الجزء الثامن..
مريم: أقــــول ابوي..
بو راشد: قــولي يا مريم..
مــريم: ابـــــوي ممكن .........................
قـــــالت مريم اللي عندهــــا ومــا حست الا ابــوها نـــاش من مكــانه والشراره طالعه من عيونه..
اهنــــــي ملامح الخوف بدا يظـــهر على ويه مــــريم..وندمت على ســـــؤالها اللي سئلته لابوها ..
بــــو راشد بعصــــبيه: إيـــــاني وإيـــــاج يا مريم اتيـــــــبين هالطــــاري على لسانج مره ثانيه فاهمه والا..!!
مريم بخــــوف وتردد: بس ابــــــويه اعتقد ان هذا من حقي..
بو راشد: بس مــــــــــريم خلاص عاد..ماابغيـــج تطلبين منــي هالشي مره ثانيه وان شفت انه ســـؤالج هذا اتكــــرر مااتـــلومين الا نفســج..
تطـــلع فاطمه من الحجره على صــوت الصراخ واتسير صوبهم..
فاطمه: اشفيــــك يا علي..وليش اتصــــارخ؟؟!!
مريم من شافت مرت ابوها يايه صوبــهم سارت حجــرتها وهي حاسه بضــيج وخيبة امـــل ..اول ما دشت الحجره فرت عمرها عالفراش وتمــت تصيح من الضيج اللي فيها..
بو راشد: لاااا ماشي..انتي لين الحين ما نمــــتي..
فاطمه: شــــو ماشي الله يهديك وانا كنت اسمعك اتصـــارخ..
بو راشد: قلنالج ماشي يا حـــرمه..يالله خلينا انســـير نرقد ..وفكيـــــنا من هالصدعه
فاطمه: هي يالله انســــير نرقد وباجر الصبح بتفاهم وياك
بو راشد: يصير خير لين باجر الصبح ..يالله..
اول ما يدخــلون بوراشد وفاطمه حجرتهم ..يطلع راشد من حجرته وهـــو كاشخ ..قبل لا ينــزل من الدري يسير صوب حجرة مريم..يدق عليها الباب..
مــــريم تمسح دموعها عالسريع وبصوت مبحوح: امنـــــوا؟؟
راشد: انــــا راشـــد..ادخل؟؟!!
مريم: ادخــل
يدخــــل راشد بابتســـامته المعتاده ويتقـــرب من مريم وييـــلس حذالها..من شاف ويهها اختفت ابتسامته وتم يطـــالعها باستغراب..
راشد: مريم فديتج ..شو بلاج..؟؟!!..انتي كنتي اتصيحين؟؟
مــريم ما قدرت تستحمل ما حست بعمرها الا وهي في حضن راشد وتصـــيح شرات اليهــــال ..راشد اهنـــــي انصدم من شـــاف حالة مريم...
راشد باستغراب وخوف: مريم حبيبتي ..شو بلاج فديتج ..قوليلي ..
مريم وهي تصــيح: ابوي يا راشد ابــــوي ليش جي يســـــوي فيني..انـــا ما طلبت منه طلب تعجــــيزي..طلب يقدر يســـويه بثـــــواني بس..ليش حارمني لييييييش
راشد: مــــريم ..!!..شو الســــــالفه؟؟!!..
مريم: طــــلبت منه يعطيـــــني صورة امــــي بس صوره وحده احتفظها عندي..عصــــب علي وقالي ماابغيــــــج تطلبين هالطلب مره ثانيه..
راشد: هههه والله ضحـــكتيني يا مــريم..هذا اللي مضايقنج..!!!..يا بنت الحـــلال خليها على الله..تدرين انا طلبتها قبلج..قــــالي نفس الكلام..
مريم: حــــــرام عليه...ليش جــــي يسوي فينـــا..مو كفايه انحــرمنا منها ومن حنـــــانها واحــــنا صغار..حارمنا من شوفتها بعد لييييييش !!
راشد: والله عـــلمي علمج..انا روحي مب عارف ليش ابـــوي ما يبانا انشوف امنا..يتنهد..الله يرحمها..المهم فديتج انتي لا تسوين في نفسج جيه..ويالله ارتـــاحي..
مريم تنش من حضن راشد وتمسح دموعها وتبتسم: الله يــرحمها..شو فديتك بتطلع؟؟!!
راشد: هــــي بطلع..
مريم: وين بتسيــــر؟؟
راشد: بســــير المزرعه ..
مريم: اهاا انزين بترد والا بتبات اهنـــــاك..؟؟
راشد: مااعرف ..انتي لا تحـــاتين فديتج ارقدي الحين..واذا ما تبين ترقدين ييبي عوشوووه وحمدوووه عندج هههه صدقيني بيخلونج تضحكين غصـــبا عنج..
مريم: هههه ادريبهن..لا انا بيـــلس اذاكر شوي وعقب برقد ..
راشد ينـــش من مكانه: خـــلااص عيل ذاكــــري ..وانا بخليج الحين..
مريم: ربـــي يحفظك..
في حجرة عوشه..
حمده: اوييييييييييييييي عوشووووووووووووه!!!
عوشه: هاااااااااااا شو تبييييييييين..
حمده: ويعاااااااااااا..شو هاااا بعد.. ما شي احتـــرام حق اللي اكبر عنج ..قوليلي نعــــم..
عوشه: شوووووووو!!!..اكبر عنج اونه..آسفيييين يالعيـــــوز..
حمده: ههههههه لاا عاد مب عيــــــــــــوز..
عوشه: انزين ويا راسج شو تبين تقولين فكيني مب فاضيتلج انا..
حمده: لاا والله مرقدتني عندج اليوم بعد وتقولين مب فاضيتلي ..!!
عوشه: والله انتي عندج عقــل واتفكرين ..يعني مثلا لو انا قلتلج عقي نفسج في البحر بتعقين مثلا!!
حمده: لااااااا مثـــــلاا
عوشه: انزين عيل انجــــــبي مثلا
حمده: انزين ويا راسج بشـــــوف مره ثانيه منو بيسمع كلامج وبيرقد عندج مثلاا
عوشه: ههههههههههههااااااي بلاج علقتي على مثلا
حمده: هههههه اشدراني مثلا..
