الجـــــــــــــــــــــــــــــــــــــــــــــزء العـــــاشــــــــــــــــــــــــــــــــــــر
عبدالله: وينه جد تأخر بكلمه..
محمد: يووه وش يبي ذا الحين..
لينه وهي جايه لمحمد: من اللي يدق عليك..؟
محمد: عبدالله...وش اقوله..؟
لينه: مممم ما ادري..تصرف..
محمد: الوو
عبدالله: اهلين وينك يارجال ساعه ادق
محمد: موجود..
عبدالله: وينكم فيه..؟
محمد: الحين بنجي..؟
عبدالله: محمد وينك انت ولينه كم ساعه وانا في بيت عمي وانتوا ماجيتوا...
محمد: خلاص الحين بنجي بس انا انشغلت شوي والحين بجي
عبدالله حس انا كلام محمد فيه شي: محمد وش صاير..؟
محمد: سلامتك مافي شي يلا الحين احنا جايين مع السلامه
لينه: وش سويت ماتعرف تصرف انت..؟
محمد: يووه يالينه خلاص صار اللي صار
فيصل وهو جاي لهم: محمد روحوا البيت قعدتكم مالها فايده
محمد: فيصل استريح وش نروح بعد
بعدها طلع الدكتور من غرفة العمليات
ابراهيم: ها يادكتور بشر..؟
الدكتور: هدوا ياجماعه الحمدلله العلميه نجحت
الكل بفرحه: الحمدلله
الدكتور: بس هي الحين تحت تأثير البنج بعد ماتقوم انشاءالله تقدروا تشوفوها
فيصل: انشاءالله...يعطيك العافيه..
الدكتور: الله يعافيك..
فيصل:يعني الحين مافي خطر عليها..؟
الدكتور: لالا الحمدلله عدت على خير مره ثانيه انتبهوا لها ....وكويس انكم لحقتوا عليها لانها لو استمرت تنزف اكثر من كذا كان ممكن تتوفى لاقدر الله..
ابراهيم: انشاءالله بننتبه لها..
الدكتور: عن أذنكم
الكل: تفضل..
الكل لما سمعوا الخبر ارتاحوا
فيصل بعد حس براحه ماتطمن على عهود
فيصل وهو يسند جسمه ع الجدار ومغمض عيونه: اوووه الحمدلله
لينه تقربت من فيصل بتردد وقعدت تفكر وشكثر كان متماسك كل هالمده عكس الكل ولا كان يبين عليه اي شي وماسك اعصابه
لينه وهي تمسح على ذراع فيصل: الحمدلله على سلامتها
التفت فيصل على لينه وتم يطالعها ثواني
فيصل بأبتسامه: الله يسلمك..
فجأه رن تلفون فيصل...
فيصل: هلا والله..ناصر
ناصر: اهلين ياشيخ وينك فيه..؟
فيصل: هنا والله ها كيفك..؟
ناصر: تمام والله اقول معي وحده تبي تكلمك..
فيصل: وحده..!..مين..؟
ناصر: ههههههههه ماعرفتها حبيبية القلب..
فيصل: هههههههه ياعمري هي هاتها مشتاق لها والله وشتاق لصوتها
ناصر: هههههه خذ كلمها..
....:الوو
فيصل: هلا والله بالزين كله عاش من سمع هالصوت..
....:هلافيك شخبارك..؟
فيصل: بخير دامك بخير وينك من زماان ماشفتك حشتييني
....: والله انا بعد اشتقت لك
فيصل: موناويه تخليني اشوفك..؟
.....:قرريب ..
فيصل بفرحه: جد..؟..متى ..؟
....: يمكن بعد اسبوع بس ها بتفضي نفسك عشان اشوفك..؟
فيصل: هههههههه وانا اقدر حتى لو مشغول افضي نفسي لك والوعد بعد اسبوع..
....: الله يخليك لي يارب..ماقلت لي شخبارك واخبار اهلك..؟
فيصل: كلهم بخير..طيب انا الحين ابي اقفل وانشاءالله برجع اكلمك..
