الجزء العاشر
دشـــت البيت وهي حــاسه بضــيج فضــيع ويالسه تصـيح من الخاطر..دشت الصاله وفرت شنطتها ويـلست وحطت كفينها على ويهها ووهي اتصيح..
يوسـف باستغراب : مـــــروه !!!..انتي ليـــش اتأخرتي اليــــوم؟؟!!.واشفيـــج يالسه اتصيحييييين ؟؟؟!!
مروه: ............
سار يوسف صوبها ويلس حذالها..
يوسف: مروه ...مروه..اشفيييج..؟؟
مروه: مافيني شـــي ..مــافيني شي ..خــلني بروحي
يوسف: شو اخــليج بروحــج وانتي بهالحــاله..قوليلي اشفيــج ليش يالسه اتصيحين ..؟؟
مروه: اليوم رمسـت البنتين عن البنت اللي في الصـوره..ويليـــــتني ما رمستهم
يوسف: ليــــــش ؟!!..قوليلي شو اســــتوى؟
مروه: طــلعت امــي تشتغل عندهم في البيت وهي اللي ماخذه صورة البنت..
يوسف: انــزين وانتي ليش يالسه اتصيحين الحين..خلاص المهم عرفنا صــورة امنوا هاي والولد اكيــد بعد من بيتهم..
مروه: انت مـــب فاهم شـــي..انا يوم قلتلهم عن الصــوره انصــدموا يعني هم ما يعــرفون انه امــي ماخذه الصـوره ..
يوسف: هــــم مايعرفووووووون؟؟!!..وامـــي شو مصــلحتها تاخذ صورهم؟؟!!..
مروه: ماادري ماادري ..انا خـــــايفه عـلى امي واايد يا يووسف..خــايفه يحرجون عـليها او يسـوون فيها شــي..ترانا بنكون نحن السبب
يوسف: هــــي والله صــدقتي بس امـــي ليش اتســـوي جييييه ..ليش مــاخذه صورهم يــعني ..اوفففف يعني لو كانت مخــبرتنا.. جــان ها كـله ماصار
مروه: مــب مهم الحيـن..اهم شـــي امـــي يا يــوسف امـــي ماابغي يصــير فيها شي واكون انا السبب..كــله منك..انت اللي قلتــلي ارمسهم
يوسف: انتي هــدي اعصابج الحين وان شــاء الله مابيصيب امي شي..وان ســووا شـــي في امــي والله ماا اسكــت لهم
مـروه: يوسف انت تدل بيتهم؟؟
يوسف: هــيه احيـد مره امي دلتني اياه
مروه: انزين قم خلنا انســــــير..
يوسف: انسيـــــر هالوقت بيت الناس شو انســـــوي ؟؟!!!..تــلقين هالبنت روحها عطت صورتها حق امي بس البينتين اللي رمستيهم ما يعرفون..انتي لا تسبقين الاحـداث وبنتــريا امــي لين مااتي وبتخبرنا كل شي..
مروه: ان شـــــــــاء الله يطلع كلامك صح يا يوسف..
.............
كــــانت تشوفـه وهو يالس يصــارخ على عايشه بس مب قادره تتحـــرك..واقفه في مكانها وتصـــيح..مـب قــادره اتقوله بـــــس حــــرام عليك اللي تســويه في الحـــرمه..ليـــش يا مــريم ليــــش !!..معقــوله في لحظــة غضــب استويتي قــاسيه لهالدرجه !!.عـــايشه واقفه في زاويه من زوايـه الغرفه وهي اتصــيح..وتشوف مـريم بنظــرات تــرجي وكأنها تقــولها تعــالي انقذيـــــني ..
راشــد: أنــــــا ماادري ليــــــش ليــــن الحين مخليينج عــله على جـــبودنــــا عطيني الصـــــور وماابغي اشوفج في بيتنا فاهمه والا لا..اليــــوم خــذتي الصــور..الله يعلم باجر شو بتاخذييييين
اتســير عايشه تفتح السـده وهي تنتفـــض وايدينها يرتجفون وطـلعت الصورتين وعطتهم ايـــاه..
خــذ عنها راشد الصــور بالقوو..وهو يصــارخ: شـــفتي يــا مريــم..شفـــتي هـــاي اللي تدافعييين عنــها شـــــو ســوت..طــلعت حــراميه صــرقت صورنا والله العــالم شو كانت ناويه تســــوي فيهم
عايشه وهـــي تصــــيح: لاااا لااااا ..صصدقوني ..انا ماخذتنهم بس ذكــرى..اخليهم عندي
راشــد: ولــــــج ويييييه تـــرمسيييييييييين بعـــد...انتــــــي امنواااا عشـــــان تاخذيييييين صـــورنا ذكـــــرى..واشـــلج فينا انتي..بســــرعه شـــلي اغــراضج واطلعـــــي برع ..يالله بســـرعه جـــدامي قبل لا ادفـــنج اهني احينه
عــايشه: لاااا الله يــخليك يــا ولدي خــلني اهــني ..صــدقني انا يــايه اشوف رزقي وما عليه من حد ..(اتسيــــر صوبه وتيلس على ريـولها واتيود ريوله)..ابوس ايدك ابوس ريــــلك خــلني تامه
يبــتعد عنها راشـــد وهو يطــالعها باحتقــــار..
