عوشه ماقـدرت تحبس دموعهـــا..: لا تطولووون انزيييين..
مـريم تلــوي ع جتفها وتدمع هي الثاانيه..: فدييييتج والله اصلا انا رووحي مااقدر على فرااقكــم..
عوشه تمسح دمووعها وتطــالعها وتبتسم.: يعني ما بتاخذوني ويااكم!!..خشووني في الشنطــه اي مكااان المهم ايي..
مريم..: هههههه خلااص ان شاء الله بنتفق في المطااار..
عوشه: ههههه خل اتصـل حق جااسم اشوفه ويييين معقووله ما بيي المطاار!!..
مريم: تعاااااااالي على طاااري جاااسم,,حمد اليوم يخبرني انه ساااافر..
عوشه مبــطله عيوونها منصــدمه..: شووووووووووه!!..ســــافر.!!
مريم: انا روحي انصــدمت يوم قاالي قلت هذاا امسااات راااد وبعــد سافــر!!..
عوشه: مستحييييييييييل,,تلقينه يسووولف ويااج..
مريم: ماادريبه والله,,المهم يلا نشي خل انسيير ..
عوشه وتحــس بقلبها مقبووووض..: مريووووم ادق له يعطيني مغــلق..
مريم: شوفي بننزل تحــت الحين وبنتأكد منهم..
عوشه: خلااص اوووكي بس انا متأكده انه مب مسااافر مستحيييل اصلا..
مريم: ان شااااء الله ,,المهم عوشووه سلمي على خالووه عاااايشه فديييتها لا تنسييين..
عوشه:ان شااااء الله ..كنتي عندعا الباارحه..
مريم: هييه كنت بسير البيت اليوم بعد عسب اشووفها حلماانه فييها اتصدقيين.. امس من رديت من عندها وانا تفكيري كله فيها ماادري ليييش احس اني بتوله علييها واااااايد..
عوشه: حلييلها والله طيبه وحلوه سواالفها..انا كل يوووم لاازم اسير عندها..
مريم: عاد انتي لا تمصخييينها الله يهدااج..
عوشه: هههههه جب جب انتي تتمنيين اصلا..
مريم: صـدقج والله في خااطري دووم اسيير عندها ..احس اني بعد مااتزوجــت صرت متعلقه فيها اكثـــر ويوميــا ابغي اشوووفها..
عوشه: موووتي حرره عيل خخخخ..
مريم: هههه انزين لا تيلسيين تغايضيني تراني اقدر اييكم كل يوم واشوفها بس هالفتره الي بسافر فيها بتوله عليها واايد وبتوله عليكم كلكم الله يعييني..
عوشه: هههه اسميج انتي..يوم انج جي تحبينا وماتبين اتفارقينا لييش بعد بتسافرين تمي ويانا..
مريم: هههه شو اسوي شهر العسل اونه..
عوشه: هههه بذبحكم لو تميتووو شــهر كااامل..واااايد..
مريم: هههه انزيين.. اوييي حمد يزقــــرني من تحــت يلا نسييير اكيد الحين محرجين عليناا..
عوشه: هههه انا بسيير مابتريااج نذاله هههه
مريم: هههه يلاااا عاااد ويا راسج اترييني..اندووج حمد نزل و ماخذ وياه الشنطــه الحين عادي ننســاها...
عوشه: ههههه اتخيل عاد سايريين بدوونها..
مريم واقفه جدام المرايه واتلف الشيـله ..: ههههه لاا ان شااااء الله..تلتفت صووب عووشه..هاا شو رايج فيني..؟
عوشه وهي تغمــز لها..: اتيننييييييييين..
مريم: ههههه يلا ننزل..
...............
طــلعت من حجــرتها وهي متــزهــبه وكـــاشخـــه ودشــت الصااله شـافت شمســه يالسه..
شهــد: شمسوووه بطــلع..
شمـسه تلتفت صوبها..: لااااا حبيبتي ماشي طــلعه تعاالي ويااي بندش المطبخ وعقبها بنرتب حجــرة امي وابوووي وعقب بنسير المطاار..
شهــد: لييييييش!!!..
شمســه: ما عندج خــبر انهم بيردوون من السفر اليووم..!!
شــهد وباحبـــــاط..: قوووولي والله..
شمسه: والله..يلا نشي وياااي..
شهـد: اوهوووو انا ابغي اطــلع..
شمسه: انتي وبعدييين ويااج ..انا ابغي اعرف هاي ربيعتج الي دوم اتسيرين بيتهم مااتمل منج؟!!.. ليش هي مااتي!!..
شهـد: كيفها والله ما تباا اتي..
شمسه: هي بس مب حلوه كل يوم انتي سايره عندهم اخااف ملانيين منج بس مايقولون جداامج..
شهـد: هي اتقولي تعاالي مب انا..المهم الحين شووووه..
شمسه.: الحين نشي بنسير المطــبخ نســوي العشااا..
شهـد: بس انا ابغــــي اظــــهر..
شمسـه: اقووولج امي وابويه بييون اتقولين اباا اظــهر!!!..مااشوفج استانستي يعني؟!!..
شهـد: مب جيييه بس انا ابغي اظهـــر اليوووم اففف..
شمسـه: انا ماادري ليـــش هاده ريلي ومخليني ايلـــس عندج وعند نصووور..ماتقروون في البييت موووليه..
شهـد: حتى انتي تظهريين ويا ريــلج انزييين..
شمسـه: انزيين شو اسوي يوم محد في البيت ايلس بروحي!!..
شهــد: انزين قولييلي جي ميثووه خلصــت علاجهااا..
شمـسه: لاا فدييتها بييون الحينه وعندها موعد بعد شهريين ..
شهــد: اهاا يعني بيتموون لين شهريين اهني..
شمسه: ان شاااء الله..(وهي تنـــش من مكانها.)..يلا طوفي انسيير ..
شهد: اوهووو ويييييييين؟!!..
شمسـه: تعاااالي ساعدييني بعد وييين..
شهـد: جي البشكااره وييين؟!!..
شمسـه: عندهاا اشغاال ثاانيه انا قلتلها اتسويييها..
شهـد: انزين حق شووه هالعباااله..نطبخ ومااعرف شووو..
شمسـه: شو حق شوو بعد شهدوو لا تيلسين ترفعين ضغطي انتي بعد..قوم امي طيارتهم الساعه 7 المغرب بتوصل يعني قولي لين ماانرد البيت 9 او 9 ونص لاازم بيردوون ويبون شـي ياكلوونه واحتماال بعد قوم عمي اييون..يعني عدووول بيي استاانسي هههه...
شهــد: اخييييييييييه هذا ليش ايي بعد..
شمسـه: حرااام علييج والله دوووم يسألني عنــج حليييله ومستعيل عالخطووبه بعد قال حق عمي اول ما قوم ابوي بيردوون يباا يخطبج..
شهــد: اوهووو هذااا مايفــهم!!..انا مااباااه مااابااااااه..
شمسـه: لاا والله!!..اتخبلتي انتي حد يرفض واحد مثــل عااادل!!..ماشاءالله علييه احلى واحد من عياال عمومي كلهم طبعا الا ريلي ههههه..وغير هــذا ماشاءالله عليييه ديين واخلاااااق..وسنـــه وبيتخــرج وبيستوي محاااامي شو تبين اكثر عن جذه!!..
