اما فراس اول ماسكرت لمياء بوجهه قعد يناظر الجوال وهو منصدم !! وش فيها ذي من جدها عصبت .. !! صدق لا قالوا البنات حساسات ودلوعات .. !! وشدعوه كبرت الموضوع وهي خرابيط سالفه ماتستاهل كل هالصراخ والتهزيء والسب .. لا وبعد تهديد ..!! بس عاد لمياء اذا عصبت عصبت .. يعني جاك الموت ياتارك الصلاه .. اكيد الحين بتحط حرتها فيني و توريني شغلي افف..
طبعا هالكلام كله كان يدور براس فراس وهو يناظر بالجوال .. بعد ثواني من تفكيره .. دخل جواله بجيبه وهو يبتسم وقال لمشاري : يلا مشاري انا بروح قبل ما اصير ذبيحه بيد لمياء .. اختي واعرفها اذا عصبت بعد عنها ..
مشاري وقف معه وهو يقول : هههههه ليش وش قالت لك ؟؟
فراس باستهبال : تقول ان لم ارك عند سيارتك في زمن وقدره خمس دقائق .. لا تلم الا نفسك .. يعني الحق على عمري قبل ما انتمي الى زمن كان واخواتها ..
مشاري مات ضحك على فراس واستهباله .. : هههههههههههه ياحليلك يلا اجل رح بسرعه .. وابيك عااد تراضيها .. وياويلك ان عصبتها زياده .. ها عاد حدك على لمياء .. لا اوريك شغلك انا بعد ....
فراس : احلف ياشيخ .. اجتمعتم علي انت واختي .. اقوول بس امش .. انا حياتي مستحيل تمشي بدون ما ارفع ضغط احد ... وكالعاده هالأحد المسكين يكون داايم لمياء .. يلله .. مع السلامه ..
سلم عليه وتركه متجه للبوابه يبي يطلع من المجمع ، طلع برى وراح للمكان اللي موقف سيارته فيه ، لمح من بعيد لمياء وهي واقفه عند باب السياره ، ابتسم لنفسه وقرر يلعب باعصابها لأخر مره بهاليوم .. مع انه عارف نتيجه هاللعب وش بيكون ؟؟ .. بس وده يضحك منها ويرفع ضغطها .
اول ما وصل عندها فتح السياره بمفتاحه وشافها بتفتح الباب وتدخل ، استوقفها وهو يقول : هييييه .. وين رايحه انتي ؟؟ ليش راكبه قدام ؟؟
لمياء : شلون يعني ويين تبيبني اركب .. ؟؟ ورى مثلا ؟؟
فراس : ايه .. اركبي ورى .... لأن مشاري بيجي معنا .. بنزله على بيته ..
لمياء عصبت زياده من كلام فراس وقالت : احلف بس .. !! وهذا وراي وراي .. فراس والله العظيم إن جا معنا لو تموووووت اركب معكم اقعد بالمجمع وانقع انتظر نواف ارحم من اجي معكم .. بعدين انت ليش ماقلت له ترى عندي أخت .. عندي اخت خله يفهم ويستح على دمه وما يجي معنا ..
فراس قرر يعترف قبل تدفنه لمياء بالشارع ، عارفها زيين ان عصبت مايعوقها بشر تسوي اللي براسها يعني تسويه ..
فراس ابتسم لها ابتسامه كبيره ودخل السياره وهو يقول : امزح ياشيخه امزح .. شدعوه عاااد يجي معنا قويه ذي .. بس بغيت العب باعصابك وانرفزك شوي ..
هنا اسألوا بس عن حال لمياء !! كل الشياطين الدنيا جتها .. وبدى راسها يشتغل وتبي تقهر فراس وتحره زي ماسوى فيها وقهرها .. نطت براسها فكره وهي ناويه مسويتها مسويتها .. ماااااافي .. بعد مواقف اليوم مع فراس ... مستحيل تخلي هالليله تعدي على خير .. وياويلك يافراس من الجاي ..
اخذت نفس وهدت شوي وفتحت الباب وركبت وقبل ماتسكر الباب ابتسمت لنفسها ابتسامه خبث وسكرررت االباااب بأقووى ماعندها .. لدرجه فراس قال بعصبيه خفيفه : احححح لمياء وشفيك على الباب شوي شوي تبين تكسرينه انتي .. ؟؟
لمياء لفت عليه وردت : ايه ابيه ينكسر ارتحت ..
فراس مارد عليها وناظر قدامه .. وهو عارف انها تبي تحط حرتها بالسياره لان يمووت على سيارته ولايرضى تنخدش خدش بسيط .. لكنه متوقع هالحركه من لمياء والقادم اسوء بعد ..
طول الطريق كانوا ساكتين ولاتكلموا الين ماوصلوا للبيت ونفس الشي لمانزلت لمياء من السياره سكررت البااااب باقووى ماعندها .. تبي تقهر فراس .. زي ماسوى فيها ..
اما فراس بدى يعصب من حركه لمياء هاذي ثاني مره تسويها .. لكنه ماكلمها عشان ماتعصب زيااده وتوريه الويــل ....
