أميــره من اول ماراحت عنها نــوره وهي ماوقــفت صيااح..تسكـت شوي بس يوم ترد تتذكــر ترد تصييح مــره ثانيه..مصدوومه من راشـــد قالت عنه حقير ونــذل بس يكوون لهالدرجـــه انه يفرق بيــن هنتييين..رمــس عن البــنت وقال عنها كــلاام خلااا اميــره مب بس تقاطعها الا تكــرهها..وآخر شـي طلع الحبيب خاايف انها اتخــبرني شو كان من بييينهم!!..قــص على البـنت مسكيينه وسحـب منها صـورها وكان نااوي عليها نيــة شيينه..اخ عليييه صــدق انه حقييييييييير..اااه يا ربــــي ليش هــذا جيــه لييييش!!..ليش كلمـا اقول انه هوو مافي منه خلااص اتغيــر يستوي شـي ويخــليني اكرهه..كـانت يالسه في الصــاله تترياه ايــي واتقوووله كــل الي في خاطرها وتطــلع حرتها فيييه.انتبهــت للبااب انفتــح..صـدت وراااها عــلى طووول اتشووفه..وقفــت وكانت بتسير صــوبه..بس شـــافته رايــح فيييها ومــب متمكــن من مشيــته..سـاير صوب الدري وهــو يتمــايل ويخــربط مااعرف شــو يقوول..تمــت تطـالعه وهي تصييح بحــرقه والم في دااخلها..لين مااختفت من انظـارها..نزلت راسها بخيبة امــل..ويلست حطت ايدنيها ع ويهها وتمـت جييه فتـره اتصييح من الخااطر..عقبها اتذكــرت الصـور..هذا انسـب وقت اتسير تاخذ موبايله وتمسح صور نــوره..صعدت فوق ودشت الحجــرة..اول ماشافته منخمــد اطالعته باشمئزااز وسارت خذت موبايله الي كان ع الكمدينو صووبه..وسارت بعيـد عنه وتمت اتدق الازرار عشان اتطلع الصــور..شافتهـن ومسحـتهن كــلهن..وعقبها دقت عالمسجاات..تبغي اتشوف اذا شـي مسجاات محتفظ فيها منها لين الحيين والا لااا..بس ماشافت شــي..ردت التلفوون مكانه وطـلعت من الحجـره وسارت صوب الصاله الي فووق وانسدحت عالكنبــه..مـا حســت بعمرها الا بــايد تطبطب على جتفـها ع الخفييف ..
راشــد: اميــروووه يلااا عاد قوومي مليت وانا ازقرج..روحي ارقدي في الغرفه ليش راقده اهني..
نشــت اميــره وهي تتثــاوب يــلست وتمت تطالعه واقف مجابلنها..اتذكـرت كل الي صاار امــس وتمت تشووفه بحقــد..وقاالت لاازم ترمس الحيين لااازم..
اميره: راشــــد..
راشــد: هههه سيري اغسلي ويهج اول ..
اميره: مــب قبــل مااقولك الي في خــاطري واطــلع حـــــرتي ..انت شوووو من الاوااادم قوولي شووو.. مافيــك ذرة احســاس ولا ضميير..متــى نااوي تصطــلب يعني متــى؟!!.
راشــد عقــد حياااته يطــالعها..: انتي اييييه شو تخــربطيين..شو مشكــلتج؟!!..
اميـره: تباني اقوولك شو اخــربط..اوكـــي بقوولك..بقوول يا ريلي حبيبي..يالصــادق ويااي في كــل شــي..حــرام علييك انت مااتخــاف ربــك؟!!..مااتعرف انه باجر وراك حســاب!!..ليـن الحين اتي البييت وانت سكران وانا الي كنت اقول انه هذا خلاااص ماايسير المكان الوصخ هذا..الحين خل هذا في صــوب..(بدت تذرف دموعها)..انا اتعودت خلاااص..السالفه العووده الحيـن هي نووره..نووره يا راشــد الي قلتلي عنها صاايعه ضـايعه وكل يوم تظهر وياا واحد..عرفت سـالفتك ويااها ..قصييت على البنت حلييلها ولعبت عليها وخليتها اتحــبك..وكنت تبغي تاخذ عرضـها وشــرفها لكـن هي طـلعت ذكيـه ومارضـت على عمـرها..ويااي عندي اتقوولي عنها هالكــلاام!!..وتباا تفرق من بيــــنا..والله حــــرام علييك شو من بشــر انته..
راشـد طوول مااميــره ترمــس وهو مبحــلق عيووونه يتطــالعــها مصدووم..معقووله عـرفت السااالفه!!..سوتيييها نورووه سويتيـــها ..زين انا براويج..: انتي شقاايل يتج الجـــرءة ترمسيني بهالطــريقه!!..شكـــلج نسيتي اني انا راشـــد..وبعدين انا ماقلتلج مااتيبين طاري هالانسانه على لساانج..شو قصيت عليها وماقصيت عليها شو تقولين انتي اتخبــلتي؟!!..ليكوون بس رمســتيهااا!!..اكيــد هي الفت هالقصه علييج..وانتي عالريحه اتصدقيين كل شي..
اميــره تصارخ: بـــس خــلااص مافي مجاال اصلا اتبرر موقفــك انت انكشــفت يا راشــد انكشـــفت..وبعــدين مب هي الي قــالتلي..انا سمعت من نـــاس
راشـد: ههه سيري لااا اتقصين عليه اونج..انا متأكد اميه بالميـه انه هي قالتلج..لكــن انا براويها..
اميــره: بـــــس هذا الي فالح فييه..ماعندك شــي غير التهــدييد..شو بتســوي يعــني؟!!.هاا قولي شو بتســوي..ههه صورها ومسحتهن من تلفوونك..ورقمها مغيرتنه وبيتهم الي تعرف وين مكانه مأجرينه ويالسين مكاان ثااني..شو تروم اتســوي يعني..والله بس يباا يهــدد اونه..
مـاحست اميــره الا بطـــــراق قــوي على خـــدها الي خلااها تفقد الوعي لــوهله وتـرد مره ثـانيه من قــوته..حــطت ايدها على خــدها وتمــت اتصيييح..وهو كان يشوف كف ايده كيف محمر وهو راص على اسناانه..بعد ما كفااه مطـها من شعـرها..: عشاان مره ثـانيه تحترمين نفسج ومااتاخذيين تلفوني وتحذفين عــلى كيفج..
اميـره: آآآآآه..آآآه راشــد بمووت هـدني راشـــد الله يخلييك راســــي اااااه راســـي..
راشــد: وبجـــتلج بعد ع الحــركه الخايسه الي سويتيها حيــــوانه..
اميـره: ااااه راشـــد حرام عليك يعور والله يعـــور..
هداها راشــد وتم يطـالعها وهي منزله راسها تصييح...: تبيني اقــهرج زياااده بعــد!!..ترى السالفه الي قالتلج نورووه صجيــه واستوت..ولعبــت على واااايد غيرها بعــد..ولاااا وليـن الحين بعد ارمــس بناات واقص عليــهن..وازيدج من الشعــر بييت..هههه ترى المـزرعه الي اسيرها ممزووره بناات عاد اهناك الواحـد ياخذ راحــته..
رفعــت اميـره راســها وتمــت تطــالعه بصــدمه..شافها بنظــره وابتسـم بسخريه وراح عنها وظهــر من البيـــت..تمـــت منهــــاره من الصياااااح..خلاااااص مب رايمه تستحمــل اكثــر مب رايمه..شلت تلفوونها واتصـلت في نووره وقالتلها اتي تاخذها وتوديها بيـت ابووها..نوره انصـدمت من سمعت صوتها اتصييح..وتمت تسألها اشفيها..بس ماطاعت تقولها شــي..ونــوره ماطـولت يت على طوول وهي اتحااتيها..طـلعت اميره وركـبت وياها..وطول الدرب وهي اتصييح بس مـب طايعه اتخبر نووره السالفه..ونووره اتحاتييها واايد واتقول اكيد هي السبب اكيــــد..
