الجزء الخامس..
يالسيـــن عندها ومرتبشـــات بالســوالف..وما خلوا سؤال ما سئلوه ايـــاها..وهي حليلها اتجاوبهم على كل اسئلتـــهم وومتقبلتــــنها بصدر رحب..وحبت هالثنــــائي وايد وحست انهم مخففيييين عليها..
حمده : انزين انزين آخر ســـؤال بس
عوشه: لاا والله الحين دوووري
حمده: سيري لا..خـــالوه شو رايج اتين بيتنا ..ترى عوشووه بتبهدلج اهني
عوشه: هي اتخـــــسين عشان اتخبلينها بالاسئـــله ..حشــا طلعتي اخس عني قطعتيها بالاسئله خخخخخ
عايشه: ههههههههههههه يحليييلكم..ما تتصورون اشقــد ارتحت لكم..
حمده: ونحن بعد خـــالوه والله..خلااص عوشووه انا دوم بيي بيتكم بس عشان خالوه عايشه..
عوشه: ههههههه خايسه يعني مب عشاني
حمده: ههههه لا طبعــا مليت منج خــلااص ..
عوشه: ما علييييييه ..حيوانه بشوف عاد منو بيخليج اتشوفين خالوه عايشه
حمده: ما يحتـــاي اتدليني عليها ..خلااص عرفت مكانها خخخخ
عايشه: وييييه حياج الله يا حمده
عوشه بحزن: خلااص عيل انا مالي مكـــان اهني..بخليكم تاخذون راحتـــكم..
وتوها تبغي اتــــنش تسحبهـــا حمده من ايدها عشان تيلس
عايشه: وييي فديتج أنا..والله ما تطلعييين من عندي..حياكم الله اتنوا الهنتييين ولا تزعلون حبيباتي..وخلوا عنكم الضـــرابه ويييه وخل أكمل لكـــم سوالف ايـــام قبل
حمده: هيييه يالله ..وين وصـــلنا
عوشه: هيييه وصـــلنا يوم كنتي ترمسين عن المعرس والعروس احم احم
حمده: هي وانتي عايبتنج السالفه يعني معرس وعروس
عايشه: هههههه.. يحليييلج يا عوشــــه ..ان شاء الله اييج النصيب واشوفج عروس..
عوشه ترفـــع ايدينها وتدعي ربـــها..
حمده: ههههههههههه حسبي الله عليج يا عوشوووووه..لهاي الدرجه مستعيله
عايشه: ههههههههههه يحليييها..هيييه عاد قبل يوم يشاورون العروس حليلها كانت تستحي ومول ما تنطق بكلمه ..ومب بنات هالوقت ..
حمده: ههههههههههه الكلام لج يا جاره
عوشه: ههههههههه خالوه عايشه مب جنج طريتيني
عايشه: ههههه ويييه يا عوشه ما طريتج انا..اقول يعني الحين معظم البنات ها جه..انزيين عاد قبل المعرس والعروس ما يشوفون بعـــض الا بليلة عرسهم..
عوشه: اويييييييييي..كيف جيه بعد ما يشوفون بعض !!!..اذا افترضنــا ان المعرس ما عيبه شكل العروس وانصدم فيها في ليلة العرس
عايشه: لا ياامي قبل غييير..خلااص بيرضى بنصيــبه وهذا اللي الله كاتبنه له ..
حمده: اممممم والله ايامكم كانت حلوه خالوه عايشه
عوشه: لااااااااااااا مب شي ..ههههه اتخيل مااشوف ريلي الا بليلة العرس ..لااااا مب شي
حمده: ههههههههه مالت عليج اكيد بينصـــدم
عوشه: هههههه هي اتخسين انزين الا بيقـــول يا حظي
عايشه: هههههه يحليييلكم ..ان شاء الله اشوفكم عرايس
عوشه&حمده: ان شاااااااء الله..
