الجـــــــــــــــــــــــــــــــــــــــــــــــ ــزء الســـــــــــــــــــــــــــــــــــــــــــــــ ـابع
في بيت بو بدر
ابو بدر: خلاص الولد ذا انا طفشت منه قفلت معي..
ام بدر: هد اعصابك يا ابن الحلال اهم شي صحتك لايجيك شي..
ابو بدر: اجل اقوله نبيك تجي اختك بتتزوج يقولي اللي مايستحي زوجوها مو لازم احضر..
ام بدر:هالولد ما ادري لمين طالع عليه بهذلنا...
غاده وهي جايه من صوت الصراخ: خير وش صاير وشفيكم..؟
ام بدر:اخوك مو راضي يجي...
غاده:هو اصلا من يوم ماراح هناك مايبي يرجع...
ابو بدر: يصير خير انا اوريه
غاده: يبا هد اعصابك لاترفع ضغطك الله يخليك لنا بس ويكيفينا شره...
ام بدر:استهدى بالله
ابو بدر: خلاص في داهيه مو لازم يجي لاهو ولدي ولا اعرفه واخته بتتزوج ومو لازم يحضر
ام بدر: يارجال اذكر ربك توها البنت ماراح تتزوج لين تمسك الشهاده في يدها ان شاءالله ذيك الساعه يحلها ربك..
ابو بدر وغاده:ونعم بالله...
....................................
في بيت بو نايف
عايلة بونايف.........بونايف متوفي من سنين كان طيب ومحترم والكل يحبه والموت ماياخذ الا الطيب..
نايف 29 الولد الوحيد بين خواته مها وريم وللاسف كان مصاحب بدر اللي خربه بعد ماسافر بدر
بدى ينصلح حاله والفضل يرجع لزياد صاحبهم الثالث وراح تظهر شخصيته في الاجزاء الجايه.......مها ثاني بنت متزوجه وعندها
ولد وبنت توأم....أحمد ورواء عمرهم 5 سنين
ريم..اخر العنقود حبيبة أبوها أكثر وحده تأثرت بوفاته وافتقدت لحنانه وحبه والله رزقها بعبدالله اللي عوضها عن كل اللي شافته
....................................
مها:يمه شفيه التلفون مقطوع عندكم..؟
ام نايف:مقطوع!!...والله ما ادري يابنتي لو مقطوع قولي لاخوك يسدد الفاتوره
ورجعت مها تحاول في التلفون
ام نايف: ما اضنه مقطوع جربي تلفون ثاني
مها:خلاص مو مشكله......وين ريم تأخرت..؟
ام نايف: ان شاء الله الحين في الطريق...وين عيالك انتي..؟
مها: مع الشغاله فوق يلعبون..
ام نايف: حرام عليك جيبيهم هنا
مها: يمه والله متعبيني ارتاح منهم شوي
ام نايف: اقول قومي جيبيهم وانا بقعد معهم يلا خلصيني
مها: ان شاء الله
وراحت مها تجيب عيالها
ريم وهي شايله ولدها: السلام عليكم
ام نايف: ياهلا عليكم السلام
ريم وهي تبوس راس امها: شخبارك..؟
ام نايف: الحمدلله شلونك انتي وشخبار عبدالله..؟
ريم: كلنا بخير..
ام نايف: الحمدلله كيف اهل زوجك..؟
ريم: والله بخير...
ام نايف وهي تقصد حفيدها: هاتيه اشوفه
ريم: سمي يمه
ام نايف وهي تشيل حفيدها: بسم الله لا اله الا الله
وقعدت ام نايف تلاعب حفيدها وتلاعبه وتضحكه
ريم وهي تعدل شعرها: يمه وين مها..؟
مها وهي نازله: انا هنا يامدام ريم
ريم وهي رايحه على مها تسلم عليها: ههههه هلا والله
مها وهي تسلم عليها: هلا فيك وينك تأخرتي..؟
ريم: على ماوصلني عبدالله
مها:هو راح..؟
ريم: اي عنده شغل..
مها: وكيف ساره ولينه..؟
ريم: كلهم بخير
مها: الحين كم بقى على زواج ساره ومحمد..؟
ريم: خلاص مابقى شي كم اسبوع
ام نايف:ولينه..؟
ريم: لا يمه لينه بتصير بعدهم بفتره..
