في الطيـــاره..كـان راد راســه ع ورى وقـلبه يتقـطع من الضــيج..وكـل شوي تنزل دمعـته ويمسحـها من على خـده..صـد صــوب فـواز لقــاه راقــد..جان يضـربه على جــتفه بالقووو..يفـــز من رقـــــاده وهوو يتصــدد..
فواز: هااا شنووو ..شو السالفه..وصــلنا!!..
جاسم: يــا ليتها لو كانت اليوم مغصــــوبه..لا ايوول وسـط الناس يوله وانا اتألم..
فواز: لاا والله!!..وبعــدين شنوو صــار؟!..
جاسم: ياخـــي انت ليـــش مااتحس هااا لييييش؟!!..اشوف يـوم راديين من بريطــانيا كل هالدرب عيونك ماتتسكــر ..كل شـوي تقولي يلا نلعـب ورقه..والحيين عشان ساعتين وربع راقــد!!..
فواز: اييه والله تعبااان انا البارح سهرانيين طوول الليل..وبعدين انته ياخي ما عندك سالفه مقومني من نومي اتقولي مغصوبه ما مغصوووبه وانا شكوووو!!.
جاسم: شووو انت شكوووو..ليش ياي وياك انا عيـــل..مب عشاان اتخفف عني!!..
فوااز وبصـوت عالي شـويه..: يعــــني شو تبيني اسـوي مااتقولي شو تبيني اسوي ياخي مللتني طــفرتني خلاااااص الله ماكتب لك نصييب فيها ووحده بدالها مليوووون..
النـاس الي يالسين جريب منهم كلهم صـدوا صـوبهم..يت المظيـفه عندهم تتحرى يبون شـي..
المظيـفه:yes,,can I help you??
فواز: if you can take him to another chair I will be thankful for you
المظيفه: there are many empty chairs sir you can choose anyone
جاسم: الخــــام برااويييك.. hahaha no no,,he is joking,,sorry for disruption
وسـارت عنهم المظيــفه..
جاسم: خــس الله ابليييسك فضــحتنا..
فواز: جسوووم اقولك شــي..
جاسم: قوووول..
فواز: انت تـرضى بالقــدر وبحكمــة ربــك بعـد ليش قاعد اتسوي في نفسك جذي..
جاسم: ماادري ماادري ..انا احبــها من صغري ومااتخيلتها تكوون لغيري..بس انا الغبي تمييت ساكت ومارمست..
فواز: الحين خلااص ما شي فايده اتقول انته غــبي والا انت ذكــي..انت ماتقدر اترد الي فااات..عيش اليوووم وانسـى الي فاات والله بيعوضـك بوحده غيرها..
جاسم هـز راسـه وكأنه اقتنع في كـلامه وسـكت عنه..بس لين الحيـن يتألم من الداخـــل وهو يتخيـل شكـلها وهي واقفــه ويا حـــارب..ااااه قـــــلبي..اتمنيــتها اتكون واقفه يمــبي اليووم..ااه..مــتى بس برتـــاح من هالعــذاب ومن التفكييير فيها متــــى!!..
.
.
تــوها طــلعت عــنهم المصـوره بعـد ما صــورتهم..حمـده كــانت محمـــره وقــــااااافطــه..حارب كان يــالس بأول الميــلس وهي من القفطـــه و الحيـا سارت يـلست بآخر الميــلس..حاس حارب بشـفايفه وقال في خاطره افااا ليش سارت بعييد هاااي!!..طبعا من بعد التصويير خذوا على بعض شوي وحـارب كان عادي يسوولف وياها بس هي لين الحين واايد مستحيــه منه..
حارب: هههه اقووول..ما عندكم ميكرفوون يوصــل صوتي لين عندج مااروم اصارخ اخاف على بلاعيمي..
حمده: هههههههه عادي اسمع..
حارب: لاااا وين تسمعيين الله يهــديج لاازم نيلس انصارخ واحنا نرمس بعض ماشاءالله الميلس عوود عقب كلهم بيسمعوونا ..فشله فشله تعالي جربي انزين ما باكلج ههههه
حمده: ههههه لااا ماابي انا مرتاحه اهني..
حارب: ههه شو اسوي بعد هذا نصيبي..خلااص يلسي مكانج..
حمده: ههههههه
حارب في خاطره فديييت هالضحكه انا..: انزييين وبعد شخبااارج..
حمده: الحمدالله..
حارب قام من مكانه وسـار وقــف مجــابلنها..وتم يطــالعها..
حمده احمـــرت بالقووو وكانت منزله راســها رفعت راسها شوي..: هههه نعم!!!..
حارب: ههههه اترياج اتقولين لي ايـــلس..
حمده: هههه انزين ايـلس..
حــارب وهو ييلس حـذالها : ان شاااااااء الله..
حمده: هههه اويييييييي
حارب: هااا شووو..شو استــوى؟!!..
حمده وعيونها عالارض..: هههه انت ليـــش ييت اهني
حارب: شو اسوي انزيين صوتج خفييف ماينسمع هنااااك..الحيين هييه اهنييه الواحد يقـدر يسمع الاصواات الحـلوه..
حمــده خلااص ماتت من الحيــــا وويهها غدا شرااا الطماااااط...
حارب حس فيها وبغى يخف عليها: ههههه اندووكم انتوو تتحراني الحين اطريها..انا اقصد الاصـوات الحلوه الي يايه من بـــرع مب صـوتج انتي..
حمده قفطـــت..: هههه اهاا انزين بس انا مااسمع اصوات برع..
حارب: اويي كيف جـــي عيل انا اسمــع..بسم الله الرحمن الرحيم..اللهم سكنهم في مساكنهم..
حمده تشــهق: اميييييييييييييي !!!..
حارب: ههههه طاعوو هاااي خوااااافه..ويــن امج الحيين مابتسمعج..
حمده شــويه وبتصييح..: انت من صــجك تسمع اصوات؟!!..
حارب: ههههههههههههههه لااا والله اسولف وياج..
حمده: ههههه افف والله زيغتني..
حارب: لاا اتزيغييين دام حــارب ويـــاج..
حمده: ههه انزين..
حارب: اممم شو كنت بقوولج..هييه صح..شو سالفتج انتي هاك اليوم في ميركاتوو هاا!!..
حمده انصــــدمت يوم قال ميــركاتووو وقفطـــت من الخــاطر ماكانت تتمــنى ايذكــرها في هالســالفه وسكتت ماعرفت شـو ترد..
حارب: يقولون اونه ضعــتي عنهم..
حمده: هييه..
حارب: عاد انتي حاسبي مره ثانيه وخليج ويااهم انتي تدريين بعد هالخيــاس مايصدقوون يشوفون وحده واقفه روحهاا..
حمده: هي اكيد هذا كان درس لي ومستحيل يتكرر..
حارب: حمده عندي طـلب واتمنى انج مااترديني..
حمده: قووول..
حارب: ابغييج تتغشيــن يوم تظـــهرين..
حمده: اتغشــــى!!!!!!!...
حارب: هي تتغشـــين..
حمده هزت راســها بمعــنى انزين بس بعدها مب مقتنعه..
حارب: الشي الي استوى هاك اليووم كان جــدام عيووني ووايد انقهـــرت منه انا زين ماذبحتهم..الصراحه ماابغي الي من هالاشكـال يشوفوونج بعد..فعسب جيه اقولج تتغشيين احسن بتريحيني والله..
حمده ابتسمــت: خلااص ان شــاء الله..
وعقــبها تم حــارب يرمــس اكثــر شــي وكـل سوالفه كانت اتضحــك او حتى اذا كان جاد فيهم يقول شـي يضحك بس عسب ايخليها تضــحك وتاخذ راحتها وياه.. وهذا الي خــلا حمده تتجــرأ وتسولف ويــاه هي بعـــد..
.
.
توقعــــاتكم...
ظنكم راشـــد بيروح المزرعه والا بيرد يفكـــر في أميــره وبتغمضــه وخصوصا انه هو الحين زين وياها؟!!..
اميــره..بتــم جييه ويــا نــوره لين مايفترقون والا بتعرف انها ظــالمتنها والسبب راشــد؟!!..
مـــــنى..شـــــو الحـــال عليييها؟!!!..
