الجزء الثالث..
في المدرسه..كان يالس يذاكر جيولوجيا لين ما يدق جرس الحصه الاولى..لان امس موول ماكان له نفس يذاكر..اييون صوبه شـــلة شباب...
سالم: اقووووول نصووور
ناصر: هــــلا سلوووم قووووول
سالم: عمرك شفت واحد ايي المدرســــه بنعال مقطع خخخخخخخخ
الكل: هههههههههههههههههه
يوسف ميود كتابه وغاط ويهه ومو مسويلهم سالفه..لانه مب اول مره يسوون فيه جيه
هادف: هههههههه اقول سلووم..اشم ريحه خايسه انا
سالم: هههههههههه هي هي ترى ايقولك ما عندهم ماي يتسبحون فيييه
الكل: ههههههههههههههههههههههه
ايدش حمدان الصف ويشوف الشباب يضحكون على يوسف..
حمدان: انتوا صج ما تستحون على ويهكــــم
محمد: ههههههههه والله واكملت..وصل المحــــامي
ينش يوسف من مكانه ويسير عند حمدان..
يوسف: حمدان طوف بنتمشى برع
سالم: هههههههه هي عشان اتراوي الخلق نعــــالك الحــــلو
حمدان وهو يطالعهم باحتقار: يوسف يالله خلنا انسير
وراحوا عنــهم يوسف وحمدان يتمشون برع..
حمدان: ما عليك منهم يا يوسف انت اتعرفهم هاييله سخيفيين وماعندهم سالفه
يوسف: عادي ..اتعودت خلااص
حمدان: اممم..يوسف بقولك شي بس لا تفهمني غلط..ترى نحن اخوان..
يوسف: افاا عليك يا حمدان وانا يشرفني هالشي ..قول شو عندك..
حمدان: شوف يا يوسف انت تدري ان اللي بينا عشرة عمر مب من اليوم والا امس اعرفك وتدري فيني انا ما عندي اخوان وانا معتبرنك شرات اخوي ..
يوسف: انا بعد نفس الشي يا حمدان ماعندي اخوان وانت اخوووي ومب بس ربيعي..
حمدان: انزين دامي اني انا اخوك..ليش اذا محتـــاج شي مااتقولي!!!..يعني ..يعني الصراحه انا عندي ملابس مكوده في الكبت وماالبسهم شو رايك اييبهم لك..ووايد اشيـــــاء ثانيه عندي بس مب محتاجنهم..يعني مافيها شي لو شاركتني فيهم..
يوسف اطـــالعه والشراره طالعه من عيونه..اكره شي عنده ان حد يشفق علييه
حمدان: هااا..نحن على شو اتفقـــنا..نحن اخوان ..وما بيني وبينك فرق..والله يا يوسف ما فيها شي انت اللي تكبر الموضوع..
يوسف: حمــــــدان!!!..ارجوك غير الســـالفه
حمدان: لا يا يوسف ما بغير السالفه..انت فعـــلا محتـــاج بس ماتبا اتبين هالشي للناس وتتحرى ان الناس كـــلهم يشفقون عليك..تفكيرك غــلط يا يوسف غـــلط..
يوسف يقول في خـــاطره..اه يا حمدان انت الوحيد اللي فاهمني
حمدان: يوسف..مافيها شي لو طلبت شي من اخــــوك..ابجي انت تكــــبر بعيني وبتحسسني انك مب حاط حاجز بيني وبينك..
يوسف: والله ماادري شو اقولك يــا حمدان انت انسان نــــادر احصله في الدنيــا وانـــا حاس انك هديه من ربــــي..الحمدالله والشكر لك يا رب
حمدان بابتسامه: وانا ارتحـــتلك وايد يا يوسف ..انا تقـــريبا نصف شباب المدرسه كانوا ربعي وكـــلهم تخلوا عني..تدري ليش..!!..بس لاني كنت انصحـــهم انهم يبتعدون عن الغـــلط..يتنهد...مااقول الا الله يهديـــهم
يوسف : آميين يـــارب..
حمدان: هي وفي شي ثاني بعد..
يوسف: اتفضـــل..