اميـره: بخبرج كل شي عقب انا خليني اوصل بيت ابويه الحينه..
نوره: بس انا قلبي مب مرتااح حاسه اني انا السبب في الي انتي فيه..ليكوون سببت لكم مشااكل انتي ويا راشــد..
اميـره تصارخ..: بـــــس اسكــتي لا اتيبين لي طاااريييه دخيييلج نورووه..اكرهه
نوره: لااااا شكــلها السالفه كبيــره!!..دخيلج قوليلي شو استوى من بينكم..ليكون بسبتي انا؟!!..
وصـلت نوره صوب البيــت ووقفت..
اميره: بقولج كل شـي عقــب..مشكووره نووره..
نوره: افا علييج ماله داعي تشكريني فديتج بس دخيلج طمنيني عليج انا قلبي مب مطــمن وحاسه اني انا السبب..
اميره: انتي مايخصج نوره لاا اتحاتيين..يلا مع السلامه..
نوره: مع السلامه..
نزلت اميـره ودشـت بيتهم ..اول ما حــدرت داخـل شافت امها ابـويهها..ارتمــت بحضـــنها وهي اتصيييح : امـــــي ماابغيـــه ماابغيــــه خلااص عفـــــته ومستحيل اردله مره ثانيه..
.
.
.
.
الجزء العشرون
الفصل الاول
ام حمد وهي لاويه عليها ومنصــدمه..: أمييره أمييه دخييلج اهدي..اهدي وفهميني شو السالفة..شو فيج غنااتي شو سوالج راشد
اميره وهي تصييح..: آآه أمييييه أنا تعــبت خلااااص تعــبت..ماأبغييه امييه ماابغيييه..
ام حمد: لا حول ولا قوة الا بالله انزييين قوليييلي ليييش ياامـــي لييييييش انتو اشحلااتكم كنتوو ويا بعــض شو الي غير عليـــــكم..عيين عيين ماصلت على النبي
اميره: اميييييييه انا من خــذته وانا مب مرتااحه ويااااه دوووم مشــــاكل بينااا..
ام حمد تشــهق ومصدوومه..: من خــــذتييه!!..اي مشــــاكل بعـــد الي تستوي من بيـــنكم!!!..وليييش ماكنتي ترمسييين مااتقولين شـــي؟!!..
اميره: شو اقوووول يااميــه شوو اقووول..ادريبكم لو كنت قايلتلكم ماكنتو بتصدقووني..امييه انا تعبااانه بسير حجــرتي..
ام حمد والدمعه في عيونها على حالة بنتها : تعاالي فديتج تعاالي خل اوديج الحجـره..وهي تهـز راسها..لا حول ولا قوة الا بالله..ودتها صوب حجـرتها حدرت دااخل فصخت شيلتها وعباتها وسارت يلست ع السرير وامها يلست حذاالها..
ام حمد: يلا فدييتج قوليلي شو من مشااكل بيينكم يااميــه..تراها يمكن مشااكل عااديه تستوي بين اي زوجيين وانتي مكــبره الساالفه..
اميره: جـــان زيين امييه لو مشــاكل عاااديه..انا سكــــت وااايد واااايد..وقلت بصبر وبتحمــل بس خلااااص مااقدر اصبر اكثر عن جيه مااقــدر..
ام حمــد مبهته تطـالعها: يااميــه زيغتييني قوليلي شو صاير من بيـــنكم ليش مب طايعه ترمسييين؟!!..
اميره: انا تعبااانه امـــاااايه ماابغي اييب طــاريييه الحيـــــن لو رمسـت عنه بيــلس اســبه واطلع الي في خااطري..انا خلااااااص عفته اميييه..
ام حمد: لا عاااد اميـــره انا مب طالعه من اهني الا يوم اتخبرينيي شو مستوي بييينكم شو تسبينه وعفتييه بعد!!..شو هالكــلاام في وحده تقول جي عن ريـلها!!..انا الي اعرفه انه راشــد رياال والنعـم فييه مافي منه اثنيين والحين انتي يايه اتقولين عنه جذه ومب طايعه اتخبريني شو مستوي بينكم!!..انا متأكده انها سالفه ماتسـوى وانتي مكبرتنها..الا دلع بناات اليووم على كل صغيره يزعــلن..
اميره: ااااااااااااه اميييييييه دخيلج لا ترفعيين ضغطي انا رووحي مقهوووره وانتي ياسه اتقولين لي هالكــلام!!..ثرج ما عرفتييه يااميييه ماعرفتييه..انا ادري بتوقفوون بصفه ومحد بيصدقني من جييه كنت سااكته عن سوالفه..حطت ايدها على خــدها..امييييه راشــد مد اييده علي..شــلت ايدها..ما لااحظــتي خدي شقااايل محمـــر..
ام حمد انصـعقت اهنــــي وتمت تطـالع خدها وهي مبهـــته..: شوووووه!!!!..مد ايـــده عليييج؟!!..معقوووله راشـــد مد ايده علييج؟!!..من متـــى عناا الريايييل يمدوون ايدهم على حــريمهم..خبرييني لييييش سواا جيه لييش!!
اميره: اميـــه هــذا مايتفاهم الا الضـــرب..دخيلج اميه ماابغي ارد له هذا وحـــــش انا كرهته خلاااااص..
ام حمد: لااااا لااااا هالشـــي ماينسكــت عنه..توصــل السالفه انه يمــد ايده عليييييج هذا مستحييل ارضــى فييه..الحيــــن بسير اتصل في ابووج وبخبره..
اول ما خلصـت كلااامها دخــلت حمده عليــهم..
حمــده تشــهق..: اميروووووووه اشفيييييج؟!!!..
نشت ام حمــد من مكانها..: يلسـي عندهاا انا بسير اتصل في ابووج
اميره: اميييه شو مستوي اميروووه اشفييييها؟!!..
ام حمد: ماادري ماادري..وطــلعت من الحجــرة..
تمت حمده تطــالع اميره مستــغربه..شافتها انســدحت ع السرير وصـدت الصوب الثاني من غير لا تعبرها وهي اتصيح بصمــت..
عفـدت حمده ع السرييير صووبها واتربعــت ويلست وهي تطـالعها منصـــدمه..: اميرووه اشفيــــــــج؟!!!!..
فــزت حمده من صــوت صــراخ اميـــره..: اوووووووووووه وانتي لاازم تتدخــلييين في كـــل شــــي..طلعي برع حمدووه مالي خــلقج...
حمده وبصــوت عااالي..: بسم الله خوفتييييييني انزييييين عنبوووو جيه اتصارخيين مااتروميين ترمسيين بصوت واطي..انا اشلي محرجه عليه انزييييين
اميره وبترجـــي..: حمدووه الله يخليج طــلعي بررع..
حمده: لاااا لااا لااا..انا مـــب طااالعه الا لماا اعرف انتي اشفييج ليش تصيحييييين ويايتــنا من الصبح اليوووم..واميه ليش سايره تتصل في ابوويه..
اميره: ايهيييييييي هاي سواالف كــباااار وانتي ماايخصــج فيها..(تصــارخ)..حمدووووه اطــلعي بررع والا صــدقيني بتندميييييييين ترى..
حمده وهي تنزل من السرير..: انزيييييين انزيييييييييين عنبووو كله تصاارخ..اونه سوااالف كباار تتحراااني ياااهل جدامها انا..
تشــل اميــره المخــده واتفــرها علييها بغييييض لاانها صدق مقهوووره..بس اتيـودها حمده واترد اتفرها عـــليها وعلى طووول تطلع من الحجره واتسير حجرتها وتتساااند ع السرييير وتاخذ موبايلها وتتصل في عووشه..
عوشه: نعـــــــــــم؟!!..
حمده: شو نعــــم انتي الثانيه بعد..ارمسي عدل انزين..
عوشه: نعم نعم شو تبيين مب فاضيـتلج انا..اصلا ماكنت برد علييج انزين..
