منتديات قصايد ليل - عرض مشاركة واحدة

12-11-2011

سكرت صبا من لمياء وراحت تشووف رساله الرقم الغريب يوم قرت اللي مكتووب بالرساله استغربت وانصدمت ....................
مييييييين هذااا ؟؟؟؟؟؟
كان مكتوب بالرساله :

( عيني تهل الدمع دايم تناديك
وقلبي على شوفك لهوف وذايب
ياكثر ماأحبك وياكثر ماأنا أغليك
قلبي ولو طال البعد ما يخليك
تبقى من أعز الناس وأغلى الحبايب )
إلى صبا الغاليه
إيش هالرساله الغريبة اكييد مرسله لها بالغلط بس .. شافت اسمها بالرساله وقالت اكيد اللي مرسل هالرساله يقصدها ويعرفها زيين
ارسلت له :
ميين انت ؟؟؟!
انتظرت شووي ولا رد قالت يمكن ما شاف رسالتي للحين . قررت تاخذ لها شور سريع وترجع يمكن رد عليها راحت الحمام [ الله يكرمكم ] وطلعت منه وهي مروووقه مرره ومزآجها فـــــل شافت جوالها ولقت رساله جتها من نفس الشخص الغريب فتحتها وكان مكتوب فيها :
شكلكـ نسيتيني يا ( صِبْويَيَ )
في هذي اللحظة صباا ركضت لدريشتها اللي تطل على الطاله لقت اهلها مو موجودين اكيد انهم بالحديقة هذا وقتها .
سكرت الباب واخذت لها نفس وصرخخخخخخخخخخخخخخخخخت
باقووى ماعندها مو قادره تفهم شي هذا الشخص ....
هذا الشخص تعرففه زييييييين ..... هذا
ماازن

مستححيل مافي احد يسميها بهالاسم إلا هو بس بغت تتأكد اكثر ارسلت له رساله كاتبه فيها :
انت ... انت ولد خالتي ؟؟؟!

بعد 5 دقايق رد عليها يقوول :
هههههههه نسيتي تقولين
( ولد خالتي وخطيبي مازن )
ايه هذا انا يا قلبي

هناا صبا ما قدرت تمسك نفسها من الفرحة وبدت تدمع عينها هذا هو ماازن بنفسه يرسل لها رساله وغير كذا يقولها يا قلبي .. !! لا لا اكيد هي في حلم عمر مازن مادق عليها او حتى ارسل لها رساله بالخمس السنين الماااضيه الا نااااادر بس ببداية سفره والحين لما بقى على رجعته 5 اياام بس ... يرسل لها .. !!!!؟
ما قدرت تصبر زيااده وارسلت له رساله :

فجأة اشتقت لك ..

اشتقت~ لصوت رسالتك ~

اشتقت لاسلوبك معي ..

حتى ~هدوءك اشتقت له

حتى العناد اشتقت له ..

~ اشتقــــــت لكــ ~

تذكر في ذيك الســـنين .

يوم نتحدى بعضنا ..

مين يحب الثاني اكثر !! ..

وفي الاخير اعترفـــــنا ...

اني ~ احبــك ~ وانت اكــثـــر ~

وربي .. اشـــــتقت لك ..