مــريم مارامت تستحــمل هالمنظر ..ســارت على طــول عند عايشه وقومتها وحضــنتها وهي تصــــيح: بـــس خالوه عـــايشه بـــس ..انتــــــي بتميـــن عندنا ما بــتروحييين
يســير راشــد ويمط مريم من شــعرها ويســحبها صــوبه: انتــــــي شـــــووووه !!!..انتـــــي ما تفهميييييييييين..ليــــــن الحين تتحســــبين ان هـــاي وحــده مسكييينه وطـــيبه..
مريم: هــــــــــــدني ..هـــدني انته مـــالك شغـــل فيني ..مـــــب انته اللي بتتحكــــم فيني فاهم والا لا..وعنــادا فييك خالوووه عــايشه بتم في البيت وما بتطــلع منه..
مااتحـــس مريم الا بطــــــــراق على خدها..
اهــــــني راشــد تـــم واقف منصـــــدم من اللي ســواه..يطــالع كفه كيــف احمر من الضــربه..انـــــا شـــــــو ســويت !!..معقــــوله معـــــقوله مـــريم اسـوي فيها جــــيه.. طـــلع من الحجــره وهو حــاس انه قــلبه يتقطــع..دش الصاله..وكانت عوشه يالسه اللي من اول ماسمعت صوت صــراخه شــردت من الزيغه..والحين اول ما شافته تــم قلبها يدقدق بســرعه لين ماصعد فوق ودش حجرته في هاللحظه ارتـاحت..بس لاحظــت عليه شــي غــريب ..هي تــوقعت انه يـــاي ومفــــول وعادي يصــارخ عــليها لانه راشــد من النوع اللي اذا عصــب يطــلع حرته في كل حد..بس شــافته هــادي ومبين عليه حــزيين..انا شــو اللي مـــيلسني اهنـي انزيــن ..خل اسيــر اشوف شو مســتوي اهنــاك..ســارت عوشه صــوب حجرة عايشه..دشــت داخل وشــافت مريم يالسه عالارض وحاطه ايدها على خدها ومنزله راسها تحــت وتصييييح وعايشه يالسه عندها ولاويه عــليها وتهــديها وهي بعد منهــاره من الصيــاح..وتمــت عوشه منصــدمه من اللي تشــوفه..شقــايل من قــبل شوي مــريم كانت حدها معصــبه من عــايشه وكانت ســايره تضــارب وياها ..والحيــن اتشوفها تصيــح وعايشه اتهــديها..
عايشه: بس يــا بنيـــتي بس يا مــريم..خلااص انا مــالي قعــده اهــني..يــليتني مــت قبل لا افكـــر آخذ صــوركم..
مريم: لااا خـالوه ..لا تقولين جيـه عسى الله يطــول في عمرج..انتي بتمين هني ما بتروحين مكان..
ســارت عوشه وقعـدت عند مــريم..
عوشه: فهـــــموني ..شو الســالفه..مــريم ليش تصيحيين..
مريم: راشد يا عوشه يا راشد..اول مــره ايمد ايده عــليه ..
عوشه: راشــد مــد ايده عــليج !!!!..ليييييييش ؟؟؟!!
مريم: لاني دافعــــت عن هالمسكيــــنه..
عوشه: دافعــــتي عنها؟!!..بعـد ما خذت صوركم من غير لا تدرون ..اتدافعين عنها!!
اهنـــي عايشه انصـــدمت من كــلام عوشه ..معقــوله عـــــوشه اللي اتقــول هالكـــلام..!!
مريم: خـــــــلاص ســالفة الصور هااااي ماابغي اسمعها مــره ثانيه..خالوه عايشه كان قصــدها تاخذهم كـــذكرى..ومب تســوي فيهم شـــي
عوشه: خالوه عايشه أنا آسفه ..نحـن يوم بنتج خبرتنا عن الصـور انصــدمنا ..يعــني لو خبرتي مـريم عالاقل انج بتاخذين الصـور ماكانت بترفض..
عايشه: بــــنتي ؟؟!!
عوشه: هــيه هي ويــانا في المدرسه..وهي شافت مريم يوم كانت مـاره علينا وقالت ان هالبنت صورتها عند امي..وخبرتنا انج انتي امها
اهــــــني انصعقت عايشه ..يعــني كــل اللي اســـتوى اليوم بســـبة مروه ..