عوشه: ههههه انزين ما قلتيلي شو تبين اتقولين؟؟
حمده وهي حايسه حلجها: عوشووووه شكــلج ناسيه انه يوم السبت عنا امتحان رياضيات
عوشه: اخخخخييييي ..هيييييه صح ..والله كــــــنت ناااااااسيه
حمده: يعـــــني لازم نرقد الحين عشان اننش باجر من وقت ونذاكر..
عوشه: لااااااااااااااا حمدوووووه باجر اليمــــعه يعني عادي اننش جي قولي على صلاة الظهر ونذاكـــــر
حمده: ســــــــــــــيري لاااااااا..شو على صلاة الظـــهر ..الامتحان على وحدتين اتخيـــلي ..ما بنلحق انخلصهم
عوشه: اممم هي صــــح..الله ياخذ ابليسج مااتذكرتي الامتحان الا الحين..يعني جان اتذكرتيه باجر..على الاقل كنا بنسهر على راحتنا اليوم
حمده: سيري لاااااا
عوشه: وين اسير لاااااا
حمده: ماادري لاااا
عوشه: انزين لااااااا..
حمده: خخخخخ يالله انخمدي لاااااا
عوشه: هههههههه لاااا لااااا
حمده: ههههههههه ماادري عنج..
عوشه: هي وانتي على طـــــول تقلدين
حمده: اذا ما قــــلدت بنت عمــــي وربيعتي وحبيبتي عيل اقلد امنوا ..!!!
عوشه: اوييييييييي لاااا دخيلج حمدووووه شوي شوي علي مااتحمــل كل هالكلام مره وحده انا
حمده: اقــــول..انا وايد عطيتج ويه يالله يالله انخمدي اشوف
عوشه: اوففففففففف انزيييييييييين..
...............
اليوم الثاني ..الصبـــــح..نشــــت من الرقاد وهي حاسه بتعب وصـــداع فضيع..لانها طول الليل مارقدت..كله تفكــــر في الاســلوب اللي رمست فيه مروه ويوسف امـــس ..الفتت صوب اليمين وشافت يوسف راقد..حبــــته على راسه.. وجان يفتـــح عيونه بصعوبه وينــــش..
يوسف: امــــي !!..اشفيج؟؟؟!!
عايشه: لاا فديتك ما فيني شي ارقد..
يوسف وهو يتثــــــاوب..: ليش الساعه كم الحين؟؟!!
عايشه: الحين الساعه 11..
يوسف: لاا بنــــش الحين ..ماباقي شي على صلاة اليمعه..
عايشه: انزين فديتك على راحتـــك..
نـــش يوسف من مكانه واول ما يبغي يطلع من الحجره ..
عايشه : أقوول يوسف..
يوسف: نعم امـــي قولي..
عايشه: يوسف فديتك انت مب زعــــلان مني !!
يوسف: وليييش ازعل منــــج..!!
عايشه: عشان امــــس
يوسف: لاااا عادي..ماازعـــــل منج انا..
عايشه: فديتك والله ..خلااص تقدر تروح الحين..
راح يوسف عنـــها..ودخلت مروه..
مروه: صــــــباح الخير يا احــــلى ام في الدنيا..
عايشه: هههه فديت روحج انا..صبـــــاح النور ..
مروه: هاااا امي شحالج اليوم ..؟؟ان شاء الله بخير..
عايشه: والله الحمدالله انتي شحـــالج؟؟
مروه: انا الحمدالله..
عايشه: ومتــــى ناشه..
مروه: تـــــوني..
عايشه: وشـــيخه وينها؟؟
مروه: راقــده لين الحين..
عايشه: انزين عيل انا بسير الحين بسوي لكم شي تاكــــلونه..
مروه: هي يالله امــــــي وانا بيي ويــــاج وبساعدج..
عايشه: زيــــن يالله..
...................
صاعده فــوق وهي ميوده سندويجـــة جبن وتــاكل..ســـارت حجرته وما لقته ..قالت اكيد هو في الحجره اللي حذال حجرته..دقت الباب..
..: امنوا؟؟!!
أميــــره: أنـــــا..
حمد: دشـــــــي..
دشـــت اميره وبندت الباب وراها..وسارت صـــوب حمد..
امــــيره: هاااا اخـــي العزيز ..شو تســــــوي..
حمد: يعني شو تشوفيني اســـــوي..!!!
أميره: ههههههههههه هاي مب جنها مريووووووم اللي ياس ترسمها..
حمد: هيـــه فديتها ..ليش مب عايبتنج!!
أميــره: لاا والله حـــلوه مرت اخــــوي..بس مب جنك محلنها وايد في الرسمه
حمد: ههههه اصلاا هي اللي محـــليه الرسمه ..
أميـــره: هههه والله لــــو مريووم اتشوف الرسمه اكيد بتستاااانس..
حمد: وانتي نســــيتي انه بــاجر يوم ميلادها....هاي بتـــكون هديتي لها..أميــــــروه اياني واياج اتقولين لها شي..ابغي اســــويلها مفاجئه
أميره: هــــــــــــي صح..وانا شقــــايل ما يــــا في بالي ..وهي تقول في خاطرها يعني يوم ميلادك بعد يــــــا راشد..آه ليتني بس خطيـــبتك جــان يبتلك اغلى هديه..
حمد: هييـــــه..((شـــل عنها السندويجه))..والحين يالله طـــلعي برع..
أميره: اييييييييه رد سندويجتي ..
حمد: ههههه روحي ســــويلج غيرها وســـويلي وياج بعد..
أميــــره: هههههه دب انزين..
حمد: مقـــــبوله منج..يالله طـــــلعي..
اول ما اميره تبغي تطــلع تدش ام حمد..
اميـــره: الله يـــــــــابج ياامي..
ام حمد: ليش شو مســــتوي ؟؟
أميـــره: هذا ولــدج الدب خذ عنـــي سندويــجتي والحين يباني اسير اسويله بعد..
ام حمد: هيييه وشو فيها يعـــني ..سيري ســويله فديـــــته..شوفي شقايل ويــهه مصــفر وضعفان ما ياكل عـــدل..