حمدان: انت لعــــبك اوكيه في الكوره وفوق كل هـــذا انك وصـــلاوي ..امم ليش مااتي وياي النادي اليوم وتنضم لنا..ترى النادي وراه مســـتقبل
يوسف: والله انت تعرف انه هذا حلمي من يوم ما كنت صغير ..بس تدري النادي يباله واحد فاضي مب شراتي انا ..انت نسيت اني ريال البيت
حمدان: هييه عادي ما فيها شي ..تراك ما بتبات في النادي بتسير وبترجع وانت ماشاءالله عليك لعيب ..امم شوف انت تعال وياي اليوم وبشوف المدرب شو بيقول عنك ..وخل اللبس وهالسوالف علي انا ..شو رايك..؟؟
يوسف: والله انت تدري ان هذا حــلمي يا حمدان اني اصير لاعب..خلااص اللي اتشوفه انا موافق
حمدان: يالله اترياني عيل اليوم بمر عليك..
يوسف: خلاص اوكيه
..................
أول ما شــــافته انصعقــــت ..يــــاربي ..معقـــــوله يكـــــون هووو!!!!..وتمت تطالعه وهي مب حاسه بعمرها ..عاد اهني بـــو راشد عصــــب..لانه كان قاعد يترياها تقـــول شو تبغي وهي يالسه تطـــالع فيه!!!..
بو راشد: اختـــــيه!!!..ممكن اتقولين اشعندج وتخلصيـــنا من ييتي وانتي تتبحلقين فيني
....: انت علي محمد صـــح..؟؟!!
بو راشد: هي علي محمد ...خير ان شاء الله.. فيه شي !!
رفعت الغشوه من ويهها ..وشافــــها بو راشد..إطــــالعها ثواني..واستوى فييه شرات مااستوى في الحــــرمه..انصـــعق..لاا لاا مستحيييل اتكون هيي!!
بو راشــــد: عـــــايشه!!!!!!
فاطمه وايجت من الصاله والا تشوف بو راشد واقف عن الباب
فاطمه: علي!!!..اشعندك واقف عند الباب؟؟!!
بس بو راشد مب بوعيــــه..وما رد عليها..فراحت فاطمه تشوف شو السالفه..
فاطمه : خيــــر ان شاء الله شو بغيتي..؟؟!!..هي ..هي اتذكرت ..اكيد انتي اللي كلمتني عنج ام احمـــد بخصوص شغــــلج عندنا حيـــاج اتفضلي..
بو راشد اطــــالع فاطمه وهووو منصـــدم..شو شغـــــله هذا !!!
فاطمه: بــلاك تطالعني جييه..اوووووه صح نسيت اقولك..انا الصراحه كنت محتاجه خـــدامه وماحبيت اييب من هالفلبينيات والاندونيسيات ..الي عنا كفايه فرمستني وحده عن هذي اللي تشوفها جدامك..
بو راشد: خدامه!!!!!!!!!!
فاطمه: هي خــــدامه ..مافيها شي ..الحرمه محتاجه ويايه تشتغل ..
بو راشد حاس انه مب مستوعب السالفه كل اللي يفكــــر فيه.. هاي الانســـانه كيف يت اهني من بعد هالسنين وشو اللي جمعه فيها مره ثانيه..
فاطمه: عــــلي!!!..اشفيك الله يهــــديك
عـــلي في عالم ثاني: هاا ..لا لا مافيني شي
فاطمه: المهم ..سمعيني تعـــالي وياي الحين خل اعلمج شو تسوين..وان شاء الله بنعطيج راتب مناسب اتمشين فيها حالج..
لكـــن عايشه مب بوعيــــها ومب منتبهه حق فاطمه..
فاطمه: ويـــــاي انتي؟؟
عايشه توها انتبهت: هاااا..نعم ..!!!!
فاطمه: اقولج تعالي خل اعلمج شو تسوين وان شاء الله راح نعطيج راتب مناسب اتمشين فيها حالج..
عايشه: مشكوووره اختي ويـــزاج الله خيــــر..
فاطمه: العـــفو..يالله خلينا نسيـــر الحين..