....:في امان الله
فيصل: مع السلامه
لينه كانت منصدمه فيصل من يكلم شكله كان يكلم رجال وبعده كلم وحده...يووه وانا شدخلني انشاءالله يكلم عشر مو وحده
لا شلون اخليه يكلم وانا طمبور طين يعني..؟..مو عشان يحبني ولا احبه بس المفروض يحترم وجودي في حياته
هين يصير خير يافصيل انا اوريك
......................................
مزون: اووف محمد تأخر انا حاسه فيه شي..
ساره: هدي طيب دقي عليه
مزون: مايرد علي بروح اشوف لي حل..
أم عبدالعزيز: اعقلي يابنتي
مزون: يمه ناا عااقله
ومشت مزون وخلتهم
ساره: مزووون تعالي..رااحت
ريم: والله غريبه جد لينه ومحمد تأخروا..
أم عبدالعزيز: يالله سترك يارب..
......................................
في جهه ثانيه
مزون:عبدالعزيز
عبدالعزيز: هلا مزون..
مزون: محمد تأخر وأكلمه هو ولينه ولا احد يرد علي
عبدالله: من نص ساعه مكلمينه يقولون انهم في الطريق..
مزون: وشو اللي في الطريق الحين كم ساعه وهم ماجاوا وهم قالوا بيروحون البيت وبيرجعون يعني لو تأخروا بالكثير ساعه..
خالد وهو يحاول يهدي مزون: الحين بيجون وبيقولون ليش تأخروا يمكن محمد انشغل شوي مافيها شي
وقطع عليهم الكلام دخول محمد ولينه
محمد ولينه: السلام عليكم
الكل: عليكم السلام
مزون: وينكم فيه..؟
عبدالله: وين رحتوا تأخرتوا..
محمد كان باين على وجهه التعب والارهاق: خلوني اقعد بس
مزون وهي تسحب لينه: تعالي انتي وينكم فيه..؟
لينه وهي بالموت تتكلم: هذا انا جيت..
مزون: تعالي ندخل وتقولين لي وين كنتوا فيه..
بعد مادخلوا مزون ولينه
محمد: خالد ولاعليك امر قوم جيب لي مخده
خالد: ان شاءالله
بعد ماجاب خالد مخده لمحمد فصخ محمد غترته وعقاله وانسدح
عبدالعزيز: محمد وينكم فيه..؟..اقلقتونا..
محمد: سلامتكم مافي شي بس فيصل اخته كانت في المستشفى ورحنا نشوفها..
عبدالله: وش صار لها..؟..وليش ماقلتوا لنا..؟
محمد: وش نقولكم انا نفسي ما عرفت الا لما وصلت المشتفى
عبدالعزيز: وشفيها عاد..؟
محمد: طاحت صار عندهاتقطع في الشرايين والاورده من قزاز كان جنبها والحمدلله لحقووا عليها
خالد: اعوذبالله وشلونها الحين
محمد: سووا لها عمليه والحمدلله نجحت
الكل: الحمدلله
.......................................
ساره: ياعمري ياعهود وليش ماتقولون لنا..؟
لينه: ياناس تعبااانه والله ..بعدين وش اسوي كان لازم اروح اشوفها قلت ماابي اخرعكم واختصرها وانادي محمد يوصلني
مزون: المهم انها عدت على خير
لينه:ودي انام
ساره: وش تنامين انا مشتاقه لك وبعدين تو الناس
لينه: والله مو قادره افتح
ساره: اشربي لك قهوه وبتصحصحين..
أم عبدالعزيز: وش تشرب قهوه قومي يابنتي البيت بيتك روحي غرفة مزون ونامي فيها اقعدي عندنا الليله
لينه: تسلمين ياخالتي ما ابي اثقل عليكم
أم عبدالعزيز: وش هالكلام بعد قومي قومي لا اقوم عليك الحين..
لينه: خلاص الحين اشرب قهوه واصحصح..
أم عبدالعزيز وهي تقوم عشان تخلي لينه تطلع تنام: لينه يابنتي لاتجننيني يلا قومي عاد..
