في بيت عايشة..
عايشه: مـــــروه..مـــروه امي ويــنج
مروه وهي طالعه من الحجره وتدخل الصاله صوب امها..: هااا امــــي ..آمري
عايشه: مايامر عليج عدو يمه بغيتج تزهبين فديتج عشان اوديج بيت الناس الي اشتغل عندهم..
مروه يلست حذال امها وهي عاقده حياتها..: ليييش امي اسير شو اسوي اهناك؟؟
عايشه: ماشي بنتهم متصله فييه اتقول ملااانه يالسه روحهاا ..حليلها بالعاده يوم اكون انا هناك اتي تقعد عندي بس تدرين كل يمعه مااروح لهم..فأبغيج تسيرين عندها حلييلها..
مروه: اسييير روووحي؟!!!..لاااا امي استحي..
عايشه: ما علييه تراج بتقعديين معاها وانتي شايفتنها من قبل في المدرسه يعني اتعرفينها وهي روحها الي قاعده في البيت محد عندها..
مروه: حتى ولو امـي لاازم انتي تكونين وياايه..
عايشه: مب مشكله انا بوصلج صوبها وانتي عاد يلسي ويااها بعد مايصير انتو بناات وانا اقعد عندكم..
مروه: زيين امي خلااص..بس منو بيوديينا؟؟
عايشه: اخووج يوسف وييينه..
مروه: ماادريبه في الحجرة يمكن..
عايشه تناااديه..: يووووسف..يووسف..
ياا يوسف صوبها..: هلا امــيه..
عايشه: شو فديتك طالع؟
يوسف: هي بطلع ويا حمداان..
عايشه: انزين ياامي انا ابغيه يوصلنا صوب البيت الي اشتغل عندهم ..ابغي اودي مروه هنااك..
يوسف باستغرااب..: لييييش؟!!!..
عايشه: ماشي بتسير بتقعد ويا بنتهم..
يوسف وهو يطالع مروه: ليش انتي اتعرفينها؟!!..
مروه: كنت اشوفها في المدرسه هي ويا بنت عمها..
عايشه: انت قووله جان بيرووم يوصلنا والا لاا..
يوسف: هو واقف برع يتريااني ...بسير اقوووله وعقب برد لكم خبر..
عايشه: انزين فديتك..
راح يوسف وقااله..استاانس حمدااان انه بيشووف مروة..من زماااان ماشافها..يحس انه مشتااق لها..وقاله انه عاادي بيوصلهم اي مكاان يبوون..ورد يوسف عندهم وقالهم يتزهبون عشان يروحون وياهم..مروه حست بشي في دااخلها مااتعرف ربكــه على حيـــا..مع انه امها واخوها واختها ويااها مب شرات هااك اليووم الي ردت رووحها ويااه في نص الليل..اتعـــس يووم في حيااتها وماتبغـــي حتى تتذكــره..لين الحيين تحمد ربــها وتشكــره على انه ماصار فيها شي ..الله نجااها وطرش لها حمدااان..تدعييله بعد كـل صلاااه انه الله يهنييه ويوفقه في حياااته واييسر له امووره..من خااطرها تدعييله لاانه بالفعل يستاااهل على الي ســوااه..
..........................
في بيت حــارب,,طــلع من حجــرته ودش الصــاله شاف امه وشمــا يالسيين..
شمــا: يا عيييييييني يا عييييييني شو هالكشخـــه شو هالجمااال.. على ويين ان شاء الله؟؟
حارب وهو يطــالعهااا بغروور ورافع راسه..: بطــلع ويا خطــــيبتي..
شمــا: هههههه عدااااال..لااا لاا دخييلك ماايلييق علييك رد رد شراات قبل..
حارب: ههههه لاا صج صج..شو رايكــم فيني
ام حارب: اسم الله عليييك قمـــر فدييتك..نشــت من مكانها وسارت صووبه وتمت اتبخره وتقرا عليه
حارب: ههه بسني بسني امييه اختنقت..
ام حارب: زيـــن فدييتك عاد مااوصيــك دير بالك على عمــرك ولا تســرع دخييلك..
حارب: ان شاااء الله يالغاااليه 40 بس..
شماا..: هههه خيبه متى بتوصلووون!!..
ام حارب: لااا زين زين..يلاااا امي ربي يحفــظكم
حارب: ويحفــظج ويخــليج لناا يا احلى ام..يحبها على راســها ..يلا مع السلامه..
ام حارب & شمـا..: مع السلامه..
يظـهر حارب من عندهم ..يرن تلفون البيت واترد ام حارب وشكـلها وحده من الحريم ..شماا يالسه وسرحــانه اتفكـــر..اليووم اليمعـة والمفرووض هي الي تظـهر ويا حـارب..متعوده مب بس كل يمعــة ,,كل يووم تظهر ويااه بس يوم الخميس واليمعة بالذاات طلعتهم اتكوون غيير..من العصــر لين فلييل..اما باقي الاياام من بعد صلاة المغرب او العشاا ويردون بسرعه..معقووله حارب خلاااص مابيفكر فييه شراات قــبل!!..خلاااص حمده بتااخذه عني وبتلهييه عني!!..انا احس حالتي مااتحسن الا من تأثيره علي واهتمامه فييه ..لااا مااعتقد..مااعتقد حارب يسويــها..!! بس شـي طبيعي انه يتغيــر من بعد الملجه لاانه في وحده بتشغل تفكييره اكثر عـــني..اضاايجت وايد وهي اتفكر في هالاشيااء..ماتبغي حاارب ينشغل عنها من بعد ما خلاااها اجتمااعيه وطلعها من العزله وعودها على الطلعااات..يعني معقووله بيخليني ارد شــرات قبل!!..انتبهــت لامها فجــأه وهي تزقرها..
شمــا: هاا اميييه..
ام حارب: اشفييج يماا ماتسمعيني..
شمـا: سرحت شوي..خير امي ..
ام حارب: هاي ام عبدالله يارتنا متصله فييه واتقولي تعاالي عازمه نااس..بتين وياااي؟!!..
شما: لاا لاا امي مابيي..(وبحــزن)..يعني بتروحين وبتخليني بروحي..
ام حارب: لاا فدييتج اذا انتي ماييتي انا مابسير..
شمـا: لاا لاا امييه سييري عادي انا بيلس رووحي..
ام حارب: لاااا قلبي مايطاوعني اخلييج روحج ..
شمـا: عادي اماايه بلاااج بيت ام عبدالله الا خطوتيين من بيتنا يعني انتي مب سايره مكاان بعييد..سيري سيري فديتج..
ام حارب: يعني انتي جييه اتقوولين ..
شمـا: هيييه..
ام حارب: خلااااص بس لا تحاتيين حبيبتي تراني مب مطوله..واي شي تبينه اتصلي فييه وانا بييج على طوول..
شما: ان شاااء الله..
بعد ماراحت عنها امها يلست روحها فالصالة تلتفت حوالينها حست بضيييج ووحدة..حست انه نفس الاحسااس الي كان اييها قبل تحس فييه في هاللحظات..حست بكتمة في صـدرهاا وحزن من الخااطر وهي تتذكر انها المفرووض الحين اتكون طالعه وياا حاارب..اتذكـرت موعد دواها في هالوقت..دشت حجرتها وكلت حبتين وعقبها يلست عالسرير تصييح..غصبن عنها نزلت دموعها من الضييج والحزن وهي تقول في خاطرها ..آآه يا ربي ليش جيه يستوي فييه!!..يوم نسيت المرض وحسيت عمري طبيعية وحسيت براحة الباال من تأثيير حاارب عليه يت حمده وخذته عني لييييييش!!..هــــذا اخوووي مالي غيره بهالدنياااا..مالي غير امي وهوو ..ليش تبيي تاخذه مني حراام عليييها عالاقل هي مافيها الي انا فيييني..هي عايشه حياتها ومرتااحه لكن انا مااقدر ارتاااح مااقدر دام هالمرض مب طايع يخووز مني..تمت في هالحالة اتصييح بحرقة..فجـــــأه مر في بالها مــــايد..ااه يا مــايد..محد كان يريحني غيرك في هاللحظاات..ويينك ويــن دارك؟!!..شخبارك كيف عااااايش!!..هل اتفكر فييه لين الحيين والا خلااص نسيتــني؟!..معقوله يكون خطــب غيري!!..لااا مستحييل ,, مستحييل مايد يســويها..هو كان يقوولي مستحييل يفكر في غيري..ااه يا ماايد كنت اتمــنى من كل قلبي اني اكوون لك..بس القــدر ما جمعنا ويا بعض..اتخليت عني يوم عرفت بالمرض وانت الي كنت تقوولي مستحيل اودرج لو شو مايصييير..بس والله احبـك لين الحين احــبك ومحتااجتلك واايد وخصوصا في هاللحظات..وتمت اتصييح من الخــاطر..بلا شعوور شلت مبايلها ودقت رقمه وعقب دقت على زر اتصاال ..انتبهت مره وحده للي يالسه تسويه وبـندت على طوول بس من بعد اول رنه..اويييي انا اشســويييت!!..رن و اكيد بيظهر رقمي عنده..يا ربيي والله غبية..لاا لاا انا مغيــرة رقمـــــي..ااه الحمدالله..يعني مابيعرف اني انا..بـــس انتبهت مره وحدة لصووت تلفوونها يرن..شلته وهي اتحس برجفة بجسمها كله..تمت تطالع التلفوون مبهته وكان يتهزز من رجفة اييدها..وحاطه اصبعها الابهاام على زر الرد بس تضغط علييه شوي بتسمع صوووته..مارامت تقااوم لاانها اتحس انها في امــس الحاجة له..ضغطت عليييه وحطت التلفون ع اذنها وهي اتصييح بصمت وتتناااافض..
