بعد مرور شهرييين
اليوم اخر يوم لريم ببيت اهلها كانت جالسه مع اخوانها وامها وابووها في الصاله وتسوولف معهم وكانت عيونها تعلن عن نزول الدموع وبس ريم تحاول تقاوم رغبة البكاء عندها على الساعه 11 راحت ريم غرفتها وماقدرت تتحمل وهلت دموعها بغزاااارهـ دق جوالها على اغنية تروح وتجي بالسلامه وكان فهد المتصل ردت عليه وهي تبكي من قلب فهد خاف عليهااااااا مررهـ : وش فيك حبيبتي ريووووم ؟
ريم : مافيني شي
فهد :وشلون مافيك شي وانتي تبكين .؟
ريم :عادي اليوم اخر يوم لي في هذا البيت احس صعبببب
فهد :عادي حبيبتي هونيها وتهون وانتي كل مابغيتي تجين بيت اهلك بجيبك
تطمنت ريم لكلام فهد وسكرت منه وناامت
صحت الصبح من الساعه 7 سبحت واخذت اغرااضها ونزلت عند امها صبحت عليها وفطرت معاها وكانت حنان موجودهـ معاها الكل كان ساكت ولاحد تكلم جا نايف ووصلهم للمشغل ثلاثتهم ..
وكانوا موجودين بالمشغل منال وامها الكل كشخ وكانت ريم احلااااااااااااهم
كانت حاطه مكياج خليجي روووعه باين جمال عيونها الكحل العربي الاصييييل مع فستانها الابيض والورد اللي متدرجه الوانه من الابيض والاصفر والاحمر والوردي وكانت قمة الانووثه والجمال !
كان زواجها في قاعة الملك عبدالله بالقطيف .. امتلت القاعه بالمعازيم وكانوا بإستقبالهم ام نايف وام فهد ومنال
كانوا ام نايف وام فهد لابسين جلابيات فخمه وحاطين ميك اب فخم مررهـ ومنووله كانت لابسه فستانها اللي لبسته يوم ملكتها على قولتها " ليه اتعب نفسي وعندي فستان مافي احد شافه علي " وحاطه نفس درجة الميك آب بعد ماخلصوا استقبال المعازيم اللي امتلت القاعه منهم بدت الطقاقه < المغنيه > بالاغاني الخليجيه واول اغنية قالتها شوفوهـ شايف نفسه يمشي ولا معبرني وقاموا فاطمه ومنال يرقصون وكانوا في البدايه ام نايف وام فهد برقصهم الهادئ وبعدهم دخلوا منال وفاطمه وكان رقصهم حلوو مررهـ
وكملوا هبال ورقص لين الساعه 11 اعلن وقت دخول العرووسه ودخلت ريم على كلمات شعريه ممزوجة بموسيقى رومانسيه حلووهـ وكانت دخلة ريم على النحو التالي اول مادخلت ابتدت الكلمات الشعريه ووقفت ريم توزع ابتسامات للحاضرات ولما انتهى الشعر بدت ريم تمشي بخطوات هاديه وبثقه داخليه وخارجيه الكل كان منبهر من جمال ريم ونعومتها .. وصلت ريم والكل بدى يبارك لها بعدها بنص ساعه اعلنت الطقاقه انو الكل يفضي المسرح وو الجسر وكلها دقيقتين والاثنين فاضيين راحت الطقاقه لريم ووقفتها ومشتها لبداية الجسر وغنت لها وريم رقصت على الاغنيه احلى رقصاتها الخليجيه والكل اندهش من جرأة ريم وعجبتهم الحركه الجديدهـ .. بعد ماخلصت ريم من الرقص رجع الكل يرقص ولكن هذي المرهـ المقربون جدا للعروسين !
الساعه 12 اعلنوا وقت العشاء توجه الكل لقاعة الطعام والكل تعشى وفي مثل ذا الوقت اشتغل شريط اغاني منووعه لراشد وغيرهـ من المغنيين وكانت المصورهـ الفلبينيه تصوور ريم وتلتقط لها اجمل الصور احلى اللقطات في ليلة عمرهـا على الساعه 1 اعلن وقت دخول المعرس _ فهد _ لكن المثير في الموضوع انوو ريم ابتسمت ولم ترتبك وتخاف من هذهـ اللحظه !