عايشه: سامحيني يا مــريم..انا من كثــر ما حبيتكم ودشيتوا في خــاطري قلت آخذ صـوركم..ادري يا بنتي اني غلطت لاني خذتهم من غير لا استئذن بس والل.......اتقاطعــــــها مريم : بس خـلااص خالووه ماصار شــي ..وانسـي السالفه..صــدقيني خالوه انتي امبين عليج وحده طيــبه ومسكينه وعلى نيــاتج ..من اول يوم شفتج فيه لاحظــت هالشي وحده مالج شغل في المشاكل..انتي مالج مصــلحه اتضــرينا اصلاا ..
عايشه: لا خــلااني منج الرب يا بنيتي ..انتوا حســبة عيــالي وابــدا مافكر اني اضركم
تقوم مريم من مكانها وتقــوم وياها عوشه..
مريم: نــدري والله فديتج..انســي كل اللي صار اليوم وارتــاحي..
عايشه في خــاطرها..اه يا بنتي يا مــريم ..من وييين بييني الراحه وانا شفتج انتي واخــوج تضاربون جــدامي وانــــا السبب..اشقايــل تبيني انســـى صــراخ ولدي راشد علي ..
عايشه: ان شــاء الله يا بنتي بحــاول..واذا كان لي خاطر عندج يا مـريم تروحين الحين وتستسمحيين من اخــوج..ترى مهما يكــون هذا اخوج ..وكــل اللي سواه فيــني ترااه من حقــه واي حد في مكــانه بيسـوي جيه واكــثر بعد..
مريم: ان شاء الله خالوه..بسوي اللي قلتيلي عليه..
عايشه: ربـــــي يوفقكن بنـــاتي ويحفظكن من كــــل سووووء ..
مريم & عوشه: آميين يا رب..
مريم: يالله مع السلامه..
عايشه: مع السلامه..
طــلعوا مريم وعوشه من عندها ودشوا داخل..
عوشه: حــرام والله غامضتني وايد خالوه عايشه..حاسه اني انا السبب في اللي صار ..لو ما كنت مخبرتنج جان ما سمع راشد وسار يصارخ عليها
مريم: خلااص ما ينفــع هالكلام الحيـن ..شــي واستوى..
عوشه: انزين مريوم انا بسير ارقد الحيــن ..
مريم: خلااص سيري ..
سـارت عوشه عنها ودشت حجــرتها..وهي تمـت متردده ..اتــروح عند راشد والا مــا اتروح ..آخر شـي قررت انها مااتروح له..صــعدت عالدري وماتدري شو اللي خلااها اتسير صوب حجرة راشـد مع انها قررت انها مااتروح له ..كانت حاطه ايدها على مقبض الباب وتبغي تفتحه بس مــب قادره..مـــتردده وخــايفه..اوووه مــــا بسيـــر له..اصلا المفروض هو اللي ايــــي ..هدت المقبض وســارت صوب حجــرتها..اول ما فتحـــت الباب انصــدمت..لانــها شافت راشــــــد داخل..
مــريم: راشـــــــد!!!
في هاللحظه راشـد كان معطنها ظهره..اول ما يسمع صوتها يصــد صوبها ويسير عندها يحــبها على راســها ..اهنيــه مــريم تنصـدم ..مب منصدمه لانه حــبها على راسها لاااا..منصدمه لانها تشوف دمعه نازله على خده..معقـــــــــــوله..معقــــــوله اتشوف راشــد جي ضعيف..
راشــد: مـــريم انا آسف ..ســـامحيني
تمســح مريم دمعته باصبعها الابهــام وتبتسم له من بين دموعها..
مريم: مســـامحتنك حبيبي...
راشد والعبــره خانقتنه : انا ماادري شو اللي خلاني اســوي جيه..مــريم انا حســيت بغصه في قلبي من عــرفت هاي اللي ما تتسمــــى ماخذه صــورنا..وحــده غــريبه ماادري من وين يايبيــنها اتي وتــاخذ صــورنا..مب من حقــها..ويوم شــفتج واقفه في صــفها انقـــهرت زيــــاده..ما حسيــت بعمري باللي يالس اســــويه..انتي تدرين غـلاتج عندي يا مـريم ..واخــاف عليج وايد من هالاشــكال..
مريم: صـدقني راشد انت مااتعرف الحــرمه هاي عــدل..هاي وحده فقيــره مسكيـنه يايــه تشوف رزقها ومالها شــغل في حـد..هي خـذت صورنا صــح وغــلطت لانها ما شـاورتني بــس خذتهم بنيه صافيه..مب قــصدها تسوي شــي فيهم..هاي حــرمه ام عيــال مب معقوله اتسيــر اتسوي شــي في الصــور..
راشد: خلااص مــريم انا بســوي عمري مصــدق هالمره عشـان خاطرج بس..لكـــــن ان شفت عليها شــي مره ثــانيه مااتلــوم الا نفســـها..
