الجــــــــــــــــــــــــــــــــــــــــــزء الخـــــــــــــــــــــــــــــــــــــامــــــــ ـس
قدام بيت بوعبدالله
كانوا داخلين وهم يسولفون
ووقفهم صوت ساره
ساره: مرحبا
محمد: اهلين
لينه: مراحب..شخبارك عبدالعزيز..؟
عبدالعزيز: الحمدلله شلونك انتي..؟
لينه: مع العبايه اسود
عبدالعزيز: هيهيه بايخه
محمد: شخبار الاهل عبدالعزيز.؟
عبدالعزيز: والله تمام يسلمون عليك وينك مانشوفك..؟
لينه:بشتوووووفوووونه لاتخاف يوم الخميس عندكم...
عبدالعزيز بأستغراب: وشمعنى..؟
محمد وهو يدوس على رجل لينه ويضرب في يدها:ماعليك منها ماتعرف لينه مثل مزون...
لينه: وشفيها مزون..؟
ساره: والله مافيها شي يازينها بس
محمد: بنضل واقفين كذا يعني..؟
ساره: يلا ندخل
...........................
ام بدر: غاده
غاده: سمي يمه
ام بدر: اخوك بدر ما كلمك..؟
غاده: لاوالله....يمه ليش مانسافر له..؟
ابو بدر: وش نسافر له..؟...المفروض هو يجي
غاده: بس بدر ماراح يرجع لين مايخلص
بو بدر: اجل ننتظر لين ماهويخلص....مو احنا نروح له
غاده بصوت ماينسمع: اوف ياربي
بو بدر: اقول ترى عاد خلاص بنرجع بعد يومين ورانا اشغال
ام بدر: اللي تشوفه
...........................
ام عبدالله: لينه
لينه: هلا يمه
ام عبدالله: تعالي المطبخ ابيك تساعديني
لينه: انشاءالله
بعد ماقامت لينه وام عبدالله وراحوا المطبخ
محمد: يبا
بو عبدالله: نعم
محمد: بغيتك في سالفه
ابو عبدالله: قول وش تبي
محمد بصوت مايسنعه ابوه: بدايه تشجع
ابو عبدالله: وشو..؟
محمد: ولاشي سلامتك.......ابوي انا كبرت وابي اتزوج
بو عبدالله: ههههههههه
محمد: ضحكني معك
بوعبدالله: ياولد انت ماعندك اسلوب على طول انا كبرت ابي اتزوج....الحين في الشغل مافي واحد لسنجي مثلك وهنا ماتعرف تتكلم
محمد: انا اعرف بس ماله داعي الرسميات بينا
بوعبدالله بجفاسه: ليش انشاءالله اصغر عيالك..؟...ولا واحد من ربعك
محمد: لا حشاك...احنا بينا احترام وتقدير....واحيانا ضرب
بو عبدالله: ههههههههه طيب انت الحين عارف يعني وشو تتزوج
محمد: عااارف والله
بوعبدالله: ومستعد تتحمل هالمسؤليه
محمد: انا ولله الحمد مو مدحا في نفسي لكن انا قدها انشاءالله
بوعبدالله: اجل مالك الا بنت خالتك غاده
محمد: وشوووووووو؟؟
بوعبدالله: وشو اللي وشو
محمد: يبا انا ما ابي وش اسمها ذي غاده
بوعبدالله: لا والله اجل من تبي انت ووجهك
محمد: انا ابي بنت عمي مزون
بوعبدالله: مزون!!.....
محمد: اي
بوعبدالله: مزون انخطبت
محمد: لا ماانخطبت
بوعبدالله: على كيفك هو؟؟
محمد: يبا مزون رفضت اللي متقدم لها
بو عبدالله: وانت وش عرفك بعد..؟؟
محمد: عرفت من لينه
بوعبدالله: يعني اذا رفضت هذا بتوافق عليك انت
محمد: انشاءالله بتوافق انا ولد عمها واكثر انسان بحافظ عليها انشاءالله
بوعبدالله: طيب بتأكد اذا هي رفضت اللي تقدم لها ولو طلع كذا بنخطبها لك
محمد وهو يبوس راس ابوه: الله يخليك لنا
ريم وعبدالله: السلام عليكم
محمد وبوعبدالله: عليكم السلام
بوعبدالله: روح ناد اختك قلها ترقى لي الغرفه
محمد: اي وحده فيهم
بوعبدالله وهو ماشي: لينه قولها تطلع لي الحين
محمد: انشاءالله
.........................
