الساعه : 02:20 بعد الظهر
جواد : عارفه انك مجنناني بشعرك
أميره : يوه يا جواد يعني أربطه !
جواد : و تسأليني ليه ؟؟ بس يجنن و هو كذا
أميره : طيب أكمل .....
جواد : كملي ..
كنت حاطه راسي على صدر جواد و متمدد و أقرى له رواية ( روميو و جولييت )
أميره : بكى الحب من أجل من صنع الحب و كانت أسطورة روميو و جولييت
هي من أروع ما حفظ الزمن في سطوره
جواد : عيديها مره ثانيه
قالها بتنهيده حالمه ...
قمت جلست و أنا متربعه أطالعه و هو متمدد قدامي
أميره : تفضل يا الشيخ اقراها لي انت ؟
لمس خدودي بيده
جواد : لا حبيبتي أحب أسمع صوتك ؟؟
استحيت و خجلت مره و يده تمر على شعري
جواد : انتبهي لا تحرقين أصبعي
دقيت أنفه بأصبعي
أميره : لا يا شيخ كيف بحرقه !!
جواد : بقطعتين الجمر اللي مركبه في وجهك
ضحكت عليه و قلت
أميره : لا يا شيخ
قام يقلدني
جواد : لا يا شيخ "
أميره : اذا بتم تتريق علي بقوم أختك أولى بي منك
قام جلس قدامي و مسك يدي بحنان خجلني و طبعا حررررررررني
جواد : قوليلي تتوقعين اننا ممكن نكون روميو و جولييت
طالعت لعيونه بخجل
أميره : طبعا نقدر أمممممممم
قام يقلدني
جواد : امممممممممم
قمت وقفت قدامه بدلع
أميره : بروح لأختك أحسن لي
جيت بروح مسك يدي
جواد : بأفرج عنك للحظات بس اسمعي .... تردين لي بسرعه
أميره : هالعيون تحرقني نظراتهم ....
حطيت أصبعي بين عيونه
جواد : يعني .....
أميره : لا تطالعني كذا
رحت لجوري و أنا سعيده طايره من السعاده جواد و ربي في لحظات بس غير كل شي كان في داخلي الحمد لله
و كالعاده جوري تبكي ....
أميره : وليه يعني كل هالبكا اللي مقطعك تقطيع ؟
ناديت الشغالات يجون يرتبون الغرفه اللي حيل حوسه
جوري : أميره من جد خايفه ؟ أخاف يغمى علي قدامه
أميره : يا بنت وش هالفال الشين بسم الله عليك ما راح يصير لك شي !!
جوري : .................
أميره : وين رجاوي ؟
جوري : راحت تخلص طلبيات الحلى و تجيب الكوافيرات في طريقها ؟!!
مسكت يدها
أميره : قومي يالغلا خذي لك دوش روقي أعصابك يالله
رحت للصاله كل شي تمام الكوشه و الكراسي و كل شي تقريبا
رديت للغرفه
أميره : على وين !!
شكله يجنن بالزي السعودي تعودت أشوفه بالقميص و البنطلون
كان يصلح شماغه في المرايه بإدقان عضيت على شفايفي و أنا أتأمله
جواد : أينن صح بسم الله علي خقاق !!
أميره : أينن يقولونها الإماراتيين !!
كان بيركب الكبك في الكم شلته من يده و أنا أركبه له
أميره : تدري !
جواد : أدري
طالعته أرفع حواجبي
أميره : جواد !!! وش اللي تدريه ؟
جواد : مو ساكنك خلاص فأكيد اني أدري
طالعت لأزرار الكم خجلانه
جواد : خافي على خدودك أخاف أجي ألقاها قابه
مسكت العطر و قمت أعطره و هو يرفع الشماغ
جواد : معشوقتي !
جنني في هالكلمه من أمس و هو يقولها أحس بسعاده لما أسمعها منه و بصوته العذاااااااااااااااااااااااااب !!
