البارت الأخيـــــــــــــــــــــــــــــــــــــــــــــ ــر
________________________________
تبيه !!
تحت الليل و سياااط النظر و الخوف
تبيه و الميعاااد عيااا ينتظر ملهوف
تبيه و الساااعه دهر مااا مر مااا أرسل خبر
تبيه ... تبيه .... تبيه ...
تبيه مااا ملت و ظلت تحتريه
تبيه ... تبيه .... تبيه ... تبيه
كل الوفااا شفته على ذاااك الرصيف
ذاك المسااا
كل الجفااا شفته على نفس الرصيف
نفس المسااا
كااانت تعض ابهااامها حيره
و كااانت تشب و تنطفي غيره
كااانت تموت و تحتضر
و كااانت أبد مااا تتنتظر
مااا تتنظر غيره !!
يا قلبهااا مسكين ما تدري
ان الهوى سكين يجرح و لا يبري
وان الوهم أحلى حقيقه في الغرااام
و ان الحبيب الي تبيه أحلااام
يا قلبهااا هذااا زمااان صعب يموت فيه الصدق
و يعيش فيه الكذب
يا قلبهااا لا تنتظر
يا قلبهااا لا تنتظر
لا تنتظر !!!
دور على غيـــــــره
لقيت نفسي مرميه في الشارع بشنطه صغيره كانت في يدي !!
مشيت مسافه و قدرها لين لقيت تاكسي يوصلني لشقتي أنا و رنا يااااااااااااااااه كأننا حسينا بكل هاللي صار و شرينا الشقه و اثثناها ....
طلبت من أبو عبده يرسل لي زوجته عشان ترتب البيت و تبات معاي صحيح دايم أجي هنا بس عمري مانمت في هالمكان و لا تجرأت أنام فيه كنت خايفه من رنا لما تقتحمني ذكراها
جلست عالاريكه ألتقط أنفاسي و أتذكر كيف جواد طردني من البيت بكل وحشيه و رماني في الشارع كيف ذلني قدامهم كلهم لما طلبت منه و ترجيته انه ما ياخذ ولدي أبدا بس ما رضى بل بالعكس دفني برجله و رماني برى البيت !!
أما بندر أخوه فكان يطالعني بتشفي و كأنه مستانس من شي أو عارف شي و ساكت !!
فصخت عباتي و طرحتي !!
و قمت أرتب البيت على ما تجي ام عبده !!
البكى تلاشى من أميره الدموع جفت في عيون أميره رغم الإهانه القويه اللي تعرضت لها من اللي أحبه ... أحبه .. هل باقي أحبه رغم وحشيته معاي و لا أكرهه ؟!
( في قصور الشوق ... تلتهب الكلمات معبره عن الحب و من صنع الحب قصور شوقي بناها مستعمر ذلك القلب )
( من يعيد بناء القصر اذا حطمه بانيه بيديه .... و ينتهي الحب )
رنا : سمعتي هالكلام أحسه صحيح رغم اني ما جربته أبدا
أميره : وحده مثلك عمرها ما راح تجربه صدقيني
رنا : ( من يعيد بناء القصر اذا حطمه بانيه بيديه) ياه كلام خيالي
أميره : طيب اشربي حليبك و انتي ساكته !
قطعني من الذكرى طق عالباب
طالعت من العين السحريه و فتحت الباب
أميره : هلا و الله
أم عبده : اذيك يا ست أميره عمله ايه
سلمت عليها و قلت
أميره : تمام الحمد لله
دخلتها و جلستها في الصاله جبت لها كوب عصير و قلت
أميره : لو ما عليك كلافه أبيك تتمين معاي هنا كم يوم لين الله يفرجها
أم عبده : من عنيا و احنا كم أميره عندنا مش بتأولوا عندكم غالي و الطلب رخيص
أميره : تسلمين يا قلبي
رحت تسبحت و نعنشت لبست واحد من بجايم رنا و تمددت عالسرير أقرى دفتر مذكراتها ...
( ايمانا مني بقيمة الحب أرفع راياتي مستسلمه أمام ما اجتاحني لحظتها .. هل أنا أحببت أم ما أحسسته في داخلي كان احساسا آخر لا ينتمي للحب ؟!!
كوني نادره أحببت هذه الحكمه التي تعني الكثير رغم أنها صعبة التنفيذ )
تنهدت بقوه و أنا أسكر الدفتر و أفتح شنطتي أدور عالفلوس عشان أقول لأبو عبده يجيب أغراض للمطبخ لأنه الثلاجه بإختصار شديد مصفره !!