حمــد اهنــــي تشقق ..وتم يتطــــالع اميره ببــــراءه ..
حمد: شفـــــــتي ..مااكل شــــي انا ضعفان وحليلي
اميره: لا واللــــــه..الحيــــن بذمتج ياامي هذا الدب اتقولين عنه ضعفان وماياكل شي..هي دووم توقفين بصــفه انتي ..اصلاا انا محد يحــبني ..
ام حمد: وييييه كلكم عندي نفس الشي محد احسن عن الثاني..
اميره: هـــــــــيه بايييين..
حمد: انا ولدها الوحيــــد من حقي اتدلعــــــني..
اميره: انت الحين مال دلــــع!!!..شيبت واتقولي دلـــع!!..هههه الله يعين مريووموو عليك..
حمد: ههه فديتها والله ..ادريبها بتدلعـــــني..
أميره: أمــــي تعالي شوفي ولدج العاشق الولهــــــان..يالس يرسم خطيبته..
ام حمد: ويييه فديته رســــــام ولدي..والله راسمنها عــدل بعد..مااشــاء الله عليها مرت ولدي اشحلاتها..الله يخــليكم لبعض وأفــــرح فيكم وبعيــــالكم ..
حمد: آميــــــــــن..بس انا اللي قــاهرني انها قالت بتأجل الملجه ..اوفففف كم بتريا انا!!
ام حمد: اصــبر فديتك ترى هي بعد وراها امتحانات وحليلها ..
حمد: انزين امي انا ما بسيرلها كل يوم..بس في الويكند..
أميره: هههه هاي مريووووم الزلمه حتى في الويكنــــد تذاكر..اعذرها يااخوي تراها تدرس طـــب ..
حمد: الله يوفقها..يالله بتــرياها شو بسوي بعد..المهم امــــي كلمتي ابوي عاللي قلتلج ..تراني نسيت اقوله..
ام حمد: هيييه وانا بعـــــد نسييييت...
اميره: جــــــي شو السالفه!!
ام حمد: اخــوج يبا يسوي فيلا ثانيه يمب فيلتنا علشان يعيشون فييه هو ومريم..
اميره: والله فكـــــــــــره حلوه ونحن بعد مساحت بيتنا عوووده يعني يستوي بس حمووود مب جنك مستعيل ..بعده العرس
ام حمد: لااااااا..لااا مستعيل ولا شي..لين ما يبـــنونه ويأثثونه يباله وقت..
حمد: هي صدقج امــي بس ان شاء الله ابويه يوافق عاد..
ام حمد: ما عليك ابــوك مااظنتي بيرفض..
...........
في حجرة عوشه..
عوشه: يالهبـــله انا جاوبت قــبلج هالجواب
حمده: لااااااا انا جــاوبت قبلج ..انتي جوابج كان غلط اصلا..
عوشه: هي وانا كــل مره جـــوابي غلط..وانتي دايما صــح
حمده: تعالي تعالي خل افهمــــج..
عوشه: مشكــــوره روحي بفهم عمري مافيني باجر ارسب في الامتحان
حمده: عوشوووه يعني اونج زعـــلتي !!
عوشه: هـــــــي زعلت يالله راضيني..
حمده: سيري لاااا والله متفيـــجه..
يسمعـــون صوت دقات الباب..
عوشه: امنــــــوا؟؟!!
مريم: أنــــــا..
عوشه: دشـــــي...
مريم: هاااا..شو تسوون؟؟!!
حمده: قاعدين انذاكـــــر
مريم: شو عنكــــم امتحان باجر؟؟!!
عوشه: هي امتحان رياضيــــات..
مريم: ماشاءالله امتحــان رياضيات ومن اليوم باديين اتذاكرون..!!
حمده: هااا عيل متى تبينا نبــــدأ نذاكر..؟!
مريم: يعني من الخميـــــــــس
عوشه: جــــي كل الناس شرات دكتورتنا ..
حمده: ههه هي والله نحن اليوم بالغصب ناشين من الصبح نذاكر..وبعدين امتحانات التقويميه هاي مب محسوبه يعني مافي داعي انتعب عمارنا وايد..
مريم: هي بس التعــب الحين احســن من عقب انتو ثانويه عامه ..
عوشه: اوووه انا شكــلي بتعقد كل كلمه والثانيه قالوا ثانويه عامه..وبعدين تعالي انتي شو مطلعنج من الحـــجره !!!..انتي قلتي عندج امتحان باجر والعاده اذا عندج امتحان ماانشوفج
مريم: هيــــه تراني من امس وانا اذاكر يحلييلي والحين ماباجيلي شي غير اني اراجع مب شراتكم..
حمده: هههه لا ما عليج ان شاء الله لو صــرت دكتــوره كله بجابل كتــــبي..
عوشه: نعــــم نعــــم!!..قالت بتستوي دكــــتوره..لاااا حــــرام اجيــال المستقبل نبغيهم..حــرام يموتون على ايدج..
حمده: الا قـــــــولي محد بيتم في البلاد الا وانا معالجتنه..
عوشه: ههههه هـــــيه صح..بنشوف..
مريم: انزين بس بس انتوا اول شي خلصوا الثنويه عقب فكروا شو تدرسون..يالله انا بخليكم الحين..
عوشه: لااااا مريوووم تمي وين سايره؟؟
مريم: بســـير اشوف راشد..اخاف راقد لين الحيــــن ..
عوشه: انــــزين عيل يالله سيري..
حمده: هههه خيبه والله دفشه ..يالله سيري اونه
مريم: هههه عادي عادي مب غريب عليها ..يالله بــاي
حمده: هههه باي..
عوشه: حمدووووووه..
حمده: هااا شو تبييين..؟؟!
عوشه: خـــاطري في نودلــــــز نشـــي بنسيــــر نســـوي..
حمده: عوشوووووه ما باجي شـــي عالغــدا
عوشه: لاااااا ويييييييين..بعده..يالله دخـــيلج نشــــي
حمده: انزين خلي البشكــــاره تسويلنا احســـــن..
عوشه: لاا لا اصلاا حــلاته روحنا نســــويه..يالله نشـــي خلينا انسوي اي شي خلينا نرفه عن عمارنا شوي اوفف مليت من الصبح واحنا قاعدين نذاكر..
