في حجــرة مـــايد..كان متساند ع السرير وخوله ومنى يالسين عنده منصدميــــن من الي سمعوه منه توه..
خـــوله: انت اكييييييد اتخــــبلت..شو بناات الناس لعبه بدينك اتطلق هاي وتاخذ هذيج الي ما تستحي على ويهها..يا ماااايد تبا اتهد نوااال اليوهرة الي صاينه نفسها وتاخذ وحده رضت اترمســك وتتصل فييك حتى بعد ما قلنا انه خلاااص مانباها لك..شو هالبــنت الي فاره عمرها علييك..كيف اتجـــرأت واتصـــلت صدق انه ويهها لوح وماتستحي..
مــايد: خـــــوله!!..لا تقولين عن شما جيه..هي تحبني وانا احبها
خوله: فكناا الله يخليك قال تحبني واحبها..يا ماايد انا كم مره بيلس افهمك واقولك يعني..هالحب بس الحيـنه صدقني..بعد الزواااج بيخــتفي..انت فكـر فيها مايد الله يخليـك شما مااتنــاسبك صدقني اول شي مرييضه وثاني شي تراك انت روحك رضيت واقتنعت انك ماتاخذها والا نسيـــت!!..
مايــد رفع راســـه واتنهــد بضييج وغمــض عيوونه ونزلــت دمعــــه حاااره على خــــده..: اااه انا تعبـــــان خلوني بروحي..
خوله ومنـى تموا يطالعون بعـض بصــدمه..مااتوقعــوا مايد يكوون ضعييف جيـــه..اتأثروا واايد من شافوا دمعته..اتقربت خوله صوبه ولوت ع جتوفه وهي بعد دمعـــت..
خوله: مايد فـــديتك ايحز في خااطري اشوفك في هالحــاله والله انك مااتهـون عليه..بس صـدقني انا اعرف مصلحتـك ويـن واعرف راحتك ويا امنـوا..يعني معقوله انا بيلس ادور على تعااستك..انا ابغي لك الراحـه انت اخويه الوحيد يا ماايد ما تتصور اشقـد معزتك وغلاااك في قلبي..انا لااني عارفه ومتأكده انك بترتاح ويا نوال اقولك لا تفرط فيها وخذها..شـما خلااص يا ماايد بتتعب من كثر التفكير فيها من دون فاايده مايستوي تاخذها خلاااص..يعني انا قلت حق امها انه ماصار نصيب وارد مره ثانيه اخطـبها..!!!..مايصير يا ماايد عسب جيه شيلها من بالك دخيلك..
اطالعـها مـــايد بنظــره حزييينه وصد الصوب الثااني..
خوله وقفـــت..: مايد قوم فديتك انسير بيت نواال البنت حليلها من امس وحالتها حااله..متصـله في منى اتصييح ..وامها متصله فييه مصدوومه ومستهمه عليها مب عارفه شو فيها..الحمدالله انها ماقالت لهم شــي..قوم انسير عندهاا وايلس وياهاا ما يستوي انخلي البنت جذه..
مايد: هي قالت تبا الطلاق
خوله: ادري قالتها وهي معصـــبه ومنصـدمه من الي سمعته..اي وحده مكانها بتطلب الطلااق لحظتها..خلنا انسير لها الحيـن اقعد وحاول ويااها وان شاء الله بترضـى عليك..
مـايد:........
خوله: يلا فــديتك نتريااك نحــن..
هز راسـه بمعـنى ان شــاء الله..وطلعوا خوله ومنـــى من عــنده ويلسـوا في الصاله يتريوونه..
منى..: فدييييته والله يغمــــض..
خوله: كــله منها الخاااايسه هي الي خلت اخويه يرد لهالحاله بعد ماكان مرتااح ومستانس ويا نواااال..اخ يالقهــر والله واايد مقهووره منها اتعرفين شو مفكره اسوي..
منى: شوووو
خوله: بتصــل في امها وبخبرها عن سوااتها عشان يأدبوونها..
منى: اممم لاا حراام اتوهقين البــــنت..
خوله: شووو حرااام!!..يعني الي هي اتسويه مب حرام؟!!!..انا الي حرام علي اسكت عن الغلط..امها لاازم اتعرف عشان تتأدب ومااترد اتسويها مره ثااانيه..
منى: انزين لاا تدخلين امها في السالفه اتصلي فيها هييه..
خوله: المشكــله اني مااعرف رقمها..اعرف رقم بيتهم بس..
منى: عااادي اتصلي بيتهم وقولي تبين شمـا..
خوله: امم لااا انتي اتصلي ومن هي تشل التلفون انا برمسها..
منى: خلااص اوكيه بس الحينه خلينا اول شـي انخلص من مايد ونواال وانخليهم يردون شرات قبل ولو اني اشـــك..نوالوو مصره ع الطلااق واتقول انتو غصبتوه عليه وهو مايباااني..
خوله: لاا حول ولا قوة الا بالله ما تنلااام هي بعد سمعته باذونها وهو يرمسها..لكن ان شاء الله نقدر نقنعها..
منى: ان شااء الله..
..................................
في جــولد كوست..استراليا..كانــوا حمد ومــريم عايشيـــن احلى ايامهم اهنـاك..اسبوع مر عليهم ولا حســوا فيــه..ايحسـون انه الايام اتمـر ابسرعه من كثر ماهم مستانسيـن ويا بعـض..في هاللحظـه كان حمد لااوي على ايدها بيده وا يتمشـون برع جـريب الفنــدق بعـد ما وقـف المطــر..الجــو كان رووعه..لاا هــو برد واايد ولا انه حــر كــان معتـدل..والي كان محـلي المكان انه اكثـر الخلق كانوا عـرب يتمشــوون..طـول ما هم يمشون يسـولفون ويضحكـون ويا بعـض..
حمد: هههههه,,فديتج ما تعبـتي؟؟
مريم: لاا حمــد والله كشــخه احس برااحه اهـــني وايد عايبني المكاان..
حمد: هي والله صــدقج بنتوله على هالمكان وايد.. بعد يوميين بنودره وبنروح سيـدني..
مريم: هــيه سيدني بعد حــلوه اتحيد قبل سنتيـــن يوم كــلنا يينا استراليا اكثر شي تمينا في سيـدني..
حمد: هههه هي حياااتي احيد كل السفراات الي رحناها ويا بعــض اسمييج كنتي تستحيين مني افف بالغصب اتسولفين وياايه..
مريم: هههههه لين الحين تتذكـر..
حمد: مستحيــــل انسى اللحظـات الي كنت فيها ويااج...
مريم: هههه فديتك..تدري شو اتذكــــرت..اليوم الي قصيتوو علينا انت وراشــد وخليتونا نلعــب هاللعبه الي تنجــلب في حديقة دريم وورلد اهني في جولد كووست هههه والله من يومها كرهت الالعاااب كلها..
حمد: ههههههههه هي اشوفج امس يوم سرنا الحديقه ماطعتي تلعبين ويااايه..هههه خواافه انتي..
مريم: هههه مب جيييه حمد انا حسيــت اني مب رايمه اتنفــس والله..يالسه اصاااارخ وانا مب حااسه بعمري ماادري شو اخربط وشو اقوول واميروو الخايسه يالسه عندي وتضحك علي مستااانسه..هههههه من بعد هاللعبه خلااااص كرهت كل الالعاااب ومستحيل اركب شي مره ثانيه..
حمد: هههههه فدييت رووحج خلااص مابنركبج العاااب مره ثانيه ولا تزعلين..
مريم: ههههه..امم حمد ما تظن لو كنا سايرين اوروبا كان احــلى..
حمد: قلتلج تراني بحجز صوب اي دوله اوروربيه تبينها بس انتي قلتي تبين استراليا..بس ترى استراليا بعد حلوه..
مريم: ترى السنه الي طافت سرنا اوروبا من جيه قلت استراليا..يلا اي مكان اهم شي انكون ويا بعض..
حمد مبتسـم ويطــالعها..وردت تبتسم له ونزلت راسـها..بس هو مب طايع يشيل عيونه وتم مركز في ملامح ويهها..وقفت مريم وهي تضحك ووقف وياها..
مريم باستغراب: هههه اشفيك..؟!!..
حمد مبتسم: احـــبج..
مريم: ههههه والله؟!!..من متى..
حمد وقف مجـابلنها ..يطالعها ويبتسـم..
مريم: ههههه حمد والله بيقولون هاييله خباايل..خلنا نكمل مشي يلااا..
حمد:.........
مريم: ههههه حمـــــــد!!!..
حمـــد: ..............
مريم: اووووه حمــــــــــــد!
حمد: هههههه فديتج احب العوزج..يلا عطيني ايــدج..
مريم: ههههه يلا..
انتبـــه حمد مره وحـده لصـــــوت وحده تنـادي باســمه..تمـموا هو ومريم يدورون على الصوت بس ما عرفوا الا يـوم يــت صـــوبهم وشـافووها..حمــــد عرفها على طـــول..وابــدا ماكان متوقع يشووفها
رهـــــف مبققــه عيونها وتطـالع حمــد وكأنها مب مصـدقه وجان تشهـق يوم اتأكدت انه الي جدامها حمد وبصووت عاالي....: Hamad!!!!!,,I cant believe it!!!!!
حمـد: ههههه والله مي تووو..معقوووله رهــــف اهني!!..اشحالج شخبارج؟؟
مريـــم واقفــــه ومستغـــربه..