مالقيت بالشنطه غير دفتر و بطاقة الفيزا اللي حسابي فيها مجمد و محفظه ما فيها الا مية ريال و الدفتر اللي عشقته بكل صفحاته دفتر جواد !!
تذكرت العلبه الخشب اللي في الدولاب رحت أدورها ما لقيتها ؟!!
آه تذكرت !!
رحت لمراية الحمام بعدتها و طلعت من وراها صندوق فيه بطاقاتين صراف و بطاقة فيزا الذهبيه و بعض الأوراق اللي تثبت ملكية الشقه و خمس مية ريال أتذكر ان رنا حطتها و هي تقول بتريقه
رنا : مصيرك تدورين عالخمسمية الريال اللي ما تعتبر عندك شي و تحتاجينها !!
رحت لأم عبده أعطيتها الفلوس عشان تجيب أغراض للبيت !!
فكرت في كل شي و كيف راح تكون حياتي بعد جواد أحبه يا ناس و للحين أحبه !!
قمت بدلت ملابسي و لبست عباتي شلت كل بطايق الصراف و طلعت ...
لما رحت للصراف اكتشفت ان حسابي اللي في البطاقه حقتي ما صار مجمد بل زاد أضعاف أما البطايق الباقيه فيها مبالغ ضخمه ... في البدايه احترت وش أسوي فيها !!؟؟
بس لقيت الحل !!
________________
مرت أيامي عال العال من أحسن لأحسن و الحمد لله
كل يوم أزور سلطان بالمستشفى و أتجنب دايم اني أشوف جواد اللي أبدا ما فكرت حتى أشوفه أحبه و الله أحبه و كل ما يحرقني الشوق أبوس صورته و أضم دفتره بقوه و أقرى كل كلمه فيه كم مره و أعيدها دايم أحط نفسي مكانه و أعطيه الأعذار رغم انه في الحقيقه ماله أي عذر رديت مثل أول أميره الحره المنطلقه أميره المبتسمه للحياه مهما حصل رديت أكتب الخواطر و أرسم اللوحات و كل يوم يزداد شوقي لولدي الغالي اللي قرب يطلع من المستشفى
رديت أهتم بنفسي و أكشخ مثل ما أبي ركبت انترنت و رديت لمنتداي و لمعجبيني و المهتمين برسمي رديت لزياراتي للجمعيات الخيريه و رديت عضويتي في منتدى الرسامين اللي رحبوا كثير بعودتي و احتفلوا بهالشي ردت الحياه لأميره رغم ما في حياه بدون جواد أرد و أقول هو الخسران مب أنا !!
شريت فيلا كبيره و طبعا باقي ما انتقلت فيها ما خلصت باقي مهندس الديكور يقولي كمان كم يوم !!
سمعت من الناس ان جواد تزوج هديل ... تقبلت الخبر بإبتسامه هادئه و عادي كأنه ما سمعت شي رغم انه بدون مبالغه كوتني في داخلي و رحت أبكي يوم كامل على جواد !!
حاولت أكون صامده و ما أعيش في الماضي لأني راح أتعب و راح أتعذب صرت أقاوم الماضي بكل تفاصيله و أنا أشوف سلطان بين يديني !!
صرت أزور أحمد اللي مهو مستجيب للعلاج مع ان الدكاتره استغربوا تمسكه في الحياه و نضاله عشان يعيش لما يشوفني يرتجف و يتحرك بشكل غريب و يرد يغمض عيونه ناديه تعبت مسكينه و صارت نحيفه بعد ما كانت مورده و مشرقه بالحياه !!
عرفت سالفتي فزادت آلامها مع اني بينت لها اني مبسوطه و مرتاحه و بسكن في فيلا جديده و عطيتها العنوان .... دايم أزور أولادها في البيت أسولف معاهم و ألعبهم و أحيانا نطلع للملاهي انقطعت عني أخبار اللي أعرفهم كلهم معدا ناديه اللي صارت محور حياتي هي و زوجها و عيالها !!
________________
رحت آخذ سلطان من المستشفى و ما كنت مصدقه ان جواد ما أخذه مثل ما تهدد و توعد
نور البيت بسلطان ولدي حبيبي و خصوصا ان الفيلا خلصت في نفس اليوم انتقلنا للفيلا بعد وداع ساخن مع أم عبده اللي بجد كانت أمينه و حنونه و صادقه معاي !!
