متى تجيني؟
وشلون أمِّلْ بالوصل وأرجي بخيـل
والبخل في شرع الهوى راس ماله
نور القمر غطّى على الجدي وسهيل
هـذا وتـو اليـوم عاشـر هلالـه
إن اكتمل في صورته جاني الويـل
من زاعمـه بالزيـن قـرَّرْ هبالـه
شفته وشفت عيون سـودٍ مظاليـل
وهامت عيوني فـي بهـاه ودلالـه
لا واعذابي مـن همـوم المقابيـل
إمّا تحقـق فـي حياتـي وصالـه
ومالي عليه اليـوم قـوّه ولا حيـل
لاشـك ابعلـن بالوفـاء والغلالـه
أنـا حياتـي كلـهـا للمواصـيـل
رهنتهـا لـو كـان عسـرٍ منالـه
متى تجينـي صادقـات المراسيـل
من راس وإلاّ ردهـا فـي رسالـه
|