الجزء الرابع..
..ردوا من المدرسه وهم حاسين بضيــــج فضييع هالمره..أول مــره امهم اتهــدهم روحهم في البيت..اول مره يردون من المدرسه وما يلقونها قاعده في الصاله تستقبلهم بابتسامتها الي فيهــا الحنيه كلها ..حاسييين بفـــــراغ كبير اليوم ومب عارفين شو يسوون..شيخـــه من اول ماردت من المدرسه وهي اتصيييح ..ومروه قاعده اتهديها ,,ما تنلام المسكينه عمرها 6 سنوات ومحتاجه لامهــا ..مب متعودده على فراقها..
مروه: شيخوووو بس عاد الحين ماما بترد..
شيخه بصوت متقطع: ماايخصني ابي ماما
مروه: بس حبيبتي ..الحين بتي..انتي يوعانه الحين صح..؟؟
شيخه تمسح دموعها واتهز راسها بمعنى ..هي
مروه: انزين حبيبتي الحين بقوم احط الغدا..
يوسف: ليش امي متى لحقت اتسوي غدا..؟؟
مروه: لاا امي ما سوت الغدا..الغدا يابوه من بيت قوم ام احمد وقالت حق امي انها في فترة غيابها هي اللي بتيبلنا اللي يزيد من غداهم وعشاهم..والله ماادري شو كنـــا بنسوي من غيرها..
يوسف سكت وماعرف شو يقول هالمره..خـــلااص غصبــا عليه لازم يقبــل الاشياء اللي اتيه من الناس..ما بيده شي ايسوييه..خــلااص مافي غير هالحــل عشان يعيــشون..
يوسف: اهاا زين ..
مروه: يوسف!!..اشفيك الله يهديك لا تصير حساس وايد ..ما فيها شي..المفروض تحمد ربك انه حليلها مب مقصره ويانا ابدا ..ماادري لولاها شو كنا بنسوي..
يوسف: ماادري شو اقولج يا مروه ..ماكان بودي نوصل لهاي الدرجه..بودي انا اللي اقوم بكم..بس ما عليـــج انا اليوم بسير النادي ويا حمدان والمدرب بيشوف لعبي ..عا اذا عيبه لعـــبي بستوي لاعــــــب مشهور احم احم
مروه: الله كشششششخه..وبفتخر فيك جدام النــــــاس
يوسف: ههههه الله يسمع منج..مب بس مشهــــور الا بخلي الانتر ميلان تشتريني
مروه: شو؟؟!!!.. منو يشتريك؟؟!!..وبعدين تعـــال..اشله يشترونك بعد !!!..اتخبلت انت يا يوسف الله يهديك..استغفر الله قاموا يشترون الاوادم بعد..جي ســـلعه انت عشان يشترونك..يعني انت الحين للبيع مثلا ...
يوسف: هههههههههههههههههههههههههههههههههه..لا مب جي يا مروه الله يهديج..شوفي..في الكوره عادي يشترون اللعيبه..يعني اذا شافوا اللاعب هذا لعبه أوكيـــه تشتريه النادي الثاني..يعني مثلا انا الحين العب في نادي الوصل..اذا نادي العين شافوا انه لعبي اوكي يشتروني..وانا على كيفي عاد اذا بسير العب عندهم والا لا..
مروه: ايــــواا يعني انت بتنتسب لناديهم ..الحين فهمت..لاا لاا وييي خلك اهني احسن لا تروح العين
يوسف: ههههههههه ان شاء الله مب رايح العين..اصــــــلا انا مستحيل اتخلى عن الوصل لو شو ماايصير ..بس ها كمثال يعني..عاد اسميني بعيشـــكم بعز لو صرت العب في النادي ..ياااااي انا مستاااانس متى بتي امي عشان ابشـــرها
مروه: يا سلاااااام..يـــاربي ان شاء الله تصير لاعب عيل.. وهي تقلد العيايز ..المهم انا الحين بسير ازهب لكم الغدا يا عيالي
يوسف: ههههههههه انزين نترياج يدوه
مروه: هههههه يدوه مره وحده!!!
يوسف: ههههههههههههه
وسارت مــــروه تزهب لهم الغـــدا..
......................
