الجزء التاسع..الفصل الاول
كـــانت يــالسه على كـــرسي متحــرك..اللي نقــلوها فيه من السيــاره لين داخل المســتشفى..وهـــي حــاسه ان روحها بيطــلع من جســدها ..العــوار اللي تحــس فيه فضــيع لــدرجة انها ما تقدر تمشي على ريولها ..وصــلوها لين قســـم الولاده ..وهي مب قــادره تستحــمل خــلااص حاسه انها بتــموت من الويع اللي فيــها ..أمها ويــاها وتحــاول تهديها ..لكــن ماشي فـــايده ..هاي عــسر الولاده ومافي اي حــد يقدر يخفف عنها الالــــم الا رب العالمين..تمـــت على هاي الحــاله تقريبا خمس ســاعات ..لين ماانــولدوا أحــلى طفليــــن..من يــابوهم عندها وباستهم على يبهتهم نســت التعب اللي تعبته كــله وحمدت ربها وشكــرته عليهم..أكثـــر واحد كان مستانس في هاللحـــظه هو عـــــــلي ..اللي من خـــــبروه انه ياله بنت وولــد والدنيا مب شايلته من الفــرحه..عــلى طول سار عندها يتحمد لها عالسلامه ..الكــل كان مستانس هاللحظه وخصـــوصا علي ..بس للأسف الفــرحه هاي مااكتمـــلت بـــــــــــ..............يقطع شــريط ذكــرياتها صوت دقــات الباب ..
عــايشه: امنوا؟؟!
...:انا
عايشه في خــاطرها..وافدييت هالصــوت انا..يا بعد قــلبي وروحي يا بنــــــيتي ..الله يـــابج هالوقت..
عايشه: اتفضــــلي غناتي ..
تــدخل مريم وتبند الباب وراها وتســير تيلس عند عايشه ..من شــافتها حست براحه ..هي نفسها ماااتعرف ليـــش ارتــاحت لهاي الحــرمه واااايد ..!!
مــريم: هاا خــالوه..شخبارج؟؟
عايشه: الحمدالله فديتج انتي اشحالج شو مســويه؟؟
مريم: انا الحمدالله زيـــنه..انا حسـيت انج مب راقده فيــيت عندج اسولف وياج شوي
عايشه: زيين سويتي انا يالسه ياابنيـــتي مب يايلي رقاد..وانتي فديتج ماوراج مدرسه باجر؟؟
مريم: ههههههه خــالو الله يهديج اي مدرسه !!..انا في الكــليه..
عايشه: ههههه وانا اشــدراني المهم مكــان تدرسين فيه..
مريم: هههه يحــليج خالوه..لاا وراي كــليه بس حــاولت ارقد مايالي رقــاد ..
عــايشه: هييه..انــزين ياامــي مب زين عليــج السهر لازم ترقدين عشان تنشين من وقت باجر..انتي ما عليح الا انج تقرين آية الكرسي و المعوذات وان شاء الله بترقــدين..
مريم في خــاطرها..يــاربي هالانســانه وايد طيبه وحنونه ..شوفوها شقايل اتحــاتيني ..مــا تنلام مريم..تعامل عايشه لها شــي غريب بالنسبالها ..هالتعــامل مالقته من مرت ابوها اللي قريبه منها..
مريم تبتسم: فديتج والله خـــالوه..اتحـــاتيني ؟؟
عايشه: هي اكـــيد ..انتي حسبة بنتي يا مريم..
مريم: يا بعد عمــري..ربي لا يحرمني منج..هييه خــالو نسيت اقولج..ترى اليوم كان يوم ميــــلادي..
عايشه في خـــاطرها ..آه..أدري يــــا مريم أدري ..وشقـــايل انســى اليـــوم اللي يبتكم فيـــه..وجــنه الا امس صـــاير..
عايشه: صـــدق والله؟؟..كـــل عام وانتي بخــــــير يا بنــــيتي والعمــــر كله ان شاء الله..
مريم: وانتي بخـــير خــالوه مشكــوره..
عايشه: وعقـــبال مااشوفــج عروس ياابنيــــــتي ..
مريم بخجــل: هههه ان شــــاء الله..
عايشه: ههههه ويي فديـــت الحيا عليج..انتي بس شــدي حيلج في دراستــج وان شاء الله تتوفقيـــن وتصــيرين دكتوره ..وعقــب العرس ان شاء الله..
مريم: ان شـــــاء الله خالوه دعواتـــــج..
عايشه: ربـــي يوفقج يا بنيـــتي وانا دايما ادعي في صلواتي ان ربي يوفقكم ..
مريم: تســــلمين..ربي لا يحــرمنا منج..خلااص عيل انا بترخص منج الحين بحــاول ارقد..
عايشه: هي عفـــيه عليج فديتج زين تســـوين روحــي ارقدي..
مريم: يالله خـــالوه مع السلامه..
عايشه: ربـــــي يحفظج..
طلعــت مريم من الحجره وســارت جــدى باب الصاله ..اول مافتحــت الباب تبغي تدخل الصــاله سمعت صــوت حد ينـــاديها من وراها.. فــزت مره وحــده وزاغت من الصــوت المفاجئ في هالليل..صـــدت وراها .
مريم: أبــــويه!!
عــلي: مـــريم شو مطـــلعنج هالوقت؟؟
مــريم: لا مــاشي بس ما يــاني رقاد وقلت ايي عند خــالوه عايشه اسولف وياها اشوي ..
اهــني اتغيــرت ملامح عــلي وانقـــهر من عايشه..آخ يالقهـــــر لا وبعد ينادونها خــالوه عايشه !!!..يعــني العلاقه وايد طيــبه ماشاءالله..
عــلي: وانتي ما حصــلتي مكان تروحيــنله الا عند هــــاي ؟؟!!
مريم: ترى قــلت محد بيــكون واعي لين هالوقت الا هـــي ..وبعدين مافيها شي يــاابوي..
عــلي بعصــبيه: لااااا فيـــها..يالله دخــلي داخل اشوف وماابغي أشــــوفج مره ثانيه طــالعه هالوقت ..
مـــريم باستغــراب: ان شاء الله..ودشــت داخل .. ودش وراها عــلي وهو حــده معصب ومنقهرمن عايشه..
.....................
اليــوم الثانــــي ..كــالعاده كــان سايــر الشركه عند ربيعــه محمد..وهو طــالع منها ..شــافها جــدامه..
نــوره: راشـــــــــــد!!
راشــد من دون نفــس: نعـــــم؟؟
نــوره: راشــد ليش ما ترد على تلفونــاتي؟؟
راشد: انتي تعرفين ليش..ما يحــتاي اقولج
نــوره: راشد والله حــرام عليــك اللي تســويه فيني ..راشــد انا احبــك
راشد: وأنـــا بعد ..بس انتي اللي تبيــن تخربين كل شي بيــدج
نــوره: الحيــن انا اللي بخــرب كل شي والا انــــت !!..راشد انت ليـــش مااتي تخــطبني ؟؟..انت تقــول انك تحــبني ..اثبتــلي هالشـــي ..