لينه بعد اصرار ام عبدالعزيز: انشاءالله بروح..بس ارتاحي
وراحت لينه تنام في غرفة مزون
.......................................
في بيت بو عبدالله بغرفة عبدالله وريم
عبدالله: ريم تعالي..
ريم: نعم
عبدالله:ريم وشفيك..؟ حاسك لك فتره متغيره علي..انا سويت لك شي..؟ ضايقتك بشي بدون ما اقصد..؟
ريم: لا
عبدالله: طيب ليه كل هالجفا معي في معاملتك من زمان ما سمعت ضحكتك ماشفتك تسولفين معي ولا تقعدين معي.. ليه هذا كله.؟
ريم:................
عبدالله: والله حرام عليك اللي تسوينه فيني انتي عارفه وشكثر احبك ويهمني رضاك وما احب ازعلك..
ريم وبدت العبره تخقنها
قرب عبدالله من ريم وحط يده على خدها
عبدالله: وشفيك حبيبتي..ليش زعلانه..؟
ريم وبدت دموعها تنزل: مافي شي..
عبدالله: بتخبين علي يعني..؟..اذا مافي شي ليه هالدموع هذي كلها..؟..والله ما استحمل اشوفك كذا..
ريم ومازالت دموعها على خدودها:............
عبدالله وهو يمسح دموعها: ها ريمي وشفيك حياتي..؟
ريم طالعت عبدالله وهو يبتسم لها بحنان وبعدها ارتمت في حضنه وتمت تبكي
عبدالله بقى يمسح ع شعرها ويهديها
عبدالله: هديتي الحين..؟
ريم: اي..
عبدالله: الحمدلله يلا تكلمي..
ريم: اخوي نايف..
عبدالله: وشفيه..؟!!
ريم: من كم يوم تخانق معنا انا ومها وكان معصب وحالته حاله
عبدالله: ايوه..؟
ريم: وبعدين........(بعد صمت لحظه)..مد يده علي وعلى مها..
عبدالله بعصبيه: وشو..؟..وليش ضربكم..؟
ريم: كنا ننصحه يترك اللي هو فيه وتشادينا معه بالكلام..وو..صار اللي صار..
عبدالله: انا اوريه بأي يحق يمد يده عليك..؟
ريم وهي تمسك عبدالله: لاعبدالله تكفى لاتسوي له شي احنا اللي استفزيناه بس......
عبدالله: يعني يمد يده عليك واسكته له..؟
ريم: تكفى ياعبدالله اذا لي معزه في قلبك لاتسوي له شي وكأنك ماتدري بالموضوع...انا مازعلت عشان هو ضربني
عبدالله: اجل..؟
ريم: انا زعلانه على نايف مو منه ولا من اللي سواه انا متضايقه على حال اخوي وعلى حال امي اللي تتمنى تشوفه
جالس في بيته تتمنى تشوفه مع زوجته وعياله
عبدالله: اذكري الله وإن شاء الله ربك يهداه ويبطل من هالسوالف...
ريم: الله يسمع منك..
عبدالله: ياريم هذا مو حل انك تبقين زعلانه وكارهه كل شي المفروض انتي ومها وخالتي تكلمونه تنصحونه بالهداوه مو بالخناق..وأنا أوعدك اني
بحاول انصحه دايما وبسوي كل اللي اقدر عليه..
ريم بأبتسامه: الله يخليك لي..
عبدالله: ويخليك..ممكن عاد ترجعين مثل اول وماتبقين كذا..؟..انا محتاج لك وولدك محتاج لك واخوك وامك واختك كلنا بحاجتك
ريم: الله لايحرمني منكم
عبدالله: ولا منك...يلا عاد ابي انااام مهدود حيلي..
ريم بخجل: عبدالله انت ماتعشيت..؟
عبدالله بأبتسامه: لاتخافين كليت بس اللي ريحني اني عرفت وشفيك..واللي بيريحني اكثر لما اشوفك زي اول..
ريم بأبتسامه: إن شاءالله
.......................................