ام نايف: ليش..؟
ريم:والله ما ادري بس هم ظروفهم جات كذا
(ريم كانت عارفه ان لينه مو متقبله فكرة الزواج بس هالكلام ماطلع لاهلها ريم رغم انها طيبه جدا الا انها تحب تحفظ اسرار زوجها واهله وعبدالله كان يحب هالصفه فيها)
مها:وين نايف..؟
ام نايف: والله ماشفته من امس
ريم:الله يهديه
الكل: امين
ام نايف:الله يهديه ويجي اليوم اللي اشوفه يدخل علي وعياله بأيدينه
الكل: امين
مها: اقول ريم وشرايك بعنود..؟
ريم: وشفيها..؟
مها: وشرايك ناخذها لنايف..
ريم: يابنت الحلال خليه هو يعقل ويقول بتزوج وقتها يصير خير
مها: الله يسمع منك....بس يمكن الزواج يعقله
ريم: مها اخوك هذا هو ماراح يعقله زواج الحين هو بدى يتغير والله يصلحه ويتمم عليه
مها بأحباط: ااه امين
.....................................
زواج محمد وعبدالعزيز كان في ليله وحده وكان في افخم الفنادق طبعا مزون وساره كانوا طالبين فساتينهم من برى
و التصميم كان خطير وكان جاي على مقاسهم بالضبط ومزيدهم حلاه
ساره كان مكياجها بدرجات البني والبيج وكان لايق عليها مره وشعرها شي بسيط اللي مرفوع منه ومسويه له هاي لايت بسيط
مزون كانت صابغه شعرها ومسويه له قصه ومدرجته ومخليته كله كيرلي وطالع عليها جنااان ومكياجها كان حلوو كانت الوانه مايله للبيج والاورنج وكانت روعه
لما جا وقت دخول الرجال تغطوا الحريم طبعا خالد وعبدالله ماقدروا يدخلون
وبقوا في صالة الرجال مع المعازيم
دخل عبدالعزيز ومحمد الصاله وطبعا انواع الهبال عندهم كالعاده
سلم عبدالعزيز على مزون وبعدها قرب من ساره وبارك لها وباسها على راسها
محمد سوى نفس الشي سلم اول شي على ساره وبعدها بارك لمزون بس طبعا محمد لازم الهبال موجود عنده
محمد وهو يكلم عبدالعزيز:عزوز شوف شلون السلام يصير
قام محمد وباس راس مزون وبعدها حبها على خدها وايدها وقعدوا صديقات مزون ولينه يصفرون ويستهبلون
لينه:ههههههههههههههههههههه حشى فقرااان بوس
عبدالعزيز:هههههههههههههه
لينه كانت مغطيه شعرها لانها متعوده ان عبدالعزيز يشوف وجهها خصوصا ان مكياجها بسيط وغير كذا عبدالعزيز مو داري عنها اساسا ههههه
بارك الكل لهم لينه مسكت يد عمها عشان ترقص معه وعمها كان شبااااابي
لينه: وشذا كله ياعمي توني اعرف انك ترقص كذا
ابوعبدالعزيز:توك ماشفتي شي
لينه:ههههههههههه
طلعت لينه بعدها من الصاله وراحت تشوف عبدالله عشان تعرف متى الرحله
عبدالله:هلا لينه..
لينه: متى بيسافرون..؟
عبدالله وهو يشوف الساعه: الرحله بتقلع الساعه خمس والحين الساعه 12 ونص
لينه: خمس!!