راشد: هههههههههههههههه ضحـــــكتيني الصـــراحه..
نـــوره: لا والله ..ممكن اعــرف ليش يالس تضــحك !!..
راشد: نــوره حبيبتي,,صــدقيني انا احبج واموت فيج ..يعني انتي مو مصـدقتني !!
نــوره: لاا مصــدقتنك بس مب حـــاسه بهالشـــي..
راشد: انـــزين عيــل انا بعد مب حاس انج اتحبيني ومب مصــدق ..يالله اثبتيـــــلي..
نــوره: كــــل هااا ومـــب حـــاس ..شوف كم مــره دقيتلك امس وانت كــله معطــني بو لبـاس ..شو تباني اســوي اكثر عن جــي ..انا اللي علي ســويته والباجـــي عليك انته..بشــوف متى بتخــطي خــطوه وحده بــس اتحــسسني فيها انك تحــبني ..
راشــد: لاااا بــاجي وايد اشــياء ما ســويتيها ..وبعــدين شو تبيني اســوي..انا ادري انتي شو اللي تبين توصليـــن له ..تبيني أيــــي واخــطبج..وانا الصــراحه ماافكــر في الزواج الحين..
نوره: عالاقــل عــرفني على خــواتك لين ماا حضــرتك اتفكـر في الــزواج
راشد في خـــاطره ((هـــــيه هاللي قــاصر..أعــرفج عــلى خــواتي..تخســـين اخــلي خواتي يرمسن هالاشكــال))
راشــد: خـــواتي..!!..وامنوا قــالج انه عندي خــوات؟؟
نـــوره: ما عنــدك خوات !!!
راشد: لا ما عندي خــوات..انا وحيــد امي وابــــــوي ..
نــوره: أهـــا,,خــلااص راشد مب حــلوه واقفين جــيه وانسولف ..شو بيقــولون عنا النـــاس..انا بــسير اشوف شغــلي ..بدقــلك عقب ..مو مااتـــــرد..
راشــد: زين زين يصـــير خيـــر ..يالله بـــــاي..
التفـــت راشد صوب البــاب وتوه يبغـــــي يظــهر....
نوره: راشـــــــــد ..
يلتفت راشد صــوبها..
نــوره بصـــوت خفيـــف وناعم ..وبابتســـامه: أحبـــك..
يبتســـم لها راشـــد ذيــج الابتسامه اللي اتخــبلت عــليه وراح عنهــــا..
نوره: اه يــا راشــد..ليتك تكون من نصــــيبي بس..
..................
في مــدرسه من مــدارس الثانويه للبــنات في دبي..تــوه دق جـــرس الفســحه عندهم..
حمــده: اوففف ما بغــت تخــلص الحصه..يالله قــومي بنتمشـــى..
عوشه: تــدرين اليوم وانا يايه الصبــح يت صوبي وحده وهي كانت هاي نفســها اللي قلتلج عنها تطاعلني وقالت اونها تبا تتمشــى وياي في الفسحه ..
حمده: لااااا والله ..جي على كيفها تتمشــى وياج..وان شاء الله بتسيرين!!
عوشه: حمدوووه والله استــحي اقولها مابتمــشى وياج..
حمده: عوشووه هاي سمعتها مب زينه في المدرسه واذا شافوج تتمشــين وياها يعني انتي بعد شــراتها..انتي ليش ما تفهمييييييين!..يعني بس قالتــلج انها معــجبه فيج خـــلااص صدقتي ويهــج..
عوشه: هههههههه يا ربيي انتي ليــــش تغارين؟!
حمده: مااتمصــخر ويـــاج انا..
عوشه: يالله عاد حمدووه محد بيقــول عني شــي ..الحمدالله كــل البنات عارفيني زيــن ..وبعدين يمكــن البنت حليلها ماشيــه سيده بس عاد انتي تدرين بالبنــات ما يخــلن حد الا ويطــلعن عليها الف رمســه ورمسه..
حمده: كيفــج كيــفج..سوي اللي تبيــنه..بس بعــدين اذا صــار شي انا مايخصـــني ..
عوشه: ان شاء الله ما بيصــــير شي..هذي شكلها يايه..يالله نسيــر
حمده: لا حبيبتي ســيري بروحج انا مب يــايه..
عوشه: يالله عاد حمدووه لا تيلسين تسوين لي هالحركــات ..قومــي وياي يلا
حمده: مب يــايه انا سيـــري بروحج..معجبــه فيني والا فيـــج..!
عوشه: هههههههه فديت الزعلانيين انا..ما علييه عقب براضــيج بطريقتي الخاصه..وســارت عوشه تتمــشى ويا البنت..
اول ماسارت عوشــه يت وحده صوب حمــده..
ريـــم: هااا حمــــدوه ما اشــوفج ويا الطبجه اليوم شو السالفه؟؟
حمده:كيـــفي .. مــــــــــايخصـــج..
ريــم: خيــبه خيـــبه ..اشفيج علي ماقلتلج شــي انا..
حمده: ريـــمووو ســيري عنـــي مب متفيجــتلج..
ريم: هههههه شفــــتها ويا ســارووه تتمشـــى..شكــلها اخـــتربت يالله عقــبالج خخ
ســارت عنها ريــم بعد الكــلام اللي قالتــه وما عطــت حمده مجــال انها ترمس..انقــهرت حمــده منها وتمت تتحــلف لها..
..............
وهــي في المطــبخ تطــبخ الغــدا..تسمــع صوت الجـــرس ..كملت شغلها وقالت اكيــد بشكــارتهم بتســير بتبطل الباب..لكن الجــرس ماسكت وتم يــرن ومحد بطــل الباب..فاضطــرت انها تسيــر روحها وتشوف امنـــوا عالبــاب..ســارت صــوب الباب واول ما فتــحته شــافت واحد واقف ..غــطت ويهها وتــمت تطالعه باستــغراب تتــرياه يــرمس يقول شــو يبغي ..وهو بعــد نفس الشـــي شكــله منصــدم من اللي يشــوفه ..يعني امنوا بتــكون هــاي ..
..: السلام عليكم ..
عايشه: وعليكم الســلام..
..: امنــوا انتي ؟؟
عايشه: هااه..انا؟؟..انت اللي امنوا اخـــوي ؟؟
..: انــا امنـــوا..انتي اللي امـــنوا وشو تســوين اهني ؟؟!!
سمعــت صــوت حد ينــاديها من الصــاله..صــدت وراها وشافت فاطمه واقفه..
فاطمــه: عايشــه !!..شو تسوين اهنــي الله يهــديج وهاده الطــباخ ..وبعدين امنوا عالـــــــــــ......