شهــد: ماادري احســه ممــل ودمه ثجيييل ماابغيه ماابغيـــه..
شمسه: بالعكــس والله انه دوومه يضحك ويسوولف انتي بس تبين تتدلعيين..وبعدين انتي من زمااان محيـره له..ويصير خيير يوم ابويه بيي..يلا امشــي..
شهـد: انزييين سيري انتي وانا بلحقــج..
شمسه: اخــافج تخونييين فيه ومااتيين..
شهـد: هههه لاا بييي..
شمسـه: زين اتريااااج..
ســارت عنها شمـسه ودشت هي حجــرتها ..يـلست عالشبريه وهي اتحــس باحباااط وضييج..طلعت تلفونها من شنطـتها ودقــت رقمـــه..
ســالم..: الوو..
شـهـد: هلا حياااتي..
ساالم: اهلييين ,,وينج انتي انا واقف عند بيتكم اتريااج..
شهـد وبحـــزن..: حبيبي مااقدر اطــلع اليووم,,امي وابويه ويا اختيه الصغيره بيردوون من السفر..
ساالم: افااا اليوم بيردووون!!.
شهــد: هييييه..
سالم: يعني خلااص مابشووفج مره ثــــانيه!!!..
شهـد: ماادري والله بحااااول عقب..
سالم: افاااا انا مخطط اليوم انسير مكااان راااقي وحلوووو..
شهــد: لاا اتقوووولي المزرعه..!!
ساالم: هههه لااا لااا مب المزرعه جي مافي مكان ثاني!!..
شهــد: ماادري عنك من كمن يوم وتقولي بنسير المزرعه ..اخييه انا من هاك اليوم كارهه هالمكااان ومستحيل ادخله مره ثانيه..
سالم: هههه هيييه يوم يبتي ربييعتج..
شهـد: هييه الخاااايسه فشلــــتني..
سالم: هههه مب مشكله انا قايلتلج دوري غييييرها ترى نحن المستفيديين..
شهــد: هي ان شاااء الله في وحده في بالي الحيين وبشوف عاد جان رضـت ,,
سالم: انزييين والحيين شووه!!..بتيين والالا؟؟
شهـد: لا فــديتك والله مااروم..وبعدين انا قايلتلك من البداااايه اني مابنزل ويااك مكااان ونحن متفقين على هالشي صح..
سالم: خلااص خلااص ادري لين الحينه مب واثقـه فييه جني الا باكلــج..ليش مب راضيـه تفهميين اني انا احـــبج شهد..
شهــد: انا بعد والله وماابغي غييرك..هييه صح ماخبرتك..هذا ولد عمي السخييف قايل اونه يوم قوم ابوي بييون بيرمس عمي عشان ايون يخطبووني..(شـويه وبتصييح)..حيااتي انا ماابغييه والله ماابغيييه ابغيك انته..
سالم: عادي فديتج وشو المشكله ترى علاقتنا بتستمر سوااء خطبج والا ما خطبــج..
شهـد انصـــدمت من كلامه..: شوووووه!!..كيف يعني بتستمــر..ليش انت مب ناوي تخــطبني!!..
سالم: حبي انا لين الحين مااشتغــلت ويبااالي وقــت لين مااحصل شغــل وانتي تقولين انه هذا ولد عمج بيخطـبج واهلج اكيد بيوافقوون ..
شهـد: بس انا برفــــــض..انا ماابغيييه مستحيل اواافق..انا ابغيك انته..
سالم: فديتج والله..
شهـد: خلااص حبيبي انا بسير اسااعد اختي في المطـبخ تترياااني ..بتصل بك فلييل اوكييه..
سالم: اوكييه ..
.
.
الجزء التاسع عشر
الفصل الثاني
في السياره وهم رادين من المطـار ,,صـدت اميره ورى وشافتها راده راسها عالسييت وراااقده وشكلها كااان يغمض..عقبها صدت على راشـد..
اميره: فدييتها والله رقــدت من كثر الصيااح..
راشـد: الحين كل هذا عشاان جاسم سـافر!!..
اميره: هي انت تعرف هي شقايل متعلقه فييه..هي كانت حاطه في بالها انه بعد مايسافرون حمد ومريم اتم وياااه,,آخر شي تنصــدم انه هوو مساافر من امــس..
راشد: هذا بعد وايد مدلعينه ترى,,يعني اونه ماينرد له طـلب..بس قال بساافر رضى ابويه وهو امساات رااد..احين لو انا مكاانه جان احتشر عليه ابوويه..خلااص هذا شكله مب متعود يتم في البلااد..
أميره: مرت عمي تقوول انه سار الكويت عند ربيعه
راشد: ربيعه روحه كان اهني يعني رد وياه,,الا قولي امه مطرشتنه يسير عند اهله هنااك ههه ولو ابويه عرف زين بيسوي فيهم شكلي بقووله..
اميره: لااااا اشلك انته..بس انا في خاطري اعرف ليش عمي مايباا خالوو تزور اخته ولا هي تزوره ولا يبي عوشوه وجاسم يشوفونها او يشوفون عيالها ويحتكون فيهم..
راشـد ابتسم بس في داخـــله حزن كبيير..: يوم بعرف كيـف خذ امي وليش طـلقها وكيف اتوفت وشو اسمها ومنو هييه اصلا منو اهلها ..(سكـت شوي وحس بقلبه يعوره في هاللحظه وبضييج في دااخله..عقبها كمل)..عندي اهل من امي والا ماعندي,,ليش مايبا يراوينا صورها اذا عنده..ليش يبا يحرمنا من شوفتها وهي ميته!! ..عقب يمكن انتي اتعرفين الي تبين اتعرفينه..
أميره اطالعته بحــزن غمضـها واايد مااتوقعت راشـد يفكر في هالاشياا او انه مهتم شرات مريم بس من كلامه حسـت انه حزييين وايد وهو بعد محتاااج لاامه..الله يهـداها مرت عمي ماادري ليش ماعاملتهم شرات عيالها عشاان مايحسوون بفقداان الام..اااه صح والله وايد صعــبه العيشه بدوون ام..الحمدالله.. ربي لاا يحـــرمني منج يااميــه ..: الله يــهدااه عمــي ماادري ليش يبا يسكت عن كل شي استوى في المااضي ومايبانا نحن انعرف..(وهي تطبطب على جتفه..)..: بس ما عليه فدييتك لاازم في يوم من الاياام بنعرف..وانت لاا تتضـايج..
سكت عنها راشــد وهي بعد نزلت ايدها وسـكتت..صـدت ورى تشوف عوشه..شافتها رااااقده ولا حـاسه بــشي..صدت صووب راشـد وحست به انه مضاايج واايد..
أميـره: اقوول حبيبي,,شو رايك نسير مكاان جي نغير جو مابنرد البيت..
راشـد: وين تبين تسيرين
أميره: اممم شو رايك انسير مول الامارات,,احم ابغي اشتري شوية لبس واغراض حق النونووو فديته بعد مايستوي يظهر على ويه الدنيـا مايلقى شي يلبسه..
شافـها راشـد وابتسـم وشكـله استاانس على هالطـــاري..وردت هي عليه بابتسامه بعد..