أميره : أمرك
قلتها و أنا أقربع عالتسريحه رفع يديني و باسها
جواد : أنا اللي أمرك .... لا تقولين أمرك
قلبي تفجر بنبضاته ذيك اللحظه
جواد : أبيك بخير دايما خلي الجوال معاك بخلص بعض الشغلات طبعا طلبتهم الأخت جوري
مسك يدي و حطها على صدره
جواد : تامرين بشي
أميره : سلامتك يالغال.......
نزلت راسي مره مستحيه
رفع راسي بيده
جواد : راسك دايم فوق يالغاليه
صرخت بعصبيه مصطنعه
أميره : جواد يالله بسرعه روح
سحبني من يدي
جواد : بتسوين مثل المره اللي تحب زوجها ..... توصل زوجها للباب
أميره : هذا لو كانوا في بيت مب قصر و بعدين أخوك موجود ما يصير
ضرب على جبينه
جواد : أوووووف بندر نسيته
رن جواله
أشرت على الجوال
أميره : خذ الموشحات من أخوك و قابلني ؟؟
البيت تملى بالناس و العالم كلهم جايين يشوفون جوري .... البنت اللي كلها ملح و نعومه و حيا زايد عن اللزوم ...
كانت طول الوقت تبكي و الكوافير مسكينه ودها تصرخ من القهر لأنها كل شوي تعيد تحط الكحل و العدسه الخضرا اللي حطتها في عينها تتحرك ...
أميره : جوري معليش يعني مب هالشكل الله يهديك كل هذا خوف ارحمي نفسك
الكوافير : أوللها دنا تعبت
رجاوي : و الله ..........
قاطعتها بمزح
أميره : تبين تفجرين علينا قنابلك اطلعي بره يالله شوفي المعازيم !!
رجاوي : قنابل !! ليه وش قالوا لك بوش على غفله !!
أميره : رجاوي يا حبيبي لسانك بروحه قنبله تفجر دوله بحالها !!
قامت جوري تضحك و تمسح دموعها
ياااااااااااه أخيرا مسكت دموعها و بكاها
دخلت هديل
فستانها مره رواق صراحه حتى شعرها الأحمر لايق عليها أمس صبغته و طبعا ما سلمت من تعليقات رجاوي اللاذعه فستانها كان أسود حرير طالع على بشرتها البيضا خيال
هديل : ما خلصت العروسه
رجاوي : تنتظر اذنك !
هديل : انتي محد كلمك !!
رجاوي : يعني .............
قاطعتها بطفش
أميره : بس خلااااااااااااااص كفايه
رجاوي كانت لابسه فستان نمري هاي نك بدون أكمام
و رافعه شعرها كله على فوق و هي ما شاء الله ملامحها حاده فصاير شكلها قمه في الشياكه و الجمود و اللي يشوفها يقول متسلطه مدري ليه حسيت انه يليق عليها هالوصف ( المرأه المتنمره )
أنا كنت لابسه فستان جامع اللونين الأبيض و الأسود من الخصر مره ضيق بشريطه حمرا نعومه و روج أحمر قاتل ههههههه تركت شعري على راحته بعد ما استشورته زين !!
خلصت العروسه بعد معاناه لبست الفستان اللي جامع اللونين الأخضر الدافي مع الأزرق الخفيف بعد ما لبست مجوهراتها طلعت ما شا الله لا إله الا الله
جو صاحباتها يسلمون عليها و عزه طبعا جات تشوف أختها كانت لابسه فستان وردي مره لايق على شخصيتها المحافظه
ساميه مختفيه عن الوجود ..!!
انزفت العروسه على أغنية أخت القمر بكل الخجل و الحيا اللي فيها
أخت القمر فوق الثرااا .. قااالت تبي تغيض القمر ... مااا مثلهااا بين الورى ... تمشي البيدااااا دجر
خفت لا يغمى عليها فعلا من قوة حياها كانت ترجف و مرت بسلام جلست عالكوشه اللي كلها ريش و فراشات بنفس لون فستانها !!