حمده: ههههاااي عيل ليش رديتي..
عوشه: بالغلط بالغلط..
حمده: ههههه هي صــح..احمدي ربج انا اليوم فضيتلج واتصلت بج ويا راسج..ترى هالايــام تدريين بعد احم احم..ياااااااالله اتحصليني
عوشه: مااااااالت عليج الي يقول الحين انا ميييته فييج اصلا انا جذه مرتااااحه بدونج
حمده: هههههههه خراااااااااطه والله مابصدقج لا تحاولييين..(وهي ترقق صوتها)..ادريبج متولهـــه علييه واااايد وااايد..
عوشه تتطنز عليها..: ادريبج متولهه عليه وايد وايد..مااقول الا مااالت علييج وعلى هالصوووت..لو شو مااتسويين بيتم صوتج صوووت ريااايييل..
حمده: هههههههه وييييه انتي موول ما عندج ذوووق الحين كل هالنعووومه في صوتي اتقولين لي صووت رياييل..عادي عادي ماايهمني رايج اصلا..اهـم شي انه ناس يتفدووون صوتي و ويقولوون انه مافي احلــى منه..
عوشه:ههههه مااقول الا مالت عليج وعليهم,,الحين خلصيني شو تبيين؟؟
حمده: شو مب نااويه اتيين بيتنا اليووم؟؟
عووشه: لااااا ما بييي اصلا انا زعلانه منج..سيري سيري خلي حروووبج ينفعج..
حمده: هههههههه فديته اكيد بينفعني..جب عن المصااخه تعاالي اليووم..
عوشه: غريبه بتودرييينه اليووم مابتظهريين وياااه..
حمده: ههههههه اليوم افرااااج...لاااا عااد مب كل يوم اظهر ويااه..خل يشتاااق لي..
عوشه: هي والله خل يشتااااق لج..بيمل منج عقــب..
حمده: فاال الله ولا فااالج دبوووه..اصلا هوو لو الود وده دووم يشوفني بس بعد مب حلوه..
عوشه: انزين جب جب..
حمده: ههههههه,,تعااااالي,,انتو شو مسوييين في اميرووووه؟!!!..يالسه في حجرتها تصييح ويوم سألتها اشفييج تمت اتصاارخ عليه..
عوشه: اويييه بلاااهااا !!..اشدراني نحن مب مسوين فيها شــي..هي متى يت بيتكم؟؟
حمده: ماادريبها انا اول ما نشيت طلعت من حجرتييه وسمعت صووت من حجرتها جان ادخل اشوف اميه وهي يالسااات داخل..
عوشه: هيييه انزين سيري شوفي شو سالفتها..
حمده: بسير بسأل امييه الحيينه..انتي شووه بتيين؟!!..
عوشه: بشووف..
حمده: خلاااص اووكيه بااي..
عوشه: بااي..
.
.
دخـل بسيارته الحوش وبركــنها في القاراج وبندها ونزل منها ساير صوب بيتهم..وهو ع الدري الي عند المدخـل شافه ابووه وهو طـالع من بيـته..
بو راشـد: راشـــد..راشـــد..
انتبـه راشـد لصـوت ابوه ونزل من الدري وراح صووبه..
راشـد: خير ابــويه
بو راشـد يطـالعه بعصــبيه ويصارخ علييه..: ليـــــش مديت ايدك على اميـــــره هاااا!!..مااتقولي ليــــــش
راشــد اهني انصــدم..ابــوي اشــدرااااه!!!..: هااا!!..مديت ايدي عليها!!..متى؟؟!!
بو راشـد: شووووف لا تيــلس اتسوي روحك غشييم ومب فاهم شـــي..الحرمه مابتطـلع االصبح من بيتها واتسير بيت ابووها وهي اتصييح الا انك مســوي فيها شي مســود الويه..عنبوووك ماتستحــي على ويهـك اتمد ايدك على حــرمتك..لاا والمصيــبه انها بـــنت عمك..الحين وين اودي ويـــهي منه شوو اقووله وهو الي دووم يمــدح فيييك..فشــلتنا فشــلتنا حسبي الله عليييك..
راشـد في خـاطره..الله ياااااخذج اميروووه الله ياااخذج سرتي اتخبريين هاا..: ابوووي اشفيييك حطيت كل اللوم عليه..والله يوم هي ماتسمع الكلام شو تباني اسوي فيها
بو راشــد: جب ولا كلمه..لو شوو ماتسوي ماتوصــل السالفه انك اتمد ايدك عليها..طوف يلا طووف جدامي خلنا انسير بيت عمك..
مشـى راشـد صوب سيارة ابووه من غير لا ينطـق بولا كلمه لاانه اصلا ماعنده شـي يقووله..بس في خــاطره يسـب امييره سب ويدعي عليييها ميت من القهر منها..الحين خايف انها اتكوون مخبره عن سواالفه بعــد..والله لا ااذبحــها الجـــلبه لو قايلتلهم شـي..افففف كيف بجاابل عمي الحيييين..
.
.
نزلت عوشه من الدري وشافت امها في الصاله ساارت صووبها..
عوشه: امييييه ابغي اسير بيت عميي..
ام جاسم: توهم ابووج واخووج طالعين سايريين صووبهم ليش ما ييتي من قبل والا جان خذوج ويااهم..
عوشه: امييه ابووي وراشد ليش سايرييين بيت عمي هالوقت..
ام جاسم: اخووج مسود الويه ماد ايده على اميره حلييلها..
عوشه بهتت في هاللحظه وشهقـــت..: راشد مــد اييده على اميــــره!!!..وانا اقووول حمدووه اتقولي شافت اميرووه اتصيييح..انزين لييييش اميه جي هي شو مسويه عشان راشد يمد ايده عليها
ام جاسم: اصلا شو مااتسوي لاازم ماايمد ايده عليها...هذا اخووج ما يستحــي على ويهه كل شي مب زين اتوقعه منه انا..
عوشه: حرااااااام علييييييه راشــــد..انزين امي ليش انتي ماسرتي وياااهم..طوفي طوفي امييه خلنا انسير ويا الدريول..
ام جاسم: لااا وييين اسير احشر بعمري بينهم ..انا روحي مب طاايقه اشووف اخووج هذا بعد تبيني اسير هنااك..
عوشه: بس امييييه انا متحرقصــه ابغي اعرف شو بيستـــوي اهناااك..
ام جاسم: مب مشكله بيي ابووج وبيخبرنا كل شـي..
عوشه: لاا امييه شو بيصـبرني ..انا بسير اتصل في حمدووه..
نشت عووشه وسارت حجرتها..شلت تلفوونها الي كان محطاي ع التسريحه ودقت رقم حمده..
حمده: الووو
عوشه: هلا حمدوووه..دريتي بالي صاار؟!!..
حمده: هييييه يقوولج مشكله صايره بين اميره ورااشـد..
عوشه: مب بس جييه انا امييه قالتلي مد ايده علييها..
حمده: شووووه!!..مد ايده عليييها!!!..وبأي حق ان شاء الله يمد ايده على اخــتيه..وانا اقوول بعد صياحها مب طبيعي هالمره..الي ما يستـــحي على ويههه
عوشه: اشدراااني عنه انا روحي منصـدمه..انزين شو استوى عندكم خبرييني..
حمده: الحين يالسيين ابويه وعمي ورشوود الخاااايس تحت في الصااله..
عوشه: واميرووه وييييييين؟؟
حمده: اميرووه في حجرتها امييه عندها والله متغصصه مااتخليني ادش عندهااا كله اتصاارخ عليه واتطلعني..
عوشه: احســـــن تستااهلييين..بس انا الفضوول بيذبحني ابغي اعرف شو السااالفه شو مستوي بيينهم انا الي كنت اشوفه كانوا حلوييين ويا بعــــض ومتفاهمييين وما بينهم اي خلااااف..
حمده: وانا اشدرااااني يلا يلا بخلييج انا بسير عند اميرووه بشووفها..