أمــــا في حجرة مريم..أميره لين الحين مب مستوعبه اللي صار ..ومريم ناقعه عليها من الضحك
مريم: هههههههههههههههههههههههههههههههههههههههههه
أميره: ما علييييه ويا هالويه تضحكيين هااا
مريم: ههههه احسن عشان المره اليايه تنتبهييين.. اتعرفين انه راشد ما يحب هالحركـــات..
أميره: يــــا ربييييييي انتي ماتفهمييين..اقولج بالغــلط انا روحي مااعرف كيف اسـتـــوا جيه ..كل اللي اتذكره اني انا كنت امشي صوب حجرتج ومنزله راسي وفجــــــــــــأه جان ادعمه ..اوووووه شو سوا فيني..يالعميـــــه وانتي مااتشوفين ومااعرف شووووو..يا ربيييي كان يطالعني والشراره طالعه من عيونه جان ازيـــغ وايي على طول عندج..الله يعيني عليييه عقب اميي والله يزيغ اخوج
مريم: ههههه لا مـــا عليج يحلييله راشد طـــيب..
أميره: آآه يا قلبي ..ومع كل هاااا أحبـــــــــــــــه ..أحبــــــــــــــه
مريم: ههههه حسبي الله عليج ما تستحين انتي..
أميره: اففففففف انا ليش حبيـــــته يا ربيي ليييييييييش
مريم: احم احم لانــــه اخوي
أميره: مـــــــــــــــالت عليج انزين ..
الشي اللي مـــاكانوا يعرفونه انه راشد كان واقف ورا البـــاب وسمع كل الكـــلام اللي دار بين اميره ومريم ..ودش حجرته وهو ناقع من الضحك على أمــــيره ..هههههههههههههههههه يعني لهاي الدرجه اتحبني هاااااي !!
مريم: انزييين قوليييلي الحين ييتــــج عنا وراها شي.. انتي ماتيين مني والدرب..شو عندج؟؟
أميره: احم احم..جريب وبتستوين حــــرم الشيخ حمد
مريم: نعـــــــــــــــــــــــــم؟؟!!
أميره: نعــــم طال عمــرج اليوم بعد صلاة العشا بيوون الوالد والوالده وحمد يخطبونج ..
مريم: هااااا؟؟؟!!..اميروووووو حلفي
أميره: ههههه والله العظيم اشفيييج..
مريم: امممم وليش مستعيل هذا اخوج..
أميره: آآآآه الحب وما يســــوي ..
مريم: اميروووووووووووه يالله عاااد..اممم ماادري الصراحه فاجئتيني..
أميره: جب انزين لا تقولييين بترفضين..هو بس يبا يملج الحين والعرس بعد مااتخلصين
مريم: ماادري اخاف انشغـــل عن دراســــتي
أميره: يعني اللي يقول الحين اخوي 24 ساعه بيطيح بجبـــدج..لا تحاتييين بيخليج انتي اللي تركضين وراه
مريم: هههههههه لا عاااد مااتحمل انا جييه
أميره: هيييه يا مرت اخـــــوي..متى بيي دوري؟؟؟!
مريم: ان شاء الله بيي دورج ..انتي بس ثقــلي الله يهديج ..ولا تحـــاتين ترى راشد لج وانتي له..
أميره: الله يسمع منج..اقوووووووووول
مريم: هااا قولي
أميره: تعالي انسير عند خدامتكم اليديده ..انا قلت حق حمدووه وعوشووه انا وانتي بنلحقهم ..يالله نشي خاطري اشوفها
مريم: يحليييها والله انها طيبه هاي الانســـانه واتحسين براحه يوم اتسولفين وياها ..يالله نسير
أميره: والله شوقتيني..يالله بسرعه نشــــي..
مريم: زين يالله
.............
طـــلع من الحجره وهو لاابس لبــس نادي الوصـــل اللي حمدان يابه له ..وحط الكــاب على راسه ..سبحـــان الله ..من حط الكاب على راسه والشـــبه اللي بينه وبين راشد انبــــان عدل..يعني اذا الحين كانوا ويــا بعض الناس على طول بتقول عنـــهم اخوان..يت مروه صـــوبه..