حمده: ههههه محد بيرسبني باجر غيرج..يالله..
.........
مــر الوقت عليهم بســرعه ..حمده وعوشه تمــوا يذاكرون لين ما اتعـــــشوا ..وعقبها ردت حمده البيت ورقدت على طــول ..ونفس الشي عوشه ..من التعب اللي فيهم..
مريم راجعـــت مراجعه أخيـــره قبل لا ترقد..وصــلت ركعتين ..اول ما تبغـــي ترقد يوصلها مسج..((الحيــــن الساعه 12 بالضبط..اقــدر اقولج كــل عام وانتي بخير يـــا أغلى انســانه في حياتي ))..اول شــي استغربت من المســج لانها كانت نــاسيه انه اليوم ..هو يــوم ميــــلادها..بس عقبها استـــانست من الخــاطر انه حمد يتذكــر هاليوم ..وردت عليه بمســج ((وانت بخــــير ^__^..)).
استــــانس حمد من الخاطر لانه كــان يتريا الساعه 12 عشان يطــرش لها مســج ويهنيـــها قبل الكــل ..وهو تفكيــــره في باجر يوم بيقـــدم لها الرسمـــه اللي رسمها..بعد ما خلصــها حطها في بـــرواز عــــود..والصــوره احــلوت زياده..وماشاءالله عليه قدر يضبــط الرسمـــه عدل وســــواها شرات الصـــوره بالضبـــــط..
..............
اليـــــوم الثاني..
في مدرســـة الشباب في الكـــــويت..وكــان وقت الفسحه عندهم..كــانوا يالسين شــلة ســلمان في الصـــف ويســولفون..
ســلمان: اخخخخ بس لو يطـــيح في ايدي مره ثانيه كنت بذبحــــه..
احمد: وشـــو اللي مانعك ..تلقاه الحين يتمشــى في الساحه ..بنســـــير له وبنطــــقه طق السنه بساعه
عادل: ايـــه والله ..كلام ســالم صح..يلا يلا قبل لا تخلص الفسحه..
سلمان وهو يطــــالعهم ويبتسم لهم بخبث..
سلمان: لاااا لاااا..آنـــا أعــــرف شلون اطيــحه في مشكـــله ويكون فضيحته على ايدي..
احمد وعادل يطـــــالعونه باستغراب..
احمد: شو اللي ناوي عليـــــه يا سلمان؟؟
سلمان: ههههههه بعديــــن بتعرفون حبايبي..
عادل: زين زين يوم انك عرفت شو تســوي فيه الجلب..المهم فكونا من سالفة نواف وخــلونا انسير الحمــام ناخذ لنا شفطه..
سلمان: ويـــاك الباكيت؟؟
عادل: عندي آنا باكيـــت كامل وولاعه..
سلمان: زين يالله ..ســــــرينا..
..........
نـــزل من سيــــارته..كان رنج روفر لــونه اســـود..عليه رقم دبــــي ثلاثي..بند البــــاب وراه واتجــه صوب بوابة الشــركه..دش داخــــل..كان يتمــــشى بغـــــرور..وكل من يشــوفه يفسر مشــيته انها مشـــيت ريال له هيــبه وشخـــصيه ..والبنـــات اهناك يتخبلن عــليه من يشوفنه ..ويتــريون منه نظــره وحده بس ..بس هـــو عاد ما يعــبر اي وحده مني والـــــدرب..كـــان بالفعــــل غاوي ..و فيه كل المواصفات اللي يتمــــنونه بنات اليوم في الريــــال..أسمــــراني وطــويل ومعــضل..وكان لابس كنــدوره سوده وغتــره حمراا ..كــان بالفعل خبــال ويجـــذب الكل صوبه..
هند: أحـــــلاموووو والله يخـــبل ..نظــره بس نظــره ما نبا شــي ثاني..
احلام: هييه هوو حليــــو..بس ماادري على شـــو شايف نفسه..
هند: من حقـــه والله..انتي شوفيــــه هيبه وشخـــصيه ..يا ربي وايد غاوي هالريااااال.
احلام: انزين انزين فكيــنا واللي يعافيج ..كلما ايي الريال اتعيدين نفس الاسطــوانه ..ما يسوي خــير يوم ايينا الشركه..
هند: لاا لاا ان شاء الله دوووم ايي..ترى يقــولج صاحب الشركه ربيعــــه..
احلام: هـــيه ادري ..
هند: هييه ترى صاحب الشركه بعده مو معـــرس ..
احلام: هههههههه انزين وانا اشـــلي..
هند: هههههه انتي خذي صاحب الشركه وانا باخذ هذا الغاوي ..
احلام: ههههههه انتي وايد تحلمين ..هاييله ما يشوفون اللي شـــراتنا..
هند: ليـــــش !!..وشو فينا احنا
احلام: مب من مســتواهم..
صــعد الطابق الثاني ..ســـاير صوب مكتب صـــاحب الشركــه ..وهو يمــــــشي..سمع من وراه صــوت بناتي ناعــــــم..
...: كـــل عام وانت بخير..
التفت وراااه وشافها..كـــانت غاويه وايد هالبنت..ماشاءالله عليها ..اتخــبل على جمالها من شافها بس غــروره منعه انه يبين هالشي لها..
راشد: وانتي بخـــير..هلا نوره..
نوره ((بابتســــامتها اللي زودت من جمـــالها )) : اهلين حبيبي..تمد ايدها وهي ميــوده كيـــس باريس غاليري..تسمح لي اقدم لك هاي الهـــديه البسيطه!!
راشد بتكــبر : لااا طــبعا..اصــلا انا زعلان منج..
نوره: افاااا ليـــــش حياتي شو اللي مــزعلنك قولي انت بس..
راشد: لين الحين ما رديتي علي في الموضوع اللي رمســتج فيه ..
نوره وهي حايسه حلجها: اي موضوع؟؟!
راشد: انتي عارفه اي موضوع ما يحتاي اقولج..
نوره: حبيبي والله صعـــبه انت عارف ظــروفي زيين ..