كان يالس في الصــاله يطــالع قنوات الاغاني..وواقفات وراه دلال ومنــال
دلاال تساسر منال: شوفي ..شوفي شـــلون قاعد يطالع البنات اللي يرقصون
منال: ههه اييه والله..يا ويله من أمي اذا شافته بيروح فيها..
دلال: ههههه بروح اناديها
منال: هه لا يا معوده لا اتيبنلنا المشاكل
دلال: هههه لاا لاا وناسه بروح ازقرها نطري اهني ..
واتروح دلال تزقر خـــديجه اللي كانت في المطبخ تزهب الغدا
دلال: يمــــــا..
خديجه: الحيين بقولهم يحطــــون الغدا ..صبري شوي
دلال: لا يما آنا مب يايتنج عشان الغـــدا..
خديجه: هاا عيل..شو تبين؟
دلال: يمـــــا الحقــــي على ابوووي
خديجه: أبــــــوج!!!!..شو فييه
دلال: تعـــالي وياي الصاله وآنا براويج شنو قاعد يسوي
على طـــول راحت خديجه الصاله ..وشافته ..حاطه ايدها على خصـــرها ومفـــوله عليه..
خديجه بعصبيه: شـــو رايك بعد تدخــــل في التلفزيون معـــاهم,,مو أحســن!!
مشعل اول ما سمع صوتها نقز من مكانه وعلى طول بند التلفزيون..
مشعل: جاك الموت يا تارك الصلاه
منال & دلال: هههههههههههههههههههههههههه
خديجه بعصبيه: انت مااتقــــــولي اشعندك تتطالع هالاشياء..من قلة القنوات يعني!!
مشعل: افا علييج خدوجتي هاييلا اللي آنا شفتهم ترى اقدر اشوفهم في كـــل مكان بس تراهم ما يسوون ظفر من ظفورج
خديجه: ايييه اييه قص علي
منال: يــــــــــــاويلي على اللي يتغلون ..
دلال: يبا ما عليك منهـــا تراها تحبك وتموت فيــــك واكبـــــر دليل اني يوم قلتلها انك قاعد تطالع هالاغاني ..ياتلك ركض
مشعل: يعني انتــــــي اللي قلتيلها!!!!!.
دلال وهي حايسه حالجها: ابييييي شو قلت آنا..ها ,,لاا لاا اصلا اهي بروحها يت صح يما
خديجه: وليش ان شــــاء الله ما تباها تقولي
مشعل: لاااااا لاااا حشـــا آنا ما قلت جييه..وهو يأشر على دلال بيده بمعنى براويج..ودلال حايسه حلجها ومنـال تضحك عليهم
خديجه: اييييه حسبالي بعد..
مشعـــل: انزيـــــــن يالله عيوني ما بتغدينا والا اشلوووون
خديجه: ثـــــواني وبيكون الغدا زاهب..وتروح خديـــجه المطبخ..ودلال اول ما راحت امها المطبخ زاغت من ابوهــــا وعلى طووول ركضت وسارت فوق..
مشعل غصبا عليه نقع عليها من الضحـــك..وهي تركض كان نواف ينزل عالدري..
نواف: شو فيها هذي..ينت!!!
مشعل: هههههههه يحلييلج يا دلال..قولهـــا اتي ماراح اسوي فيها شي..
منال: هههههه ما عليك منها يبـــا هذي دلالو الدبدوبه بس اتشم ريحة الاكل بتنزل..
نواف: عـــلموني شو السالفه؟؟!
مشعل: لا سالفه ولا شي..قولي شو مسوي في دراســـتك ان شاء الله بس اممشي حالك؟؟
نواف: اييه يبــا اسوي اللي اقدر عليه ..
مشعل: زيين الحمدالله..شـــد حيلك
نواف: ان شاء الله
مشعل: وانتي يا منـــال؟؟
منال: آنا الحمدالله يبـــا الدراسه معــاي زينه..
مشعل: ايييه عفيه ابغيكم ترفعون راســـي..
نواف & منال: ان شاء الله يبا..
خديجه: يالله الغـــدا زاهب..
ونشوا كلهم يتغـــدون..وطبعا مثل ما قالت منــال ..دلال اول ما شمت ريحة الاكل يت تركض تحت..
دلال: اووووووو شو مسوين اليوم..تراني حددددي يوعــــانه..