مروه: يا سلااااام اشهالزين..هااا بتروح الحين..
يوسف: ههه..هيييه الحين اتريا ربيعي حمدان..
مـــروه: هي زين بس لا تتأخر
يوسف: ان شاء الله.. شكـــله يااا..يالله عيل يا مروه مااوصيج..بس اطلع اقفلي الباب ولا تفتحينه حق اي حد دق الباب انزيين..وديري بالج على شيخه ولا تغفلييين عنها مووول
مروه: ان شااااء الله لا توصي حريص..احم احم ..خلااص حرمة البيت انا..
يوسف: ههههههه هي ادريبج..
مروه: ههه يالله حبيبي روح ودير بالك على عمرك..
يوسف: ان شاء الله..يالله مع السلامه..
مروه: مع السلامه
................
كان يتجـــلب عالفراش..ويحــاول انه يرقد..كـــذا مره غمض عيونه بس من دون فايده..فقرر انه ينش ..نش من على الفــراش وعلى طول ســار غرفة الرسم اللي يمب غرفته على طـــول..حمد ماشاء الله علييه فنـــان في الرسم..واللوحات اللي عاليدار هي اللي تثبت هالشي..من يوم ما كان صغير وهو يعـــشق شي اسمه الرسم..حتى تخصصه في الجامعه كان آرت ..بس ماخـــذنها كهـــوايه..كذا مره حنوا عليه ربعه انه يسوي معــرض ويعرض لوحاته بس هو من رايه انه ماله داعي..وانه لوحاته لين الحين مب في المستوى المطلوب ..وهالشي بيفكــر فيه عقب..حاس انه لين الحين في داخله وايد اشيــــاء يبا يرسمــها ويبدع فيــها غير هاللي رسمهم ..
بس الحين طـــرا في بـــاله يسوي شي..بما انه فـــاضي..اتذكــــر انه عنده صورة مــريم ..على طول سار يابها من الحجره وحطها جـــدامه ..عشان يــرسمها..وقرر انه من يخـــلصها يـــراويها..فديتها والله اكــــــيد بتستانس..
........
عند عايشه..البنات كانوا مرتبشـــــات من الخـــاطر..واميره اتأقلمت ويا هالانســـانه بسرعه ..وكانت تقول في خاطرها صدقت مريم في كل كلمه قالتها عنها..فعــلاا حست بارتيـــاح وهي اتسولف معاهم..على الرغم من انها وحده على نياتها ومسكينه ومبين عليها انها تعاني وايد ,,بس بعد اتسولف وياهم من خاطـــرها..صج كبرت وايد بعيون أميره وحبتها من خاطرها ونفس الشي مريم..
وهم قاعدين يسولفون تدخل عليهم فــاطمه..
فاطمه: ماشاءالله ..تبارك الرحمــــن ...كلكم متيمعين اشوفكم..شو السالفه..
عوشه: هلا هلا امــــي..تعالي قعدي ويانا..والله بتستانسيييين..
فاطمه: عسى مو مأذنيييج بس يا عايشه
عايشه: لا والله فـــديتهم الا مخففييين علـــــي..عاد سامحيني مب مخليني اسير اكمل شغـــلي ..من سالفه لين سالفه..
فاطمه: هههههه تدرين بهم بعد بنــــات ما ينلامووون..لا ما عليج الغاليه خذي راحتج ومتى ما تبين خلصـــي شغلج
عايشه: حيــــاج يا وخيتي تعالي يلسي ويانا ..عالاقل بتنقذيني منهم ومن أسئلتهم ههههههه
أميره: ههههههه هاي كله من حمدوووه وعوشووووه ..حشـــا ما ينعطون ويه
فاطمه: الله يهديكم ليش حاشرين بالحرمه
عايشه: لا والله لاحاشريني ولا شي ..الا مونسيــــني..