مايد: الوووو..
يا ربييي والله اني متولهه على هالصووووت..
مايد: الوووو..امنوو.؟!!..
ااااه ليتني اقدر اقووولك..
مايد: ردووو ياللي ما تستحووون..
اتحس ان لســانها انربط مب رايمه تطلع كلمة وحــده ..
مايد: صج ماعندكم سااالفه..سخااافة وقلة أدب..وبند عنها ..
فرت المباااايل وارتمت عالسرييير وهي تصييح وتشااااااهق..ااه ليش سويت جييه لييش..لييش رديت علييه يوم اني مااعرف شو اقووول..بس انا كان في خاطري اقوله محتاااجتله..ليش ماقلتله لييييش!!!..وتمــت على هالحاالة اتصييح لين ماغفت عيونها وهي مب حااسه...
...........................
نازلاات ع الدري وكانن يسولفن ويضحـكن,,مــروة ارتاحت لعـوشة واااايد حسـتها حبووووبه مااتوقعتها اتكون جييه..وكـل شوي تضحك على ســـوالفها ..وعوشه بعد نفس الشي رغم انها اصغر عنها بس ابد ماحســت..حستها طيبــة وااايد وعفوية..الي في قلبها ع لسانها..
مروة: هههههههه بس خلاااااص بطني عورني من كثـر ماضحكت..
عوشه: ههههههه عناا حمامات لا تخافين ..
مروة: ههههههههههههههه
عوشه: ههههه انزين ماقلييتلي شو رايج في بييتنا..
مروة: واااااايد حلووووو..شووو حلوو..الا روووووعه..جنه قصر ماشاءالله..
عوشة: هههه فديتج والله عيونج الحــلوه..
مرة وحدة انفــــتح الباااب وقفوا الهنتين في مكانهن وكانن واصلات نص الدري..شافهن وكان عاقد حيــاته مســتغرب نزل راسـه وســار صوب الـــدري ومـــروة لااصقــه في عووشه ومستحيــــة..بس يوم تقـــرب شوي منهن رفع راســه وشافــها وعقب طاف عنهن وهو يفكــر..هالبنت انا شايفـــنها مكاان..متأكد متأكد اني شايفنها..بس وييين وييين..وقف في مكانه وعصر مخه يبغي يتذكر وين شافها..هييييه ..المزرعة..وحدة من بناات المزرعة..انا شفتها هناااك..متأكد اني شفتــــها..بس شو تسوي اهنـــي عند عوشوووه!!!.. وهي بعد شـــافته نظـــرة بس..واتيبــــــــست في مكاااانها وانصـــــعقت وقلبها ينبـــض عالسررييييع من الزيغه...وتمت مبهته تطــــالع عوووشه..وقـــــابضة اييدها بالقوو اتحس انه عااادي اتطيــح غشياااااانه...مـــر في بااالها موقــف هااك اليوووم..وهووو قابض اييدها ويقربها صووبه..ويووم دزته بقـــوه..اتذكرت نظــراته لها في ذيج اللحظه يا ربييي نفس النظرة الي شفتها تونـــــي.. هووو هوو انا متأكده انه هوو..نفس الشــــكل..
عوشه: هههه عادي عادي..هذا اخووي العوود..تعاالي نسير نيلس في الصاله..
مـــروة: ............
عوشه: بسم الله اشفيييج تطالعيني جييه..
مروة: مماشي..انا بسيير الحييين انزيين..
عوشه: ويـــــن اتسيرين بعدهم مايووج..تعالي بس تعالي نسير نيلس..
راحت مروة وياها وهي مب حــاسه بعمرها كل تفكييرها في الي شافته تــوه....معقووولة هــــذا طلع من اهل هالبيـــــت!!..هالبيت الي امـــيه تشتغـــل فييه!!..هيييه الصوووره..هوو هذا نفسه الي في الصووره الي كانت امييه يايبتنها البييت.. يا ربييي ليش جييه ليــــش..ليش شــــفته انا ماصدقت طلع عن بااالي ونسيييته ..اول ما يلســـوا..فـــزت مروه من الصوووت وهو ينااادي من فوووق..(عوووووشه..عوشوووووه..)..تمــت تتنفس عالسررريع وحاطه ايدها ع قلبها وتحــــسه بيطلع من صدرها من دقاته القويه والسريعه..
عووشه: ههههه بلااج زاايغه انتي..انزين اسمعي انا بسير اشووفه شو يبغي وبرد لج..خذي راحتج اووكي..
مــروة تلوي بيدها ع ايد عووشه وتترجاها.: لااا لاااا دخيييلج لا تودريني رووحي دخييييييييلج..
عوشه: مروه حبيبتي اشفييج عاادي محد في البيت اصلا الا اخويه توه ياا وبسير اشوف شو يبغي..انتي خذي راحتج عاادي..
مروة تطــــالعها بنظــرااات ترجـــــي..
عوشه: صدقيني ثوااني بس بسير له وبييج..
هدت مروة ايدها ونشـت عنها عووشه وسارت فووق جداا راشــــد..
راشــد وبنظــرات غضــب..: منووو هااي الي يالسه عندج شو تسوي اهني؟!!!..
عووشه انصــدمت مااتوقعت زاقرنها عسب يسألها هالسؤاال..: هااي بنت خالووه عايشه..
راشــد: شوووووه!!..منو هاي بعــــد..
عوشه: خالووه عايشه الي تشتغل عندنا..
راشـد: والله خوووووش..مرابعتلي بنت البشكاااره اشوووفج..ابسررعه الحين اتروغينها من اهني ..يلااا جدامي
عوشه بلعــت ريجها وشويه واتصييح...: راشد فشله والله..
راشــد يصاارخ: شوووو فشله وما فشله الا هي بنت البشكـــاره..وحده صاااايعه ضاااايعه مب مربااايه عدل واتقوليين لي فشــله!!..بسررعه سيريلها الحيييييين..
عوشه نـزلت دمعه من عيوونها..: راشــد انته شو تقوول حرام عليك ترمس عنها جيه البنت واايد طيبه شرات امها..
راشـد: هييييه ادري..ادري شرااات امــها..اكييد الام علييها سوااالف والا البنت على امنوو بتطلع يعني..
عوشه: راااااشد لااااا هااااي خالوووه عاايشه لا تقوول عنها جييه..
راشــد: سيييييري لااااا خالووه عايشه اووونه..بعد معتبرينــها شرااات خالتكم..اتخسي الا هي..والله وااايد مسوين لها سااااالفه..ماخذه راحتها اشووف..اليوم الي مااتي هي اتطــرش بـــنتها..شوفي يا عوشووووه..البنت هاااااي بتقاطعيينها ومايخصج فيييها فاااهمه والا لاااا..وان شاء الله الام بعد جريييب ونفتك منها ..نااااس لوووث وبينزلووون سمعة بيتنا للقااع..
عوووشه تصييييح..: لاااااا حراام عليييك..
راشـد: جـــــــب ولا كـــلمة..سمعيني عوشوووه..والله ان ماسرتي اتروغينها الحيييين انا الي بسبييييير..
عوشه : خلااص خلااص اوكي بسير..