طلعت أم العريس عالكوشه تبيها ترقص طبعا أنقذت الموقف و أنا أهمس لجوري تقوم بأرقص معاها أم العريس مسكتها من يد و أنا من يد و قامنا نرقص و صاحباتها سووا حولنا حلقه و هم يصفقون و يرقصون ... يمكن وجود صاحباتها خفف من خوفها فصارت تبتسم عالأقل و تسولف ... يوم نادوا العشا و قالوا العريس بيدخل !!
دوروا جوري ما بتلقونها مسكت يدي بخوف و الدموع تجمعت في عيونها
أميره : يا بنت ارحمي نفسك بس وش بيصير يعني ؟
جوري : تمي معاي الله يخليك
أميره : معليش ما أقدر يمكن الرجال يبي يقولك شي و لا شي
جوري : باقي راح يقول و أقول ......
ابتسمت بتريقه
أميره : طبعا
تركت يدها و مشيت !
دخل العريس جلس جنبها ما أقولكم عن الرومنسيه اللي كان يكلمها فيها طبعا أكيد ما صدق يوم شاف القمر طبعا لبسها الشبكه و الدبله و هي لما لبسته الدبله كانت ترتجف
المهم لما جا بيروح باس يدها هي تقريبا ذابت !!
الحمد لله ما صار شي مخيف مثل ما توقعت انتهت الملكه و خلصت رحت أشوف العروس لقيتها مغمى عليها و طايحه عالأرض !!
زين ان الإغماءه جت بعد ما راحوا الناس و قابلت العريس
قمنا نفوقها بالعطور ما قامت نهزها ما تتحرك قلت بس !!! ما لنا غير البصل و جابت لنا وحده من الشغالات البصل !!
أول ما قربته من أنفها مسكت يدي و قامت ......
فجعتني !! و قامت تبكي على صدري
__________________
تمددت عالسرير بتعب حتى مب قادره أفصخ فستاني و أمسح مكياجي
رن جوالي
أميره : هلاااااااااااا
جواد : أهلين و ألفين هلا
أميره : وينك يالغلا ؟!
جواد : أكيد وحشتك
ضحكت و قلت
أميره : يعجبني الإنسان الواثق
جواد : طبعا لازم يكون واحد مشهور مثلي واثق
أميره : يا ربي لا تذبحني بس بالثقه الزايده يا روميو
قلتها بدلع و كملت
أميره : ماذا تريد !!
ضحك و قال
جواد : أبي أشوفك بالفستان
نزلت الجوال عن اذني لأنه كان واقف قدامي بالغرفه أحرجني حيل قفلت الجوال و طالعت للكرسي مستحيه جواد يقدر يجمدني مثل كره من الثلج يقدر يحطمني مثل الحجر لا تفتت و صار تراب و في لحظه يقدر يحولني لقطعة جمر ساخنه تحرق نفسها بكل هدوء
لين تصير رماد طالعت عيونه اللي كانت ذهول و لنقل من زمان ما شافني كذا فـ قام يتأملني بطريقه حررتني بصراحه أبي أغير الموقف !!
أميره : بس خلاص كفايه احترق الفستان و احترقت بكبري
مسك يدي اللي كانت مثل الثلج مو قلت لكم يحولني لجليد ثواني و يرد يحرقني
جواد : فاتنه ....... مثل جولييت في القصه ... الأحمر على شفايفها مثل قطعة جمر ..
أكيد طبعا لأن الأحمر صارخ معليش قصدي قاتل !!
أميره : جواد بس يكفي
جواد : لا مو يكفي ... و بعدين انتي ليه يدك كل ما أمسكها بارده
حسيت بحرارة يده تخترق طبقات جليدي و تذيبه بحنان
أميره : كيف الملكه ؟!