يقــاطعها صــوت اللي واقــف عالباب : أمـــــــــــي مااشتقـــتيلي ..!!
بققت عيـــونها وشهقــــت من الخــاطر وربعــت جــدى الباب وحضــــنته: يمـــــــــــا ولدي جـــاسم ..انت رديــــــت ..لاا لاا اكيـــــد انا في حـــلم.. ومن الفــرحه تمــت اتصيح
اتأثــرت عايشه واايد من المــوقف اللي اتشوفه وراحت بعيــد عنهم..يعــني هذا ولــدهم ..هي صــح مره عــوشه قالتلي انه عندها اخــو متغــرب ويــدرس بالخــارج ..يحــليله الله يــوفقه ..ااه ويعيـــن امه على فرقــاه
جــاسم: ههه بــــس امـــي فديــتج ليش يالسه اتصــيحين الحيــن..قــالها وهو مــب حاس بدموعه اللي نازله على خده لا اراديـــا..اول ما حس ابهم مسحــهم على طــول..ومسح دمــوع امه وباسها على راسها وعــلى ظهــر ايديها..
فــاطمه: فــديتك والله يــاجاسم ماتتصــور اشقد مـتـولهه علـــيك ..يالله امـــي تعال خلنا ندش داخــل..
جــاسم: وانــا اكثــر ياامي اعد الدقايق والثــواني وانا يالس في الطيــاره ..يالله فــديتج ..خلينا ندش بس بتخــبرج في حد داخل؟
فاطمه: لاا فديــتك في الدوام كلهم ..
جاسم: هـــيه احســن عشان يتفــاجئــون من يشــوفوني..هههه وخصـــوصا عوشووه بشــوف شو بتــسوي يوم بتشوفني ..اكيــد بتهزبني هــزاب ادريبها ام لســان.. لاني مرمسنها امس وما خبــرتها انيي بيي اليوم..
فاطمه: هههههه لااا فديــتك عاد لو كنت مخــبرنا من قــبل اني ناخذك من المطــار اخيــر من انك اتي جيه على غفــله..بس ماعــليه بعد جــي انا فــرحانه وااايد الحمدالله عــلى ســلامتك يــاولدي ..يالله حبيبي خلنا ندش داخل ..
جــاسم: الله يســلمج يا احــــــلى ام في الدنيا ..يالله نسيــر..
دشــوا داخل وتمت عــايشه واقفه مكــانها وسمــعت كل اللي دار بيننهم ..ابتســمت ابتســامه خفيفه وقالت في خاطرها..الله يخــليكم لبعــض ..تنهــدت..والله يعيــني انــا ..من 24 سنــه مب شايفه عيــالي لين الحيــن ..شفــتهم ..بس شو الفــايده ..مب قادره اعطيهم حــنان الام اللي انحــرموا منه ولا هم عــارفين اني انا امــهم بالاســاس..وبعدين حــتى لو عــرفوا..مابيحــسون بامــمومتي اللي فقــدوه من 24 ســــنه ..يالله ..الله كـــريم..
فـــي الصــاله...
فاطمه: انــزين حــبيبي قــولي ان شــاء الله كنت مرتاح اهنــاك..
جاسم: هــيه امــي الحمدالله ..منظــم وقتي مابين الدراســه والربــع..
فاطمه: وشــو ربــعك هناكي ان شــاء الله بس زيــنييين..
جاسم: هــي امي اطمني الحمدالله ربــعي كلهم زيـــينيين..
فاطمه: الحمدالله..يــابعد عمــري والله..أشــوفك وااايد ضعـــفان وويهك شــاحب..عاد اكــل الانجــليز بعد غيــر ما ينــوكل..
جــاسم: هههه لااا امـــي الله يهديج فيه مطــاعم عربيه هناك وكنا ناكل منهم..ومــرات الشــباب يطبخــون..يعــني اطــمني..
فاطمه: شــو اســوي يا وليدي انا اهني وقلبي عــليك انته..يعني من قــلة الجــامعات في البلاد عشان سايرلي تدرس اهنـــاك..
جــاسم: خـــلااص يالغاليه الحيــن مابــاقي غيــر هالسنه وبخــلص وبييكم ان شاء الله رافع راسي بالشهاده
فاطمه: ان شــــــــاء الله ..ربــي يسمع منك ..عاد اتمنـــى ييتك هالمره اتطــول...
جاسم: هههه اممم اسبوعين ..شو رايج؟؟
فاطمه: بــــــــــس!!..اشـــويه ياامــــي مــايستوي تقعد اكــثر !!
جاسم: لااا تــرى عقبها بتــبدأ امتحاناتنا ..الحيــن بعد مرخصــينا عشان نــذاكر..
فاطمه: هييه يالله الله يعيــــني على فرقاك يا جــاسم ..بس انت شــد حيلك هاي السنه ..وربي يــوفقك
جــاسم: ان شــاء الله انتي بس اطمـــني..هي صــح امايه كنت بسـألج ..امنوا هــاي اللي بطــلت علي الباب وشو تسوي في بيتنا؟
فاطمه: هـــي هاي حــرمه مسكيــنه على قد حالها يايه تشتغل عنا في البيت يعني تطــبخ وتنظف..
جــاسم: اممم بس هــاي شكــلها مواطنه..ورمستها شراتنا..
فاطمه: هي هم من زمــان عايشين اهنــي بس ماعندهم جــنسيه..
جــاسم: اممم مب من عادتج اتيبين خــدم من اهني ياامـــي
فاطمه: هــي ترى رمستني عنها وحــده وقالت انها هــاي حــرمه فقيــره وعلى قد حــالها فقلتلها اتــي تشتغل عندي وبنعطيــها راتب زين شو اســوي وانا امك كســرت خاطري وبعدين هي مااشاءالله عــليها طبــاخها حــلو احــسن من هالاجــانب اللي اييــونا ماايعــرفون يطــبخون الاكــلات الزيــنه..
جــاسم: هي حــليلها..زين ســويتي عيــل ياامـــي ..خــلااص فــديتج انا بسيــراتسبح و اريح شــوي الحين ..واول ما الجماعه يردون من دواماتهم قوميني..
فاطمه: ان شــاء الله غنـــاتي..
جاسم: بس هاااا مب تخبرينهم انــــي ييت ..ابغي اسويــلهم مفاجئه..
فاطمه: هههه يا حــبك للمفاجــئات..ان شــاء الله ما بقــــولهم..
نـــش جــاسم وحبها على راسها..: يلا عيــل تامريني على شي يالغاليه..
فاطمه: ســـلامتك يمـــا..ربي يحفظك..
.............
الفصل الثاني ..الجــزء التاسع
في المدرسه..كانت الحصه الاخيره عندهم..استأذنت من الابله وقالت انها بتسير الحمام ..والابــله عطتها الاذن انها تسيــر. ومشت عليها الجــذبه..ســارت تدور على مكــان محد يشوفها فيه وتاخذ راحتها في الرمسه ..ولقــت المكان المناسب حق هالشي..قعدت عالارض وطلعت تلفونها من مخباتها..اتصلت فيه رنه وحده بس ..ومن عقبها على طول هو رد اتصل فيها..