راشـد: امممم باجي 11 اسبووع..يعني 81 يووم..
اميره: هههههههههه مااتعرف كم ســـاعه باجيه بعد؟!!
شافها راشـد وهو عاقد حياته ..: اشوفج تتطنزييين..!!..لاا شكــلي بهــــون..
اميـره: اوييييه اتهـــون عن شووووو!!..
راشـد: يعني بفـــرج البييييت..
اميره: ههههه لاااااا دخيييلك ,,انا آســـفه وحقــك علي..يلا عاااد طووفها هالمــره..
راشــد: بس مـــب كل مــره..
اميره: هههههه حاااافظ هااا,,,اوكييك مب كل مره..
ابتسم راشد وسكـت عنها..وهي بعد سكتت ..شـوي ووصـلوا مول الاماارات..بركـن راشـد الموتر..نزلت اميـره وراحت بطلت الباب الي صووب عوشه ..وتمت تزقرها عشاان تنش وراشد واقف حذالها يترياها اتنش..بطــلت عوشه عيونها وهي تتصــدد مب عارفه شو السالفه..
اميـره وبابتساامه حنوونه..: يلااا انزلي فدييتج وصـــلنا..
عوشه وهي تعدل شيلتها..: ويييييين؟!!!..
أميــره: هههه يايبينج موول الامارات استاانسي..
عوشه: فشيييله ناشه من الرقااااد خسفه مستويه لاازم اغسل ويهي..
راشـد: اغسل ويهي اونه..انتي امبوونج خسفه..نزلي نزلي..
اميره: ههه حرام عليك..ماعلييه بنودييج اهناك تغسلين ويهج..يلاااا..
ابتسمت عوشه ونزلت من السيااره..مشـت وياهم وهييه حاااسه بضيييج واحباااااط من الي سمعته اليوووم..مااتوقعــت انه هالشي يصييير موووول..افففف انزين ليش ماقاااال ليييييش!!..ليش بدى يتغير علــــيه وانا محتااجتنه في هالاوقاااات حراام علييه قبل ماكاان جييه..بيـلس عند امنووه!!..مريووم ساافرت وامييره اغلب الاوقاات بيت عميي وحمدووه خلاااص مستحيل اتم وياي شرات قبـل..نزلت دمعه من عيوونها يوم اتذكـرت حمده..شـافتها اميـره بالصدفه وعلى طول مسحت الدمعه..
اميره: حبيبتي نحن يايبيينج تستاانسيين,,خلاااص انسي وترى هوو مب مطوول ونحن كلنا معااج..
عوشه: بس والله احباااااااط اميرووه مااتوقعته يسويييها وانا الي مخططه ويااه شو بنسوي ووين بنسيير ..ليش ماقااالي انه يبا يسافر لييش عشاان ماانصدم جييه..
اميره: مب مشكله الحين الي صاار صار ,,اهم شي الحيين ابغييج تنسيين وتستاانسييين والا ترى مره ثاانيه مابنودييج ويانا مكااان..
عوشه: ايهيييي الحين بتذليني اعرفج انااا..
اميره: هههه لاا فديييتج افاا عليج كم عوشووه عدنا الا وحده..
عوشه: اويييه انتي شو سالفتج اليووم وايد ياسه تتغزلين فييه فدييتني كل يوم بزعل عيل عشان هالكلام الحلووو وعشان مول الامارات..
اميره تطـالع راشـد وتضحـك.: اندوووك انته ,,اسمع اختك شو تقوول..لو ادري جي بتقوول جان فريناها البييت وروحنا يينا...
عوشه وهي تهمس في اذن اميره..: ههههه جب اخويه فديته مايسويييها..
اميره: ههههه وليش يعني ماتتفديينه جدااامه..خل يسمعج يلا ..
عوشه تقرصها وبصووت واطي..: جب محد يقولج شي انتي..
اميره: ههههه اااي ويا راســــج ييعووور..يعني اونج تستحيين الحيين..
راشـد: انتوو اييه شو فييكن امشن عدل يلاااا ..
ووصــلوا دااااخل.. بس اوول ماا حـــدروا شــافوها اميره وراشد .. هم كانوا سايرين وهي كانت عكسهم راده.. وهي تمـــت تطالع اميره وتبتســـم بس اميره اطالعتها وكأنها مااتعرفها وكانت ياايه صوبها بتسلم عليها بس صدت عنها وقبض راشـد ايدها وطاافوا..بس عوشه يوم انتبهـــت لها وقفــت ويت نووره صوب عوشه عشان اتسلم عليييها وهي مصدووووومه من اميره..
نوره: هلا والله عووشه اشحاالج؟
عوشه: اهلييين والله,,تماام شخبارج انتي..
نوره: الحمدالله بخيير ..اقووول,,اميرووه شو بلاااها.؟؟؟
عوشه: شوفي انتي ساروا عني ,,هههه مافيها شي بس ليش ماوقفت الخاايسه..
نوره: ماادريبها والله اتصدقيين اطالعتني وسوتلي طاااااف انا ماادري شو بلااها عليه هاااي والله ماسويت لها شي..
عوشه: لاااااا اكييد ماشافتج يمكن كانت تتطالع شي ثاني وانتي تتحرينها تطالعج ترى مرات تستوي شلقه هااي ههههه
نوره: ههههه الله يخس ابلييسج يلا يلا فديتج سيري عن اتضيعين عنهم..
عوشه: هههه اوكييك لاا لاا تخافين هاذم اهناك يتريووني..
نوره بضييج : خلااص سلمي على امييره واايد وقولييلها خل تتصل فيييه ضرووووري ابغي اعرف شو سالفتها ويا راسهــا وايد متغيره عليه..
عوشه: ههههه خقااااقه هاي ماعليج منها,,خلااص ان شاء الله بقووولها..
نوره: اووكي فديتج يلا بااي..
عوشه: بااي..
سـارت عوشه صووب اميره وراشـد الي كان يطاالعها بعصـــبيه ليش انه وقفت لنوره تسلم علييها وهي زااايغه واايد من نظراااته ولصقت في امييره وقبضـت ايدها وهي تقول في خاطرها الله يســـتر..بس اميره قالتله انه مايقول شي عن سالفة نورة جدامها..
راشـد: يعني تشوفيينا سااايرييين توقفيين اشحقه!!..
عوشه: ترى يت صوبي استحييت امشي عنها..اميرووه ربيعتج نووره هااي ليش ماوقفتي اتسلمين عليها..
اميـره: صج!!..ماشفتها..
عوشه: اتقولج اتصلي فيها ضروووري..
اميره: يصير خير..
راشـد: يلا يلا امشوووا..
........................
اليوم الثاني,,الضحـى في الكويت,,جاسم ونواف يالسين في الصـالة يلعبوون بلي استيشن سباق سيارات وكانوا مندمجيين في اللعـــــب.. طبعا خذوا على بعض من بعد ما شافوا بعض امـس وكانوا في نفس الحجرة ونواف حس انه جاسم شرات اخووه العوود بحكم انه الله مارزقه باخوو ودش خاطره بسررعه..مرة وحده يعق نواف الجهااز الي بيده عالارض بالقووو وهوو معصب لاانه خسـر..