ابراهيم: فيصل قوم حشى مو نوم
فيصل بصوت مليان نوم وخمول: الله يفكني من شرك يامنكد حياتي
ابراهيم: ههههههههههه الوالد يبيك فز يلا
فيصل: انا افز ياللي ماتستحي
وقام فيصل من فراشه وصار يلحق ابراهيم لين نزلوا الدور الارضي
عنود وعهود وهم يصفون العشا على الطاوله
عنود: يمه وش صاير
عهود: وشفيهم قرود البيت..؟
عنود: ههههههههههههه اسكتي لايجيك شرار
ابو فيصل:وشفيكم..؟
ام فيصل وهي شايله الاكل: لا اله الا الله
الكل: محمد رسول الله
بو فيصل: وش صاير بعد اليوم..؟
فيصل وهو يضرب ظهر ابراهيم: سلامتك مو صاير شي
عهود: مسكين ابراهيم مستعبد عند فيصل
ابراهيم: يلا يلا بس لا ادخل هالشوكه في عينك
عنود: الشطاره علينا بس تطلع
فيصل: بس عاد
عهود: فيصل نبي نروح السوق
ابراهيم: ههههههههههههههه
عهود: نبي نشتري اغراض قبل السفر
فيصل: مادام كذا انطقوا هنا مافي سفر
عنود: لاااااااااا وشو خلصنا حطينا السفره في بالنا حرام عليك
ام فيصل: فيصل ياولدي هذول خواتك مالهم غيرك انت وابراهيم بعدي انا وابوك ولا انت ولا ابراهيم تسون لهم شي هذا انا وابوك عايشين تسون فيهم كذا
اجل شلون لو انا وابوك بعد عمر طويل تركناكم وش بتسون فيهم
ابراهيم بصوت واطي: يووه رجعوا للمحاضرات
فيصل طالع ابراهيم بنظره خلته يسكت وينزل راسه
العيال: الله يخليكم لنا
فيصل: ولايهمك يمه....عنود وعهود يامرون وش يبون نسوي لهم
عنود: تسلم والله
عهود: الله يخليك لنا يا احلى اخو
فيصل بأبتسامه: ويخليكم
بو فيصل: فيصل انشاءالله بروح للجماعه هالاسبوع نعرف ردهم
فيصل: انشاءالله
بو فيصل: يلا عاد ترى جعنا
الكل: ههههههه
وكملوا عشاهم
............................
لينه: وشو...انخطبت..؟؟!!!
بوعبدالله: اي نعم واللي خطبك زين وماينعاب....ومو تقعدين تقولين انا صغيره وما ابي اتزوج لاني تعبت من هالسيره
لينه: لكن يبا
بوعبدالله بنظره حاده وصوت مرتفع: لا لكن ولا شي الرجال مافيه شي وانتي كبرتي ماعدتي صغيره اخوانك تزوجوا ومحمد بنخطب له وانتي قاعده
لينه والدموع في عيونها: يعني انا الحين اللي مثقله عليكم..؟
بوعبدالله: هذا بيتك وانتي مو مثقله على احد لكن سنة الحياه الوحده تتزوج موتقعد في بيت اهلها كل اللي اللي يخطبونك تردينهم ليش..؟؟
لينه:.........
بوعبدالله بحده وشده: انتي الحين موب صغيره واعتقد اني مولاقي اي سبب ترفضين في الرجال اللي جايك......انا بعطيك وقت تفكرين
لكن يالينه صدقيني ماراح يصير خير لو رفضتي....... هالفرصه بعطيك اياها عشان تقنعين نفسك بالفكره لكن لاتفكرين ترفضينه لاني مارح اقبل بهالشي
لينه وبدت تحس انها موقادره تمسك نفسها: عن أذنك
بوعبدالله وهو معطيها كتفه: تفضلي
راحت لينه غرفتها وكانت في حاله سيئه وحاسه انها موقادره تتقبل فكرة الزواج وبدت تبكي وقعدت طول الليل على هالحال لين ما أذن الفجر صلت وبعدها نامت
............................
مرت اسبوعين فيها تمت خطبة مزون لمحمد رسميا وقرروا ان المكله بداية اجازة نص السنه
لينه رغم الظرف القوي اللي مرت فيها والحاله الصعبه لانها وافقت مجبوره وكانت مزون معاها طول هالفتره لانها كانت الوحيده اللي تقدر تواسيها
وتقدر لينه تفضفض لها لينه كانت فعلا تحس مزون اختها وهالظروف قربتهم من بعض اكثر والعلاقه بين محمد ومزون صارت اقوى
وكل واحد حب الثاني اكثر من اول ومحمد كان حاس بفرحه كبيره ان ارتبط بمزون رسميا وبتصير زوجته عن قريب
............................