عوشه: انزين ســــؤال...
مريم: اوووووووه عوشوووووه بسج عاد..
عايشه: هههه لا ويييه خليها يا بنتي..سئلي فديتج..
عوشه: يا ربيييييييييي نسيت الحين..
أميره: ههههههههه احسن
عوشه: كـــــله منج مريومووو الدبه
مريم: ههههههههههههه حشـــا ما خليتي سؤال ما سئلتيه شو عندج تسئلينه بعد
بو راشد توه يبـــا يشغل سيارته بيطلع ..انتبـــه لحجرة عايشه ..وسمع الضحكـــات والسوالف ماليه الحجره..كان يطــــالع بعصبــــيه..ما كان بـــوده بناته يتعلقن فيـــها جيييه ..وكان خايف تخـــبرهم كل شي..تفـــــاجأ يوم شاف فاطمه طالعه من الحجـــره ومتجهه داخل صوب الصاله بس هي ماانتبهت له..يعني فــاطمه بعد علاقتها حلوه وياهـــــا..آه منــج يالساحره..جذبتي الكـــل صوبج عيل هااا..لاااا هاي مستحــــيل اتم في هالبيــــت..عادي اتخــــبرهم كل شي..ما علييه يا عايشه..ها ويهــــي اذا خليتج اتمين في هالبيــــــت..ركــب السياره وبند البــاب بالقو..
...........
في بريطانيا..عندهم الحـــين الساعه 12 الظهر..كان يـــالس وحاط الاب توب على ريــــوله..وجــاسم منقهر منه لانه هو مـــلان وهذا مو مسويله ســالفه..
جاسم: اووووفففف فـــوازووووو بسك عاد
فواز: اشتــــبي انته حشرتني ..يا معـــود انت لو اتــــي اتشوف اللي آنا اشوفه جان عذرتني
جاسم: ماابغي اشوف شي تعال سولف معـــــاي..
فواز: اوففففف كاني بندت الاب توب..هاااا قول اشعندك
جاسم: رمســـــني عدل يالهرم
فواز: ههههههه اشلون تباني احاجيك يعني
جاسم: شرات الاوادم
فواز: شنو يعني شـــــرات؟؟والله انتوا الاماراتيين حجيكم غير شكل
جاسم: هههههههه شرات يعني مثل او يشابه
فواز: ايوااا..انزين قوووول مثل الاوادم..
جاسم: خل عنــك يالله قوم خــلنا انســـير نحوط برع اشوي في هالجو الحلو
فواز: لاااا يا معود ما باقي شي عالمحــاضره..
جاسم: المحاضره الساعه 1 بعدها..يالله قـــــوم..
فواز: انزين بنقول حق تركي وسلمان والا لا
جاسم: هههههه تركيووو خلااص من شاف عيــــون المنقبه وهو متخـــــبل ..لا ويقولي هاك اليوم انها سعوديه ..عشان جي متعلق فيها
فواز: ههههههههه وشلون عرف انها سعوديه
جاسم: ماادري عنه نســـيت اسأله ..بس ما عليك اليوم بنطـــــيح فيه قرض
فواز يحــــك راسه وهو مب فاهم شو يعني قرض
جاسم عرف انه فواز ما عرف شو يعني قرض: ههههههههههه يعني بنحط عليــــه ..بنقطعه
فواز: هههههه يا معود اتكلم مثل الناس.. اييه خلااص فهمت..
جاسم: ليــــن متى بيلس اعلمك انا ..خلااص المفروض الحين تتعود على رمستي..
فواز: هييييه يا ريال بتعلم ..وبرمس شـــراتك بعد..هههه ها اشرايك؟؟..
جاسم: هههههههههه هيييه خلااص حـــلو طبــقت الدرس عدل..مب تيلس تسألني عقب
فواز: ههههه لاااا خـــلااص ..
جاسم: انزين يالله نش خلنا نسير
فواز: اييه يالله بس خل ناخذ معانا كتبنا عشان ما نرد الشقه مره ثانيه
جاسم: حلـــو ..خلااص اوكي
فواز: اوكي يالله
...................