بعد شووي رد عليها :
( يا بعد قلبي انتي وانا اشتقت لكـ اكثر وربي ، وانا متأكد انك الحين قاعده تصيحين طيب يا قلبي ممكن تأجلين دموعكـ شووي لما اجيكم عشان توفريين منها ، طيب حبيبتي الحين برروح انام اكلمك بكراا ونتفاهم على كل شي تصبحين على خير )
هنا صبا ما قدرت تستوعب اللي يصييير تتوقعت ان الحين بكنده الوقت عندهم بالليل عشان كذا يبي يناام ،،
على طوووووووول اتصلت بلمياء تقولها اللي صاار ..
قالت للمياء كل شي من طق طق للسلام عليكم ..
لمياء وهي منصدمه : غريبة الحين توه يفطن ان عنده خطيبة ويرسل لك .
صبا : انا ماهمني توه يذكر ولا لا اللي عمني انه على الاقل ارسل لي رساله ،، ماتصدقين اييش كثر فرحتي بهالرساله آآآآه بس ..
لمياء : الله يديم السعاده عليك إن شااء الله .
صبا : آآآميين ،، بس هيي عندي سؤاال واضح انه عارف رقمي ليه تووه يرسل لي ؟؟؟!
لمياء : طيب إذا جاا يا آنسه صبا اسئليه هالسؤال بس الحين انا عندي لك سؤاال مهم .. وش سالفه ( صِبّويَيَ ) ذي ؟؟؟ّ!!
صبا : هههههههههههه يآ ختي كل ما اتذكر هالسالفه امووت ضححك
لي شانا ما قلتها لكـ من زماان ؟؟؟!
لمياء: لا يا آنسة صبا ممكن تتكرميين تقولي لي .. ؟؟
صبا : هاذي الله يسلمك أن تذكرتي قبل 5 سنين كان مازن داايم يوديني للمطاعم وكان في مطعم اسمه ( صِبّويَي ) كنت اموووت على اكلهم لان كله حقي ريجيمات وكذا وتعرفين بذاك الوقت كنت مهتمه بجسمي واكلي
لمياء تقاطعها : وإلى الآن ..
صبا : المهم مرة كانوا كل اهلي طالعين يتغدوون بمطعم برى وانا قعدت لحالي بالبيت لان المطعم اللي بيرحون له ما ينفع لجسمي المهم قعدت بالبيت ومن الطفش كلمت مازن وقعدت اشتكي له وقالي بعزمك على مطعم ( صِبّويَيَ ) ورحت معه للمطعم ذآك وهناك الله لا يوريك من زووود الجووع والشفاحه اللي فيني اكلت ثلاث اربااع اكلهم ومن ذااك اليووم ماازن بس صار يسميني ( صِبّويَيَ )فهمتي الحيين ..
لميااء : هههههههههه ايه فهممت والله انك تووحفه ،،، اجل واخيرا مازن وصبا ارجعوا مرة ثانية هاا
صبا : تدرين تنطميين احسن لك يلا خلاص انقلعي يلا ترى عندي شغغل
فووق راسي ...
لمياء : ايه وااضح ،، ترى ما تعرفين تصرفين طسي يلا بس
وسكرت بوجه صبا ..
صبا وهي تضحكـ : خبلله .
راحت صبا لدولابها وفتحته وصارت تناظر بملابسها تبي من الحين تحدد وش تلبس عشاان جيـه مازن .
طلعت لها فستان مررره حلو كان بنص كم وتحت الركبة بشووي لونه وردي فااتح وعليه ورود بيضة معطيه الثووب جممال كان مرره حلو ونااعم وكاان ماسك عليها .
قررت تلبسه ورجعته مره ثانيه لدولابها وتوجهت لغرفة فيصل لقته ناايم شكله تعبه من الهوشه [ على قولته ] ونااام ،، انتبهت انه ما تغطى والغرفة كانت ثللللللللج بارد برررد غير طبيعي رفعت الغطا من الارض وغطت فيصل فيه ولفت تبي تطلع من الغرفه إلا سمعت صووت فيصل يقوول وهو ناايم :
لا لا خلوها لا تمسوكنها مالها دخل بالموضوع وخروآ عنها صبا صبا اهربي بسرررعه انتبهي منهم ...
رجعت صبا عند سريره لقته رجع ينااام مره ثانية وبعممق ،، كانت صبا عارفه عادة فيصل بالنووم بعض الاحياان إذا ناام يتكلم بنومه عن الحلم اللي يحلم فيه وشكله كاان يحلم فيها لأن كلماته تدل على كذا ،، تمنت تعرف وش الحلم اللي كان يتكلم عنها ،، كل شووي تكتشف بفيصل اشيااء غريبة اول شي اختفائه وبعدين رجوعه فجأه والحاله اللي كان عليها والكلام اللي قاله لها والحين حلمه اللي شكلله مرره غريب والكلمات اللي توو قالها فيه سرر بالموضوع وراح تجبر فيصل يقولها هالسر ،، قرريب إن شـآآاء الله راح تكلمه بالموضوع وتعرف منه كل اللي صار واللي يصير ... !!
طلعت من غرفته ونزلت تحت تقعد مع امها وابووها .
...............................................

في مكاان بعييد عن السعوديه والخبر كان فيه شخص متردد ومو عاارف اللي سوااه صح ولا لا ؟؟ يا ليته تراجع ولا سوى اللي سوااه لأن عاارف ان كمية الحب والشووق اللي بقلبه زاادت لهااا ،، تحجج لها بالنوم وهو عارف أن النوم مجافيه لكن ما قدر يكمل معها وهي كانت تصييح مشتااققة له خاااف يكلمها وتخوونه مشاعره ويقوول لها اللي بقلبه واللي زاااد من بعد هالرساله حتى وهو ماسمع صوتها وشللون إذا سمعه ،، كان خايف من المستقبل اللي قداامه والمصيبة اللي راح تدمر قلبه وقلب صباا خاايف يكوون سبب في تعاستها ويعرف انه مايقدر يسوي شي لها لان الموضوع مو بيده آبد ،، ياليته ما ارسل لها ولا دق عليها لان الحين زااد شووقه وحبه لها ،، قرر يسلم امره لربه والأيااام هي اللي بتوريه المستقبل المجهوول ؟؟؟؟؟!
هاذي كانت حاله مازن اللي يدرس بكنده وقلبه بالسعودية وتحديدا بالخبر عند انسانه كانت مشاعرها واحساسها غييير مرره عن مازن كانت الفرحة على وجهها والبسمه ماتفارقها .

اتمنـــى تتـبعونــي
سلآم ..http://www.cooolgirls.com/images/smilies/smile.gif