راشـد: يلا بسرررعه..
راحــت عنه عووشه وهي تمسح دمووعها عشان مااتشووفها مــروة..حرااام عليه راشـد ليش مايداني خالووه عاايشه وليش جيه يقول عنها وعن مـروة!!..انا ماشفت نااس اطيب منهم..اففف هذا راااشد كله جييه ماايحب حد وكله يبغي يعصب وبس..بس حرااام يقوول بنفتك من خالووه عاايشه انا مااروووووم..وصــلت عووشه الصااله وماشافت مــروة..فجــــت عيووونها منصدمه..اويييه ليكووون سمعت الي دار بيني وبين راشـــد!!!..لاااا مااعتقد نحن كناا في الممر دااخل..ربعــت عوشه برع..وتمـــت تحووط في الحــوي يمكن تلقااها ..سارت وايجـت من باب الحوي مالقــت حد..اكييد سااارت..يا خووووفي تكون سمعت كل شي..ويين اودي ويهي من خالووه عاايشه..والله فشــله والله..اففففف..سـارت صووب بيت راشــد اتشووف اذا اميره يـت والا بعــدهاا..اول ما حدرت لقتها يااالسه فالصااله وحمدت ربـــها انها حصلت حد تقعد ويااه..
عووشه وهي سايره صووبها: لاااااا,,جان محد ياا فيكم بعـــد..مااحبــكم انزين امخليني بروحي..
أميره: وعليكم السلااام والرحمة..
عووشه: هههه سلاام عليكم..
اميره: هي الحيينه بعد..داشه عليـــه جذه تباااغمييين شو بلاااااج!!
عووشه: اميرووووه انا مفتشله والله هذا ريــلج يقهــــررررر
اميره: ريــــلي يقهــــر!!..صج ماتستاااهليييين..
عوشه: مااستــــاهل شوووو!!!..
اميره تشـل الجيس الي حذالها وتراويهــا..: المووبااااايل..
عوشـه فجــت عيووونها حلجها وهي تتطـــالع الجيييس وشهقـــت..: لاااا لااااا مستحييييييييل...
اميره: ههههه شو الي مستحييييييل..
نشــت عوووشه وهي مســـتانسه وشلت الجييس من اميييره وطــاحت عليييها حضــنتها وتمت تبوووس خدوودها..: فدييييييييييتج والله مـــرت اخوووووي..احبج والله احـــبج..
اميره وهي اتدزها..: هههههههه خوووزي عني ذبحتيييني..
عووشه: خليييييني خليييني اعبر عن حــــبي..
اميره: هههههه يالمصلحجيه انتي..
ردت عووشه يلســت مكاانها وهي تطالع الجييس..: عااد شو نووعه..؟!!..اذا جدييم ماابغييه ها..
اميره: صــج مب ويه حد ياخذ لج شي انتي..احمـــدي ربج..زيين بعد قال بياخذ لج وااحد يدييد وماعطااج هاكي مالج..ومظهر لج رقم يدييد بعد..
عوشه وهي تطـلع العلبــة من الجيييس..: فدييته والله..يا سلااااااااااااام هذا ايدد شـــــــي..امنو قــدي بتخقق على حمدوووه..
اميــره: بس عوشوووه ديري باااالج مب اي وحده تشوفيـــنها تعطينها رقمـــج..مانبـــااا الشــي الي استوااا يتكـــرر مره ثاانيه..
عووشه: لاااااا خــــــلاااااص مستحيييل هالشي يتكرر مره ثاانيه..
اميره نشت وخذت عنها العلبة وردته الجييس..: ما بعطييج الا يوووم تحبيين راس اخوووج وتشكــرينه..
عوشه: طاعووو هاااااي..من صجج انتي!!!..رووحه توه مناازعنـــي...
امييره: ليييش شو مســتوي؟!!..
راشـد: والله مفتشله اميرووه..ماشي انا من الملل اتصلت في خالووه عايشه اتي عندي فقالت انها مااتروم وبتيب بنتها عندي..ويت حليلها ويلسنا ويا بعض وسولفنا ..كنا نازلين ع الدري جان يدش ريلج..شافها وسار فووق..عقبها زقــرني..سرت له اتخيلي شو قاااالي؟!!!..
اميره: شوووو!!
عوشه: اوونه روغيييييها..!!
اميره: اويييييه لييييييييش؟!!!..
عوشه: اووونه بنت البشكااره وعليها سواالف هي وامها وماادري شووو..وانا الحيين خايفة تكوون سمعت الكلاام الي كان بينا لااني يوم نزلت تحت ماحصـلتها..
اميره: لاااا حراااام حلييلها خالووه عايشه..الله يهدييه راشــد بس انا ماادري لييش كارهنها جييه..الحرمه حليلها طيبه وعلى نيااتها وقايمه بواجبها فالبيـت..ليش انتو وين كنتو ترمسوون..
عوشه: نحن كناا داخل في الممر الي يوديج لحجـرنا ..بس بعد اخــافها سمعــت..
اميره: لاااااا هنااااك مااعتقد انها سمعـــت..
عوشه: بس انا يوم نزلت ما حصــلتها..
اميره: ماادري والله ,,انتي اتصـلي فيهم ورمسي البنت اسئليها لييش طـلعت..
عوشه: هي ان شاء الله بتصل اكييد..
انتبهوا للبــاب انفتح وراشــد الي دااش..
اميره: يلااا عوشووه نشــي ,,مثل ماقلتلج ..
نشت عووشه ويلست حذال اميره..: لااااااااا...
اميره: شو لااااا بعد,,ياا اتسوين الي قلتلج علييه ياا احلمي في الموبااايل..
عوشه وهي تهمس في اذن اميره: اميرووه حرام علييج اقولج توه منازعني..
يا رااشـد صوبهن ويــلس عالكنبه الي مجابلنهن..
اميره: ما عليييه..ترااه شرالج الموبااايل بعد شو تبييين..
راشـد: شو سالفتكم انتوو؟!!..
اطالعتها عووشه وهي تحايس بشفايفها وعقبها نشـت وسـارت صووب راشــد وحسـت برجفـة وهي واقفه مجـابلتنه ..حـبت راســه وابتسـمت له وقالت له..مشكوور ع المووبايل..وردت يلست مكانها وهي منزلة راســـها..
راشـد: هههههههههه مشكــله يوم تاااخذ دوور المستحيـــة موول مب لايق علييها..
اميره: هههههه هي والله انا بعد اقووول جيــه..
عوشه اتشجــعت ترمــس..: يلا يلا اصلا انا خجوووله..
اميره: ههههه هييييه مــــررررره..
راشــد وقــف..: يلا انا سااير فووق..
عوشه: توه النااس يالس ترااك..
اميره: اوووب اووب اشوف قمنا نرمس..
عوشه: هيييه احسديني الحين احسدييني..
اميره: ههههههه خلااص اوكي سير وانا (وهي تمثل انها تتثاوب وتطالع عووشه)..بلحقــك..
عوشه: انزين قوليلي اطـلعي برع بعد ليش هالحـركات ويا راسـج..
اميره: هههههه لااا اسووولف ويااااج..
.
.
مـروه بعد ماراحت عنها عووشه على طوول طلعت من البيييت وتمت وااقفه برع تتريااهم ايوونها وهي خاايفه واتصيييح..مب مثل ما عوشه متوقعه انها ممكن تكون سمعت الكلام الي كان بينها وبين راشـد..وحمــدت ربـــها يوم ماطــولت وهي وااقفه لاانهم يووها..وكان حمداان ووياه يوسف وامها واختها..كلهم انصــدموا من شافووها اتصيييح..حمداان قــلبه انقبض يوم شافها بهالحــاله يعني شو فيييييها ليش اتصييييح..يوسف وامها يسئلوونها اشفيها بس اتقوول مافيها شــــي..
في حــوي بيتهم..
حمداان: يوسف متأكد مافيها شـي؟!!..يمكن البنت مــريضه والا شــي..خل نوديها المستشفى..
يوسف: لاا لاا ما فييها شــي هي روحها تقوول مافيها شــي..
حمداان: خلااص يعني اروووح
يوسف: اسمحلي عاد حمداان مااقدر ايي وياك..
حمداان: مب مشكــله عاد طمناا عليها..
يوسف: ان شااء الله..
راح حمداان وهوو مضاايج ويحاتيييها.. الود وده يتــم ويعرف شو فيها بس مب حـلوه البنت ماتربطها اي صله فييه..