عبدالله: اجل وش تحسبين..؟
لينه: يعني قلت يمكن ثلاث
عبدالله: لاخمس تو الناااس...يلا انا بروح الحين
لينه: اوكي
مشى عبدالله وكانت لينه بترجع وشافت فيصل من بعيد
قام فيصل غمز لها غمزة اعجاب وأشرت له بأيدها وكأنها تقول له هين ورد عليها بأيده وكأنه يقول يلا يلا امشي وبعدين لينه قامت مسحت
دقنها وكأنه تقول اوريك وقعد فيصل يضحك
خلص العرس على الساعه ثلاث تقريبا عشان يلحقون على موعد الطياره
كانت حفله وليله ولا احلى
خالد وعبدالله تكفلوا انهم يوصلون محمد وعبدالعزيز
بعد العرس رجعوا ساره ومحمد لبيتهم ومزون رجعت مع عبدالعزيز عشان يتجهزون قبل السفر
عبدالعزيز لبس بنلطون أسود وبلوزه بيج كان لبسه مرررتب وانييق وهو اساسا حلووو
ومحمد لبس بنطلون كحلي وبلوزه سماوي على ازرق ولبسه بعد كان مره ذوق
اما ساره لبست بنطلون لونه ترابي وبلوزه وردي
ومزون كانت لابسه بنطلون اسود وبلوزه موف طبعا ساره ومزون كانوا لابسين فوقهم عبايات وغطى
عبدالعزيز ومزون راحوا لبيت عمهم بو عبدالله بحكم انه اقرب للمطار
وبدوا يسلمون عليهم وانواع الافلام الهندي
ريم: خلاص ياجماعه مسافرين وراجعين ان شاءا الله ماراح يطيرون
لينه: الا انتوا شلون بتروحون المطار....؟
ريم:عبدالله وخالد بيوصلونهم بفان طبعا لانهم صايرين شله هذا لو ماجابوا لهم باص
الكل: ههههههههههه
عبدالله: يلا عاد ترى الرحله بتقلع وانتوا قاعدين
وراحوا المطار في الطريق كله استهبال من الشباب وضحك وسوالف وطبعا ام البرود عندهم
بعد ماوصلوا المطار راحوا يشحنون الشنط وسوالف المطار وسلموا على بعض
ولانهم وصلوا متأخرين شوي ماطولوا في صالة الانتظار وركبوا الطياره رحلتهم كانت على الخطوط الهولنديه وبالطياره سوالف وضحك ورومانسيه وهبال ماخلوا شي
.............................
مزون:محمد...
محمد:هلا حبيبتي
مزون:الحين شلون بنروح أوتوا...؟
محمد:شوفي الحين بننزل في هولندا ترانزيت ونقعد وبعدها ان شاءالله بننزل تورينتوا وبعدين نروح من هناك على اوتوا
مزون:يوووه وشذا الحوسه؟
محمد: هههههههههههه والله ماهقيتها منك حوسه وانا معك
مزون: لاحمود بس والله وشذا ننزل ونقعد وننزل ونقعد
محمد:ههههههههه معليش عاد انسه مزون مانكررها
مزون: لو سمحت مدام ههههه
محمد: ههههههه كفووو كذا ابيك بعدي والله
مزون:محمد ماتلاحظ ان في كلمه على لسانك دايما كذا ابيك كذا ابيك ههههههه
محمد: هههههههههههه عموما انتي لسى ماشفتي شي من الحوسه بس انشاءالله كله سهاااله
مزون: انشاءالله
...............
في بيت بو عبدالله
لينه كانت قاعده تطالع فلم في الفيديو
ريم:لينه شكلك نعسانه روحي نامي يابنت الحلال..
لينه: لا ريومه بستنى الفجر يأذن اصلي وانااااااام
ريم: ههههههه وش عليك عاد الحين اجازه..
لينه: والله طفش
ريم: وين مزون تسمعك..؟؟
لينه: ههههههههههه
ريم: لان انتي ياليونه تحبين التخصص اللي داخلته كثير عشان كذا ماله من الاجازه وودك ترجعين للدراسه
لينه:اي صادقه...
ريم: الله يوفقك يارب ونشوفك احسن دكتوره
لينه:ياعمري ياريم تسلمين والله يسمع منك يارب
ريم: شدي حيلك بس...تصدقين ياحليلهم ساره ومزون مالهم وقت رايحين بس لهم وحشه
لينه: اي والله عاد انتي مرتبطه بساره الحين مالك غيرررري ان ماوريتك
ريم:ههههههههههه لا ياماما ترى محمد مو معك الحين مافي احد غير عبدالله يعني انتي اللي لازم تخافين مني
لينه:هاهاهاها لا ياحلوه عندي خااالد
ريم:هههههههه وليش ماتقولين عندي فيصل..؟......اللي عرفته من عبدالله ان بنية جسمه قويه وينفع ملاكم
لينه: قالولك دراكولا..؟
ريم:هههههههههههه هذا كلامهم..صدق لينه هو كذا..؟
لينه: اي جسمه رياضي مره ووقووي اضن عشان كذا اخوانه يخافون منه وله هيبه عندهم
ريم:هههههههههههههههههههه حلوه
لينه بتفكير وهباله:لا يابنت شكله جد عشان كذا يخافون منه
ريم:ههههههههههه اجل الله يعينك
لينه بأبتسامه خبث ومكر: هههههههااااي انا اخاف ..؟اقول زين منه اذا ماخاف مني
ريم:ياوووواثقه
لينه:هههههههه
ريم:اقول شكل نايف صحى قاعده اسمعه يصيح
لينه وهي تقوم:انا بقوم أتوضا بقى دقيقتين على الاذان
ريم: وانا بعد بروح اصلي تقبل الله وتصبحين على خير
لينه:منا ومنك...وانتي من اهله حبيبتي..