في الكويت..بعد ما صلت المغرب طلعت من حجرتها وراحت تتطمن عالعيال..سارت صوب حجرة منــال وشافتها مقفوله ..استـــــغربت ..ليش منال مقفله الباب ؟!!!..تمت اتدق الباب ..
منال: امنوااااااااا
خديجه: آنا ..اشحقه مقفله الباب يالله فجيه اشوف
منال: يمـــا!!..اييه لحظه لحظه الحين بفجه..
وتمــــت فتــره لين ما فتحت الباب ..
خديجه: جــان ما فجيتي بعد..اشله مقفله على روحج الباب..اول مره تسوينها يا منــال..
منال مرتبكه: هاا؟!!..لاا يمــا ماكو شي بس آنا عندي امتحان باجر وكنت قاعده ادرس فقفلت الباب عشان الخدامه مااتي وتزعجني..
خديجه: امممم تدرسييين..اظاهر ناسيه انه باجريوم الخميس ماشي جامعه..منــــال..قولي الصج شو كنتي قاعده اتسوين
منال قافطه: هاا؟؟!.اييه ..اييه صح ..يمــا كنت قاعده ادرس ليوم السبت..
خديجه وصوتها بدا يعــلى: منـــــــــــــال؟؟!!..قولي شو كنتي قاعده اتســـوين
منال: قلتلج يمـــا كنت قاعده ادرس ليش مو مصدقتني..
خديجه: بطوفها لج هالمره وبسوي عمري امصدقه ..وبعدين هذي مو جنها دلال راقده عندج!!!
منال: اييه ..
خديجه: وانتي اشلون اتخلينها ليي الحين راقده..قومي خل اسير اوعيها
ســـارت خديجه صوب دلال وتمت اتهزها وتزقرها ليين ما نشت
دلال صوتها خشن: اووه يمــــا خليني انام تكفين بعده وقت
خديجه: شنو بعده وقت يالله قومي اشووف الحين بيأذن العشا وانتي لييي الحين نايمه
دلال: زين زين قمــــنا
خديجه: اييه عفيـــا ..وآنا بروح بقوم نواف أكيد نايم هو الثاني..
تسير خديجه وتبند البـــاب ودلال على طول طيحت عمرها عالفراش ورقدت
منال: دلاااااااااااالووووو انادي امي الحين
دلال: لاا لاا خلااص بقوم..اوففففف شو هالعيشه ما يخلون حد ينام على راحته
منال: يالله انزين قومي ..
دلال: زين
..................
في الصاله..كانوا كلهم متيمعين ..علي وسلطان وفاطمه وشيخه ومريم واميره وعوشه وحمده وحمد..حمد من يلس وهو يطالع مـــريم..وكل دقيقه يأشر حق ابوه انه يرمس عمه ويدش في الموضوع على طول ..بس عاد علي وسلطــان ماخذتنهم السوالف وسلطان نسى ليش هوو هنييه..ومــريم خايفه من اللحظه اللي عمها بيقول لابوها السالفه..وكلمـــا تبغي اتسير تصعد فوق أميره تسحبها من ايدها ومااتخليها ..
مريم: أميروووو مااروم خليني اسير
أميره: يالله عاد انا دلع البنات هاي مااحبها ..تمي تمي واول ما عمي بيسئلج قولي موافقه خخخخ
مريم: هههه لاعيوني بخليكم تتريون اسبوع لين ماافكر
أميره هههه حلفي انتي بس..اصلا روحج مااترومين..
مريم: ههههههههههه..
سلطان: اوووووه يا بو راشد خذتنا السوالف ونـــاسي الموضوع اللي ياي اكلمك عنه
علي: خيـــر يا ااخوي آمر..
حمد استــــانس انه اخيرا ابوه قرر انه يرمس في الموضوع..