جــاسم..كيــف بتكوون حيــاته في الكوييت؟!!..هل بتنسيـه حمده والا سيرته بتكون من دون فايده؟!!..
عــوشه..كيف بتكون حالتها يوم بتعرف انه جــاسم ســافر وهي مقــرره تقـعد ويااه بعد مايسافرون حمد ومريم؟!..
الجزء التاسع عشر
الفصل الاول
في سيـارة راشـــد..كــانت اميــره ويـاه وهم راديـن من الملجه..
أميـره: وهـــذا كل الي صـار بيني وبينها..
راشـد: زيـــن سويتي فيها..انتي ليش عزمتيها اصلا ..هي الا ربيعتج مب تقرب لنا..
اميره: يا راشـد هاي ماكانت ربيعتي بــس..هاي كــانت اقرب لي من حمدووه اختييه..بس شو بقوول ..انخدعت فيها..اتصـدق راشـد,,كـنت احس بقلبي يعورني وانا اصـد عنها في الملجه حسيت انها صـدق قافطه بس كلما اتذكـر كلامــك اقوول في خاطري لازم اسوي جيه عشان اقطع علاقتي وياها..
راشـد: هي انتي خلييج جذه لين ما اتحس انج خلااص ماتبينها..
اميره: ااه بس هــذا مابيخليني ارتااح
راشـد بحـــزم: عيل شو الي بيخلييج ترتاااحين؟!!..انج تسيرين ويا وحده خايسـه شرات هاي؟!!..ترتاااحين اذا شافوج وياها يقوولوون عنج خايسه شراتها؟!!!..اسمحيلي اذا انتي ترضيين بهالشي فأنا ماارضـــى..
اميره: ماقلتلك اني انا ارضــى بهالشي يا راشد بس انت مب حاس فييه..
راشـد: انا حاااس فييج ادري انه صعــب عليج اتودريينها بس بعد ماعرفتي كل هالاشيـاء عنها المفرووض حتى مااتيبيين طاريها على لسانج..
اميره: ااه صـدقك والله كلما اتذكـر صوتها وهي ترمس الولد الي اتصـل فيها ماادري شو يستوي فييه احس اني حاااااقده عليها وكارهتنـها من خاااطرييه..بس بعد الايام الحلوه الي كانت بينا هي الي مخليتني اضااايج..
راشـد: شفتي والله وقــوات ويــه اترمس الولد جدامج هذا يـدل انه عادي عندها اترمس شبااب وجدام الكـل بعد..
اميره: هي والله..
رن تلفـون راشـد في هاللحظه ..طـلع تلفونه من مخباه وشـاف محمد الي يتــصل..ارتبك في هاللحظه وحط تلفونه عالسايلنت ورد حطاه في مخباه..
اميره: ليش ما رديت؟!!..
راشـد: هذا ربيعي ..عقب بدق له..
.
.
بعــد ما طـلع من عــندها طـلعت من ميلس بيت حمد ودشت الصاله,,شــافت مريم يــالسه سارت صوبها..
مريم: هلا هلا العروووس..ها شــبعتي؟!!..
حمده: ههههه مريوووم صــخي والله استــحي ويا راســه ريـــلج جي يخلي حد ياخذ راحته هههههه
مريم: ههههههه والله كنت اقوله لاا اتسير كل دقيقه تلعوزهم مايسمع كلااامي..
حمده: ههههه لاااا بس اتصــدقين زيييين ســـواااا انا كنت استاانس يوم هوو اييي لااني واايد كنت قافطــه ومستحيـــه..
مريم: هههه ما عليييه بتتعودييين عليه ان شاء الله اول يوم لاازم جييه..
حمده: هههههه عاد انتي ماحسيتي بهالاحســاس..كان عادي عندج صح..
مريم: هههه اي عاااادي الله يهدااج..صح انا وحمد كنا نرمس بعض قبل ونتشاااوف يوم اتونا او احنا انييكم بس بعد غيير عقب الملجه..
حمده: ههه انزين عيل بابااتي وماماااتي وييين؟!!..
مريم: منو منووو؟؟!!..
حمده بــدلع: اشفيييييييج..بااباتي ومااماااتي..
مريم: لاا لاا ماانروم ..ِشكــله ريلج هذا مال دلع وخقــه ..هههههه..لين متى تبينهم يتريوونج ماماتج وباباتج حليلهم ساروا يرقدون..ميلسيينا نحن نتريااج لين مايظـهر عنج الحبيب..
حمده: ههههه مريوووم بــــس استحييييييي
مريم: وابويوووه عالي يستحووون ههه..انزين حمد ويااه الحين؟؟
حمده: هي شـفته ظاهر ويــاه..انزيين خلااص عيل بسير بيتنا انا نشي وصليني..
مريم: وين اوصــلج ليش حبيبتي ما تندليين الدرب؟!!..
حمده: اتخيــلي عاده ارد رووحي بهالليل بيتنا..يلا يلا قوومي ..
مريم: زيين مب مشكله لانج عروس اليوم فبـندلعج..بخبرج ترى عوشووه في حجرتج يالسه تترياج..
حمده: هههه احلفي!..كنت حاسه والله انها مابترد ويا عميي البييت اليووم..
مريم: ههه انزيين يلا نسير..
طـلعوا حمده ومـريم الحوي وحمد كان توه مسكـر الباب بعد ماطلع حارب من عندهم وسـار صوبهن..
حمد: طالعااات اشوفكن..على وين ان شاء الله..
حمده: بنسيييير انحوووووط في الفريج خخخ
مريم: ههههه اتخيلي وانتي جييه بكـــامل كشخـتج تحوطيين في الفرييج..اي حد بيشووفج بيزييغ ايقرب صوبج بيقولون هاي مب من الانـــس بهالوقت..
حمده: هههههه هي والله صــدقج..اقوول حمد..احم احم (وهي ترقق صوتها)..وصــلت خطيبي؟!!..
حمد: ارمســـي عدل لا ارقعج ابكس على ويهج الحيينه..
حمده: خييييييبه وايد مستوي دفــش ريلج ماكان جييه قبل..اعترفي شو مســويه فييه؟!!..
مريم: ههههه يحلييلي جان انا بعلمه الدفاشه عيل شو ماخذ منج انتي؟!!..
حمده: الجماااال حبيبتي..
مريم: ههههه لااااا دخييييلج..
حمد: انزين يلااا متى بتفاارجيين مب فاضين لج نحن..
حمده: حليييييلي والله كنت بفاارج بكراامتي اصلا انا مظهره مرتك بس عسب توصـلني بيتنا..
حمد: شوووه!!..توصلج بيتكم؟!!..يلا يلا سيري برووحج شو هالدلــع بعــد!!..
حمده: مــــاادلع بس والله اخاااف اروح برووحي..
مريم: هي حمد حليلها تخاف روحها تسير بهالليل يلا خلنا نوصلها لين داخل..
حمـد: بعــــد,,لين دااخل
حمده: هههه فديييت مرت اخويه انا الي دوووم وياايه..
حمد: غصبن عنج تتفــدينها..يلا امشــي..
ساروا جداا بيت بو حمد ودخلوا واتريوا حمده لين ماركـبت الدري وغــابت عن انظــارهم سـايره صوب حجـرتها..عقبها طـلعوا..
اول ماتبغـي تفتح باب حجــرتها تلقااه مقفووول..تشهــــق وهي اتــدق الباااب...عوشووووه ..عوشوووه افتحي البــاب ليش مقفــلتنه ويا هالويــــه!!..اخاف تتحرين عمرج يالسه افحجـرتج وانا ماادري ..فجــي البااب عوشووه..عوشــه كانت يالسه اتصيـــح فالحجره اتحس بضيــج مب طـبيعي..حاسه انه من بعـد هاليووم علاقتها ويـا حمده مابتكون شـرات قبـل..خلااص بتتغيــر عليها وبتنشــغل في حياتها مع ريلها وبتنسااها..مب متخيـله حمده الي شرااات توأمـــها تتغير عليييها..اول ماسمعت صوت دقات البــاب مسحت دمووعها عالســريع وحاولت قد ماتقدر انه مايبين عليها انها كانت تصيح..ونشت من مكانها بسررعه وفجـت البااب..
عوشه: انزين انزييين عنبووو كسرتي الباااب...