منال: ههههههههه مو قلتلك يبـــا بس اتشم ريحة الاكل بتنزل تحت..
مشعل: ههههههههههههههه..اييه والله طلع كلامج صح..
دلال: ويييي عاد آنا كله ولا الاكــل مااقدر اقاوم..
الكل: ههههههههههههههههه
دلال: ما تقولولي انتوا اشحقه تضحكووون!!
نواف: نضحك عليج يالدبه..
خديجه: يمــــا شوفيه ايقولي دبــــه..
منال: ههههه ايييه وهو الصــــاج
دلال: يمــــــــــــــــا
خديجه: بس انت وياها خلوا اختكم تـــاكل عراحتها..
مشعل: اييه يالله عاد جــدامكم نعمه..كلوا وانتوا ساكتيين..
وتمـــوا يـــاكلون بهدوء..واول وحده نشت من عالسفره هي منــال ..وعلى طول دشت حجرتــها وشغلت الكمبيوتر عشان تدخل النت..صـــايره مدمنه..!!..وبعدها نش نواف ودش حجرته ورقد على طووول..وبعده نشوا خديجه ومشعل وهم بعد راحوا يرقدون ..اما دلال فكالعاده هي دايما آخر وحده اتنش من عالسفره ..راحت فوق تبغي تدش حجرت منال..بس منال هالمره كانت مقفله الباب وهاي اول مره اتسويها..فدقت دلال الباب عليها..
منال: دلالوووو ماني امبطله البــــاب..روحي الصاله شوفي التلفزيون..
دلال: اووه يالله منال فجي الباب ما يحطون برامج حــلوه بالتلفزيون وبعدين آنا ابغي ارقد..
منال: لا والله..وليش ماتروحين تنامين في غرفتج
دلال: لا اخــــاف بروحي..
منال: لا والله ..ومن شو تخافين بالله ..الحين الظهر مو بالليل عشان اتخافين..دلالووو حركاتج هذي مو علي آنا قولي تبين اتين تقعدين عندي وخلاص
دلال: اييه أبغي أييي واقعد عندج يالله عاد منال تكفين فجـــي الباب..
منال: افففففففف,,زيــــن بس ما بطــــولين..
دلال: ان شاء الله..يالله عاد فجي الباب
منال: افففف زين ..وفتحـــت منال الباب..ودشت دلال داخــل وعلى طول فرت عمرها عالسرير..
دلال: يالله تعالي سولفي معـــــاي
منال: روحي زيييين..انخمدي يالله ماابي اسمع صوتج
دلال: وانتي شنــو بتسوين؟؟
منال: اشعليـــج مني ..يلا اشوف انخمدي ..
دلال: اففففف زين..يعني ما بتسولفين معـــاي
منال: اففففففف اي كلمه زياده بطلعج برع
دلال: لاا لاا خـــلااص بنخمد..
...............
من الصـــــدمه اللي ياها كانت اتصييح من الخــــاطر..راشد حبيب قلبــها مات!!!..كيف ومتى وليييش..بس حمده من شافت حالة اختها تمت ساكــــته و تطالعها باستـــغراب..
حمده: امــــيره!!!..انتي ليش اتصيحين؟؟؟!!!
أمـــيره وهي تصــــيح ومستغربه من سؤال اختها الغــــبي..: اتقوليلي راشــــد ولد عمي مات وما تبيني اصيـــح..قوم امي وابوي يعرفون ؟؟؟!!..وانتي اشدراج؟؟ّّّّ!!..وكيف مات ؟؟!!..
اهني حمده مــــارامت اتيود عمرها من الضحك..تمت تضحــــك بصوره غير طبيعيه..
حمده: آه بطـــــــــني !!!!
اميره بس سمعــــت ضحكــــات اختها وقفت دموعها من الصدمه وتمت تطالعها ومبققه عيونها..بلاها اتخبلت هاي
اميره وهي منصدمه: حمدووووه؟؟؟!!..بلاااااااج..