جاسم: ههههههههههاااي هاردلك حبيبي هاردلك..عشان مره ثاانيه ماتيلس تتحدااني..
نوااف.: افففففففف شنوو هذاا انا ولا مرة لعــبت وخسرررت يعني اشمعنى معااك انته جذيه قاعد يصير فيني..
جاسم: هههههه وياا امنووا لعــبت؟!!..
نواف: مع امنو بلعب يعني..مع البناات دلوول ومنالوو..
اول ماقال نواف اسمها اتذكرها جااسم وحس انه يباا يشووفها ويسوولف ويااها مشتااق..لاانه امس من بعد مااياا نواف تموا يسولفوون ويقرضوون في دلااال وهي تشااركهم لين ماا صارت عااديه وتسولف ويااه..ضحكتها,,كلااامها,,حركااتها كل هاا في باال جااسم ومن امس وهو كله تفكييره فييها..مب قاادر يفهـم لييييش ..!!..
جاسم: هههههه ضحكتني الصراحه,,الحين اتقاارن البنااات فييه انااا!!.. لا تنسى اني انا جاااسم يا بعد جــبدي ههههه..
نواف: ههههه زين دريينا..بس انا للحين ماابي احرجك واخليك تلعب معااي مصاارعة والله لخليييك تصيييح من خساااارتك..
جاسم: هههههه اووووكي يلا حطه اشووف..الي يقول الحين اندر تيكر جداامي وانا ماادري..
نوااف: ههههه عشووون عيــل الحين براااويك..
بدل نواف السي دي وحط سي دي المصـاارعة..في هاللحظـه يت صوبهم دلااال وصدوا صوبها وشافوها بيدها كااس فيه عصيير وكان شكــله ملوون احمر وياا اصفر ومبين علييه انه باااارد وقعدت عالكــنبه وحطت ريل على رييل وخذت المخدة حطتها على ريوولها وحطت ايد عالمخده وايد تشرب فيه العصيير وتطـالعهــم الاثنيينه من فووق ليين تحــت وهم عيوونهم عالعصيير وخااطرهم فييه لاان شكــله مشــهـــــي واايد..
دلال وهي تشفط العصير بالصلب الي فيه وعقبها تطالعهم..: امممم لذييييييييذ,,نعــم..فيه شـــي؟!!!!..ليش قاعدين تتطالعووني جذي
جاسم وهوو يبلع ريجـه..: يالدبــه ليش مايبتييلنا وياااج عاد انا ميــت من العطــش..
دلال: هههههاااي من صجك انته..؟!!!..انااا دلوووله بشحمي ولحمــي اييب لكـــم عصيير!!..لااا عيووني لاااا موو انا الي بقعد اخدمكـــم هههاي شوفو غييري..
نواااف يعقد حياااته وبعصبيـة..: دلاالووو رووحي بســـرعه ييبيلنا والا تراااني بقوووم الحيين وبكفـــخج
جاسم: ايواااااا عندك اياااها..عاش نوااف عااش..
نواف: عاش عاش عاش..(يطاالعها وهو راص على اسناانه اونه معصب) يلا قوووومي بسرررعه..
دلاااال تشرب العصير ولا هامنها وهي تطالعهم وتحرك حياااتها اتغااايضهم
نوااف بداا يفقد اعصاابه..: دلاااالووووو والله بنـــــــــش
دلااال اشرت بايــدها بمعنــى مب مهتمــه وتصـد عنهم..عااد نوااف من الخااطر عصب على هالحـركة ونــش من مكااانه وهو مغيــض من الخاااطر وهي من شافته جييه حطت العصيير ع الطاوله وركضــــت وهوو وراااها يركـــض وجااسم مب عااارف شو يسووي كان يالس يضحـك علييهم..
دلااااال وهي واقفه فوووق زاايغه وتترجااه..: خلاااااص خلاااااص نوافووو والله بروح اييب لكم خلااااص آخر مره
نواااف وهو ع الدري ساااير فوووق: الحيييين هاا الحييين!!..والله ماخليييتج الا ليماا اادبج واتعرفييين نوااف يوم يعـصب شنو يســوي..
بس شافت نوااف يتقرب صوبها ركــــضت وهي مب عاارفه وييين اتسيييير وهو وراااها مقهوور مب رايم ايودهااا..
جاسم: هههههههه خلااص بووووي خلااص مانبااا عصييير هوناا تعاال نوااااف لاا تحط عقلك بعقل هالياااهل..
دلااال وهي ناازله ع الدري تركـض..: اسكـــت انته اسكــت هذا بدل مااتقوووم تسااعدني يالدب..
نواف: دلاالووووووو احسن لج اوووقفي لااني اذا زخيييتج صدقييني راااح اذبحج..
منااال طالعه من المطـبخ وميـودة بدينها صينيــة العصيييير وساايره صوووب الصاااالة والا اتشووفهم جداامها يربعوون وقفت مره وحده وهي تقووول الحمدالله والشكـــر..طـافووا من جداامها وطـلعت دلااال بررع ونوااف ورااها..
مناال..: هههههه ..ميانيين..صد جااسم صووبها وهوو يضحــك واستاانس واايد من شااافها وتم يطــالعها بلهـــفة..سارت هي صوبه مبتسمه ..حطت الصينيه ع الطـاوله وقعدت عالكــنبة..
منال..: هههه اشفيهم بعد هذولااا اففف مستحيل يمر يووم بدوون مايتهاوشوون..
جاسم وعيوونه عالصينية وبالتحدييد ع الثلاث عصاير الي محطاايه ع الصينية وشـافهم نفس العصير الي كانت تشربه دلااال..: ههههههههه تدرين كل هالضراابه اشحقــه!!..
منااال: اشحـــــقه!!!..
جاسم وهو يأشر عالعصير..: هههههه عسبت هالعصيير الي محطااي جداامج..
منااال..: هههه ويييه شلوووون !!..
جاسم: هههه دلاالوو الدبه يت عندنا وحطت ريل على رييل وبيدها كاس العصيير ويلست تشربه جداامنا وشكله كاان باارد ومشهــي ونحن عطشاانيين واي شي نقوولها سيري ييبيلنا مب طاايعه..هههه جان يعصـب اخووج وينش لهاا..
مناال..: ههههه انا قلت حق دلووول لااا اتي عندكم وتشــربه كلنا بنشرب مع بعــض بس اهيااا ماقــدرت تنطـــر..هههه الحين هذا نوافوو مستحيل يخلييها من دون لا يطــقها ويبرد جبـده فيها..
جاسم يبتســم..: انتي الي مسويتـــنه؟!!..
مناال..: اييه..(وتاخذ كااس وتمد له اييدها عشان ياخذه)..اتفضـل..ذوقه وعطني رايك..
مد جاسم ايده وخذااها.. ومن دون قصـد صبوعه لاامست صبوعها وحس بنعوومتها.. ابتسم ونزل راسه..وهي قفطت واحمرت..
جاسم وهو يطــالع الكاس بييده..: يا سلاااااام شكــلي بشفطه وحده بخلصه من زوود ماانا عطشااان
مناال..: هههه ويييه اشـــدعووه ليش مسوي برووحك جذي ليش حسباالك ماعندنا مااي اهني في بيتنا..!!