حمده وهي تــدخل: حضـــــرتج ليش مقفــله الباااب هاا؟!!..شو كنتي اتسوييين اعترفي
عوشه: مـــاشي يالسه كنت برقــد اتصدقيين.. حشااا مابغيــتي تخليين الرياال يرد بيتهم جنج مب مصـــدقه..
حمده: اتخسيين ترقـدين وانتي مقفله البااب..هههاااي احم تدرين بعد خذتنا السوااالف وماحسينا بالوقت..اصلا هوو الي ماكان يبغي يفااارقــني..احم..
عوشه: هههه اشـك الصراحه..المهم قولييييلي يلا شو قالج شو قلتييله عن شوو رمستوو شو سويتوو شو ماسويتوو يلا بسرعه..
حمده: هههه لاا اسمحييلي هاااي اسرااار زوجيــه وانا مااقدر اطـلعها..
عوشه: نعم نعــــم!..اسراار زوجيـــه اونه..ههههه صدق انج مب مصــدقه..قوليييييلي يلا..
حمده: ههههه اتريي انزييين خليييني ابدل اخذلي دووش اريح شويه..وعقب بفكر اقوولج..
عوشه: ليييش حبيبتي تتحرين الوقت يسـاعد حق كـل هذا!!..شوفي الساعه كم الحين وعقب ارمســي..
حمده: عااادي عاادي شو وراناا..
عوشه: يلا حمدووووه عن المصااخه..
حمده: انزين انزين..هههه شو تبيني اقوولج؟!!..ماشي تمينا نسولف عاادي..
عوشه: قولييلي بالتفصيــل من اول ماسرتوو تتصوروون لين الحين يوم طلع من عندج..
حمده: هههه ماشي وقت التصويير بس هو يرمس وانا ساكته ابتسـم وعقبها تميت شوي شوي ارد علييه اكثر شي اضحك على سوااالفه طـلع شرااتي كله يحب ايسولف هههه عاد انا يوم شفته جييه قلت خل اسولف ويااه انا بعد وبس حسيـته عااادي يعني..
عوشه: اقوولج ابغــي اعرف بالتفصيييل شو قالج وشو قلتيييله..
حمده: هههه احم عااد مايستــوي كل شي اقووله الله يــهدااج..رن تلفـونها في هاللحظه وحـارب الي كان يتصـل فيها..قفطـت لحظـتها واطـالعت عووشه..
عوشه: هههه بلااااج ردي ردي علييه يعني اونج الحين مستــحيه..
حمده: هههه هي والله استحيي ارمس جداامج ادريبج انتي بتيلسيين تحطيين عليه..
عوشه: هههه ما بحـط علييج ردي علييه..
حمده وهـي تسيير بعيــد عن عوشه ترد علييه بصووت خفييييف..: الوو..
عوشــه سارت عــندها تبا تلعوزها..
حـارب: هلاااا واللـــه..حي هالصووووت..
حمده وهي تطـالع عووشه وقافطـــه وعوشه تضـحك عليها بصوت وااطي.: اهلييين..
حارب: شو مارقــدتي!
حمده: لاااا..ليش بنت عمي تخلي حد يرقد؟!!..ماخلتني حتى ابدل ليين الحيين..
عـوشه فجــت عيونها وهي تطـــالعها وسوت حركه بايدها بمعنى براويييج..
حارب: هههه اوهوو عيل مابتروميين اترمسيني..
حمده: هههه شكـلي جييه..
حارب: خلااص مب مشكـله باجر بنتـواصل ان شاء الله..تصبحيين على خير..
حمده: اوكي وانت من اهله..
حارب: اقووول
حمده: قول..
حارب وبصوت واااطي..: احبج باااي..
حمده تشـــهق..: اووووه ماي جاااد..باي باي..وتسكـر التلفووون على طووول..وحارب ينقع عليها من الضـحك..
عوشه: بسم الله اشفييييييج؟!!..
حمده: هههه ماشي ماشي..
عوشه وهي تغــمز لها: هااا شو قالج ..قولي قولي..
حمده: ههههه سيري لااا كل شي تبين اتعرفيينه انتي..
عوشه: افااا ومن متى اتخشيـــن عني؟!!..
حمده: هههه من اليووم ..خلاااااص لاازم نتغيــــر الحييين..
عوشه بجـــديه وحـــزن..: هي ادريبج بتتغيريين..
حمده: هههههه اكيييييييييد..ويا راســج خربتي علينا سهـــرتنا اليوم ههههه..
اطــالعتها عـوشه بصــدمه والدموع في عيـــونها..مشـت بسـرعه صوب البــاب فجته وطــلعت من الحجـره وحمده اتشوفها وهي منصـدمه مااتوقعت منها هالتصرف...: عوشووه تعااالي ويـــن ساااايره.؟!!!!!..طــلعت من الحجـره وراها لقـتها واقفه عند الدري وحاطه ايدينها على ويهها اتصييح.. اتقربت صووبها وهي منــــدهشـــــه ..شـلت ايدينها من على ويهها وهي مبققه عيونها تطالعها..
حمده وهي تشــهق..: عوشووووه انتي ليكوون زعـــلتي؟!!!!..اسوولف ويااج انا اشفيييج؟!!..
عوشه بصوت متقطع: ســ ــ ـيري ارمــ ــ ـسـ ـي ويـ ـ ـاه,,انـ ـا بسـ ـ ـير بـ ـ ـيت مـ ـ ـريــ ـ ـوم..
حمده: يلاااااا عاااد عوشوووه اتعرفيني انا اسووولف واايد مستويه حساااسه اشووفج..
عوشه: اصـ ـ ـلاا انـ ـا المـ ـ ـفـ ـروض مـ ـ ـا ارز ويـ ـ ـهـ ـي و ابـ ـ ـات عـ ـ ـندج اليـ ـ ـوم..
حمده: سييييري لاااا شو هالرمســه البايخه بعد عوشوووه انتي من متى تزعليين من سوااالفي!!..يلا يلا خلنا ندش داااخل ولج مني ايلسلــج يــلسه ليين الصبـــح واقووولج كــل الي صاار من طأ طأ لســـلاام عليكم هههه..
عوشه و هي تمسح دموعها..: خلااااص ماابغي اعرف شـــي..
حمده: هههه اقص ايدي اذا ماتبين اتعرفييين..يلا عاااد عشعوشـــه..
عوشه وهي تبتسم..: حتى دلعـج شرااات ويهــج..يلا يلا نسيير..
حمده: هههه ماعليييه ويا راااسج هااا يزاااااي ادلـــعج..
.
.
كـان يالس عالكنبـه في الحجـرة يطـالع التلفزيون صـد وراه صوب السـريرلقـاها في ســابع نـومها..استغل هالشي وشـل تلفـونه واتصــل في محمــد..
محمــد: توه النـاس..توك تتصــل!!..
راشـد: خل عنك هالرمسه وقولي شو السهره اليووم؟!!..
محمد: فناااااانه وعلى كيف كيفك..بتي والا؟
راشـــد: خلااااص انا الحين يـــاي..
محمد: اوووكي اترياااك..
سكر عنه راشــد وسـار يتـزهب عشان يطــلع ويرووح المـزرعه..يحس انه مب راااايم مايرووح اليووم بعد..هو هاك اليوم ماراح ويحس جنه ســــنه مب رايح ..خلااص مب رايم يستحمل اكــثر..وفـرصه دام انه اميــره راقـــده واكيــد مابتحس بطـلعته..
...............
اليوم الثـاني..الصبـح..بطـلت عيونها بصـعوبه وهي اتحـس بتعب شـويه..صـدت على يسـارها لقـتها يالسه عالكـرسي وحاطه ايدها وفوقها راسـها على السرير وراقـــده..نشـت وعدلت يـسلتها و اتلـومت فيها لحظـتها وغمضـتها واايد وتمــت اتصيـح..سمعـت نــواال حسـها وهي اتصيح..فجـت عيونها ورفـعت راســـها بخوووف وهي اتشـــوفها..
نواال: مــــنى..منـــى حبيبتي اشفيييج؟!!..
مـنى..: نوال ليـــش متعـبه رووحج وراقـده عندي انا مااستاااهل..
نوال تيلس حذالها وتلوي عليها..: افاا فدييتج شو هالكــلام ,,شو فايدة الرفجـة الي بينا عيل اذا ماوقفت وياج في مثل هالمواقف..