رهف: تمااام الحمدالله شخبااارك انته
حمد: والله الحمدالله تمااام..
رهـف: وااااااااي حمـــــد انا مــب مصــدقه اني شفــتك ماتتصور اشـقد مستااانسه..حمد والله I miss you,,you changed your phone number ,,right??
مـــريم مصدووومه تطــالع حمـــد بدهشــه وحمد رد اطـالعها وهو قااافط..اخييه..عاد محــد عرفني وشافني الا هــــاي!!
حمد: هي رهـف انا مغير رقم تلفووني..
رهـف: اوووه نوو!.. وانا اقول كنت اتصل فيك بين فتره وفتره القااه مقطوع..ما علينا حمد اهم شـي شفتك اهـــني..انتبهـت لمـريم واطـالعتها وهي عاقده حياتها مستغربه..وهي اتأشر عليها: Hamad,,who is she??
حمد اطالع مريم وهو مبتسـم وهي تطـالعه بصــدمه..: هاي مرتــي مريم..مريم هاي رهــف كانت تدرس معااي في الجامعه..
رهــــف مصدوووومه وتأشر بصبعها على مريم من فوق لين تحـت..: What!!!!!!!!!!,,,she is your wife?!!!!!!.,,impossible hamad
مــــــريم انصعقـــت في هاللحظه تطـالع حمد والدموع اتيمعن في عيونها وكـأنها تقووله شو ســـالفتها هــــــاي!!..حمــد حس فيها وشاف رهـف بعصـبيه..
حمد: اشفيــج؟!!..هي هاي مرتي..وشو الي مستحيييل!!..
رهـــف بكــل جــرأه تقــبض ايــده..: حمـــد...تعااال على صووب ابغي اتكـلم معاك رووحك..
مريم اهــــني اتيبســـت وحست بقبــــضة بقلبها وهي تطــالع كيف كـانت قابضـه ايد حمــد..
حمـد سحـب ايده بعصبيــه..: قووولي الي عندج اهــني..
رهـف: I cant hamad..بليـــــز ابغي اتكلم معااك..
ابتعـد حمــد خطوتييين عن مـــريم وهي ويــاه..بس هــي قبضـت ايـديينه وسحــبته بعيــد شــــوي..مــريم اهـــني حســـت الدنيــا اتدوور فيــها..مــب قادره تستوعـــب الي يصيــر..كانت متيبسـه بمكاانها تطـالع الي حـوالينها رايحين ورادييين وهي اتحـس ضاايعه من بيــنهم..تمــت اتصيــح من الخـــاطر وكـان في خـاطرها تركـــض للفندق بس شـافته بعيــد واتخااف اترد روحــها..اطـالعت المكـان الي كانوا واقفيــن فيه حمد ورهــف..بس ما حصـــلتهم..اهــني حســـت ابـــــروووده مب طبيعيــه في جســمـها من الصــدمه ..حســت انها وحيــــده ماعندهااا حد بين هالخــلق كـــله وضــايعه من بينهم.. تمـت اتصيح شرااات اليهـــال يوم يضيعــون عن اهـاليهم في مكـان عام..
.
.
حمـد معصـــــب: اووووه رهـــف..الحين انتي يايبتني اهني اتقولين لي هالكـلام..اسمحيلي اقوولج ما عندج ساالفه..
رهـف: حمـــد ابليييز افهــمني انت مب حــاس انك خنتني!!..
حمــد: شو اتقولييين انتي شو خنتج..ليش انا حبيــــتج عشان اخوونج؟!!..
رهـف: بس انا حـــبيتك حمـــد..والله حبيـــتك..بس الصراحه انت ماعندك ذووق..هـــاي بنت عمك الي كنت اتقوول ميت فيها و تبا تاخــذها!!..الحيــن هاي فضلتها عليه انا؟!!..عــلى شووو؟!!.. والله انها خســــــفه..
حمــد اهـــني فوّل وتـم راص ع اسنــانه حدده معصـــب شـويه وايده ترتفع ويعطيـها كــف على هالكـلاام الي قالته بس يود عمـره..: رهفووووو ترى انا سكــت لج واااايد..خليتيني ايي وياج لين اهني واهد مرتي قلت ماعلييه لكــن تغلطيين عليها هذا الي ماارضــى فيه..شوفي يا بنت الناس خوزي عن طريجي انا الحين واحد متزوج واحــب مرتي حــــب فوق ما تتصـورينه ..انا عمري ماحبيتج اصلا وانا كنت اقولج هالكـلاام بس انتي ماتسمعيين الرمسه..
رهـف شـويه واتصيح..: بس انا عمـري ماحبيـت حد كثر ما حبيـك حمد دخيلك لا تعـذبني..
حمـد: اووووه قومي عني بسير عند مرتي..
رهـف تقبض ايديـنه تترجـــاه والدموع في عيونها..: الله يخليك حمـد انا احـبك..لا تروح عنـي بعد مالقيـتك..
حمــد تم يطـالعها وهو عاقد حيـاته معصـب وسحب ايدينه بقــوه ومشـى عنها ع السريــع ويحــس بقـلبه بيطلع من صـدره من كثـر دقااته يحااتي مــــريم لاان هـداها برووحها..وصـل للمكــان الي كــانوا واقفيـــن فييه وما حصــلها..تم يطــالع يمــين ويســار و ماشافــها..عـــاد اهـــني بغــى يتخـــبل وحــس بعمــره مب عاارف يتصـــرف..حـــس لحظـتها انه فقــد كل شــي..فقــــد رووحه وهو يطـالع حوالينه ومايشوفها..
.
.
الجزء العشرون
الفصل الثاني
يحــس عمــره خلاااص مب قـادر يفكر ومب عـارف شو يســوي..شرات الميانيين يتصدد يميــن ويســار وينـادي..مــــريم..مـــريم انتي وييييين مـــريم؟!!..طلع تلفونه من مخبااه وبغى يتصـل فيها بس شاف تلفونها عـنده..اهــني حــس بقهــر وغصـــه..غمض عيوونه وحط ايدينه ع راسـه بقهـر ورفـــعه..مــره وحـده اتذكــر الفنــدق..هــيه اكيــد..اكيــد ردت الفنــدق..ع الســريع تــم يمشــي صووب الفــندق ويحـس بنبضـات قـلبه اتزيييد..حـاس انه مـا يـوصل بســرعه يشوف الفنـدق واايد بعييد من كثـر ماهوو ميـت من الخووف على مريم ويبغي يوصـلها بأسرع وقـت..جـان يربـــع بوسـط هالنـــاس والكـل يطالعه باندهــــاش وهو مب هامنه نظراتهم كل الي هامنه في هاللحظه هي مـريم وبــــس..يوم شـاف عمـره جريب الفـندق مشـى ع السرييع وتم يشـاهق من التعـب..وبسـرعه دخـله وصعـد صوب شـقتهم وهو على نــــار..فتح البـاب وسـار يربع صوب الحجـــره..فتحــها ومـاحصــلها..تـــم ينـــادي بصووت عاااالي ..مــــريم..مـــــريم ويـــنج مــريم ..طلع من الحجـره وسار صوب المطـبخ بعد مـاشافها..يعـني اكيـــد مايت اهــــــني..اااااه ويـــنها ويــــنها بموووت لو مــاحصلتها..طلع من الشقه بســرعه ونـزل تحـت للمكـان الي الناس يتمشوون فيـه وتـم يربـع مره ثانيه صوب المكـان الي كـانوا واقفيــن فييه وهوو حـــاس بصدااع مب طبيعي وحاس بعمــره مــب رايــم يفكــــروكـان ينادي باسمـها..مريم مـــريم ويـنج مريم..والنـاس يطـالعووونه مستغـربييين بس يقولون في خاطرهم اكيـد الي يناديها ضايـعه عنه وهوو كأنه برووحه في هالمكـان ومب هامنه النـاس..حتى كمن واحد سار صووبه يشوف شو سالفته بس هوو ما عبرهــم وكأنه مايشووفهم..كل شـوي يوقف وييشووف حــوالينه يمـكن يـلقاها بس مـاشي فـــايده..تم ميـــت من الغصــــه ودمعـته في عيووونه ويلعـن الساعه الي شاف فيها رهـف ورضـى يسير وياها عشااان الكـلاام التافه الي قـالته..
.
.
في واحـد من الكـراسي العراض كانـت لااويــه عليها واتهـديها..
.....: بس حـبيبتي بس..انزين قوليلي انتي ويـن كنتي يوم هو ودرج؟؟..
مريــم اتصيــح وبالغصـــب ترمس..: مااعرف..
.....: انزيـن قوليلي في اي فـندق يالسيـن يمكن هو سار المكان الي كنتو واقفين فيه وماحصلج اتحراج رديتي الفندق وراح لج اهناك..
مــريم: في فـندق...(.....)..
......: هي هذا الي عدال فندقنا..وااايد بعيـــد..
كـان واقف جريب منهم وصاد ع ورى معطنهم ظـهره ..صـد صوب مرته شوق وأشر عليها اتيهــا..هدت مريم الي نـزلت راسـها اتصيــح بصمت واتحس نفسـها رزه..
أحمــد: شوااقه وبعــدين يعــني..انا ميــت من اليووع..
شوق: انزين شو اسوي احمد مب هاينه عليه اخليها رووحها حراام..
أحمـد: هذا ريـلها صج مهمل مخـلنها روحها اهـني..وين سار عنها؟!!..
شوق: ماادري اتقول هداها ومــااتعرف وين سار..