قبل دخوول فهد طلعت ام فهد للحووش المقابل لمدخل النساء واخذت البشت اللي كان فهد لابسه واتفقت مع الطقاقه بإلقاء اغنية ( عشت ولبست البشت يوليدي ) عند دخوول فهد للقاعه
وفعلا عند دخول فهد للقاعه قامت المغنيه بإلقاء الاغنيه اللتي طلبت منها وكانت ام فهد واقفه في نهاية الجسر جنب ريم ولما صعد فهد للجسر مشت ام فهد له ولبسته البشت وبعد مالبس فهد البشت باس راس امه وكمل مشيه وعيوونه معلقه على ريم اللي كانت احلى من القمــــــــر .. اول ماوصل لها راح ورفع الطرحه وباسها على جبينها وبعدها شبكوا ايدينهم ببعض ومشوا وجلسوا على الكرسي المخصص لهم !
بعدها جات المصورهـ وكملت تصوير للعروسين وكانت تخليهم يسوون حركات حلوووووووهـ
على السااعه 3 الفجــــــــر خلصوا كل التصوييير وراحوا لفندق الشيراتون بالدمام ..
دخلوا جناحهم وجلست ريم على الكنبه تحس رووحها تعباانه شافها فهد وابتسم وقال : لهذي الدرجه تعبانه حياتي
ريl بتعب : ايه
راح فهد واخذ له ملابس ودخل دورة المياهـ _الله يعزكم_ وسبح! .. اما ريم قامت وقابلت التسريحه الموجودهـ بالغرفه وبدت تفك البنس اللي بشعرها وببعد جهد خلصت قامت واخذت لها مناديل لإزالة الميك آب وبعدها راحت ودخلت دورة المياهـ الثانيه اللي موجودهـ بالجناح واخذت معاها رووب السباحه معاها دخلت ريم وسبحت ..
طلع فهد من الحمام _ الله يعزكم_ وماشاف ريم طلع برا غرفة النووم وشافت وسمع صووت الموويا في الحمام الثاني _ الله يعزكم _ عرف انها تسبح ! طلع برا الجناح وراح يطلب لهم عشااء وبذا الوقت طلعت ريم من الحمام _ الله يعزكم _وماشافت فهد موجود .. راحت للغرفه وطلعت لها رووب نوم فخم وملكي ولبسته لوونه سكري ابيض وحطت لها كحل ورسمت عيوونها بشكل خيااااالي وقلووس وردي شفاف حلووو ..
رجع فهد للجناح وشاف ريم قاعدهـ بالصااله تنتظرهـ وكان شكلها روووووووووعه خق فهد على شكلها اللي صاير ملكي ! فهد : يااااهـ ياحلووك ياحيااااتي
ريم : عيونك الحلووهـ غلااااتي
فهد ساكت يناظر ريم :..............
ريم : طيب وين رحت حياتي ؟؟
فهد : اييه رحت اطلب لنا عشااء
ريم : اهاا يعطيك العافيه حبيبي والله اني جوعاانه مررهـ
فهد : افاا ماعاش الجووع يقربك حياتي دقايق والاكل عندك ..
ريم سكتت انهبلت علييه كلامه عسسل !
دقايق ودق جرس راح فهد ودخل الاكل وعطا الشخص اللي جابه فلووس وصررفه ..
دخله فهد للصاله وحطه على الطاوله وساعدته ريوم بعد ما ااكلوو راحوا للغرفه
اول مادخلوا فهد ضم ريـم و...............>> آحـــــم هع
مر يومهم حلوووووووو وكان احلى يوم للعروسييييييين
جا يوم ثاني على الساعه 12 صحت ريم وصلت وصحت بعدها فهد ..
ريم : حبيبي يلااا قووم الساعه 12
فهد : هممممممممم
ريم : فهد قووووم
فهد فتح عيوونه وابتسم ومسك يد ريم وباسها : صباح الورد حبيبتي
ريم : صباح الفل والياسمين والجووري
فهد بإبتساامه سحرت قلب ريم : آآآهـ يامحلا صباحي بشووفة محيااك حبيبتي
ريم ولأوول مررهـ تستحي وحمررررت خدودها تصرررف : يلااا فهد قوم افطر
فهد :لا تو النااس خلنا بعد شووي
ريم : يلاااااا عااااااااااااد قووووووووم الحين يبرد الفطوور
فهد استسلم : طيب طيب << قام ودخل دورة المياهـ _ الله يعزكم _ وسووى روتينه اليوومي وطلع وراح عند ريم وشاف الفطور موجود وريم تنتظرهـ وقعدوا يفطروون بعدها قال فهد : ريووم جهزي اغراضك علشان السفر
ريم بإستغراب : أي سفر ؟؟
فهد بإبتساامه : بنرووح ماليزيا اسبوعيين
ريم مو مصدقه وبهبااله : صدددددق وااااااااااااااااي وناااااااسه
فهد : ههههههههههههههههه هدي اعصاابك طيب
ريم حست على رووحها :احم ..!