ويسيرون فاطمه وعايشه وتم بو راشد واقف مكــــانه وهو حاس ان اللي استوى له قبل شوي حـــلم..مب حاس بعمره الا وهو قاعد يلحق فــــاطمه وعايشه..
تفتح فاطمه باب الحجره الي برع ..الحجره مب وايد عوده وحجمها مناسب..بس اثاثها جديم ومغبر لانه محد مهتم فيها وما يدخلونها ابد..فتمت فاطمه تزقر ماريا عشان اتيي اتنظف الحجره..
فاطمه: ان شاء الله الحين بتنظفه لج ماريا وها بيكون غرفتج ومحد بيشاركج فيه ..
عايشه: مشكووره اختيي ..ليش خليتيها اتنفظه انا روحي كنت بنظفه..
فاطمه: لاا افاا ما يصير..الا ما عرفتيني على اسمج..
عايشه: انا اسمي عايشه..
فاطمه: هيييه عايشه ..حياج الله يا عايشه..وانا فاطمه..
عايشه: عاشت الاسامي يااختي يا فاطمه وان شاء الله ما بتشوفين مني الا كل الخير..
فاطمه: عاشت ايامج..انزين الحين خليني اقولج شو تسوين..انتي بتكونين مسئوله عن الطباخ عاد تدرين بهالفلبينيه ما تعرف تطبخ عــــدل ..وتدرين بعد ملييت وانا اعلمها شقايل اتسوي المجابيس والبرياني وهي موول مااتعرف اطبقه ..اللي عليج انج تطبخيلنا من هالاكلات الزينه وام احمد مدحت طباخج وايد
عايشه: هههه ان شاء الله اختي فاطمه ما بتشوفين مني الا اللي يسرج
فاطمه: هييه وشي ثاني بعد
عايشه: آمري
فاطمه: ما يامر عليج عدو..الشي الثاني انج بتكونين مسئوله عن ترتيب غرف العيال..تدرين بعد من كثر ماانسمع عن هالفبينيات ماقمنا انأمن عليهم..
عايشه: خــلاص ان شاء الله ..مايصير خاطرج الا طيب..
فاطمه: هييه وبس هاللي انتي بتسوينه وبعد مااتخلصين تقدرين اتردين بيتج تشوفين عيالج..ويالله عاد انا بخليج الحين عشان ترتاحين
عايشه: حياج الله في اي وقت..
فاطمه: الله يحييج يالله مع السلامه
عايشه: مع السلامه
وطلعت فاطمه من الحجره
..عــاد بو راشد استغـــل الفرصه وعلى طول دش على عايشه الحجره..
بو راشد والشراره طــــالعه من عيونه وبعصبيه: انتي شو اللي يـــابج بيتي..من ويـــــن ظهرتي من بعد هالسنـــــــين كلهــــا.. ما كفـــاج اللي ســــويتييييه..لــــــيكون ام العيـــال درت اللي بينا!!
عايشه بدت اتصيح بحرقه اول ما شافته داش عليها جيه: والله يا علي اللي يابني هو الحــــاجه والله اني ما كنت ادري ان هذا بيــــتك والا جـــان ما ييت ولا طبيــــته..ليش انا مينونه عسب اخبرها
علي باحتقار: انتي يــــايه عندنا تشتغلين خدامه!!!!!!!!
عايشه تهز راسها بحسره: غصبــــا علي ياا علي غصبا علي..ما خليــــت مدرسه ما رحــتها أطلب منهم يشغــــلوني فـــراشه.. وهم كله يرفضـــون يقولون مب محتاجين ..ما خلييت مكـــان ما رحتله وانا بس ابغي اي وظيفه المهم اني اكد من وراها بيزتيين اوكـــل فيهم عيـــالي ..واعيشهم احســـن من العيشه الي عايشينها و لقيت هالشغله وما قلت لااا..ما تتصور كيف حالتي صعبه
علي ما نكر انه شفق عليــها بس ما يبا يبين لهـــا ونظرة الاحتقار مازالت مستمره ..الي سوتــه مب شويـــه هالانســــانه..