مـنى وهي حاطه راسـها على صـدرها وتصييح بحــرقه: بـس انا مااحترمـت هالرفجـه الي بينا..
نوال: منااياا خلااص عاد فديتج انا ناسيه كل الي قلتييه وكل الي صار بينا..انتي بس لا تسوين في نفسـج جييه حرام عليج ارحمي حاالج..
منـى وهي ترفع راسـها تتطـالعها.: نواال انا مالي حد في هالدنياا دخيلكم لا تتخلوون عني..خوله بعد مااتخلص تعديلاات جناحها في بيت ريلها بتطلع من البيت وبتروح تعيش هنااك ويتنشغل في حياتها وبتنسااني..واهلي ناسينا ماانشوفهم الا في الاعياااد والمناسباات..دخيلج نواال لاا تاخذين مايد عني هوو الوحيـد الي تام لي في هالدنياا الله يخلييج نواااال لا تخلوني انتي وماايد.. وتصييييح..
نوال انصـدمت من كـلامها ومارامت تستحمل دمعـت هي بعد من الكلام الي سمعته.: حبيبتي منـى انتي شو تقووليين؟!!..انتي حاسه بالكلام الي تقولينه والا لا؟!!..شووه لا تتخلووون عني منو قاال بنتخـلى عنج اصــلاا..حيااتي مناايااا مايد اول شــي لج انتي وعقــب لي انا..وبعديين انتي اعز وحــده من ربيعاااااتي شقااايل اتخـلى عنج!!..انتي متوقعه هالشي مني يا منـــى؟!!..
مــنى وهي ترتمــي بحضــن نوااال...: ساامحييني نوااال سامحيييني ..
نوال: فديييتج انا مســـامحتنـج بس دخييلج لا تسوين في نفسـج جييه ..
اول مااتخلص نوال كلامها يدخــلون خوله ومـــايد الي فجــوا عيونهم وهم يشوفون حـالة منى ونوااال لااويه علييها انصــدموا وقـربوا صــوبهن..
خوله وهي تطالع نوال بخووف..: اشفيييها..(اطالعت منــى)..منى حبيبتي شووو فيييج؟!!..
منـى وهي ترفع راسها وتبتسـم من بين دموعها.: مافيني شــي انا الحمدالله بخيير..(تشوف مـايد بنظــرات كلها حزن..)..مايد انت مسامحني صح؟..
مـايد يتقرب صوبها تنش نواال وهو ييلس مكـانها ويلوي على جتفهاا ويبتسـم..: انتي شو رايــج؟!!..
منى ترفع راسـها تشوفه ..ارتااحت واايد يوم شافت الابتسامه على ويهه..جان تبتسم هي بعد..: فديييتك والله اخوويه انا احــبك وااايد(وهي تنزل راسها) دخييلك لا تتخـلى عني..
نواال: اوهووو انتي وبعديين ويااج؟!!..نحن شو قلنا؟؟
مايد بابتســامه..: اتعرفيين شو بســوي.. انا بيـــوزج وبفـــتك منج انزيييييييين..
منى: ههههه وانا موافقه..
الكــل: ههههههههه..
نوال: بل ما صــدقت!!..جان زين انا الي يبت طاري الزوااج من مساعه والا جان مااستوت هالمناااحه..
منى: ههههه جب جب انتي ويا راســج..
نوال تشهـــق..: شوفو الي ماتستحي على ويهها؟!!..الحين هذا يزاااي يالسه عندج من امس وانا تعبااانه والله وموول مايااالي ارقاااد واحس ظــهري متكســر من هالكرسي وآخر شي تقولييلي جب جب ..مااا عليييه ويا هالويــه..
خوله: وييي يا نوااال تعبنااج ويانا فديتتج قلتلج انا الي ببات عندها قلتييلي لاااا..
منى: هههه فديت نووولتي انا ..اذا ماتعبتي عشاني عشان منو بتتعبيين..انتي بعد لاا سمح الله اذا طحتي في المستشفى انا بيي ايلس عندج..
نوال: هههه غصبن عنج اصلا..
مـايد وهو ينش من مكانه..: نوال تعالي برع ابغيج شويه..
نوال: ان شاااء الله..
منى: وين وين سايريين ارمسوو اهني انا ابغي اسمع شو بتقولوون..
خوله: هههه خليهم شو تبين فييهم انتي..
نوال: هههه بعد مااتعرفينها اختج فضوووول..
منى: ههه طالعه علييج..مايد ماسئـلت الدكتووره متى بطلع من اهني؟!!..
مايد: سـئلتها وقالتلي بتييج عقب شويه وبتشوف حالتج وعقب هي بتقرر جان بتظهرين والا لا..بس هي قالت احتمال كبير تظهرين اليووم..
خوله: اهم شـي تهتميين في نفسج يا مــنى وتاكليين زيين .. امس خوفوونا والله قالولنا عندج هبووط حااد في الضغط والسكر..لكــن الحمدالله الحين حالتج احسن بواايد من امس..
مايد: الحمدالله ,,خلااص الحين مااترووم اتعيدها بتكون تحت الملاحظه في البييت..
منى: ههه عيل اتم في المستشفى احسـن لي..
نوال: هههه هي وانا ابتلـــــش فييج..
مـــنى: هههه ويا رااسج..
مايـد: ههه يلا نواال..
مشـت نوال قبله صوب الباب وهو وراها وطـلعوا من الغرفه ..ووقفوا جريب منها ..اتساندت نوال عاليدار ومايد وقف مجابلنها وهو يطالعها ويبتسم وهي ترد عليه بابتسامه بعـد..
نوال: ههه يلا ارمــس..
مايد: هههه تصــدقيين نسيييت شو كنت بقوولج..
نوال: ههههه لاا والله..
مايد: هههه هيه كان في بالي كلاام ابغي اقوله لج ونسييت الحين..لحظه خليني اتذكـر
نوال: هههه يلا خــذ راحتك..
مايد: اممم هي اتذكـرت,,نوااال جاوبيني بصرااحه انتي مرتاحه ويااي؟!!..
نوال: ماادري شو اقوولك بس دام انك تباني اصارحك انا بقول الي في خاطري ,,مايد انت قبل احسك ماكنت تعتبرني موجوده في حيااتك ولا جـنك مالج علي..احسك كنت تتحرى حيااتك شراات ماهي مااتغيرت..ماكنت تعيرني اي اهتمااام..كله انا الي اتصل وانا الي اسأل وانته مووول ولا جني مرتك ولي حق علييك..وعشاان اتسكتني كنت اتيني في الاسبوع يووم..اتيني وانت مبــوز واترمسني من دوون نفس جنك بالغصب ياي..دقايق والا اتقولي انا بظــهر..!..هالي ماكان مريحني ماايد ..هالاسبووع بس حسييت انك صــدق مالج عليه من اتصالاااتك..ومثل ماانت عاارف كنا مضايجيين عشان منـى..
مـايد: انا ماسئـلتج هالسؤال الا وانا متأكد انج ماكنتي مرتاااحه وياايه..من حقج والله انا اعترف اني غلطــان ومقصر ويااج واايد ويمكن لو وحده غيرج جان مااستحملتني بس نواال انتي الحين عرفتي انا ليش كنت اسوي جييه..
نوال بحزن : عرفـــت ماايد بس قولي (وهي تحس بعوار في قلبها وتنزل راسها..)..انت لين الحين اتحـــــبهــا؟!!
مايد يتنهــد بحزن..: صـدقيني نواال مستحيل ارد شرات قبل خلااص بتم وياج شرات هالاسبووع واحسـن بعد والله يبعد المشاكل عناا..تصدقين انا متلوم منج واايد عالي كنت اسويه انتي ماتستااهليين يكفي انج هالاسبووع بطووله اغلب وقتج اترمسيني وماخلييتيني ابـــد..ويلستج في المستشفى عند منى كم تســوى والله خلااني اعرف جيمتج يا نوااال..
نواال: افا علييك ماايد خلااص انا صرت وحده منكم وفيكم الحين وهذا واجــبي ..انت ريلــي ومنــى ربييعتي لاازم اوقف معااكم في مثل هالموااقف..بس ماجاوبتني على سـؤالي مايد ..انت اتحـــبـ......