على العصر كانوا فهد وريم ببيت اهلهم والكل كان مجتمع في بيت الجد واللي يصيح واللي يلولش والدنيا قاايمه
الساعه 7 المغررررب صار موعد الرووحه للمطاار ريم دق عليها فهد وقال لها تجهز سكرت منه ريم وقامت تلبس عبايتها وهي على اقل شي بتصيح دموعها على طرف عينهاا وهي ماسكه رووحها لآخر لحظه ..!
سلمت على خواتها واهلها والكل كان يصيح وهي ماسكه روحها تحس انها مخنووقه ودها تصييح ..!
واخر شي سلمت على امها ام نايف ضمتها وريم خلاص ماقدرت تمسك روحها اكثر وبكت ام نايف بكت معاها وهدتها بعد !
الكل طلع وراحوا ريم وفهد للمطار وعلى الساعه 8 كانت طائرتهم قالعه من المطار قضوا ريم وفهد احلى اسبووعيين في ماليزيا..
وبعد هذي الاحداث بإسبووع .. كانت ريم رايحه بيت اهلها
ام نايف : يمه ريم ابي منك خدددمه ..
ريم : امريني يمه
ام نايف : ابيك تسألين صديقتك نعيمه اذا هي موافقه على محمد
ريم : طيب يمه
ام نايف : لاتبطيين بسرعه ابي الرد
ريم : هههههههه يمه هذا زواج مو لعبه لازم البنت تفكر ..!
ام نايف : اييه بس مو تبطين وماتدقين عليها
ريم : لالا بدق بسرعه و ذا اليومين الرد عندك
ام نايف سكتت ..
كملت ريم الكووفي اللي كان معها ودق عليها فهد علشان تطلع
ريم : يلا يما انا بروح
ام نايف : ويين بدري
ريم : وين بدري يما والحين الساعه 12 تأخرت على زوجي تاركته من العصر
ام نايف : طيب براحتك
ريم باست راسها : مع السلامه يما ..
ام نايف : الله يسلمــــــــــك..
طلعت ريم لفهد
ريم : سلاااام
فهد : وعليكم السلام
وبقوا ساكتين طوول الطريق
دخلوا بيتهم وعلى طوول كل واحد فيهم غير لبسه ونااااام ..
صحى فهد يوم ثاني وغير لبسه وفطر مع ريم وراح دواامه اما ريم رتبت بيتها وجهزت الغداء ..
ولما خلصت بدت تتفرج على التلفزيون وكانت حاطه على ابوظبي وكانوا جايبين برنامج المقناص وريم تحب شي اسمه قنص ومقناص فاندمجت فيه مررهـ مرت عليها سااعه ولا حست على عمرها جا فهد من الدواام وشم ريحة الاكل اللي يفتح النفس دخل داخل الشقه وشاف ريم قاعدهـ على الكنبه ومندمجه في التلفزيون وكان برنامج المقناص فهد : سلااااااااام
ريم اخترعت :اااااهـ بسم الله فهيييييد !
فهد : هههههههههههه بسم الله عليك قلبوو ..
ريم بووزت : عاجبك كذا تخرعني !
فهد : هههههههههه بصرااحه شكلك كيووووووووت
ريم : احلف بس ..
فهد : والله ههههههههههههههههه
ريم عصبت وقامت وقام وراها فهد وضمها بأقوي ماعندهـ اما ريم هدت وهي بين احضاانه تركها فهد وهي مبسووطه على الآخــــــر راحت ريم وجهزت الغدااء فهد وهوو يااكل : ااااه يايزين اكلك حيااتي الله لايحرمني منك
ريم بأبتساامه : الله يسلمك حياتي بالعاافيه .. بعد ماخلصوا اكل قامت ريم وجهزت الكووفي ولها وولفهد
فهد : اقوول ريووم وش رايك نروح رحله للقنص
ريم ماصدقت : والله
فهد : أي والله الحين الجوو حلوو واكيد في البر بيكوون احلى
ريم : والله فكرهـ حلووهـ قبل بداية الدرااسه ..