ثاني يوم راح الكل يزورون عهود ويطمنون عليها فيصل واهله كانوا موجودين من الصبح
وبعدها بكم ساعه جات لينه ومحمد ومزون وشروا ورد وعلبة شوكلاته
مزون: الحمدلله ع السلامه
محمد: ماخطاكم السوء
لينه: ماتشوفون شر
الكل: الله يسلمكم
محمد: طيب عن أذنكم أنا بطلع
فيصل: أنا بطلع معك..
ابراهيم: خذوني معكم
بعد ماطلعوا الشباب
لينه: سلامتك عهود حبيبتي
عهود بصوت تعبان: الله يسلمك يالينه
مزون: ماتشوفين شر خوفتينا عليك
عهود: الشر مايجيك يامزون
لينه: عهود وش صار معك حبيبتي..؟
عهود: كنت دايخه وطالعه من الحمام وانتي بكرامه وحاولت اتمسك بالطاوله اللي وقفت جنبها وكان عليها كاس قزاز
وطيحته من قوة الدوخه وانكسر وطحت انا وما حسيت بنفسي..
لينه: ياقلبي سلامتك...ليش وجات لك هالدوخه..
عنود: من قلة اكلها ذبحتني اقولها كلي زين مافي فايده..
لينه: عهود ليش ماتاكلين زين..؟
عنود: تقول ابي اضعف..
لينه: يعني مسويه رجيم..؟
عنود: اي
لينه: بس انتي جسمك مره حلو مافيه شي
عهود: لا مو عاجبني..
لينه: ليش موعاجبك ماشءالله روعه انتي اللي ما يعجبك شي..
عنود: مو راضيه تقتنع
لينه: طيب حتى لو تبين تسوين رجيم مع انه ماله داعي مفروض تمشين على نظام غذائي مو من نفسك تحددين وش تاكلين وش تخلين..
اول شي تشوفين طولك ووزنك وبعدين تعرفين انتي مفروض تزيدين ولاتنقصين ولا تبقين زي ما انتي...عموما اكيد الحين الهموجلبين
نازل عندك كثير عقب هالدم اللي فقدتيه اول ماتطلعني من المستشفى انا اللي بأكلك عشان ماتقعدين تسوين كذا بنفسك..
عهود: لا يالينه وشدعوه بتعبك معي
لينه: اقول عاد اسمعي الكلام وبس
مزون: هههههههه لاتعارضين الدكتوره لينه خليها تمارس شغلها براحتها
الكل: ههههههههههههه
ام فيصل: الله يوفقكم يارب جميعا
الكل: امين
ساره وريم: صباح الخير..
لينه مزون: قصدكم مساء الخير
ساره: ياربيه وانتوا اعوذ بالله بتبقون كذا تنطون في وجيهنا ماراح نفتك منكم ابد..؟
لينه ومزون: هههههههههه
ساره وريم: الحمدلله ع السلامه
عهود: الله يسلمكم
مزون: وين أمي..؟
ساره: الحين جايه بس تأخرت شوي عشان كانت عندها وحده تزورها وقالت بتحلقنا
ريم: كيفك عهود الحين..؟
عهود: بخير الله يسلمك..
ساره: متى بتطلعين إن شاء الله..؟
عهود: ما حدد الدكتور بس يقول كم يوم مو اكثر
ريم: الحمدلله عدت على خير
الكل: الحمدلله
.......................................
مر تقريبا أسبوع طلعت عهود من المستشفى وصحتها صارت زينه لينه تزوها كل يوم تقريبا ومهتمه فيها كثير
بوعبدالله وزوجته ارجعوا من السفر واستانسوا برجعة عيالهم
في بيت بو فيصل في غرفة عهود
لينه: يلا عهود كملي..
عهود: لينه خلاص شبعت..بعدين انا ما احب الكبده..
لينه: ادري انك ماتحبينها حتى انا ما احبها بس لازم تاكلينها عشان تعوضين الدم اللي فقدتيه
عهود: يعني مافي غير الكبده..