مريم: انت قــلتها ..هذا انت شفت عــليها شي ..غـــير جي خل الحــرمه بحالها ..
راشد: ان شـــاء الله..انتي تامـــرين أمر..يالله الحيــن ابغيج ترقــدين ترتاحيــن ..وتنسيــن اللي صــار ..ممكــــــن..
مـــريم بابتســـــامه: ممكـــــــنين بعـــد..وانت بعـد نفس الشي..
راشـد: ان شـــاء الله..يالله تامــرين على شــي ..
مريم: ســلامتك..
راشـد: الله يسلمج..مع السلامه..
مريم: ربــــي يحفظــك..
............
بعــد ما صــلت المغرب..طــلعت من حجــرتها وسارت صـوب حجرة نــواف ودخـلت على طــول..شافــت الليتات مسكــره..بطــلت الليتات وشــافته يالس عالفراش وحاط ايده على يبهته ومــنزل راســه تحت..ســارت يلست عنده وشــافته يصيـــح..
خديجه: نـــواف يمــا..
نواف: ..............
خديجه: نــــواف ..رد عــــــلي ..
اهــني نــواف ماحس بعمــره الا وهو منهــار من الصياح وهو في حضــن امه..
نواف: صـــدقيني يمـــا..آنا مظـــــــــلوم مظـــــــــلوم..
خديجه وهي تصيح: بـــــس حبيبي بـــس..اييه ادري انه انت مظلوم ..بــس يما لا تســوي في نفسك جذييه
نواف: ليــش ابوي ما يصــدقني..ليــــش ربعي اتصـلوا فيني اليوم وقعــدوا يتشمتون فيني وقالولي انهم خــلااص ما يشــرفهم يكونون معااااي..الا واحـد منهم بـــس يمــا..كــل اللي بالمدرسه درى بهاي السالفه..والكل خذ عني فكره مو زيــنه..اشلوووون ابين لهم اني مظلووم اشلووون..
خديجه: بـــس يمــا بــــس..بالطقاق اللي يطــقهم انت ما عليك من احد ..انا مااقــول غير حســـبي الله على اللي كان السبب..
ايدشون عــليهم دلال ومنــال وعيــونهم عــلى نواف ..
منال: نــــواف!!..شو فيــك قاعد اتصيح..
خديجه: مــا فيه شــي ..يالله يمــا نواف قــوم غسل ويهــك الحين وانزل معانا تحــت..وانا مســويتلك سندويجــات عشان تاكلهم..من رديت من المدرسه وانت على لحم بطـنك..
نواف: ماابغي شــي ..مب مشتهي
دلال: خــلااص يما اذا نواف مابياكلهم..آنا باكلهم..
خـديجه: دلالووو!!..الحمدالله انج متغديه..لا بياكلهم نـــواف..يالله يمــا عشان خاطري نــواف قوم ..
منال: دلالووو يالدبه مـــب زين تاكلين واااايد ..نــــواف انت اشفيييك..يمــا اشفييه نواف ..الغــدا ما تغــداه معانا اليوم..والحين قاعد يبجي ..
خديجه: قلتلج ما فييه شــي..يالله يالله طــلعوا نــزلوا تحت وانا ونواف بني وراكم..
منال: يمـــــا ما يصير جــذيه مااتخــبرونا شـــي..ليــش نحن مو من اهل البيت ومن حقنا انعرف كـل شي !
خديجه: منــــــال اخذي اختج وطــلعوا بــرع قلتلج..
منال: اوففف زين زين..
طــلعت منــال وهي تتحرطم ووياها دلال..
نواف: يمـا.. تهقيــن خواتي اذا عــرفوا بسالفتي بيتخـلون عني بعـد..
خديجه: لاا يمـــا..لاا حبيبي ..هاييله خــواتك ومو نــاس غرب ويعــرفون عــدل منو اخــوهم نواف..يالله قــوم معــاي الحين ننــزل تحت علشــان ما يحسون بشـي ..
نواف: يالله نسيــر..
.............
في بيـــت سلطان..وبالتحديد في حجــرة أميــره..يــايتنها اليوم ربيعتها نــوره..ومــرتبشات بالســوالف..بس اللي خــربت عليهم ســوالفهم هــــي ..حمدووه..
حمـــــــــــده تشهق: نورووووووه اهــــني وانا مااعرف!!!
اميره: اوهووووووو..انا نسييييت اقفل البـــــاب بعـــد..
نــوره: هههههه لاااا اميـــره حــرام عــليج..اصلاا انا توني يايه بســئلج عن حمده ..وجــان اتي..
حمده: فــــــــــــديتني عمري طويييييييل..
أميره: انزين يالله خلصينا شو تبين
حمده: اميرووووه صايره وايد دفشــه اشوفج..معقــوله عادييتج..