مريم: اويييي اميرووووه انا بصعد
أميره: مــــاشي يلسي
سلطان: خير بويهك..نحن اليوم يايين نطــلب القرب منك ..نبغي مريم حق ولدي حمد
علي: والله يا سلطـــان ..هذي البنت جـــدامك يالسه ..واعتبر البنت بنتك..وحمد ريال والنعم فيـــه ومااعتقد اني بلقى احسن منه حق بنتي مريم ويكفي انه ولد عمها ..
حمد: تســـــلم يا عمي..
سلطان: ها بنتي يا مريم شو قلتي..
مــريم حاسه انه الدم يسري في عروقها ومستحـــــيه وهي اتشوف الكل ينتظر ردهـــا وخاصة نظرات حمد لهـــا فعلى طــول شلت بعمرها وراحت تركض عالدري مارامت تيلس من الحيا..الكل تم يضحــك عليها وهي تركض جنه حد لاحقنا بالعصا..
عوشه: ههههه ما عليكم منها السكوت علامة الرضا كللللللللوووووووووووش
فاطمه: ههههه حسبي الله عليج يا عوشوووه
عوشه وهي تقلد العيايز: هي يا وخيتي حركـــات البنات معروفه
الكــــل ضحك على حركات عوشه..
حمد: ههههه الله يعييين اللي بياخذها هااااي
عوشه: اسكت اسكت انته والا ما بيوزك اختي مريم
حمد: ههههههه واشلج انتي جني الا طالب القرب منج..شوف عمي البنت شكــلها موافقه يالله خل نملج باجر
علي: ههههه الله يهديك يا حمد ..باجر عاد!!..
سلطان: ههههه مستعيل الريــــال..الاسبوع الياي يوم الخميس شو رايكم..
علي: حــــلو..خلااص انا بتأكد من البنت جان هاليوم بيناسبها..طبعا العرس عقب مااتخلص دراستها
سلطان: هييه مب مشكله هو اهم شي عنده يملج بها الحين
علي: خلااص عيل على بركة الله..
راشد كان توه نازل من الدري وشكـــله كــاشخ وبيطلع ..عاد أميره اتخبلت عليه وتمت تطالعه وهي منبهـــره..يا ربيي انا هالولد مخبلني..
راشد: السلام عليكم
الكل: وعليكم السلام..
راشد: اشحالك عمي سلطان..؟؟
سلطان: تمام ربي يسلمك..شخبارك انته؟؟
راشد: بخير الحمدالله..
علي: ها يا راشد وين ساير؟؟
راشد: بسير مزرعة ربيعي..
علي: الحين؟؟؟!!!
راشد: هي ابويه ما فيها شي..
سلطان: خله يستانس يا علي..
علي: خلااص سير بس لا تتأخر
راشد: ان شاء الله ..هاا يا حمد ما بتي وياي؟؟
حمد: لاا لاا مــــالي خلق ..
راشد وهو يقول بخاطره ...اشوه..: خلااص عيل مع السلامه
الكل: مع السلامه
سلطان: انزين عيل ونحن بنترخص منكم بعد..
علي: لا وييين سايرين؟؟!!..العشا عندنا اليوم..
عوشه: اففف مليت من يلسة البيت شو رايكم انسير كــــلنا نتعشى برع الحين
أميره: صــــدقها عوشه ..خلونا انغير اليوم..
حمده: هيييييييييييه والله فكره حلوه ..من زمان ما سرنا نتعشى برع..
فاطمه: لا ويييه اشله نتعشى برع ..مافي احلى من اكل البيت
شيخه: جان انت يا حمد بتوديهم اتطــلعهم البنيات مب مشكله لكن احنا بناكل اهني ويي اشلنا باكل المطاعم
حمد: زييين يالله نشــــوا..