احمد: انزين شواقه حبيبتي خلااص خليها خلنا نروح نحـن..
شوق: لاا احمــد حرااام وحـده من البـلااد هاي ما يستوي انخـليها..شو رايك نوصلها الفندق وانروح عنها..
احمد: في اي فندق يالسين؟؟
شوق: فنـدق (....)..جريب فندقنا..
احمـد: خيييييييبه هذا الي هناااااك..لااا بوي وااايد بعيــد شو يوصـلني انا لين اهناااك وانا ميت من اليوع ..بطيح غشياان في نص الدرب..
شوق: هههههه لهالدرجه يوعاااان..
احمــد: اففففف بموووت من اليوووع..
شوق: مب مشكله حبيبي خلنا اشويه يمكن ريلها ايي ايشوفها وياخـذها..
احمـد: خلاص اوكي بترياا بس ترى اذا طـول بنروح مااروم استحمل الصراحه..
شوق: اوكي مب مشكـله..ردت شوق عـند مريم ولوت ع جتوفها..رفعت مريم راسـها اطالعتها وابتسمت لها من بين دموعها..
مريم: يزاج الله خير وماقصرتي تقدرين تروحين..
شوق: لاا فديـتج مابروح واخليج رووحج..بتريا وياج اشويه يمكن ريلج ايي ويشوفج..
ماردت عليها مريـم وتمــت اتصيــح..وشوق تطـالعها بشفقه كااسره خاطرها وااايد..
شوق: لا حول ولا قوة الا بالله..انا ماادري شقايل طاوعه قلبه وهداج روحج ..
اهـني مريم تمت اتصيح بصوت مسمووع وبحـرقه..
شوق اتهــديها..: بس فــديتج بـــس..
رفعـت مريم راسـها تطـالع شووق وتصيح..: حبيبتي روحي ويا ريلج لين متى بتخلينه واقف..
شوق بنظـــرات شفقه وحزن..: لا فـديتج عاادي لا تحاتيين انا بتم ويااج بس انتي هــدي..انزين ما قلتيلي شو اسمج؟؟
مريم: مـريم..
شوق: عاشت الاسامي..وانا شوق..
مريم: عاشت ايامج حبيبتي شووق..
اطـالعتها شوق وابتسمـت لها وردت لها مريم ابتسـامه باهته واطـالعت جــدامها..وفجــــأه طــاحت عيـــونها عـــليه وهو يمشـــي ع السريع ويتصدد.. تمـــت مبققه عيوونها وكـأنها مب مصــدقه وهي اتأشـــر وتصاارخ...: حمـــــد...حمـــــد..انتبـــه حمد للصــــوت وهو الثاني بعـد تم مبقق عيونــه وربــع صووبها على طووول وحـــس توه بــس ردت الروح له..قــامت بسرعه اول ماشافته واتقربت هي صووبها وقبضــت ايديـــنه اتصيييييح شرات اليهال...: حمــــد وين رحت وخـــليتني..
حمــد وهو يشــاهق من التعـــب حضـــنها وتم ضـامنها بالقـــو مب مصـدق انه لقــاها ومب هامنه حــد...: ااااه حبيبتي بغيـــت اموووت..فديـــت رووووحج انتي الي ويــن رحــتي..
.
.
شوق..: حلييلهم والله..شكلهم وايد يحبون بعـض..ربي يديم المحبه بينهم..الحمدالله انه حصلها..يلا نرووح ..
أحمـد مبحـلق عيوونه يطـالع صووبهم..: شووووق هـــــذا حمـــــد!!
شوق صدت صوبهم..: منو حمــد!!..انت اتعرفه..
احمد: هههه شقاايل مااعرفه ربيــعي هـــذا ولد سلطـــان الــ .......
شوق: ههه والله زيــن طــلعت تعرفه عيـــل..
.
.
حمــد: حــبي بس الله يخــليج قطعتي قلبـــي..فديتج ادري اني حمــار ومااستحي على ويهـي يوم اني ودرتج..
مــريم:........تصييح..
تم ضــامنها وحــب راســها..: حبيبتي انا آســــف..دخيلج اهـــدي حيااتي..
وبالصـدفه طاحت عيونه على احمـد وعرفه على طـول ..جان يقفـط حمـد وهـد مريم وسـار صوبه يسلم عليه وشوق سارت صوب مريم وودتها ويلسوا ع الكـرسي..
شوق: بس فــديتج بــس هـدي خلااص تراج حصلتيه..ههه لاا وطـلع ريـلي يعرفه..
شافتها مـريم وابتســـمت برااحه وهي تمسح دموعها..: فـديتج شووق..مشكووره والله تعبتج ويــايه
شوق: لاا افاا عليج مـريم ماسويت شـي..فديتج مهما يكون تراج بنت بلااادي ومااتهونين عليه اخليج جذه..ماقلتيلي انتو يايين شهر العسل؟؟
مريم: يزاج الله خير غنااتي وماقصرتي..هي فديتج وانتو..
شوق: هههه امممم هي هي بس عقب سنه من العرس..
مريم: ههه ماشاءالله سنه..يلا ما عليه تراه شهر العسل بعد دام انكم ياين رواحكم..
شوق: ههههه هييه..
.
.
حمــد: والله ما قصـرتوا بو شهــاااب ما راح انسالك هالجميل..
احمد: لا افاا عليك ماسوينا الا الواجب.. الله يهداك انته بعد دير بالك يا حمد..الواحد في بلااده ما يأمن بعد ويـن لو اهني في الغربه..اي مكان اتسير خذها وياك لا اتخلها رووحها يااخوي..
حمـد: هي والله صــدقك..لاا خـلااص اول وآخر مره مستحيل اكرر الغلطه هاي مره ثانيه..
احمـد: هي زين اتسوي بارك الله فيــك..زين يا حمــد مااتقولي ليش قطعتنا جذه مره وحده..
حمد: هههه والله ماادري منو الي كلما نتصل به ماايرد علينا..
احمـد: هههه مشاغل الدنياا يا رياال..
حمـد: ههههه ويالس اتعاااتب بعــــد!!..
احمد: ههههه خلااص آسفيين..دام انه تلاقينا اهني ان شاء الله بنتواصل..
حمــد: ان شاااء الله..قولي لين متى تامين اهني ان شاء الله..؟
احمـد: نحن اسبووعين..
حمد: هي شراتناا يعني..
احمـد: والله زيـــن وشو المناطق الي بتروحون لها؟؟
حمـد: نحن عقب يومين بنظهر من اهني وبنروح سيدني,,وعقبها قلنا بنسير كانبيرا..
احمـد: هيييه شراتنا نحن بعد عقب يوميين بنظهر وبنروح سيدني..زين زين والله..عيل شو رايـك نظهر ويا بعـض؟
حمـد: والله فكــره حــلوه..خلااص ولا يهمـك بنتفق على الطلعه خلااف..
احمـد: هي ان شاء الله..عاد جان رمتوا زورونا اليوم في الفندق..
حمـد: قلتلي الفندق الي حذال فندقنا...فندق (.....)..؟؟
احمــد: ايوااا هذا هوو..خلنا انشوفكم..
حمـد: خلااص بو شهااب ولا يهمك بنيكم ان شاء الله..
احمـد: حيـاكم الله بأي وقـــت..
حمـد: الله يحييك ويبجيك الغالي...خلااص اخليك الحيـنه والسموحه جان تعبناكم ويانا..
احمـد: لا افاا عليـــك لا تعـب ولا شـياته طولي بعمرك..
حمـد: يلا الغااالي فماان الله..
احمد: فماان الكريم..
حمـد اطـالع مـريم وانتبهت له وابتسم لها واشر لها انهم بيسيرون..نشـت مريم وسلمـت على شووق الي ارتاحت واايد وهي تسولف وياها ونفس الشي شووق..وسارت صوب حمــد وشوق بعد سارت صوب ريلها وسـاروا..
حمـد وهو لااوي ع جتووفها وراديـن صـوب الفـندق..وحاس بضيــج من كل الي صار: سامحيني حيااتي سامحيــني..ولا مليـــون رهــف تقدر تبعــدني عــنج..
مـريم بــدت اتصيح وهي تتذكـر..: تراها بعـدتك عـــني..
حمـد: فـديتج انا عبالي بتقول شـي مهم,,هاي سخييفه وتافهه وانا الغبـي الي سرت وياها..أتحراها اتغيرت واصطلبت الحين
مريم بفضـول: منو هاي وشو علاقتك فيها؟؟
حمـد: هاي الله يسلمج كانت تدرس وياي ابوها اماراتي وامها استراليه..عاد نحن قبل على ايام الدراسه كنا ندرس ونشتغل ويا بعـض بس عمري مااتعديت حدودي وياها..يعني كل سوالفنا كانت عن الدراسه..بس احيد على آخر سـنة يتني اتصييح انا انصـــدمت عبالي مستوي شـــي قلتلها اشفيــــــج!..جان اتقوولي اونه انا من زماان في خاطرها وحبتني اول ماشافتني ومن هالكـلاام..انا في لحظـتها تميت اضحك وما صدقتها..بس عقب لااا شفت البنت صاجـه..كل يوم اتي واتعبرلي عن حـبها والا يايبتلي باقة ورد والا سلة حلااوه..طبعا انا ماكنت اخذ ولا شـي منها وكنت اصـد عنها وهي اتصييح من خاطرها اتقولي انت ليش تتجاهلني بس انا مع هذا ماحركت فيني ولا شـي وماكنت اسويلها سااالفه..كنت اقولها تبتعـد عن طريجي انا مب فاضي حق هالسوالف هاك الايام كان كل همي دراستي وكنت اقولها اني انا ابغيج انتي..المهم تمـينا جذه على هالحاله لين ماتخرجـنا..عقبها عاااد انا غيرت رقم تلفوني عشان ماتيلس تتصل فييه وخـلااص بعدين ماعرفت اي اخبااار عنها وماشفتها الا اليوووم..مـريم حبيبتي غـلطه وماراح تتكــرر مره ثاانيه سامحيني فــديتج..والله أحــبج ومب هاي الي بتأثر علي..