الفيلا مب حلوه بدون خدم !!
مدري ليه تذكرت صوفي و حنيت لها و تخيلتها في الفيلا معاي .... كلمت ناديه و سألتها
بس للاسف صوفي سافرت بعد زواجي من جواد بيوم و لا عاد بان لها أثر !!
( رائع عندما يكبر من تحب و يترعرع في احضانك ... بذرة الشوق هنا في قلب من تحب )
سكرت الدفتر على صوت صياح سلطان ...
أميره : يا روح ماما شوفني هنا
و قمت ألاعبه و أغني له
أميره : تدري يا قلب ماما ان بابا واحشني رغم انه كان قاسي علي بس يالله الحمد لله اني باقي أحبه !!
مدري ليه قلتها هالكلمه و ربي اشتقت لجواد اشتقت أشوفه ودي أشوفه و لو من بعيد
هل هو سعيد !!؟؟ و لا مب سعيد هل راح تقدر هديل تتحمله محد راح يتحمله غيري لأنه ساكني و أنا ساكنته !
_________________
الساعه : 05:00 عصرا
اليوم وقعت عقد مع شركه من الشركات انها تنفذ لي مشروعي الصغير اللي هو عباره عن شركة ديكور و في نفس الوقت معهد لتعليم الرسم كان هالمشروع في بالي من زمان بس ما قدرت أنفذه الا بعد ما تحررت من جواد !!
ليه أقول تحررت ؟!!
كنت أتأمل الناس و هم يبعدون عن نظري و أنا أطلع باللفت في المملكه ....
رنا : تذكرين أحلام تقابلت مع زوجها بعد واحد و عشرين سنه و ضمته و ضمها مع انه هو اللي كان السبب في فراقهم
أميره : غبيه المفروض تعطيه كف
ضحكت بمرح
رنا : تفكير غريب الحب يا ماما قوي و قوته صعب تتخيلينها اعترفي انك ما نسيتي ناصر
........ : لو سمحتي
أميره : هلا
....... : اللفت طلع و نزل أربع مرات
طالعت لرجل الأمن بذهول
أميره : معليش آسفه
رحت للكوفي شوب أطلب كابتشينو و دونات بالسكر
جلست عالطاوله أنتظر طلبي حطيت يدي على خدي و أنا أقلب المنيو بملل
رفعت راسي و انصدمت
أميره : جواد !!
تنحت في مكاني أطالعه حتى من الصدمه ما انتبهت ان الرجال حط لي الطلب و راح
ساهي و هو يقلب الكوب اللي قدامه للحظه ارتعشت و حسيت بمغناطيسيته تجذبني بس رديت اعتدلت بجلستي و غطيت عيوني و أنا أطالعه ....
خلاص هو مهو زوجك أكيد انه مثله مثل أي انسان غريب عنك اعقلي يا أميره اشربي قهوتك و كلي دوناتك و قومي !!
فديت هالوجه المليح و العيون الناعسه طالعته بتأمل ... أكيد مهو مرتاح مع هديل !!
يكفيني اني أحبه ما تدرون كيف قلبي ارتعش يوم شفته دمعت عيني و أنا أشوفه ياااااااااه يا جواد مرت بينا تسع شهور ما أشوفك الا في أحلامي و ذكرياتي معاك أكيد هديل حامل و بتولد قريب أكيد هو شايل هم هالولد اللي بيجي و سعيد فيه سلطان اللحين عمره 8 شهور صاير يشبهك يا روح هالقلب ........... أحبك
حياتي صايره حلوه بس بدونك صايره مره يمكن الحلى اللي أشوفه فيها بسلطان اللي يسأل عليك ... كنت أشكر جواد من كل قلبي على انه حتى ما فكر يسأل على سلطان !!
لأنه لو يبيه كان دور عليه و لقاه و جواد لو يبي الشي بيوصل له !!
نسيت نفسي و أنا أتأمله لدرجة انه التفت يطالعني بحزن و تأمل للحظات تخيلت انه عرفني رغم اني متغطيه عدل بس لا شكله ما عرفني لأنه رد يطالع كوبه !!!