جاسم: هههه لاا مب جييه ترى كنت يالس العب ويا نوااف بلي ستيشن ومندمج في اللعـب ونااسي العطش بس من يت هاااي وشفت العصيير عطشـــت زيااااده..
منال: هههه زين يلااا اشربه وعطــني رااايك..
شرب جـاسم شــويه منه وشكــله عيبه واايد..جــان يشــرب بعــد مـــره.. وما حس الا وهوو شافط نصـه..
جاسم..: يا سلااااااااااااام لذييييييييذ كيف مســوتنه؟!!..
مناال.: هههه عليك بالعاافيه..هههه مااكووو بس خلطت كل الفواكه الي عنا مع بعـض وجذي طلع..
جاسم: ههههه يعني اونه كوكتييل..لاا بس والله وااايد حلوووو ماشاءالله علييج..عاد ان شاء الله غداا اليووم انتي الي تكوونيين مسويتنه بعـد..
منال: هههههه لاا لاا حدي عصاااير وحلوياااات بس..
جاسم: ههههه زين زين احسن من لا شــي..
منال: ههه اييه والله,,انزين ماقلتلي اشرايك بالكوييت؟؟!..
جاسم: والله الكوييت حلوه باهلها وناسها الطيبيين..عاد انا بعدني مــاشفت كل شي فيها بس انا مـتأكد انها حلوه..
مناال..: ههه اييه طــبعا حلوه لااني انا فييها..
جاسم وبلاااا شعوووور..: طـــبعاااا.. بهاااااي صدقـــتي الصرااحه..
منــال ابتســمت واستحــــت نزلت راسها وماعرفت شو تقووول..وهو بعد حــس بالي قاااله وقفــط وحـس انه احــرجهااا وهو الثاني مب عاارف شو يقووول..كان يبغي يسير عنها من القفطه بس حمــــد ربه يوم انفـتح البااااب ودش نوااف وهو قابض دلااال من جــتفها الي شكلها كانت تصييح ومبوزه وساحبــنها صووبهم..وكانوا معرقييين وخدوودهم محمـــرره من الحــر..
جاسم: هههههههه انتو شو مسوييين بعماركم..هاا نوافوووو واخيرا زخييتها..
دلااال وهي مبوزه ..: اسكــــت انته زيين والله لعــلم امي وابووي علييك ..
جاسم: هههههه انا شو يخصــني انزيييين..يلا نواااف يلاااا هدهاا اشوووف كله ولا دلووله عااد ماارضى عليها انا..
دلااال: اييه اييه بااااين..اول ماشفتنااا ييت تركض اتداافع عني وكـلش ماضحــكت علي..
جاسم: ههههه حراام عليج ليش انتو تقروون مكاان واحد عشاان ايي ادافع عنج..تراكم تراكضون ورى بعض شرات توم وجيري ههههه بعد فشله انا امساات ياااي وايلس اراكض ورااكم..بس يلاااا عااد ماصار شي الحينه بتكبرين وبتنسييين ههه يلا يلا نووااف هدهاا وتعاالوا بردوو على جبودكم واشربوو احـــلى عصيييير..
مناال.: ههههه اييه يلااا تعاالوو كله منج دلاالووو قلتلج بنشربه كلنا مع بعض بس انتي ماتقدرين تنطريين شويه الحين هذا يزاااج وبعديين يوم يقولونلج سـوي شي سـوي..
دلاال: ايييه اشتغل عندهم انا ..اييه امبلى بشكارتهم وانا ماادري..
نــواف وبعصــبية..: يـــــلاا بــس يـــــلاا!!!!..
دلاال: زين زين..
مناال: وانت نوافوو ابوي جم مره قايلك مااتهاوشها ولا اتطقها ليش ما تسمع الكــلاام!!..تباني اعلم عليك الحييين!!..
نواف: والله قولييلها اهي ترفع لي الضغط ماتسمع كلاااامي..وبعدين انا هالمره رحمتها وماطقيتها..يعني بس جذي عالخفييف وخليتها تعتــذر مني..
جاسم: ههههه تعتذر منك في هالحــر!!..جان يبتهاا داخل انزيين..
منال: هههه ايه والله.. انزين يلاا هدهاا اشوف هدهااا..
هدااها نوااف وسارت دلاال قعدت عند مناال بصووب ونواف كان ساير يقعد عندها بس الصوب الثااني وهو عيوونه عالعصييير..خذ له كـاس وقعــــد..
نوااف وهو يطاالع الكااس..: افففف كله منك انته..وتم يشفط قد مايقدر لاانه ايحــس انه محتااجله واايد من بعد هالتعــب ..
مناال مدت ايدها وخذت آخر كاس كان عالصينيه وعطتها لدلااال...: يلا اشربي بردي على قلبج..
دلاال: لاا شربييه انتي هذاا ..انا مالي بعدني ماكملته ويينه ..جسووم الدب ليكوون شربته!!..
جاسم: وشوو اباا اف ماالج..ليش اتخــبلت انا..لاا عيووني انا عطووني واحد ثااني كاامل..هذوو مالج عميه مااتشوفينه؟!!...
شافته دلاال ونشت اتيبه وقبل لاا تيلس تمت تطــالع جاسم من فووق لين تحــت وعقب رفعت راسها وحطت ريل على رييل ويلست وتمت تشـرب..
دلاال..: احــــــم..
جاسم: هههههههه شو هالحركاات البايخه بعد..
دلال: محد باايخ غييرك زييين..
جاسم: ههههه وييييو ضربوووها ويييو ههههاااي..
دلاال: اصبر علي بس ان ماعلمت ماماتي وباباتي علييك مااكون انا دلاال..
جاسم: ههههه اصلا مابيقولون لي شي لااني بعدني ضييف يدييد عندكم وييو..
دلال: ما علييه بنشوووف..
....................
العصــر,, حمده نازلة من الدري وتسمع صوت تلفون بيتهم يـرن..سارت صوبه وردت علييه..
حمده: الووو
نورة.: سلااام عليكم..
حمده: وعلييكم السلااااام ..
نورة: ههه اووه العرووس راده عليه معقووله..!..اشحااالج دبووه..
حمده: هههه اووه نورووه ما غيييرها,,تمااام ويا راسج اشحالج انتي
نوره: بخير ربي يسلمج..شو مســويه
حمده: والله مـــاشي,,تعاالي انتي اخااف مغلطه تبين بيت اميرووه داقه بالغلط بيتنا..تراهاا متزوجه الحين هااا وعندها بيت رووحها..اذكرج يعني اخاف نااسيه..
نوره: ههههههه لاا لاا مايحتااي اذكر بس انا متصله ابغيج انتي هالمره..
حمده: هههه اوييي انا؟!!!..
نوره: هههه هي انتي بلااج زاايغه,,حمدوه بتخبرج اميرووه اشفيها علي..ماقالتلج شـي عني مارمست عني اني مسويتلها شي مثلا؟!!..
حمده: لاااا والله,,ليييش شو مســتوي؟!!..
نورة: ماادري واااايد متغيره علييه وااايد..معقووله مالااحظتي كيف كانت ويايه في الملجه..