علي بعصبيه : انزييين وما لقيتي الا بيتي اتيين له !!!..سمعيني ..ان حد درى باللي كـــان بيني وبينج ما تلومييين الا نفسج فـــاهمه..!!!!
عايشه اتهز راسها بالقبــــول وفي قلبــها غصات وآهـــات..وعـــلي توه يبا يطلع ..
عايشه بتـــردد: ع ..عـــلي
عــلي: خير
عايشه: أبـــغي اشوف عيــــالي يا علي..
علي: شوووووو!!!! تــــوج اتذكــرتي عيــالج..!!..ويـــنج عنهم كل هالسنيين !!
عايشه وهي تصيح: انا ويني عنهم !!..ليش انا كنت ادري مكانهم وييين..!!..نسيت ..نسيت يوم انك شليتهم من حضني وهم يصيحووون وهم مب مكملين شهـــر بس ..اصلا انا خــــلاص كنت فاقده الامل اني اشوفهم مره ثانيه..انا احمـــد ربي واشكـــره على هــــاي الصدفه اني بشوف عيــــالي..كــــانوا بنت وولــــد يـــا علي ..كانوا بنت وولد..آه لين الحين اتذكر اشكــالهم..لين الحين..ودي اشــــوفهم وهم كبــــار الحين الله يخـــليك يا علي لا تحرمــــني من شوفتهـــم الحين يوم جمعنـــي القدر وياهم..الله يخلييك
علي: زين زين خلااص بخليج اتشوفينهم ..بس تــــرى انتي ميــــته بالنسبه لهــــم..ايـــاني وياج يا عايشه ان دروا انج امــــهم ..مااتلومين الا نفســـج..ترى اتعرفيني زييين!!!..ولانـــج أصلا مااتشرفيــــنهم وماارضى عليهم يعرفون ان امهـــم خدامه
هالكــــلام نزلت عليها شرات الصاعقه وزادت الصـــرخات والآم اللي في قلبـــها بس مابيدها شي اتسوييه غير هالدموع اللي نـــازله من عيونها واللي حاسه بحــرارتهم عـــلى خـــدها..
عايشه تتنهد: مقبوله منـــك يا عــلي ..الله يخلييك راوني عيالي
طــلع علي صورتيين من مخباته اللي جــدام ..
علي فر صوره عليها: هـــــاي مريم..وفر الصوره الثانيه : وهـــا راشد..
وطـــلع من عندها وبند الباب بالقــــو..
وهي تطالع الصور واتصيييييييح من الخاطر: مــريم وراشد..وافديييت روحـــكم انا..ضمت الصـــور وكل دقييقه اتبوسهم..اطالعت صورتهم: مــريم..راشد..انا امــكم حبايبي ..ليييش القدر بعدني عنكم ليش..!!..ليش القدر ما جمعــني وياكم الا وانا يـــايه بيتكم اشتغل خدامه..ماادري اذا بترضــــون على أمـــكم تشتــغل خدامه !!..هه اكـــيد ما يشرفكم هالشي شرات ماقال ابوكـــم..انتوا اتـــعودتوا عالعـــز خـــلااص..وانا الحيــــن ميته بنظـــركم ..آه انا ميــــته..ليــتني كنت ميتــه صـــج آه..استغر الله العظيــــم..شو قاعده اقــــول انا..تمت تتطالع صورة مريم وراشد وتتأمل فيهم ..ودموعها تتساقط على الصور ..مب قادره تحبس دموعهـــا وهي تتطالعهم ..
بو راشد من طلع من عند عايشه سارالشركه على طول ..وكل اللي يفكر فييه هوو وجود عايشه في بيته..يا ترى شو اللي ناويه علييه هاي الانسانه..!!..ليش ظهرت في حياته مره ثانيه !!..خايف ايقول حق فاطمه انه ما يباها في البيت اتشــك في الموضوع..وبعد قلبه مب مطاوعه يطــردها من بيته ..وبعد حاس انها انظلمـــت وايد لدرجه انها يايه تشتغل خـــــدامه..!!..لو ماكانت محتــــاجه ما كانت بتشتغل هاي الشغـــله..ما يت تشتغل الا انهـــا محتـــاجه ..بس ما يبــا يبين لهــا هالشي ..لانه مب قــادر ينسى اللي ســـوته..ووجــــودها مخوفنه وايـــــد..
