اكبري
اكبري مابغى جسد ماكل حاجـه عاطفـه
مليت اداعب وجنتك واكذب على حجانهـا
ارتقي ابغى حوار ابغى ضجيج وعاصفـه
ابغـى مدينـه واعيـه والاسئلـه سكانهـا
يابنت انا ماشاقني شوف النخيـل الواقفـه
مادام ماتثمر رطب وشلي بطول اغصانهـا
ماوالف العشق الغبي والكذب صعب اوالفه
ليه افترش لحظه فرح ثم التحف بحزانهـا
تعبت ادلـل هالطفـل واجاملـه والاطفـه
تعبت اصلح لعبته هو في الاصل ماصانهـا
لو كان جلدي من خشب كانت تهون السالفه
لكن اخاف العاقبه من نخوتـي واخوانهـا
لاجيت بصنع دمعتي قالت عيونـي اسفـه
من صدقها تبكي قهر جعلك فدى لجفانهـا
ادريبها تبغى تقول وشلـك بنخلـه واقفـه
مادام ماتثمر رطـب لاتنخـدع بغصانهـا
|