مـريم كـانت تسمع السالفه وتصيـح بصمـت..بس حست براحه يوم قال انه كان يتجاهلها..يعني البـنت روحها الي تركض وراه ومب هوو..وهي اتعرف حمـد اشكثـر ايحبـها ومستحيل اتفكر انه يقص عليها او يخونها فهالشي الي كـان مريحنها..بس بعدها تحـس بضيج من كل الي صار قبل شوي يوم ضاعت عنه وكلما تتذكر تصيح بحـرقه..ما ردت عليه وتمـت ساكته ودموعها تنزل وهو بعـد تم ســاكت..ميــت من الغصه من رهف الي مايدري من وين طلعتله وبنفس الوقت حدده مضايج وهو يشوف مريم اتصيح..تموا ساكتيـن طول الدرب لين ماوصلوا الفنـدق وصعدوا شقتهم وساروا الصاله ويلسوا..
حمـد وهو لاوي عليها..: دخيلج يا قلبي بس والله مااقدر استحمـل اشوف دمووعج..
مريم حاطه راسها ع صدره مغمضه عيونها واتصيح: حمـد انت ماتدري شو استوى فيني يوم ما شفتك حسيت اني بموووت
حمد يوخي راسـه ويحـب راسها..: ان شاء الله يومي قبل يومــج..ترى اقولج حمااار وجـلب بعد يوم هديتج رووحج انا بغيـت اتخبل يوم ييت نفس المكان ومالقيتج تميت اراكض شرات الميانيين..
مريم: لا حبيبي لا تقول جيـه عن روحك ماارضـى..حمـد الله يخليك لا تهدني مره ثانيه انا مالي غيرك اهني..
حمـد: لو المووووت ما بهدج مره ثانيه يا قلـــبي انتي..
سكـتت مريم وهو بعـد رد راسه ع ورى وتم سـاكت..وتمـوا فتره ساكتيــن..حمد وخـى براسه وشـافها راقـــده..اتذكـر انها قـالت اليوم ماياها ارقــاد عدل بالليل..حبـها ع راسها وتم يتفـداها في خاطره..ورد راسه ورى وغمض عيوونه وهو بعد ماحس بعمره الا وهو في سابع نومه..
.........................
في حجـرة نـوال..كانوا خـوله ومنـى يالسين عندهـا يحاولون ويـاها ..
نوال وهي تدمع..: الله يخليكم افهمووني..مايد خلااص ماييبني ليش تبون تغصبونه عليه..
خوله: لاا يا نواال منو قال مايبيج..!..هو اصلا واقف يتريا في السياره برع ويتريا تلفون منا بس انقوله ينزل عشان ايي عندج..
منى: نوالووو يلا عاد بسج دلع..ترى هي روحها الي اتصلت فييه..
نوال: المفروض اول مايعرف انها هي ايصك التلفون بويهها مب يالس يتغزل فيها ويعبر لها عن حبه ولهفته..
منى: الله يهـديج بعـد مايستوي على طول يصك التلفون بويهها لاازم اول شـي يعبر لها عن حـبه بعد لاا تنسين انها حبـه الاول هااي ومتوله علييها ..
شلـت نوال المخده الصغيره ع السريير وفرتها عليها بغيـــــض..
منى يودته وهي تضحك..: ههههههههه اسوولف لاااا اضحكي انزين اففف..
خوله: منوووه انتي اسكـتي الله يخليج الحين نحن يايين انصلح الي صار ونرد المياه الى مجاريها وهاي تبا تخـــرب زيااده..
منى: هههههه المشكله انها ما تعترف انها اتحــبه ..انا هذا الي قاهرني..
نوال: جــــب انتي مااحبـــه..يوم انج انتي اخته انا مااحبــه
منى: ههههه مب مشكله نوالووو بتحتايين لي جريب..خل تبدا دواماتنا بس وبتقولين والله تعاالي نسوي البروجكت والا الاسايمنت ويا بعض لكـن تحلمييييين..
نوال: جب جب حد يطلب منج شي انتي..مذله عفان الله..
منى: ههههه فديتني والله..
خوله: اندووكم انتو شوفوا هاييله..شكلكم نسيتوا الساالفه..
منى: ههههه هييه صح السالفه..(وهي تأشر على نوال)..ايييه انتي يلا بسرعه جدامي سيري اغسلي ويهج وبنوديج عند اخوويه غصبن عنج فاهمه والا لا..شوفي نحن يايين و نبا انرد المياه الى مجاريها واذا ماردت المياه الى مجاريها ترى بنعقج انتي في المجاري بداال الميااه..
خوله: هههه تطنزييين هاا ويا هالويه..
نوال: هههههههههه..
منى: هههههه شفتي شقايل خليتها تضحـك..يلا نوالوووو قووومي ترى شووفي ديري بالج اخووي يمل بسررعه وبيروح ..احسن لج قومي وسيري عنده..
نوال: دخيـلكم لا تضغطون عليه انتو مب حاسين فييه انا سمعته باذنيه وهو يرمسها..
خوله: حاسين فيج فـديتج وعاذرينج بس انتي عطيه آخر فرصـه..صدقيني اذا بعد هالمره شفتي عليه شي انا الي بقوله يطـلقج لاانه لحظتها بعرف انه مايستاهلج..
نوال: خـوله بس هو مايحبني والله مايحبني احسه مغصوب علي كم بحاول وياه يعني..
خوله: شوفي انا عندي الحـل..شو رايكم تجدمون العرس..؟!!..صدقيني يوم بتين اتعيشين ويـاه تحت صقف واحد وتكونيين معاه في كل شـي مابيكون عنده مجاال حتى يفكر في هذيج..لاانج بتكونيين انتي تحـت انظاره دووم..شو قلتي؟
منى: ههههه طاعوا هاي انتوو..اول شي خليهم يتصالحوون عقب اسئليها جان تبا تجدم العرس..
خوله: سكتي انتي سكتي ..بيتصالحون ان شاء الله..ها نوال؟؟
نوال: ماادري والله..
خوله: شوفي انتي سيري عنده الحيـن يلسي ويااه وشوفي شو بيقولج..دخيلج نوال عشان خاطري حاولي وياه مره ثانيه وصدقيني تراها آخر مره لو مانفع وياه قلتلج انا الي بخليه يطلقج..
نوال: خوله انا سمعـته يقولها بحبـج لين ماامووت..يعني عمره مابينسااها..
منى: هي طــبعا حبيبتي..ما الحب الا للحبيــب الاولي..
نوال: افففففففف خوله الله يخليج خل تسكـت هااااي..
خوله: غربلاااات ابليسج يا منووه صــخي انتي لاا اتزيدين النار حطــب..
منى: هههههههه..
خوله: ما عليج منها..صح فـديتج هو قال جذه بس لا تنسين انه قالها ملـــج..لو هو مثل مااتقولين مايباج ومايحبج جان ماقالها انه ملج و كان يقدر يكمل وياها..
نوال: ماادري خوله ماادري..
خوله: عشان خاطري نوااال..
منى: يلا نوالووو عشان خاطر خوله احترمي الشيبات الي براسها ع الاقـل واسمعي كلامها..
نوال: هههههههههه
خوله..: ههههههههه جب يالخااايسه شيبات بعينج انزييين..حليلي والله بعدني في عز شباابي..
منى: ههههه الحين ولدج يبا يعرس واتقولين في عز شباابج..
نوال: هههههه تعااالي ليش مايبتي سيفااااني فديته..
خوله: ههههه عمااته متولهاات علييه وقالوا يبون يشوفون فوداه ابووه بيتهم..
منى: يلا نوالوووو سيييييييري..
نوال: وين اسييييييير؟!
منى: سيري عنده بعد ويين..
نوال: يعني شوو اسير اركـب السياره مثلا!!..
خوله: اتصلي في واحد من اخوانج قوليلهم هو واقف برع خل يدخلونه الميلس وسيري عنده..
نوال: خلااص اوكي..
وشلت تلفونه واتصلت في اخوها وقالت له انه مايد واقف خل يدخله الميلس..
نوال: منووه يلا نشي تعالي ويـاي..
منى: سيـــري لااا وين ايي وياج انا..اخوج عـنده..
نوال: انزيين ويا هالويه اخويه بيظـهر من عنده يوم نحن بنسير..
منى: وليش تبيني انا ايي وياج ان شاء الله؟!!..لا تقولين تستحيين..
نوال: انتي انجــبي وتعــــالي..
منى وهي تطالع خـوله ومبققه عيونها : أنــــــــا..أنجـــــــــــب؟!!..
خوله: ههههه هي انجـبي وسيري وياها يلااا..وانا بسير عند امج وخواتج..
نوال: هههه سيري بتلقينهن في الصـاله..(تأشر على منى)..يلا نشــي منوووه..