ساره: الووو
ناصر: هلا هلا ساروووه..هاا بشــري
ساره: خيبه اسأل عن احــوالي اول شي
ناصر: هههه اعرف انــج بخير والا جان مااتصلتيلي وانتي في المدرسه..
ساره: هههههه ذكــي ماشاءالله عليك..
ناصر: هــيه اكيد عيل شــراتج انتي ..المهم قوليلي شو سويتي ..
ساره: امممممم ماسويت شي
ناصر: شو يعــــني ماسويتي شي !!!
ساره: يعني اليـــوم بس تمشيت وياها في الفســحه ..ومارمست وياها وايد لانه دق الجــرس بسرعه..
ناصر: اوهوووو يعني ماخــذتي عنها رقمها ولا رقم بيتهم
ساره: لااااا استحيــــــت من اول مره اقولها عطيني رقمج
ناصر: اوووب اوووب شو مســـتوي في الدنيا..ســـاروووه تستحــــي !!..شــوفي تراني حددي مستعيل ..فضبطيني بســرعه مافيني اتــريا واايد شرات المره اللي طافت..وخــلي الحيا حق وقت ثاني ..
ساره: انزين انزين اوووووففف دومك جــي مستعيل..لاا تحــاتي البنت امبين عليها حــبوبه وطيبه وعلى نيـــاتها يعني ينقص عليها بسسرعه..بس هاااا لا تــنسى نصيبي عـــاد..
ناصر: نصــيبج محــفوظ انتي بس عجــلي وما عليج..هي صــح ابغي اشــوفها بعد اتصــرفي ..
ساره: تراني قلتلك احــلى وحده شفتها في المدرسه لين الحين..والا انت مب واثق في ذوقي ؟؟
ناصر: هههه الصراحه ذوقج شرات ويهــج.يعني مب حــلو ..بس بنشــوف كيف بتطــلع هاي ..
ساره: نصور احــترم نفسك ولا تغلط علي والا تحــلم اعرفك عليها
ناصر: هههههه تهدديني اونج ..اصلا مــا ترومين لانج بتعــرفين شو بييج مني ..
ساره: زين زين ويا هالــويه..المهم انا مااقدر اطــول الحين اخاف حد يشوفني ..
ناصر: لحــظه ..ماقلتيلي هي شو اسمها ؟؟
ساره: اسمها عوشه..يالله باي
ناصر: اممم عوشه..زين زين باي
رن جــرس الحصه الاخيره اول ما سكــرت عنه التلفون..
نشت من على الارض..اول مابغت ترد التلفون في مخباتها اييلها صـــوت مفاجي ايخــليها ترتبك وتطيح التلفون وراها من الربكه
..: ســــــــــــاره!!..شو تســوين اهني..
ساره: ممماشي ابــله..
الابله: شو هاللي طــاح وراج؟؟
ساره: هاه..طاح وراي؟؟!!..هييه هييه ابله هذا قلمي اللي طاح..
الابله: قــلمج !!..وانتي شو تسوين اهنـــي ..
ساره: ككنت يالسه احــل الواجب اهـــني ابله احسنلي من حشــرة البنات مكان هادي ..وابلتنا مال الحصه الاخيره كانت غايبه..
الابله: اهاا انزين يا ســاره بس لا تكررينها مره ثانيه ..يعني المفروض لو الابله غايبه ما تطلعين من الصف اتمين فيه..
ساره: ان شــاء الله ..
راحــت عنها الابله وهي حســت بارتيــاح ..اوففف مابغت تفــج عني ..الحمدالله انها مااجكتني والا كنت بروح فيها..شلت الموبايل اللي طيحته من الزيغه وردته في مخباتها..وهي ماشـــيه صوب الصف شافت حمده وعــوشه طالعين من صفهم..
ساره: عــوشه ..عــوشه..
صــدوا عوشه وحمده وراهم وشــافوها ..حمده حســـت بالقهــر منها..اوفف شو تــبا هاي ..مااقول الا الله يخس عوشوووه يوم عطت ويه حق هالاشكــال..اما عوشه كانت على عكس حمده..شاقه حلجها بالاتسامه يوم شافتها..اصلا من بدت الحصه الرابعه وهي يالسه تمدح ساره عند حمده..انها بنت زيــنه وطيــبه واللي انقال عنها كله جــذب ومن هالكلام يعني ..من وقتــها وحمده حدها منقهــره من عوشه..
عوشه: هـــلا ســاره..
ساره: اهـــلين الغاليه..شو بتروحين الحين..
عوشه: هي اكيــد ..ماصدقت الحصه الاخيره اتخـلص اوفف افراااااج..
ساره: هههه هي والله صــدقج..الا ماعرفتيني على اللي وياج..
حمده طول الوقت وهي تطالعها بنظرات احتقار ومول مب مرتاحه لها..
عوشه: هييه هاي بنت عمي حمده..
ساره: هلا والله تشــرفنا..
حمده (من دون نفس): اهلين..
ساره: انزين عيل عوشه انا بخليج..شكلي ضايقتكم..
حمده في خاطرها..زيـــن انج تفهميــــن..يالله شو تتريين فارجي...
عوشه: لا بالعكـــس الغاليه افاا عليج..
ساره: هي عوشه ممكن طــلب..
عوشه: آمـــري..
ساره: بغيــت رقم تلفونج اذا ماعندج مــانع ..
اهــني حمده ما رامت اتــم ساكته وقطعت رمسة عوشه على طــول اللي كانت بتعطيها الرقم.: عــــوشه ما عندها موبــايل ..
ساره: صــدق والله عوشه ؟؟!!..معقوله ما عندج موبايل..!!
عوشه موول ما عيبتها حــركة حمده..بس مشــتها لها..
عوشه: لا ســاره للاسف ما عندي بس جــريب بظهر ان شــاء الله..
ساره: هييه مب مشكــله عطيني رقم بيتكــم..
حمده في خاطرها..صــدق انه ويهها لــوح ..اوففف لــزقه مب طايعه تفج
عوشه: هي ان شــاء الله ..اندوج *******
ســاره: خــلااص عيل بدق لــج اليــوم..يالله مع السلامه..
عوشه: خلااص اوكي..مع السلامه..
حمده: اوفففففف فكــه..حشـــا..مابغت تروح
عوشه: حمدووووه يعني الصــراحه حــركه مب حــلوه تقصين عالبنت وتقولينلها ماعندي موبايل
حمده: لاااا والله..وان شاء الله كنتي ناويه تعطينها ؟؟
عوشه: هـــيه كنت ناويه اعطيها..شو فيها يعني لو عطيتها..هــذا شي يخصــني..
