12-05-2011
|
|
|
ياظالمه
ياظالمه زينك بشين السوايــــــا ,, من وين لك قلب على طول جاير
ماابغى الدوا لاصار جرحك دوايا ,, باكر على الظالم تدور الدوايــر
اخر علاجي الكي وانت الكوايــا ,, للحب عبره وانت قربك عبايـــر
لو هو على زينك بنلقى صبايـــا ,, المشكله بالحب تعمى البصايــر
الصبح واضح والخطايا خطايــــا ,, والربح من بعض الاوادم خسايـر
يانفس قومي عن غرام البدايــــا ,, وياقلب قبل تحب شاور وخايــر
اولاد ناس ولا تحب الوصايــــــــا ,, كلن يرى نفسه يعادل عشـــاير
ماكل قلب ينشرى بالهدايـــــــا ,, ولاكل كسر تفيد فيه الجبايـــــر
المعطي الله مالخلقه عطايــــــا ,, لو هي على خلقه سقتنا المرايـر
عزاي رب يعطي حسب النوايــا ,, يرحم عزيزين الذمم والظمايــــــر
ناس تدس الهم بين الحنايـــــــــا ,, وناس وربي مادرت ويش صايـــر
هذاك حظه مثل بيض الثنايــــــا ,, وهذاك حظه مثل سود الظفــــاير
|