فهد : اجل انا بقوول للشباب وانتي البنات
ريم : طيب الشياب مو معنا ؟؟
فهد : لا بنخليها لجيلنا بس ..!
ريم : احسن بعد علشان ناخذ الحريه شووي
ريم قالت للبنات وفهد للشباب والكل كان مبسووووط وجهزوا الاغرااض على ان الرحله بتكوون في الوويك اند وبيتموون هناك 5 اياام ..
صاروا قرووبين وسيارتين جيب ووالهمر
كان قرووب البنات يتكوون من ( ريم – حنان – منال – فاطمه – مي - نعيمه) وقرووب الشباب ( فهد – محمد- راكان – نايف – نواف )
وكان اللي يسووق سيارة البنات سعد والشباب فهد ونفس الشي كانوا السيارتين فالينها على الاخـــــــر
عند البنوتات كانوا مسويين جلسه وفي وسطهم كيرم صغير وكان التحدي بين ريم ومنال ومي ونعيمه .. والباقي تشجييييع الكل كان يلعب بحماااااااااس وتصفييق وكانوا مشغلين اغنية ( هذه اللي شايف نفسه ) والكل يغني ويشجع ويلعب وكان الوضع عندهم غييييير طبيييعييييييي ! وسعد يضحك على هبالهم لأن منال كل دقيقه تكوون لوحدهـ ياغشاشه العبي زين ويبتدونه هووشه على مزح.. اما عند الشباب كانوا يسوولفوون وكانوا محمد وراكان ونواف يلعبون ورقه والوضع عندهم حماس من قلللللب ..! المهم وصلوا للمكان اللي خصصوهـ وكانوا قبل بيوم رايحين وحاطين الخيم ومجهزين كل شي دخلوا البنات خيمتهم ونفس الشي الشباب اول مادخل سعد للخيمه استلموهـ الشباب راكان : هاا شلون الوضع عندك اكيد طفش
سعد : أي طففففففش الا ونااسه واكشنااااات
فهد : شلوون ؟
سعد : تخيل جايبين معاهم كيررررم
الكل اندهش يعني لهذي الدرجه البنات عندهم حس للوناسه اكثر منهم ..
على العصر راح فهد ودق على ريم وطلعت له وبدوا يتمشوون مع بعض ..
ريم : اقوول حبيبي
فهد : عيوونه
ريم : متى بتبدوون القنص ؟؟
فهد : من بكره الصباح ان شاء الله..
ريم : اهاا
وكملوا سوالفهم بكل شاعريه ورومانسيه ..
على المغرب رجعت ريم للخيمه والكل صلى وبدوا يجهزوون للعشااء ..
سووا لهم برجر منووع سمك ودجاج ولحم الكل اكل ونام من التعب
اذن الفجر والكل كان صااحي صلوا والبنات لبسوا عباياتهم وتحجبوا وكابات وطلعوا ونفس الشي الشباب لابسين بدل سبوورت وكابات وكانوا كلهم خطيييريييييين وركبوا كلهم بسيارة الجيب والاغاني والحماس والجوو حلوووووو الشباب كلن عندهـ سلاااحه راحوا كلهم لمنطقه يكثر فيها الصيد سعد صاد طير مدري ووشوو اسمه خخخخ وفهد ارنب ريم شافت ارنب يمشى بأسرع ماعندهـ الكل تحداها تصيدهـ
منال : ريم اتحدااك تصيدينه
مي : لوصدتيه لك اللي تبين
محمد : لالا ما اظن تصيدهـ شوفووهـ يسررررع
فهد : أي والله هذا صعب صيدهـ
ريم : طيب انتم تحديتووني وتحملوا راحت واخذت السلاح حق فهد وركزت على مكانه ودققت على وين مسراهـ ووين طريقه خذت السلاح وبطريقه عجيبه ركزت صووب الارنب وبطريقه اذهلت الجميع اطلقت الرصاصه وصابت الارنب الكل كان مذهوول من طريقة ريم في التصويب وطريقة مسك السلاح اللي يشوفها يقوول قناااص
ومتدرب من قلب على ذا الشي راح نواف يشووف اذا الارنب تصووب او لا وشافه شوي وبيموت قام وسوى له الذكاة الشرعيه وكان مكان التصويب مظبوووووط الصراحه الكل تفاجئ من رييييم
فهد : ريوووم ياخطيرة وش ذي المهارهـ
سعد : أي والله صدق كنك قناااص
ريم : احم احم خلو القنص لأصحاابه ..!