على الغداء
بوعبدالله: لينه
لينه بضيق: سم يبا
بوعبدالله: اليوم أهل المعرس بيجونا وبتدخلين تشوفي الولد اذا جزتي له وانشاءالله الله يتمم بخير
محمد: ومن ذا اللي ماتجوز له لينه الا يتمناها بعد
ساره: والله يابخته فيها
ريم: اكيد لينه موناقصها شي ماشاءالله عليها
عبدالله: الله يوفقهم
الكل: امين
لينه وهي تمسع كل واحد يطري ويقول تحس انهم قاعدين يغرسون سكاكين في قلبها ويستمتعون في تعذيبها
.............................
خالد: خلصونا ترى بمشي واخليكم
مزون وهي نازله مع امها: خلصنا اووف اعوذبالله
خالد: يلا بس لاتقعدين تبربرين
بو عبدالعزيز: استغفرالله العظيم اخرتي بموت ناقصه عمر
مزون: اسم الله عليك بعد عمر طويل......كل(ن) يموت بيومه
خالد: هههههههههههههههههههههههههه تبي تكلحها عمتها
مزون: اقول تأخرنا يلا بس
.............................
ام بدر: غاده روحي شوفي ابوك خليه يرد على تلفونه
غاده: وين اروح له يمه..؟
ام بدر: وين تروحين له بعد..؟...روحي عند الرجال ودوريه
غاده: استحي
ام بدر: قومي بس انتي والحيا اللي مقطعك
غاده: ياربي..ان شاءالله
راحت غاده وحاولت تشوف لو ابوها كان قريب عشان نتاديه وشالت الغطى عن وجهها
ابراهيم وهو يتنحنح: عفوا تامرين بشي
غاده: ها....اي ابي ابوي بو بدر
ابراهيم: اي حاضر اناديه لك الحين من عيوني بس اخاف انه مشغول
غاده في قلبها وشذا الجرأه :خلاص ولاعليك امر خله يكلمنااحسن
ابراهيم بأبتسامه: تامرين حاضر
غاده: مشكور عن أذنك
اابراهيم بأبتسامه: العفوو هلا والله
غاده بعد مامشت
غاده: وشذا وش حلو وجرئي ومايستحي ههههههه
..................
خالد: وين ابراهيم..؟
محمد: ما ادري والله هالولد يبيله تكفيخ
خالد: بروح اشوفه
طلع خالد ولقى ابراهيم واقف بروحه ومبتسم
خالد: خير وشفيك مبتسم كذا كنك شايف ما ادري وشو
ابراهيم: بسم الله..وش تبي
خالد: ابي اعرف سر هالابتسامه
ابراهيم: شفت حوريه...خلاص..؟
خالد: وينها..؟
ابراهيم: هههههههههههه راحت
خالد: مالت عليك...امش بس داخل شكل السهر مأثر عليك
ابراهيم: الا العيون الناعسه والجمال الرباني
خالد: هههههههههههه قام يقط خيط وخيط..امش امش
.........................
مزون: يابعد قلبي لينه خلاص عاد بتقعدين كذا مطنقره
لينه وماسكه دموعها: خلاص يامزون انا الحين قاعده احاول اتقبل هالوضع ماعندي حل
ساره وهي داخله عليهم: يلا لولو حبيبتي روحي شوفي اللي الرجال
طالعت لينه مزون بنظره كلها حزن وردت عليها مزون بنظره وكأنها تقول الله يصبرك
.........................
بوعبدالله: تعالي ادخلي يابنتي
لينه: انشاءالله
حاولت لينه تتصنع الابتسامه ولو ان عنوان ابتسامتها هو البرود
لينه: السلام عليكم
بو عبدالله وفيصل: عليكم السلام
بوعبدالله: استريحي
لينه: انشاءالله
مع ان لينه كانت جدا عااديه لكن رغم كذا كانت كلها سحر رغم بساطتها
لينه كانت لابسه بلوزه رمادي وتنوره سوده وساعه الماس سوده كانت روعه وماكانت حاطه اي شي على وجها من مكياج او غيره
كانت طبيعيه جدا ورغم كذا كان جمالها رائع
فيصل كان مستمتع وهو يطالعها خصوصا ان اول مره شافها بالغلط ماكان قادر يشوفها بشكل واضح
محمد : السلام عليكم
الكل: عليكم السلام
محمد بدا يصب القهوه وقدمها لابوه وفيصل
محمد: تبين لينه..؟
لينه: لا الله يعافيك
فيصل : شخبارك لينه..؟
لينه: الحمدلله بخير
فيصل: شخبار الدراسه ..؟
لينه: الحمدلله كويسه
محمد: ترى هي كسلانه هههههههههههه
فيصل: ههههههههههههه اضن انها على اخوها
محمد: قصدك عبدالله اي صح هو بعد كذا ابشرك بعد حتى ساره
فيصل: لاوالله ما اضن انا سمعت ان اول حرف من اسم اخوها ميم مو عين
محمد: ههههههههههههه اي صح عندها اخو اسمه ماجد
فيصل: هههههههههههه
لينه: عن أذنكم
الكل: تفضلي
.......................