راشد: اي ظــــــروف!!..بس خلااص فهمت الحين..انتي اصلا ما تحبيني لو تحبيني جان ما تعلثتي بالظروف
نوره: صــدقني يا راشــد الطلب اللي طــلبته صعب تنفيذه..
راشد: مب صــعب..لو انتي تحبيني صــج بتسوين اللي اقولج عليه بس خــلااص عرفت انج ما تحـبيني ..يتنهد..حســافه الحب اللي انا عطيــتج وكــل ثانيه كنت افكر فيـــج..الله يوفقج في حيــاتج يا نوره..يالله مع السلامه..
ويطـــوف من جدامها على طــول حتى من دون لا يعطيها مجــال انها ترمس..
نوره: أويييييه هذا لا يكــون زعل..لاا يا راشــــد دخيلك انا مااتخيل حياتي من دونك..ما عليـــه بتصـــل له عقــب وبتفاهم ويــــاه..
دش راشد المكــــتب ..
راشد: السلام عليكم..
محمد: وعليكم السلام هـــــلاا.. وينك انت ابطيـــــت ياخي..
راشد: هالبنات ما يخــلون حد في حاله
محمد: ههههههه لاا لاا حددك عاااد بنات الشركه مالك شغل فيهم..هاا امنوا هــــاي ..صيده يديده!!
راشد: لااا جــديمه يا رياال معفنه عندي..
محمد: ههههه شو تبا فيـــــها عيل دور غيرها..
راشـــد: مــــب قادر ..حـــلوه واااااااااااااايد !!
محمد: لا تقـــــــــولي اتحبها !!
راشد: ههههه لا يا رياااال انا وييييييين والحب ويييييين..
يسمــعون صوت دقات الباب..
محمد: اتفــــضل..
إياد: السلام عليكم..
محمد: اهـــلا اياد وعليكم السلام..
إياد: كيــفك استاز راشد..
راشد: هلا هلا اياد..الحمدالله كيفك انته
إياد: إمنيـــــح..لو سمحت استاز محمد بدي اسافر لســـوريا لمدة شهــر ..يا ليت لو توقعلي على اجازه..
محمد: شــــهر !!..خير ان شاء الله..؟؟
إياد وهو مســـتحي: بدي اتجـــــــوز..
محمد وهو يبتسم له بابتسامة خبث: اهاااا تتزوج ..زين زين بالبركـــه عيل ..
إياد: الله يبارك فيك استــاز..وعقبالكم ..
محمد: ان شــاء الله..هات ورقة الطــلب..
إياد: اتفضــــل..
وقع محمد عالطــلب وعطاه الورقه..
محمد: خـــلاص تقدر اتســـير الحين..
إياد: شكـــرا كتييير استاز محمد ..
محمد: لااا افااا عليك يا إيااد ..
إياد: الله يسلمك..ويطــلع من المكتب..
محمد: امممم إياد وبيسافر يعني لازم ندور لنـــا على سكرتير ثاني ييلس مكــانه مؤقت..
راشد: الله يهـــديك شو سكرتير..ييبلك سكــرتيره غرشـــوبه يا ريــــال شرات هاييله اللي اتبيهم في المــــزرعه ..
محمد: ههههههههه لاااااا بعدين كل دقيقه بيلس ازقرها اتيني المكــــتب ..لا بـــــالله اشتغـــلت..
راشد: هههههههههه الله ياخذ ابليسك ..ربيعي ما تنلام..
محمد: ههههه شفت عاد..
............
في مدرســــة البنات ....
..: ههههههههههههههههههه اقوووول ساروه انتي مريـــولج طــــويل شو رايج تقصيــــن شوي من تحت وتعطيــنها عشان تكمــل هي على مريولها
..: هههههههههههه والله فكـــره وايد حلوه ساروووووه..
..: هههههههههههه لاا والله وما لقيتوا غــــــيري انا !!..وليش انتوا ما تعطونها..
..: خــــــــلااص خــــلااص ..كل حد يقص شوي من مريوله ويعطيها ههههههههه
يمـــشون وراها وهم يعقـــون عليها من هالكـــلام..وهالشي تقــريبا يصــير كل مره تطــلع فيه وتتمشــى في الساحه..وهي تمـــــشي والدموع في عيونها بس مقــاومه ومســـتقويه عشان ما يطيحن على خدها وتطــلع جدامهم ضعيــفه..وهي عــلى هالحال لين ما يروحن هالبنات عنها
عوشه: حمدووه والله تكـــسر الخاطر هالبنت ..
حمده: هي صـــدقتي والله حــرام عليهم جـــي يسوون فيها ..
سمــعت الكلام اللي قالوه عوشه وحمده وصدت صوبهم وابتســــمت لهم ..وردولها الابتســــامه.. وسارت عنهم وكملت دربها .. كــبرت هالبنت وايد في عين حمده وعوشه..على الرغم من الكلام اللي ينقال لها ..الا انهـــا قــــويه وتبتسم لهم من الخـاطر بعد وولا جـــنه شي مستوي ..لو وحـــده ثانيه عادي تنفـــجر من الصياح..وهم يتمشــــون كان حديثهم كله عن هالبنت واللي شافــوه منها اليوم..لين ما وصـــلوا الصف..
حمده: يالله عـــوشوووه خلينا نراجع شوي قبل الامتحــــان..
عوشه: هـــي يالله..اول ما تفتح كتابها الرياضيات اللي كان محطاي على طاولتها شافت داخله ورقه..وقـــرت المكتوب فيها ..
عوشه: ههههههههههههههههههههههههههههه حمدوووووووووووووه..معجـــــــــــــــبه !!!
شلت حمده عنها الورقه وهي مستــــغربه وتمت تقـــرا..(عـــــوشه ..الصراحه انا احـــــبج وايد ومعجبه فيــــــج وفي خاطري اتعرف عـــــليج ...ممكـــــــن والا لا ..؟؟!!)
حمده: ههههههههههههههههههههه والله سخـــــــــــــــافه !!!
عوشه: احم احم ..لااااا لييييش سخـــــافه ..وحده حــلوه شراتي لازم ينعجــبون فيني ..
حمده: ههههههه مالت عليج ليكـــون صدقتيهم ..يستعبطون عليج هذيلااا
عوشه: لااااااااااا مااعتقـــــــد ..اتحيدين يوم قلتلج في وحده دوووم تطــالعني ..