حمده: هههه اسكتي انا في الملجة روحي كانت حالتي حااله وين بلااحظ شـي..بس كيف كانت قوليلي؟؟
نوره: هههه حلييلج,,والله يا حمدوووه وااايد متغيره وااااايد حسيتها تبي تبتعد عني كلما سرت صوبها اشوفها تسير عني والي قااهرني انها هي الي عازمتني بعد ..
حمده: ماعليييح خقااقه هااي يعني اونه ملجة اختها تتخقق علييج..
نوره: ههههه مااستبعد شي منها هااي..لااا بس صدق واايد متغيره اتخيـلي نحن دووم لاازم نرمس بعض حتى لو 5 دقااايق في اليوم بس المهم اني ارمسها بس هاليوميين موول مااتصلت فييه ويوم اتصل تلفون بيتهم محد يرد حتى يوم قالتلي انها غيرت رقمها ماعطتني رقمـها اليدييد اتخــيلي!!..
حمده: معقوووله!!..انزين تراج ماقلتيلها تعطيج رقمها..
نوره: حمدووه شو اقوولها الله يهدييج وانا اشووف تصرفااتها وياايه متغيره موليه وكان مبين عليها انها مااتباا تعطيني هي اصلا لو تباا تعطيني صدق جان من روحها عطتني..
حمده: ماادري والله شو سالفتها هااي ,,بسألها اليووم..
نوره: والله حتى امس في مول الاماارات اتخيلي شافتني وانا شفتها وكنت سايره صوبها اسلم علييها..اقوولج راحت عني وسـوتلي اكبر طااف..انا ماادري شو سويتلها بس انا متأكده اني مب مسويه شـي ولا قلتلها شي غلط..
حمده: لااااا لتقوولييين؟!!..معقوله اميرووه اتســويها!!..ليش جيه فجأه اتغيرت عليج يعني..
نوره: وانا اشدرااني فيها..المهم كنت ابغيج تعطيني رقمها اليدييد ابغي ارمســها واعرف شو بلااها..
حمده: هههه ماعندي رقمها اليدييد انا نااسيه اخذه منها..
نوره: ويا راســج مامنج فاايده انتي..
حمده: ههه جب جب احمدي ربج عطيتج شي من وقتي الثمييين..
نوره: عداااااال بزنس وومن واناا ماادري..
حمده: ههه احـــم,,ان شاء الله بستوي في المستقــبل..
نوره: هههه ان شااء الله ..يلا اجـلبي ويهج عيل..
حمده: منو يجــلب ويهه اناااا؟!!!!..
نوره: لااا عيــل انااااا..يلا يلا
حمده: ههه عنااااد مب مسكــره,,احم انزين وبعد شخباارج
نوره: ههههه اوهووو شكلج مطوله يعني..امي سيري رمسي ريلج احسـن لج ترى انا ماانفعج..
حمده: هههاااي ادري والله شو اسوي ابغي اغاايض حد اليوم وانتي الضحية شكلج
نوره: هههه انا لوادري جي جاان مااتصلت..
حمده: هههه انزين ويا راسج ما علييه..بتمر عليج اياام تتمنيين اترمسين فيهم حمدووه بس بعدين بذكرج وبقووول ترى ليي فات الفووت,,ماينفع الصووت..
نوره: ههههههههه اونه قمنا انقوول امثاال اشوف..
حمدة: هههه هي شو اتحريين عيل..
نورة: انزين المهم قوليلي هي بتي بيتكم اليووم؟؟
حمدة: هييه اكييد بتي..
نورة: انزين خذي منها رقمها اليديد وعطيني ايااه بس لا تقولين انا الي ابااه انزيين..
حمدة: خلااص اوكييييك..
نورة: يلاااا فدييتج مع السلامه..
حمده: مع السلامـه
اول ماسكرت عنها حمده رن مبايلها وردت عليييه..
حمده: ولـــــج ويــه تتصليين بعـــد!!!..
عوشه: شوووووووووه بلااااج
حمده: مووول الاماراات هااااا,,من ورااااااي..
عوشه: ههههههههااي والله محد قالج لاا اتين ويانا..
حمده: جيـــه انا عرفت انتوو ويين سرتووا ويين شردتووا عني..انتي ليش ماقلتييلي انج بتسيرين ويااهم؟!!
عوشه: يعني اتعرفيين انا كيف كنت امس روحي حالتي حااااله وماكان لي بارظ حق شي..
حمده: امنوو قدج على كل هالمنااحه ودوج مول الامارات بعد شو تبييين..
عوشه: هههه يا ربيي حاسدتني على هالسيييرة..
حمده: ههه احم لاا لاا فديتج عااادي تراني بظهر اليـوم انا احــم..
عوشه: اووووونج ليكووون ويا....
حمده: هههه هي هي..توني من شويه مسكره عنه قالي اونه الا بنظهر نتعشاا برع اليووم قلتله لاااا امبوسيييبل استحيي قاالي اوووه ماااي جاااد ليش تستحييين عااادي هههههه..
عوشه: هههههههههه اويييي قالج اووه ماااي جااد هههههه
حمده: ههههههه هي والله عاد انا نقعت من الضحك وقلتله اوووه هذا مااالي...
عوشه: ههههههه يحلييله الله يعيينه غامضــني بدا شوي شوي يااخذ من اطباع خطيبته..
حمده: ههههه جب جب وانا هذا الي مخليني اخذ راحتي ويااه انه بداا يستوي شراااتي..
عوشه: ههههه وياا راسج يعني بتظهرييين هااا..
حمده: ماادري الحيين بقول حق ابويه وامي اول شي بشوف شو بيقولون..
عوشه: هههه ان شاء الله مايرضوون..
حمده: جب جب بيرضوووون مثل ما رضوا اميرووه تظهر ويا اخووج
عوشه: والله عااد هذا ولد عمـها مب وااحد غرييب..
حمده: هههه لاا والله صدق انج خـبلة..نفس الشي ترى..وبعدين هو مب غرييب ..الحين هوو ريلي احـــم...
عوشه: ريلي وريلي جنه محد عنده ريل غييرها..انا بعد عندي ريـــل بداال الواحد اثنيينه بعد.. ريلييين والحمدالله..
حمده: هههههه ويااا راسج..
عوشه: زين يلا يلا ما عندي سالفه مضيعه وقتي اسولف وياااج..
حمده: جب جب الا انتي تتمنييين..
عوشه: يلاا يلاا باااي..
حمده: بااااي..
وسكرت عوشه عنـها وظهرت سايره صوب بيت راشــد..دشت البيت ولقت اميره يالسه في الصاله ولابسه عباتها والشيله ع جتفها..سارت يلست عندهاا..
عوشه: افففف وين ساااايره انتي بعد..
اميره: بلااج اتنافخيين ويا راسج,,انا بسير بيت ابوويه جان بتيين..
عوشه: اييي ايلس عند امنوو !!..حمدووه ويا راسها بتظــهر..
اميره: بتظــهر!!..منو بيظهرها؟؟
عوشه: منووو بعد..حرووبها..
اميره: هههههه خس الله ابليسج حروبها اونه..اصغر عياالج هوو!!..اتعرفينه!!
عوشه: هييه اعرفه احيد قبل 30 سنه كنا نلعب ويا بعض..
اميره: ههههههه خيييييييبه 30 سنه..يعني انتي كم عمرج الحيين..