مزون :ها لولو بشري...وش صار..؟
لينه: ولا شي
مزون: لينه والله مايهون علي اشوفك كذا
لينه: الله يصبرني يامزون (وبدت دموعها تنزل) تكفين يامزون ادعيلي ياربي اكتب لي اللي فيه الخير يارب ريحني (وبدت تزيد في البكاء)من هالعذاب يارب صبرني
مزون قامت وحضنت لينه وبدت تبكي معها: يابعد قلبي الله يصبرك ويهون عليك وتحبي فيصل اذا كان لك خير معه
طلعت لينه وحاولت انها تكون اعصابها قويه وفعلا قدرت تمسك نفسها وتتصنع الابتسامه والفرح والخجل في نفس الوقت
مرت الليله على خير لينه بعد ماقابلت فيصل وعرفت ان هذا مصيرها قررت انها تتعايش مع هالظرف غاده كانت تفكر بأبراهيم وهو ما كان يختلف معها وكان يفكر فيها
ابراهيم مو بسهوله تعجبه بنت هو حس ان غاده عجبته بشكل كبير ولفتت انتباهه ويمكن يصير لابراهيم قصة الحب من أول نظره
.............................
مر شهر في هالشهر فيصل حب لينه وتعلق فيها ولينه رغم عذابها الا انها حاولت تكون صالحه مع فيصل وماتكرهه فيها
بعد ماوافقت لينه طبعا وانخطبت لفيصل قرروا ان الملكه تكون في اجازة نص السنه اما الزواج في الصيف مثل محمد
ابراهيم تعرف اكثر على غاده عن طريق خواته عهود وعنود وصار يفكر انه يرتبط فيها بعد ماعرف اخلاقها
وتربيتها من خواته وبعد ما احتك فيها كذا مره عن طريق الزيارات او الصدف
.............................
لينه: السلام عليكم
الكل: عليكم السلام
بو عبدالعزيز: هلا ببنت اخوي
ام عبدالعزيز: تو مانور البيت
لينه: هلا فيكم...منور بأهله ياخالتي
مزون وهي نازله من الدرج تركض: لينه يااااااااااااي هلا والله وحشتييييييييييييني
وبعدها راحت مزون وحضنت لينه
بوعبدالعزيز:اركدي ذبحتي بنت عمك
لينه: ههههههههههه هلا يا المطفوووقه
مزون: مشكوره ياقلبي
لينه: العفو ولو هههههههه
مزون: امشي بس نروح الغرفه
لينه: يلا عن أذنكم ياجماعه
الكل:حياك
..............................
ابراهيم: صب لي قهوه
فيصل: نعم ؟؟؟
ابراهيم: يمه هههههه خلاص
فيصل: وش قلت..؟
ابراهيم: اقولك تبي قهوه ياطويل العمر
فيصل: ههههههه اي حسبالي
ابراهيم: اعوذ بالله اقول خلاص مانبي منك شي
فيصل: احسن
ابراهيم: الا شخبار لينه..؟
فيصل: والله بخير ماعليها
ابراهيم: وشخبار اهلها..؟
فيصل: بخير..
ابراهيم: ياخي افكر اخطب مثلك
فيصل: ترى مايمدحون التقليد
ابراهيم: ههههههههههههه حلووه بس ترى انا اكلمك جد بس خلها وقت ثاني
فيصل: الله يوفقك
ابراهيم وهو يقوم: شكرااا يلا انا بطلع متواعد مع ربعي مع السلامه
فيصل: مع السلامه
.............................
مزون: وشخبارك لولو..؟
لينه: والله تماام الحمدلله
مزون: شخبار فصول..؟
لينه: وش فصوله بعد..؟..اصغر عيالك هو..؟
مزون: احلىىىىىىىى وتغارين بعد..؟
لينه: لا والله بس يعني مهما كان احب يكون له احترام..