اهــني انصدمت حمده من رد عوشه ..معــقوله الحين عــوشه بدت اتحط حاجز من بينهم..هــذا اليوم اول يوم تــرمس هالبنت ..وجــي عاملتني ..ويــن لو خــذوا على بعض ..اكيــد بتنســاني..حســت بحســره في داخلها بس سكتت من الصــدمه وماقالت شي ..وعــوشه تمت متــلومه فيها ..يــاربي انا شــو قلت..شو اللي خــلاني اقــولها هالكلام..حمــدووه دخيلج ارمســي لا اتميــن جيه ساكته مب من عادتج..تمــوا يتمــشون وهــم ساكتين..محد رمس الثاني ..لين ماوصــلوا صــوب السيايير يشــوفون جان مريم يتهم والا بعــدها..وهم واقفيــن اتـــي صوبهم وحده..اســتغربوا يوم شافوها يايه تبا ترمسهم..
مروه: سلام عليكم..
حمده & عوشه: وعليكم السلام...
مروه: امم ممكن ارمسكم في شــي خــــاص
عوشه: اتفضــلي ..
مروه: مم ..انا امس شفت وحده تترياكم في السياره وبعدين شفتكم ركبتوا وياها ..امنوا هاي..ممكن اعرف..
حمده وعوشه تمــوا يتطــالعون بعض باستغراب..ومروه مستــحيه وايد من الســؤال اللي سئلته بس الفضول يذبح ..
حمــده: اممم هاي بنت عمي انا ..(اتأشر على عــوشه).. واختها ..
عوشه: هي الغاليه ممكن انعرف ليش ؟؟
مروه: هي بقــولكم ليش ..انا الصراحه شفت صــورتها وصــورة واحد عند امــي ..ويوم ســئلنا امي عنهم ما طاعت تقــولنا منو هم..
حمده وعوشه انـبانت علامات الصــدمه على ويــــوهههم..منو هاي اللي ماخذه صــورة مــريم..ومــنوا هالواحد اللي تطــريه
عوشه: امــنوا امــج !!!..ومن وين يابت صــورة اختيه ؟؟!!
مـروه: امي اسمها عايشه..وانا روحي مااعرف من وين يابته ..(مروه عــلى نياتها قالت اسم امها بعــفويه)
عوشه: هااااه..عايشـــه !!..معـــقوله خــــالوه عايشه..!!!!!
حمده: لاا لاا مســتحيل ..اختي قوليلي انتي امــج تشتغل خــدامه !!!!
اهــني مروه اتحــول ويهها واحمــر لونه..وحســت بحــراره في جسمها ..لــدرجــة انها كانت بتخليهم وبتســير بس شافت انها مب حــلوه..وحبست دموعها اللي ماليه عيونها..يعــــني انتي يــا مروه الحيـــن جــدامهم بنت الخـــدامه..وبجـــــي عرفت مروه انه امــها تشتغل عندهم في البيت..
مـروه وهي منزلــه راسها تحــت: هيييه..
عوشه: يعــــني انتي بنت خــالوه عايشه...!!!
مــروه بصـوت علي ومسموع: هـــــي هـــــــي..وراحــــت تربــع من عندهم وهــــــي تصيح ..مارامت تحبس دموعها اكـــثر عن جيــه..
وحمــده وعــوشه تمــوا واقفين ومكــانهم منصــدمين من اللي شــافوه واللي سمعــوه تــوه..معقــلوه هاي تطــلع بنت خالوه عــايشه..ومعــقوله تكــون ماخذه صــورة مــريم !!!..مــب حــاسين بعمارهم من الصــدمه ..ومايعــرفون انه ما بقــت في المدرسه غيــر ســياره وحده تترياهم وســيايير الابــلوات بس..مــريم من الصــبح وهي تدقلهم هــرن بس هم كــانوا مندمجــين مع مــروه ومانتبهـوا لها حــتى من الصــدمه..ليــن ما نــزلت لهم ..
مــريم: حمدووه..عــوشوووه..يعـــني مب ناوين تــركبون الســياره هااا..الشــرهه مب عليكم ..عليه انا اللي اشــيل بعــمري واييكم عــلى الوقت..والا انتـــوا ما تســاهلون..
عوشه: اوييي مــريوم..انتي من متــى اهني..
مريم: لا والله..وبعــد واقفين اشــوفكم..يالله جــدامي اركــبن الموتر ..
اتجــدمتهم مريم وهــي مــفوله عليهم ..وراحــوا وراها حمده وعوشه ..مارامــوا اييودون عمــارهم وتموا يضــحكون عــلى شكل مريم وهي معصبه..ركــبت عوشه على السيت اللي جــدام وحمــده ورا..واتحــركت مريم يوم شافتهم ركــبوا السياره وهم يضــحكون..
مــريم: عـــيل تضحكون هاا..تــراني انا الطيبه المسكــينه اللي اشفق بحــالكم وايي امــر عليكم..لكــن من بــاجر براويكن ..ان ما خليتكن اتخيســن من الحــر مااكون انا مـــريم بنت عــلي
عوشه: ههههههه آه بــطني..اشفيــج مريوم والله شكــلج حــلو وانتي معصبه..هــدي هــدي ..بعد الدكــاتره مشــكله يوم يعصبون..
مريم: يـــــــــــــاربي والله بارديييييييين..انا مــابحرق اعصــابي عليكم ولا بحــط عقلي بعقل يهـــال ..اسكـــت احسنلي ترى اذا عصــبت زيــاده عادي افــركم في الشارع
حمده: هههههههههههه اوييييييي عوشووووووه اتخـــيلي ..
عوشه: ههههههههه لاا لاا مــريوم فديتها اتحبــنا ما بتــسويها ..
حمده: احم احم ..اصلا تحــبني انا اكــثر لاني اخت ريلـــها..
عوشه: لاا والله ..عيل انا اجــرب اختها..
مــريم: يعــني انتوا وايد واثقيــن بعماركم..
عوشه: هههههههه هي واااايد..
مريم: المهم قولولي ..منو هــاي البنت اللي كنتوا تــرمسونها وعقــب روحت عنكم تــربع جــدى الباصــات..
اهــنيه اتغــيرت ملامح ويههم..وســكتوا ماعـرفوا شو يــردون عليها..
مــريم: بلاكم صــخيتوا..اييه ارمسكم انا منو هــاي ؟؟!!..والا يعني ســر وماتبوني اعــرفه
حمده تــبا تغير الســالفه: مــريووووم وصــليني بيتنا اليوم..
مريم: غــريبه !!..ليش بتروحين بيتكم ؟؟..العاده اتينا..
حمده: اســئلي اخــتج الخــايسه اليوم شو قــالت..اصلا انا زعلانه منها..