عوشه: هييييه يا بنيتي العمر يــركض..مابقى من العمر كثر الي راااح
اميره: هههههههه فديييتج عيووووزنا الله يطول بعمـــرج ان شاء الله..
عوشه: ههههه ,,تعااالي...قلتييله والا بعدج...؟!!..
اميره: لاا نسييييت,,ان شاء الله الحين بقووله..
عوشه: لاااااا لا تقولينله جدااامي يوم انا بروح قولييله..
اميره: ههههههه انا ابا اعرف انتي ليش تستحيين منه مول مب لاايق عليج ترى..
عوشه: ماادري انا من هااك اليووم النحس واحس عمري مااروم ارمسه شراات قبل..احس اني اخاف منه واايد وهوو بعد احسه مايشجع اني انا اسوولف واضحك ويااه من هاك اليوم..
اميره: يلااا عااد الي صار صار الحيينه وانسي خلاااص..شو اتخاافييين منه اخووج هـــذا..لاا بالعكــس ظني الحين هوو ناسي كـل شي انتي بس ردي ويااه شرات ماكنتي..
اول ماخلصـت اميره كــلاامها انتبهوا لراشــد ناازل من عالدري وكان ياي صووبهن..عاد عوشه حست بحرااااره بجسمها كله لاانها حاسه انه اميره بتقوول جدامها الحيين وكانت زايغه.. لصقت في اميــره وهي تهمس في اذنها واتقووله انها ماترمس جداامه..
راشـد: يلاااا نســــير..
اميره: هههههههه لحظه حبيبي بقولك شـي قبل ماانسير..
عوشه وهي تهمس شويه وتصيح..: اميرووه لاااا حراام علييج لااااا
راشـد: شووو قوولي؟!!..
اميره: هههههه خلااص خلااص عقب بقولك..
راشـد: قووولي الحين والا مابوصـلج تراني..
اميره: ههههه عوشووه عادي بلاااج انا بقوووله..عوشووووه تباااااااا..........ماحسوا الا بعووشه طــايره صوووب البااااب..فجـــته وطلعت برع بسررعه..
اميره: هههههههههههه
راشـد: بلااهااا هاااي!!..شو تبااا؟؟
اميره وهي تنش من مكانها واتسير صوبه..: ههههه الله يسلمك تباا مبااايل..اتقول هي انه جريب وبتدخل الجاامعة ويباالها مباايل وهي مستحيــه اتقوولك اونها هههههه
راشــد: بعــده انزين يوم بتفتح الجامعة باخذلها..
اميره: لااا راشـد ليش مب من الحيين!!..اتقول انه مرت عمي وايد تسـألها عن مباايلها وهي مااتعرف شو اتقوول..كله اتقول انها هي ماتستخدمه وغالقتنه و يوم تسألها ليش مااتعرف شو اترد عليها..
راشــد: احســـن,,خل اتحــس بغلطــتها..
اميره: راااشد خلاااص عااد والله انها حاسه بغلطتها وندمااااانه قد شعر راسها..وابغيك اترد ويااها شرات قبل وتنسى الي سوته وانا متأكده انه عوشووه مستحييل اتكرر الغلطه هااي مره ثانيه..
راشـد: زين خلااص بشوف الحيين,,,يلا نسييير..
أميـره: يـــلاا..
.
.
عوشه اول ما حدرت بيتهم شافت امها ابويهها وشكلها ظااهره..
عوشه: امييييه ويـــــن سااايره؟!!..
فاطمة: بسير بيــت ناس ياامي بتين ويــاي؟!!..
عوشه: اففف بلااكم كلكم بتظهرووون..لاا امــي مب يااايه..
فاطمة: تعاالي ويــايه انزييين..
عوشه: لا لاا امي سيري انتي انا بيلس
فاطمة: ويـن حمده عنج اليووم؟!!..
عوشه: بتظهر ويا ريلها..
فاطمه: هههه يــــالله ثرها مب هيــنه حمدوه..يلااا الفااال لج ياامي..
عوشه: هههه ويييه ان شاء الله ..الله يسمع منج..
فاطمه وهي تهز راسـها..: ما تنلاااميين,,بناات هالوقـــت ماقامن يخيــلن خلاااااص..هييه مااقول الا الله يرحم اياام زمااان..يوووم البنت تمووت من الحياا من يطرون سالفة الزوااج جدامها..
عوشه: ههههههه امييييه اصلا انا خجوووله بس جداامج جيه اقوول..
فاطـمه: هههه انزيين يلاا فديتج انا برووح مابتين؟؟
عوشه: لااا امييه بس لا تتحيريين..
فاطمة: ان شاء الله فدييتج ديري بالج على عمرج
عوشه: ان شاااء الله امييه..
سارت عنها امها وهي كملت دربها صوب حجــرتها ..دشت داخل واول شـي انتبهت له هو موبايل امها الي كان ع التسريحه..ويييي فديييتها نست تاخذ مباايلها..سارت شلته ودقــت رقم جاااسم صح انها اونها زعلااانه منه بس بعد مااتروم الا اترمسـه..سارت اتساندت عالشبريه وهي تتريااه ايرد..
جـــاسم: هلاااا اماايه فدييت رووحج..
عوشه مـــبوزه..: يلا يلاا لا تسوي عمرك اتحب امك انزيين لو اتحـبها جاان يلست ويااها من بعد هالغييبه مب تساافر..
جاسم: هههههه احم,,ان الرقم الذي طلبته مغلق,,او خارج نطاق الخدمة حاليا..يرجى الاتصال فيما بعد ..شكــرا..طوووط طوووط طووط..
عوشه: مااحـــبك انزيييييييييين,,هذا ونحن حاطيين خطـه شو بنسوي وشو مابنسوي في الاجاازه ووين بنسير آخر شــي ايقولولي مساافر..لااا ومن غير مااتقووولي بعد..
جاسم: هههه والله غصــبن عني..
عوشه وهي تدمــع: لااااا مب غصــبن عنك انت خلااااص ماتبا تقعد ويانا كله تباا تساافر اتعودت..
جاسم: لااا والله مـــب جييه عووشه انتي مااتعرفين انا اشقد متوله عليييكم بس والله انه غصبن عني ..
عوشه: هي هي صــح..
جاسم سمع نوااف يزقره ويقووله انه كلهم يتريوونه في السيااره..
جاسم: عوشه فدييتج انا بخليج الحين انزيين..
عوشه تصييح..: ويييين بتروووح؟!!..
جاسم بحزن ولوووم...: عوووشه حبيبتي دخيلج لاا تصيحييين الحين انا بظهر وياا قوم خاالتي وهم يتريووني من ارد ان شاء الله بتصــل..
عوشه: جاااسم دخييلك رد انا ماعندي حد ايلس وياااه حمدووه مشغووله ويا ريلها..
جـاسم حس بشــي في دااخله من سمع آخر عبااره قالته عووشه..حس بغييض وقهــر وحــزن كبييير من يابت هالطــاري وغير هذا اضاايج وهو يسمع صوت عووشه تصييح تترجااه..: عووشه فدييتج صدقيني انا مب مطــول..
عوشه:........
جاسم: عشاان خااطري فدييتج لا تصيحيين..
عوشه: خلااص سير..
