صبا : تخيلي هالحمار وش سوى اليوم بعد ما رجعني نواف لبيتنا .. ( وقالت لها كل اللي صار اليوم ، من اول ماشافت مازن بالغلط الين ما كانوا يتهاوشون بالصاله ويهددها انه يفضحها ببلاويها " على قولته " )
بعد ماخلصت كلامها .. قالت لمياء : هالحقير .. الحمار .. سخيف فيصل الدب ليش يسوي كذا افف .. اقوول صبا من جد الله يعينا على البلا اللي عندنا كل واحد كريه اكثر من الثاني وسواياه شينه وحقييره .. كأن ماعندهم الا حنا يفشلونا وماسكينا فضايح وسب وتهديد .. اففففف .. ( سكتت شوي بعدين قالت بصوت عالي شوي ) اييييييييه صح على الطاري التهديد .. وش صار على سالفه الحادث ؟؟ كلمتي فيصل وسألتيه عن السالفه وتفاصيلها ومين كان ذاك الولد الخسيس ؟؟
صبا : حاولت لمياء اكثر من مره اسأله وكل مره يصرف السالفه ويلف ويدور كأن مايبيني اعرف .. ما ادري ليه ؟؟!! وبعدين يوم فقدت الأمل اعرف وشو ؟؟ سألته وينه هو الحين ؟؟ وقال انه بعيد عناا ومايقدر يسوي شي ومافي شر بيجي منه ، بس ما ادري لمياء انا خايفه يسير شي مره ثانيه .. ذاك الولد شري وخبيث ونذل يعني ممكن يسوي أي شي ... بعدين انا مافهمت من كلام فيصل هل هو يقصد انه دخل السجن او لا ؟؟ يعني الموضوع احس انه ما انتهى ، يمكن يرجع لنا ويأذينا مره ثانيه ..
لمياء بشك : صبا ليه تتكلمين كذا ؟؟ احس انك عارفه السالفه زيين وكلامك هذا دليل على كذا .. صح ولا لا ؟؟
صبا : لا لمياء انا ما ادري وش السالفه ؟؟ ولو ادري وشو .. كان قلت لك .. تعرفيني مااغبي عنك شي .. لكن الكلام اللي قلته جا من احساسي للي صار من قبل ، وبعدين انا قلت يمكن .. يمكن يعني مو شي اكيد .. انا ما اعلم الغيب .. ولا ادري وش بيسير بعدين .. ؟؟؟
لمياء : آها .. طيب يله اجل .. مع السلامه .. ترى طولنا لنا نص ساعه وحنا نسولف ..
صبا : هههههه تدرين حنا نضحك ... كل يوووم نشوف بعض .. بس ابدا سوالفنا ماتخلص ولانمل من بعض صدق لا قالوا حريم ..
لمياء : هههههههه ايه والله حريم وسعودياات بعد .. ايييه صح نسيت اقولك صبا قالت لك امك عن المزرعه وروحتنا بكره لها ...
صبا : ايه قالت لي .. وناااااااسه اما انا طايره من الفرحه .. من زماان ما رحنا للمزرعه يوووه لنا سنين .. بس اهم شي بتجين .. ؟؟
لمياء : ايه ان شاء الله اكيد بجي .. وخالاتي وخالي بيجون بعد .. يلا صبا خلاص بسكر بااااااي ..
صبا : يلا بااااي ..
سكرت لمياء من صبا وحطت جوالها على الطاوله ، ورجعت تكمل اكلها اللي برد، ما امدها تقضي من ملعقتين الا رن جوالها مره ثانيه رفعته وهي تتأفف وتكلم نفسها : اففففف لازم يعني احد يخرب عليّ سبحآن الله كانهم عارفين اني آكل ويبون يعلوني ..
لما شافت اسم اللي متصل عليها تأففت مره ثانيه وردت وهي تقول بصوت عالي شوي ومعصبه : يآ خــير .. !! نعم متصله وش تبين ؟؟
جنا من الجهه الثانيه كانت متصله على لمياء من جوالها واستغربت عصبيتها بس قالت : اول النآس يسلمون .. بعدين يسألون ؟؟ صح ولا !!