عوشه: هااااا....حموووود من صجك انته ..يعني بتودينا بتطلعنا اليوم ..الله ونـــاسه..اسمع ما بنرد البيت الا الفير هاااا
فاطمه: هييه هاللي قـــاصر بعد
علي: دير بالك عليهم يا حمد وهالله هالله بالطريــج
حمد: ان شاء الله عمي لا توصي ..اممم بس جنكم نسيتوا وحده..ترى يكون في علمكم لولاها مب مودنكم
أميره: ههههههه كنت ادري اصلا..خلاص بسير ازقرها الحين عاد اذا يت
حمد: ههههه كيفكم عاد جان مايت انا مب مودنكم
عوشه: يعني مصـــيرنا متعلق بمصيرها
حمده: هيييه والله ..نشي نشي ..الى المعركه..
الكل: هههههههههههه
اميره: يالله بنات خلونا نسير لها..
وراحوا حمده وعوشه واميره فوق صوب حجرة مـــريم وتمـــوا ثلاثتهم يدقدقوووون الباب شرات الطبل وعوشه تغني ..عــــاشوا هالله ..هالله..هالله..هالله هالله يا الجعلان هيدولي شويه...........هههه شويه وبيكسرون الباب عليها ..وفتــــحت مريم عليهم الباب
مريم: حشـــــا كسرتوا الباب ..
أميره: موقفتـــنا ساعه مااتقولين شو كنتي اتسوين
مريم: حسبي الله عليكم دشوا دشوا وحده اتغني والثانيه اتدق ماشاءالله ..كنت في الحمام ..
حمده: ههههه اهااا حليلها ظلمناها ..انزين مرت اخوي نشــــي اتزهبي نبــا نظهر ويا ريلج وهو مصر الا انتي تكونين ويانا
مريم استحـــت يوم سمعت مرت اخوي ونزلت راسها تحت..
أميره: اطــاعوا انتوا هاي..هاي اللي بتقهرني ايييه انتي مب وقت حيا الحين يالله قومي..
مريم: لا والله وامنوا قال اني بسير وياكم ..
عوشه: مريووووووووم ارجوووج لا تحرمينا من هاي الطلعه نحن ما صدقنا
حمده: الله يخــــليج مريم عشان خااطري
أميره: مريومووو نشي يالله لا تستهبليين..
مريم: اوففف انزين طلعوا يالله عشان اتزهــب..
عوشه: يسسسسسسسسسسسسسسسسس خل اسير البس عباتي
حمده : هههههه يالله خلنا انسير انبشر حمووود
أميره: يالله مريوووم نترياج لا تبطيين عن يهون
مريم: ههههه حليلكم ..زين
سارت عوشه لبست شيلتها وعباتها ونزلت ويا حمده واميره ..
حمد: هااا بشروا..
أميره: انتصــــــرنا
حمد: ههههههه يعني بتي؟؟
عوشه: هييه يالله بنترياها في السياره..
حمد: زين يالله خلونا نسير نركب السياره عيل
أميره & حمده: يالله..
وراحوا الجماعه يركبون السياره ...وهم بانتظــــار مريم..طبعا الحركه الخبيثه اللي سووها واللي كانت فكرة أميره انه خلوا السيت اللي جدام فاضي..وكل البنات قعدوا ورا ..على اساس انه يوم بتي مريم ما تلقى مكان ورا وتضطر وتركب جـــدام عند حمد..
والكل كان قاعد يتـــريا اللحظه اللي بتـــي فيها مريم..ويـــت هاي اللحظه..وبما انه السياره مخفيه فمريم ما لاحظت انه ماشي مكان ورا وبطلت الباب..شافت السيت ممزور ومافي مكان الا جدام..
مريم: عطوني مكــــان..اميرووه نزلــــي ركبي جدام وخليني ايلس مكانج
أميره: لا وييي شو انزل مافيني انا بعد انزل الحين نحن خلينالج مكان جدام ..يالله يالله بسرعه سيري عند خطيبج
ماكان بيدها شي اتسوييه وعرفت انه هاي الحركه مسوينها بالعمــاله عشان اتسير هي وتقعد في السيت اللي جدام..