أميره: هي والله للاســف..عاديتيني ..يلا بسرعه قولي شو تبين
حمده: ان شــاء الله تبيني اطــلع من عندكم..
أميره: هــــي وان شـــاء الله ناويه اتميييييييين
حمده: هييييييه طبعا والا شــو رايج نوروووه..
نوره: هههه انا عاادي عندي ..تمي تمي..
اميره: شو تمي تمي انتي بعد..خل اتسيــــــر عندنا ســوالف خــاصه نحن
نـوره: هــــيه اذا سوالف خاصه فاسمحيــلنا الاخت حمده ..نعتــذر منج اتمين ويانا..انشوفج في الحلقه القادمه ..يلا مع السلامه
حمده: ها ها ها ..سخيييييييفه..مالت عليكم وعلى ســوالفكم الخاصه..انا اصلا يايه اقول شــي واطــلع..
أميــره: اشـــــوه..يالله قوووولي
حمده: خــلااص هــــونت ما بقووول..موتي قهررر
اميره: هههه عادي ما يهمني اعرف..
حمده: ما يهــمج تعرفين هااا..!!..اصلا اذا ما عــرفتي بتندميـــن..وبتقوليييين يليييت سمعت حمدووه وهي اتقولي
اميره: الحيـــن بتقولين الي عندج والا لا
حمده: لااااا ..مب قــــايله..
اميره: انــزين عيــل يالله عطينا مقفاج
حمده: هـــيه بطــلع ..يوم بتصــلج من بيت عمــي وبقــولج نحن اهنـاك لا تقــولين لي ليش ما قلتيلي ..
اميره: بيت عمــــــي !!!
حمده: اوييي انا مب جــني قلت شو الســالفه..خخخخ هييـــه سايرين بيت عمــــي ..جــاسم رد من السفــر
اميره: احــــــــــــــلفي !!
حمده: والله العظيـــم...
اميره: هههه يحــليله جســـوم اسميني متــولهه علييه وعــلى ســوالفه..
حمده: هــــــــيه والله وانا بعــد..مشــتاقه حق القرض
نوره: خــلااص عيل انا بترخص منكم..
اميره: لااا وين وين..؟!!..تعــالي ويانا..
نوره: لااااا وييين ايي..استــــــحي..
حمده: صــدق والله نـــورووه تعــالي بتستااااانسييين بنعرفج عــلى بنااات عمـــــي..
نوره: لااااا لااااا اســــتحي والله..
اميره: يلا عاااد نورووه شو تستحيـــن..اصلاا نحن البنات بنيــلس رواحنـــا يعــني ما يخصـنا في الباقي..
نوره: انزيين حــتى ولـــو..شكــلي بيكووون غــلط وياكم..رازه بويهي ويايه..
اميره: لاا غــلط ولا شــي..صدقيني بنات عمي شــراتنا انا وحمدوووه..يعــني بســرعه بتتأقلمين وياهم..
نوره: انــا بتصــل في امي وبشــوف شو بتقــول..
اميره: انزين يالله اتصــلي فيها..
واتصــلت نوره لامها اللي في البـــدايه عــارضت ..بس عقــب ما رمستها اميره واصــرت عليها ان نوره اتسير وياهم..رضــت..
............
دشــت مــريم عليه الحجــره وشافــته متســاند عالفراش ويجــلب بهالقنــوات..بندت الباب وراها وسارت يلســـت حذاله..وهو من شــافها بنــد التلفزيون وعــدل يلسته..
مــريم: عـــسى ماازعجــناك بس..
راشــد: لااااا واالله لااا ازعــــاج ولا شــــي..يالس بروحي ماعندي شــي..
مريم: انــزين راشــد لين متى بتــم جييه يعني..
راشــد: كيف يعــني..ما فهمت..
مريم: راشــد انت مب صغيــر..انت كــبرت الحيــن..والحــمدالله ما عليك قصــور..انــا اشوف يعــني انت محــتاج لــوحده تشـــاركك حياتك..
راشد: ههههه يالله ..على ايـــدج..
مــريم: صــــــــــدق والله؟؟؟!!
راشــد: هي والله يـــااختي..مليييت من العــزوبيه..
مــريم: راشــــــــد!!..انت من صــجك والا يالس تتمصــخر ؟؟!!
راشـد: لا والله من صــجي ..بلاج..مو تــوج اتقولين لي محتاج لوحده تشاركني حيــاتي..
مريم: هيــه صح بس هل انت مقــتنع بهالشي والا لا ..يعــني انت مفكــر في الزواج الحيـــن..
راشـد: هييه نعــم مفكــر..ومثــل ما قلتـــي ..تراني هــب صغير..
مريــم: هيــــه يا وليدي ابغـــي افرح فيييك قــبل لا اموووت..