في الصــاله..
عايشه: مــروه امي قوليلي شو فييج ليش طالعه من بيتهم واتصيحييين..انا عووشه اعرفها البنت تدش الخااطر بسررعه وتنحــب..مااعتقد قالتلج شي مب زيين..
مروة: امــيه الله يخليييج دوري بيييت ثااني لاا تشتغليين اهناااك الله يخلييج امييه..
عايشه: ادور بيــــت ثاني!!..يااميه انا ماصدقت حصلت بيت بعد تبيني ادور بيت ثااني..وبعدين هم ناس طيبيين ويعزووني ومافي شــراتهم..ليش فــديتج شو شفتي عالبييت انتي..عوشه سوت فيج شــي؟!!..
مروة اتهز راسـها..: لاا لاا امــيه عووشه وايد حبيتها..
دش يـوسف الصاله..
عايشه: عيل اشفيييييييج؟!!!..
يوسف: مروووه خوفتينا علييج تراا..شو فيج انتي شو سووا فيج اهناااك
عايشه: ماسووا فيها شــي يا ولدييه بس ماادري بلااها اتقولي مااسير اشتغل اهنااك..
يوسف: ليش مــروه ؟!!!..
مروه: ماشي ماشي..خلااص انســوا..بس انا حسييت بضييج شويه وتميت اصييح..
يوسف: لااااا مب علينا هالكلاام..نحن يوم يينا شفناج واقفه بررع وتصيحيين يعني اكيد قالوولج شــي...
مروه: والله محد قاالي شــي..بس ..بس هييه انا شـفت البييت وايد عوود وقارنته ابيتنا وحسييت بضيييج..قلت في خااطري هم ويين عااايشيين ونحن وييين..
يوسف: لاا والله!!..كل حد على قد الي عنده..قولي الحمدالله غيرج ماعندهم مكان ييلسوون فيه..بس هذا مب سبب عشاان نشوفج جذه اتصيحيين واتقولين حق امييه مااتسير تشتغل هنااك!!..
مروه: صـــدقني مافي الا هالســــبب ..
يوسف: ويا هالـــوييه خوفتييييينا عليييج واخر شـي بس عسبت بيتهم!!..
ابتسمت له مـروه بضييج..
عايشه: شرات ماقال اخوج يااميه كل حد على قد الي عنده...قولي الحمدالله..
مروه: الحمـــدالله..
...................
في استـرالياا..وبالتحديد في جولد كوست..على الساعه 7 الصبــح عندهم تقريبا..نـش حمد من بعــد تعــب الســهر الي سهرووه في الطيــارة موول مايالهم ارقاااد الا يمكــن ساعه والا ساعتيين..وهم 14 سااعه في الطيــارة ..نــش وكان حاس بنشـاط وحيويه من بعد هالرقاااد..سار الصوب الثاني من السرير صوب مريم ويلس ع الارض وتم يطاالعها ومــبتسم ..اشحلااااتها يا ربيي وهي راقــده..تم يلعب بشـعرها ويحااول اتنش بس ماشي فاايده..فدييتها اكيــد تعباانه..نش حمد من مكاانه وسار اسبح وطــلع شافها لين الحين رااقده..طــرى في بااله يسوي شي يفاجئ مريم فييه..ضحك عاللي يااالس يفكر فييه بس مب مشكــله بيجــــرب..واكيد مريم بتستااانس..الي يفكر فيه حمد هوو انه يدش المطبخ التحضيري الحين ويسير يسوي ريوووق..طبعا المكان الي يالسين فيه كان فندق بس فيه شقق..حمد ماكان يبغي جييه..بغـى يحجز في فندق ارقــى على اساس انهم يحجزون لهم غرفة وخلاااص..بس هي اصرت الا انه يكوون شقق نظاام فندق بس عشاان يكون فيه مطـبخ تطبخ فييه وماياكلوون وايد من برع..قالها يا بــنت الحلااال شو تطبخيين نحن يايين شهر العســل..قااالت لاااا احلى يوم هي روحها تطـبخ وياكلوون اكل صحي حتى لو شهر العسل..المهم,,دش حمد المطــبخ فتح الثلاجة وخذ اربع بيضـات وقاال بيقلييهم..قلاهم بس مب كلهم ويا بعــض ..اول شــي قلا اثنيــنه وعقب الاثنيينه الباجيين من غير ما يحركهم..خلااهم دائرياات..واشكــالهم كانت اتشــهي واايد..(بس مب احــلى من الي انسويه انا واحـــبك لووول ^_*..)..حطاهم في صحنيين..وعقبها طلع من الثلااجه جـبن..ومرتديلاا وزيتوون..وحطا كل شـي في صحن..وحطا الصحوون كلها في صينيه عوده شـوي..اممم شــو بعــد..هييه ماا يحلي هالاشيــاء الا الكابتشينووو..وصب المااي في الغووري وحطااه عالجووله..واتريااه لين مايسخن..بعد ماشاف البخاار بند الجووله..وياب كووبين..حط فيهم نسكافيه وشكر وحليب..وقبشه صغيره ماي داافي..وخلطهم كلهم ويا بعــض لين ماا صاار جيه شراات ساائل..وعقب ياب الغووري وصب في الكوبين مااي..يا سلااام عالرغووه الي اتكونت ع الكووب..حطا فوقهم شويه نسكاافيه اونه زيينه..(جربووووها صدقووني بيطـلع لذييذ خخخ)..وحط الكوبين في الصينيه..حطا شوكتين وسجينين بعد في الصينيه..وطلع جيس الخبز من الثلاجه وطلع حبتين وعقب رده..وحطاهم في الفرن عشان يحرون وعقب حطاهم في صحن..حط الصحن في الصينيه وشلااها ووداها الصالة وحطاها ع الطااوله..دش الحجرة ولقااها يالسه عند التسريحة مجابلة المراية اتسحــي شعرها..
حمــد: صـــباااح الخيــــر يا احــلى مريم في الدنيااا..
مـريم اطالعته وابتسمـت..: صبااح النوور حبيبي..شو من متى وااعي؟!!..
حمد: انا من شــوي..هاا فديتج ارتحـتي؟!!..
مريم: هي الحمدالله..
حمد: انزين احـم احـم..يلااا خلصي وتعالي انسير الصااله مسونلج مفاااجأه ..
مريم وهي تلف شعــرها..رفعته ولمته بالكليب..: واللــــه!!..مفاجأه!!..يا سلااااام امووت في مفاجأتك اناا..
حمد ابتسـم وهو يطالعها باعجـاب..: وانا اموووت فيييج..
مريم نشت من الكرسي..: هههه يلاااا انسيير خل اشووف شو مســوي..
وساروا الصاله وتمت مريم مبققه عيووونهاا وهي تطـالع الصينيـــة..
مريم: يا سلااااااااااااام..شو هاااااا!!..
حمد: احم احم..الشيييف حمد طاال عمرج هو الي مسونلج الريوووق..
مريم: هههه لاا لاا مااصــدق..معقوووله؟!!..
حمد: ههههه كل شي يصير في هالدنيااا..
مريم: ههه هي والله كل شي يصيير..يوم انه حمد دش المطــبخ..هههه فديتك والله ليش متعــب رووحك..
حمد: افاا عليج انتي بـــس لاا تعـب ولا شــي..يلسي يلسي يلا ذوقييه وعطيني رايــج..
مريم: يم يميي لاا من شكــله مبين انه لذيييذ..
حمد: طــبعا..مب انا الي مســونه!!..
مريم: ههههه يالخقاااااق..يلست مريم ويلس حمد حذاالها..
حمد: بس تحملي ع صبووعج هااا..
مريم: ههههه لاا لاا تحااتي..بحااول اسيطر عالوضع..
حمد: هههه يلا ذووقي..
شلت مريم الشوكه و السجين وقطعت البيض قطعة صغييره وكــلته..وحمد متحمــــس يطالعها يترياا النتيييجة..شــافها اتحاايس بشفااايفها وكأنها تبلع بالغصب..انصــدم..
حمد: هاا شووو بشري!!..
مريم: حلوووو..
حمد: ادري انه حلووو بس ليش جييه حستي بشفاايفج وانتي تبلعين وكأنه ما عيبج..
مريم: حمــد لااا اقصد يعني طعمــه حلووو..هههه حبيبي انت حااط فييه شــكر..
حمد: شوووووه!!..لاا اتقووووولييين..لاا لاا مستحييل اصلا ..