مريم: هههههههه عاد انتوا زعــلكم غير شكــل..توكم الا تضحــكون ويا بعض..والحين زعلانين..ههه وليش ان شــاء الله شو مســتوي من بينكم بعد..عوشووه اعترفي شو ســويتي
عوشه: حمــدوه اونها تتدلــع..صايره حســاسه هالايام زياده عن اللزوم..
حمده: جب جب انزين..الا انتي اللي خــلاص هانت عــليج العشــره
مريم: ههههههههه لاااا شكــله الــزعل هالمـــره على شـــي كبير..
حمده: خــلااص اوقفي انا بـــنزل اهــني والا اقــولج دخلي ســيارتج..باب القاراج مفــتوح ..يالله..
مريم: بعااااااااد..طــراره وتتشـــرط..صــدق ما تستحـــين..عقابا لــج بوقف اهني..يالله اشــوف انزلي
حمده: لاااااا مريوووووووم دخيلج مافيني اتمـــشى وايد دخــلي داخل عند باب الصــاله نزليني ..
مريم: آنســه حمده ما تبيني بعد ادخل سيارتي الصــاله واوصــلج لين حجــرتج بعد..
حمده: ههههههههه الله ونـــاسه..والله جان زيــن يستوي ..
عوشه: قـــلتلــج تــراني..تتدلع وايد هالايام..
حمده: جــب جــب ..محد رمســج
دشــت مــريم داخل البيت ووقفت ســيارتها عند باب الصــاله..
مريم: يالله شــو تتريين..تبيني اشــيل شنــطتج عنج بعد ..واوديها لج داخل..
حمده: ههههههه هي والله يا ريـــت..
مريم: يالله نـــزلي ويا هالويــه..
نــزلت حمده واول ماكانت بتدش الصــاله طــلع حمد وشاف ســيارة مريم ..على طــول ســار وقف عند جامتها وتم يدق عليها..وجــان تنتبه لــه وضــحكت على حــركاته..وفتحت الجامه..
حمد: احم احم انا اقــول النــور هذا اللي في بيتنا اليوم مب طــبيعي اثاريج انتي اهني..
عوشه: طاعوا الجـــذاب..اي نــور يظــهر من مريوم الحـــين..اصلا الدنيا كلها مــنوره والا نســيت انه الحين افترنون
حمد: اوهوووووو من وين طــلعت لنا هــاي ..نزلي نــزلي انتي يالله سيري عند حمدوه داخل
مريم: ههههههه لا زعـــلانين اونه
حمد: هههههههه معقـــوله !!..ماعليــج دقايق وبتشــوفينهم ويا بعض
عوشه: لاااا لاااا انا قــلت هالمره بخليها ساعتين..
مريم: هههههههه واشمعــنى ساعتين..
عوشه: ســاعه تترياني انا اتــصل ..وساعه انا اترياها تتصل ..ومن عقــبها عاد محد يستحــمل لازم حد منا يتصل حق الثاني
حمد: هههههههه زعلكم عجيب الصراحه
عوشه: عاشون عيــــــــــل..
مريم: انزين حمد بنخــليك نحن الحين ..
حمد: لااااا وين وين..نــزلوا تغــدوا ويانا..
مريم: لاا بــنروح الحين يــوم ثاني ان شاء الله..
حمد: خــلااص برايج الغاليه مع ان كان خاطري اتميــــن..هالقلب (وهو يأشر على قــلبه)..معذبتنه تراج
مريم استحــت وصــدق صوب عوشه وهي تضحك
حمد: والله والله حـــلو عليج الحيــا
عوشه: اييييييييه انتوا ..مب وقت غزل الحيــن..يالله مريوم تــحركي..
حمد: اوففففففف انا من اسمع هالصوت شــي يستوي بي..
مريم: ههههههه
عوشه: مســتانسه يعني ويا ويهــج..
مريم: ههههه هي مســتانسه مثل ماكنتوا تضــحكون علي انتي وحمدووه وانا معصــبه..
عوشه: هههههه وحده بوحده يعني..
مريم: هييييييييه ,,ههه انزين عيل حمد ..بنسير نحن
حمد: فـــديت اسمي على لســانج ..ربي يحفظكم..
مريم: هههه مع الســلامه..
.............
في الكويت..فـــتــح الباب بالقـــو ودش داخل ووياه واحد ميــودنه من قميصه صوب جتقه ..وحــدده معصب منه وهــو يصــارخ عـــليه..
طــلعت من المطــبخ تربع صــوبهم ..تشــوف اشعــنه هالصــراخ..شو مســتوي !!
خديجه: خيـــر خــير يا مشعل شو صاير..اشفيك ميــود الولد وتصــارخ عليه..
مشعل: الله يـــاخذه ويفكــــني منه ..هــــذا مب ولــدي اللي انا ربيـــته ..ولــدج مســـوي ســواد ويه ..فضـــحني اليــوم فضــحني ..(ويفر الولد على خديجه)
خديجه: نـــواف انت شو مســـوي
نواف يصيــح وبصوت مبحوح: صدقيني يمـا ..صدقيني آنا ماسويت شــي ..
مشعــل: مــاسويت شــي هااا!!..وتجــــذب على امك بعد يالهيس..(يــفر اللي بيــده)..خــذي شـــوفي ولـــدج شــنو لقــوا عنده اليوم بالمدرسه
تشــوف خديجه عالارض وتشيــل الاشياء اللي فراهم مشــعل ..وتطــالع وهي منصــدمه..لاا لاا مســتحيل نواف يسوي جــي مستحيل..كانت في ايدها مجمــوعة زقاير..ويا سيديات وأشــرطه ..
خديجه تطــالع نــواف والشراره طالعه من عيــونها..
نواف: يمــــا هاذولا انا ماادري عنهم..انا روحي انصدمت لما شفتهم..ليش محد مو راضــي يصدقني لييش
مشعل: انجـــــب انت اسكــت ولا كلمـــه..اصــعد فوق مابغي اشوف رقعــة ويهك..
يســير عنهم نــواف فوق وهو يصيــح ..تنــزل دلال وهي مســتغربه..
دلال: يبـــا...يما..اشفيه نواف ليش قاعد يصيح !!
خديجه: اووه ماكو شي ماكو شي..وتســير عنها..
دلال: يبــا..شو فيها امي معصبه..ونواف اشفيه قاعد يصيح
مشعل يصارخ بويهها: روحــــــــــــي انتي الثانيه بعد ماابغي اشوفج جــدامي..ماابغي اشـــوف حد يالله..
اهنـــي زاغت دلال وراحت تــربع عالدري ..
مشعل وهو يهــز راسه وياخذ نفس عميق: لا حول ولا قــوة الا بالله..