جواد : و الله تمام الحمد لله
فصخ شماغه و عقاله و طاقيته و ناولني هم
أميره : جوري سوت العجب ... داخت علينا
جواد : قالت لي رجاوي
فصخ ثوبه و علقه
رن جوالي طبعا نظرات سريعه مستفسره من جواد حبيت أحرق أعصابه و أنا أطالع شاشة الجوال و أرد
أميره : هلا بالعروسه كيفك اللحين ؟!
جوري : أميره تعالي بسرعه بسرعه أبيك
أميره : ليه وش صاير ؟
قامت تشاهق و تبكي
أميره : خلاص يا جوري اهدي بجيك
جواد : وش فيها جوري ؟
أميره : تقول انها تبيني و قايمه تبكي و تصيح بروح لها
جواد : و لو قلت لك ان أنا اللي أبيك
طالعته بخجل
أميره : أنا أنفذ الطلبات الأولى و عندي بقائمتي جوري بالأول
قام من عالسرير بيجيني بسرعه هربت منه و طلعت من الغرفه و رحت لجوري
دخلت غرفة جوري لقيتها ميته صياح و تبكي بحرراه و رجاوي عندها
رجاوي : انتي بعدك ما فصختي فستانك
أميره : جا جواد فما قدرت أسوي شي
رجاوي : أها أقنعتيني !!
أميره : جوري وش فيك !!
جوري : اتصل علي
أميره : مين !
جوري : زوج المستقبل
تنهدت بملل
أميره : طيب يا جوريتي اللحين دق عليك أكيد يبي يسولف و يطمن عليك
جوري : سبيته و قلت له لا عاد يتصل مره ثانيه و بيشبع مني و يمكن يطفش بعد الزواج و حذرته من انه يتصل مره ثانيه .... و سكرت بوجهه
أنا و رجاوي فهينا و طالعنا في بعض من الصدمه معقوله جوري الضعيفه الخوافه اللي الحيا مقطعها تصلح كذا أوف !! قويه!!!بصراحه غبطتها على قوة وجهها .... رائعه
رجاوي : اللحين تبين تفهميني انك قلتي له هالكلام كله و سكرتي بوجهه السماعه ؟؟
جوري : ايه
قربت كرتون المناديل و قامت تمسح دموعها و أنفها
جوري : رد أرسل لي مسج " انتي الخسرانه "
و انهارت البنت صياح
قمنا نحاول فيها أنا و رجاوي يا بنت يا جوري ما تتاخذ الأمور بهالشكل
بس تسمعنا و تصيح في الأخير هديناها و نامت ...
طلعنا من غرفتها أنا و رجاوي ندور الهوا
أميره : أختك هذي .......
رجاوي : حاله مستعصيه الله يهديها
وقفنا عند أول الدرج
أميره : بروح أبدل ملابسي
رجاوي : مع ان ما بقت فيني قطعه سليمه بس ما فيني نوم
نطت لنا هديل ببيجاما مره قصيره و صدرها مفتوح
هديل : شوي لو سمحتوا بروح أجيب كوب قهوه
طالعتها رجاوي بإستغراب و تقزز
رجاوي : بتنزلين قدام الشغالات بهاللبس العاري
و قامت تأشر عليها من فوق لتحت و كملت
رجاوي : عيب تمشين بالبيت كذا فيه رجال هنا
هديل : مب شغلك يا الله عن اذنكم
قالتها بدلع و جت مقفيتنا تبي تقهرنا
أميره : و الله ما يصير يا هديل خافي على نفسك عالأقل
طالعتني بشراسه و جت هجمت علي
هديل : أنا ألف مره قلت لك لا تتكلمين معاي أبد
و قامت تشد شعري
مسكتها رجاوي من شعرها و ضربتها و دخلنا كلنا في عراك كله ترفيس و ضرب
و لا ننسى التكمله لهذا كله ... السب و رمي الكلام بس أنا ما شاركت في هالنقطه
طلعت من المعركه و صرت أفرع بينهم و بما ان رجاوي مقفيه الدرج فهديل دفتها بكل قوه
بسرعه مسكت رجاوي اللي فقدت توازنها و خلاص بطيح بس عزه أنقذت الموقف و هي طالعه من الدرج سندتها ....