عوشه: اتقوولين تروغج من الحجره بعد تسيرين عندها شو تسوييين..صج رزه
حمده: ماايخصــني بسييير ولو شو مااتسوي مابطـلع ابغي اعرف شو السااالفه..
عوشه: انزين انزين..وعقب خبريني..
حمده: اوكـي يلا باااي..
عوشه: بااي..
.
.
في الصــاله الي يالسين فيها الرياييل..
راشـد: عمـي انا اعترف اني غـلطاان وادري انه طلعتها برع البيت من غير مااتقولي مب سبب مقنع عشان امد ايدي عليها وادري انه كل شي ينحل بالتفاهم..بس اناا ماادري شو استوا بي فقدت اعصاابي وماعرفت اتصرف لاانها علت صووتها علي وتمت تصاارخ بويهي وهذا الي خلاااني اتصرف من غير مااحس..نش راشد وسار صوب عمه وحبه على راسه..سامحــــني عمي..دخيلك سامحني وصدقني هالشي ماراح يتكرر مره ثانيه..
بو حمد يتنهد..: لاا حول ولا قوة الا بالله..يا راشد اميره عزييزه وغاليه عليه وانا امنتك علييها وانت وعدتني اتصونها واتحافظ عليها..وهذا الي كنت اشووفه منك من خذتها..عمرها مايت تتشكى ولا تقول شي الا اليوم هذا معناته انها كانت مرتاحه ويااك وانا بعد كنت مرتااح من هالشي لكن اليوم صــدمتني يوم قالتلي هالرمسه اول شي ماصدقت قلت معقووله راشــد ولد اخووي يسـوي جذه.. خليتني اغير رايي فيك يا راشد
راشد: انا متلووم منك عمـي وندمان قد شعر راسي على الي سويته ويضايجني انك غيرت رايك فيني بس انا استااهل..اعترف انه الي سويته اكبر غلط..بس كل انسان يغلط ياعمي واتمنى انك تسامحني..والي ابغيه الحيين اني اشوف اميره واعتذر لها واتفاهم معاها وان شاء الله بنرد مثل قبل واحسن بعد..
بو راشـد: هاا اشرايــك يا بو حمـد..
بو حمد: خلاص يا راشد انا سامحـتك بس وعـدتني هالشي مايتكرر مره ثانيه..
راشـد: صدقني عمي مابيتكرر..
بو حمد: خلااص الحين بروح ازقر اميره تنزل..
بو راشـد: لاا ليــش اتسير تزقرهاا تنزل..راشـد هو الي بيسير لها..قوم يا راشـد قوم سير ويا عمك..
بو حمد: الي تشووفه يااخوي..
نش راشـد ويا عمــه وهو يقول في خاطره..اخييييه بعد انا الي لاازم اسير لها الجــلبه اخ بس ماادري كيف بيلس اتودد لها الحين انا روحي متغصص منها ولوبيدي جان جتلتها..عيل هااي اتذلني جييه واتغير نظرة ابويه وعمي فييه.. اخ بس اخ ماادري شو بسوي لو شفتها..بس المشكله انه غصبن عني ارمسها بالزيين..انتبه لعمه يقووله
بو حمد: راشـد ايلس في الصاله وانا بروح ازقرها اتييك اهني زين..
راشد: ان شاء الله
راح بو حمد صوب حجرة اميره وشافها منسدحه ع السرير وامها يالسه عندها من صوب وحمده من الصوب الثاني..
ام حمد وقفت..: هاا اشسـويتوا؟؟
بو حمد يطالع اميره..: الرياال ياااي معترف بغلطته وندماان ع الي سوااه..ويالس يترياج في الصااله يلا اميره نشـي روحي عنده..
اميره نشــت بسرعه ويلسـت وهي مصدوومه..: ابووويه انته شو تقوووول..بس خلااص يعني سامحـته..سامحته ع الي سوااه..يعني تشووف الي سواااه شويه..بس الحيـن عرفت قدري عنـدك ابوويه ونزلت راسها وتمــت اتصييح..
ام حمد: صدقـــها بنتي مااسرع ماسامحته يا بو حمد الي سوااه مب شويه..
بو حمد: يعني شو تبونه يسوي اكثر عن جيه..ياا وحب راسـي واعتذر والحين يبا يشوفها ويعتذر لها ويتفاهم معاها اقووله اطلع برع وماابغي اشووفك في بيتي..مهما يكوون ترى هذا ولد اخوي وبعدين اميره تراج انتي بعد الي سويتيه غلط..تطلعين من دون شور ريلج وتعلين صووتج علييه..
اميره رفعت راســها بصـــدمه..: شوووه!!..هو الي قالك هالكــلاام!!..
بو حمد: هي نعم هو الي قاالي..يلا يا اميره لا تكبرين الساالفه ونشـي سيري عند ريلج..
اميره في خااطرها..ااااااه انا ليش مب رايمه اقولهم عن سوااالفه لييش يا ربييي..نذل راشــد نذل وحقيير بعــد..ااه بس لو تدري ياابويه شو يسوي راشد من سوااد ويه يمكن ماخليتني لحظه وحده على ذمته..: ابوويه انا ماابغيــه ماابغيـــه خلاااااص انا ابغي يطــلقني..
بو حمد اتقرب منها وهوو مبهـــت يطالعها مصدووم ومعصب: انتي اكيـــد اتخبــلتي..اميره انا الي اعرف انج كبيره وعااقل وتفهميين..قوومي يلا قوومي بلا هالدلع سيري اتفاهمي ويااه وخلااااص..
ام حمد: خلااص ياامي نشي سيري عنده واتفاهموا دام انه هوو يااي يعتذر ومعترف بغلطته ولا تنسين انج حاامل..
رفعت اميره راسها وتمت اتمرر عيونها على امها وابوها بنظراات كلها حزن ولووم..اشقايل تبوني ارد حق واحد مثل هذا قولوولي ..هذا واحد ما عنده احسااس ولا ضمير حياته كلها فسق ابفسق..يسوي اشيااء ماترضي رب العالميين وملييت من كثر مااحاول اغير فيه بس ماشي فايده..اااه لين متى بتم ساكته عنه ليـــن متى..حمده يالسه تطالع اميره وغامضتنها ..بس اتقول في خاطرها ان شاء الله يردون شرات قبل وماايكون بينهم مشاكل..
بو حمد: يلا اميره عشان خاطري الريال يالس يترياا..
نشت اميره من مكانها سايره صوب الباب وسار ابوها ورااها..طلعوا من الحجره وساروا صوب الصاله ا..راشـد كان يالس وموخي راسه وميود الموبايل يلعب فيه..حس بدخلتهم عليه رفع راسه وطاحت عيونه بعيون اميره..اطالعته باحتقار وصدت الصوب الثاني..
بو حمد: يلا اميـره سيري يلسي ويا ريلج واتفاهموا انتي ويااه..وانا بسير عنكم
اطالعت ابوها بنظرات ترجي وبصوت وااطي..: ابوي خلك ويانا..
بو حمد: لاا لاا لو تميت وياكم ما بتاخذون راحتكم في الرمسه..انا بظهر احسن..يلا مع السلامه..
اميره & راشد: مع السلامه..
نزلت اميره راسها بحــزن ودمعتها في عيوونها..سارت ويلست بعيد عنه وهي مب طاايقه تشووفه مب مستحمـله تكوون في مكاان هو يالس فييه..مب قادره اتحط عيونها بعيونه بعد الي سواااه كارهتنه من الخااطر..ااااه يا ربيي كيف بستحمـله كييف..وراشـد من الصووب الثااني ميت من القهـر يشووفها اشوي ويرد ينزل راسه..الود وده جــان ذبحهاا من الضرب الحين دام انها يالسه ويااه في نفس المكان على الحركــه الي سوتها..بس اخ يالقهـــر المشكــله اني مااروووم مااروووم..اففففف لاازم ايلس ارمسها بالزيين الحيـــنه عشاان ترضــى عليه حضــرتها..افف شو اسوي بعد غصبن عــني..نش راشـد من مكاانه وسار يلس عندهاا..اميره في خااطرها..اخيييه ياا يلس عندي..كنت مرتااحه وهوو بعييد..(تتريــــاه يرمس)..انزين الحينه ليييش ساكت ليش مايرمس يقول الي عنده ويفكـني..طبعا ما عنده شي يقووله اصلا قاافط..اخ بس لو كنت قايلتلهم عن سواالفه يمكن كانوا بيفكووني منه ..صد راشـد صوبها وشافها منزله راسها عقبها اطالع جداامه..