وكــل هوو قطعه يتأكد وشاف فعلا طعمه حلوو..تم يحج راسه من القفطه وهوو يطالعها..
مريم: هههههه ما علييه فدييتك ما علييه اتصير اتصير..
حمــد: افففف انا ماادري شقاايل ماعرفت اميز بين الملح والشكر..
مريم: ههههه عااادي ماصاار شــي الحينه..ان شاء الله باجر يوم بتسوي اتحط مـلح..
حمد: اندوووكم تتحرا كل يوم عييد..
مريم: ههههه هي خلاااص كل يوم الريووق عليييك..
حمد: ههه من عيوووني..انزين ذوقي ذوقي الكابتشينووو ..عاد هذا انا متأكد انه بيعيبج..
مريم: ههههه اخااف حاط فييه ملح..
حمد: هههههه هي والله عااادي بس ان شااء الله لااا..
مريم: هههه ان شـاء الله..شلت مريم الكووب وشربت شـويه..واطالعته وهي مبتسمــه..ورد لها الابتساامه مستااانس يعني عيبها..وشربت بعد مــره..وحســت بطعمه لذيييييذ..
مريم: يا سلااااام هيييه هـــذا اعطييك عليه 10\10 ..
حمد: ههه احم احم..يعني مب ماالح..
مريم: هههه لاا لاا مب ماالح..يلا اشرب انت بعــد..
.....................
مرن اسبــوع طبيعي عالكـل..ماصار شــي يدييد..بس جـاسم الي يحس انه يووم عن يوم يتعلق في مناال زياااده ..كان يتحـرى انه هوو بس معجــب فيها..بس شعووره غيير جيـه..شكــله اتأكد انه الي يحس فيه مب اعجااب وبس..لااا اعجــاب وحــب بعد..احــبها!!..انزين حبيتها وبعــدين!!..هل اقدر اني آخــذها..اووه انا ماابا يصير فيني شرات المره الاوولــى..يكفي العذااب الي عشــت فييه..بس فييه واايد اسبااب بتمنعــني..اول شــي مشكلة ابووي ويااهم..شقايل اخذها وابووي مستحييل يـــرضى..اووه بس انا ليش يالس افكـر في هالاشيااء من الحيين..ان شاء الله لين عقب يصير خيير..اووهوو هذا فوازوو اتأخــر..خست وانا اتــريااه..اول ما كان بيدخل دااخل شاف سيــارة فوااز ياايه صووب البيـــت..سار وركــب جداام..
جاسم: خــس الله ابليييسك جااان ماييت بعـــد..
فواز: ههههه ..تذكر اشكنت اتسوي لما كنت عندكم.. تتصل فيني واتقولي اووقف عند الباااب..وآخر شـي اتيني بعد نص سااعه..
جاسم: ههههه لاا تباالغ انزين مب نص سااعه عااد..يعني انت الحين تبا اتردها لي يالهرم
فواز: اييه بردها لــك يالخاااين..
جاسم: هههه خاين!!..لييييش يا ريااال
فواز: اتسوي روحك ماتدري هااا..من ييت معاااي اهني ووصلتك بيت اهلك..جم مره اتصلت فيني؟!!..
جاسم وهو قاافط..: مره وحده..
فواز: انزييين ولما كنت اتصل فيك جم مره رديت علي..
جاسم يطالعه ويحايس بشفايفه..: مرتين بس..
فواز: زيييييين عيل اتحمل الي بييك مني ..
جاسم: هههه يعني انت الحين زعلااان اونك..انزين يااخي اهلي هاييله في عمري ماشفتهم لاازم بيلس ويااهم..
فواز: وانا ماقلت لا تقعد معااهم بس عااد عطنا ويه..
جاسم: ههههه زين عطيتك ويه اليوم بعد شوو تباا..
فواز: احمد ربك اني انا رضييت اطلعك اليووم والا المفرووض اعطيك بو لبااااس..
جاسم: ههه افا والله افااا اهووون علييك!!.
فواز: ايه ايه اتهوون..
جاسم: هههه فوازوو يلا عااد لا تمصخها..
فواز: زين زين..انت اشتبي مني الحيين..
جاسم: صج قوووات وييه..شو اشتبي بعد!!..صج ماتستحي على ويهك..
فواز: خلصني خلصني قوووول..
جاسم: أنــــا أحـــــــب..
فواز: لاا حول ولا قوة الا بالله..يا ربي ليش بليتني برفيج مايفهم..انت شنوو تبي تينني!!..تبط الجـــبد انته ترى..خلااااص البنت راحــت رااحت ليش مو راضي تفهم!!..للحيـــن الحبيب قاعد يفكر فيها على باله يعني بياخذها بأي طريييقه..ليش فلم هندي اهوااا
جاسم يطـالعه وهو فاج عيوونه..: انته ايييييه افهم السالفه اوول وعقب ارمس..
فواز: خلااااص يااخي انا فاهم السااالفه وحافظها بعد ..اسمعني لو ان شاااء الله تفكر فيها من اليوم ليين السنه الياييه البنت مابتكوون لك خلااااص..
جاسم: اييهييي انت خلني افهمك السااالفه اول انت فااهم غلط..
فواز: يلا تكلم اشوف ..
جاسم: بنت عمي خلااص اقتنعت انها مستحييل اتصير لي وهي الحين على ذمة رياال ثااني وماايصير حتى افكر فيها..بـــس..انا الصرااحه في بالي وحده ثاانيه..
فواز: وحده ثااانيه!!!...هههههههههههههههه
جاسم: يالخاااااااااام لاا اتخلني اندم اني افتحلك قلبي واقولك كل شي..
فواز: هههههه اااه والله انته يعني اتقول اشيااء اتخلي الواحد غصبن عنه يضحك..انت اول شــي شيل بنت عمك من راسك وعقب فكر بغيرها..
جاسم: قلتلك انا بنت عمي شايلنها من راسي اصلااا خلااااص واقتنعت انها هي موو لي ومستحييل اتكوون لي..يااخي اول ماشفتها دشت خاااطري..
فواز: ههههه شفتها اهني ..عنا بالكوييت!!..
جاسم: هييييه هي كويتيه..
فواز: ههههه والله زين زين..شي طيب الصراحه..ومنهي هذي قووولي..
جـاسم: بنت خـــالتي..الصراحه من اول ماشفتها وانا احس بشي اتجاهها..بس المشكــله الحيــن كيف اقدر اصارحها بهالشي وخصوصا اني مااعرف اذا هي تبادلني نفس الشعوور والا لالا..والمشكله الاكبر هي سالفة ابوويه ويااهم..ياخي والله ماادري لييش مب مترقع في الحب اناا..قولي شســـوي
فــواز كان مصدووم من سمع بنت خــالتي وبس ماكــان منتبه للكلام الي كان يقووله عقـــب..لااااا جااسم لاااااا..الا هالبــــنت تكـــفى..معقووله يقصد منااال..اييه مناال ماكوو غيرها..انا الي اعرفه انه الثانيه وايد صغييره علييه..منــــااال لاااا يا جـــاسم لااااااا..المشكــله اشلوون اقدر افهمه ..اشلوون اقــدر اقووله..صعـــب والله صــعب...بس لي متي بتم سااكت!!..
جاسم: فوازوووو..فوازو...ايهييي بعد مشكله الحبييب يوم يسرح..اييه ارمسك انا..
فواز: ها ها..ايه وياك انزين وبعدين..
جاسم: شو قلت انا الحين..
فواز: بنت خااالتك وبعدييين..
جاسم: يالـــدب واتقول ويااايه بعد..وعاد له جااسم الكلام الي قاله..
فواز وهو حــاس بضييج ويقول في خااطره والله مناال ماتستااهلك يا جاسم..: امم ماادري شو اقولك يا جاسم بس انا اشووف انك مااتفكر فيها احـسن لاانك تدري بمشكـلة ابووك معااهم..فكر بالمستقبل انت..
جاسم: بس غصــبن عني فوازوو انا عايش معاهم بنفس البيت وكل يوم اشووفها..احسها تجــذبني هالبنت فيها مواصفاات خااصه احس ماشفتها في أي بنت ثاانيه..انا احبها فوازوو احـبها..
فواز يهز راسه..: لا حول ولا قوة الا بالله..
جاسم: دخييلك قولي شو اسوي..
فواز: انا قلتلك وانت بكييفك..
جاسم: بس الي تقووله صــعب واااايد صعـــب..
فواز: حاااول منت خســران شــــي..