مزون: لينه والله احس انه يحبك بس انتي مو داريه عنه
لينه: والله انا بعد عندي نفس الاحساس بس وش اسوي يامزون غصب عني
مزون وهي تقرب منها: لينه حبيبتي حاولي تساعدين نفسك انتي في عقلك الباطن متخيله ان من سابع المستحيلات تحبين
فيصل لو تشيلين هالفكره من بالك وتحاولين تشوفين الاشياء الحلوه فيه صدقيني بتحبينه انا متأكده انك لو حاولتي بتقدرين
عندك أقرب مثال انا والله ماعمري تصورت اني بحب محمد اخوك هالحب كله او حتى ارتبط فيه احيانا الواحد يكون غافل
عن اشياء قدام عيونه لانه مافكر فيها ولا حتى حاول يساعد نفسه عليها
لينه بتنهيده: ان شااء الله
مزون بأبتسامه: طيب قوليلي وشلون علاقتكم..؟
لينه: والله هو مرره طيب وحبوب وحليو مع انه يبين انه عكس كذا (وهي تطالع مزون بنص عين) بس يقهررر
مزون: ههههههههههههه ليش..؟
لينه: يحب يستفز
مزون: ههههههههههه الله يعينك ودمه خفيف..؟
لينه: ممممم مو اخف مني ههههه
مزون: ههههههههههه ياشين الثقه الزايده
(كلنا نشكي فراغ العاطفه هامين قلوبنا ضميا حنان ساكنتنا احلام عذراء خايفه مايحققها الزمان)
على هالنغمه رن جوال لينه وعرفت من النغمه انه فيصل
لينه:الوو
فيصل: هلا والله
لينه: هلا فيصل
فيصل: شخبارك لينه وشخبار الاهل..؟
لينه: تمام الحمدلله...شخبارك انت..؟
فيصل: والله انا بخير الله يسلمك.....اشتقتلك وحبيت اسمع صوتك..
لينه: تسلم تشتاق لك العافيه..
فيصل: لايكون ازعجتك..؟
لينه: لاوالله ابد بالعكس...
فيصل عرف ان في احد يدق على موبايله من الشغل: طيب لينه انا بكلمك انشاءالله في الليل لو ما يزعجك..؟
لينه: لا بالعكس والله...
فيصل: تسلمين يلا في امان الله
لينه: ياهلا
وقفلت لينه من فيصل
مزون: وش اسوووي اذبحك وشذا النكد...؟...حاطة لي نغمته فراغ العاطفه..؟
لينه: اقول احمدي ربك ماحطيت كفاني عذاب هههههههههه
مزون: يمه عليك.....الا انتي وش كاتبه اسمه في الموبايل..؟
لينه: وشرايك اكتب فوفو مثلا..؟....كاتبه فيصل وزين مني كاتبه اسمه عندي هههههه
مزون: ياويلي منك اوووف
لينه: هههههههههههههه
مزون: قومي قومي ننزل الحديقه لا ارفسك الحين
لينه: مو ناقصه هاعات هههههه
مزون: اي والله اللي فيك كافيك هههههههههههه
وهم نازلين
مزون: الا اقول لينه فيصل دايما هو اللي يكلم..؟...انتي ماتكلمينه..؟
لينه: لا
مزون بأبتسامه عريضه: ولوى انشاءالله ليش لا..؟
لينه:مممم...كذا بس خليه هو اللي يكلم ماله داعي ارمي نفسي
مزون بعد ما وقفت على الدرج: لينه وبعدين معك..؟
لينه:......
مزون: لينه والله كذا ماراح تستمرين لا مع فيصل ولا غيره لو انه يموت في التراب اللي تمشين عليها وشفيك كذا لاتصيرين جفسه كذا
لينه: مزون وش تبين يعني..؟
مزون: صيري سلسه شوي
لينه: شلون يعني..؟
مزون: مع انك فاهمتني بس بسايرك....الليله انتي اللي ابدي وكلمي..
لينه: يا سلاااااااااااام
مزون: اقول لايا سلام ولا غيره بتبقين كذا يعني تنازلي شوي...
ومشت مزون وخلت لينه يمكن لانها تبي تحس شوي انها غلطانه
لينه بندم: مزون خلاص لاتزعلين
مزون: يالينه والله انا زعلانه على حالك مو منك
لينه بأبتسامه: خلاص مزون اوعدك بحاول واليوم يمكن اكلمه انا
مزون: مو يمكن اكيد
لينه: طيب......
مزون: وشو بعد؟؟؟
لينه: خلاص انا بكلمه
مزون بفرح: اجل امشي نروح نشوف لنا شي نسويه
لينه بأبتسامه: طيب
.......................