مايد يقاطعها..: نواال اعفيني من الجواااب انا بنفسي مااعرف..بس اقدر اقولج اني مب قادر انســاها..
نوال والدموع في عيونها وقلبها يتقطــع..: اهاا,,خلااص انا بدش داخل..تمشــي عنه نوال يلحقها ويمسكها من ايدها..توقف وتلتفت صوبه..اول ماحطت عيونها في عيونها نزلن دموعها..
مـايد وبلوووم..: والله يا نواال انه تفكيري فيها مب شرات قبل..وصدقيني انتي لج دوور كبير في حيااتي واكيد هالشي بيأثر عليه وبيخليني ماافكر فيها..وان شاء الله مع الاياااام بتلقيين ماايد غييير ..بيعيبج وبترضيين عنه..
نوال بابتسامه باهته..: ان شاء الله..
مــايد: انزين ممكن الحلوه الحيين تمسح دموعها عشان ندخـل دااخل؟؟
نوال: هههه ان شاء الله..
..................
الكـــــويت..في منطقه معيــنه فيها..فواز وجـاسم يدوروون في السياره..
فواز: هههه والله حــاله..بعااد طـلعوا اهلك من نفس المنطقه الي نحن قاعدين فيه..يعني ماكوو مفر منك..
جاسم: سوووق وانت ساكت انا رووحي ارتجف وقلبي احسه بيطــلع من صدري..
فواز: هههههههه رايح اتجاهد انته!!..ريلااااكس حبيبي ريلااااكس..هذولا اهلك مو غــــرب..
جاسم: انت ماتفهــم!!..كم بيلس افهمك انا؟!!..اقووولك في عمري ماشفتهم ولا اعرف عنهم شي
فواز: هههه زين وشنو يعني عاااادي..هههه وبعدين السالفه لي الحيين مو داشه مخــي انا..تدرى شنو احــس,,كأن قاعديين نمثل فلم هــندي هههه..ولا مره شفـتهم ولا تعرف عنهم شي والحين حصلتهم وتبي تشووفهم..يلا يلا كل المشاهدين منتظرين موعد اللقاء الحاااسم بينك وبين خالتك وعيالها خخخخخ
جاسم: فلم هــــندي هااا!!!..ما علييه مب منك من الي ييلس يقوولك كل شي وعادنك شرات اخوووه ..
فواز: هههه اتغشمــر معااك اشفييك..بس احــس فيها شوي من الخيااال..مو متخيــل اشلوون طلعتلك خااله اهني بالكويت فجأه ماتعرف عنها شي ولا اتعرف عيااالها ولا اهي اتعرف عنكم شــي..
جاسم: ساالفه طويييله,,بس ترى امي اترمسها بالتلفوون ويعرفوون اخبار بعض وانا بعد مراات كنت ارمسها..
فواز: انزين انا ودي اعرف يعني ليش ماتزورونهم ولا اهما يزورونكم يعني معقووله اكوو خلاااف يستمر 23 سنه !!!!!!..معقووله امك مااتحـن لااختها ماتبي تشووفها!!..ولا خالتك تبي تشوف امك !!
جاسم: مب جييه,,هم لو الود ودهم يتشاااوفوون والله انت ماتدري امي اشقد استانست يوم قلتلها اني بسير الكوييت يمكن لو مكان ثااني جان ماخــلتني اسيير..بس هي ودها انه نحن نشوف خالتي وعياالها يوم انه هيه مااتروم والسبب ابووي..
فواز: هذا ابووك انا يوم شفته ذاك اليوم حسيته طيــب بس يوم اتقولي اهواا السبب احسه قاااااسي وااااايد..
جاسم: اييييه يالدب لا تقول جيه عن ابووووي..سالفه جديمه استوت وهو من النوع الي ماينســى بسهووله..
فواز: انزين ما علينا,, عطني اسم راعي البييت يمكن اعرفه دام انهم قاعدين في منطقتنا..
جاسم: هييه صح..امم اسم الريال مشعل محمد سلمان الــ .....
فواز انصــعق في هاللحظه ..من الصدمه وقف ع طرف الشارع يتطالعه وهو مبقق عيونه
جاسم مستغــرب: اشفيييك وقفت وتطالعني جييه جني سبيتك والا قلتلك شي غلط..
فواز: عيد عيد الاســم..
جاسم: مشعل محمد سلمان الــ ..... اتعرفه والا لا؟!!!..
فواز: انت متــــأكد؟!!!..
جاسم: ههههه اسميك انته بعد اهبل مستوي..طبعا متأكد يعني بألف اسم من عندي انا!!..انت اشفيييك,,اتعرفه والا لا؟؟
فواز: افففف اشلون مااعرفه يا امعود هذولا جيرانا من زمااان..
جاسم: احــــلف!!..ههههه ويا راسك ســاعه انحوط اهنييه اندور بيتهم واخر شي طلع يم بيتكم..انا لو ادري جان قلتلك اسم الريال من قبل..يلا يلا ودني عيل..
حـرك فواز الموتــر من غير لا يقول شـي من آثار الصدمه مب عارف شو يقوول..وتم يسووق ساير صوب البيت وهو سااكت..حس جااسم انه فواز مب طبيعي اتغير فجــأه تم يطالعه باستغراب..
جاسم: فوازوو اشفييك سكــت؟!!..
فواز: لا ماكوو شـي
جاسم: لااا انت فيك شـــي..من بعد ماقلتلك اسم الرياال وانت اتغيرت مره وحده..فوااز قولي في بينكم شــي..مستوي اي خلااف بينكم لا سمح الله؟!!!.
فواز: لاا لاا بالعكس..الوالده اتعرف خالتك يحاجون بعض في التلفون يتزاوروون وحتى خواتي بعد مع بنات خالتك والوالد يعرف ابوهم يعني ماكو اي مشكله بينا..
جاسم: حلوووو عيل شو سبب هالتغيير..
فواز: امم تذكـرت شي واضايجت منه بس..
جاسم: وشو هالشــــي؟!!..
فواز: اممم لاا لاا ماكوو شي لا تشغل بالك انته..المهم هذا بيتهم يلا انزل..
جاسم يرفع حياته..: ان شاء الله تباني انزل برووحي!!!!..
فواز: ههه وان شاء الله تبااني انزل معاك؟!!..
جاسم: طـــــبعا عيل انزل بروووحي؟!!!..
فواز: هههه روح زيييييين انت رايح بيت اهلك وين ايي معاك آنا..
جاسم: ياخي انت اتعرفهم واتقول ييرانكم يلا عااد انزل ويااايه انا لا اعرفهم ولا شـفتهم تباني جي مني والدرب ادش عليهم البيييت..
فواز: صح ييرانا بس انا بعد مااعرفهم الاهل بس يعرفونهم,,ليش خالتك ماتدري انك انته بتروح لهم اليوم؟
جاسم: اتعـــرف بس بعد استحـــي ياخي ناس اول مره بشوفهم..
فواز: هههه عادي اشفيها يعني ,, يلا انزل دق الجرس وبيطلعون لك يلا فكني روووح..
جاسم: جـــــــب مب نازل انا الا انته قـــبلي..
فواز: لا حول ولا قوة الا بالله..ياخي منقوود والله منقوود..
جاسم: ههههههه فدييتك انا اتعيبني يوم تتعلم بسررعه..
فواز: هههه اييه اشحسبااالك,,خشمك خشمك..
جاسم: هههههه لاا لاا هذا مب الحييين,, هههه هذا يوم بتســـلم..
فواز: هههه ايه ايه اعرف..شو تتحراني مااعرف رمستكم انا؟!!!..
جاسم: ههههههه والله وطــلعت مب هيــــن فوازووو لاا لاا اسفين يااخويه اتعرف احسن عني بعد..
فواز: ههههه انزين خلصناا ياخي يلا انزل مو فاضيلك انا
جاسم: انته اييييه وااايد عطيتك ويــه تراني ارمس عدل هااا..مب تتحراني بسكتلك يعني عشان احنا في في الكوييت..
فواز: ههههه بتسكتلي غصبن عنك زيين..اهني انته تحـــت ايدي ماتقدر تسوي شي بدوووني هههه يعني خلك زيين ويااي والا ترى عادي اخون فييك ..