قمت بسرعه حتى ما أكلت الدونات و لا شربت الكابتشينو
مريت من جنب طاولته لأنها قريبه من ممر خروجي .... زادت المغناطيسيه يوم مريت جنبه ارتجفت و أنا أمشي ببطء من جنبه رفعت راسي أستنشق أكبر كميه من الهوا بس في لحظه حبست أنفاسي و هو يمسك يدي و يضغطها برقه و يرفع راسه و يطالعني
عرفني !!!
(( اتصال روحي ))
جواد : أميره
قالها بحزن و أنا أطالعه كهربني بقربه اللي ياما كرهته و يا ما حبيته لا تقربني تنسفني بهالقرب تذبحني و تفتتني .... رفع يده يبي يكشف غطاي
منعته !!!
رغم حبي منعته لأنه خلاص انتهى .... انتهى من حياااااااااااااااااااااتي !!!
لا تقربني أرجوك تدمرني يكفيني عذاااااااااااااااب
أميره : رد يدك لمكانها ما عاد صرت لك !!
طالعني بحزن و ندم و ألم و دموع !!
قديش كنت آخاف على هالعيون من الدموع !!
كنت آخاف تجرحها أو تألمها و اليوم حسيت هالدموع تستاهلها هالعيون !!
اجتاحتني رغبه آسره اني أمسح دموعه و أرفع شعره مثل ما تعودت ما هان علي مثل ما هنت عليه بس !!! للحظه فكرت أكون نادره و أضبط مشاعري بعقلي فرق الإنسان عن الحيوان العقل مب معقول راح أمشي ورى غرائزي طيب و عقلي وين راح !!!
طول عمري كنت أمشي و راى قلبي لين ضعت !!!...
طالعته بإبتسامه صامته و قلت :
أميره : جواد طالعني لا لاتنزل راسك و أبي أطلبك طلب طلب أخير أتمنى تلبيه !!
طالعني بإبتسامه صفرا و قال
جواد : اللي تبينه بيتنفذ بس ..........
رفعت يدي في وجهه وقلت :
أميره : لا تكمل .......
جواد : اطلبي !!
أميره : (( ما دمت قادر بالجفا تاخذني بيديني علمني كيف أترك يدك في عز حبي لك ))
نزل راسه بذهول تركته و مشيت و أنا سعيده ما تتخيلون قديش و السبب غير معروف
كتير بنعشق و لا بنطول
و كتير بنعشق و لا بنقول
و مااا فيش حكااايه بتستمر
زي مااا بدأت ليه على طول !
في عشق بيستنااانااا
و عشق بنستناااه
و عشق بينسينااا
العشق اللي عشقناااه
القلب اللي بيجرحنااا
في حاااجه أكيد جرحاااه
و جرحنااا بتفكرنااا
كتير بنعشق و لا بنطول
و كتير بنعشق و لا بنقول
و مااا فيش حكااايه بتستمر
زي مااا بدأت ليه على طول !
رديت للبيت بسرعه و طلبت من الطباخه تسوي لي الكابتشينو و الدونات !!
طلعت لولدي اللي كان مع أم عبده شكرتها و أعطيتها فلوس و راحت
اميره : اشتقت لك يا روح ماما
و قام يسوي حركات بيده و شفايفه مبسوط
أميره : ههههه أكيد راح تنبسط بشوفة ماما ........ تدري يا نور عيني شفت بابا اليوم شكله يجنن وسيم مثل ما هو فديته جلست سلطان في جلاسته و تمددت عالسرير
أتأمل صورة جواد ..
و قمت أغني للصوره
اتعبتني في البعد أحبك .. و انت جااافيني
و تعبت أبي أجفاااك أنااا في عز حبي لك
تخطي علي لين أحسك طحت من عيني
و يرفعك دمع من السمااا اختااار منديلك
ازعل و شف قلب الرضااا جااا بينك و بيني
ماااشفت أغرب من خطاااك يرد قلبي لك
تغيب و أسأل وين أنااا مدري أنااا ويني
اثري من الحزن اكثري بااالوهم ماااشي لك
غصب علي ما هو رضااا ناااهت عناااويني
مني و كلي هااارب برضاااي مني لك
أسألك باللي تعتذر فيني و انااا الغيني
ماودي اشكي منك لكن ودي اشكي لك
معقوله انك انت يا الطف من رأت عيني
قااادر تفرقني شتااات و لا اقدر امشي لك
مااادمت قااادر بااالجفا تاااخذني بيدينـــــي
علمني كيف اترك يدك في عز حبي لك
علمني كيف اترك يدك في عز حبي لك
علمني كيف اترك يدك في عز حبي لك
تنهدت و قمت أبكي مهما سويت أحبك أهنتني و ذليتني و شكيت في شرفي و أخلاقي أهنتني قدام أهلك و شتني برجلك رميتني بالشارع و سبيتني أهنتني حتى قدام أخوك اللي نظرات التشفي أشوفها فعينه !!