راشـــد: ههههههههه بعيــد الشــر عنج يالعيووووز..
مريم: ههههه انزين ..وطــبعا اتعــرف مــنو البنت اللي فـــي بالي..
راشد: امنواا؟
مريم: وفي غيــرها ؟!..اميره بنت عمي..
راشد: اممم زييين..
مريم: شو امممم زين بعـــد..!!..انت مقـتنع فيها والا لا..
راشد: هــيه يكــفي انها بنت عــمي..
مــريم: خــلااص عيــل..هم اليــوم بيون بيتــنا ..انت رمس عمــي او خل ابوي يرمسه..
راشـد: خلااااص عــلى خير ان شاء الله...
مريم: ههه يا ســـلام ماتتصــور اشقــد مستانسه.. واخيــــرا فكــرت في الزوااج..عاد اميــروووه بتطيـــــــر من الفرحه..بيـــــني وبيــــنك هي من زماان تتريا هاليــوم..
راشــد: ههههه..احم احم..لااااازم..مووو اللي بيــــاخذها راشـــــــد..!!!..
مريم: ههههه هي والله يكـــفي انك اخوووووووي..
عــــــوشه اتـــدش عليهم رزززه..
عوشه: اخووي انا بعــد..شو السالفه؟؟!!
مريم: اوهووو مشكــــله رزة الفيييس..
عوشه: فــديتني وفــديت فيـــــسي..
مريم: مالت عليج..هااا ما بغيــتي تسكــرين..!!..ويا امنوا كنتي ترمسين هالكثــر..
عوشه: هييه هــاي ربيعتي ..
مـريم: غــريبه..!!..كنتي ترمسينها من تلفون البيت ؟!
عوشه: هييه هااي عطيتها رقم بيتنا..المهم..عن شووو كنتوا ترمسووون؟؟
راشـد: مـــــــــا يخصـــج..اسراااااار..
عوشه: اوووونه اســرار..يلا يلا بسرعه قولووولي
مريم: هااا راشـــد..اقولهـــــــا؟؟!!
راشـد: لااااا طـــبعا..
مــريم: خــلااص عيل لا تحـــاولييين..يــرن تلفونها..
مـريم تتطالع راشد وتبتسم بخبث: اووووه ..هــــاي اميييروووه...
راشـد: ههه بـــلاج..ردي عليها انزيـــن..
مريم: مـــــــــرحبا..
اميره: مـــراحب..عـــاش من سمع هالصــوت والله
مريم: عــــاشت ايااااااامج حبيبتي ..هااا وينكم..؟؟
اميره: نحن الحيــن جريب من بيتكم..بس تــرى ويايه ضيـــفه هالمــره..
مريم: ضيـــفه؟؟!!..حيـــاها الله البيت بيتها..بس امنوا هي ؟؟
اميــره: نـــوره ربيعتي ..
مريم: نــــوره ربيعــــتج..زين والله بنتعــرف عليها..
اميره: انزين مريووم نحن الحيــن واقفين عند بيتكم..يالله انــزلو انتو وعوشووه
مريم: اوكي الحين بننــزل لكم..
اميــره: اوكييك..يالله باي..
مريم: باي..
ونــزلوا لهم مــريم وعوشه..وســلموا عليهــم..ويــت فاطمه (ام جاسم) بعـد سلمت عليهم..
اميره وهي تأشر على نوره: اعـــرفكم..ربيعتي نـــوره..
فاطمه: حيــــاج الله يا نـــوره..البيت بيتــج..
نوره: الله يحيـــييج خالوه ..تسلميين..
مريم: مــرحبا بج والله يا نــوره..تــرى انا مـــريم..
عوشه: وانـــــا عوووووشه..
حمده: يمــكن البنت ما تبا تعرفج انزييين..
نوره: ههه لاا ابغـــــي اعرف..
عوشه: ههههههه وييييييييييو..
نوره: هههه تشـــرفنا مــريم وعوشه..
مريم: تسلمييين الغاليه..
فاطمه: عيــل قوم امــج وين يا اميــره؟؟
اميره: قــوم امي يايين في الدرب..نحــن اتجدمناهم..
فاطمه: هييه انــزين ليش واقفيين ..حيــاكم تعالوا يــلسوا..
عوشه: لااا امي بنسيــر فوق في الحجــره احســن..
فاطمه: بــرايكم ياامي ..اللي يـــريحكم..
وراحــوا البنــات كلهم فوق في حجــرة مــريم..وفعــلاا نوره ارتــاحت واايد لمــريم وعــوشه..وابــدا ما حســـت بالفرق من بينهم وبين حمــده واميره..وكــانت ماخذه راحــتها وياهم ..ونفس الشي عــوشه ومــريم..ارتــاحوا لهــا وما حسسوها انها غــريبه من بينهم..
أميــره: انـــزييين وينه جســوم نبـــا نشوووفه..