اما فاطمه خبرت ماريا عن عايشه ودشت داخـــل وشافت عوشه ومريم وراشد يتريقون...
فاطمه: سلام عليكم
الكل: وعليكم السلام..
عوشه: هــــلا امي هــلا بنور هالبيت ..انتي وينج اليوم ؟؟؟!!!
فاطمه: ياامي سرت اشوف الخدامه اليديده اللي كانت يايه اليوم..
عوشه: خدامه يديده !!!..اشحقه!!
فاطمه: كنت محتاجه وحده اتساعد مــاريا في الشغل
مريم: الحمدالله..يالله عوشوه نشي بنسييير..
عوشه: اففف يالله نســير ..بس ونااااسه اليوم الاربعاء رشووود لازم تفضى عمرك الليله اباك اتطلعني وتعشيني برع بعد ..
راشد ايييــــرها من اذنها: انا شو اسمـــــي..
عوشه: آآآآآآي آآآآي..رااااااااااشد
راشد: هيييه جيييه اوكي..وبعدييين اتعرفيني اني انا في الويكند ماافضى
فاطمه: وشو اللي يشغلك انت يا حظي
راشد: اوووووه شي حـــلو..عمتي تسألني شو اللي يشغــلني!!!..من متــــى!!!
مريم: راشد!!!!
راشد: خلااص خلاص..سحبت كـــلامي
عوشه: اوووووه ..اخي العزيز راشــــد..حـــاول اتفضي نفسك هالاربعاء ..
راشد: انزين بحــــاول طبـــعا انا مب ساير من غير مـــريومه
مريم: لااااا انا عندي امتحان يوم السبت مااروم أطلع لازم ادرس ..عوشووه يالله اتأخرنا
عوشه: اووووووه يالله عاد مريوووووم الا هالاربعاء من باجر ابدي ذاكري
مريم: بشوف..انتي بس يالله امشــــي..وانت يا راشد مب ناوي اتسير الشركه اليوم..!!
راشد: لااا ابوي روح عني وماقالي اسير..وانا بسير الشركه عند ربيعي محمد
فاطمه: لا والله..يعني انت مب ريال ولازم تعتمد على نفسك!!..لازم ابوك يــــاخذك وياه او يقولك تعال شرات اليهــــال
راشد: عمـــــتي..لو سمـــحتي الزمي حدودج..أنا حـــر في اللي اسويـــــه ومب انتي اللي تتحكميين فيني ..شو اللي نـــازل عليج اليوم اشـــوفج مستهمه علي..ويـــــنج عني 24 سنه..!!
فاطمه: لا والله ..وانت مااتقـــولي شو اللي نــــاقصنك..!!..كـــل شي متوفر لــــك ابــــوك مب مقصــر عليك بشي..كل طلباتك مستجــابه وانا اشعلي منـــك..
راشــد: هب راد عليج..لانج عارفه انا شو اللي محتـــاجله غير البيـــزات..ويطـــلع على طول..
مــريم اتقول في خاطرها..ناقصنه ام تسئل عنه واتحـــاتيه..نــاقصنـــه حنان الام وعطفـــها ..مب بس هوو ..فيه انســانه ثانيه بعد محتاجه كـــل ها..تتنهد..يالله.. مب كـــل شي نبغيه نحصــله في هالدنيا ..
مريم من دون نفس: يالله عوشه خــلنا انسير..
عوشه حســت ان اختــها مضــايجه من كلام امها وقررت انها اتطيب خاطرها في السياره : يالله
وطــلعن عوشه ومريم وساروا صوب سيارة مــريم ..اللجزيس بس اول ما يبون يركبون يشوفون حـــرمه كبيره بالسن سايره المطــبخ فســاروا صوبها ..
عوشه: إييييه امنوا انتي!!!