سكـت عنه جــاسم وحــس بضييج لحظــتها ..الي يقووله فوااااز مايروم له جــاسم..كيف بيحاااول وكل يووم هي جدام عيوونه!!!..
................
نـــورة ملت من كثر ما تتصل في امييره وهي مااترد علييها..من يوم ما خذت رقمها اليديد من حمدوه وهي تتصل ..عاد اليووم قالت الا اتيها البييت واتعرف شو السااالفه..شو فيها اميره علييها ..تبغي بس اتعرف هي شو مسويه عشاان هالتغيير المفاجئ..اتصلت في عووشه..
عوشه: الوو
نوره: سلام عليكم..
عوشه: وعليكم السلام..
نوره: اشحاالج عوشووه؟؟
عوشه: الحمدالله تمام..امنوو؟
نوره: هههه يالدبه ما عرفتيني..انا نووره..
عوشه: ههههه هييييه وانا اقووول هالصوت مب غريب علي..هلا والله شخباارج؟؟
نوره: ههه تمام ربي يسلمج..عاد اسمحيلي خذت رقمج من حمدووه..
عوشه: لا فديييتج عااادي افا علييج..
نوره: انزين الغاليه بتخبرج انتي في البيت والا طالعه؟؟
عوشه: لا انا طالعه وياا امااايه وابوويه..
نوره: ههههه يعني لاازم اتخربين علييهم!!..
عوشه: هههههه شو اسوي يااختييه من المللللللل..
نوره: هيييه صح حمدووه الحين مشغووله عنج توني داقتلها اونه شو تبيين انا ويا ريلي الحيينه..
عوشه: صدق انها ما تستحي..حتى انا جي قالتلي يوم اتصلت فيها..لكن خلاااص انا زعلاااانه منها وتحلم مره ثانيه اتصل فيها..جنه ولا وحده عندها ريـــل غيرها خقاااقه وحده
نوره: هههههه هدي هدي..حراام خليها تستاانس..المهم فديتج ابغي اعرف اميره في بيتهم والا؟؟
عوشه: امم الحين مااعرف بس قبل لا نظـهر كانت في البيت..
نوره: اممم انزين ترومين تتصلين فيها وتسئلينها جان بتظهر والا لا ؟؟
عوشه: ليش تبين اتسيرين عندها..؟
نوره: هييه يااختييه بشووف شو سالفتها انا مب مرتااحه يا عووشه طوول الاسبوع وانا اتصل فيها مااترد عليه..
عوشه: وييي وانا نسيييت اسئلها بعد اشفيها علييج ليش جيه مره وحده اتغيرت!!..
نوره: عشان جيه انا بروح لها اليووم..
عوشه: خلااص بدق لها الحين وبرد عليج..
نوره: اوكي بس لا تقولينها اني بييها..واسئليها بعد جان ريلها يالس والا لا
عوشه: خلاااص اووكي..الحين بتصل..
نوره: اوكي فديتج اتريااج..
سكرت عنها عووشه واتصلت في اميره..وقالت لها انها يالسه رووحها في البيت ومحد عندهاا..
عوشه: ههههه تستاهلييين ,,شرات هاك اليووم يوم ظهرتوا وخليتوني..
اميره: جب جب انزين..ويبنالج موبايل ويانا بعد شووو تبيين..
عوشه: ههه انزين انزين ..المهم تمي فالبيت اوكيه..
اميره: ليييش يعني؟!!..
عوشه: بس انتي تمي وعقب بتعرفين ..
اميره: يالسه حليلي محد بيظهرني..
عوشه: هههه ليش بعلج وين ساار؟؟
اميره: حلييله بعلي قالي بوديج بيت ابووج بس قلتله لااا مالي خلق اسير اليووم كنت تعباانه شوي..فسار عني..ماقال بيتم وياي..
عوشه: هههههه نشاد عنج هوو,, يعني يوم انتي تعباانه اونج شو تبينه يسوي بج..المهم يلا بخلييج..
اميره: اووكي سلمي على عمي ومرت عمي..
عوشه: يبـــلغ..يلااا بااي..
اميره: بااي..
اتصلت عوشه في نووره اتخبرها انها في البييت ومحد وياها..ونووره على طوول من بعد ماسكرت عنها عووشه راحت تتزهب وظهرت من بيتهم ويت صوب بيت اميره..دقت الجرس ويتها الخداامه وقالتها اتسير تزقر اميــره..سارت الخداامه وزقرتها..استغـربت امييره منو بييها الحيـــن!!..ظهرت الحــوي وشــافت وحده وااقفه..اتقربت منها عشان اتعرف امنوو هييه..شـــافتها نووووره!!..انصـــدمـــــت من شافتهـــا..مووول ماكانت متوقعه اتكووون نووره..وانا اقوووول عوشووه تقوولي تمي..صــدت عنهاا اميـــره بس في خااطرها اتقووول والله متولــــهه عليج نورووه والله..بس بعد كلماا تتذكر كلام راشــد عنها اتقول في خاطرها هاي ماتستااهل خلااااص..
نوره: سلام عليكم..
اميره: وعليكم السلام..
نوره: ليش معطتني ظهرج انزين..اطلع برع يعني؟!!..
شافتها اميــره بنظــره وعقبها قالت..: حياج..
تجدمتها اميره ومشت نوره وراها..ودشوا الصااله ويلســوا..
نوره: شوفي اميــرة انا ادري مضايجه اني ييتج جي من غير مااقولج بس حضرتج كلما ااتصل اتسوين لي طااف..مب مشكــله انا مب مطووله عندج..بس مب ظاااهره من اهني الا لماا اتقولين لي انا شو سوييت فييج..!!..ليش متغيره عليه جييه دخييلج قوليلي..انا من يوم الملجه وانا مب مرتااحه اميرووه انتي اتعرفين شو كنتي بالنسباالي..اتعرفيين اشكــثر كنا انرمس بعض وماانخش شي عن بعــض..بس ريحيني وقولييلي اشفييج عليه ..بس قولييلي انا في شوو غلطت ..بس هذا الي ابغي اعرفه انا عشاان اعذرج على تغييرج المفاجئ هذا..
أميـره غصــبن عنهاا دمعــت عيوونها وصــدت عنها الصووب الثااني..سارت نووره ويلست حذالها ولوت ع جتفها..
نوره: لاا فدييتج دخيليج ماابغي اشوف هالدمووع ..انا ادري في كلام في قلبج وتبين اتقولينه ..طلعي الي في خاطرج فدييتج..ترى انا نووره..نووره الي ويااج من الرووضه لين مااتخرجتي من الجاامعه لا تنسيين هالشي..
اميره شلت ايد نووره بالقوو من ع جتفها وابتعدت عنها وهي تصارخ..: خووووزي عنــــي انتي اصلا كنتي اتقصيين علي وماكنتــي تصارحيني في كــل شــي..انتي اصـلاا وحـــده.......استغفر الله..
نوره انصعقــت من كلامها ودموعها بدن ينزلن..: مااصارحج!!!...انا حتى قبل لا ارقد اقولج اميره ترى انا برقد الحين واتقولين لي مااصارحج!!..انا وحــده شوووه!!..وحده شووه قوولي..
اميـره: ...............
نوره تصييح..: الله يخليييج اميــره لا اتمين ساكته جييه انا متأكده انج سامعه عني شــي..انا شوو قولي..
اميره: ماشاااءالله اتعرفين اني سامعه عنج شي.. يعــني تدريين انه الناس يرمسوون عنج ..نورووه انتي سمعتج في الارض..ولين الحيينه مستمــره في الغلط..خافي ربج..
نوره مبهــــته تطالعها..: سمعتي في الارض!!!!!..
اميره: هيييييييه حبيبتي سمعتج في الارض..وصورج بين اياادي الشبااااب يلعبوون بهاا..وانتي عاادي عندج دوم ظاهره وياا واحد..
نوره مــب مستوعبــه الي تسمــــعه جنه حد صــب عليها مااي بااارد..كانت تطـالع امييره وهي مبققه عيووونها..هاي شو تقووول شوتخـــــربط..: انا ؟!!!!!!!!..
اميره: لااااااا عيل انا!!!..
تمت فتره سااكته نووره تبغي تستوعب الكلام الي سمعته..عقبها تمـــت اتصييح من الخــــاطر..معقووله..معقووله ماخذه عني هالفكـــره اميـــره!!!..اتقربت منها..
نوره: الله يخـــليج..الله يخلييج اميــره فهميني شو الساالفه..
