اليوم الثاني
قام وهو متضايق من امس هديل تعطيه نظرات لوم
قام وتغسل وصلى الفجر شاف الساعة 11:00
قام ودخل الصالة لقى هديل ورغد رجع ورى
نايف :ياولد
تغطوا هديل ورغد
نايف: السلام عيكم
هديل ورغد وام نايف: وعليكم السلام
نايف راح وحب راس امه :كيفك يمه
ام نايف: الحمدلله بشوفتك ياوليدي
نايف: جعله دوم يايمه
والتفت على رغد: كيفك رغد
رغد :تمام وانت
نايف:تمام
والتفت على هديل اللي اعتصر من جواه من نظرات اللوم وقال بنبرة رومانسية وحنونة:كيفك هديل وكيف رجولك
هديل خقت على صوته بس مابينت: تمام
نايف حز بخاطره لانها ماقالت وانت :وانا تمام اذا بغيتي تسالين
هديل تفشلت وانقهرت
ام نايف :رغد تعالي ساعديني على الغدا
رغد :ان شاء الله
وقاموا
بقى هديل ونايف
نايف تنهد :ممكن اعرف ليش نظرات اللوم بعيونك
هديل: لانك بكل بساطة انت السبب
نايف:ايه صح انا عكرفت الحصان وطحتي
هديل: لاتكلمني بهطريقة
نايف: طيب قولي لي انا وش سويت
هديل: اربكتني وانت تطالعني لو انت مو موجود كان انا الحين بصحة وعافية
نايف: ليش حرام اشوف زوجتي
هديل انحرجت: انا مخطوبتك بس لااكثر
نايف: وزوجتي المستقبلية وام عيالي المستقبلية
هديل هنا راحت وطي
نايف تنهد :على كل حال سلام بروح اقوم الشباب وانتي فكري لاتظلمين
راح نايف وهديل كانت تفكر بكلامه
نايف دخل على الشباب
راح لم فيصل وبدا يهزه بس ماقام نايف "الله يعين زوجته بس"
وبدا يسوي كذا بكل الشباب بس مافي فايده
راح جاب كاس موية
وكبه على فيصل
اما فيصل قام بسرعة وهو يشهق ونايف فاطس ضحك
فيصل: ياحقــــــــــــــــــــير ليــــــــــــه خربت نومتي؟؟
نايف: ههههههههههههههه ااه يابطني هههههههههههههههههههههههههههههههههههه
فيصل ايه اضحك بس انتظر
وقام فيصل واخذ الكاس وعباه موية وبدا يلاحق
نايف وطلعوا ودخلوا الصالة اللي فيها هديل
هديل على طول تغطت (طبعا عندهم اللي انخطبت ماتفتش عند خطيبها )
نايف :هديـــــــــــــــــــــــــــــــــــــــــــــل ساعديني يمـــــــــــــــه
ام نايف طلعت
ام نايف: هو فيصل وش بلاك ؟؟
نايف راح ورا امه
اما هديل متسدحة ضحك
فيصل: خالتي شوفيه وانا نايم كب علي موية
نايف: لاني قومتك بس ماقمت
ام نايف: فيصل
فيصل: سمي
ام نايف بخبث : خذ حقك وراحت
اما نايف انصدم وبدا يركض ووراه فيصل في الصالة
هديل: فيصــــل حرام عليك اتركه
فيصل: ايه زوجك اهم اخوك
انحرجت هديل
نايف: خلها ياغيور لو زوجتك مكان زوجتي اصلا كانت راح تدافع عني
وهج وفيصل وراه
اما عند البنات
فرح قامت وبدت تدخل منديل جوا خشوم البنات واالا اذانهم
بالاخير قاموا وهي طلعت
مها :بنات وشرايكم نحقر فرح
البنات :اوك
بنفس الوقت قام نواف وطلع ورجع على طول شاف وحده بس ماعرفها << طبعا هذي الوحدة فرح
اما فرح مادرت عن هوا داره نزلت لقت هديل
جلست وصبت لها حليب
هديل: وجع مافي سلام ؟؟
فرح: سلام
هديل: وعليكم
بدت فرح تشرب وهديل تطالع مكان نايف وهي تفكر بكلامه
دخلوا البنات وهم محتقرين فرح
البنات : هاااي هديل
هديل: هاياات
فرح وهي رافعة حاجب ومنزلة حاجب: وانا مالي هاي
البنات : كيفك هديل
هديل: تمام وانتوا
البنات : تمام
فرح : وانا مالي كيفك ؟؟
مها : نوف
نوف : نعم
مها : اليوم في دبابات
نوف: مدري
ريم : الا فيه
فرح: يارب اني اتكلم
رنا : مين قالك
ريم : امس سوينا هوشه وبالاخير مافي
فرح : على تبن تراني اتكلم
دلال: من جد صادقة ريم
مها: أي واصلا حنا نبي
رنا : اهاا
فرح قامت تصرخ : كولــــــــــــــــــــــــــو زقــــــــــــــــــــــ حميــــــــــــــــــــر (وراحت)
الكل انصدم على كلمة (كولو زق ) فرح ماتقولها الى لما تصيح
مها: مو كآآننا مصخناها
ريم : منجد
دلال: هي تستاهل
هديل: وش السالفة
دلال: انا اقولك ................... وقالت لها
هديل: كان تكلمتوا معها مو تحقرونها
رنا: انقهرنا منها
مها : قوموا نراظيها
هديل: لا لاتقومون بتصرخ ويمكن تقول كلام تكرونها
رغد: السلام عليكم
البنات : وعليكم السلام
رغد: كيف الحال
البنات : تمام وانتي؟
رغد: تمام وين فرح
البنات قالوا لرغد السالفة
رغد: انا اتفق مع هديل كان كلمتوها بس تحقرونها لا ماينفع
بنفس الوقت نواف يتمشى بالمزرعة
وسمع صوت صياح خاف من قلب وركض على اتجاه الصياح كان ورى الحديقة شاف نفس الوحدة اللي شافها الصبح
اما فرح كانت تصيح من القهر وكان هذا مكانها من زمان ان كانت فرحانة راحت له وان كانت زعلانة راحت له
تقدم لها نواف
نواف: وشفيك
فرح حطت راسها على صدره على بالها فيصل : اااااااااه فيصل كلهم احقروني ااااااااااااااه كلهم مايبوني ليه
نواف انصدم " معقووووووووووولة فرح هلجمال كله فرح لالا مو معقولة"
نواف: ليش وش سويتي <<< عاش جوا الاخ
فرح رفعت راسها وانصدمت : نواف ؟؟!!!!!!!
نواف ابتسم : عيونه وشفيك يافرح ليش الصياح ( وبدى يمسح دموعها بصابعه )
فرح نزلت راسها: كنت اقومهم
نواف بحنية : كيف؟
فرح بخجل: بمناديل كنت ادخله باذانهم واخشومهم
نواف: هههههههههههههههههههههههههههههههه اه يابطني ههههههههههههههههههههههههههههههههههههههههه الله يقطع سوالفك يافرح ههههههههههههههههههههههههههههههههههه
فرح رجعت تصيح : لاتضحك
نواف: سكت طيب وبعدين
فرح : اكلمهم مايردون علي
نواف " صدق انها بزر يناسب فيسها" قرب منها نواف وضمها
نواف: ماعليك يمكن منقهرين وصدقيني هم راح يتاسفون مو انتي
اما فرح صاحت في حظنه وبدت تهدى وخرت فرح عن نواف منحرجة
اما نواف يوم شاف خدودها الحمر ابتسم : هههه ( وقبص خدودها ) ياحلوك وانتي منحرجة
|