الكل ضحك عليها
ريم : يلااا وش لي
الكل طلع من جيبه الف ريال وعاطها ريم لدرجة صار عندها اكثر من 10 آلاف
نايف يتحنطب : لو ادري انه عندك مهارهـ لذي الدرجه ماتحديتك !
ريم : نعم نعم والله انتم تحديتوا وتحملوا تحديكم
مرت الايـــــــام واليوم اخر يوم بالرحله .. البنات صحوا من الصباح وكان معهم مسجل وشغلوو على اغاني طقاقات وكان الوضع عندهم هباااال الكل قام يرررقص ..
بعد ماخلصوا من الهبال طلعوا يسوون الغدااء شافوا الشباب يجهزون الغداء
ريم : اقوول بتطبخوون اليووم
فهد : اييه بتشووفون الطبخ على اصووله ولا البنات يسوونه
منال : يووهـ لا تمووتون علينا
فاطمه : اقوول مي جهزي جوالك علشان نتصل على الاسعاف اذا صادنا تسمم
كل البنات ضحكوا على هبالها والشباب بعد
على الساعه 2 الظهر جهز الغداء وكان مندي مدفون تحت الرمل وتحته وفووقه جمر وكانت ريحته حلووووووووووهـ البنات سوو السلطه وجهزوا السفر والشباب حطوا الغدااء والكل كان مبسووط
وكان الاكل لذييييييييييييذ من قلب الكل شكر الشباب على طبخهم ..
وعلى المغرب الكل كان راجع للبيت وكان الوضع هادي في السيارتين اللي نايم واللي يفكر ووو
الساعه 10 وصلوا الكل بيتهم سبحوا وناااااااموااا..
بعد اسبووع قربت الدرااسه باقي عليها اسبوعيين وانشغلوا ريم واختها ومنال وشلة الدراسه طبعا اللي يدرسون في المدارس دخلوا مراييلهم عند الخيااط وسوو نفس الموودييل .. وقضوا الاسبوعين في الاسوااق وتجهيز المدرسه من جزم وشنط واكسسوارات الشعر ووو........
بكره تبتدي الدرااسه .. وريم راحت للخياط تاخذ مريوولها اهي ومنال اللي لوونه بني حلوو .. رجعوا البيت وكان العشاء جااهز..قعدوا على الطاوله وكان العشاء ورق عنب وسمبووسة خضار وبيبسي ..
الكل كان موجود بدوا ياكلون ريم اكلت الورق عنب بشهيه والبيبسي كان جنبها فهد عطاها سمبووسه ريم اخذتها وتوها بتاكلها وبدت معدتها تقلب تركتها ورجعت لأكلها الباقي ريم الكل مادقق على حركة ريم بالنسبه لهم حركه عاديه ..
الكل بعدها راح ينام وريم اول مادخلت الغرفه ناامت لأنها كانت رايحه االخياط بالبجاامه بما ان عليها عبايه فما في لزووم تغير لبسها ..!
جا يوم ثاني الساعه 5 صحى فهد من نوومه وشاف ريم نايمه بعممممق ..!
استغرب نومها ذا اليوميين زااااايد وماتاكل زيين وعلى اقل كلمة تصييح ..! مدري شفيها متغييررهـ
صحاها من نوومها وهي بعالم ثاني نااااايمه فهد : ريم ريم حياتي قوومي
ريم : خمس دقاايق الله يخلييك
فهد : يلااا قوومي خمس ونص الحييييين نطت ريم من السرير وراحت تبدل وتتجهز.. راحت تجهز الفطور لها وله وريم كانت تاكل سلطة طماطم وخيار وعليها ملح وليمون والليمون نسبته زاايدهـ يعني صاير حااااااامض
فهد اكل لقمه منه وبدا يكح من الحمووضه فهد : ريموهـ وش ذا الحمض ؟
ريم : بالعكس عادي مو حامض
فهد : احلفي بس ..!