حمده: هــــيه..
عوشه: انزين انا شـــــاكه في هـــــاي ..
حمده: عوشوووه انا احــذرج منها هـــــاي لا تتعرفين عليها..سمعتــــها دااااااون في المدرسه..
عوشه: والله لـــو تبغي تتعرف علي عادي عندي استــحي اقولها سيري ماابغي اتعرف عليج..
حمده: كيفج..انا حذرتج ..
عوشه: زين زين فكيــنا الحين خلينا نراجع قبل لا تخلص الفسحه وبعدين يمكن ما تطــلع هالبنت اللي انتي تطرينها ..
حمده: يمكن..
..............
في الكويت ..بعــــد مااتغدوا..كــانوا يالسين كلهم في الصاله الا منـــال اللي تغدت عالسريع وعلى طول صعدت حجرتها ..
خديجه: يا مشعل ماادري شو فيها هالبنت ما تقعد معانا كلش..
مشعل: اييه ما عليه راده من الجامعه تعبانه يمكن تبي ترقد..
خديجه: لاا بس قــبل تقعد معانا شوي وبعدين تروح ترقد..
دلال كـــانت يالسه عندهم وما نطقت بولا كلمه مع انها هي الوحيده اللي اتعرف باللي تسويه اختها ..وشـــافتها هاك اليوم لما راحت ترقد عندها بس من غير لا منال اتعرف..في خاطرها تقول لهم مب قادره تكتم بس خايفه على منال اكيد اذا امها وابوها عــرفوا بيــلعنون خيرها بالضــرب ..ففضــلت انها تسكت..
مشعل: عيل نواف وينه؟؟
دلال: نواف راقد يبا..
مشعل: وانتي ليش قاعده..يالله روحي رقدي انتي بعد..
دلال: اييه ان شاء الله..
خديجه باستغراب: غريبه..دلالوو صايره مطيــعه اشوفها..
مشعل: هههه اييه حتى آنا مستغرب يمكن عقـــلت البنت..
دلال كانت واقفه عالدري وتسمعهم..
دلال: هههههه لا يبــــا ما عقلت ..يمكن مااسمع كـــلامك وايي اقعد عندكم..
صــدوا خديجه ومشعل وراهم وشافوها وتمـــوا يضحكون عليها
............
في مدرسة البنات..
كانت تتمشــــى وهي شاله شنطتها صوب الباصـــات ..مرت من صوب السيايير وشافت سياره فيها وحده منزله جامتها ..تمت اتدقق في البنت ..يا ربيي هاي شكـــلها مب غريب عــــلي ..وتمت تطالعها لييين مااتذكـــرت الصوره..هي.. هي هـــــاي نفسها اللي شافتها في الصـــــوره..واندهـــشت يوم شافت اللي ركبن السياره هم البنتيين اللي ابتسمت لهــــم ..كملت دربها لين الباصات ..وكانت مقـــرره اول ما ترد البيت ترمس يوسف عن اللي شافته..وصلت بيتهم ودشـــت داخل..وعلى طول سارت عند يوسف اللي كان يالس بروحه في الحجره..
يــوسف: هلا مروه..
مروه: اهلييييييييييين..
يوسف: هااا اشفييييييييييج!!
مروه: يايبتلك خــــــبر عشان الصور اللي كانوا عند امي
يوسف: هييه اشفيهم..
مروه: شفت البنت اللي في الصوره اليوم في المدرسه ..
يوسف: بس هي كان مبين من شكلها انها كــبيره يعني مخلصه المدرسه..
مروه: هيي انزين ..هي كانت يايه تاخذ بنتين من مدرستنا..
يوسف: انزين ما تعرفين هالبينتين شو يقربون لهااا؟؟؟
مروه: لااااااا..
يوسف: انزين اسئليهم بـــــــاجر..
مروه: هي ان شاء الله بســــألهم..بس انا اللي ابغي اعرفه شو اللي ياب صورة هالبنت عند امي..!!
يوسف: اممممم تعااااااااالي !!..نحن كيف ما فكرنا فيها..
مروه: شوووو؟؟!
يوسف: يمكن هاييله اللي شفناهم في الصور اهل البيت اللي تشتغل فيه امي وعطوها صورهم..
مروه: امممم هي صح يمكن..بس ماادري مب داش راسي..يعني كيف يعطونها صورهم وامــي ماصار لها الا كمن يوم تشتغل عندهم..معقوله وثقوا فيها بهالسرعه لدرجه انه عطوها صورهم !!!
يوسف: صح كلامج..وبعدين لو كلامي صح ليش امي ما قالت لنا ..ليش ارتبكت من سئلنــاها !!!
مروه بحزن : يوسف انا مااتخيل امي مخبيه علينا شـــي..اول مره تسويها
يوسف: صــدقج والله ..
............
الساعه 5 العصــر ..كانوا يالسين مريم وعوشه وحمده في الصــاله يسولفون..
حمده: عوشوووه والله حرام عليج ساحبتني وياج اليوم بعد..صـــارلي يومييين مب شايفه امي وابوي..
عوشه: ههههه اصلا ولا مهتمـــــين فيج بعد ..حتى مااتصلوا يســئلون ..عشان اتعرفين انه محد بينفعج غيري في هالدنيا..
حمده: ههههههه مالت عليج ..اصلا هم عارفين اني انا في ايدي اميــــــنه..يعني اذا ماكنت في البيت بكون اهنـــي ..
عوشه: لو افتــرضنا اانه حد خطـــفج مثـــلا..وبعدين ..ما بيســـئلون؟؟!!
حمده: فال الله ولا فـــــالج..
مريم: ما عليج منها متأثره وايد بالافلام..
حمده:لا انا عادي انخــطف ..بس انا احاتي انتي شو بتسوين اذا انخطفت خخخخ
عوشه: بســـير عند الخاطف وبقـــوله وياك عـــوشه بنت علي..ويــــــــــنها حبيبت قلبي حمده..من يسمــع اسمي بيرتجف في مكانه وبيأشرلي على مكــــانج ..بدش المكان اللي انتي فيه ويا حلاتج وانتي مربوطه.. بسحبــج من الحبل اللي رابطنج فييه لين البيــــــت ..نياهاهاها عشان اتعرفين اني مب سهله
حمده: جــــــــــــــــــــيه..صخله عشان تسحبيني بالحـــبل !!..صدق انج ما تستحييين وانا قلت الحين بتشــــيل عني الحـــبل اللي رابطني فيه..
