منتديات قصايد ليل - عرض مشاركة واحدة - صدفه لقيته اللي هويته محلى عيونه وايه فديته

12-13-2011

الجزء الثالث عشر
قبل الملكه بيومين
فى بيت ابو خالد
خاله خالد العنود جات من لندن ومعها جنى بنتها وساره ميته من القهر لانهم بيقعدون عندهم لمدة شهرين ا وانهم يبون يحضرون عرس ديمه بعد

خالد .. ساره قومي تغدي
ساره .. مابى اتغدى تحت
خالد .. ليش فديتج الكل تحت عيب احنا نتغدى فوق لحالنا
ساره بغيرة ..... ايه تبينا نزل تحت لجل تقعد مع جنى الماصخه
خالد .......هههههههههه فديت اللى يغارون ولايهمج مراح اقعد مع جنى
ساره .. احسن
خالد .. طيب شرايج نتغدى فى مطعم
ساره..... اوكي
طلعوا يتغدون بعدها قعدون يتفرفرون بالمجمعات ليما اذن المغرب رجعوا البيت
خالد .... حياتي
ساره .. هلا
خالد .. انا بروح اصلى بعدها بروح عند الشباب فى الاستراحه
ساره .. اوكي الله يحفظك
خالد .. تامرين على شى
سارة .. سلامتك فديتك
خالد .. الله يسلمج
راح خالد وسارة دخلت البيت
سارة .. السلام عليكم
الكل .. وعليكم السلام
جنى بدلع .. ساره وين خالد
ساره وهى رافعه حاجبه الايمين وبعصيبه .. على ماتعقد هذا شى مو من اختصاصك
جنى بنفس الدلع .. ليش يا حلوة هو مو ولد خالتى
ساره ... ولد خالتك مو زوجك
جنى ....بكل وقاحه وقله ادب .............هههههههه يارب يصير زوجي
تدخلت غندة من بينهم لان حست ان جنى زودتها
غندة ..... ساره فديتج قومي بدلى قبل لايجون البنات
ساره بابتسامه لجل تقهر جنى ...... اوكى من عيوني
غندة ترد لها الابتسامه .. تسلملى عيونج

طلعت سارة تبدل ولبست لها فستان يوصل لنص الركبه ورفعت شعرها وحطت كحل وقلوس وتعطرت ونزلت بعدها تحت
فى بيت ابو محمد
ام محمد ........ يالله يافهد تاخرت على خالتك
فهد ..... ان شاء الله يمه جاي
نزل فهد وكان اخر شياكه
ام محمد وهى طالع فيه ...... اقول فهد يمه معزوم على عرس انت
فهد ..... لا ليه
ام محمد .. لا بس اللى يشوف كشتخك يقول انك رايح عرس
فهد ..... ههههه لا يالغاليه بس اكيد بشوف فيافي
ام محمد ...... الله يرجك من ولد امش بس اخرتنا
فى بيت ابو بندر
ام بندر .. فيافي
فيافي ....نعم يمه
ام بندر .. بتتاخرون فى بيت خالك
فيافي .. والله على حسب القعدة
ام بندر .. اجل لا ترحون قبل لا تسلمون على خالتكم
فيافي .. ابشري يمه من عيوني ماطلبتي
بعد عشر دقايق دخلت ام محمد
ام بندر ...... ياهلا ومرحبا تو مانور البيت
ام محمد .. وهى تسلم على اختها ..... منور بوجودكم فديتج
ام بندر .. شخبارك ياوخيتي
ام محمد .. الحمد لله انا بخير انت شلونك
ام بندر .. دامج بخير انا بخير
فهد .. شخبارج خالتى
ام بندر .. بخير انت شخبارك
فهد ...... دامنى اشوفج انا بخير
دخلن عليهم ديم وفيافي
ديم وفيافي .. السلام عليكم
الكل .. وعليكم السلام
وسلمن البنات على خالتهن وعلى فهد باليد
ديم .... شحالج خالتى
ام محمد .... تمام انتى شحالج
ديم .. الحمدلله بخير بشوفتكم وانت يافهد شخبارك
فهد بابتسامه ... بخير بنت الخاله انتى شخبارج
ديم ...... تمامو
وطبعا نفس الشى فيافي
حدر عليهم تركي سلم على خالته وفهد واخذ البنات يوصلهم بطريقه
تركي .. فهود تعال معاي بسيارة
فهد اوكي
وصلوا البنات ودخلوا لجل يسلمون على خالهم بس فهد وفيافي وديم سبقوا تركي بدخول
تركي جاله اتصل من وحدة من اللى يغازلهم
_______ تركي حياتي شفيك متغير على هالايام
تركي من غير نفس ... لايتخيلج بس انا مشغول هالايام
_______ فى شنو مشغول حبي عني
تركي ... وهو يدخل البيت ..... شوف انا اكلمج بعدين لاني الحين فى بيت خالي
_____ اوكي فديتك انتظرك
تركي ..... اوكي فديتج مع السلامه
_______ احبك
تركي ....... من غير نفس ......وانا اموت فيج مع السلامه
وسكر الخط قبل لايسمع ردها بس فى شخص سمع مكالمتهم
غندة اللى كانت طالع من باب المطبخ اسمع كل المكالمه اللى دارت بينهم بالصدفه مو قصدها التصنت بس لانها ماتبي تركي يشوفها الا يوم الملكه
ادخلت غندة البيت من الباب الخلفى وصعدت غرفتها وكانت من صدمه من الكلام هى تعرف ان تركي يحب المغازل بس مو لدرجه انها يقولها اموت فيج كرهت نفسها وكرهت تركي بس قررت انها تنزل تحت لجل مايشكون ان فيها شى
الشباب سلموا على خالهم وتركي سلم على عمته سارة وطلعوا
فى ايطاليا

فى يميلان سعود اخذ يارا لبارك هادي يرسمون فيه
يارا باعجاب ...... سعود واو رسمهم روعه
سعود .... ياحبي احسن الرسم الطبيعي الكلاسيكي تلقينه بايطاليا ...
بس اكثره ابداع بروما
يارا ..... اها
طلب سعود من احد الراسامين انه يرسم يارا ورسمها وكانت الرسمه روعه
سعود .... حياتي خلينا اروح مكان ثاني
يارا .. لا حبي كافي اليوم تعبت انا خلنا اروح الفندق
سعود .. اوكي من عيوني
يارا .. تسلملى عيونك

يتبع