حمده وهي ناقعه من الضحك: حــــرام عليج والله حرام عليج..موتـــــي الريال..انا ما كنت اطري راشد ولد عمي
اميره اهنــــــي حست بارتيـــاح فضيييييع: هاااا..يعني راشد ولد عمي مافيه شي !!!..آه الحمدالله يا ربي الحمدالله..بس تعالي يالهبله ..انتي امنوا تطرييين افففف حــرام عليج والله وقفتي قلبي
حمده: ههههههههههه يعني لهالدرجه اتحبينه
اميره: آآآآآه يا قلبي ..أموووووت فيه مب بس احبه..
حمده: انتي ما تستحيين اتقولين هالكلام جدامي..احم احم انا اختج الصغيره..ترى بسير اخبر امي وابووووووي..
اميره: ههههه سيري تبين ادليج الدرب..انتي نسيتي انه مخطوبين لبعض من يوم ما كنـــا صغار..المهم ..قوليلي انتي منوا كنتي تطريييين اي راشد..
حمده بحـــــزن: راشـــد اللي في القصه اللي تكتبها عوشوووووه السباله ..
اميره: الحين انتي كل هالمناحه كنتي مسويتنها عسب قصه تكتبها عوشووووه..!!!!..مالت عليــــكم انتي وياها
حمده: حــــرام والله كان يحـــب ســـاره ..وفي يوم زواجـــه منها كان مســــتانس حدده وهي بعد نفس الشي..لدرجة انه كل دقييقه يتـــصل فيها يطمن عليها..طلعـــت ســاره جدام المعازيم وكانت قمــــر وراشد كان مستــــعيل عشان يشوفها لانه من فتره ماشافها بس يسمع صوتها فكـــان ينتظر هاي اللحظه لكـــن الله ما كتبله يشوفها وسوااا حـــادث ومـــــات...راشد مـــــات..وساره اتخبـــلت..
أميـــره: حـــــرام والله وهاي عوشوووه ليش ما خلت النهايه سعيده
حمده: حيـــــوانه انا بروايها الحين بتصل فيها وبهزبها
أميره: المهم انا بنـــزل الحين بيلس اشوي عند امـــي وابوي وحمد وانتي خلي عنج هالخـــرابيط وانتبهي لدراســـتج تراج ثنويه عامه
حمده: اوووه ويا هالثنــــويه العامه..متى بخلص وبفـــــتك!!
أميره: ان شاء الله بتفتكين..انتي بس درسي عـــدل..
حمده: زييين ان شاء الله..
أميره: يالله باااااي..
حمده: باااي
وراحـــت اميره عنها وعلى طول شلت التلفون ..تبا تتصل في عوشه..
عوشه: هـــلاا والله..يا حيهم الشيوووخ
حمده: جب انزين لا ترمسيني سباله
عوشه: ههههه اووو اووو بلاها الحلوه زعلانه
حمده: مالت عليـــــج خليتيني اسوي مناحه اليوم ..
عوشه: ليــــــــــــش..شو السالفه ؟؟
حمده: امسويه روحج ما تدرين يعني ..بس انا غبيه لاني سمعت كلامج وقريت قصتج اللي حاطتنها في المنتدى
عوشه: ههههههههههههههههههههههههههههههههههه حمدووووووه..لا تقولييين صحـــــتي
حمده: هي والله حيوانه قلتلج خلي النهايه سعيده..هههههههههههههههه سكـــــــتي خل اخــبرج أميــــرووه شو سوت..
عوشه: هههههه شو سوت هاي بعد
حمده: سمعي...وخبرت عوشــه السالفه..
عوشه: هههههههههههههههههههههههههههههههههههه احلفي انتي بس
حمده: هههههههههههههههههههههههههههههههه والله العظيـــــم انا استغربت اقول هاي بلاها تصيح
عوشه: ههههههههههههههههههههههههه انتي تراج خبله شكــــلج وايد اتأثرتي في القصه وهي بعد تعرفينها متــــولعه في اخـــوي احم احم ..
حمده: هي ماادري عشــــو..خقـــــاق ورافع خشمه يتحـــرى عمره ماادري شووو ..احسن واحد جســـــوم والله متولهه عســـوالف القرض ..هو متى بيرد؟.
عوشه: فديييته والله انــــا مشتاقتله اكـــثر ..ماادريبه متى بيرد ..تصدقين والله احس بفـــراغ من دونه ..من يوم ما راح وانا احس انه البيت مللل..تدرين مـــريووم كل وقتها دراسه ويالله يالله اشوفها وراشد مب فاضي لي ..بس هو الوحيد اللي كان دوم يسولف وياي وكل يوم يظــهرني من البيت..