محتاجه لك أبيك يا بعد عمري أحبك أحبك و ربي أحبك
_______________
بعد مرور سبع سنوات
مس أميره مس أسيل آل..... طالبه مقابلتك
أميره : خليها تتفضل
دخلت أسيل و على وجهها ابتسامه حلوه
قمت من قدام مكتبي أسلم عليها
أسيل : ياه يا أميره من زمان ما شفتك
أميره : من أيام المعرض
أسيل : كان معرض رائع
أميره : وش أخبار فيصل بشريني عنه
أسيل : تمام ما شا الله مرته حامل
أميره : مبروك ما شا الله
أسيل : الله يبارك فيك ..... ها وش صار على لوحات المسرح !!
أميره : ان شا الله بعد يومين بتكون جاهزه و بروح أسوي البروفه
أسيل : بإذن الله ....
سلمت علي و قامت بتروح
أسيل : ممكن طلب !!
أميره : تفضلي آمري
أسيل : تحكي لي قصتك !!
استغربت طلبها
أسيل : طلبي غريب بس أتمنى تلبينه لأني متأكده انها قصه و لا في الخيال
أميره : بإذن الله اللحين ما راح أوعدك بشي بس كوني واثقه من اني راح أحاول بإذن الله
رديت البيت أوف تعبانه حيل من الشغل
استقبلني سلطان عند الباب و نط في حضني
أميره : هلا بالغالي ولد الغالي ... ذاكرت دروسك
سلطان : ايه يا ماما
أميره : فرشت أسنانك
نزلته عالأرض و هو يمشي جنبي
سلطان : طبعا يا ماما
أميره : تعشيت
سلطان : أكلت سمك
أميره : ممتاز يالله نروح ننام
سلطان : ماما !!!
قالها بطفش و عصبيه
أميره : يا روح ماما
سلطان : أبي أشوف بابا
أميره : بتشوفه يا قلب ماما قريب !! أرسلت له كرت الدعوه مع السواق و أكيد راح يحضر الحفله !!
سلطان : بابا بيمشيني !!و وعدني نسافر مع بعض بروحنا هالصيفيه
أميره : كيفكم
جلست عالسرير بعد ما فصخت العبايه
سلطان : ماما
أميره : عيون ماما
سلطان : ما بتتمشين معانا
طالعته بحده
أميره : حنا ألف مره تكلمنا في هالموضوع صح
قال بحزن
سلطان : صح ياماما
أميره : طيب يالله على غرفتك اتفضل روح نام و الإتفاقيات اللي بينا نلتزم فيها
أول ما راح تمددت عالسرير و الحزن يغطيني
غمضت عيوني و قمت أتذكر كيف وصلت لهاللي أنا فيه اللحين !!
________________
فتحت شركتي أو بالأصح المعهد اللي يهتم بالرسم و الرسامين
و انشغلت فيه عن كل شي و خصوصا بعد ما توفى أحمد الله يرحمه
مع كل يوم كنت أتذكره و مع كل يوم يزداد شوقي لأخواني اللي مدري عنهم و ما يدرون عني !!
ناديه تدهورت حالتها بعد موت أحمد و صارت بس تبكي و تصيح كانت أيام جدا صعبه علي و عليها !!
بس قدرت تسند نفسها و تمسك عيالها و تشتغل معاي بالشركه اللي مع الأيام ازدادت شهرتها و كبرت .........
تقابلت مره أنا و رجاوي بالصدفه في الفيصليه عرفت منها انها تزوجت هي و جوري
جواد طلق هديل لأنه اكتشف خيانتها له و ان الأصوات اللي سمعناها أنا و هي ذاك اليوم كانت لها و لخويها بس قدرت تخدعنا ....عزه صار مصيرها مستشفى المجانين ....
أما المفاجأه الكبيره لي ان فيصل راح لجواد و حكى له القصه بالكامل لأنه خرب بيتي !!للحظات عرفت قديش فيصل يحبني و لأنه مب قادر ينساني حتى لما صديت عنه و رفضته تم يحبني بمعنى الحب الحقيقي اللي ما يشوبه غل أو حقد !!