....................
في مطار أمستردام
وصلوا عبدالعزيز وساره ومحمد مزون لمطار أمستر دام كان عندهم الوقت ع المغرب
ساره: خلونا ندخل المحل هذا
محمد: ياربي عليكم يالحريم ياحبكم للاسواق...
عبدالعزيز: بجد لو يقولون لهم اسكنوا بالسوق ما يعارضون
مزون: ترى ما احد ضاربكم على ايدكم طيب..؟
عبدالعزيز: مزو سدي فمك ياطويلة اللسان
محمد: خير اخ عزيز وشو سدي فمك ذي بعد اسمع مرتك عندك وسوا فيها اللي تبي
ساره: اقول ترى سويوتها سالفه يلا ندخل عاد
ساره: انا ابي اشتري شاكليت..
مزون: مممم انا ابي اشوف العطورات
وكل واحد راح مكان وقعد ينقي له اغراض ويشتري لان الفتره اللي كانوا بيقعدونها في امستر دام مدتها 6 ساعات طبعا مايقدرون يطلعون من المطار
مطار أمستر دام كان كبير مرره يعني الواحد لو بيروح من بوابه لبوابه ثانيه مايقدر يروح لها مشي من كبر مساحة المطار
بعد كم ساعه راحوا لمطعم وقعدوا ياكلون وعدت عليهم الساعات ومابقى شي على الاعلان عن اقلاع الرحله لترينتوا
مزون: الحين كم بنقعد عشان نوصل ترينتوا..؟
عبدالعزيز: تقريبا 9 ساعات
ساره: اوف وشذا كله..؟
محمد: اعوذ بالله مافيكم صبر..اذيتونا هذا واحنا 6 ساعات وراكم في هالسوق..
عبدالعزيز: سبحان الله ماتتعبون اللفه تتعبون بس من القعده
محمد: هههههههههههههه
مزون: خلاص كليتونا
ساره: وبعد ترينتوا انشاءالله بنقعد 6 ساعات ثانيه
عبدالعزيز: لاكلها ساعتين بنقعدها وبعدين بنروح أتوا ونرتاح...ممكن تفكونا من حنتكم..
ساره بدلع: عبدالعزيز الحين انا حنانه..؟
عبدالعزيز: لا والله انت عمري كله بس مافيكم صبر
محمد: ترى خلاص اعلنوا عن الرحله
وركبوا الطياره ووصلوا بعدها لترينتوا وقعدوا تقريبا ساعتين وراحوا بعدها لاتوا
في مطار أتوا
مزون: اخيرا ياربي مو مصدقه..
ساره: ارتحنا اعوذبالله
محمد وعبدالعزيز: هههههههههههه الحمدلله ع السلامه
مزون وساره: الله يسلمكم
عبدالعزيز: يلا عاد الحين نبي نروح البيت نرتاح..
مزون: يعني بنقعد في بيت..؟
عبدالعزيز: انا وساره بنروح بيتنا اللي هنا وانتي بتروحون بيتكم عموما كذا كذا انتوا ساكنين جنبنا..
مزون: حلوو..بس احنا لنا بيوت هنا..؟
محمد: ابوي وعمي شاريين بيوت هنا احيانا نجي هنا شغل وسياحه وكذا
ساره: عشااان كذا الرجال كل شوي طاقينها سفره اثاري عندهم بيوت بعد...
عبدالعزيز: ههههههههههه الحين وش يفكنا منهم..؟
محمد: صدق ماينقال لهم شي...