مريم: هههههههه صج نذاله فيج عوشووووه
عوشه: ههههههه بشوف اذا كان لي مـــزاج بشيله..
حمده: ههههههههه ويا راسج ..
وهم يســولفون..يدشون عليهم حمد واميـــره..هي صح ..نسيت اخبركم ترى حمد مااكتــفى بالرسمه ..كان ساير اليوم الظهر بعد ما رد من الدوام ويا أميـــره عشان يشـــتري لمريم طقـــم ذهــب من داماس..وكان وااااااايد حـــــلو ..و متأكد انه بيليق على مريم..وبعـــــــــــد ساروا صــــوب ميســـتر بيكـــر ..اشتــروا كيـــكه عـــوده وقال حمد للريــــال يكتب عليه ((كــــــل عام وأغـــــلى انسانه عندي بخــــــير..وتحته..H&M=Love For Ever))..حمده وعوشه تمـــوا مبققيين عيــونهم وهم شايفـــــين امـــيره بيدها كيكه عوده وفوقه طقـــم..وحمد ميــــود الرسمه اللي كانت مغــــلفه..ويطــالعون بعض مسـتـغربين..الا مــريم اللي فهمت السالفه وعــرفت انه ها كــله عشان يوم ميلادها اليوم وتمـــــت متفاجـــئه بالاغراض اللي يايبينها ..
حمده: خيــــــبه خـــــيبه...ليييييش كـــل هااا شو السالفه؟؟!!!
عوشــه: اخاف يايبييينه حقـــي وانا ماادري..
حمده: لاا ليش حقــج ..يمكن حقـــي انا لانهم اشتـــاقوا لي..
مـــريم تسمعهم وناقعه من الضحــك عليهم وحمد يقول في خاطره ..فديت هالضحكه اناا..
حطــت أميــره الاغراض عالطــاوله ويلســـت ويلس حمد عدالها ..
أميره: لا حقــج ولا حقها ..هـــا كله حق مــــريوم اليوم من خطيـــبها حمد بمناسبة يوم ميــلادها..
مــريم استحت واحمــرن خدودها..
عوشه تشهق : اليوم يوم ميــــلادج يالخايسه ومااتقولين !!!!..كل عام وانتي بخــــــــــير
حمده: مرت اخوووووووي فديتج والله وكــبرتي..كل عام وانتي بخير...
مريم: ههههه وانتو بخير ..
عوشه: الله ونــــــــــاسه يالله افتحــــوا الكيكه خل نحــــتفل..
اميره: لحظه لحظه..اول شــي خلو العروس اتشوف الطقــم اللي ياب لها ريلها..احم احم طبعـــا هو من ذوقي لانه ريلج ما يعرف بهالســـوالف..
حمد: جــــــــــذابه..انا اللي اشرت عالطقم وقلتلج بناخذ لها هذا..
أميره: زين زين يعني لازم تفضحــــني..المهم.. ما علينا...(فتحت غطاة الطقـــم وودته عند مريم)هاااه شو رايج عــروستنا..؟؟!!
مــريم: حـــــلو وااايد ..مشكــــور حمد بس ليش كلفت على عمرك ماكان له داعي كل هاا!!
حمد: افااا عليج انتي تستـــاهلين اكثر..
عوشه: يا سلااااام واااايد غاوي ..اشوف مريوووم البســـيه اكيد بيطلع حــلو عليج
حمده: هييه واايد حــلو ماشاءالله ..والله و عــرفت تنقي يا حمد..
اميره: احم احم ترى انا بعد كان لي دور لا تنسون..
حمده: ههههه سيري لاااا..
عوشه: حمد..شو هاللي محطــاي عندك؟؟!!
أميره: احم احم ..هاي المفاجـــئه الثانيه..ومــريوووم هي اللي بتفتحه وبتشــــوفه..يالله حمد عطــها..
ونــش حمد وعطاها الرسمــه وهو يبتسم لها..
عوشه: يالله مريووووووم افتحـــــيه ..
مريم: انزييييييين..فتحت مريم الغــلااف..واول ماشافت الرسمه تمت مبققه عيونها عـــليها من الدهــشه ..
عوشه: أشــــــــوف مريوووم..اوووه هــــاي انتي
حمده: هي والله هاي انتي يـــا مريوم..انت اللي راسمنها حمد؟؟؟!
حمد: هــــــيه طبعا..
عوشه: والله وطلع مب هــــين ولد عمــــي..مضبط الرسمه عدل ويا راسك..
اميره: هاااا شو رايج يالعروس..
مــريم وهي مستانسه من الخـــاطر وهالشي مبين من ويهها: لاا لاا هــذا وايد عــلي الصراحه ..هههه مااعرف شو اقول ..مشكـــــــور يا حمد..
حمد: تستاهــــــــــــلين حبيبتي..قالها وهو مب مركز شو يالس يقــول لانه كان يطـــالع ويهها وكل تفكــــيره فيها..مــريم استحـــــت من سمعت الكلمه ((حبيبتي ))..ونزلت راسها تــحت ..
أميره: هههههههه خلااص عيل نحن مالنا مكان اهنـــــي ..بنخلي الحبايب على راحتهم..
عوشه: ههههه صدقج والله..
حمده: هههههههه لاا لاا ..خــــل عروستنا اتقص الكيكه اول..
اميره: هـــي صح الكيــــكه(نشت اميره وفتحــــته ) تعالي مريوم شوفي شو مكتوب عليها..
حمده وعوشه نشــــوا على طــــول يطالعون شو مكتوب..
أميره: قلت مــــــــريووووم..
حمد: ههههههههه الفضـــول ومايسوي..(يبتســـم)..مريم نشي شوفي شو مكتوب..
نشـــت مريم على طـــول واول ماشافت المكتوب عالكيـــكه صــدت الصوب الثاني وهي مستــحيه واحمـــرن خدودها شــرات الطماط هههههه...