صدت عايشه صوبهم..وطاحت عيونها على مـــريم..اللي اول ما شافتها انترسن عيونها دموعها وكان ودهـــا اتســـير تحضــنها وتضمها على صــدرها ..بـــودها تعوضــها عن الحنــان اللي فقدته منها ..بـــودها في هاللحظه تـــصرخ واتقــــول أنا أمـــــج يا مــريم..بس شي أكيييد اذا سوت هالشي ما بيستوي خير..فتمت واقفه مكانها ونزلت راسها تحت وهي اتصيــــح..اما عوشه ومريم كانوا مندهـــــشين..من ويين يـــت هاااااي وشو تسوي اهني!!..وليش صاحت لما شافــــتهم..
مريم بشفقه: لو سمحتي..ممكن اعرف انتي شو تسويين اهني..!!..وليش قاعده اتصيحين..
عايشه في خاطرها..آه اصيــــح من ظلم الايام يا بنتي يا مريم ..اصيح لانج واقفه جدامي الحين وانا مب قـــادره اقـــــولج انج بنتي..
عايشه مسحت دموعها على طول وابتسمت: انا إهني خـــدامه..
عوشه ومريم يطـــالعون بعض وهم منصدميين : خــــدامه!!!!
عايشه مبتسمه وفي قلبـــها حرقه: هي خـــدامه..
صح انه شكـــلها وهيئتها لايق على انــها اتكون خدامه بس ماكانوا متوقعييين لانها ترمس شراتهم ..
عوشه اتساسر مريم: عيـــل هاي اللي امي قالتلنا عنها..الخدامه
مريم: هي بس انا اتوقعتها فلبينيه
عوشه: وانا بعد..
عايشه: انزين بنيــاتي مااتعرفت عليكم ..
عوشه: انا عوشه..وهاي اختي ((إتأشر على مريم)) الدكــــتوره مريم..
عايشه: مـــــاشاء الله ..دكتوره مريم ..الله يوفقج حبيبتي واييسر امورج
مــريم ابتسمت من الخاطر واستانست وايد من كلامها ..لانها محد قالها شرات هالكلام من قبل..وحست بجـــاذبيه اتجــاه هاي الانسانه: مشكوووره ..ههههه بس بعدني ما صرت دكتوره ..
عوشه: ويييييي ان شاء الله بتصيرين بعد مااتخلصين هالسنه..اشفيج انتي ابغي اتخقق جدامها اقول اختي دكتوره خخخخ
الكل: ههههههههههههه
عايشه: يحلييييلكم ..الله يوفقكم يا ربي..
مريم بابتسامه: انزين ..وانتي مااتعرفنا عليج؟؟
عايشه: انا إسمي عايشه..
عوشه: انزين خالو عايشه ممكن اسألج سؤال
عايشه: اتفضلي ..
عوشه: انتي ليييش يايه عنــــدنا تشتغلين خدامه!!!..
مريم افتــــشلت من سؤال اختها عوشه وحست انها احرجت الحرمه
مريم: عوشه!!!..شو هالسؤال..
عايشه مبتسمه: خـــليها يا بنتي خــليها ..ادري انكم مستغربين من وجودي في بيتكم اشتغــل خدامه بس الحـــاجه ومااتسوي يا بنيــاتي ..دام انها شغله شريفه واكد من وراها بالحـــلال شو المانع اني مااشتغلها..
عوشه: هيييه انزين انتي عندج عيال
مريم: عوشوووه انتي وايد تسئلييين!!..يالله نسير اتأخرنا عالدوام ..واسمحيلنا خالو عايشه جان اذتج باسئلتها
عايشه: لا وييي..خل تاخذ راحتها البنت..
عوشه: هاا قالت خل تسئل على راحتها..انزين بس جاوبي على هالسؤال وعقبها بروح
عايشه: ههه ان شاء الله..هي انا عندي ولد وبنتين
عوشه بدهشه: وهادتنهم روحهم في البيت!!!
عايشه: هييه ان شاء الله ما بيصيبهم شــر..وولدي العود عمره 18 ..يعني اقدر اعتمد عليه
عوشه: هيييه زين والله..انزين وليش..........
مريم قاطعتها: عوشووووه!!!!