جاسم: ادريــبك نـــذل..الحيين شوووه بتنزل والا لا؟؟
فواز: لا انزل رووحك يلااااا ويوم بتطلع سولي تلفوون..
جاسم: انزين بس اتريااا لا ترووح الا يوم بتتأكد اني انا دخلت دااخل انزيين..
فواز: ههههه زين يلا وخبرنا عقب عن اللقااااء كيف كان
جاسم: هههه الله يســتر..
نزل جاسم من السيـاره وسار صوب جرس البيت وضغط عليه مره وحده ..صد وراه صوب سيارة فواز وشافه وهو يحايس بشفايفه وفواز يضـحك علييه بس تلاشت ضحكته شوي شوي و ابتسم بضييج وهو يقول في خـاطره..(منـــــــال تطــلع بنت خالتك يــــا جاااسم!!! معقـــــوله!!)..انتبه جاسم عالبااب الي انفتح وصد صوبه لقى وحده فلبينيه واقفه..قالتله يدخـل وسارت هييه تزقر حد من داااخل..وتم جاسم يتريا حد يطـلعله..كان واقف منزل راســــه فجأه سمع صوت باب الصاله ينفتــح ...رفع راســه وشاف وحــده واقفـــه تطــالعه ومبيــن عليها من الفـــرحه مب قادره اتصـدق الي اتشوفه جدامــها ..اتقــربت صوبه وابتســــامه كبييره على ويهها وهو واقف مستحــــي منزل راســـه..
خديجه وعلامات الفرحه على ويهها..: جــــاسم؟!!!!..
رفع جاسم راسه ابتســـم وهو يطــالعها باستغــــراب اتفاجأ من الشبه الكبير الي بينها وبين امه..: هي نعـم انا جـــاسم..امم,,انتي اكيــد خالتي..
خديـجه من الفـــرحه دمعــــت وهي تلوي عليه..: هييه يا بعــد عمــري انا خاااااالتك..شلوووونك شخبااارك يمه عسااك بخييير..
حبــها جاسم على راســها ..ابتسم وهو يشوف دموعها ..اتأثر وايد وحس هو بعد بيدمع بس حبس دمووعه..: الحمدالله فدييتج انا الحمدالله بخيير..انتي شحالج شخبارج ان شاء الله مرتااحه ؟؟
خديجه.: انا بخيير دااام اني شفتك علني افدااك يالغااالي..اتفضـل اتفضـل يمه تعال ندخل دااخل..
واقفه عند الدريشـــه وتتطـــالع تحت وهي مبققه عيونها..
دلاال: منالوووو بسررعه تعاالي بسرررعه..
منال: اشتبييين ماني فاضيتلج انا..
دلال: كيفج والله,,دخــلوا دااخل..
منال.: منوووو؟!!..
دلال: امي كانت واقفه ومعاها وااحد..
منال نقزت مره وحده ومن مكانها وسارت عندها.: حـــــــــلفي!!..يعني وصـــل
دلال: منو الي وصــل؟!!..
مناال: هههه اييه صج انتي ماتدرييين ..ولد خالتي من الاماراات شكــله ياا وبيقعد عندنا..
دلال تشـــهق..: لاااااا مستحيييييييل..
منال: شنوو الي لاااا مستحييل..
دلال: وانا ليييش محد خبرني..ياربي انا ليش محد يحبني بهالبييت لييييش..لااني اصغر وحده اتسوون فيني جذييه لييش !!
منال: ههههه ومنو قال ماانحبج يالهبله ..
دلال: انتو مااتحبووني لو تحبوني كنتو خبرتووني بكل شي يصير بهالبيييت..
منال: ههههه الحين مو وقته هالحجي خلينا ننزل تحت نشووف ولد خالتنا ..
دلال وهي مبوزه راحت واتربعت عالسرير..: ماابي روحي بروووحج ماابي اشووفه انا زعلااانه خلاااص..
مناال: هههه شنو يعني حسبالج بقعد اترجااج تنزلين معااي..بروح بروووحي وبشووفه قبلج خليج انتي قاعده اهني..يلا بباي يا حلللوه..لفت الشيله على راسها ومشــت صوب البااااب بتطــلع ..
دلال وهي تحايس بشفايفها..: لحظه لحظه..نطريني بيي معااج..
منال: هههه اعرفج ماتقدريين..يلا امشـــي..
طـلعوا من الحجــره وساروا صوب الدري..نزلوا عليه بس يوم وصلوا نصـه وقفــــوا وهم يشوفون الصــاله..
منال وبصوت واطي...: قاعد برووحه..وين امي عيل؟؟!!!..
دلال ترفع جتفـها بمعــنى ماادري..
منال: خلااص خلااص خلينا نرجع لدارنا احسن ..
دلال: لاااااا ماني راجعه..يلا امشــي اشفييج الا اهواا ولد خالتنا..
منال: اييه بس اخاف امي اتهاوشنــا اذا شافتنا عنده رووحنا..
دلال: ماراح تقوول شي ..شنووو يعني ولد خالتنا في عمرنا ماشفناااه مانروح نسلم عليه يعني..
منال: زين زين يا ام لساان انتي يلا نرووح...
كملوا دربهم صــوب الصاله..وتمــوا واقفيين ورااه هو كان يالس عالكنبه معطنهم ظــهره..وكل وحده اتدز الثانيه اترووح ..
آخر شي دلالال اتشجــعت وراحــت صوبه..صفقـــت مره وحده صفقـه قويـــه عشان ينتبــــه وعلى ويهها ابتســامه عرييضه..: سلااااام عليييكم..
صـد جاسم صوبها بعد مافز من الصوت الي ياه مره وحده ورد عليها بنفس الابتساامه ويقول في خاطره اكيد هاي وحده من بنات خالته..: هههه روعتييني الله يهدااج.. وعليكم السلاام ...هلا هلا..
دلال وهي تيلس شوي بعيد عنه : اهليين اهليين,,شلوونك شخباارك..لاا مااصــدق..انت ولد خـــالتي؟!!!..
جاسم: هههه هي انا ولد خاالتج لييش مب عايبنج؟!!..
دلال: هههه لااااا مو جذيييه بس انا ماني مصدقــه اني قاعده اشوووفك ولا قادره اصدق ليي الحيين انه عندي اهل برااا الكوييت..
جاسم: ههههه والحين يا حللوه بعد ماشفتييني صدقتي والا لااا؟!!..
دلال: واااي جان استحي قال عني حلوه..ايه ايه خلااص صدقتك بعد هالكلمه..
جاسم: ههههههههه انتي كم عمرج؟
دلال وهي اتحط صبعها على شفاتها الي تحت وتضوق عيونها اتفكر..: امممممممم,, 13 ماادري 12..لاا لاا 13..
جاسم: هههه زين العمر كله ان شاء الله..
منال كانت واقـــفه مستحيـــه ومتردده اترووح..اخر شـي قررت انها مااتروح..صدت عنهم تبغي اترد فووق..مشـــــت شوي بس صوووت دلاااال خلااها تووقف مره وحده..(منالوووو وين رايحه تعااااالي) احمرررت لحظتها وحست بحراااااره بجسمها كله وفي خاطرها اتقووول حسبي الله علييج يا دلاالوووو فضحتيييني..صد جاسم ورااه لحظــتها وبنفس الوقـت صدت مناال وتلاقت نظراتهم.. انحرررجت ماعرفت شو اتســـــوي غصبن عنها اتجدمت صووبههم ..
مناال: سلااام عليكم..
جاسم وهو منزل راسه ومبتسم..: وعليكم السلام..
دلال: انتي هاااي اشفييج واقفه تعالي قعــــدي..
منال تطالعها بعصبيه..: وانتي شكوووو!!..أأأأ..اشلووونك؟
جاسم وهو يرفع راسـه..: تمااام والله اشحالج انتي؟
مناال: بخييير..حمدالله عالسلامه
جاسم:الله يســــلمج,, انزين الحين منو فيكــن مناال ومنو دلاااال..؟
دلال: احم احم ,,انا دلاااال ويدلعووني دلوووول ومرات دلالوووو وهذي منااااااال..
جاسم: هههه اسميج انتي طلعتي سواالف..عاشت الاساامي..
دلال & مناال..: عاشت ايااامك..
انتبــهوا لخديـجه يااايه صووبهم الي استغربت يوم شافت دلال ومنااال..