منى: اففففف يوزناهم وابتلشنا فيهم..الله يعـــينا..
نوال: ههههههه خاايسه وحده..امشي جدامــي يلااا..
ظهـروا منى ونوال من الحجـره سـايرين صوب الميلس من الحوي..اول ماوصلوا شافوا الباب مفتوح شـويه..شافت نوال اخوها وهو بعد انتبـه لها..فاترخـص من مـايد وظهر ودخـلوا من عـقبه نوال ومنــى..
منـــى وهي سـايره صووبه ونوال وراها موخيـه راسـها..: هاااااااي اخـــــوي..
مـايد ومن دون نفس.: هههه انتي شو يايبنج؟؟
منى: افففف ما كنت بيي بس هااااي اونه تعالي ويــاي ماادري ليـش..اونها يعني تستحـي منــك..
نـوال من وراها دزتها ع الخـفييف..
منى وهي تصـد صووبها..: ايييييييه اصطلبي احسن لج..ههههاااي يلا نوالوووو يلاااا سيري قـعدي عند اخووي فـديته غازلييه شويه كلمه من اهني وكلمه من هناك ومايهمـج بتتراضون ان شاء الله..
نوال قرصـت ايدها بالقــــو مغيضـــه..
منى تصـــارخ : اااااااااااااااااخ الله يخـــسج نوالووو ذبحتيني..عفان الله مااايد مرتك وايد دفشــــه..
مايد: ههه تستاهلين محد قالج اتين...طلعي برع يلا..
منى: طــالعه طــالعه اصلا ماعندي سالفه ايلس وياكم..وبشوف الحين طلعتووا وانتو مب راضين عن بعض..صدقيني نوالووو برتكب فيج جريمه..اول ما تبغي تسير تزخها نوال من ايدها..
نوال وبصوت واطي..: تعالي وين سايره..
منى: ان شاااء الله يايبتني اهني ايلـــس وياااكم!!..سيري سيري هاللي قاصر بعـد..الحين نحن يايبين اخونا عشان هي روحها تيلس وياه وتبانا نيلس وياها..يلا يلا جدامي اشوف سيري قعدي عنده وبلاا هالدلع الي مب لايق عليج..تسـحب ايدها وتطـلع برع..مايد يضحك ع الخفيف ومن ورا خاطر..اما نوال تمــت وااقفه موخيـه راســها وتحايس بشفايفها وقاافطه وتحس بحراره في جسـمها من القفطـه والاحـراج..سارت ويلست بعيد عنه شـوي..
.
.
طـلعت منى من الباب الي يودي الحوي ومن هنااك بتسير الصـاله..نزلت ع الدري الصغير الي عند باب الميلس..وسـارت صوب الصـاله..على اول دري الي عند باب الصاله كـانت قطـوه سوووده يالسه عـــليه..ومنى من النووع الي تموووت من الزيــغه من القطااوه..مع انها هي كانت ع صوب وهي تروم اتسير من الصوب الثااني بس بعد كانت ميــته من الخوووف مستحيل تقرب صووبها..يا ربييييييي شو هالوهقـــه..الله ياخذها هااي شو ميلسنها اهــني..اميييه اتزيغ يالسه تطــالعني..بسرعه ابتعـدت عن الصاله وسارت صوب الميـلس اول ما تبا تفتح البااب تسمع صووت رياال دااخــل يضحك ويا مــايد..يا ربيييييييي هذا اكيـد اخوووها..انا شو اســوي الحيييين..الله يخس ابليسج يا نوالوو وهقتيني..طبعا استحـت تدش دااخل وردت نزلت تحـت من الدري سايره صوب الصاله وهي تدعي في خاطرها انه القطـوه مااتكون موجووده..بس اول ماسارت شـافتها يـــالسه بعـدها ع الدري وكانت تطـالعها وهـي من الزيغه اتحـس بنبضات قلبها تزيــد وشـويه واتصيـح متوهقـــه..الله يغــربلج قووومي شو ميلسنج اهـني انزييين افففففف..كانت تحاول تتجـرب منها اتقول يمكن لو شافتها تتجرب اترووح بس ماشي فاايده جنه حد ملصقنها اهــني..ردت وقفـت مكــانها وهي مب عارفه شـو تســوي ..مره ثانيه اتجربت اكثــر بس بعـد ماشي فـايده..اتجـرأت اكثـــر وفكـرت اتروح من الصووب الثــاني..وفعـلاا سـارت من الصـوب الثاني..تمشــي ببطء وهي تطـالعها بخووف..بعـدهاا على اول دري وزايغـه اتكمــل..بس قوت قـلبها وصـعدت الثاني..اول ما تبـغي تصـعد الثـالث شــافتها فــجت حلجها اتقول ميــــــــاااو ميـــــاووو..عاد هــي اهني حست بقـلبها طاح في بطنها من الزيغـه ومــاحست بعمرها الا وهــي تربع ع الدري نـــازله وســايره بعيـــــد تصـــارخ..(وااااااااااااااااااااااااي لحقوووووو عـــــــــــــــلي)..وقفت وحـطت ايدها ع قـلبها وتتنفس ع السريع وتشــاهق..(عنلاااااااتج يالسوووووده يالصــــخااام زيغتيني الله ياخذج..ااااه يا ربييي انا شسوي الحيـــن مااقول الا غربلااااتج يا نوالوووو جانج وهقتيني..)..اوييييييييه انا شو اسوي الحيـــن شو اســوي!!..ردت مره ثانيه صوب الميلــس ..اتجربت من البـاب وسمعت صوت الرياال بعده داخل..اففففففف هذا بعـد متى ناوي يظهر من عندهم اففف لزقه..ياخي اطلع وخلهم رواحهم انزييين..الحين نحن نباهم يقعدون رواحهم ويسولفون وهذا حضرته يالس لي دااخل عندهم ومب طايع يطلع..اففففف شو هالبلشه الي ابتلشــت فيها انا..سارت مره ثانيه صوب الصـاله ولقتــها بعـدهاا يالسه..اتجـربت شوي شوي صوب الدري ع الصوب الثاني..مافي الا اسير و اربــــع داااخل بســــــرعه..كانت بتسويها وحطت ريوولها على اول دري..بس ماتت من الزييييغه و ردت ورى بسررعه يوم شافتها اتحـركت شــوي..يا ربييي شسوي شســـوي!!..مافي الا افر عليها شــي واربــــع بعييييييد عشاان اتخووووز..بس شوو يا ربي شووو..مـالقت الا انها اتنزل عمرها وتشــيل نعااالها.. وتفره جرييب منها ع الاقــل.. يمكن تزييغ وتخووز الله يغربلها..كـانت ميـوده نعالها ورافعتــنه واتحـس انها ترتجـــف من الزيغــه وحايسه بشـفايفـها..تتجدم خطـوه وهي تبلع ريجها واترد ورى خطــوه متردده اتفـر والا مااتفــر..اتجربت شـوي..اووووووه انا بفــــر وخلاااااااص..وفعـــلاا فــــرته بسرررعه وغمضــــت عيووونها وربعــــــت بعيييييد..فتحـت عيوونها وردت جريب الصاله مره ثـــانيه بققت عيوونها وهي اتشووفها بعـــدها الحبيبه يااالسه..بغــــت تتخـــبل في هاللحظـــه كيييييييف هاي بعــدها يااااالسه الله ينطــبهااا ان شاء الله..حسااافه فيها نعااالي الي فريـــته والله يعــلم وين سااار ..اويييييي وانا الحين اتم جــي بطبجة وحــده..لكـن ما عليييييييه يا نوالووو هذا ويهــي جان طبيت بيتكم مره ثااانيه..مالقـت الا انها توقف ع صووب وتتريـــا شوي يمكـن القطوه اتسير والا الي في الميلــس يطــلع..وهي واقفــه فجــأه اييها صــــوت واحـــد منفجـــر من الضحــــــك..اهـــني انصعقــــت وحست ابرووده في جســمها وتمـت متيبسه بمكـــانها مبحلقــه عيوونها تطـالع جدااامها ومترووعه تشووف وراها..تمـت على هالحــاله وهي تسمع الصووت قاعد يتقرب منها شوي شوي..ليـن ما حسـت انه خطـف عـدالها واااحد وهوو ميــت من الضحـــك..لحظـــتها اتمـــنت تنشــق الارض وتبلعها ولا انــه تشوووفه هــذا..لاانه على طووول حطــت في بالها انه هذا يضحـك عليييها وشـــاف كل الي هي ســــوته..وطـبعا هذا يوم شـافها استحـى وحـط ايده ع حلجـه وتم يضحـك مب رايم ايود ضحــكته ..شـافته ساار صووب الصــاله ومشـى ع الـــدري جريب القطـــوه ودق ريـله ع الدري عــدالها بالقــــو جـان تربـــع القطووه ناازله من الدري وراحــت بعيــــد ..وهي واقفه تطــالع وهي مبققه عيووونها..اتجرب شوي منها وصـد صووبها..
.....: ههههههههههههه,,اختيييه تقـدرين تدخلين الصاله الحيــن..وسار عنها صوب بااب الحـوي وهوو يضــحك..