حمده: هـــيه والله ويـــــنه..
عوشه: شــفته قبل شــوي يالس في الصاله ويا حمد..
اميره: انزيين عيل بنســير بنسلــم علييه..
نــوره: لاا والله..!...وانا ؟؟!!
اميره: والله عاد كيـــفج انتي بسيــر عن ولــد عمي انا..
نوره: هههه والله نــــــــذله...
مريم: هههه من زماااان اصــلاا..ما عليــه يا نوره انتي اقعـدي اهني عند عوشووه..وانا بنزل وياهم ..
نوره: انا وعوشووه بــروحنا في مكــان وااحد..لااا اخاف الصراحه..
عوشه: هـــاي اللي تبـــاني اودرها بروحها واسيــــر الحيييين..
نوره: ههههه اوييي لاااا خــلااص..حشـــا انتوا كــلكم فيكم نــذاله..
حمده: ههههه وراثـــي طال عمــــرج..
اميره: هههه لا تخــافين ويا راســج ما بتسوي فيج شــي ..عوشووه هالله هالله في ربيعتي مااوصييج..
عوشه: ههههه افاا عليــج لا توصيـــــن حريص..
ســاروا حمده واميره ويا مــريم تحــت..
جــاسم: خــــــــــــوزوا خل اشـــوف منو اللي يااااااااااي..
اميره: ههه احم احم الشيخــــه اميره ويــــاك..حمدالله عالسلامه جسوووم..
جاسم: الله يســـلمج..
حمده: احم احم ..ترى انا اهنــــي بعد..
جاسم: اوووه من ويــن طلعتي انتي ههههه شخبارج حمدووووه..
حمده:هههه ما عــليه ويا ويهك امسوي روحك مب شايفني هاا..انا الحمــدالله بخييير..شخبارك انته..
جاسم: الحمدالله زيييين..تعــالو يلســوا ..جييه واقفيين..؟؟!!
حمد وهو يطــالع مريم: هيييه والله تعـــالو يـــلسوا...
اميره وهي تغمز له: متــأكد تبانا نحن نيـــلس..!..والا حــد ثاني..
حمد: ههههه هي انتوا ..
اميره: ههه زين زين ..يصيــر خييير..
.
.
.
فوق في حجرة مريم..
عوشه: اقوول نوروه..
نوره: هلالا
عوشه: عــزج الله انا بسير الحمــام ..
نوره: لاااا والله..واتم بروحي اهــــني ..!!
عوشه: ههههه لا تحاتييين ما بطــول..
نوره: انزييين يالله بســرعه ..اذا تأخرتي ببند عليج الليت ههههه
عوشه: ههههههه مشكـــله حــركات يهااال..
نوره: ههه خــلج انتي يالكبيره..
عوشه: احم احم ..هيــه عيل شــو..المهم يلا بسير انا..
نوره: اوكيي سيري يلا..
وســارت عنها عــوشه..انفــتح عليها البـــاب فجأه بس شكــلها ســرحانه ..ومب منتبهه للي فــتح البــــاب..لكــن اللي فــتح البــــاب هو اللي تــم مصـــدوم اول مـــــاشافهـــــا ..وعــلى طــول بند الباب وراح حجــرته قبل لا تشــوفه..معقـــــوله ..معقـــوله هــــاي نووووره...!!!..بــس شو اللي يايبنها اهنيي هـــــــــــاي ..هــــاي شو تســــوي اهنـــــــي !!..فجأه تذكــر كلام مريم وهي تــرمس اميره بالتلفــــون..(( مريم: ضيـــفه؟؟!!..حيـــاها الله البيت بيتها..بس امنوا هي ؟؟))..(( مريم: نــــوره ربيعــــتج..زين والله بنتعــرف عليها..))..اهـــني بس اتأكــد انه اللي شــافها فعــلا هي نوره..وانـــــه نوره طــــلعت ربيعت اميره...
................
دشــت البيــت بهـــدووووء عــلى غير عادتها..كــانوا يتريــونها على احــر من الجمــر ..يبــون يعــرفون شــو استــوى ..وعــلبالهم انها بتسير لهم في الصــاله وبتيلس معاهم ..مع انها شافتهم يالسيين بس اتجاهلتهم وسارت الحجره..نشـــوا من مكــانهم وســاروا الحجــره عندها..
يوسف: السلام عليكم..
عايشه: وعليكم السلام..
مروه: امـــي شحاااالج..؟؟
عايشه: ليش ؟؟!!..ايهمــج حالي ؟؟!!
اهــني مروه انقبض قــلبها ..وحســت انه هيي ورا هالتغيير..
مروه: هي اكييد يهــمني ..انتي امــــي ..
عايشه: مــروه..انتي تشوفين انه الحــركه اللي سويتيها اليوم حــلوه واايد..