لينه: لا في بس الكبده احسن ترفع الهموجلوبين في الدم وتفيد صحتك....يلا عهود عشان خاطري
عهود: ياربي
لينه بمرح وضحك: يلا عاد عشاني ..ترى عطيتك وجه الحين بأكلك غصب..
عهود: ههههه طيب ماما لينه
لينه: ههههههههه
أبو فيصل: السلام عليكم
لينه قامت تسلم على عمها: عليكم السلام (وهي تبوس راسه) شخبارك عمي..؟
ابو فيصل: الله يحفظك يابنتي انتي وش مسويه..؟
لينه بأبتسامه: الحمدلله بخير..
ابو فيصل: والله تعبناك كل يوم جايه لعهود
لينه: لا والله وشدعوه..ترى انتوا اهلي عهود وعنود خواتي ..
ابوفيصل: تسلمين طول عمرك بنت اصول
لينه: ماعليك زود..
عنود: صباح الخير..اقول لينه ابراهيم بيدخل يسلم عليك
لينه: اي حياه دقيقه بس اعدل الغطى
عنود: اوكي..(بعد ثواني)..تعال ابراهيم
ابراهيم : السلام عليكم
الكل: عليكم السلام
ابراهيم: ها لينه شخبارك..اشوف البيت منور..
لينه: بوجودكم..كيفك..
ابراهيم: والله بخير دامك بخير..
ام فيصل: ها كلكم هنا..؟
ابو فيصل:اي حياك تعالي اقعدي معنا..
ام فيصل: اي بقعد اجل بروح..؟..يابعدي قلبي يالينه ياليت كل البنات مثلك..
عهود وعنود: نعم..؟
الكل: ههههههههه
ابراهيم: اشوى يالينه انك موب ولد ههههه
الكل: هههههههههههه
ام فيصل: والله ياعمري هي كل يوم عند عهود ماتقصر..
لينه: تسلمين ياخالتي والله ماسويت شي..
عهود: ماشاءالله تو ابوي يمدح في لينه والحين امي بعد شوي ابراهيم وانا وعنود ولا كأننا هنا
ابو فيصل: انتي 24 ساعه معنا لكن لينه مانشوفها الا من وقت لوقت
عنود: اي صح بس احنا بعد بناتكم لازم تدلعونا ولا كله لـ لينه..؟
فيصل وهو داخل عليهم: عشان ترتاحون لا احد يدلع زوجتي غيري..
ابراهيم: ايووه هذا هو قالها ولا اسمع احد فيكم يقول لـ لينه كلمه حلوه
الكل: ههههههه
عنود: مو على كيفكم بندلعها براحتنا
ابراهيم: توك تقولين ليش تدلعونها..
عهود: وانت مصدق لينه هذي حيااتي (وهي تبوسها وتحضنها على جنب) وبندلعها براحتنا
فيصل: والله يا اخت عهود اذا انا قلت لا يعني لا
ابراهيم: ههههه كفوو يستاهلون
عنود: لا ياحبيبي مو بكيفك..
فيصل: كذا اجل..؟
عنود وعهود: اي كذااا
فيصل: طيب..
قام فيصل من مكانه وخلى لينه تجلس معه ع الكنب اللي بعيد عن عهود وعنود
الكل ماعدا عهود وعنود ولينه: ههههههههههههههههههه
فيصل وهو يحط يده على كتف لينه: اشوف هو بكيفي ولالا..
لينه في قلبها: ياربي على هالجرأه ودي اذبحها..طبعا لازم يصير جريئ دام هذي سوالفه..
ام فيصل: خلكم الحين من المناقر..
ابو فيصل: وبعدين انت هد البنت جايبها وحاطها على كيفك..
فيصل هو على نفس الوضع: يبا مرتي وانا حر فيها
ام فيصل: الله يعينها عليك..
عهود وعنود: هههههههه
ام فيصل: لينه ترى غداك اليوم عندنا..
لينه:لا خالتي خليها يوم ثاني..
ام فيصل: لالا.. لايوم ثاني ولا شي كم يوم وانا اقولك تقولين يوم ثاني..
