت عيوونها بصعوبه اتساندت ع السرير بتعب وابتســمت لهــم..اول شـي امها سـارت صووبها ولـوت عليها واتحمدت لها بالسلامه وباركت لهاا وعقبها مريم وعقـب حمـد.. وآخــر شـي راشــد..حــبها على راســـها وهو مبتســم وفرحااان من الخاااطر..حمدالله ع السلامه فديتج والف مبروووك..ويلس حذالها..
اميره ومن دون نفس..: الله يبارك فيك..وصدت عنه الصوب الثااني على طول..وهي تحـس انها خلااص مب طايقتنه ما تبغي تشوووفه و كارهتنه من الخااطر وهي تتذكـر كيف كان شكـله وهوو سكـران وهي ميـته من العواااار..هذا وهو واعدنها انه يـودر كـــل سوااالفه..!..راشـد قفط من حـركتها..وعقد حياااته يوم شافها صدت الصوب الثاني..خيبـــه بلااها هاي!..حتى ابتسامه ما ابتسمتها بـويهـــي!!..مااتوقعها جـــيه اترد عليه وهوو جـذه فرحااااان..!!
ام حمـد وهي يالسه ع السرير حذالها من الصوب الثاني ولاويه ع جتوفها ومن الفرحـه تدمع..: فــديتج والله ياامـــي مرتاحه الحيــن..
اميره: هيييه الحمــدالله يالغااليه..بس اميه وااايد تعـبت وااااايد حسييت رووحي بتطلع..
مريم بابتسـامه..: لاازم تتعبين حبيبتي عشان اتحسيـن بامج كيف تعبـت يوم يابتج..
اميره وهي تحـب امها ع راسـها..: فــديتها يا ربي عساني ماانحـرم منها..صدق والله امي الحين حسيت فيج..
ام حمـد: هيييييه فـديتج اذا تبين تفرحيين باليااهل لاازم تتعبين عشااانه..
مـريم تطـالعهم وهي مبتسمـه بس في داخـلها حست بضييج مب طبيعي وحابسه دمووعها بالغـصب وهي تفكـر يوم بتكـون في مكـان اميــره..بتكون في امس الحاجه لاامها و مابتكـون ويااها,,شي طبيعي ام حمد تكون وياها بس بعد الام غيييييير..
حمـد: انزييين وينها الحيـن نبا نشووفها..
راشـد: هي والله صــدق وييينها؟!!..
مريم: الحين بييبونها اتريوا لين ما يسبحونها و ينظفوونها..ههه انا خل اتصـل في عوشووه ابشرها..شلت تلفونها ودقت رقمها
اميره: هههه حمدووه بعـد عندهاا اليوم..اكيــد رقوود الحينه..
ردت عووشه بصوتها الغليـظ..: الووو..
مريم: هههه الووو ..عمووه عووشه راقــده؟!!..
عوشه: مريوووم شو تبين متصله هالوقت..يلا يلا بااي..
مريم: هههههه اتريي بتندمين لو ما سمعتي الخبر الي عندي..
عوشه: اي خـبر يلا قوووولي..
مريم: ههه وجـــــان تستوييييين عمـــه..
عوشه نقزت من السرير مـره وحـده وبطـلت عيوونها..: حــــــــــلفي انتي بــس!!!..
مريم: ههههه طاعوا هااي وليش احـلف..صدق بعـد شووه نحن في المستشفى الحينه ومن شوي اميره ربت بالسلااامه..يـابت بنت الحمدالله..
عوشه تشـــهق..: كييييييف ومتى ولييييييش؟!!!..
مريم: ههههه سؤال واحد لو سمحـتي..
عوشه تصاارخ من الفرحه: اميروووه ربــــــت!!..يعني واخييييييرا استوييت عمووووه..مريوم دخيلج لا تقصين علي..
مريم: هههه والله عوشووه بلااج..؟
عوشه: يااااااااااااااااااي واخيييييرا,, خيااااااااس وليش ما خبرتوناا يوم سرتوا المستشـــفى!
مريم: ههه هي هاللي قاصر بعـد انيبكم انتوو..نحن رواحنا ما عرفنا اشقايل وصـلنا المستشـفى هههه من كثر مااميرووو اتصاارخ..
أميـره: ههههه جب جب انزين لاا تعيبين بييج الدوور..
حمـد: مـــتى بييي هاليـــــوم متى!..
عوشه: هههه عطيها التلفوون برمسها..
مريم: ههههه انزين..سارت مريم صوبها وعطتها التلفوون..
اميره: هههه هلا هلا
عوشه: جب جب ويا هالويــه لا ترمسيينييي..يوم قلتلج بتربييييين قلتيلي لاااا..هي بالعماااله عشان ماانعرف نحن ومااني وياج المستشفى..
اميره: هههههه وانا اشدرااني انزين..يالويه هذا بدل ما تتحمدين لي بالسلامه واتباركين لي..
عوشه: ههه اوووه صـح نسيييييييييت,,حمدالله ع السلاامه ومبرووووك ..ياااااااي والله مب مصــدقه اميرووه..فديييتها اكيد طالعه عليه صح..
اميره: ههههه ماادري ماشفتها عـدل..
عوشه: انزييييييين انا ابغي اييي الحييييين..
اميره: منو بييبج الحينه,,يلا يلا كملي رقاادج..
عوشه: خلاااااص طار الرقااااد ما يخصني انا ابغيي اييي,,
اميره: اصلا الكل بيرد الحين والعصر بتوون كلكم..
عوشه: افففف انزيين انزييين خل اقوم حمدووه ابشرها عيل..يلا يلا باااي..
اميره: هههه باي..