لمياء وهي خلاص اليوم ودها تذبح اخوانها كل واحد مسوي لها ازمه وقلق من جهه .. ردت على جنا بصوت واطي عكس قبل لكن صوت يخوف وواضح فيه العصبيه الشديد و ( هدوء مآ قبل العاصفه ) : حبيبتي ، عمري .. جنا اخلصي علي وش تبين ؟؟
جنا بعد ماسمعت صوتها الهادىء المخيف قالت بسرعه : بس بغيت اقولك ، امي تسأل متى بتجين ؟؟ تاخرتي وهي قلقت عليك .. تبين نقول لنواف يجيك ؟؟
لمياء : لا خلاص بخلي فراس يرجعني معه ، لانه موجود معي بالمجمع والحين حنا بنرجع ،، ها خلاص هذا اللي عندك .. فيه شي ثآني ؟؟
جنا : اممم كان ودي اقول لك شي ثاني .. بس خلاص واضح المود مايسمح لك تستقبلين أي أخباار ، ههههههه يلا بااي لمــيااااااء ( مدت اسمها بطريقه تنرفز لمياء وتكرهها وشلون تمد الألف وتنطق الهمزه آخر شي ، وهذا الشي يقهر لمياء مررره )
جنا على طول قبل ماتسمع رد لمياء وردة فعلها سكرت بوجهها ، اما لمياء خلاااص طبخت من القهر والعصبيه .. اخذت نفس وكملت اكلها بسرعه ، وبعدها على طوول طلعت من جلسات الأكل .. ورفعت جوالها تدق على فراس ..
.................................................. ...............
اما عند فراس ومشاري ، كان مشاري يسولف لفراس لما رن جوال فراس ، رفع فراس جواله وهو يقول لمشاري : عن اذنك شوي بس ..
لما شاف اسم المتصل ، انفجر ضحك .. !!!! تذكر اللي سواه فيها .. وانها اكيد معصبــه منه .. الله يعينه عليها ..
استمر الجوال يرن وفراس للأن يضحك .. !! استغرب مشاري وضع فراس وسأله: وش السالفه فراس ؟؟ وراك تضحك كذا ؟؟ رد على جوالك تراه يرن ..
اما فراس هدى نوبات ضحكه شوي وقال لمشاري والجوال الى الان يرن .. : شف مين متصل عليّ ..
رفع له الجوال وخلاه يشوف المتصل .. بنفس اللحظه اللي توقف فيها الرنين ..
مشاري ابتسم وقال لفراس : طيب رد عليها لاتزيد الطين بله .. يكفي انها معصبه منك .. ولا ترد عليها .. عز الله الليله ليله موتك يا فراس .. رد عليها قبل لاتعصب ..
قبل ما يرد عليه فراس ، رجع الجوال يرن باسم لمياء .. رد عليه فراس اخيرا وهو مستعد لتقبل جميع انواع الإهانات والسب والشتم والتهزيئ ... ألخ ..
فراس تكلم بصوت هادي : الو .. هلا لمياء ...
جاه صوت لمياء المعصبه وتصارخ باعلى صوتها ولا همها المكان اللي هي واقفه فيه .. كل همها تفضي حرتها بفراس وجنا والدنيا كلها ..
لمياء : ولا سهــلييييييين ... وجع ان شاء الله ليه ماترد ؟؟ ياعساك الماحي .. ياثور يا لوح ليه مارديت علي ليش ليش ؟؟؟ وبعدين ما خلصت قعدتك انت والأخ اللي معاك .. يانعله .. يــــــــــلا بسررررعه ..
طبعا فراس طول الوقت كان مبعد الجوال عنه شوي .. من صوت لمياء العالي والصراخ اللي يسمعه منها ..
لما خلصت كلامها قرب الجوال لإذنه ورد عليها برواقه وهدوووء : افا وراه الحلو زعلان علينا ؟؟؟ كل هذا عشان مارديت من اول مررره .. كنت احاسب الجرسون ويوم بغيت ارد عليك واكلمك دقيتي مره ثانيه .. خلاص لمياء حبيبتي لاتعصبين .. ترى ما احبك لما تعصبين يسير شكلك يخووف يماما ( قال هالجمله كانه بزر يبي ينرفزها زيااده ) .. >>ماتاااب ... خخخخ
لمياء خلاااااص وصلت حدها .. ردت عليه بصوت اعلى من قبل : حبتك القراده ان شاء الله .. بسررعه انتظرك برى عند سيارتك .. قلي وين موقفها .. ؟؟ بسررعه
فراس : طيب طيب اعصابك .. وقفتها قدام بوابه 10 عند اول صف بتلاقينها بالموقف الثاني .. بس دقيقه لمياء انتظريني اجيك ونروح كلنا للسياره شفيك مستعجله .. ؟؟
لمياء هدت شوي وقالت بصوت واطي يخوووف بين اسنانها :5 دقايق اذا ماشفتك عند سيارتك .. لاتلوم الا نفسك .. انقلع ..
سكرت بوجهه واخذت نفس وهي تلعن فراس في نفسها ... بتذبحه بتذبحه مافيييي .. راحت لبوابه 10 وطلعت برى ولقت السياره زي ماقال فراس وقفت عندها تنتظر فراس يجي .. وهي كل شوي تهدي نفسها عشان ماتعصب زياده من فراس وتذبحه قدام الناس ... .................................................. ..
|