راشـد: ارمسـي بلااج ساكته..
رفعـت اميره راسـها تطالعه وهي رافعه حيااتها..: والله انت الي طلبتني وقلت تباا ترمس يلا اشووف قول الي عندك..
راشـد: لا اترياج اتطلعين الي في خاطرج اول عقب انا برمس..
اميره: انا ملييت وانا ارمس واقوول الي في خااطري بس منو الي يسمع..اطالعـت راشد وهو بعد وتلاقت عيونها بعيوونه الي كانت تلمع من الدمووع المتيمعه..: راشـد الله يخليك طلقني..نحن مب متفاهمين ويا بعض انت ما تتفاهم الا بالصرااخ والضرب قولي منو هاي الي تستحمل هالشي!!..وبدت تدمع.. انت مااتحــبني راشد انت ماخذني بس جذه عشان يقولوون انك متزوج ولااني انا بنت عمك فقلت انه عاادي اتسوي الي تبااه على كيفك واتقـص عليها بكلمتيين وهي اتصدقك..بس يا راشـد انا مااقدر استحمل اكثر عن جييه مااقدر..طلقني راشد الله يخلييك..نزلت راسها وهي تطالع بطنها وحطت ايدها علييه وتصيح بحرقه واتقوول في خـاطرها انا ليييش حمـــلت لييييش..ماابغيييه هاليااااهل ماابغي شــي يربطــني في هالانساااان ماابغي..
راشـد تقرب منها اكثر و نزل راسه وتم يطالع بطنها هو بعد وحط ايده على ايدها..: وانتي ترضيين يظهر على ويه الدنياا يلقى ابووه مطلق امه..شو بيكون مصيره عقب.. لوى ع جتوفها بيده الثاانيه..وامنواا قال انا مااحبج!!..لو ما كنت احبج جان ماخذتج..
اميره: لاا والله!!..اي حــــب هذااا اي حــــب وانت اشكــره قايلي اليوم انك اترمس بناات لين الحينه واتقص عليييهن..
راشـد: وانتي بعد كل شي اتصدقييين!!..قلتها وانا معصــب..وانا يووم معصب مااعرف شو اقوول..شو ابغي فييهن..انا بكون صريح ويااج..قبل الصراحه هييه كنت اسويها كنت فااضي وماعندي شـي..لكن الحيين لااا عندي وحده تشاركني حيااتي بعد شو اباا فيهن..وحتى يوم قلتلج عن المزرعه ترى مافيها بناات مووليه..بس كلنا شبااب اهنااك..وانا الصراحه كرهت هالمكاان وبحاااول قد مااقدر مااروحه..
اميره وهي مب مصدقه..: صج؟!!..زين زين والله..شي يبشر الصراحه..
راشـد: امييره اشفيييج جنـج الا مب مصدقتني!!
اميره: طــبعا مب مصدقتنك..عباالك يعني بهالكلااام بتنسيني كل الي صااار..وبعدين انا خلااااص ما عدت اثق فيك ولا اقدر اصدقك بعد جذبتك الي جذبتها علي عن نووره..
راشـد: غصبن عني سويت جييه امييره..انا كنت خايف اذا عرفتي الي كان بينا تتضـايجيين وتزعليين..لكن الحين دام انج عرفتي كل شـي خلااص انا ماامنعج منها..شل ايده الي على ايدها تحت ورفعها ولف ويهها صوبه وحط ايده على خدها الصوب الي صفعه وتم يلمس بصبووعه عليه بنعوومه..: انا آسف,,سامحيني..هالشي ماراح يتكرر مره ثاانيه صدقيني..
شلت ايده ونزلتها تحت وصدت الصوب الثاني وهي تصيح..
راشـد: صدقيني ماراح يتكرر..حب راســها..انا آسف..
اميـره: اااه كم بســامحك..كل مره اسامحك واقول ما عليه هذا راشـد ريلي وانا مالي غنى عنه واترد لي عقب شرات قبل واخس بعد..
راشـد: فديتج خلااص جربيني هالمره وشوفي..
اميره شــافته بحــزن وردت نزلت راسـها وهي تتنهــد..
قـام راشـد من مكـانه..ابتسم ومد لها ايده..: يلا قوومي ويااي..
اميره رفعـت راسها شافته.: لحــظه,,خلنا اول شـي نتفق على كل شي..
راشــد رد يلس..: على شو نتفق..
اميره: راشـد المزرعه مااتطــبهاا مره ثااانيه ابغيــك توعدني..
راشـد: ان شااااء الله ما طـلبتي,,وشوو بعد..
اميره: لااا ابغيــــك توعدني..راشـد دخيلك انا ابغي ايي ويااك ارتااح ماابغي ايي واتعذب مره ثاانيه..
راشـد: خلااص قلتلج ان شاء الله..وعــد..
اميره: راشـد دخييلك انت روحك اتعرف انه سيرتك لهالمكاان هي الي اتيب لنا المشااكل..هالمكاان نجس مايدخلونه الا الشياطيين..خلااص ابغيك اتودره ومااتحط ريولك فيه مره ثاانيه دخيلك راشـد عشان ربنـا يرضى علييك..وانعيش مرتاحين بحياتنا
راشـد: تراااني قلتلج خلااص ماراح اطبه مره ثااانيه انا روحي مليت منه..صدقج ماورااه الا المشاكل..
اميره: انزين ونـــورة مالك شغل فيـها..
راشـد: اوهووو واشلي فيها اناا وماابغيج بعد اتيبين طاريها جدامي..
اميـره: راشـد الله يخلييك ماابغي مشاااكــل..ابغي احـس اني خلااص متزوجه ومستقره بحيااتي..
راشـد:خلااص من عيووني..
اميره: وماابغيــك على كل شي تعصب وتصاارخ عليه..
راشـد: ان شااااء الله بس انا بعد عندي طلب..
اميره: شووو
راشـد بجـديه ونبـرة جاامده..: شـي طبيعي اتصير مشااكل بينا اطري يعني مشاكل عاديه تصير بين المتزوجين..مب سيده اتيين بيت ابووج تتشكيين لهم شراات اليووم وانا اتعرفيني مااحب هالحركاات وانا كم مره قايلج اي شي يصير من بينا ماابغي حد يعرف عنه..لو شو مايصير مااتين اتخبرينهم.. ويوم بتشوفيني هديت تعالي تفاهمي ويااي شوفي انا الحين هادي واشزيني يالس ارمس ويااج..
اميره: قولي انت تشوف ريال يضرب مرته شي عاادي!!.لااا ومب اول مره بعــد.. انا شو قلتلهم الحين!!..انا مافجيت حلجي ولا قلتلهم شي عن سواالفك بس من كثر ماكنت مقهووره قلتلهم انك ضربتني لاانها مب اول مره راشـد..لو وحده غيري جاان قالت كـل شي وماسكتت..
راشـد: مب مشكله الحين انسي الي صار انا اطري اذا استوت مشااكل عااديه ماقصدت الضرب..
اميره: من هالناحيه لا تحاتي انا مب من النوع الي اسير اخبر اذا استوى اي شي..
راشد: عاشت عاشت بنت عمي..يعني افهم من كلامج انج طوفتيها..
شافته اميره بابتسامه باهته..: لاا بعـــدني..
راشــد وقف..: ههه انزين مب مشكله بطوفينها عقب ادري..انتي قومي وياي الحين..