خديجه: انتوو اهنـــي وانا رايحه اناديكم!!..
دلال: شو نســوي يمــــه ماقدرنا نصـــبر عن شووفة ولد خااالتنا ياااي والله وناااسه عندي ولد خاااله..
جاسم: ههههه وعندج بنت خاااله بعد..
خديحه تروح وتقعد عنده..: هيييه صج فدييتك ليش مايبت عووشه ويااك والله كان في خاطرنا انشوفها هييه بعد..
جاسم: ترى مااستوى خالوو الاهل كان عندهم ملجة وانا يااي ويا ربييعي..
خديجه: هيييه صح ملجــة حمده بنت سلطاان..
سكــت جاسم ونزل راســه وحس بضييج ..مر طييف حمده في خيااااله لحظتها وهو يتخيلها ويا حاارب واقفين يم بعض..يحس بقهررر وهو يتخيــل شكــلها وهي ويااااه والغيره بتذبحه..اااه,, اكيد امس يلسوا عند بعض وسوااالف طوول الليل..واكيد تعرفوا على بعـــض اكثر وحمده مرتااحه ومستانسه ويااااه وهو بعد نفس الشــي..ليييش حــارب لييييش اتسوي فيني جييه يعني اونك ماكـنت اتعرف اني انا ولد عمها واولــى فييهـــــا..ااخ يالقهــــــر اااخ,,,كان حااااس بقهررر وغيييييض من حااارب يحس انه هوو الي حطمــه مره وحده ..شي ماكان على باله ولا اتوقعه ابـــدا انه يصير..
خديـجه..: جاااسم,,جــــاسم..
جاسم وهو يرفع راسـه لقــى منال يالسه مجـابلتنه..ابتســم وردت عليه هي بعد بابتساامه خجووله خلته ينســى حارب وحمده وتم مركـز في ملامح ويهها لوهـله بس ماطول على طـول صد عنها صوب خـــالته..: هلا هلا خالوو..
خديجه: اشفيييك يمـه؟؟
جاسم وبابتساامه..: لا خالوو سلامتج مافيني شي الا ماقلتيلي نواف وينه ؟؟!..
خديجه: نواف طالع مع ربعه اتصلت فيه الحين وقااال بيي..
جاسم: هيييه زيين,,يصــد على دلاااال ..هههه اتصدقين خالوو,,احس دلوول فيها شــبه من عوشووه اختييه..
دلااال: ايييه عادي عادي اتصيير اشفيك انته مااتعرف..ترى انا اشبه ماماااتي ومااماتي تشبه ماماتك وعوشه تشبه ماماتك..
جاسم: ههههههههه انا مافهمت غير ماماتي وماماتك..
الكل الا دلااال..: هههههههه
دلال: هيهيهيهي وشسوي فيك اذا انته مافيك مخ وماتفهـــم..
خديجه: دلوووول بس عييييب..
جاسم: هههه خليها خليها خالووه..لاا يعني انتي طلعتي ذكيه الحييين..
دلال: ايييه طبعا طبعا طلعت ذكيــه يكفي اني قدرت افهمك شلوون اختك تشبهني..
جاسم: ههههه مشكووره ويزااج الله خيييير بنت خالوووه..انتي الصراحه يبالج جااايزه على شرحج هذا..
منال: ههههههههه
جاسم انتبه لضحكـــتها ,,شافهــا وابتســــم ..قفطت هي وحطت ايدها على حلجها وسكتت..
دلال:تتطنـــــز هاااه..روح روح اطلع من بيتنا مااحبك وانتي الثانيه بعد مااحبج لما تضحكيين علي..
خديجه وتطالع دلال بعصبيه..: دلووووول ماتستحين على ويهج انتي يلا بس !!..ما عليك منها يمــه ما قلتلي ليش مايبت شنطة اغراضك ويااك؟!!..
جاسم: خليتها بيت ربيعي ترى بقعد عندهم..
خديجه: لاا والله ما قعدت عندهم وبيـــت خالتك اهنـــيه..افا يا جاسم ماهقيتها منك..
جاسم: ماابغي اثقــل عليكم خااالتي اخاف عمي يضايج..
خديجه: لاااا والله لا اتثقل علينا ولا شــي نحن من اسبووع ونحن ننطرك وماصدقت اشوفك وماتبي تقعد عندنا!!.. وبالعكس عمك استاانس يوم قلتله انك بتي ..
جاسم: انا اوعدج خالتي اني كل يوم بزووركم..
خديجه: لاا لاا انت بتقعد عندنا جاااسم تبي اتزعلني منك ؟!!!..
جاسم: ههه لاا والله خالوووه بس....
خديجه: لا بس ولا شـي ..الحيين بترووح بتييب اغراضك من بيت رفيجك وبتي تقعد بيت خااالتك..
جاسم وهو يطــالع مناال...: هي خالوو بس اخاف البنات يضايجوون..
دلال: ايه ايه نضااااااايج
جاسم: هههههه عيل عنااااد قاعد في بيتكم انا مب طااالع..
خديجه: هههه لاا يمــه محد بيضاايج اخاف انت الي تتضااايج وخصوصا من هذي ام السااان دلووول الله يعييينك عليها..
جاسم: هههه ما عليج خالووه لسانها هذا بنقصـه..
دلال: روووح زيييين انا محد يقدر علي ..ماعليه بعدك ماعرفتني زيييين..
منال: هههه اييه صح نسييتي نوافوووو؟!!..
دلال: وااااي يمــه..من اسمــع اسمه ارتجف..
خديجه: هههه دايما ضرابه بينها وبين نواااااف..ملعوزييينا..
جاسم: ههههه زين يسوي فيها نوااف عاد ويينه ابغي اشووفه..
خديجه: بتصل فيه مره ثانيه الحييين..
...................
كــانوا يالسيـــن عالارض في الحجـــرة وفاتحيين الشنطــه يشوفوون الاغــراض..
عوشه تشهــق: حمدوووه شووفي ..
حمده: شوووووو..
عوشه وهي تطــلعهم من تحت الثياااب ومبققه عيووونها..: هههههه كــــــتب!!!!..
حمده: ههههه احــــلفي..اشوووووف..ههه والله مريووووم وايد متفيجـــه شاله وياها كـــتب..
عوشه: انا بتذبحــني هالبنت شو اســوي فيهااا شو اســـوي مسافره شهر العسـل وماخذه وياها كـــتب!!..ههههه لا وخاشتنهم تحت الثيااااب عشان محد يشوووف..
حمده: ههههههه هيييه..خل انشووف شو من بلااااوي بعد حاطه مريوووم..
عوشه: ههههههه...فجــأه تدش عليهم مــريم الحجـــرة وتبـــطل عيونها وتشـــــهق اول ماشافتهن..انتبهوا لها عوشه وحمده وارتبكوا لحظـــتها..
حمده: انا مايخصـــني هاي عوشووه قالت تعالي ندش حجرة مريوووم ونفج شنطتنها بنشوف شو بتاخذ وياها
عوشه: يالجذاااابه.. هي هي الحين كل شي حطييه عليه انا يالنذله..انا شفت باب حجــرتكم مبطــل ومافيه حد جان اقولها بندش بنشووف شو مسوييين..هي شافت الشنطــه وقالت بنفتحه بنشوف شو الاغراض الي بياخذوونه وياهم..
مريــم: حراااام علييكم والله طووول الليل سهرانه امس احط الاغراض وارتبهم في الشنطه وانتو ييتوا وبهدلتوو كل شي..
حمده: لااا والله ما بهدلنا شــي حتى تعالي شوفي كل شي شرات مااهووو..
اتقربت مريم صوبهـن ويلست عالارض ع ريوولها..
مريم: اشووف شو مسوييين..
عوشه: هههههه مريوووم والله حرام عليج الي تسوينه في نفسج ..بتاخذين وياج كتب يالظالمه كتـــب انتي ماشـــبعتي!!..مامليييييييتي!!..
مريم: ههههه لا موول ما بهدلتوو شي عيل دام انكم طلعتوو الكـتب من تحت الثياب..