تمــت مـــنى واقفـــه فتره متيبســه بمكانها تبغي تستوعــب وتيمع الي استــوى..ااااه يا ربيي اكيــد اكيــد هذا كان واقــف من اول ما ييت اهـــني يراقـــــبني..والا جان ماضحـك جذه آآآآآآآآخ يا ويــــــهي..يا فشيييلتي يا فشييييييييلتي..حســت بضييييج في صـدرها وتبغــي تصيييح..من القفطــه والاحـراج..ماحست الا والدمعه نازله على خــدها..دب انزيييييييين واشحقه يضحـك هالكثر
هالكثر ..سخيييييف والله..يوم انه شافني جي متوهقه من اول شـي..جي ماياا يساعدني..لــكن محد بيرووح فيها غير نوالووو انا براويها..مسحـت دمعـتها ودشـت الصااله..وسـارت يلسـت عندهم..
.
.
في الميلــس..بعد ما طلع اخو نوال من عندهم,,كـانت نوال يالسه بعيـد عنه شـوي..ومـايد حس براحه وهو يسولف ويا اخوها لكن من طلع رجع له الضيج مره ثانيه وهو يتذكـر كل الي صـار..نـوال موخيـه راسها وتتريــاه يــرمس..رفعت راسها شويه وشـافته يـالس يتأمـل صورتها الي في برواز كبير ع اليـدار يوم كـانت صغييره..ابتسـمت ابتسـامه باهتـه ونزلت راسـها..شـل عيونه من ع الصـوره وشـافها..
مـايد: احــم,,سلاام عليـج..
نـوال وهي ترفع راسـها ..: وعليــك الســلام..
مـايد: اشحـالج؟؟
نوال: زيـــنه..
مـايد: اممم,,زعلااانه..؟
نــوال: انت شو رايــك؟؟
مـايد بحــزن وضيــج..: نوال انا مااعرف شـو اقولج الصراحه..من حقـج تزعليـن مني..بس انا ماادري شو استـوى بي يوم سمعت صوتها..حسيـت اني رديـت للايــام الي طـافت يوم كـنت عايـش وياها في عـالم ثـاني..عـالم كـله حـب وعشـق وغــرام..ماحسيـت بعمري وانا اقولها هالكـلام..يا نـواال ارجوج افهميـني انا ماابغي اقص عليـج واقولج انا نسيـت شمـا وما عـدت احـبها..انا هالبـنت حبيتها من خـاطري..في البـدايه قلت برمسـها اسبوع والا اسبوعين وخلااص بودرهـا شو ابغـي فيها اصلا ارمسـها..شرات ماكانوا يسوون ربــعي في البـنات..بس عاد هم يوم يودرون الاولانيه يتعرفون على غيرها بس انا لااا..هي كـانت اول بنت اتعـرف عليها وآخــر بــــنت..اكتشـفت انه يوم عن يـوم حـبي لهـا يكبر اكثـر واكثـر..مر اسبوع واسبوعين وثلاث وانا احس بعمري يالس انجـذب لها واتعلق فيها اكثــر هذا وانا قايل بودرهــا..(نـوال تسمــع وتذرف دمووعهــا )..نوال ادري انه الكـلاام هـذا يجرحج والمفروض مااقولج بس انا لاازم اصارحج في كـل شــي..وبنفس الوقت مابقطع الامـل وبقول اني انا مستحيـل احبـج وبتم احـبها هي..بس الي عليج انج تستحمـلين وتوقفين ويـايه مااتودريني..واذا تحسيـن انج مب رايمه تستحملين قوليلي انا بريحـج وبسوي الي تبيـنه..حتى اذا تبيـن الطلااق بطـلقج اذا هالشي يريحــج..
نوال تصيــح..: مـــايد انا ابغيــك تكون لي انا وبــــس..مـايد انا أحبــك من قــلبي والله احـبك والغيره بتذبحــني..المشكـله اني مـب رايمه اودرك بالرغم من الجــرح الي سبــبته لي في قـلبي..قوولي شو اسـوي انا شـو ذنبي يوم تعلقـت فيك وحبيــتك جـذه..حـرام عليك حس فيني شــويه..
مـايد حــس بحــزن كبيــر في داخــله ورد راسـه ع ورى واتنهـد بضيج..مب عـارف شو يسـوي..يحـس عمره بيـن ناريـن..عقله يقوله نــوال وقــلبه ايقووله شمــا..بس الريـال من طـبعه يفكـر بعقـله ومايفكـر بقـلبه..شمـا خـلااص لو شو مايسـوي مستحيل تكون لـه..كم حـاول وكـم سـوى بس ماشي فايده..خلااص يوم انه الله كاتب له هالشي مايروم يغيره لو شو مايسـوى..نـوال هي الي المفروض الحيـن يبـدأ ويـاها مشوار حيـاته ويفكـر فيها..هو المفروض يحمـد ربه انه الله اهـداله نـواال..على كـل الي سـواه فيها الا انها اتقـول انها اتحـبه ومااتروم اتودره..لو وحـده غيرها جـان مارضـت على عمـرها اتم في ذمـته ثانيه وحـده..وبجـي بيكـون عــذابه اكــــبر من العذاب الي يعيشـه الحيـن..صــد صوبها وشـافها موخيـه راسـها واتصيـح..نـش من مكانه وسـار يلس حـذالها..غمضـه وايد شكـلها وهي صيـح خصوصا ايعرف انه هو السبـب..
مـايد: نـوال ترى شـرات ماانتي اتحبيـني انا ماابغي اخسـرج..
نـوال: وشمــــا!!..
مـايد: شمــا خلااص يا نـوال ما بتكون من نصيبي لو شو ماسويـت..وانا واحد مؤمن بقضاء الله وقـدره وهذا الي الله كاتبه لـي..مابقولـج اني بنسـاها جـذه مره وحده ومابيلس افكـر فيها ترى لين الحيـن حبها في قـلبي مامـات..بس اوعـدج اني بحــاول وانتي بعـد حـاولي ويـاي دخيـلج..
نـوال اتحـس بألم في قــلبها وهو يقول هالكلاام..: خوله قالتلي انجـدم العرس..
مـايد: ايواااا وانا هـذا الي ابغي اقووله..ع الاقـل يوم بنتزوج بتكونين انتي وياي على طوول وبنشغل وياج..اما الحين انتي في بيـت وانا في بيـت ومااشوفج الا يوم في الاسبووع.. واااايد صـعب علي اني امنع نفسي من التفكير فيها..
نوال: خلااص مـايد انا موافقه بس بشاور الاهـل..
مـايد: اوكـي خـلااص..نوال الله يخـليج بس لاتصيحين لااتزيديني دخيلج ابغي انسـى شوي انا روحي مضـايج..
نـوال وهي تمسـح دموعها..: مـايد الله يخليك دوم حط في بالك انه في وحده اتحـبك..وهالوحـده هي الي انت تقـدر تبادلها الحـب لاانه حـب عفيـف وطـاهر..مب شرات حـبك لهذيج..
مـايد يتنهــد..: والله صح كـلاامج..بس شـو اسوي غصـبن عني والله..لكـن انا وعـدتج انتي بس خليج ويايه ولا تودريني..
نـوال: انا ويـاك على طـول مــايد..
........................
كـان يـالس في حجـرته ع الكنبـه وماد ريـوله ع الطاوله يشوف التلفزيـون..انتبـه انه في حد بيدخل لاانه شاف مقبض البـاب ينزل..انفـتح البــاب وشـافها..اول ماطاحت عيونها بعيـونه عطـاها نظـــرة عصبيـه وعقـد حياااته وصد عنها الصوب الثاني ..بــس هـي مااهتمــت وحـدرت داخـل وصكـت البـاب وراها..سـارت صووبه ببطــء وهي اتصيــح ويلست حـذاله..قصر على صوت التلفـزيون ..وقف وعطـاها ظـهره وربع ايـده..
حــارب بنبرة جـامد..: نعـــــــم؟!!!..شو تبيــــن؟
شمـا كانت يالسه امنـزله راسـها واتصيح من الخـاطر..ماردت عليه وتمـت ساكته لين ماحسـت عمرها هدت شوي نشـت وسارت صووبه..
شمـا: حـارب انا آســفه الله يخـليك سامحــني..الله يخـليــك..
حـارب:.....
شمـا: حـارب دخيـلك انت اخــوي الوحيـد وماعندي حد اغـلى عـنك وماابغيـك تزعل منـي الله يخـليك..
حـارب: .......
شمـا سارت وقفت مجـابلتنه وقبضت ايدينه..: ســوا فيني الي تــباه...جان تبـا تذبحـني بعد عـادي عـندي بس الله يخـليك سـامحني..والله نـدمانه على كـل كلمة قلتها والله..نـزلت راسـها وتمـت تصيـح بحرقــه..غمضـه شكـلها حـارب وتـم يطـالعها بنظـرات حــزن..حس انه اذا ما سامحها بيكـون قاسي عـليها واايد..مهمـا تكون هاي شـما اخته الوحيـده والله العالم اشكـثر يحبها ويغـليها ..لـــوى عليها وهو يحـس بقـلبه يعـوره وهـو يسمـعها كيـف اتصيـح وهي في حضــنه..كـانت اتصيـح بصوت عــالي من الضيــج والنــــدم على الي قـالته..
حـارب ويحـس بالدمـعه محبوسه في عيونه..: بـس فـديتج بـــس..
شمـا: اااااه حـارب الله يخــليك لاا تزعل منــي ولا تهـدني بروووحي..انا محـتاجتلك حـارب دخيـــلك..
حـارب: حبيبتي شـما اهـدي بـس انا سـامحتج خـلااص..
شمـــا: ......تصيح..