اما فوق عند نــواف فقاعد عالفــراش يصيـح من الخاطر..يا ربيي ليش محد راضــي يصدقني اني مظــلوم..ليش جذي يسوون فيني ..والله هالاشــياء آنا مااعرف عنهم شــي ..ليش يتهــموني بشـــي آنا ماســـويته ليـــــــــش !!..حــاس بغصــه في قلبــه..مب عارف شــو يســوي ..كيف
بيخليهم يصدقونه انه مظــلوم..كل شــي لقوه عنده ومـــايقدر يقــول شي..يــاترى الحين كيف بتكــون نظرة امه..ابوه..خواته..ربعه..عنه..اكيــد الكــل بيتخــلى عنه اكيـــد..ومحد فيهم بيصــدقه ..آلام مكــنونه في قلب نــواف وصــرخات تتردد فيـــه..انه هــو مو مســوي شي ..هو مظــلوم ياناس مظــلوم..بس امنوا بيسمع !!
...................
وصــلوا مريم وعوشه البيت..ودشــوا داخل..وترى مــريم مانست سالفة البنت اللي كانوا يرمسونها حمده وعوشه وعقبها راحت تربع صــوب الباصات ..لانه شــكلها وهي تربع كان غــريب..وفيه شي مب طبيعي في الموضوع لازم اتعرفه..
عوشه: مــريوم ..مافي حد في الصاله شو السالفه..ليكــون رقود
مريم: ماادري والله..عاد تــدرين ابوي ما يتــريا اول مايرد يبغي يتغدى ويرقد وامج بعد اكيد وياه..وراشد في حجرته..
عوشه: انــزين عيل يالله خلينا نحن بعد نسير نبدل وننزل نتغــدى تراني ميته من اليوع
مريم: زيــن ..وعقبها ابغي ارمسج عن سالفة البنت..
عوشه: هااا..!! سالفة البنت ؟؟!..اي بنت !!
مريم: البنت اللي ساعه واقفين ترمسونها وعقبها راحت تربع..
اتذكــرت عوشه السالفه واضايجــت ..شو بتسوي مريم يوم بتعرف انه خالوه عايشه ماخذه صورتها ..!..
عوشه: امم انزين بخـبرج بس اول شــي خلينا نتغــدى..
مريم: انــزين يالله نسير..
صــعدوا مريم وعوشه فــوق ..مــريم وهــي سايره صوب حجــرتها..
مريم: عوشووه الله يخــليج وانتي سايره حجرتج مري على حجرة راشد شوفيه شو يســوي ..اتغدى والا بعده..
عوشه: خلااص اوكييك..
ســارت عوشه صــوب حجرة راشد..دقت الباب..
راشد: امنــــوا؟؟!
عوشه: احم احم.. انا الشيـــخه عوشه..(وتفتح البــاب على طول ..بس من فتحت الباب طاحت عيونها على واحد يالس مجابل شاشة الكمبيوتر ومعطنها ظــهره..)..ســوري راشد ما كنت ادري انه عندك حد..توها يايه بتســكر الباب ..
راشد: ههههههههههههههههههههههه..تعالي تعالي يالخبله..تعــالي شوفي منو عندي ..
ردت عــوشه دشت داخل..واطــالعها اللي كان يالس مجابل الكمــبيوتر..اهــــني عوشه حســــت انه ريــولها مب قــادره اتشــيلها من الفــرحه..ولااردايا انترسن عيونها دموع..وسارت تركــــض في حضن جـــــــــــــــاسم..وهــو بعد مارام اييــود عمـــره عضبن عنه ذرفت دموعه ..وبنفس الوقت يضــحك ومستانس انه شاف عــوشه..هاي عوشه اللي يــوميا كانت تتصــل فيه وهو في الغــربه من يــوم ماراح..عــوشه وجــاسم وايد متعلقين في بعــض..عسى الله لا يغــير عليهم..
راشد: هههههههه خيبه خيبه..بســـكم..عنــبو جنه الا عشــر سنين هب شايفين بعض
عوشه وهي تصــيح: جـــسوم ..معقــوله انت جســـوم..لااااا لاااااا..انا ادري انت الحيــن بتختفي اصــلا انا في حــلم مب في علم..
جاسم: ههههههههههه لاا لاا صــدقي فديتج ..شوفيني انا مااختفيت لين الحيــنه
عوشه تضــربه على جتفه: يالخــــــــــــايس ليش ما قلتلي انك بترد اليـــوم..وانا امسات مرمستنك..
جاسم: ههههههههه قلت اخليها مفاجئه ..احســـن..
عوشه: واحـــــــلى مفاجئه بعد..يا ربيييي انا لين الحيــن مب مصــدقه معقوله اللي جــدامي جاسم..بس تعــال اشــوفــك محــلو زياده..شو السالفه !!
جاسم: هههههه احم احم ..اصــلا انا طول عمــري حـليو..
عوشه: طــالع علي خخخ
جاسم: ههههه لا والله مب جــني انا اكــبر..انتي اللي طالعه عــلي..
عوشه: خـــلااص ولا تــزعل انا اللي طالعه عليك..
راشد: اشعـليك الحين لــو طلبت اي شي من عوشوه ما بتــردك..
جاسم: ههههه هي ادريبها..بستغــلها هالاسبوعين اللي بيلس فيهم
عوشه: شووووووووه!!..بس اسبوعييين!!..لا شويه..
جاسم: شو اســوي ترى عقبها بنبدأ امتحاناتنا..
عوشه: هييه عســب جيــه..انزين عيـــل خل اسير ازقر مــريوووم..سير انخــش اي مكان ويوم سمعت صــوت مريوم اطــلع خل تتفاجأ..
جاسم: ههههههه انزين..
طلعت عــوشه وسارت صوب حجرة مريم ودشــت عليها..
عوشه: مريووم تعالي حجرة راشد بسرعه
مريم: ليش يباني..!!
عوشه: هي تعالي بسرعه..
مريم: انزين يالله نسير...
راحوا عوشه ومــريم حجرة راشد ودشــوا على طول..
مريم: هلا راشــد.. عوشوه تقول انك تباني..
راشد: هــيه بس جيه ابغيج تقعدين وياي ..
مــريم: انزين قــعدت..يالله قولي شو فيـك..شي في خاطرك تبا اتقوله ؟
..: هــيه في وايد اشــياء في خاطري ابغي اقوله..
انصــدمت مريم من هالصــوت وتمت مبققه عيـــونها..اويي امنوا هــذا ..ومن وين ياها هالصــوت..وانصدمت اكثر يوم شافت عوشه وراشد ناقعين من الضحك عليها..صدت وراها..وشــــافته ..شــافت جـــاسم..
مــريم تمت مبققه عيــونها من الصدمه: اويييييييي انا مــب جني اعرفك..
جاسم: هههههه هي جــنج بس خلااص الحين دكــتورتنا كــبر راسج شكلج نسيتينا..
مريم: هههههههه يــا بعد عمري والله جـــاسم..(ونشــت من مكــانها وسارت على طول حضــنته)..والله لــك وحشــه..
جاسم: وانتـــوا اكــثر والله..
مريم: قـــولي انت متى راد..وليش ما خبرتنا انك بترد
جـاسم: هههه قلت اخليها مفاجئه..