مريم: هاا ويهي جان طلعت وياكم مره ثانيه..وبندت الباب اللي ورا وراحت تركب جدام..والكل كان يضحك عليها..
عاد مريم كله تطــالع الجامه ولاصقه في الباب..
أميره: ههههههههه حمد الله يخليك اقفل الباب ..اخاف اتطيــــح عالشارع ما فينا..
حمد: ههههههه اااه يا قلبي.. بيطيح قلبي وياها ..لا تحاتون مقفل الباب..المهم قولولي وين تبون تسيرون الحين
عوشه: امممم انا اقول بنسير الستي وبنتعشــــى اهناك في جيليز
أميره: هييه حـــلو مثل ما قالت عوشه
حمد: وامنوا قال اني انا ابغي رايكم..مريم وين خاطرج اتسيرين؟؟
مريم وهي مبوزه ومعصبــه: كيفكم
حمد: خـــلااص عيل انسير الستي..
طـــول الدرب وهم مرتبشيين بالسوالف لين ما وصــلوا باركنـــات الستي ووقف حمد سيارته في باركنج جريب من المدخـــل ..عوشه وحمده واميره نزلوا قبل مـــريم..واول ما يبون يدخلون جان اتنادي عليهم مريم عشان يتريونها..
أميره: هااا شووو تبين ..يالله يالله ما يخصنا فيج سيري ويا ريلج
مريم: اميرووووه عن السخافه ..
بس أميره ما سوتلها سالفه وسارت هي وحمده وعوشه وصعدوا الدري..وتمت هي واقفه جان ايي صوبها حمد وهي مستحيه ومعصبه في نفس الوقت..
حمد بابتســامه : هاا مريم..اشحقه واقفه..يالله نسير..
خلااااص ما بيدها شي اتسوييه مريــم الا انها تتمشى ويا حمد ..وكانت تمشي وياه وهي كله منزله راسها تحت ..دشـــوا داخل وركبوا الدري وصعــدوا فوق..
اما الثلاثي المرح ..((اميره وحمد وعوشه))..فمتنقـــلين من محل لين محــل ..بس عوشه موول ماكانت مرتاحه لانه اللي ما يلاحظونه اميره وحمده انه في ثلاثه من الشباب لاحقيـــنهم من اول ما دخلوا المركز..وكل محل يدخلونه يدخلون هالشباب وراهم..
عوشه: اقوول اميره اتصلي في حمد شوفي وينهم انا الصراحه خايفه..
حمده: خايفه!!!..خايفه من شووووو؟؟!!
عوشه: انتوا مو ملاحظين انه في ثلاثه من الشباب من اول ما دخلنا وهم يلاحقونا
أميره شهقت: حلفي؟؟؟!!!!
عوشه: والله..
حمده: ابيييييي والحين هم ورانا ..
عوشه: هييييه بس لا تصدين وراج حمدوووه عن يقولوون شي عنا..
أميره: زين انتوا امشوا عادي ولا جنه شي صاير وانا بتصل في حمد الحين
سيف: يا ريااال خلنا نروح شو تبا فيهم
سعـــود: لاا لاا ما يخصـــني انا عايبتني هـــاي ام الشيله المــلونه مستحيل اودرها..
خالد: اووووه سعود انت كل وحده تشوفها تقول عايبتنك..
سعود: كيفكـــم انتوا جان بتروحون برايكم بس انا بتم وراهم
سيف: خلااص شوف نحن بنترياك اهناك صوب المطــاعم ..
سعود: زين زين..
وراحـــوا سيف & خالد..وتم سعـــود وراهم..
يا ترى شو اللي بيصـــــير؟؟؟!!,,ومنو هاي ام الشيله الملونه اللي يتكلم عنها سعود..؟؟!!
حمد ومريم..شو صـــار وياهم؟؟؟!!!..
بو راشد..موول مب مرتاح من وجود عايشه في بيته وتعلق بناته فيها ..يا ترى شو بيسوي؟؟!!
منال..شو سالفتها؟؟!!
|