حارب: دخيلج شـما بـس قطعـتي قـلبي تراج..حتى انا الغلطـان حياتي المفروض مااخليج تيلسين روحج فالبيــت بعد ما عودتج اظـهرج وياايه دووم..
شمـا: انا اســتااااهل..استااهل الي سويـته فيني واكثـر بعـد..ااااه ماادري شقايل طلع مني هالكـــلاام ماادري..
حارب: لا فـديتج لا تقولين جـيه خلااص الحيـن الي صار صـار..
شمـا: اكيــد الحيـــن حمـده كــارهتنـــي..
حارب: لاا حياتي حمده ماتكـره حـد..شو رايـج تتصـلين فيها الحيـن وتعتذرين لها..
شمـا قـامت من حضـنه وهـزت راسـها يعني موافقه..شـل مـبايله الي كان محطاي ع الطاوله الي جدام الكنبه ودق رقم حمـده وعطـى الموبايل لشـما..بعـد ثلااث رنـات ردت ..
حمـده: الووو..
شمـا بالغصـب ترمس وتحاول اتبين من صوتها انها ماتصيح..: الووو..
حمـده استغـربت منو هاي!!..شافت تلفونها المتصـل (حرووبي)..عيل منو هــــاي!!..: امنو؟!!..
شمـا: ما عرفتيني؟..انا شما
حمـده في هاللحظـه اتذكـرت كل الي صـار وحسـت بضيج من الموقف الي انحطـت فيه والسبه شمـا..ابدا مااتوقعتها جيه اتسوي فيــها..: خيـــر؟!!
شمــا ماقدرت اتيود عمـرها وانفجرت من الصياح..: حمــده الله يخـليج سامحيـــني..والله نــــدمااانه على كـل الي قـــلته انا مااسـتاهل منج شـي والله مااستــاهل..صـدق حقييره ومااستحـي على ويهـي انتي يـايه عندي وانا جيه استقبلج..انا مـب ويـه حد يزورني ولا حـد يوقف ويـــاي انا مااستااهل ولا شـي منكم..دخيييلج حمده دخيييلج سامحيني..
حمـده من سمعـتها اتصـيح كسرت خـاطرها واااايد ونزلـت دمعتها لاان هي امبونها مضـايجه من الي صـار والدمعه كانت في عيونها..: شـما غـناتي لا تيلسين تصيحين جذه والله عورتي قـلبي..فـديتج رضيـت عنج خـلااص دام انج متصـله فيه تعتذرين..انا بعتبر انه ماصار شـي وخلااص انســي ..
شـما: ااااه حمـده والله مااتوقعـتج بترضيـن عني..
حمده: لا فـديتج وليش ماارضى عـنج؟!!..يكفي انج اتصـلتي تعتذريـن ..بس دخيلج لا تصيحين..
شمـا: اااه خليني والله ندماانه..
حمـده: خلااص انزين مايفيد الندم الحيـن..شي صار واستـوى ومااترومين اتردين الي فات..قلتلج رضيـت بعد شو تبيـن اكثر عن جيه الله يهدااج..احـم,,اهم شـي اني رضيـت عليج..ههه اوني عـاد وايد مهمه يـعني..
شــمــا باتسـمت من بين دموعها..:.....
حمده: الوو وين سرتي..
شمـا: انا وياج فـديتج..حمده عشان اتحسسيني انج صدق راضيه علي تعالي بيـتنا الحين..
حمـده: الحيــــــن؟!!..
شمـا: هي دخييييلج شــما..
حمـده: الله يهـديج شمووه تبيني بعد ايي بيتكم اليوم..اخاف عقب ابويه يعصـب و ماايدخــلني البيــت..
شمــا تشهــق..: بيسـويها يعــني؟!!..
حمده: ههههه اندوكم صـدقت..امم لااا بس فشـله انا اليوم ييت والله ياخذ ابليسج رغتيني بعد تبيني ايي مره ثانيه..
شمـا: حمـــــــــده!!..دخيلج لا تذكريني انسي خلااص..
حمده: ههههه انزين انزين..والا اقولج ..لاا لاا مابنســى..يلا يلا لا ترمسيني ويا راسـج..عيل انا اتروغيني جيــه واتصارخين بويهي ويا راســج
شما: حمـــــــده بس عاااد انسـي الله يخليج..
حمده: هههه بلااااج انتي اسوولف..
شمـا: انا حـتى مالي نفس اضحـك حاسه بضييج والله..دخيلج حمده تعاالي..
حمـده: الحين انتي ليش مضـايجه؟!!..انا ورضـيت عليج وخلااص مب شايله ع خاطري منج بعد من شو مضاايجه..
شمـا وهي تتذكـر مـــايد يوم قال انه مـلج..: ااه ماادري ماادري..
حمده: لا انتي ضرووري ايي عندج الحيـنه ..بس انا ماايخصـني عقب لو قلتيلي بطـنج يعورج من كثر الضحـك..
شمـا: هههه لاا اتحاتيين مابقوول..
حمـده: هههه خلااص اوكي فـديتج ..انزين ويـنه اخووج الحين خل ايمر علي..
شمـا وهي تتطـالع حـارب..: هذوو يالس يشوف التلفزيوون..
حـارب: فدييييييت الي يسئلوون عـــني..
حمده: ههههه قوليــله.. Oh my god!!!!!
شمـا وهي مبتسـمه..: اتقولك اوو ماي جــاد!..
حارب: هههههه امبوسيبـــــــل..
حمــده: هههههههه حاااافظ..
شمــا: شو السـالفه؟!!..
حمده: ههههه لاا لاا مـاشي..يلا يلا سوالف كبار ماايخصج فيها..
شمـا: ههه عـــدااال يالكبيــره..
حمده: ههههه هي فديتني خلااص كبـــرت ..انزين يلاا قوليله خل ايمر عليه تراني اترياه..
شمـا: خلااص اوكي فـديتج..
حمـده: يلا وداعة الله..
شمـا: ربي يحفــظج...
اول ما سكـرت عنها شـما سارت صوب حارب وعطته الموبايل..
شمـا: مشكور فـديتك..حارب حمده تتريا الله يخليك سير ييبها اهني..
حـارب بابتســامه: خلااص اتراضيتوا..
شمـا: هي الحمـدالله..
حارب: اوكـي فــديتج الحيـن بسيــر اييبها..
شمـا: فــديتك والله..حبته على راسـه..أنـــا آســفه..ونزلت راسـها بحـزن..
حـارب: حبيبتي والله مسـامحنج خـلااص عـاد انســـي..
ابتسمـت له شمـا وطـلعت من الحجـره ودشـت حجـرتها..شوي والا اتيها امـها الحجـره..
ام حـارب: ها فـديت روحج شو استوى؟؟
شمـا: خلااص اميـه حارب وحمده رضـوا علي..
ام حارب: زييييين الحمــدالله..انزين امـي تعااالي في وحده تباج ع التلفوون..
شمـا: تبــــاني انا؟!!!..
ام حـارب: هي قـالت تبــاج..
شمـــا مستغــربه.: من تلفووون البيــــــت؟!!!..
ام حـــارب: هيـــه..
شمـا: امي انا مااحيد عطيـت حد رقم تلفون البيـت وبعـدين انا اصلا مااعرف حـد..
ام حارب: ماادريبها ياامــي هي قالتلي ازقـرج..ماعليه انتي سيري رمسيها شوفي شو تبا منج..
شمـا: انزين ماقالتلج امنو هــي؟!!..
ام حارب: لا ياامــي وانا بعد ماسئلتـها..
شمـا: خلااص امايه بسير الحين..طلعت شمـا من الحجره سايره الصـاله..يلست ع الكنبه عند التلفون وشـلت السماعه..
شمـا: الوو..
خــوله: سلام عليكم..
شمـا: وعليكم السلام..
خوله: شمـــا؟!
شمـا: هــيه..
خوله: اشحالج؟
شمـا: الحمدالله بخير..امنو؟
خوله.: شوفي يــا بنت النـاس انا عـندي كلمتيـن بقولهم وبسكر عـنج..اخــويه مــايد ماايخصـج فيه من اليوم ورايح فاهمـه..!!..الريال مـالج وعرسـه جرييب مانباج على آخر شي اتين اتخربين لنا كـل شي..يكفينا الي يـانا من وراج..انسـي واحد اسمه مـايد خــلااص واياني واياج اتحاولين تتصلين به مره ثـانيه ترى بتشوفين شـي ماشفتيه في حيـاتج..انا هالمـره رمسـتج انتي لكـن اذا صار هالشي مره ثانيه كلامي مابيكون ويـاج انتي..بيكون ويا امــج..وانا حـــذرتــج..مع السلامه..وصكـت التلفون بــويهها..
شمـــا من اول مـابدت خــوله كـلامها وهي مبهــــته..مــبطله عيــونها ع الآخــر ومنصـعقه من كـل كلمه قـالتها ودموعها منـسابه على خــدها من دوون لاا اتحـــــس..من الصــدمه حاسه انها مب قادر تستــوعب الي سمـعته..تمـت على هالحـاله قابضـه سماعة التلفوون واتصيـح بصمـت لين مادشـوا عليها حارب وحمـده وشافوها بهالحـاله..اطـالعوا بعـض مستغربيـن شو بلااها!!..ساروا يلسها عندها على طـول..
حارب: شمــا..شمــا فديتج اشفيــج؟!!..
صدت صوبـه وتمـت تطـالعه وتصيـح..شافت السماعه الي بيدها وعقبها اطالعت حارب..الي كان منصـدم..شل عنها السماعه وحطاها ع اذنه بس ماحصل حد ع الخط..صدت صوب حمـده..اول ماشافتها انفجـــرت من الصيـــاح..: حمــــــــده..