عوشه: يالله يالله تراني حددي يوعانه ..بنسير نتغــدى..
جاسم: لاااا الحمدالله انا تغديت ويا الوالده والوالد..
عوشه: صــدق انك ما تســتحي ..يعني مااترييتنا هاا..ما يخـــصني بتي بتتغدى مره ثانيه..
جاسم: ههه شو اسوي انزين انتوا اتأخرتوا وانا كنت يوعان..وبعد بسيــر الحين عند الربع..
عوشه: شـــو !!..عند الربــع ..!!..لاا لاا انت اليــوم مالي انا ..انا ما صــدقت انك ييت..
راشد: ههههه مالي انا اونه..جي بكم شــريتيه..
عوشه: ههههههه سخيف انزين..
راشد يســير عندها ويمــط شعــرها عالخفيف: منو السخــــــــــيف..
عوشه: انا انا هــــــــدني..
راشد: هي عبالي بعد..
جاسم: لااااااا راااشد عاد كله ولا عوشووه ماارضـــى عليها انا..
عوشه: هــيه باين..عيل مااشوفك تحــركت لما يااا يمط شــعري ..(بحــزن)..لا والحين تبا تخلينا وتروح..
مريم: اشفيج يا عوشه ..خلي الولد يسير يشوف ربعه وانتي لاحقه عليه ترى..
جاسم: لــج مــني اول ماارد من عندهم اطــلعج اوديــج اي مكــان تبين ..لا وبعشــيج برع اليوم بعد..
عوشه بفــرح: صــدق والله جاسم؟؟!!
جاسم بابتســامه خفيفه : هي والله..
مريم: انزيــن راشد انت متغــدي.؟؟
راشد: هي انا متغــدي برع ويا ربيعي ..
اهاا زين عيــل ..يالله عوشووه نشي خلينا انســير نتغدى نحن تــرى وايد اتأخرنا اليوم والحيــن اذن العصر..
عوشه: اوكــي يالله نســير..
راحوا عوشه ومريم تحــت يتغدون ..وطــلع جاسم من حجــرة راشد بعد عشــان يسير يتزهب حق الطلعه..
ليــن مااتجــهز جــاسم خــلصوا مريم وعــوشه غداهم وكانوا يــالسين في الصاله يسولفون..
مريم: يالله قــوليلي شو سالفة البنـــت..
عوشه: امممم..مريوم انا الصراحه خايفه اقولج السالفه...
مريم: وليــش خايفه تقولين لي..
عوشه: لان الســالفه تخصج انتي ..
مريم: اتخـــصني انا !!!..قولي شــــو !!!
عوشه: بقــولج بس خــليج هاديه اوكي ..
مريم: عوشوووه زيغتيني قــولي شو السالفه..
عوشه: انــزين ..سمعي ...اول ما تبغي اتقولها يــنزل جــاسم وهو كــاشخ..كان لابس كندوره لونها بيج ومتعصــم بسفره لونها بيج بــعد ..وملتحــي عالخفيف..كان حــلو واايد ماشاءالله عليــه ..
مريم: الله الله..شــو هالكشــخه ..انا اشك انك ساير عند ربعك..
عوشه: هييه عادي تلقينه الحين يايبله وحده انجليزيه من هناك وساير عندها..
مريم: بس عوشوووه عيــــــــب !!
جاسم: خــليها خــليها يا مريم..هههههه محــتره..
عوشه: هيييه محـــتره..انا ماصدقت يــرجع وهو يــبا يطلع ..
جاسم: تراني قلتلج بطــلعج من ارد من عندهم ..
عوشه: انزين خـــلاص..
مريم: خــلااص فديتك جاسم روح ربي يحفظك..
جاسم: فديتج والله دكــتورتنا ..يالله مع السلامه
عوشه: هـــيه بس اتفداج انتي ومااتفداني انا بعد..
جاسم: هههههههه انتي عاد الغــلاا كله..انتي عوشه حبيبتي ..
عوشه: هههههه هي جيـه اوكيييه الحيــن روح المكان اللي تبغيــه..ربي يحفظك..
جاسم: ههههه يالله مع السلامه
مريم & عوشه: مع السلامه..
مريم: يالله قولي شو السالفه بســرعه تراني خايفه..
عوشه: مم انزين اسمــعي ..وقالت عوشه الســالفه من اولها لمــريم من يوم ماشافوا مروه ليـــن اليوم اللي خــبرتهم عن امها عايشه وعن صــورة مريم ..الكــلام اللي قالته عوشه كان مــثل الصاعقه نزلت على مريم..وتمت مبققه عيــــونها من الصــدمه...لاا لاا مســـتحيل..لاا خالوه عايشه مااتســـويها..
مريم ودموعها تسيل على خدها لا ارديا: عوشوووه..عوشووه الله يخــليج قولي غير هالكــلام..لاا لاا خالوه عايشه انا اعرفها ..مااتســـويها..
عوشه: صـدقيني يــامريم نحن روحنا انصــدمنا جيه شراتج..كيف مااتســويها وبنتها اتقــول انها شافت صــورتج انتي وصــورة واحد عندها !!
مريم: صــورة واحد بعد !!..سكتت مــريم شــوي وعقــبها..هي خــلاص الحيــن عرفت شــو السالفه..عيل هــاك اليوم..يوم كانت ترتب حجرة راشد..وتشــوف البوم صــورنا ..خذت صورتي وصــورة راشد..(مســحت دموعها وبعصـــبيه)..لاااااا لااااا هالشي ماينسكـــت عنه ..شو ناويه تفضحــنا هاي ماخذه صــورتي وصــورة اخوي بعد ..مــب من حقها اصــلاا..
وعــلى طــول نشت من مكانها وطــلعت من الصــاله بتســير صــوب حجرتها وهي خــلااص حاسه انها تفـــور من الــــداخل ..ومعصــــبه وااايد..نادر ماانشــوف مريم معصــبه جيه..ونشــت عوشه وسارت ولحقتها..
لــــــــــــــــكن..اول ماوصــلت مريم عند حجــرة عايشه..سمعــت صــوت صــراخ.. كان داخل الحجره عندها ويصــارخ عليها وجالب الدنيـــا على راسها..
ظنــــــــــكم,,
منو هــــذا..وليش يالس يصــارخ عليها؟؟..
ومـريم ..كيف بتعامل عايشـه من بعد ما عــرفت سالفة الصوره ؟؟!!
ســاره ناويه نيــه شينه على عوشه..ممكــن انه تتطــور علاقتهم ويتحقق اللي في بال ســاره والا عــوشه بتكشــفها ؟؟
امـــيره ..راشد..نـــوره..شــو ممكن يصــير من بينهم..؟؟!!
نــــواف ..؟؟!!..حاس بالظــلم في داخله ..تعتقــدون انهم بيتخــلون عنه كلهم ؟؟!!
|