ريم بكل برائه : والله ..
بعدها قامت ريم ولبست المريول اللي كانت ضابط عليها ولوونه حلوو عليها ولبست سلسال سخيييف بني وحلق بنيه ..!ورفعت شعرها كله بربطه بنيه ورفعت القذله بكليب عاادي وماحطت شي في وجهها نزلت مع فهد تحت وسلمت عليهم قامت منال ولبست عباتها مع ريم
منال : ريوم غريبه ماحطيتي كحل العادهـ ماينزل من عينك ؟
ريم : مالي خلق اقعد احطط كحل ..
منال : اهاا
فهد : مدري شفيها ذا اليومين مالها خلق شي
منال بخبث : اقوول ريمووهـ ليكون حامل
ريم بلا مبالاهـ : لا ووش حامل بدري تونا شهر ونص من تزوجنا
منال : في ناس يحملوون من الشهر الاول
فهد بونااسه : تهقيين منووله
منال : ايه خلها تحلل وشوفوا بس اذا طلع كلامي صح ابي البشاارهـ
فهد بونااسه : افاا عليك 100 ريال مني لك
منال بطفااقه : وااااي ونااسه
ريم : هبله
الكل : ههههههههههههههههههه
راحت ريم ومنال للمدرسه وقضوا يوم حلوو من سلام ووسوالف ..
رجعت ريم من المدرسه مع فهد وصل فهد بيتهم وقال منال: نزلي وريم خليك معي
منال : لاوالله ابي اروح معكم
فهد : اقوول يلا انزززلي
منال نزلت لأنها كانت تبي تنام فما جادلته كثييييير
راح فهد وودا ريم للمستشفى
ريم : ليه جايبني هنا ؟؟
فهد : ابي اتأكد اذا كنتي حامل اولا
ريم : طيب
نزلوا من السياارهـ وراحوا عند غرف التحاليل واخذوا على ريم تحليل دم وقالوا لهم النتيجه بعد ساعه ..
انتظروا سااعه وبعدها طلعت النيرس وقالت
النيرس : مبروك مدام انتي هامل
ريم منصدمه من الفرررحه وقفت فهد وقف معاها وضمها بأقوى ماعندهـ
رجعوا البيت والكل فرح لريم وفهد وباركوا لهــــــــم ..
بعدها بيومين جات موافقة نعيمه على محمد والكل بدا يبارك لهم
وبعد هذي الاحـــــــــــــــــــــــــد اث بـــــــــــــــــــــ3 سنوات..
الكل كان مجتمع في بيت الجد ..
وكان المكان ازعاااج من اطفاال وكبار وشباب وونااسه
ريم : ماما عبوودي تعال هنا < الحين صار عمر ولد فهد 3 سنوات<
جاها عبد الله وهو يركض وخااااايف
عبد الله : ماما وااااااااااااو
ريم : وين ؟
عبد الله : اناااك <هناااااك< وهوو يأشر بصبعه على الحووش
قامت ريم معاهـ وشافت قطوهـ صغيروونه
ريم : هههههههههههههههه يالبى قلب ماما
كان عبد الله متلبد ورا امه وماسك تنورتها بأقوى ما عندهـ رجعت عندهم
ام نايف : حبيبي عبوودي تعال خذ حلاوهـ
راح لها عبد الله يضحك
عبد الله : ايتيتهـ < ايديدهـ > ابي حواوهـ < حلاوهـ>
ام نايف : ههههههههه يالبى قلب ايديدهـ انت وعطته حلاوهـ وراح مبسووط
طبعا سعد تزوج منال وعندهـ منها بنووته تهبببل سموها < قمر > وعمرها الحين سنه ونص
اما محمد تزوج نعيمه وعندهـ الحين منها ولد وعمرهـ 5 شهور قمر وسموهـ _ فارس _
اما نايف تزوج فاطمه وعندهـ منها توأم وعمرهم شهرين وهم بنتين مثل القمر وأسمائهم ( نوف / نجلاء)
وكانوا في كل شي يطقموون لهـــــم لدرجة انوو اهلهم مايقدرون يفرقون بينهم..
تمـــــــــــــــــــــــت
انتهت الروايه اللي عشنا معها احلى ايامنا
وابي راايكم في الشخصيات من بداية القصه لنهايتها والاسلووب وكل شي !
|