جاسم: حيااتي انا اول ما برد بتصـل بج انزيين..يلااا مع السلامه..
عوشه: مع السلامه..
اول ماسكرت عنه انفجــرت من الصياااح..تمـــت اتصييح من الخااااطر.. اتحــس بفراااغ كبيير وضييج من الخااطر..ماعندهاا شــي تسووييه..اتمنت اترد للمـــدرسه ولا انها اتم جــيه..افففف يا ربيي شو هالحــــاله والله مــــلل..اتـــم رووحي شو اســــوي..حراام علييه جاااسم احسه متعمد ايسير اليوم الي تملج فيه حمدوووه عشاان انا اتم رووحي مايكوون عندي حد..تمــت على هالحاله اتصييح من الضيييج ليــن ماسمعت اذااان المغــرب..مسحت دمووعها ونشـت تتيدد وتصــلي..بعد ماخــلصت حست انها ارتاحت شوي وفجــأه تذكــرت عااايشه..اوييي انا شقاااايل ناستنها!!..يوم اني انا جييه بمووت من الضيييج وملاااانه ليش مااسير عندهـــــا..!!..صدق اني غبيـــه!!..على طوول ظــهرت من حجــرتها ونــزلت تحــت بس مـره وحده وقفـــت واتذكـرت انه اليووم اليمعــه يعني هي محد..جـــاسهااا احبااط بالقوو..اوهووو قلت الحين بسير اسوولف وياهااا عالاقل ارتااااح فديتها والله سوالفها حلوه ومااحس بالوقت يوم اكوون وياها ..بس ليش مااتصــل فيها يوم اني اعرف رقـم بيتهم..هاك اليوم عطتني ايااه وهي قالتلي اي وقت تبين اتصلي.. بقوولها اتيي عندي بموووت من الضييج ابغي اسوولف وياا حد الصرااحه لو تميت جيه بتخبل..بس مـــب فشــله.!!..اووه مافيها شي عاادي انا بتصـل والي فيها فيها..وفعلا سارت صوب تلفون البيت ولحسن حظها شافت الورقه الصغييره الي كاتبه فييها الرقم عند التلفوون فاتصــلت..مع كل رنــه تقول في خاطرها بتسكــر لاانها مستحية واتقول في خاطرها فشلة وتدعي انه محد يرد عشان اتسكر..بس كمــلت اربع رنااات وعقــب ردوا..
يوسف..: الووو
ارتبكـــت من سمعــت صووت شــااااب وتمـــت صاااخه وكــانت بتسكــر بس سمعت صووته مره ثاانيه وهو يقوول ..الووووو..جاان اترد علييه..
عوشه: أأ..الووو
يوسف: الوووو
عوشه: سلام عليكم
يوسف: وعليكم السلام..
عوشه: خالوو عايشه موجوده؟!!..
استغــرب يووسف يوم قالت خالوو عــايشه!!..منو هاااي ؟!!!..
يوسف: موجووده,,منو اقوولها!!..
عوشه..: عووشه..
يوسف: لحظه شوي..
سار يوسف يزقرها وهي كانت تتريااا عالخط واتقول في خاطرها هذا اكييد ولدها..
عايشه: هلاااا والله هلالالا بعوووشه..
عوشه: وااافديييت هالحـــس انااا..اهلييين خالووو شخبااارج..
عايشه: فدييت رووحج حبيبتي انا بخير ربي يسلمج شخباارج انتي ؟؟
عوشه: تماااام والله,,هههه خالووو صوتج غيير في التلفوون احــلى ..
عايشه: هههه ويييه شو الي غيره..فديتج والله انتي الاحـــلى..
عوشه: هههه تسلميين ..افففففف خالووووه والله وااايد ملاااانه ومضااايجه رووحي يالسه فالبييت مافي حد...
عايشه: ليييييش ياامي ويـــنهم عنج؟!!..
عووشه: كلهم ظــهرووا ..
عايشه: وانتي ليش يالسه رووحج فالبييت فدييتج جان ظهرتي ويااهم..
عوشه: اظهــر وياا امنوو خالوو!!..امي ساارت بيت نااس واميرووه سارت بيت عمي وحمدووه بتظـهر وياا ريلها..
عااايشه: هييييه صح فديييتها حمده ملجـــت ماشفتها بعد عسب ابااركلها..
عوشه: خالوووه لا تتفدييينها اغاااااار..
عايشه: هههه وفديييتج انتي بعد..
عوشه: هههه انزين خالووو تعااالي بيييتنا يلسي عندي والله مللللل..
عايشه: حيااتي والله مب هاينه علييه اخلييج جييه وودي ايي عندج بس تدرين بعد الحين الوقت مب منااسب..
عووشه: ليش خالووه والله عاااادي..دخيييلج خالووه عشاان خااطري..
عايشه: ماادري شو اقوولج ياامي انا ودي بس فشــله اليوم اليمعه والمفروض اني ماايي..انزيين شو رايج اييب مروه بنتي عندج تقعدوون مع بعض واتسوولفوون؟!!..
عوشه: اوووكي خلاااااص عاادي خل اتي بس لاازم انتي اتين بعد..
عايشه: لااا فدييتج انتوا بناات وبتقعدوون ويا بعض انا ارز بويهي اشحقــه
عوشه: افاا والله افاااا خالوووه اصلا مابتحــلوا القعده الا اذا انتي فيييهاا..
عايشه: ههههه يا بعد عمري والله..ماعلييه ان شاء الله انا عندج من باجر لين يوم الخميس..
عوشه: جاان زين اتكمليين لين يوم اليمعه بعد بس من دوون شغل..في هاليوم بس تيلسين ويانا..
عايشه: هههه لاا ياا يمااا ماايصير ..هاليووم الوحييد الي اقدر ايلس فييه وياا عيالي على رااحتي..
عوشه: هيييه صح عياالج حلييلهم بعد يبوونج..انزين خالووه مب مشكله بترياا مروه..
عايشه: خلااص حبيبتي بييبها..عوشه امي قولييلي مريم وريلها مااتصلوا فييكم ,,والله اني من امس احااتيييهم وادعي يوصلوون بالسلاااامه..
ابتسمــت عووشه وفي قلبها تقووول حلييلها والله من طيبة قــلبها اتحاتيهم و مهتمه فيهم هالكثـر..
عوشه: اطمنــي خالووه اتصلوا فيينا والحمدالله وصلوا بالسلااامه ..
عاايشه: الحمدالله ياربي الحمدالله ريحـتيني فديتج..عاد عوشه امي متى مااتصلتي في مريم او هي اتصـلت في خااطري اسمع صووتها ارمسها شــويه..
عوشه: افاا عليج خالوووه ولا يهمج ان شاء الله بخليج ترمسييينها حتى هي قاالتلي بعد تباا اترمسج ..
عايشه: فدييتها والله ربي يحفــظهم هي وياا ريلها من كــل شــر يارب يستانسوون هناك ويردون بالسلامه يااارب..
عوشه: آمييين يارب,,انزيين خالووه تراني يالسه اترياا هاا..
عايشه: خلاااص فدييتج اتريي نص سااعه وبتكون مروه عندج..
عووشه: خلاااص اووكي..يلا خالووه مع السلامه..
عايشه: ربي يحفــظج غنااتي..