[ يلفّني النسيان ] .. أحيـاناً ، كثير
وتلفّني : الذكرى .. بـ ( لفّة بيتهم )


أدري القطاعه عقب فقده ماتصير
لكن .. وش أسوي ليا من جيتهم ؟!



أقول :- [ ماجاء منّه إلا كل خير ؟ ]
يعني بـ مدحي لا طرى : نسيتهم ؟!



( أصلاً )- بما إني معه دايم خشير
[ يمكن .. أذكـرهم ، ليا مرّيتهم ] !



لاجوني إخوانه .. أقول :- إني بخير
وانا الحكي ، يخنقني [ إن حييتهم ]



من كثر مايدرون ( بإن قدره كبير )
[ عزوني .. بـ موته ، وما عزيتهم ] !



فاقد أخو , فـآقد خوي ، فآقـد كثـيـر :
أشياء .. لو أعدّهم ،، ما أحصيتهم !



أولهم ، مْن علومنا : ( سرّك فـ بير )
وآخرهم مْن الفعل : شمعة صيتهم !



هذا ، هو الحزن : الحقيقي ، والأخير
( وآخاف ) لا من جيتهم .. عـرّيتهم !



من شفت دمعة عين أخوه الصغير
[ ومن عقب ذاك اليوم ما مريتهم ] !





* الشاعر / عبدالعزيز السبيل ..

ربي يحفظك لي ياأمي ولايحرمني اياك