تقابلت أنا و فيصل مره على شاطئ جميرا و تأسف لي على اللي سواه فيني و كان متحسف على انه دمرني و هو مب قصده بإرسال بوكيه الورد شي طلبت منه انه يتزوج و وافق طبعا بشرط اني أخطب له و فعلا خطبت له وحده ممكن تسعده و يسعدها (( سلطانه )) و لأنها في البدايه رفضت بس وافقت و تزوجوا !!
جواد مرض بعد ما سمع الحقيقه من فيصل ههههههه توه الأخ يحس و صار يبكي ليله مع نهاره و احساسه بالذنب ما يفارقه و من توتر أعصابه صار شره عالتدخين زياده و خربت كليته !!
تنوم في المستشفى يحس بالألم و العذاب و هو بكليه معطوبه !!
كنت دايم أروح أزوره في غير أوقات الزياره لأني ما أبيه يحس فيني كنت أسأل عن حاله و أحواله من الدكاتره اللي قالوا انهم مالقوا متبرع و لما لقوا طلع غير مناسب ....
كنت لذيك اللحظه أحبه و حبي له دفعني أتبرع بكليتي يالله عالأقل يسكن شي مني في داخله بحق و حقيقي سويت التحاليل و الفحوصات اللي أثبتت اني مناسبه تماما
و صلحت العمليه و وقعت على الأوراق بإسم .... فاعل خير
ناديه الوحيده اللي كانت تعرف بكل شي و مع هذا ترجيتها تكتم السر في نفسها !!
بس لما شافت جواد يطلب سلطان و يبيه في حضانته فجرت القنبله و حكت السالفه للجميع بحضور العائله كلها اللي جمعتهم بطريقه من الطرق !!
جاني جواد يعتذر يبي يرجع لي ترجاني و حاول معي بكافة الطرق بس أميره دايم أميره ما وافقت ... خلا سلطان في حضانتي بس يجي و يشوفه كل بعد كم يوم و أحيانا يخليه يوم كامل معاه بعدين يرده !!
تصدقون اني باقي أحبه و مشتاقه بس ألمس وجهه و أحضن يديه مشتاقه أحس بنبض قلبه
محتاجه أقوله أحبك و بس !!
لكن من يعيد بناء القصر اذا حطمه بانيه بيديه !!
كل ما اشتاق أحضن الصورة ... و أرجع اصيح
كل هالناس اللي مروا في حياتي و هالعالم اللي شفته و استكشفته من بحور و شواطي من مباني و جسور من أنفاق و صحاري علمني معنى الحياه و كيف تكون الحياه ؟؟
( كلما عشت كثير كلما تعمقت في الحياه أكثر و أكثر )
و ش هي الحياه اللي معقدينها و مسويين لها سالفه قويه و هي مجرد شي مسخر لنا مثل الهوا و الموج الحياه مالها أي ذنب أبدا الذنب يقع علينا حنا رغم ان الناس
يعذبونها بأنفسهم ...
_________________
رغم توسلات سلطان اني أتم معاه هالصيفيه الا اني رفضت لأن جواد يبيه هالصيفيه و أنا ما عارضت أبدا انه ياخذه لأنه من حقه كأب يشوف ولده بس للأسف جواد صار صفحه عاديه من حياتي أحبه صح بس ما أقدر ارجع له خليني أحبه من بعيد أحسن تذكرت كلام سلطانه لما كنت أقنعها ترد لمشاري ...
أما أنا فكل صيفيه أسافر أنا و سلطان لمدينه مره سافرت لماليزيا عشان أسلم عالناس اللي أحبهم !!هناك و أولهم شمس كلهم كانوا سعيدين بوجودي رغم الحزن اللي في عيونهم لأني طليقة جواد !!
سافرت للديره أشوف الجده اللي سوت الذبايح و عزمت العزايم و سوت الحفلات عشان أميره الأميره و السلطان سلطان على قولها !!
سافرت لدبي أشوف أخواني و أهلي اللي كانوا بعد سعيدين فيني و اخيرا سافرت لبريطانيا أشوف أمير اللي فضل حياة العزوبيه على الزواج لأني اكتشفت من مذكرات رنا انها كانت تعشق أمير .... و أمير اعترف لي بهالشي و صار عايش على ذكرى رنا اللي سكنت القلوب !