ساره: طيب نبي نروح انا تعبت مو قادره استحمل
مزون: اي والله لاتكثرون نبي نروح نرتاح
في التاكسي
مزون: الحين كل مانطلع مكان بسنتأجر سيارات..؟
محمد وهو مسند راسه ومغمض عيونه: ومن قالك ان بنستأجر سيارات..؟
مزون: أجل..؟
عبدالعزيز وهو يحوس بجواله: عندنا سيارات
ساره ومزون: جد..؟
محمد وعبدالعزيز: اي
ساره: متى..؟
مزون: وليش ماقلتوا لنا..؟
محمد وعبدالعزيز التفتوا بوقت واحد لمزون وساره
محمد: بذمتكم هذا وقت لهالسوالف..؟
عبدالعزيز: نوصل ونرتاح ونقولكم...اعوذبالله لنا اكثر من 17 ساعه طيران وغير لفلتنا في المطارات وانتوا متفيقين..؟
مزون: احنا نشيطين مو مثلكم..
عبدالعزيز: والله لانشاط ولاشي بالعين راديوا ههههههههههههه
محمد: ههههههههههه احنا ياكثر ماسافرنا متعودين بس لازم الواحد يتعب في اي سفره
وصلوا البيت وطبعا جابوا هاوس كيبر عشان التريب والتنظيف وهالاشياء..
....................................
مر اسبوع على سفرة عبدالعزيز ومحمد وساره ومزون طبعا هم كانوا في قمة سعادتهم خصوصا انهم مع بعض
وكانت بعض تمشياتهم تكون جمعه وبعضها لا....لينه كان عندها ملل نوعا ما وكانت مشتاقه لمزون كثيروحاشه بفراغ من يوم سفرها..
ريم اكيد افتقدت ساره بس كانت دايما تروح بيت اهلها او تزور وحده من صديقاتها ولا قرايبها
....................
لينه: يمه ممكن اطلع..؟
ام عبدالله: وين تروحيين ..؟
لينه: اي مكان انا طفشت
ام عبدالله:وش طفشتي قعدي في البيت..
لينه:لااله الا الله اصلا انا مره ومتزوجه..
ام عبدالله: هذاك قلتيها متزوجه يعني ماتروحين مكان مع غير زوجك...
لينه:يعني وشو ما اخطي خطوه الا معاه...يعني لو بروح لصديقتي اخذه معي..؟
ام عبدالله: لينه خلاص عاد
لينه:طيب انا بكلم فيصل بخليه يوديني ابي اروح اي مكان
ام عبدالله: انتي وزوجك تنصلحون...
بعد مامشت ام عبدالله بقت لينه بروحها
لينه:الله يسامحكم على اللي سويتوه فيني
....................
فيصل:عنود اطلعي برى يلا فيني النوم....
عنود:طيب وين ابراهيم..؟
فيصل:قالولك انا البيبي ستر حقه..؟
عنود: ياربي الله يريحني..
فيصل: امين ويريحني يلا وريني مقفاك
عنود سكرت الباب بقوه لانها كانت معصبه من فيصل
فيصل:كسري الباب يا الفالحه
فيصل حط راسه على المخده وسمع صوت جواله وشاف المتصل عليه ..حياتي..
فيصل: هلا والله
لينه: اهلين فيصل كيفك..
فيصل: بخير دامك بخير ها شخبارك..؟
لينه:طفشانه
فيصل: افاا ماعاش من يطفشك وانا موجود وشفيك طفشانه..؟
لينه:مممم ابي اطلع ابي اغير جو
فيصل وهو يستغبي:اهاا وش اقدر طيب اسوي..؟
لينه بقهر لانها عارفه انه قاعد يستعبط:انا متصله فيك عشان تساعدني
فيصل في قلبه: ذكيه
فيصل:طيب تبين تطلعين مثلا..؟
لينه: تقريبا
فيصل:اهااا طيب طلعي..
لينه وهي ماسكه نفسها:من بطلعني..؟
فيصل:ما ادري تبين اقول لعبدالله يطلعك او خلي السواق
لينه في قلبها:اذبحه هذا عبدالله اخوي ما اقدر اقوله يعني؟؟
لينه:عبدالله مو موجود والسواق بعد
فيصل:اجل من بطلعك..