اميره: لاا تستعــــبطييين انتي عارفه كل شــــي اصلااا واتعرفين انتي شو تسوين وشو مااتسوين..وين كــلاامج عيل..يوم اتقوليين انا اقوولج كل شي ومااخش عنج شـــي..طلع كله خرط اف خـــرط..
نوره: دخيــلج انا بس ابغي اعرف انتي من وين يايبه هالكــلام..منو قالج عني جييه!!..
اميره: مب لاازم اتعرفيين..سمعت وخلااص..
نوره: لااااااا..لاااااا الله يخليج اميره دخييلج اترجااج انا..وايد يهمني اعرف..
اميره: اووووه قلتلج سمعت وخــــلااص..
نوره يلست تحت ريووولها عالارض وهي قابضه ايدينها اتصييح بحــرقه..: الله يخلييج..الله يخلييج قوليلي ..هاي سمعــه اتعرفين شو يعني سمعه..
غمضـها شكــلها وعورها قــلبها ونزلت دمووعها..قبضت ايدينها وحاولت اتوقفها..وقفت هيه ويلست عندها..: بقوولج..انا شفت صورتج في تلفون ريلـي ..والصراحه هو الي قالي عنج هالكلاام..
ااااااه والله انه جـــــلب..ونــــذل بعد..لين الحين صــوري عنده..!!..ليش ليش شو يباا فيهن!!..الخاااااايس..اكرهك راشــد اكــرهك..بس انا براويييك..ياا الوقت الي تنكشـــف فيه..وهي تمسح دموعها..: خلااص انا عرفت شو السالفه..انا بقوولج السالفه بس دخيلج لا تزعليين مني..
اميـره: أي سالفه!!..
نوره: ســالفة ريلج راشــــد..
اميره: ريــلي راشــد!!..ليش انتي اتعرفيينه!!..
نزلت نوره راســها وعقبها رفعته وتمـت تطالعها بحـزن..: خليني اقولج السالفه..
اميــره مستغربه..: اسمعج..
نوره: شوفي اميــره,,السالفه الي كنت اقولج عنها اني احب واحد وارفض الكل عشااانه وانتي كنتي تنصحيني واتقولين لي ابتعدي عنه..وهاك اليوم قلتلج انه اتزوج بنت عمه ..اتعرفين منو هذا!!..
اميــره تمــت تطــالعها مبهته..وجنها عرفت الي ترمــس عنه نووره..لاا لاا مستحيييييل!!..
نوره بدت تصيح..: راشــد..ريلج راشـــد..والله انا ماكنت اعرف انه يقرب لج..من عرف هوو اني انا ربيعتج تم يحن على راســي الا وابتعد عنج..اتحيدين قبل عرسج .. قلتلج اني بساافر..لاا كنت مسافره ولا شي..هذا راشــد قالي اقولج جييه بس عسب ابتعد عنج..انا ماكنت ابغي وقلتله هاي ربيعتي نحن واايد ويا بعض..تم يهــددني..وعلى كــل شي كان يهــدد وبس..يوم عزمتيني على عرسج ماقدرت اردج قلبي ماطاوعني..وييت وفرحت لج من خاطري..بس الصدمه كانت آخر شــي..يوم شفت رااااشد داااااش..قلت شقاايل جييه..كيييف..وهو قايلي بياخذني انا !!!..كانت صـــدمه صــدمه كبيييره بالنسبه لي ابدا مااتوقعتها..عرفت عقبها انه كان يقص علي وكل رمسته خرط في خرط..اميــره الله يهنييج ويااه..انا خلااص اصلا طلع من باالي وماافكر فيه بعد..اصلا انا الغلطاانه لااني كنت ارمسـه واساايره وماكنت اسمع كلاامج يوم تقولينلي قوليله جان يباج خل ايي يخطــبج..هو كان يبغي مني شـي واحد بس.. بس الحمدالله الحمدالله اني ماطلعت غبيــه زووود وسمعت كلااامه..يكفي اني طلعت غبيه يوم وثقت فييه وطــرشتله صووري..يوم شاف اني انا ماشي فايده مني ومب قادر يبعدني عنج زخااج انتي..وقالج هالكــلام عني بس عسب انتي تقاطعيني كان على باله اني انا بفضحه وبقوولج كل شــي..بس انتي الحين عرفتي كل شي اميره..دخييلج سامحييني..
اطــالعتها أميــره وهي تذرف دمووعها وتهز راســها ..لااا مستحيــــل..مستحييل نوره وراشــــد ..لاااااا لااا ..حطت ايدينها على ويهها وتمــت اتصيــح بحــرقة وبصوت مسمووع..لوت عليها نووره وهي بعد تصيح وياها..: بس فديتج بس ..والله ماكنت بقولج هالكلاام عشاان ما تنصــدميين..المفرووض اني مااقولج لاانه السالفه منتهيه خلاااص..بس ماقــدرت..انا كنت طاايحه من عيينج اميــره وراشـد خلااج تاخذيين عني فكــره غــلط..من حقي ادافع عن نفســي واداافع عن علاقتنا ويا بعـض الي كانت بتنهــدم..
اميره: نووووره الله يخلييج قوليلي غير هالكلااام انا مب مصــدقه..مب قااادره نووره لااا مستحييل..كيف جييه!!...يعني هذا الي كنت اقول عنه خااين ونذل ويرمس عشره غييرج ويقص علييج يطلع راشـــد ريـــــلي!!..
نوره: بس فـديتج بـــس..دخييلج هــدي..
تمــت اميــره اتصييح ونـــوره ضامتنها وتهــديها جــنها يــااهل..بعد ما هــدت شوي نشـت اميره من حضـن نوره ..وهي تطــالعها بحـــزن..ونفس النظــرات توجهها نوره صووبها..
حضــنتها اميـــره وهي تقوولها سامحييني..سامحييييييني نوووووره..
نوره: فـــــديتج انتي الي سامحيييني لااني قلتلج هالكلااام..
اميره: ااااه يا نووره انا ماادري كيف صــدقت هالحقييييير وسئت الظن فييج..
نوره: اميره لاااااااا...لاا اتقولين عن ريــلج جييه فــديتج دام هووو زييين وياااج..هوو يحــبج من جييه خذاج انتي اصلا ..
اميــره: أي يحـــبني واي خــرابيط..من اول ماخذيته ومشااكل من بينا..خليها على الله انتي بس..
نوره: ماعليه غنااتي اتصير هالمشاكل بين الزوجين.. اميره فــديتج لا تتغيرييين علييه خليج شــرات قبل ويااه دخييلج ماابغيه يعرف اني انا قلتلج شــي ..والله يخلييج حاولي تمسحين صوري من تلفوونه..
اميره: هيييه ان شاء الله اكيد بمسحــهن ..قبضـت ايديها..مستحيل شــي بيفرقناا انا وانتي..مالي غنى عنج والله..
نوره: ولا انــا فــديتج..عسى الله لا يفــرقنا..
..............
يالسه في حجـرتها ..متسانده ع السرير وحاضنه المخــده واتصيييح..معقووله!!..معقووله طــلعوا من عندي وما قالوولي تعالي ويــانا..ليــــش يعني..بخـــرب عليهم طــلعتهم انا!!!يكفي انه طوول الاسبوع وهو مشغول عني..اكثر وقته يرمســها..بس يوم واحد ظــهرني..بس اكيــد ..اكيــد منهاا هيييه..والا حــارب اخــويه يبغي يظــهرني..هييه تقووله ماتباااني..انا متأكــده..مااحــبها مااحــبها ماخذه اخــويه عــني حرام عليها..يعني معقووله حارب ايشوفني قاعده رووحي في البيت ومايقولي تعالي ويانا!!..اكيد هي الي مشيشتنه..اااه يا ربـــــي..كنت مرتااحه ومستاانسه..ليش ملجــت يا حاارب ليييييييش!!..انا شو ياسه اقوول..يعني لين متى بيتم يداريني ويجابلـــني..!!..لاازم يمــلج ويتزوج..انزين وانــــا!!!..فدييتها اميييه الله يحفظها ويخليها لي هي اللي تامه لي..بس المشكــله اني انا مااحب يلساات الحرييم..وانا ماابغي احرمها واقولها لا تسيرييين وتمي ويايه..انا خلاااص اتعــودت اظــهر وياا حااارب..وحـارب خلاااااص خـــذته عــني حمدوووه ..وهي تحــط ايديها على ويهها واتصيح من الخــاطر..خــذته..اكـــرهها اكرهها..تمــت في هالحــاله حـاسه بضييج مــب طــبيعي..اااااه..محتاااجتنه..والله اني محتاجتنه في هاللحظــات..محد يقــدر يخفف عني الا هوو..كانت تمر علي شرات هاللحظات يوم انا رووحي كـنت احب ايلس برووحي..وعلى طوول اتصــله ومااسكــر الا وانا مرتاااحه..بس هالمــره اصعــــب..هالمره انا ابغــــي بس محد يباااني محـــد..انزين ليش ماادق له وارمســه!!...عادي اصلا هوو بيستااانس من بيعرف اني انا لين الحين احـبه وافكر فييه..انا متأكده انه بيستااانس..انا بدق له والي فيها فيــها..بطــلع الي في خااطري كــله وبقووله اني محتاااجتله..شــلت التلفوون ودقت رقمــه..اول مــارن حســت بقــلبها ينبــض بسرعه مب طبيــعيه وحســت انها تتنـــافض من الربكـــه..بعد ثالث رنـه كــانت بتسكــر بس رد عليها..