عوشه: اففففف زين زين ..شو هالحاله..يالله نسير..خالواا عايشه ترى بعدني ما كملت رمستي بكـــمل سوالفي وياج بعد ماارد من المدرسه
مريم: الله يعـــينج خالوو عايشه بتطفر بج
عايشه: ههههه حليييلها والله اني حبيتها
عوشه: احم احم..شفتي ..انحب بسرعه انا
مريم: ههههه دخيييلج ماانروم..المهم يالله نسير ..من رخصـــتج خالو عايشه
عايشه: الله يحفـــظكم وهالله هالله بالسواقه الزينه يا مريم لا تسرعييين والدوام لاحقه عليه..
يااااه..مــريم حـــاسه بــراحه من هاي الحرمه..يـــاربي كيف حــــنونه ..في عمرها ما سمعت مثل هالكلام..حــاسه بفـــرحه غير طبيعيه..
مريم بابتسامه من الخاطر: ان شاء الله خــــالو ..
وراحوا مريم وعوشه صوب السياره وركبوها..وعايشه كانت واقفه تطالعهم لين ماساروا ...عايشه حست براحه شوي لانهــا شافت مريم عالطبيعه..واستــــانست عليها لانها بتستوي دكتوره ..وحمدت ربـــها ان ابوها عرف يربيها ..بس ناقصنــها تتطمن على راشد..طـــلعت صورته من مخباتها ..وتمت تطالعه..تذكــرت يوسف حست ان فيه شبه بين راشد ويوسف..وتمت تتطالعه وهي مبتسمه وتتأمل شكله..
.............
في جامعة الكويت ..كانوا قاعدين منـــال وربيعاتها في الكــــلاس يسولفون..
منال: هههههه والله ينننته
سعاد: هههههه اييه يستاهلون هالشباب جذي تسوين فيهم..بس احاجيج..ان شاء الله ليي الحين تدخلين مواقع دردشه
منـــال: ايييه والله وناسه
شوق: ههههههههه طع هذي بعدها مااتطورت..!!
سعاد: ههههه اييه والله يا شوق..ليش ما سمعتي عن برنامج اسمه بالتوك؟؟!
منال: لاء..شنوا هذا بالتوك؟؟؟
سعاد: هذا طال عمرج برنامج فييه محادثه كتابيه وصوتيه وتقدرين تشوفينهم فيس تو فيس
منال: اشلون يعني فيس تو فيس ..تكفين يا معوده فهميني..
شوق: اول شي انتي عندج الكاميرا مال الكمبيوتر..
منال: اييه عندي بس مااستخدمه
شوق: خـــــلاص حــــلو..!!
منال: وشنو بسوي بهالكاميرا
سعاد: منــــال!!..انتي ليي الحين ما فهمتي!!!
منال: اللي ابغي اعرفه آنا ..اشلون استخــــدم الكاميرا وشنو اسوي فييه؟؟!!
سعاد: افااا عليج..بعـــــلمج شو تسوين..سمعي.....................
وتقولها سعـــــاد شو اتسوي..
...........................
الظهر..اتدش عليها الحجــره وتلقـــاها ضاربه حـــــزن واتصيييييح..خافت عليها وعلى طووول سارت صوبهـــا..
أميره بخوف: حمـــــده..حمده اشفيييج..شو مستوي.....؟؟!!
حمده وهي اتصيح : مــــات ..مــــات ..كله من عوشوووووه
أميره زاد خوفها وبصوت عالي: حمدوووووه منو اللي مــــــات وشو دخل عوشه في السالفه
حمده: راشــــــــــد!!
أميره:......................
يا ترى شو بيكون ردة فعــــل أميره؟؟!!!!
راشد مـــــات؟؟!!! شو بيكون حـــالة أمه عايشه اللي بعدها ماشافته عالطبيعه..!!..واخته مـــريم؟؟؟!!..والكــــــــــل؟؟!!
وشو اللي سوته عايشه عشان بو راشد مب قـــادر يسامحـــها؟؟!!..وتعتقـــدون انها ممكن في يوم من الايـــــام تعترف بالحقيقه؟؟؟!!
اتـــــريوني...
|