راح الـحبـيـب الـزيـن ربـي يـهـنـيه
اقفى وخلا الدمع في وسط عيني

انـا ادري ان الـقلب دمعه يسلـيـه
وادري تعاسة خافقي تحـتريـنـي

اقفى حبيب الروح والـقـلب يغلـيه
اقفـى وخـلا خـاطـري بـالـونـيـني

ياكـم افــز اللــيل ابـكي وانـاديـه
واشوف زوله في منامـي يبـيني

هو بين خلق الله قلبي رمى فـيه
وهذي ظروف الوقت بيـنه وبـيني

ادري بيغـليني وانـا عـمري افديه
وادري بحظي دايـم (ن) مبتليني

بظل لـيـن امـوت والـدمـع يـرثـيـه
واتذكر ايامه عسى الـله يعـينـي

بتـذكـر اسنـيـنـه وسـهـرة لـيالـيـه
واتــذكـر ايـام الـرخـى والحنـيني

احاول اخفي الهـم والجـرح يبديه
واكتب ودمع العيـن يسبق يديني