لينه بعد مافقدت اعصابها:اعتقد اني متزوجتك ولا انا غلطانه..؟
فيصل بأبتسامه:يعني اطلعك انا..؟
لينه: انت وش شايف..؟
فيصل بفرح: خلاااص ولايهمك تجهزي وانا بمرك اوكي..؟
لينه:طيب انتظرك ومشكور
فيصل:مابينا شكر
لينه: يلا مع السلامه
فيصل: الله معك
مر فيصل على لينه وطلع معها وراحوا لفلفوا في السوق شوي (مع ان اثنينهم مايميلون للاسواق كثير) وبعدها راحوا تعشوا ورجعوا
طبعا كل القعده مناقر×مناقر كالعااده
في السياره
فيصل: ها لينه ان شاء الله الحين مو طفشانه
لينه:لا الحمدلله
فيصل:اقول ترى انا حجزت على ألمانيا
لينه:ممم اوكي
فيصل:تصدقين لينه انا خواتي ما اطلعهم دايما ابراهيم متكفل فيهم
لينه:وليش..؟
فيصل وهو يبي يقهرها: كذا انا ماعندي دلع زايد
لينه وهي تستفزه: اهاا اذا كذا اجل الله يعينك علي يبيلك تستحملني
فيصل:انتي دلوعه..؟
لينه:لا بس ماراح تعاملني مثل خواتك لانك مجبور فيني
فيصل:اييه الله يسهل......بسوي اللي تبينه بس عاد لما اكون فاضي
لينه: ياسلام يعني ماتسوي شي الا لما تفضى
فيصل: ممممم يعني
لينه في قلبها:الله لايحوجني لك ياشيخ ولا لغيرك ويقولون اترك الدراسه اي هين عشان اقعد تحت ذل رجال
بعدها فيصل حب يستفز لينه اكثر وشغل اغنيه وخله نفسه مندمج معها مره وصار يغني
يعني تحسبين أكبر همي انتي..؟...لا والذي سواك غيرك زيون ماني قليل شر ويمكن فطنتي..من يخطي بوحده ارد بمليون..
وان اسألوا ربعك علامك ذبلتي..؟ قولي لهم من حب ذا اللي تشوفون يوصل لك حكي (ن) وانتي له استجبتي ماتشوفين اللي بالقلب مكنون..
ترى العقل نعمه وذا عيبك انتي غزالة تسرح على وين مايكون ماعاد عندي الا ماسمعتي لو تصبرين شوي يمكن يزيدون..
لينه حست انها ودها لو انها تتكلم وترد عليه بس طنشت ولا كأن هامها وفيصل عرف انها انقهرت وماحبت تبين
فيصل: وصلنا ياقمر
لينه: مشكور
فيصل: العفو وقلتلك مابينا شكر
لينه وهي تحاول تكون عاديه:مع السلامه
فيصل: الله يسلمك اقول لينه
لينه: نعم
فيصل: نعم الله عليك....وشرايك بالاغنيه..؟
لينه من بين أسنانها:روووعه
فيصل بأبتسامه:والله انتي الروووعه
لينه مشت وقفلت الباب بقوه
فيصل:هههههههههه اليوم كل البيبان تكسرت ...........بس هين يالينه انا اوريك ان ماخليتك تحبين الارض اللي اوطاها ما اكون فيصل
.....................
عبدالله: تمشيتي ياختي..؟
لينه: عبدالله والله تعبانه
عبدالله:ياربي وانتوا كل من شافني قالي انا تعبان
لينه:لانك متعب استغفرالله
عبدالله: هههههه ريم بذمتك انا متعب..؟
ريم: لاوالله انت عسل..
عبدالله: اجل ليش يقولون عني كذا
ريم: غيرانين ماعليك منهم
عبدالله وهو يكلم لينه: ياغيراانه
هم كانوا قاعدين في صاله جلسه عربي(يعني ارضيه) وشافت اقرب شي لها ولقت قبعه لنايف صغيره ورمتها على عبدالله
لينه وهي قرفانه:اقول تكفى يالبزر اسكت ياروح امك
عبدالله:ههههههههههه...اقول ريم حطوا العشا ترى جعت
ريم: قاعدين يحطونه
عبدالله بحنان:لينه تبين عشا..؟
لينه: لاتسلم متعشيه
عبدالله: بالعافيه..