أول شي لفت نظرها منظر هديل
عزه : أعوذ بالله وش ذا نعنبو شيطانك وش ذا اللبس !!!
قالتها بعصبيه أول مره أشوفها بهالحده
رجاوي : الخالعه قليلة الأدب بنت الـ.............
قالتها و هي حاطه يدها على خصرها و تمسح الدم من أنفها
أنا حطيت يدي على فمي من قوة الكلمه اللي قالتها وااااااااو يا رجاوي قويه ؟؟
عزه التفتت لها من قوة الكلمه و عطتها كف طبعا هديل شافت عزه مره معصبه فهجت لغرفتها بكرامتها !!
عزه : حنا ناس محترمين و عيال ناس وش هالكلام مالقيتي من الكلام كله الا هالكلمه عيب انتي بنت متعلمه و بالجامعه وش فادك التعليم دام هاللسان هاذي قوايله ..
أنا انسحبت بهدوء عالغرفه سمعت صوت المويه بالحمام فـ جلست عالسرير متأثره من جراحي و ضاق صدري عالكف اللي خذته رجاوي الحمد لله بعد ما طاحت من ذاك الدرج كان أقلها انشلت ....!!!!
طبعا هديل ما قصرت مخشتني على ذراعي شدت شعري بقوه لدرجة اني حسيت بالصداع و الألم و ضربتني على وجهي ...
بس طبعا ما خليتها رفستها في بطنها لين بردت ناري منها
طلع من الحمام و قام ينشف شعره ... طالعني متفاجأ جا و جلس جنبي
جواد : وش هذا مين اللي عورك بهالشكل ؟
سحب مناديل و قام يمسح الدم اللي بذراعي ....
أميره : تضاربت مع هديل
نط من مكانه مثل المذعور
جواد : هديل !! أنا أوريك فيها
مسكت يده بتوسل
أميره : جواد الله يخليك ما أبي مشاكل
جواد : زوجتي ما أرضى أبدا أحد يطقها بهالشكل
جلس جنبي و قام يمسح لي جروحي
جواد : وش هالجرح شكله قديم !
طالعني ينتظر الإجابه
أميره :و أنا نايمه ما انتبهت اني نايمه على قطعة حديد حاده مع الضغط انجرحت
مسح الدم عن أنفي و قال بإستغراب
جواد : ليه وين كنتي نايمه !!
دمعة عيوني
أميره : بالغرفه اللي تحت الأرض
انهرت في حضنه و قمت أبكي قام يمسح على شعري و يهديني
تمددت على بطني و أنا أتفرج معاه على ألبوم العائله
جواد : هذا أنا لما كنت صغير .... شكلي مبهدل
أميره : بسم الله عليه يزنن بالعكس شكلك معبر
صوره له و هو صغير عمره سبع سنوات شعره مغبر و شايل وحده من قفازات الملاكمه
جواد : و هذي صورة سلطانه ..... و شايفه هذي جدتي
قربت من الصوره أتفحصها صحيح الصوره مره نادره و قديمه بس اللي في الصوره تجنن
أميره : جميله .....
كملت و أنا في قمة ذهولي
أميره : ما شاء الله عليها حلوه ..... معقوله ؟
جواد : ايه ما شا الله عليها الكل كان يبيها لأنها دره
رن جوالي في هاللحظه
أميره : هلا رجاوي
رجاوي : هلا فيك ... تمريني
أميره : وين ؟!
رجاوي : بالفيصليه
أميره : وش عندك مسرحه هناك ؟!