أميره: ويا هالـــويه ..يوم انا قلتلج نشــي ما نشيـــتي..يالله ما عليه ..مهما يكون ترى حمد غــــير
مريم صدت صوبها: زين انج تعرفين..
حمد استـــانس من الخـــاطر ..
حمده: هههه يالله مــــــريوووم تعالي قصــي الكيكه..
عوشه: هي يالله بســرعه..
مريم: بشـــو اقصه يعني ..بايدي..سيري ييبي سجـــين من المطبخ..
عوشه: خخخ قصيه بيدج شو بيستوي يعني ..ان شاء الله بسير الحيــــن..
أميره: وييبي وياج صحـــون وقبش..
عوشه: انــــــــزين..
ســارت عوشه ويابت كل اللي طــلبوا منها من المطبخ وحطته عالطاوله..
حمده: يالله مـــريوم..happy birthday to you..happy birthday to you
عوشه: بس بس بس..انا بغنيها احــلى ..
اميره: لا انتي ولا هـــاي..لو سمحتوا ما نبغي ازعاج ..
مريم وهي ميـــــوده السجيــن: ههههه يالله أبـــــدأ..؟؟!!
أميـــره: هي يالله..
قصـــــت مريم الكيكه ..والكـــل صفق عقبها..
اميره: انزين عيل الحين بنعطي قطعتيين حق الحبايب وبنشــل ويانا الكيكه وبنســير نقعد في الصاله الثانيه عشان ياخذون راحتهم..(هاي كانت خطه مــدبره من قبل اميره وحمد ^__*)
حمده وعــوشه وهم يغمــزون لمريم: يالله..
راحوا حمده وعوشه و امــيره يقعدون في الصاله الثانيه وخلوا حمد ومريم يقعدون بروحهم..
حمد وهو يبتســم : هاااه الغاليه..شو رايج بالمفاجئه ؟؟!!
مريم: ههه احــلى مفاجئه بس ليش كلفت على عمرك ماكان له داعي والله..
حمد: افاااا في مثل هاليوم انـــولدت حبيبت قـــلبي وما تبيني اسوي كل هاااا!!
مريم من الحيـــا صدت الصوب الثاني: تســـلم..ربــــي لا يحرمني منك..
مــر الوقت عليهم بسرعه وخــصوصا على مريم وحمد ..ويا الوقت اللي لازم يردون فيه حمد وحمده وأميره البيت.. حمده وعوشه كــانوا متحرقصيــن وهم يشوفون حمد ومــريم يســولفون كان خاطرهم يسيرون ويسمعون شو يقولون..وكــذا مره حــاولوا انهم يســيرون بس اميره ما خــلتهم..ردوا حمد وأميره وحمده البيت و طــول الدرب وحمد يتأفف كان حــاس انه موول ماشبع منها .. اول ما رد البيت دش حجــرته وهو تفكيـــره كله في مريم وفي اللي اســتوى اليـــوم..وفي الحــديث اللي دار بينهم وفي ضحكـــتها وفي كل شــي..آه يا مــريم ..والله انج مخبلتني ..متى بتكــــــونين حليلتي متـــــى !!..
حمده دشــــت حجرتها واتصـــلت في عوشه ..عشان يكملوون سوالفهم ..(ما يشبعون من بعض خخخ)..لانه باجر ما وراهم لا امتحان ولا واجبات ..
أميره كانت ناسيه تلفونها في الحجره ..شلته وشــــافت 9 مس كولات ..ومســــج مكتوب فيه (امـــــيرووه الحقيـــــــني ..)زاغت اميره وعلى طول اتصـــلت فيها..
نـــــــوره: تو النـــــــــاس ..جان مااتصلتي !!!
أميره: هههههههه وعليكم السلام..
نوره: سخـــــــيفه انزيييين..
أميره: ســرت بيت عمي وانا ناسيه تلفوني في الحجره..انتي شو فيـــج زيغتيني ؟؟!!
نوره: انا .؟؟!!..مالت علي وعلى حظـــــي ..
أميره: شو السالفه نورووووه..؟؟!
نوره: القلب ..يباني أطـــــــلع وياه ..اتخيــــــلي !!!!
أميره شهقـــــت: الله ياخذه!!!..شفتــــــي ..انا اول ما قلتيلي انج ترمسينه قلتلج تــــرى هذا لعـــــاب..
نوره: لاااا حرااام عليج اميروووه هو يحـــبني اصلاا ..وقالي بيخطبني بعد..
أميره: هههههههه بيخطبج!!!!..وانتي صدقتيييه ..حبيبتي هالاشكـــال ما يبـــون من البنت الا شــي واحد بس وانتي عارفه شــو هووو..وعقبها يفرونها شرات الجلاب
نوره: لاا لاا ..الا هـــــــــذا ..انا متأكده هو مب شــــرات باقي الشباب يا اميـــره ..من كـــلامه ايبين..
أميره: لا يغـــرج كلامه المعســــول يا نوره..
نوره: قالي اذا ما طلعت وياه بيــــودرني اتعرفين شو يعني بيودرني ..انا مااروم اعيش من دونه ..
أميره: خــله يودرج ونفتــك منه..هااه عيل ليش ما يا يخــــطبج ؟؟!!..ليش يباج تطلعيــن وياه قبل لا يخطبج..يا نــوره السالفه مكــــشوفه بس انتي عقلج صغير
نوره: ماادري شو اقولج يـــا اميره..بس انا احبـــــــــــه وهو بعـــــــد..
أميره: اوووووه انتي الكلام ضايع معاج..شوفي ..قولييله انج ما بترمسيـــنه لين مايستوي شي رسمي من بينكم اهني بيبين اذا هو صاج والا لا
نوره: ماادري أميـــره..
أميره: شو ما تدرييييين..سوي اللي قلتلج عليييه..
نوره: خـــلااص ان شــــــــاء الله..زين عيل اميروووه بخليج انا وراي دوام باجر..
أميره: اوكيك فديتج بس مثل ما قلتلج هااا..لا تضعفييييييييين..
نوره: ان شاء الله..مع السلامه..
أميره مع السلامه
|