حمده: افااا عوشووووه وانا وين رحت!!..ما عليج ان شاء الله بيـــرد وبيرفع راسنا
عوشه: ان شاء الله ..حمدوووه دخيلج تعالي بيـــتنا الحين والله حاسه بضيج
حمده: انتي ما بترقدين؟؟
عوشه: لا تعـــــالي بنسولف ويا خالووه عايشه
حمده: نعــــــم!!!..منو خالو عايشه بعد؟؟!!
عوشه: اووووه انتي ما تدرين شي..تعالي بيتنا بفهــــمج
حمده: خـــلااص اوكي الحين بشـــاور امي عاد اذا رضت بيي ويا الدريول
عوشه: زين يالله اترياج..
حمده: خلااص اوكي باي
عوشه: باااي
وعلى طول تنزل حمده تحــــت وتشوف الكل متيمع..
حمده: الســــــلام عليكم..
الكل: وعليكم السلام..
أم حمد (شيخه): هاا ما بغيتي تنزليين..
حمده تســــير تقعد عند امـــها: لاا لاا مااتحمــــل اشوفج زعلانه يالغـــلا(( وتحبها على راسها))
ام حمد : خلصيــــني شو تبين
حمده: اوووه امي ليش جي ترمسيني..انا ابغي رضـــاج
ام احمد: خلااص رضيـــــت وانا اقدر ازعل منـــج !!
أميره: هي طـــبعا الحين لو انا كنتي تقدرين
بو حمد (سلطان): ههههه يالله الحين طلعي نفســــج منها..ما بيودرونج انا ساير ارقد
حمد: ابـــــوي لحظه ابغي اكلمك في موضوع
بو حمد: ومااتذكرت الا الحين..
حمده: أمــــي..انا بسير بيت عمي علي عند عوشه..
ام حمد: الحيـــــن؟؟!!..في عـــز الظهر..
حمد: لاا لاا ليش اتسيرين الحين..ان شاء الله بنسير لهم فيلليل..
بو حمد: وليش نسير لهم فيلليل
حمد: مو هاي السالفه اللي ابغي اكلمك فيها ابويه
ام حمد: اي سالفه يا حمد قول
حمد: الصراحه انا ابغي اخطـــب بنت عمي مريم
ام حمد: ويييييييي هاي الساعه المباركه يا حمد وزييين مااخترت يا ولدي
حمده: اللـــــه وناااااااسه..يعني مريوووم بتستوي مرت اخوي
بو حمد: والله هاي الساعه المباركه يا حمد بس ظنـــك مريم بترضى بالعرس الحيـــن ترى وراها دراسه لا تنسى
اميره: ابويه هي ما عندها مانـــع بالملجه الحين والعرس بعد مااتخلص دراستها وهي ما باجي لها الا كمن شهــر وبتخلص..
حمد: هي ابوي وانا هــــذا اللي ابغيه بس املج عليها الحين
بو حمد: خلاص ما يهمــك ..اليوم بنسير لهم عقب صلاة العشاء
حمده: بس انا ابغي اســــير الحينه
أميـــره: هي وانا بعد بيي ويـــاج عسب ابشـــر مريوومووو الدبه مرت اخوي
حمده: هي يالله نســـــير ونـــاسه
ام حمد: صدق انكم فضيـــحه ..حمد الله يهديك ليش رمست جدامهم..!!!
حمد: هههههه وانا اشدراني بنواياهم..
بو حمد: يالله عيل يا انا ســـاير ارقد الحين تامروني بشي..
أم حمد: ســـــلامتك يا بو حمد..
حمد: لاا أمـــــي ..ما يقولون يا بو حمد..يقولون يا حبيبي
حمده & اميره: هههههههههههههههههه
ام احمد: وييي اشوا بعد يا حبيبي خــلااص كــبرنا
اميره: هههههههه هاااا امييي يعني كنتي تقولينها قبل لابوي
ام حمد: لااااا وييي شو هالمنكــر بعد انا في حياتي مانطقت بهالكلمه
بو حمد: ههههه امكم اشعرفــــها في هالسوالف لو الحين اسير آخذلي وحده من هاللبنانيات بتقولي من هالكلام الزين
حمده: ههههههههههه اووووه مب هين ابويه اكيد حاط عينه على نانسي
اميره: ههههههههههههههههههههه هي والله
ام حمد: عاد شو يبووون فيييك انت يالشيــــبه !!