و هالصيفيه بسافر لدبي لأن قصتي بدأت من هناك و راح تنتهي هنا في سما دبي اللي أشوف نفسي مع كل غيمه حكايه من حكاياتها !!
اللي يدهشني فعلا في الحياه انه كيف انسان طيب في لحظه يتحول لوحش !!
الذكريات تغيب و ترد ترجع مره ثانيه تحضنا بلهفه و ترد ترمينا بقسوه
حقيقه وحده عرفتها في حياتي انه ما في حب كل شي دخلوه في الحب !!!
خربوا صورة الحب و شوهوها ....
الحب مهو مجرد كهربا أحس فيها أو هزة مشاعر الحب إخلاص و تفاني الحب كلمات صادقه و مشاعر نابضه بالعطاء الحب روعه من روائع الدنيا و نقمه اذا انفهم غلط
صحيح اتعذبت صحيح اتألمت صحيح و أنا الغنيه بنت العز و الجاه انرميت في غرفه حقيره
بس الطيبه ما زالت تسكن قلبي ما زالت تحضنه لأني مستحيل أغير طبعي ...
تحتاج الحياه كل ما تغيرت نتغير و مع ذلك نظلمها ....
موت الأهل صعب قاسي و مؤلم مع ذلك نعيش على ذكراهم عالأقل أو نعيش نتمنى نروح لهم ... باقي الحياه تضحك لأنه مالها أي ذنب
جواد حبيب القلب و عمري ما راح أتزوجه أو أتزوج غيره لأني أحبه !!
زرع فيني الحب بصدق و دفن فيني حبه بقسوه علمني كيف أجفاه و علمني كيف يجفاني حتى و أنا معاه للحظات أفكر و أقول عشان خاطر سلطان برجع لجواد بس ....!
طول عمري أميره و أكيد سلطان لما يكبر راح يتفهم الوضع و لأني أحب جواد فخليه بعيد
أحضن ذكراه بشوق كل ما حرقني هالشوق !!
( ان الحب كلمه رهيبه بل لعلها من أشد الكلمات رهبة في هذه الدنيا )
أتذكر انه الحياه ممتعه رغم مرارتها و ألمها الا انها جميله بجمال قلوبنا اللي تحضنها بحب لأن الحياه مالها ذنب ...
_________________
مذكرات أميره
أهدت أميره مذكراتها لأسيل بعد ما حذفت بعض الأحداث أسيل نشرت هالمذكرات في المنتديات عالنت و في بعض المجلات بعد ما أخذت اذن أميره !!
ودعت أميره ولدها اللي بيسافر مع أبوه لليابان هالصيفيه و هي اختارت دبي مثل ما قالت تصيف فيها ...
تعلمت أميره السواقه و أدقنتها مع انها كانت رافضه الفكره !!
في دبي
ركنت أميره سيارتها و وقفت قبال البحر تستنشق هواه و تتأمل الحياه من خلاله
لأنه حتى البحر ينبض بالحياه مشت عالشاطئ تايهه سرحانه في عالمها تتأمل الناس كيف منتشرين على طول الشاطئ يغيرون أجواء الرتابه عن يومهم
وقفت قدامها بنت صغيره تبكي
أميره : وش فيك يا حلوه ؟؟
...... : كسرتي الكايت مالتي
أميره : آسفه يا حلوه معليش
التفتت لصوت ينادي بإلحاح
....... : أميره أميره
جرت البنت الصغيره تجاه الصوت و هي تبكي و تأشر على أميره
جا صاحب الصوت تجاه أميره و ابتسم
أميره : مب قصدي .......آسفه
عبدالله : حصل خير اختي
أميره : بنتك !
عبدالله : ايه سميتها أميره على اسم انسانه كانت ملاك و ما زالت
أميره : الله يخليها لك
مشت أميره تكمل دربها يهفها هوا الخليج
و هي تبتسم للحياه بصفاء ..........لأن الحياه مالها أي ذنب "
فعلا مالها أي ذنب !!
امبارح و النهارده و بكره و كل يوم
هيا اإيه الحياه ..
حبة أمل .. حبة جنون
امبارح و النهارده و بكره و كل يوم
هيا اإيه الحياه ..
حبة أمل .. حبة جنون
يوم مليان فرح
و يوم مليان دموع
و يوم فوق القمر
و يوم تحت الشموع
moon lover
تم بعون الله
|