في نفس الليله
لينه: ياربي اكلمه ولا..؟...اكلمه وخلاص الله يسامحك يامزون........الوو
فيصل بعد مارد وهو مستغرب: هلا والله
لينه: مم...شخبارك فيصل..؟
فيصل: والله انا بألف خير دام اسمع صوتك...انتي كيفك
لينه: الحمدلله بخير....لايكون ازعجتك بس..؟
فيصل: ممممممم لا انا كنت قاعد مع شباب ويوم شفتك تدقين علي طلعت وخليتهم
لينه بأحراج: معليش انا اسفه ماكنت ادري اني بزعجك
فيصل: لا لينه وشدعوه انتي بالذات تدقين اي وقت وتزعجيني براحتك مع اني ما احس بأزعاج منك ابد..
لينه: تسلم
فيصل: شخبار دراستك..؟
لينه: الحمدلله
فيصل: لايكون لين الحين كسلانه ههههههههه
لينه: هههههههههه لا بالعكس انا طول عمري متفوقه
فيصل: والله يابختي خطيبتي متفوقه
لينه: هههههههههه طيب وانت..؟
فيصل:انا؟...انا كنت احسن واحد في الفصل...تدرين اي ترتيب كنت اخذه دايما..؟
لينه: اي ترتيب..؟
فيصل: كنت وبكل فخر الاخير دايما
لينه: هههههههههههههههههههههههه
فيصل: ههههههههههههه
لينه: ههههههههههههههه من جد..؟
فيصل: لاعاد حرام عليك مو الاخير مره وحده يعني قبل الاخير ههههههههههه
لينه: هههههههههههههه لا صراحه رووعه
فيصل: ههههههههه شفتي كيف
لينه: اي والله ههههههههههه
فيصل: والله تبين الجد كنت مرره شاطر وذكي بس كنت اكرهه الادبي مره
لينه: اها زي حالاتي هههههههههه انا ماكنت الاخيره في الادبي ولا قبله انا كنت اسقط هههههههههههههه
فيصل: ههههههههههه الله لايعيد ايام الدراسه ابي اقهرك هههههههههه
لينه: ههههههههههههه الله يعيني واخلص وراي سنين مو ناقصه تحطيم
فيصل: ههههههههههههه لا انشاءالله بتخلصين وتنجحين وتاخذين الدكتوراه وانا اوعدك بساعدك
لينه: ههههههههه بس انت هندسه شلون بتساعدني وانا طب..؟
فيصل: لا مالك شغل انا اعرف كل شي هههههههههه
لينه: ههههههههه
وتموا فيصل ولينه على هالحال طول الليل
بعدها فيصل كان عنده أمل ان لينه تحبه وتميل له ولينه كانت تتمنى من كل قلبها انها تحبه لانها حست ان يستحق حبها
..................................
مرت الايام والاسابيع وجات اجازة نص السنه ابراهيم خطب غاده ووافقوا لكن ما حدووا متى الملكه او الزواج عشان ظروف خاصه فيهم ماقالوا ايش هي..
اما محمد ومزون كانوا في احسن حال وملكتهم باقي عليها يومين واكثر الناس المبسوطين ومرتاحين فيصل زاد حبه لـ لينه اما لينه متشتته بين الماضي والحاضر والحزن والفرح
........................
كانت لابسه فستان من الموسلين باللونين السيمون والبيج ومزين من الخصر والصدر بزهور مطرزه وقصات حره من ورى
كانت درجات اللون البني الداكن والفاتح والذهبي على جفونها مع تحديد مفتوح للعيون وللخدين دارقي فاتح ولشفايفها بيج مع غلوس ذهبي
كانت مزون قمة الروووووعه
لينه: طااااااااااالعه قمر
بعد ماجاء المأذون وكتبوا محمد ومزون القران
ام عبدالعزيز ودموعها ماليه عينها: الحمدلله اللي بلغني هاليوم
مزون: يمه وش لزمة الصياح الحين..؟
ام عبدالعزيز: من الفرح يابنتي
مزون وهي تحضن أمها :الله يخليك لي..
لينه: مبروك مزون حبيبتي..واخيرا بتيصرين مرت اخوي
مزون وهي تقرب من لينه وتحضنها: هههههه خساره ياليتك ماخذه خالد
لينه: يلا عاد خذيتي وجه الحين بتروحين تشوفين محمد
مزون: ياربي خااااااايفه
ام عبدالله وهي داخله: وش تخافين منه تعوذي من ابليس.......يافرحتي بهاليوم مبروك يابنتي..
مزون: الله يبارك فيك ياخالتي
وقعدت ام عبدالعزيز تذكر الله وتقرا على مزون
.................