بو حمد: يالله يالعيــــوز انا بعدني شبـــــاب ..
حمد: ههههههه هي نعم وانا اشهــــد انه ابوي بعده شباب ..
ام حمد: هيييه ما يحتــــــاي..
بو حمد: أفــــا والله كله ولا عيــــوزتي محد يســواها
حمده: ههههههههههه اوووو اوووو امي منو قــدج
ام حمد:ههههه لا ابـــوج حلييله يطلع منه شي زين مــرات
أميره: هههه ما عليج امي يحبج يحبج
بو حمد: هههه زييين انج اعترفتي انه يطلع مني شي زيــــن ..ينش من مكـــانه..يالله بخــليكم..
حمده: ابويه نحن بنسير بيت عمي
بو حمد: ما علييه مرخوصيييين..
وســار عنهم بو حمد ..
حمده: هاا امـــي ابوي رخصنا بنسير نحن
ام حمد: خـــلااص سيــروا..يالله انا بعد بلحق ابوكم بسير ارقد
حمد: زيين يالغـــاليه نوم العوافي..
وسارت عنهم ام حمد..
حمده: يالله أميروووه نشـــي خيلنا نسير
حمد: افففف يعني انا اتــم ابروحي..احم احم شو رايــكم تاخذوني وياكم
أميره: هههه يالله يالله منـــاك شو ناخذك ويانا ..
حمد: ابـــغي اشوفها متوله عليها حســــوا فيني
أميره: بتشــــوفها فيلليل ان شاء الله..
حمد: ان شاء الله..بس سلمووولي عليها وايد وقــولولها جــــريب وبرمسها عــــراحتي يا ربـــي متى بيي هاليوم
أميره: ههههه ان شاء الله بيي انت بس اثقـــل..
حمد: ااه ان شاء الله ..خلااص عيل انا بسير ارقد بعد..وبلغــــوا قلبي ســـلامي آه
اميره: ههههههه يا ويلي عالعاشق مااروم..ان شاء الله يبـــلغ..
ويســـير عنهم حمد..
أميره: اااه يا ويـــــل حـــالي ..ما ينـــلام حمــد ..متعـــذب شراتي
حمده: هيييه بس حمد ومــريم يحبون بعض..مب شراتج انتي حب من طرف واحد بس
أميره: لا واللـــه وانتي اشدراج انه ما يحبني
حمده: شـــوفي حمد شو يسوي لمـــريم ..وشوفييه هووو..مغــــــرور
أميره: يـــا ويــل حالي ..وانا شو اللي مخبــــلني فيه غير غــــروره..احس به شخصيــته قويه وفوق كل هــــذا جمــاله اللي مخبلني زود ..
حمده: مااقول الا مــالت عليــج يوم انج حبيبتي رشووودووو الخقاق
أميره: ههههههههه فديته وفديت خقته..
حمده: زين زين يالله خلينا انسير نتزهب الحين تلقينها عوشوووه حارقه تليفوني لاني اتأخرت
أميره: يالله انزين انسير..
.................
كات مستلقيه عالسرير بعد ما خصلت غــــداها ..وكانت مقرره العصــر اتسير اترتب الحجر واتنظــفهم.. تتجلب يمين ويســـار ومب ياينــها رقاد..كل تفكيرها في يوسف والبنات ..مب متعوده تخليهم بروحهم في البيت..بس غصـــبا عليها ..تسمــع صوت سيـــاره برع ..على طول تنقز من مكانها واتسير اتشــــوف امنوا اللي يـــا وهي على أمــل انه يكــــون اللي في بالها..لفت شيلة الصلاه على راسها وطــــلعت من الحجـــره..وفعـــلاا كان هو اللي في بـــالها ..كــان راشد ..تمــــت تطالعه بتمعن وهو ينــــزل من السيـــاره ..وغصبا عليها دمعت دمـــوع الشوق واللهفه لـــولدهــا اللي تشوفه جــدامها الحين صـــار ريــــال..وهي لين الحيــــن تتذكـــر يوم آخر مره رضـــعته ..وبعدين ودته ورقدته عالمنز يمب مــــريم..بس بعد ما نشـــــوا تموا هم الاثنيــــن يصيحون واول ما يايه بترضعهم شــــلوهم عـــنها..لين الحين تتذكـــــر ومب قــادره تنسى هالموقف وجنه الا امـــس صاير..توه انتبــــه لها راشــــد..ومستــــغرب من اللي يشوفه ..منو هــــاي الحرمه!!..قـــرب منها راشــد وهي على طول مسحت دموعها عالسريـــع..