مشت لمياء لداخل البيت وهي مستانسه شوي لأنها لمحت فراس وواضح عليه معصب ، اول مادخلت البيت شافت جنا منسدحه على بطنها على الكنبه بالصاله تقرى مجله بس جنا مانتبهت على لمياء لما دخلت لانها كانت وراها .. لمياء مباشره راحت للمطبخ قبل أي شي .. وبعد لحظات طلعت من المطبخ ومعاها كاس ماي باااااارد .. قربت من جنا وعلى وجهها ابتسامه خبث وهي ناويه الليله تخربها تخربها واللي سوته بفراس وبتسويه الحين بجنا .. ولاشي وتوها مابدت ..
وقفت ورى جنا مباشره بدون ماتدري جنا عن لمياء اللي كانت وراها ، بكل بسااطه وهدووء شديد .. كبت لمياء كااس المااي الباااارد على رااس جنا .... اما جنا اول ماحست بشي بارد على شعرها وبدا يتسلل لوجهها .. شهقت شهقه قووووووويه .. ولفت مباشره لورى وين ماكانت لمياء تناظرها وعلى وجهها ابتسامه خبث .. وبيدها كاس الماي الفاضي ..
قامت جنا من مكانها وهي ترتجف من الماي الباارد وصرخت باقوى ماعندها للمياء : ياااااحماااره يااااحقيره .. ليش سويتي كذا ليـــــــش ؟؟؟؟
لمياء بهدووء شديد : عشان مره ثانيه تعرفين تتكلمين معي ولاتنرفزيني بطريقه كلامك .. ( وبصوت عالي ) فااااااهمه ..
اما جنا كاانت خلاص ميته بررد من الماي ماقدرت تقول او تسوي شي .. غير انها رمت لمياء بنظره وقالت كلمه وحده : مشكووره ..
لفت عنها بسرعه وراحت فوق لغرفتها .. تغير ملابسها اللي تبللت ..
اما لمياء فصخت عبايتها وهي تغني بصوت راايق .. بنفس الوقت اللي دخل فراس فيه وقال : سلامات لمياء وش سالفه الصرخه اللي قبل شوي ؟؟
لمياء ناظرته بحقد بس ردت عليه : هاذي جنا كانت تصارخ .. بس لاتسأل ليه عشان ماتلحقها انت بعد ..
فراس استغرب من كلامها ولاحب يسأل اكثر .. راح فوق لغرفته .. يتفادى أي مصايب تجيه من لمياء اللي تحولت لشرسه ...
لمياء بعد ماهدت شوي وفرغت اللي بداخلها على فراس وجنا .. راحت للمطبخ تشرب كاس ماي يبلل ريقها .. شربت كاس الماي ، وطلعت من المطبخ وهي تتثاوب وشافت ساعه الصاله 12 إلا ربع .. أكيد امها وابوها نايمين الحين ..
رقت فوق لغرفتها تبي تناام ... لان بكره وراها دوام .. لكن قبلها مرت على غرفه فراس .. انتبهت ان النور مفتوح .. يعني للحين مانام .. ابتسمت بخبث وهي ناويه تكمل خطتها على فراس .. فتحت الباب شوي شوي .. ودخلت الغرفه لقتها فاضيه .. التفتت للحمام ( الله يكرمكم ) وعرفت ان فراس داخل لان الانوار مفتوحه .. راحت بسرعه للتسريحه واخذت جوال فراس بسررعه وطلعت من الغرفه قبل مايطلع فراس من الحمام .. وينتبه عليها ..
راحت لغرفتها وهي تبتسم وتتخيل رده فعل فراس لما يعرف بالموضوع اللي بتسويه .. يشوف مره ثانيه لما يلعب على لمياء ... يتحمل نتيجه اللي سواه ..
قعدت على السرير وبين يدينها جوال فراس وجوالها بعد .. فتحت جوالها ودورت بين النغمات المخزنه عندها ، نغمه تنفع للي بتسويه بفراس .. لقت اللي تبيه بسرعه وابتسمت ابتسامه خبث وهي تغني بصوت واطي .. : ودواك عندي .. والأظلم دايم البادي والله لاوريك شي مابعد شفته ماهو في صالحك .. يوم تجرب عنادي الله من ريق ماينشف ونشفته
تشوف يافراس تشوف .. والله لاخليك تندم ..والله ..
ارسلت النغمه لجوال فراس .. اللي خلتها تنبيه يقومه الصبح للجامعه .. ضحكت لنفسها وهي تقوول .. : ما ودي الا اشوف وجهك وش بيسير لا دريت .. ؟؟
انتظرت ساعه تتأكد ان فراس ناام .. وبعدها قامت من سريرها وطلعت من غرفتها متوجهه لغرفه فراس وبخطووات خفيفه بدون ماحد يحس فيها وصلت للغرفه ومن حسن حظها لقت الباب مطرف ، فتحته بهدووء شديد ودخلت بسرعه وبخفه وحطت الجوال على التسريحه مثل مكانه قبل ، وطلعت من الغرفه كأنها ماسوت شي .. !!
رجعت لغرفتها وهي ماسكه الضحكه على فراس وهي تتوقع رده فعله ..
غيرت ملابسها بسرعه ولبست بجامتها وحطت راسها على المخده .. وبعد لحظااااااات .. راحت بساابع نوومه ...
..................................................
|