يوسف: امـــي قوليلي شو ســوو فيييج..والله لو مســويين فيج شــي مايلومون الا نفســهم..
عايشه: لااااا والله انتوا اللي لازم اتلومون نفســكم على اللي اتفقــتوا علييه وســويتوه من وراااي..
مروه وهي تصيــح: امي انـــا آسفه..انا اعـــترف بغـــلطتي ..انا غــلطت..الله يخــليج ياامي سامحيني..
تســير عايشه عندها وتحضنها وهي تصيح: انا مســامحتنكم ومستحيــل ازعل منكم..بس دخيــلكم قبل لا تســوون اي شــي قولولي ..مب انا امــكم !!..اتعــرفون اني انا كنت بنطـــرد من بيتهم والسبه انتـــوا وافكـاـركم..ما تقولولي اذا كنت انطــردت من وين ادورلي عــلى شغــل ثــاني ..!!..من ويين اقدر اكــد عليكم !!..ما فكــرتوا فيها هــــاي ؟؟!!
يــوسف: سامحيــــنا امـــي ..الله يخــليج سامحينا..
مروه: والله والله ما بنكــــررها مره ثانيييه..
عايشه: الحمدالله هالمره عــدت على خيـــر..وانا ادري انكم ما بتكررونها مره ثــانيه ..انتوا تــربيتي..
يــوسف: عســــى الله لا يحـــرمنا منج ياامــــي..
مروه: آميين..
.................
اليــوم الثاني ..الظهــر..
.بنــدت باب السيـــاره بالقـــو وربعت صـــوب الباب وهي تصيــــــح..مــا تدري انه في عيـــون اتراقبهــــا من جـــريب..اللي اول ماشافها وهي في هالحـــاله انقبض قــلبه ..
.
.
.
شما: ههههه يا بعــد عمري والله...
مايد: يــــــــــا ويييل حــــالي ..مااتحمـــل هالكـــلام انا!!
شما: اممم مايد..انت مرتاح معــــاي ؟؟
مــايد: مـــرتااااح واااااايد بعـــد..وانتي..
شما: انا بعــد نفس الشي..
مــايد: الحمدالله..شمـــا ..
شما: هلا..
مايد: أحــــــــــــــبج..
شما: ههههه مــــــــــايد عااد لا تيلس اتقــولي هالكــلام..استحـــــي والله ..ييب السالفه..
مايد: ههههه فدييتج وانتي تستحييين...اممم شمـــا..انا ابغيــــج..
شما: كيف يعــــني..
مايد: أبغيـــج..يعــــني ابغـــــي اخطــبج..
.....: شمــــــــــــاا..شمـــــــــــا...
شما: باي باي ..اخوي يبغيني ..
مايد: اوكـــي بلييز شمــا دقيلي عقب ما اتخلصين منه..باااي..
شما: اوكي باااي..
سكــرت عنه التلفون وســارت اتشــوف اخــوها شــو يبغي..
حارب: الحقييييييني ..الحقينيييي يا شمــــا..
شما: وييي بسم الله عليييييك..اشفيييييييك؟؟؟
حارب: آه يــا قلبي..شفتـــها نـــازله من السياره تــربع وهـــي تصيييييييح..
شمــا: امنـــــوا هــــــــــاي ؟؟؟!!
حـــارب: بنت ييـــرانا يا شمــا..دخيلج شمووو سيري زوريهم شــوفي شــو بلاها..
شمــا: لاااااا استحـــــــــي ..نحـــن من زمااان مب زايرينهم ولا هــم اييونا..
حارب: علشـــــــــان خاطر اخوووج الوحيييييد
شما: الحيــــن انت ليييش ما تفكــنا واتسير تخــطبها..
حــارب: امفـــــكر والله بس خـــايف..
شمــا: وليش خـــايف؟؟!!
حــارب: نحــن ناس عــلى قــد حالنا وهــم ماشاءالله كــباريه..
شمـا: انزين ما فيها شــــي انا بــرمس امــــــي ..
حارب: الا تعــــالي ..امـــي ويين ؟؟!!
شمــا: امـــي سارت بيت قــوم ام سالم..
حارب: اهااا وليش ما سرتي وياها..بــدل ماانتي يـــالسه روحج في البيـــــت..
شمــا: لااا ماكان لي خـــلق..قولي ..تباني احــطلك الغــدا الحيــن؟؟
حــارب: لاا لاا بــتريا امــــــي ..
شمــا: خــلااص بــرايك..
..........................
ظنكــــــــم,,
منو اللي يطـــريها حــــارب؟؟!!..
وشو ســالفة مــايد وشمـــا؟؟؟!!
راشـــــد بيخطب اميــــره ؟؟!!..ونـــــــــــوره؟؟؟!!!
راشـــد شاف نـــوره في بيتهم ..شو ممـــــــكن يســــــوي ؟؟!..
|