لينه: على قلبك...انا بطلع ابي انام الحين
عبدالله: بدري
لينه:مافي شي اسوي
عبدالله:قعدي معنا وشدعوه..؟...اقول عندي فكره
لينه وريم بحماس:وشي..؟
عبدالله: ههههههه شكلكم واصلين حدكم المهم وشرايكم بما انكم حاسين بروتين وملل نروح يومين البحرين ولا دبي ولا الكويت المهم تغيرون جو
لينه: اللــــــــه كان زييييييييين
ريم: فكررره حلوه نغير جو
لينه:طيب عبدالله خلها لبنان تكفى
ريم: اي عبودي تكفى
عبدالله: خلاص لبنان لبنان امرنا لله
لينه وهي تقوم فرحانه:يس بقوم اجهز شنطتي
عبدالله: خلاص انا بحجز مدة اربع ايام زين كذا..؟
ريم: اي حلوو مره
لينه: خلاص انا من الحين بجهز شنطتي
ريم: بس متى بنروح
عبدالله: بخليها بكره
ريم: بتلاقي حجز
عبدالله وهو يغمز لها:ولايهمك بدبرها
لينه: حلوو
عبدالله:ترى صجيتينا حلو ياهو بجهز شنطتي خلاص ترى بهون
لينه: لالا تووبه
عبدالله: ماراح تستأذنين من فيصل..؟
لينه: وشو ليش استأذن منه..؟
عبدالله: هو زوجك اصلا ممنوع تطلعين من البلد الا بعد ماتجيبين تصريح انه موافق انك تسافرين
لينه:عبدالله من صدقك..؟
عبدالله:اي والله
لينه:يااااااااسلاااااااام ولو حضرته ماوافق
عبدالله:اكيد بوافق بس كلميه زي الناس
لينه وهي مرخيه راسها:طيب والله يستر ويوافق...يلا عن أذنكم
بوعبدالله وهو داخل: لو ماوافق تقعدين في بيتك....بعدين اي شي بتسوينه تستأذنين منه موبس سفر وكأنك مغصوبه
عبدالله: يبا وشفيك الله يهداك ماصار شي..
بوعبدالله بحده: انا لما اتلكم ما احد ينطق وانتي (وهو يكلم لينه) اي شي بتسوينه تستأذنين من رجلك..
لينه بحزن وضيقه: انشاءالله عن اذنكم....
..........................
ساره:جد بنرجع نهاية هالاسبوع..؟
عبدالعزيز:اي نعم
ساره:واخيرااا...والله اشتقت لهم
عبدالعزيز: كل هالفرح عشانك بترجعين..؟....شكلك فرحتي برجعتك اكثر من فرحتك بالسفره نفسها..
ساره: وش هالكلام..؟...بالعكس ياقلبي والله ان فرحتي بقعدتي معك مامثلها فرحه...
عبدالعزيز وهو يقرب منها:جد..؟
ساره هزت راسها بالايجاب
عبدالعزيز وهو يحضنها:يابعد عمري ياساره
.........................
عهود: اقول انت شلون طلعت غريبه..!!!
فيصل: ليش..؟
عنود: لانك كنت تبي تنام وطلعت على طول وقت ماطردتني
فيصل: ايه يوم كسرتي الباب
عنود: ايه يوم كسرت الباب
ابراهيم كان جاي من المطبخ ومعاه كوفي:فيصل متى رجعت..؟
فيصل:الحين من شوي...
ابراهيم:مممم لينه دقت عليك...
فيصل: متى..؟
لينه: من شوي كلمتك بس شكلك نسيت التلفون في البيت
فيصل:تصدق توني اذكر اني نسيته...وين الجوال..؟
ابراهيم طلع الجوال من جيبه ورماه لفيصل
عهود:هذا اللي فالحين فيه رموا كذا لين مايتهشم
فيصل وهو يشوف الجوال:اسكتي انتي يا السوسه.....يلا تصبحون على خير..
الكل:وانت من اهله
طلع فيصل غرفته وكلم لينه بس ماكان متوقع انها تبي تكلمه لله في لله خصوصا بعد اللي سواه فيها
فيصل: هلا لينه
لينه: ايوه فيصل
فيصل: كلمتيني..؟
لينه:اي
فيصل: امري
لينه:ابي اسافر مع اخوي عبدالله كم يوم وبغيت انك توافق
فيصل:وين..؟
لينه:لبنان
فيصل:ليش..؟
لينه:احنا من زمان ماسافرنا وعبدالله فكر نروح كم يوم قبل لايرجعون محمد وعبدالعزيز..