لينه: بس
ابو فيصل: لابس ولا شي كانك تعزيني غداك اليوم عندنا..
لينه: اكيد اعزك ياعمي ومثل ابوي
ابراهيم: اجل خلاص بتشرفينا ع الغدا..
لينه: خلاص مثل ماتبون..
ابو فيصل: طيب انا بروح انام وقعدوني قبل الغدا
ام فيصل: ان شاءالله انا بروح اشوف وش سووا الشغالات..؟
لينه: أساعدك خالتي..؟
أم فيصل: لا مايحتاج يازينك مو هذول (وهي تأشر على عنود وعهود) وجودهم والعدم واحد يامال الضعفه
ابراهيم: هههههههههههههه
فيصل: طيب عن اذنكم ابي لينه شوي..
عهود: ها وش تبي فيها..؟
فيصل: بس يا السوسه..
وطلع فيصل مع لينه وراح غرفته
لينه: نعم..
فيصل: قعدي..
لينه من غير نفس:طيب
فيصل: وشفيك من اسبوع متغيره علي..؟
لينه بنفس الطريقه: مافي شي
فيصل: لا يكون بس زعلانه من يوم المستشفى ترى ماكنت اقصد شي
لينه: لامو عشان كذا
فيصل: اجل..؟
لينه: اسمع يافصيل يمكن احنا يكون بينا مناقر واحيانا انت تحب تغضيني وتستفزني واحنا مافهمنا بعض بشكل كبير..بس..المفروض بما انك
تزوجتني واسمي على ذمتك انك تحترمني مثل اما انا احترمك..
فيصل: ليش وش بدر مني..؟
لينه: اقصد لو عندك سوالف قبل الزواج ياليت تتركها عشان نقدر نستمر مع بعض...
فيصل : وش قصدك..؟
لينه: انت فاهم قصدي ماله داعي اوضح اكثر من كذا (وهي تطالعه بنظرات بارده) اللي بتقابلها الليله
فيصل: من هاذي..؟
لينه: انت عارفه..ماله داعي اقول اكثر
فيصل: مادامك بديتي بالكلام كمليه..
لينه: يعني البنات اللي تعرفهم قبل ماتاخذني ياليت لو تقطع علاقتك فيهم...
فيصل: اهاا..وانتي وش عرفك..؟
لينه: سمعتك من غير قصد في المستشفى قاعد تكلم وحده من هاللي تعرفهم..
فيصل: اسمعي يالينه انا ما احب احد يفرض شي علي ويتحكم بتصرفاتي..
لينه: افهم من كذا انك ماراح تقطع علاقتك باللي تعرفها..؟
فيصل: لا انا احبها وما اقدر اتركها..
لينه: اجل ليش تزوجتني..؟
فيصل: ابي اتزوجك كذا مزاج وغير كذا عشان اهلي واهلك وعشان تكون العلاقه بينهم اقوى..
لينه: طيب الحين اخوك ابراهيم قريب بيتزوج غاده..يعني خلاص قويتوا علاقتكم فينا..
فيصل: ايوه..
لينه: تمام..اجل انا طلقني..
فيصل: اطلقك..؟
لينه: اي انا ما ارضى اعيش مع واحد له علاقات مع بنات وحريم
فيصل: والله لو اني شايف زوجتي مهتمه فيني ومحستتني بقيمتي كان مافكرت ادور على هالشي برى
لينه: انا لين الحين ماعشت معك عشان تقول هالكلام..
فيصل: طيب اسمعي يالينه عشان اريحك لما ابوك يوافق اني اطلقك ويرضى انا بسوي اللي تبينه...ها وشرايك..؟
........................................
ياترى وش بيصير بين فيصل ولينه..؟
ابو عبدالله بيرضى بنته تتطلق خصوصا انه مقتنع بفصيل ويحبه مثل عياله واكثر..؟
الجاي بيكون بداية عذاب جديد لـ لينه ولا نهاية علاقتها بفيصل..؟
كل هذا بنعرفه بالاجزاء الجايه...
.................................................. ..........
|