رجاوي : طفشانه
جواد : قولي لها ترجع من هناك اللحين ؟؟
أميره : سمعتي وش قالك جواد ؟
رجاوي : قولي له مب راجعه
سحب من يدي الجوال بعصبيه و قام يهزأها روعني بصراحه
رمى الجوال عالسرير بعنف
جواد : أنا ما علمتهم عصيان الأوامر
أميره : هدي نفسك شوي و بتلقاها ردت .... رجاوي مهي متهوره لهالدرجه
رن الجوال معلن عن وصول مسج
شلت الجوال و طالعت المسج المجنون طبعا من رجاوي
( راح أقتل نفسي بتشوفون ... برمي نفسي قدام سياره مسرعه عشان ترتاحون من خشتي و تبطلون تسوون معاي هالحركات و عالأقل الدنيا ما تسوى أني أعيش عشانها )
قفلت المسج و أنا حاطه يدي على فمي مستحيل جواد يشوف المسج هذا مسكين مدري وش يصير فيه لو شافه بيذبح أخته ..... فحذفته !
حاولت أخفي ردت فعلي بإبتسامه مموهه !!
طالعني بشك
جواد : مسج منها سويدة الوجه
أميره : ها لا مسج إعلاني من الشركه
و في نفس اللحظه جا فعلا مسج سحب الجوال من يدي قمت أطالعه بخوف لا يكون مسج ثاني من رجاوي المجنونه آه بتوديني في داهيه حسيت برجفه خياليه في جسمي !
أكيد مرسله مسج مجنون تهددنا فيه بالإنتحار يا ويلي على عقليتها الإجراميه من كف خلاص بتنتحر أجل أنا وش بقول يبيلي أنتحر ألف مره لو على البلى اللي شفته
سمعت صوت الجوال ..... مسج
جواد : هههههههههههههه
طالعته بإستغراب من ضحكته
جواد : مسج من الشركه ارسل اسمك على الرقم .... و نرسل لك معنى اسمك مع بيت شعري ........ و لما أرسلت اسمي ارسلوا لي غير موجود في القائمه
و قمنا نضحك نسينا الأخت رجاوي اللي ما أعتقد أبدا انها راح تنتحر مثل ما قالت اذا الحياه حلوه عند المجانين أكيد راح تكون حلوه عند وحده مثل رجاوي !!!
جواد : لهالدرجه اسمي نادر
أميره : طبعا لأنك نادر في كل شي
جواد : أصحابي أيام المتوسط و الإبتدائي يتريقون على اسمي قال ايش مب حلو
قلت و أنا أوخر خصله من شعره عن جبهته
أميره : طبعا لاء يكفيني ان اسمك بالنسبه لي في القمه و " سخي وسريع الجري معناه الجواد الحصان الأصيل الكريم "
جواد : طبعا لأني متزوج وحده في القمه فأكيد راح ترفعني للقمه
حمرت خدودي من الخجل
جواد : مسوي لك مفاجأه .....
أميره : لي أنا
جواد : طبعا ... بنساااااااااااااااااااااااااااافر
أميره : وين !!
قال و هو يمرر أصابعه بين خصلات شعري
جواد : ايطاليا ... و اليوم
قلت متفاجأه
أميره : اليوم !!
جواد : طبعا اليوم حجزت و رتبت كل شي ما أبيك بعيده عني ... طول الوقت مع الناس و مب معاي !!
بعدت يده عن خصري و قلت
أميره : جواد ... أنا ما رتبت أغراضي و لا شي
جواد : بشتري لك اللي تبين مب لازم حتى تاخذين شنطه أهم شي تجين و بس
أميره : .....................
رفع وجهي تجاهه
جواد : أنا مجنونك و بطق أكثر من كذا لو جلسنا هنا
ابتسمت له بمرح
أميره : اللي تشوفه
تدرون وش سوى !!
شالني و هو مستانس و يضحك و أنا أصرخ بدلع بين ذراعينه أبيه ينزلني ... أدلع
لو علي أبي أتم في حضنه على طول ...!!
(دااائمااا لحظااات السعاااده وقتيه تنتهي بسرعه لكنهااا تحيك خيوطهااا في الذاااكره للأبد )
________________
|