راشد: امنوا انتي؟؟
بس عايشـــه ماانتبهت لكـــلامه وكانت تطــــالعه وتتأمل في شـــكله وهي بخـــاطرها تحضــنه وتصرخ وتقول انا امــك يا راشــد بس طبعا هالشي مستـــحيل..
راشد: اييييييييه انتي..بــلاج تطالعيني جي ..امنوا انتي وشو تبين ؟؟
عايشه: هاا..انا؟؟!!..
راشد وصوته بدا يعـــلى: لا عيــــل انا !!
عايشه: أأنا آسفه يا ولدي..أنا اهني خدامتكم
راشد وهو منصــدم: ليــكون انتي الخدامه اليديده!!!
عايشه: هـــي انا الخدامه اليديده..
اتــــي عوشه صـــوبهم..
عوشه: خـــالوه عايشه اشحالج
عايشه: بخير فديتج ربي يسلمج اشحالج انتي
عوشه: زيييينه الحمدالله..راشـــد..!! انت شو تسوي اهني
راشد: خــالو عايشه!!!!..
عوشه: هييييه صــح تراك مااتعرف شو السالفه..هاي الله يسلمـــك خالو عايشه..يايــه تشتغــل عندنا..
راشد باحتقار: تشتغـــل خــدامه!!!!..
عوشه افتشـــلت من اسلوب اخوها و من نظــــرته..وعايشه في قلبها غصــات وبودها تنفجــر من الصيـــاح
عوشه: هييه خدامه وشو فيها يعني..!!! والله يا راشــد ترى خــالو عايشه طيـــوبه وحبوبه وســـوالفها حــلوه
راشد: زيـــن ..زيـــن ..يالله انا بدخل داخل
عايشه: الله ويـــاك..
ويســـير عنهم راشد ..وعوشه حست انه عايشه اضايجت من راشــد..
عوشه تبغي تغير الجــو: هيييه خالوو عايشه ما خبرتج الحين بييون بنــات عمي حمده وأميــره وبعــرفهم عليج..
عايشه: زييين والله حيـــاهم الله في اي وقت
ويــرن تلفون عوشه..حمده اللي كانت متصله
عوشه: هااا هاااي حمدووه اكيـــد يــوا..خلااص بخليج خالوه عايشه وبنيج انا وبنات عمي عقب شوي اذا ما تبين ترقدين
عايشه: لا حبيبتي ما بـــرقد ..حيــاكم الله
عوشه: الله يحييج خـــالو ..يالله عيل بنيج عقب شوي
عايشه: وانا اتـــرياكم..
وتســـير عنهــا عوشه..وتدخل عايشه داخــل وهي حاسه بضييج فضيع ..ما توقعت راشــد يعاملها جييه ..وتمت تصيـــح من الخـــاطر..
في حجـــرة عوشه ,,,
عوشه: وهــــاي سالفة خالوه عايشه..
حمده: والله مسكينه هاي الحرمــه كاسره خــاطري ..يالله عوشووه نشـــي انسير عندها خاطري اشوفها..
أميــره: هي والله حلييلها تكســر الخاطر..الا اقولج عوشووه ..مريوووم وين؟؟
عوشه: هـــاي يا تلقينها تاكل الكتب او انهـــا راقده
أميـــره: ما عليه بسير اشوفهـــا في الحالتين انا بخرب عليها خخخ
حمده: خـــلااص عيل انا وعوشوه بنسير انشوف الحرمه وانتي ومريوم الحقونا
أميـــره : خلااص اوكي.
وطلعن حمده وعوشه ..وطلعت وراهــــم أميـــــره..لكن وهي تمشي صوب حجرة مريم.. فجأه تشهــــــــق..!!!..
|