بعدها دخل محمد المجلس في بيت عمه وجات مزون وجاوا الاهل وقعدوا يصورون ويفرحون في عيالهم
لينه: مبروك حمود
محمد: الله يبارك فيك
لينه: ما اوصيك على مزون..
محمد: كنك خذيتي دور الام
لينه: ههههههه مو مشكله المهم تحطها في عيونك ولو زعلتها بذبحك سامع
محمد:يوووه هذا من اولها
لينه: ههههههههه
بعدها مشى الكل وقعدت مزون ومحمد
مزون كانت متوتره لانها قاعده بروحها مع محمد
محمد: مبروك حبيبتي
مزون: الله يبارك فيك....ومبروك لك
محمد: طالعه تهبلين
مزون بحيا: تسلم
محمد: لو انك مو قمر كان ماخليتيني احبك كذا
مزون: يعني انت تحبني عشان شكلي
محمد: هههههههه لا مو كذا بس انتوا البنات تحبون اللي يتغزل فيكم
مزون: لاااا والله يعني الحين هالكلام كله خرطي اصلا انا واثقه اني قمر
محمد: اموووت في الثقه انا هههههههه
كملت مزون قعدتها مع محمد وبعدها مشى ورجع بيته وهي كانت في قمة سعادتها بعد هالليله ومحمد ماكان يختلف عنها
........................
بعد مرور اربع ايام
في بيت بوعبدالعزيز
محمد:مزون يلا عاد خلينا نروح الحين
مزون:يووه محمد تعبانه
محمد: وش تعبانه ماراح نتأخر
لينه:روحي يابنت الحلال شوفي لك اثاث حلو واختاريه ما احد قالك روحي وديه معك البيت وشيليه فوق راسك
محمد: يلا مزون ياعمري كذا بنتأخر
مزون: طيب بلبس عباتي بس
محمد: يلا خذي راحتك
راحت مزون غرفتها
بو عبدالعزيز:السلام عليكم
لينه ومحمد: عليكم السلام
قاموا محمد ولينه وسلموا على عمهم وحبوا راسه
بوعبدالعزيز: تو مانور البيت وانتوا مانشوفكم ابد دايما احنا مطيحين عندكم
محمد: لا والله ياعمي انتوا الخير والبركه
لينه:اصلا احنا من يوم مانولدنا وهذي حالتنا
بوعبدالعزيز وهو يشد أذن لينه: ااااه ياطويلة اللسان فاهم قصدك قصدك ابوك الكبير وانا الصغير ها..؟
محمد: ههههههه
لينه: هههههه اي لالا مو قصدي شي
بوعبدالله: هههههههه
مزون وهي نازله: يلا انا خلصت
محمد: يلا اجل
خالد: السلام عليكم
الكل: عليكم السلام
خالد: ها وين على الله..؟
محمد: وشدخلك طالع مع زوجتي ...تسأل ليش..؟
خالد: اهاا اجل يلا لينه اطلعك انا..
بوعبدالعزيز: اي هذا اللي ناقص....استحي ياولد
خالد:وشفيك يبا عادي لينه اصلا متعود عليها مثل مزون صح لينه..؟
لينه بأبتسامه:صح ونص مثل محمد وعبدالعزيز والله..
محمد: يلا اجل عن أذنكم
مزون:مع السلامه
الكل: مع السلامه
........................
ابراهيم: والله اشتقتلك..
غاده: تشتاق لك العافيه....مبروك ابراهيم زواج فيصل..
ابرهيم: الله يبارك فيك..عقبالنا..
غاده بحيا: انشاءالله
ابراهيم:انا ودي افهم بس ليش مأجلين زواجنا
غاده:انت عارف ماودي الحين ارتبط يعني عشان الدراسه وظروف عاد اللي انت عارفها
ابراهيم: الله يسهل انشاءالله
غاده:طيب ابراهيم معليش بس الحين بطلع مع امي ورانا تحضير
ابراهيم:اوكي عيوني الله معك وانتبهي لنفسك زين وامشي مع الوالده لاتبعدين عنها
غاده بأبتسامه: انشاءالله......مع السلامه
ابراهيم: في امان الله
.............................
