مزقي غيم المشاعر ..وارحلي في كل نظره
وادفني وجه الحقيقة واهجريني واظلميني

ما رسمني الليل نجمه ولا رسم في العين قمره
ولا كتب بعض القوافي من صدى الإحساس فيني

لا تظنيها جديده أحترق بالهم حسره
ولا تظنيها جديده يوم انك تحرقيني

اعدمي طفلك بكفك … واطعني بالظلم صدره
وادفنيه في جرح عمري .. واحرقي باقي سنيني

الزمن ماهي ثواني لو جرح يكفيني عذره
والعمرماهي قصيده تنكتب باخر جبيني

والهوى احساس واقع .. ما أظن الذل مهره
ولا أظن بعد المسافه .. يعذركل و تجرحيني
ارحلي .. وان طال جرحي .. أو رماني الحين صبره
مايهم روحي كفاني ..هذا جرحك يحتويني

الفلا صحرا عيوني.. ترتجي بالغيم قطره
ترتجي منك سحابه بالأمل لو تغسليني

والزمن دمعة يتيمة فوق تنهيدات جمره
والعمر ركضة ثواني في خطاها تحتريني
ارحلي.. كافي عيوني .. فيها صار الليل نظره
فيها ذابت ألف غيمه من ظنا الذكرى تجيني

ارحلي ماني حبيب.. صهوته في العين شقره
ولا أنا الفارس بحلمك .. ولا أنا المسكون فيني
ظالمه .. أحكام قلبك .. والورق ما صان سطره
وان حكمتي .. وش هو حكمك ؟ حكمك انك تعدميني ؟‍

هو جديد الحين موتي؟‍ .. وان جديد .. وش كان شره ؟
شره انه كان وافي؟ولجل هذا تذبحيني ؟‍

ما على قلبك ملامه.. ولا على الدنيا مضره ..
ولا ألوم الكون كله .. ولا ألوم إلا حنيني

حيل انا استاهل عذاب .. كان كاتم فيك سره
دام انا الجاني بعينك .. أعدميني وارحميني

كم طعني الغدر سيفه .. وكم سكب في القلب حره
وكم شربت الذل عمر .. ضاق به موطن ونيني

ارحلي هالحين كافي .. إرحلي مليون مره ..
وان رجعت اليوم يمك .. اطعنيني وادفنيني