مــايد: الوو..
شمــا من سمعــت الصووت اتيبـــست وحســت انها مب رايــمه تنطــق..
مايد بعصبيــه..: الووووووووه..بترمسوون والا لا!!!
شمــا بربكـــه وبصووت بالكااد ينسمع..: الوو
مــايد: الووووه..امنووو!!!..
شمـا تصييح بصــمت..بلعت ريجها..: سلام عليكم..
مــايد حس انه الصووت هذا مب غريب علييه..: وعليكم السلام..
شمـا: ...........
مــايد: الوووو..امنـــووو ؟!!..
شمــا: مــ ـايـ ـد أنــ ـا.......
مـايد فج عيــونه من الصدمة وعرفها مستحييل مايتذكر هالصووت.. وقاطعــها على طوول..: شمــــــــا!!!!!!!!!
شمـــا تصــيح وترمس صوتها متقطع..: مـــايد اشحالك..
مــايد ليـــن الحيــــن مب مستــوعب..معقوووله شــما!!..: شمـــــا..اكيــــد يعني انتي شمــــا!!!..
شمــا: هييه..
مــايد: شمـــــا انتي ويــــنج عنـــــي وييين!!..ليش قطعـــتيني !!..ااااه يـــا شمااااا والله متــوله علييج..
شمـــا: مــايد,,مــايد انا محتاجــتلك!!..
مـايد: شوو فييج يا قـــلبي ليش ياسه اتصيحيييين؟!!..
شمــا: مااايد انا وايد مضـــايجه واااايد..
مايــد: حيااااتي ارمســـي افتحي لي قلبــج قوليلي شو فييج!!..
شمــا: اول شــي قولي,,انت ليـــن الحين اتحـــبني وما فكــرت في غيــري!!..
مـايد بضييج..: بظـــل احــبج ليين ماا امـــوت..بس شمـــا..تــرى انــا.....
شمــا: انت شوو؟!!..
مــايد خذ نفس عميق و حس بعـــواار في قــلبه..: شمـــا انا مـــلجت..
انصعقـــــــت شمـــا من قـــالها..وحست بالدنياا تدور حواليها..وتمـــت مبهـــته فتـــره بس تبغي تستوعـب الي سمعته.. وهوو حـــس فيها ويتريااها تــرمس اتقول شــي ..مــره وحــده سمع حـــسها وهي اتصييح بصوت عاالي حس بقــلبه يتقــطع لحظـتها ونــدم لاانه قــالها..
مـايد: شمــا دخييلج بــــس..خليني افهــمج السالفه..
مــاكان يسمع غيــر صووت صياااحهــــا الي كان يقطع القــلب..
مــايد: شما الله يخليـج..بس..شمــا انــ ..... مالحق يكمل كلااامه لاان شمــا سكــرت عنه وتمــت منهااره اتصييييييح..امــا هوو فكــره عمــره ليش انه قـــالها وتــم متلووم ..هو كان في حــوي بيتهم لحظــتها..شــل تلفوونه بغـى يتصــلها مــره ثااانيه بس انصعــق من الصووت الي يااه من ورااه صوب البــــاب..(حــــرام عليييك والله حـــرام علييك مااايد)..صــد صـــوبها وشــافها واقفـــــه اتصيـــــح..اتيبس في مكــــانه وحس ان ريووله مب رايمه تشيــله..ســار صوبها ابــطئ وحــس بثقــل وهوو يمشــي..
مايد: نواال انا......
نوال قاطعتــه بسرعه..: انت شوووو مااايد انت شووووو..حـــرااام علييك يوم انك جــيه متولع فييها ليش رضــيت انهم يخطبووني لك ليييش!!..تبــا تعذبني وياك وبــس..انا اشـــذنبي انزييين..تاخــذني بس عســب ترضــي اهــلك..!!.. قــلتلي مااتفكــر فيها شـــرات قبل وبتنســـاهاا وانا حليييلي صــدقتك..لاني فعـلاا حسيت انك اتغيــرت واايد وقمت تسأل وتهتم فييه..اثااري كل هذا بس تمثييل جدااامي ومن وراااي اتعبر عن لهــفتك وشوقك لشــما و اتقوولها انا بظل احــبج لين مااموووت!!..يعــني انـا كأني شــرات شي ماله دااعي انه يـــنوجد..مــالي مكاان في قــلبك دام هي الي مسيطــره علييه..لكــن خلااااص انبــان لي كــل شي الحيــن وعرفــت قــدري عـــندك..مـايد نحــن مستحيل انكمــل حياتنا ويــا بعــض..وهي تمسح دمووعها.. طــلقني..
مــايد كــان مصدوووم وحـاس بحــراره ابجسمه كـــله من القفطــه والاحــراج وايحس انه لسانه انــربط مب رايم ايـرد..وتــم يطــالعها بنــظراات ويرد ينــزل راســه مــب عارف شو يقــول بس عقـب نطق..: نــواال اسمعيني..
نوال: ماابــي اسمع شــي خلاااص انا قــلت الي عـــندي..وعـلى طوول طــلعت بــرع..هــو تــم واااقف يحــس عمره عااجز مب رايم يســوي شــي..يفكــر في الي استــواله اليووم يحــس عمره جـنه في حــلم..مب حلم الا كابووس..كاابووس ويبغــي يصحى منه بســرعه ويتعــوذ من ابليييس ويــرتااااح نفسيــــا لاانه الي كان فييه مجــرد حــلم..بس لا هــذا وااقع..وااقع مــر عاشه في هاللحظــات..اتنهـــد بكــل ضيييج وحــس بصــدااااع بيفجــر راســه..مب قـادر يفكــر ولا قــادر يســوي شــي..ماحــس بعمـره الا وهوو في سيــارته طــلع فيها وراح المكـان الوحييد الي يرتااح فييه يوم يرووحــله والي هوو البحـــر..تم يــالس اهنــاك..والجـو كان هاادي و حلوو يــومــها..كـان يالس يتأمــل الاموااج الي تتلاطم فوق بعــضها..ومـاحس بعمــره الا دمعه تذرف من عيـونه وهو يتذكــر الي صـارله قبــل شــوي..حـس بقلبه مقبوووض ومب عاارف يتصــرف..مـره وحده حس بايــد تضرب جــتفه ع الخفيف..صد حذاله وشــاف ربيعه..ابتســم له بس من دااخــله مــاله نفس..
مـايد: هلا خلّووود..
خالد: اهليين,,يــاي البحر اليووم اكيد فيك شــي..
مـايد وهو يتنفس بعمق..: خلها على الله يا رياال..قولي انت ليش يااي؟؟
خالد: انا ماشي والله كنت احوط روحي في السياره شفت سيارتك اهني قلت بيي بشووفك..اشفييك يااخي شكلك شايل همووم الدنيا ع راسـك..
مـايد: مافيني شـي لا تشغل بالك انته..
خالد: انزين قم قم وياي..
مـايد: وييين؟!!..
خالد: بنسير انحـاوط في السيااره ننزل مكــان نستاانس اشوي..عقب بييبك اهني تاخذ سيارتك..
مايد: لا يااخي مالي خــلق..
خالد: يلااا عااد ميوود خلنا نستاانس..
مايد: لو بس في السيااره اوكي مالي خلق انزل مكان والله..
خالد: خلااص اووكي بس في السياره..
مــايد: اوكي يلااا..
|