اميره تطالعه بترجــي..: الله يخليـك راشـد ابغيك تتغيــر..
راشـد: اشفيج انتي اميره قلتلج ان شاء الله خلااص الي تبينه بيصير مايهمج..
اميره وقفـــت..: يلا نسير..
قبض راشـد ايدها وطـلعوا من الصاله..شافتهم ام حمــد الي استانست واايد وهي اتشوفهم قابضين ايد بعد
ام حمد بابتسامه:هاا خلااص اتراضيتوا..
اتقرب راشـد صوبها وحبها على راسها..ونزل راسـه..: عمتي انا آسف..
ام حمد: اتحـب الكعبه يا ولديه يا راشـد ما عليه ماصار شـي وانا مسامحتنك دام انه اميره سامحـتك..وترى كل حد يغــلط بس الله يخليك يا راشـد دير بالك على اميره تراها غااليه عليه وااايد..
راشـد: لاا ماعليج عمتي انا اعترف بغلطتي وان شاء الله مابكررها..
ام حمد: بارك الله فيك..ها امي اميره مرتااحه الحين..
اميره بابتسامه خفيفه..: هييه امييه..
ام حمد: ربي يوفجـكم ويهــــنيكم واشوف عيالكم وافرح فييهم..قولوا آميين..
اميره & راشــد: آآآميييين..
وراحــت عنهم ام حمد..
اميره: انزين راشـد اترياني بلبس عباتي وشيلتي وبيي..
راشــد: خلااص انا بترياج تحـت..
اميره: اوكي..
سارت اميره صووب حجرتها ودشته لقـت حمده يالسه ع الكنبه وحاطه المخده ع ريولها وايدها عليها وحاطه ايدها الثانيه على خدها..اول ماشافت اميره دشت فرت المخده وربعـت صووبها..
حمده: هااااااااااا بشششري..
اميره: ولــــــــد..
حمده: هههههه اونه اتعرف اتنكت بعد..خلااص خلااص وجان اعرف الي ابطـنج..وهي تغمز لها..ولــد هاااا..والا اشمعنى قلتي ولد ما قلتي بنت..
اميره: هههه ما يخصه.. ياا على لساني وقلته..خوزي عني خليني البس عبااتي..
حمده: ان شاااء الله بتسيريييين ويااااااااه
اميره: هييه عندج مانع
حمده: طع هااااااااي..يلا يلا قري مكاانج مالج طلعه من هالبييت الا بعد مايتأدب رشوودووه انتي هديني عليييه بس اذا ما دفنته لج اهني..
اميره وهي تلبس العبااه: جب يلا جب شو رشودووه بعد اصغر عيالج هوو..ارمسي عدل احسن لج ماارضى علييه..
حمده اتحج راسها واتحايس بشفايفها..: ان شاء الله..سارت ويلسـت ع الكنبه قاافطه..
سارت اميره صوب التسريحة تحط شيلتها وهي ميوده ضحكـتها..شافت حمده من المرااايه ومارامت اتيود عمرها اكثر جان تضحك علييها..
اميره: هههههه والله عشان مره ثاانيه ترمسين عدل..
حمده عطـتها نــظره وصدت عنها..
بعد ما حطت الشيله سارت يلست حـــذالها..اول ماشافتها حمده نشـت عنها وسارت يلست ع الشبريه..
حمده: احــــــــم..
اميره وهي سايره صوبها..: ههههههه ما علييه بتكبريين وبتنسييين..
حمده: انزين انزين يلا فااارجي وفكيني من فيسج..
اميره: هههه خلااص شهر ما بييكم..
حمده: احســـــن ..
اميره: ههههه مب من قلبج ادري..يلا حمدووه انا بروح الحين ارضي عني عاااد..
حمده: سيري سيري لاا اتحااوليين خلااااااص انتي جرحتي مشااعري..
اميره: ههههه يحليييلي انا شو قلت الحين عشان اجرح مشاعرج..يلا يلا حمدووه انا بسير اتأخرت..
حمده: انزين يلا سيري شو تترييين..تعااالي انا ريلي قايلي بيي يمر علي يوديني بييتهم بس ماادري استحيي..
اميره: الحيــــن عاد!!!..
حمده: هي اتخيــــلي ..الحين..قال ضروووري اروح وياه..امي قالتلي عادي سيري..
اميره: انزين سيري..
حمده: اميرووه توه مأذن الظهر..الحين لو سرت امه بتقول هاي يايه تتغدى..
اميره: ههههههه ودي صحن الغدا ويااج..
حمده: هههههههه شكلي بسويها..الحين شو رايج اسير..
اميره: دام امي قالتلج سيري عادي ..
حمده وهي تحايس بشفايفها..: يعني ما بيقولون هاي يايه تتغدى..
اميره: ههههههههه الله يخس ابليسج لاااا محد بيقول هاي يايه تتغدى ..
حمده: ههههه انزين عيل يلا سيري انتي..
اميره: اوووكي فدييتج يلا باااي..
حمده: باااي..
..............................
كـان واقف بـرع بيتهـم يرمسه وهو طـفران منه..
يوسف..: سعيييد والله مااقدر مااقدر يااخي شوفلك واحد غيري..
سعيد: افاا يسووف افااا..والله انا لو ابغي بحصـل الف واحد غيرك يرضـى يسوي هالشغله لاانها بسييييطه ومايبالها شي بس لاانك انت غاالي علي وانا ابغي اسااعدك يالس اراكض وراااك..
يوسف: اي غاالي الله يهداااك..غاالي وتباني في شغله مثل هذي..حراام يا سعييد حراام ..
سعيد: شو حراام وما حراام انت بعد.. جي نحن شو بنسوي..نحن ما بنكوون وياهم بس بنوصل لهم الطلبيه..شغله اسهل منها ماشي واتكسب ذهب بس حساافه انت تبا تضيعها على عمرك
يوسف: انت مجربنها؟؟
سعيد: ههههه مليون مره مجربنهااا والله ولا حــد عرف..شغله مااتطول اكثر من عشر دقاايق..
يوسف: بس انت بتااخذ اثمهم..
سعيد: وانا اشعليه منهم دام هم يبوون هالشي..هاا الحين شو قلت..
يوسف: آسف سعييد والله مااقدر وانت دير باالك ترى عن يجكوونك..
سعيد: جان لين الحين محد درى عني عقب بيدروون..صدقني يا يوسف صدقني محد بيعرف عنا.. اقولك الشغله مااتطول..بس انت خواااااف..
يوسف: يااخي مب عشاان جييه بس حراام الي تسوييه سعييد اصلا فكرة الشغله غــلط بغــلط..البيزات الي اتي من ورا هالشغلااات ماابغيها..
سعيد: خلااص برايك بس صدقني ترى هالبيزات انت محتااج لها عشان اتعّيش اهلك عييشه زيينه مب امخلي امك بشكاااره..استح على ويهك اشقاايل لك ويه اتجابل الناس وانت امك بشكاره
يوسف فوّل في هاللحظه و قبضـه من صدره وهو يصارخ..: احترم نفســك وثمن كلامك احسن لك..ما يخصك في امييه فاااهم..ع الاقل البيزات الي اتعيشناا فيها بيزات حلاااااال مب حرااام..انا افتـخــر انه هاي امي ومستعـد اقوول جدام الكل انها امي لاانها هي بنفسها ماهمها كلااام النااس ورضت على عمرها تشتغل هالشغله عشاان اتعيشــنا عيييشه محترمه..
سعيد وهو يخــوز اييده..: قووووم عنـــي اصلا انا الي ما عندي ساالفه يالس اترجى وااحد مثلــك..دام تباا الاهانه لامك نفااااد ان شاء الله وانا اشلي..(سكت لاانهم شافوا سيـارة حمداان وقفت عند البيت..كان يااي ياخذ يوسف..)..كمل كلامه..بس صدقني بيي يوووم وبتحتااجني..انا ادري انه حمدانوو هو الي يترس مخك وما يخلييك ترضى بهالشغله..طبعاا لانه هوو عاايش بخير ونعمه ومرتااح بحياته..بس شووف بعد شهر وااحد يوم بيبتدي دواامه في الكليه والله يمكن ينسـى انك ربييعه لاانه خلاااص اهناك بيرااابع شبااب غييرك..وبتقوول سعيد قاال..