فيصل:اهاا
لينه: ها فيصل وش قلت..؟
فيصل:والله ما ادري..
لينه تذكرت كلام عبدالله:فيصل حبيبي تكفى كلها كم يوم يعني مافيها شي
فيصل وهو حاس بشي من الانتصار: خلاص لينه مممم...ممكن اخليك تروحين اذا هي كم يوم..
لينه:مشكوور فصول
فيصل:ههههههههه العفو
لينه:معليش بخليك الحين..
فيصل:يعني كل اتصالك عشان السفره
لينه:لامو كذا بس شكلك تعبان وتبي ترتاح
فيصل: طيب...تصبحين على خير حبيبتي
لينه:وانت من اهله
لينه نزلت على طول لعبدالله وهي تركض
عبدالله:خير وشفيك..؟
لينه:فيصل وافق خلاص
عبدالله: على السفر..؟
لينه: ايييييييي
عبدالله: خلاص مبرووك هههههههههه
لينه:الله يبااارك فيك
عبدالله:ترى تو من شوي محمد مكلمني يقول بيجون اخر الاسبوع
لينه:حلووو مابغوا يجون
ريم:يوصلون بالسلامه
عبدالله: ان شاء الله
............................
مزون:محمد قوووم ترى طفشت وانا قاعده بروحي
محمد بصوت مليان نوم: اووف وشو ابي انام
مزون:ياربي وشذا انت خيشة نوم..؟
محمد: نامي الحين وبكره نتفاهم
مزون:ياربي تو الناس على النوم
محمد باستسلام: نعم وش تبين..؟
مزون:قوم عشاني طفشت
محمد بعد ماقام وعدل جلسته: ااه هذا انا قمت
مزون: لالاقوم غسل وجهك والبس وتعطر
محمد: ليش ..؟
مزون: عشان تقعد معي
محمد وهو يأشر علىالمكان اللي قاعد فيه على السرير: هههههههههههه مزون تعالي
جات مزون وقعدت جنبه بالضبط:نعم
محمد وهو حاط ايدها على كتفها: ماودك تنامين..؟
مزون: يا اللـــــــه
محمد:هههههههههههه امزح معك خلاص طيب نقعد نسولف..؟
مزون: ياريت بس قوم
محمد قام وحلق دقنه وغسل وجهه وخذا له شاور ولبس بنطلون وتيشرت
مزون بعد ماطلع محمد من الحمام: ايووه كذا مو طول الوقت نايم في الفراش
محمد: شوفي حلو هالتيشرت..؟
مزون وهي تمسك ايده: اكيد حلو يكفي انك لابسه
محمد: تصدقين مزون انا قبل لااحبك ماتوقعت انك كذا..
مزون:شلون كذا..؟
محمد: يعني توقعت لو احد تزوجك غيري لاقدر الله يعني
مزون: هههههه ايوه..؟
محمد:انك ماراح تكونين بهالرومنسيه كنت اضن بتتناقرين معه وبس ههههههههه
مزون:لا ياشيخ
محمد: هههههههههههههه
مزون: على فكره ترى انت كذا
محمد: شلون كذا..؟
مزون وهي تطالع التلفزيون: يعني ماعندك رومنسيه..
محمد: ههههههههههه الله يسامحك كل هذا وماعندي
مزون: لاماعندك
محمد وهو يمسك وجهها ويلفه عليه: بذمتك انا ماعندي رومنسيه..؟
مزون وهي تحاول تمسك ابتسامتها: ممممم لا
محمد بأبتسامه: لا ها..؟؟
مزون ماردت وهي بنفس حالتها
محمد: والله انا احسن من قيس وعنتر وروميو
مزون: ههههههههههههه
محمد وهو يبوس خدها: يا حلو اللي يضحكون...مزون تدرين اموت فيك وفي لعانتك..
مزون: وانا اموت فيك حمودي
محمد: معليش انام..؟
مزون : نعم؟؟
محمد: ههههههههههههههههه
..................................
كيف بتكون رجعة محمد وعبدالعزيز ومزون وساره...؟؟
وسفرة ريم وعبدالله ولينه...؟؟
.................................................. .........................
|