اليوم يعتبر اهم يوم بالنسبه لشخصين اللي هم فيصل ولينه
الكل كان فرحان بهاليوم واكثرهم فيصل عكس لينه اللي كانت متوتره
وفي نفس الوقت متخوفه وفيها شي من الحزن
لينه وفيصل قرروا يعقدون القران قبل حفل المكله بيومين
كانوا توهم مخلصين وطالعين من الكوافير وركبوا السياره
مزون: يلا امش تأخرنا
محمد: بسم الله مافي سلام ولا شي
مزون: هههههههه اسفه السلام عليكم شخبارك ....الحمدلله بخير..هذا انا سلمت..يلا ودنا البيت
محمد: ههههههههههههه بشرط ابيك لما نوصل البيت توريني شكلك وانتي متزينه وتقعدين معي طول الوقت
ساره وغاده: هههههههههههههه
مزون: هذا اللي ناقص
محمد: هههههههههههههههههههههههه
مزون: امش مو وقت خفة دمك
لينه: خلاص لاتجننها
محمد: انشاءالله عمتي
الكل: هههههههههههه
......................
ام عبدالعزيز: البنات ماجوا..؟
ام عبدالله: ما ادري وشفيهم تأخروا
مها: الحين انشاءالله جايين
ام نايف: لاتحاتونهم بس لانهم راحوا متأخر
البنات: السلام عليكم
الكل: عليكم السلام
ام عبدالله بأبتسامه: ها جيتوا ...وشفيكم تأخرتوا..؟
مزون وهي تفصخ العبايه: الكوافير كان زحمه..واحنا مو شويه..
غاده: بتقعدون..؟...قوموا يلا مافي وقت روحوا البسوا فساتينكم
ام بدر:اي والله استعجلوا...
ريم: ماشاءالله عليكم روووعه اشكالكم
مها: بس العروس مغطيه عليييكم مره ههههههههه
لينه كان شكلها نااااااااااعم مررره ومكياجها كان لايت وطبيعي كان جمالها هاادي كان مكياجها اساس زهر شفاف وجفون مظلله
بتدرجات لونيه تبدا بالبنفسجي الداكن وبعدها الفاتح وبعدها الزهر وبيج لامع تحت الحاجب ووردي داافي على خدودها وزهر مفضفض على شفايفها
وتسريحتها خطيره كانت رافعه شعرها لفوق ومسويته كله على شكل خصل وهو مرفوع وجاي على جبتها
وفستانها من الاورغانزا حرير باللون الاحمر المايل للزهري مايل للفوش الغاامق فستان بكول انيق وكورساج على شكل درابيه ومزينته بزهور مطرزه بخيوط الحرير بربطة على الجنب وتنوره واسعه
وكان حول رقبتها زخرفه بسيطه بريش النعام لونه اسود
بأختصااار كانت ماكله الجو تمااااااااااماااا
الكل قعد يذكر الله وهو يشوف لينه
وبدت ام عبدالله تقرا على بنتها
وبعدها جاوا الاهل وفيصل واهله لينه صارت زوجة فيصل بعد ماكانت رافضه هالزواج ولكن هي قبلت بضغط من ابوها
بعد مابارك الكل لفيصل ولينه....كانوا الاهل فرحانين بهالزواج خصوصا ابوعبدالله وتوقع ان لينه بتكون سعيده مثله
عبدالله: لينه تعالي عشان تسلمين على فيصل...
لينه بتوتر: ان شاء الله
مشى عبدالله وبقت لينه ومزون
لينه: اوف مزون ما ابي ادخل
مزون: هههههه شفيك قومي وسمي بالله اجل شلون لو انتي تحبينه من زمان..؟.......وبعدين عشان تعرفين شعوري ذاك اليوم..
لينه:مزون انتي غير وانا غير.......انتي من اول تحبين محمد ويحبك بس انا..
مزون:يلا عاد بلا هالسيره قومي روحي شوفيه
لينه:حاسه اني مرتبكه ومتوتره
مزون: دكتوره وهذا حالها ههههههههه
لينه: هههههه هين يامزون اوريك
مزون: هههههههه طيب سلمي على فيصل وبعدها تعالي وريني
محمد وهو داخل: يلا لينه تعالي
لينه: اوه طيب طيب جاايه
محمد: شخباارك مزون وحشتيني
لينه وهي تسحب محمد: يوووه ترى مو وقتك
مزون: ههههههههههههه
بعد مارجعوا البنات استانس الكل ان الزواج تم وتصوروا لينه وفيصل مع أهلهم وصار الكل يبارك لهم...وبعدها مشوا وبقت لينه وفيصل
......................................
ياترى وش نهاية هالزواج هل راح ينجح ولا راح يفشل...؟
ايش الظروف اللي منعت اهل غاده انهم مايقررون موعد الملكه والزواج...؟
السؤال الاهم لينه ليش رفضت فيصل في البدايه...؟
كل هذا راح يكون في الاجزاء الجايه
.................................................. ....
|