يوسف وبدوون اهتماام..: زين زين يلااااا ماابغي اشوفك اهني مره ثااانيه ولا ابغيك تعرض خدمااتك عليه انا بعد الحمدالله عاايش بخير ونعمة عنا الي مكفينااا..
سعيد: ههههههه هي واااااضح..شوف بيتكم انت اول والا موبااايلك مال سنة يدي هههه يلا يلا باااي انت الخسراان..وراح عنـــه..يوسف اهـــني عصـــب من الخااااطر..تم راص على اسناانه من القهر..سار ركــب موتر حمدااان الي اول ما ركب سأله ليش كان سعيد وااقف ويااه.. تم يقووله السااالفه.. وهوو في خااطره يســـبه ســـــب بس يود عمــــره قد مايقدر عشاان ماياخذ اثمه..
...................
في حجـرة شمـا..كانت يالسه ع السرير في حضن امهاا اتصييح..ما وقفـــت صيااح من امس..لين الحيـــن مصدووومه من الي سمعته ومب قاادره اتصـدق..هذا آخر شي كانت تتوقعه انه ماايد يفكــر في غيــرها..لاانه قـبل كان يقوولها لو ما خذتـج ما باخذ وحده غييرج..هذا الي هي مقهووره منه اتحس انه كلااامه قبل كان كله خرط اف خـــرط..من امس وهي متعــذبه موول مارتااحت وكله تعااتب نفسها لييش اتصــلت فييه..كانت تقوول عن عمرها غبيه لاانها اتصــلت..هي مغيره رقمها عشاان هو ماايعرف وهي اتصلت فيه من رقمها اليديد مع انها حاطه في باالها انه مستحييل يتصل خلاص بينسااها وبينشغـل مع خطييبته..هالتفكيير هو الي يخــلي قـلبها يتقطــع..احساسهاا ممزووج مابين الغييره والخياانه..مع انها كانت فاقده الامل انه يااخذها وهي اقتنعت بهالشي بس بعد اتحس انه ماايد خاانها يوم خذ غيييرها لاانه كلامه قبل كان غير جييه..والغييره بتذبحهها لاانها ماترووم تنكر انها لين الحيين اتحــــبه..تحس بعواار مب طبيعي في قلبها وعيونها تحرقها من كثر الصيااح وصدااع فضييع..
ام حارب والدموع تنزل من عيوونها وهي تشوف حالة بنتها..: بس امـــيه دخيلج بـــس..قوليلي يا بعد رووحي شو فييج يمه لو شي يعورج قومي خلناا انوديج المسشتفى بس لا تيلسين تصيحين جذه عورتي قــلبي ترااج..
شما..: ااااه اميييه انا ابغي اموووت وافتك من هالدنياا..انا محد يبااني محد يحـــبني..
ام حارب اهني صاحت من الخاطر..: حراااام عليييج شماااا بس الله يخلييج قطعتي قلبي شو هالكلااام الي تقوليينه ياامي انا واخووج حاارب كلنا وياااج غناااتي..دخييييلج بــــس..
شمـا: امييه لا تودريني انا محتاجتنج الله يخليييج اميييه..
ام حارب: با بعـد عمري انا وياااج وما بودرج فدييتج بس قوليلي اشفيييج..
اول ما خلصت ام حارب كلاامها دش حاارب وسار صووبهن..اضاايج وايد من شافهن في هالحااله..يلس حذاال شمــا..
حارب: يعني ما بتقولين لناا اشفييج..
نشت شما من حضن امها وصدت صووبه وقبضت ايدينه..: حاارب الله يخليك لا تنشغل عني انا محتاجتلك..
حارب: فدييتج انا ويااج اي وقت تبيني بس انتي شو فيج قولي الي في خااطرج..
نزلت راسها وتمــت اتصييح..
حارب: شمــــا عندي لج مفاجأه واايد حلوه..
صدت شما صوبه تطالعه بنظرات استغراب كأنها اتقووله شو المفاجأة..وقف حارب وابتسم وطلع من الحجرة..ثواني رد الحجرة بس ماكان بروحه..كان قابض ايد حمده..اول ماشافتها ام حارب مسحت دموعها و نشت صووبها وسلمت علييها..
ام حاارب: فدييتج يا حمده زين انج ييتي بهالوقــت..حياج يماا دخلي..
حمده: الله يحييج خالوو..(مشت ابطـئ صوب شمـا الي كانت منزله راسـها..مدت لها ايدها بتسلم عليها وهي مبتسمـه بضيج لاان قالها حارب انها من امس وهي تصيح)..اشحالج شما؟؟..رفعت شمـا راســها وهي تطـالعها بحقــد وصدت عنها الصــوب الثااني من دون لاا تسلم عليها..حمده اهني احــترق ويهها من القفطـه ونزلت ايدها وتمت تطـالع حاااارب وعيونها انترس دمووع..وحارب يطالع شمــا بصـــــدمه وعصبيــه وعاقد حيااته..وام حاارب منصعقه من حركــة شمـــا ابدا مااتوقعتــها وكانت مبطـله عيوونها تطـــالعها..صدت شماا صوب حمده الي كانت واقفه مجابلتنها ونظراتها لها نظرات حقـد من الغصـه والقهر الي اتحس فيييه وحمده يوم شافتها تطالعها اطالعتها هي بعد وويهها قاااافط ومبققه عيوونها...
شمـا بصوت عالي: نعــــــم!!..شو يايه اتسوين عندي؟!!!..يايه تواسيني واتخففيـــــن عني!!!..لاا والله اشـــك انج يااايه علشاااني..يايه بس عســـبت اخوويه ادرييبج..تبين تبعديينه عني ابأي طرييقه..اشحــــقه يااايه قوليييلي..ما كفااج امس ظاااهره وياااه وخليتيه يهدني رووحي يالسه في البيييت..!!..مع انج ييتي ويااه البيت وشفتيني يالسه رووحي..ظهرتي وياااه ولا اهتميتي..(تصااارخ)..اطلعي برع برع ماابغي اشووفج ماابغي ماابغي خذتي اخوويه عني خذتيي الانساان الي كاان مخفف عني ومريحــني..طلعي برع.. وتمـــت اتصييح منهااااره..
الكــــــل انصعق من سمع هالكـــلاام..وخصوصا حمده الي كـــانت فااااجه عيوونها واترد ع ورى ابطــئ لين مادعمت اليـدار وتمــــت اتصيييح..
ام حارب وهي تسير صووب شمــــا مغيضــــه ودمووعها تنزل وتصاارخ..: شموووووه!!..شو هالكـــلاام بعد..البنت ياايه عندج وانتي تقولين عنها هالكلام واتروووغيييينها..صدق انج ما تستحييين على ويهـــج..
حمده ربعـــت برع الحجــــره وهي تصييييح...
حاارب يصاارخ..: امييييييييه بنتج هااااااي ماتستاااهل حد يسوي فيها خييير..عنلاااااتها ماتحشــــم حد..انا الغــــبي الي يااايب حمده عندهااا اتحرااها بتستااااانس..(يسير صوبها ويقبضها من جتفهـــا وهو مفـــوّل)..كــل هالحقـــد حق حمده الي مسكيينه كانت تترجااني امس اخذج ويانا بس انا الي قلت لاااا هي متعوده تيلس روحها فالبييت..حرااام اظهر ويا مرتي روحنا يعني حراااااااااام..حقييييره وحقوووده بعد خلااااص طحتي من عيني..وفراها في حضن امها الي لوت عليييها وتمت شماا تصييح بحرقه وامها وياها..وهو ظهر من الحجره بسرررعه ونزل من الدري شااافها توها بتفتح بااب الصاله بتطلع جان يسيير صووبها..