عوشه: هههه انزين ترانا ماطلعنااهم بدفااااشه حاسبنا عالاغراض الي فوووق حتى شوووفي ..انزين ما قلتيلي انا نفسيا تعبت يوم شفت الكتب حرام عليييج انتي سايره شهر العسل جي ماخذه ويااج كتب ليش تبين اتنكديين على عمرج..هههه حمدووه مااقول الا الله يعيين اخووج شكله بيمل ..
حمده: هههه هي والله انا بعد اقول جيه..
مريم: هههه بس يلا بس انتي وياهاا..يااالله سويتوهم كــتب..الا هم كــــتابيين ..يعني يمكن اذا حصلت وقت فااضي هناك اراجع المعلومات الي فيهم..
عوشه.: الله يهداااج كـــل كتااب عن عشـــر كتب وتقولين لي كتابين..وبعدين شو تراجعيين فيهم خلااااااص انتي افتكييييييتي استااانسي ريحي عمرج شوي افففف..
مريم: هههههه وانتي ليش محرجه الحييين,,سبحان الله رديت من السفــر واتوظفت على طوول لاازم اراجع هاي المعلوومات مهمه يعني مستحيل بتذكر كل شي انا..
حمده: افففف انزييييييين لااااحقه لاااحقه مب فالسفر عااااد..
اول ما خلصت حمده كلامها يدشوون اميره وراشــد الحجرة ووراهم حمـــد..
اميره: هااااه مثل مااتوقعت ميلسااااات حضــراتهن اكيد من الفير ياييين..
مريم: هههه مب جيــه وبس..داشيين الحجــرة من غير مااعرف وفاتحيين لي الشنطــه ويالسين يشوفوون الاغرااااض..
عوشه: حمدووووه مب جنهن يرمســن عنااا؟!!!..
حمده: ههههه هي يااا حظـــي هيييه ونحن ساكتييين..
حمد وهـو يطالع مريم..: وانا كم مره قلتلج اقفلي باب الحجره يوم تطلعين منها..مااتعرفيين انه عدنا يهاااااال احناا..
حمده: ههههه خيييبه ماي بروذر وايد قمت تعطي بالويه هالايااام ..لكن مقبووووله منك كم حمد عناا الا وااحد..اقووول (وهي تغمز له..)..ترى واايد غااوي طاالع بهاللبس والكاااااب يا سلااااام ساامت..
حمد: احـــم,,امبوووني غاااوي اصلا صح مـــريم..
مريم: هههه اكيد صـــح..
اميره: هههههه اونه خقااق اخويه بعـــد..وهي تطالع راشـد بطـرف عينها..يعني مــب بس بعض الناس الي يتخققووون..
راشــد رافع حيــاته: هههه اشقصــدج..
اميـره: ههههه قصــدي واااضح احــــــم..
راشــد: هههه شو ما خــلصتووو!!..
مـريم: مخــلصيين احنا بس حمد تعاال سكــر الشنطـــة انا مااعرف لهااا..
عوشه: هههه لحظه لحظه,,اميروووه تعاالي شوفي شو شفنا انا وحمدووه يوم فجينا الشنطه...
اميـره وهي تتقرب صوبهن.: هههه شو شفتووووو!!!..
عوشه وهي ترفع الثياب الي في طرف الشنطه..: ههههه شوفي مرت اخووج شو تبا تاخذ ويااهااا..
اميـره تشــهق..: مريوووووم!!..ليش بتاخذييين ويااج كـــتب!!!..
مريم: هههه يا ربييييييي ذليتووووني جني الحين شاله ويااي شي محرم والعياذ بالله..
حمد: ههههه الحين انتو خلو الكـــتب..شي شنطــه ثانيه تارستلي فيها اكــــل..معلباات وهالسواالف ماخـلت شــي وما حطت فييه جنه نحن سايرييين بلاااد فقر مابنحصـل شــي ناكله هناااك..
الكـــل ضحك على مريم..: ههههههههه
مريم: هيييه عيل شووو..هنااك شوو فييه؟!!..كله وجبــات سريييعه..
حمد: شو كله وجباات سريييعه شي مطااعم عربيه..وبعدين حرااام عليج والله حرااام,,اتصدقوون يا جمااعه حارمتــــني من الوجبااات السرييعه والله اخطف صوب ماكدوناالدز والا هاارديييز اتعـــــذب اتقووول لااااا ماشي مضر بالصحه اوونه..
راشــد: هههههه قلت تبا دكتووره هاا يوزنااك دكتووره..
اميــره: ههههههههه لاا زين زين احســن لك الحين هذا يزاها مسكيينه تخاف على صحتك
عوشه: هههههه نحن يوم كنا نباا ناكل هالسوااالف ماناكل جداامها ننخــــش ونااكل..
مريم: ما عليييه هي اطنزوا انتووو بس..تراكم مااتعرفوون شو أثـــرها..(وهي اتأشر على حمد)..تعال بس تعاال سكر الشنطــه خــلنا انسيير عن نتأخر..
حمد وهو ساير صوب الشنطـه ..: انزيين يلا انتي زااهبه الحين؟
مريم: انا هييه مايبالي الا البس شيلتي وعباتي..
راشـد: تعاالوو ويا امنواا بتسيرون؟
مريم: بشووف الحين خل عمي وابويه اييوووون اول..
راشــد: تعالوو وياايه انزييين..
اميــره: هيييييه تعااالوو وياانا احــلى..
حمد:خلااص اوكي.. يلااا خلصــت انا خلونا ننزل الحين ونتريا ابويه وامايه وعمي ومرته..
عوشه وبحــزن..: بتولـــه علييج مريوووم..
مريم تتنهـــد..: وانا اكــثر والله الله يعيني على فراقكم..
راشــــد يت في بــاله الاغنيـه في هاللحظه وتم يمرر عيونه على حمد ومريم وهوو يغنــي..: حـــــان موعــــد سفـــرهم,,ويـــل حــالي بلااااهــم,,يعــل ربـــي يحفــــظهــم,,(يحط ايده على قــلبه)..لـــــــي في قلبي غــلااااهم..
اميـــره: هههه يــاسلااااام علييييييك..
مــريم مارامــت تيود عمــرها دمعــــت..: فدييتك والله..
حمـد: شو ســويت فيها انته الحييينه هذا غير المنااحه الي بتستوي في المطااار..
راشـد وهو يتقرب صوب مريم: هههه عشااان خاطري يلا امسحي هالدمووع ماابغي اشوفهن وخلونا ننزل يلالا..
اميـره: هههه مريوووم يلا عااد استاانسي بتساافرييين انتي..احم ..راااشد ترى انا سجــلت صوتك هاااا..
حمده: ههههه انا بعــــد..
راشـــد وهووو مبطــل عيوووونه يطاالعهم..: طاااااااعواا هاييله انتووو..مــــتى لحقتوو اتسجلووون...
اميره: ههههه جيه عالسريييييع دقيت ع تسجييل وسجــلت حتى مب من اول شي للاســـف ..
مريم: اميـــره طرشيييلي..
راشـــد: ههههه اندوووووكم انتووو لاا ياا بووي احذفوووو يلاااا احذفووو
مريم: دخييلك راشـد ابغي اسمع وانا اهنااااك..
راشــد: ماعليييج بتصـل بج وبسمعـج يعني مايبااله شي بعد ليش تبين يطرشوونلج هذاا..وانتوو ايييه يلا احذفوووه جداميي ..
حمده: ههههه حذفته اناااا..على اخر شي سجــلت.. يمكن بس يوم قلت آخر كلمــه خخ..مره ثانيه يوم تباا تغني قولنا قبل عشان نجهز..
أميـره: هههههه انا ماابحذف عاادي صووت رييلي والله..
راشـد: انتي ما علييه روحي بحذفه من تلفوونج...يلا ننزل..
مريم: خلااااص سيروا وانا بلبس عبااتي وبلحقكم..
سـاروا حمد وراشـد واميـره جداا البااب وطلعوا..حمده تمـت واقفه عند الباااب اتأشر على عوشه....: جـــيه يالسه انتي يلااا قوومي..
عوشه: كيييييفي بتم ويااا اختيييه سيري انتي بنلحقكـــم..
حمده: يا ربييييييي لـــزقه..
عوشه: جب جب ..
طــلعت حمده من عنــدهم..وتمــت عوشه تطـالع مريم وعيونــها تلمع بالدمووع..
مـريم: اشفييييج حبيبتي؟؟