حمـده لوت عـليها وهي الثانيه بعد مصدوومه..: شمــا حبيبتي بلاااج شو مستـــوي؟!!..
شمــــا: ااااااااه انا ليـــــش عااايشه لين الحيــــن لييييش..انا ابغي اموووووت ابغي ارتاح من هالدنيا..
حمـده دمعـت وهي تشوفها اشقايل اتصيح: استغفر الله شمااا حراااام لاا اتقولين جــــيه..شو فيــج انزين منو كنـتي اترمسيـن..
شمـا حـاسه انها خلااص مب قـادره تستحمـل تبغي تفضفض الي في خاطرها..قامت من حضنها ورفعـت راسـها تطالعها والدموع ماليه عينها وقبضـت ايدها..: حمـده تعالي ويـاي الحجـره..
حمـده: ان شــــاء الله ..يلا انسير..وقـامــوا من مكـانهم وسـاروا صوب الحجـره..
حارب وهو يطالعهن..: والله وســـــوولي طــاف..
حمـده: هههه عنا سـوالف خـاصـه..
سـار حارب صـوبهن وهو يطـالع شـما الي كانت موخيه راسـها واتصيح..
حـارب: شمـا حبيبتي..قوليلي اشفيــج ترى قمت احاتي؟!!..
شمــا:..........
حمـده: ما عليك حارب انا الحين بيلـس وياها وبسحـب منها الكلام غصب طيب وان شاء الله مابتطلع من الحجره الا وهي مرتاحه ومستـانسه..
حارب: ههه انتي داهـــيه..اتسوينها والله..وهو يغمـز لها..مثل ماسـحبتي قـلبي غصب طيــب..
حمده تشـــــهق..: اووووه مــــاي جـــــاد..لاا مستحييييل..
حارب: هههههه سيري لاااا ..كلما قلنالها كلمه حــلوه عادت نفس الاسـطواانه..مب ويه حد يعطيج من هالكـلاام انتي..
حمـده: ههههه اوكي ماابغي من هالكـلاام انا..صار عندي تشبـع من هالكلاام خلااص هههه
حارب: هههه تشبع اونه..يلا عيل اخليكم بس هاا لا تطولون اتريااكم تراني..
حمـده: خلااص ان شاء الله..
سار حارب عنهن ودشن الحجـره..يلسـت شما ع الشبريه ومنزله راسها وسارت حمده ويلست حـذالها..
حمـده: يلا شمــا قوليلي الحين اشفيـج..
شمـا: ااه حمـده بقولج كـل شــي..بس اوعـديني مااتخبرين حـد واهم شـي حاارب ترى اذا عرف عادي يذبحـني..
حمــده تطـالعها وهي مبـطله عيوونها مستغـــربه!..: اووي جــي شو مستوي قووولي..اوعدج محد بيعرف..
وبـدت شمـا اتقـول السـالفه من اول ما ااتعــرفت علـــى مايد ليــن كل الي استـوى في هاليوميـن..عــاد حمــده انصعقــت من اول ما بـدت ترمــس..معقــوله شمــــا كانت اترمـس واحد!!!..هالشــــي ماكانت تتوقعــه مووول لاانه الي يشوف شمـا ماايقول انها من هالنـوع..موول مو امبيــن عليها..كــانت مبهــته وهي تسمــعها مــب قادره اتصــدق كل الي تقووله!..
شمـا وهي تصيـح بحرقه..: هاي كـل السالفه..
حمـده: شمـــا اول شـي انتي اشقاايل رضيـتي ترمسيـــنه!!..
شمــا: الوحــده والفراغ هم الي خلوني ارمسـه..حمده انا لاا عـندي اخـت كبري ولا عندي رفيــجه اقدر اخذ راحتي وياهم في الرمسـه واقولهم الي في خـاطري..مــايد قـدر يعوضـني عنهم وهذا الي خلااني ارتاح ويــاه..كـان يفتح لي قـلبه وايخلينـي اقول كل الي افخــاطري..كـنت ارتاااح واايد يوم ارمسه واايد..
حمـده لـوت ع جتوفها..: فــديتج والله ما تستاهلين الي صابج ..خلااص الحين الي صار صـار..انسيـه ولا تفكرين فيــه احسه مايستاااهل انج اتسوين جيه علشانه..بـس عرف انج مـريضـه قال مايبااج!!..شو هالـحــب..لااا وجنه ما صــدق على طــول ملج..
شمـا: اااه حمــده دخيــلج بس..
حمده بدت تــدمع..: بس بس فـديتج..تدرين شوو احـس احنا السبب في الي صار امس ..لو كنا ماخذيينج ويانا جان مافكرتي تتصـلين فييه..كله من حاارب والله انا قلتله..وانتي الله يهـداج بعـد ما قلتي تبين اتين ويانا..وهاي اخـته سخييفه الصـراحه شو تتحراج يعني ميته في اخووها..
شمـا: أنــا أستــاهل..أستــاهل انا الي يبته حق عمـري..
حمـده..: بس فـديتج بس لاا اتسوين في روحج جذه خلااص اوعـدج ماانخليج مره ثاانيه..واي شـي مضيج بج قوليلي ..اعتبريني شـرات اخـتج..اي وقت حسيتي عمرج فاضيه اوملانه اتصلي فيني واذا تبين اتيني البيت او انا اييج عاادي انتي بس قوليلي وان شاء الله بجي تقدرين تشيلينه من بالج..
شمـــا: فـــديتج والله يا حمــده..ما خلااني منج ربي ..على كل الي قلته لـج تبين توقفيـن ويااي..والله مااستـاهل..
حمـده: بــــس شماا دخيلج ماابغي اسمع هالكـلام انا ناسيه خلااص..وانا عاذرتنج ومسامحتنج فـديتج خاصه بعد ماعرفت الي كنتي تمرين فيــه..لو انا كنت في مكانج بعد جي بسـوي..
شمـا: حيااتي حمــده..تسـلمين والله..
حمـده: شمــا حبيبتي انتي لاازم اتكمـلين دراسـتج عشـان تشغلين وقـتج في شـي مايصير جيه..
شمـا: ماابـــــي..
حمـده: لاا تبييين,,مايصير جيه تقعدين شـما وخصوصا انتي ماشاءالله عليج كنتي شـاطره...
شمـا: بعـد شوو حمــده..انا المفروض الحيـن اكون مخلصه وياكم الثنويه وادش الجامعه..خلااص راحـت علي..
حمده: شوو راحــت عليج ..الا سنتيـــن بس..انتي بعـدج صغييره شمــا والعمر جدامج ..خلااص الحين الي فات مـات وابدي حيـاتج من اول ويـديد..صـدقيني يوم بتنشغلين بالدراسه وبتتوفقين ان شاء الله بتنسيـــن ماااايد وحياتج بتتغيـر..
شمـا: انــزين والمــرض..!
حمـده: شو بلاااه المــرض بعــد؟!!..يلااا عاد شمـا لاا اتخليـن هالمرض يتغـلب علييج..انتي الحمدالله عايشه حياتج طبيعيه حالج حالنا والمرض هذا انسيـه ولا تفكرين فيه بعـد وجنه مافيج شـي والله..
شمــا تصيح بحـرقه وهي تتذكر الموقف الفضييع الي صارلها قبل سنتين فالمدرسه..: واذا شافوني طـحت عليهم..
حمـده: حبيبتي والله محد بيشوفج ان شاء الله..انتي بس لاا تنسين الدوا اهم شي وداومي عليه وان شاء الله صحتج بتكون عال العااال..
شمــا: مااعرف والله..
حمـده: خلااااص تبديــن دوامج ويانا ان شاء الله شهر 9 وانا بقول حق حارب..عشان خاطري شما دخيلج..
شمـا تطـالعها وحايسه بشفايفها..: بشووف..
حمـده: يلااا عااد شمـــا..وافقـــي دخيلج صدقيني انتي الي بترتاحين يوم بتختلطين ويا البنات وبتتعلميــن والله احسـن من قعدتج جذه في البيـت..
ابتسـمت شمـا ابتسامه خفيفه وهزت راسـها يعـني موافقـه..بس بعـدها حاسه انها متردده..لكـن اتقول في خاطرها بتفكـر فيها وان شاء الله خير..
حمـده: انزين فـديتج يلا قومي الحيـن بنخلي حارب يظهرنا شو رايج؟؟
شمـا: مضاايجـه حمــده مالي نفــس..
حمـده: انزين لاانج مضايجه اقولج بنظـهر اتغيرين جـو عالاقـل..
شمـا: حمده قوليلي بصراحه انتي ماتتضايجين اذا ييت وياكم..
حمده: هههه لااا والله وليـش اضــايج!!..هههه ثرج مااتعرفين شو كنت اسوي انا..يوم اخـوي مـلج حليله هوو ومريووم مرته ماخليناهم في حالهم انا وعوشووه اول مايقولون بنظهر انرز بويوهنا ويااهم وعاادي حليلهم كانوا ياخذونا وياهم..ماعليج فــديتج كل مكان بنوديج ويانا..
شمـا: فدييييييييت رووحج والله ما غلط حارب يوم حط عينه عليــج..
حمده: ايييييييييييه بـــس استــــحي عن اتفجج..
شمـا: هههه...
حمـده: هههههه يلا فديتج انسير..
|