حاارب: حمـــده..
حمده تصيييح..: يايبني اهنــي عشان انذل.. حاارب ودنـــي البيت..
حارب: فديتج انا آسف سامحيني لو ادري جي بتسوي والله ما يبتج..
حمده:.........
حارب يحب راسها..: حبي انا آسف..
حمده: الحين انا الي ابغي ابعدك واخذك عنها!!..انا الي امس اترجااك اقولك حرام ظهرنا وخليناها سير قولها خل اتيي واتقول عني هالكلاااام..
حارب يحظن ويهها بايدينه ويمسح دموعها باصبعه الابهاام..: حياتي ادري والله حتى صارخت عليها وقلتلها..(نزل ايدينه وقبض ايدها)..تعالي فديتج تعالي خلينا نيلس عشان تهدين..
حمده: ماابااا ماابا برد البييت مالي يلسه عقب الكلام الي سمعته..
حارب: صدقيني بخليها اتيج وتعتذر لج ما بتطلعين من بيتنا وانتي زعلانه..
حمده: ماابغي حارب دخيلك ردني البيت..والا اقولك خلااص روحي برد مشي..
حارب: لااا شوو اتخبلتي انتي اخليج اتردين روحج مشي..
حمده: عيـل يلا ودني..
حارب: اوكي يلا نسير..
.....................
في الكويت..جاسم يالس ع الدري برع الي عند المدخل ويرمس في التلفون..
جاسم: ههههههه انزين بس قطعتيني ترااج..برد برد..
عوشه: هي هي اخرط انت بس..اخرط على الي مااتعرفه والي اتعرفه زيييييد..
جاسم: ههههه اووب اوووب من وين اتعلمتيها هاي بعـد..
عوشه: ماايخصك ماايخــصك..يلا لاااا رد اففففففف..
جاسم: الحين انتي ليش يالسه اتحاجيني جذي يــــه..شنو سويت انا..
عوشه.: ههههه اوووونه متعلم رمستهم بعد..يلا يلا خل نرمس كويتي كشششخه..
جاسم: ههههه طع هااي عيبتها السالفه..(وهو يقوم من مكانه)..اقول انا خليني ادش دااخل خست من الحر..
عوشه: هههه والله محد قاالك ايلس برع ..
جاسم وهو يفج البااب: هااااي الي دااخل حششره اففففف..
عوشه: هههه منوو
جاسم: ههه هاي دلاالووو بعد في غيرها..
عوشه: هههههه فديتها عسل هالبنت..عطها عطها التلفوون بلعوزها..
جاسم وهو يسير صوب الصاله الي كانت يالسه فيها مناال روحها تشوف التلفزيون..: هههه الحين ماادريبهاا وين..(ابتســم)..تبين اترمسيين منـــال..صدت منال صوبه بابتساامه..
عوشه: هههه توني مرمستنها ع المسن..اوكي عطها التلفون..
جاسم: مناال اندووج عوشه تبااج..
منـال: ههههه عوشوووه فديتها..خذت التلفون..الوو..
عوشه: مررررحبا..
منال: مرحبتييييييين,,اشلوووونج..
عوشه: تماااام الله يسلمج انتي اشحاالج
منال: زييينه الحمدالله..شنووو طلعتي والا بعدج شابكه النت..
عوشه: لاااا ياختييه طلعت ملييت..ايلس شو اسوي بدوونج..
منال: ههههه واااي واااي مااتحمل هالحجي انا..
عوشه: هههههه طاعووو هاي صدقــت..اخبرج انتو ما مليتوو من اخووي !!..يااختييه خلااص طلعووه من بيتكم خلووه ايينا اففف ملل والله..
منال: هههههه لاااا حرااام واعليه شو انطـلعه..(وهي تطـالع جااسم)..اصلا اهواا الي محلي البييت..
عاد جاسم اهني اتفجج وشق حلجـه بالابتساامه..
عوشه: لاا والله هو محــلي بيتكم..عيل بيتنا نحن منو يحلييه!!..
منال: ههههه والله عاد كيفكم..ليش ما ييتي معااه والله ونااسه..
عوشه: ليش انا عرفت اصلا هو متى قرر اييكم..
منال: ايييه والله جاسم ليش ما خبرتها يوم قررت اتساافر..
جاسم: ههههه هاي لين الحين ما نست..
عوشه: قوليييله ولا بتنســــى بعد..
منال: ههه اتقول ولا بتنسـى بعد..
جاسم: هههه عطيني التلفوون..
منال: لحظه يبيج..عطته التلفوون..
جاسم: ههههه الوووو
عوشه: دب انزييييييين لا تضحــــك..
جاسم: ههههه الحين انتي اشفييج عليه ما اتقولين لي..
عوشه: انا بس ابغيك اترد..
جاسم: ان شاء الله فديتج مب مطـول..
عوشه: انزين خلااص بخليك الحين بس بدق لك عقب اوووكيه..
جاسم: خلااص اوووكي..يلااا بااي..
عوشه: بااي..
سكر عنها وتم يطـالع مناال بنظرات اعجـااااب وهو مبتســم..وهي كانت مندمجه في التلفزيون مب منتبهه له..ماشاءالله ماشاءالله عليها..وايد حلوه وااايد..من اول مره شفتها دشـت قلبي وجذبتــني..حبووبه وطيــــبه..يارب...يارب اتكون من نصيـــبي لااني وبصرااحه حاس انها هي الوحيده الي بتسعـدني..احس وانا اسولف وياها طريقة تفكيرنا شرات بعـض..وفي كل شي متفقين ومتفاهميين وتاخذ من اطبااعي اشوي...الصراحه حبيتــها وان شاء الله ما برد البلااد الا واعترف لها بحـبي عشان ماايصير فيني شرات المره الي طاافت..امم بس بعده وقـت ما بقولها من الحيــن خل اشوف تصرفااتها ويااي اول يمكن هي بعـد تبادلني نفس الشعوور وبهالطرييقه بيكون اسهل علي اني ابين لها حبي..ااه بس المشكــله الحين هوو ابووي الي مستحييل يرضـى..يـــاالله بس لين اليووم الي ابغي اخطبها فييه ابوي يكوون راضــي عليهم..انا هالبـنت خلااص سيطـرت علي ومب قادر اشيلها من باالي يعني بسوي المستحييل عشاان اخذها..وانا متأكد اني برتاح وبستانس معاها شرات ماانا ارتاح الحين يوم اسولف وياها ولاان فيها كل المواصفات الي انا ابغيها فــي زوجــة المستقبل..انتبــهت له منــال مره وحده وشافته يالس يطـالعها بتمعن ومركز عليها وهو مبتسم وشكـله سرحااان..
مناال: هههه جاسم..
جاسم:.........
حركـت منال ايدهاا جدامه وجان ينتبه لها ..: هههه اشفيييك تطالعني جذي سرحان في شنوو..
جاسم في خاطره ااااه في جمالج يا بنت خالووه..: ههه لااا ماشي..كملي كملي الفلم الي اتابعيينه..انا برووح...
منال: اييه والله خووش فلم كله اكشن..اقعد تابع معااي وين بتروح..
جاسم: بروح العوز دلاالوو اشوي ..هههه ناوي اخليها تصيح اليوم
منال: ههههه اووكي..
نش جاسم من عندهاا ساير صوب الدري جان يشوف بو نواف توه داش البيت سار صووبه وحبه ع راسه..
جاسم: اشحاالك عمي..
بو نواف: الحمدالله ياجاسم يااولدي انت اشلونك شخبارك مرتاح ان شاء الله..
جاسم: تمااام مرتاح الحمدالله عمي..
بو نواف: محد مضايقك في شـي شايف منا قصوور قوول يبا لا تستحي..
جاسم: لاااو الله ابــد لا حد مضايجني ولا عليه قصووور..مب مقصرين عليه بشي الحمدالله..
بو نواف: زين الحمـــدالله..
|