البارت الثاني و الثلاثين
وصلنا القصر أو بالأصح فندق !
جلسنا حول طاوله مرتبه بدقه و نظام و قهوجيات رايحات جايات طبعا و سلمت عالحريم اللي يسلمون عليهم ... جوري كانت تعرفني على الحريم بهمس هذي مرت فلان بن فلان و ذيك بنت مدري مين !!
أما رجاوي فإكتفت بالنظر و التأفف من لحظه للحظه و خصوصا ان الأجواء بينها و بين هديل مكهربه جدا و حاميه أما خاله خيريه فجلست مع مجموعه من الحريم اللي من جيلها !
ساميه هادئه بدون أي انطباعات على أي شي
هديل : بتمون تهامسون قدامنا
جوري : يعني و مين حضرت جنابك ....الملكه لا تكونينها و أنا ما أدري !
قالتها بمصخره تقهر
رجاوي : يااااااااااي الدلوعه كيف تتهامسون عندها بهالبلديه !!
و قامت تقلدها ( بتمون تهامسون قدامنا )
غصبن علي ضحكت .....هديل طالعتني و حقدت علي زياده
هديل : انتي انثبري و انطمي
قلت بسخريه و ربي ما كنت كذا بس جواد أعطاني كورس مدته شهر و كم يوم لتعليم أساليب السخريه و الإستهزاء
أميره : وش اللي انثبري هو أنا كلمتك أصلا ؟؟
جوري سوت نفسها مالها دخل .
جوري : بس يا بنات خلاص جت أخت العريس
رجاوي : قصدك زوجة العريس !!
سلمت علينا انسانه حلوه حيل بس جسمها شوي مليان وجهها سموح يحكي الطيبه و السماحه و الحنان ...
أخت العريس : مين الأخت ؟
جوري : بنت مساعد آل ....
أخت العريس : أها زوجة جواد
رجاوي : اييييييييه
قالتها و هي تضغط على ايه بقصد تبي تقهر هديل .... آه منكم يالحريم !!
أخت العريس : مبروك
أميره : الله يبارك فيك
أخت العريس : يالله عن أذنكم
و راحت !!
التفت لجوري
أميره : انتي تقولين أخت العريس .... و رجاوي تقول زوجة العريس وش السالفه !
هديل : أنا قايمه أرقص
قالت رجاوي و هي ترفع حواجبها بتريقه
رجاوي : و أنا بعد
هديل : بوتكس أوف !!
رجاوي : هالبوتكس تحطينه في حلقك و تنكتمين فيه !!
راحوا شنقل و منقل يرقصون هههههههه
العجيب ان ساميه مثل ما هي جماد
جوري : تدرين أخت العريس اللي قبل شوي اسمها دانه زوجوها أهلها من واحد من جماعتها حبته و حبها و عاشوا اسعد أيام حياتهم جابوا ولدين و بنت بعد خمس سنين زواج نطت خالته و قالت انها رضعتهم مع بعض و حلفت بالأيمان المغلظه انها رضعتهم تخيلي يا أميره بعد خمس سنين زواج يكتشفون انهم أخوان آآآآه
فتحت فمي حتى ما قدرت أتكلم من الصدمه
جوري : و طبعا اهلها فرقوهم عن بعض و شوفيه هاللحين زواجه ؟!!و صارت بحكم الشرع أخته لا لا هي من زمان أخته على كلام خالتهم !!
أميره : يا قوي قلبها و اليوم جايه لعرسه
انطفت الأنوار فجأه و أعلنوا عن دخول العريس بعد خمس دقايق
عالسريع جبنا عبينا و تغطينا جت رجاوي و بعدها هديل و تمينا نتفرج عالمنظر الحافل
طلعوا العروسين ماسكين بعض بسعاده بس العريس فيه لمحه من الحزن مرتسمه على وجهه كانت أخته اللي كانت زوجته تنتظره عالكوشه بسله كبيره كريستالاتها تلمع من بعيد مليانه ورد لحظه حاسمه بين العريس و أخته .......
هو شوق و لا حقد عالقدر أو الخاله اللي تمنوا انها تكتم سالفتهم في قلبها و تخليهم يعيشون حياتهم مع عيالهم و لا رضى بالأمر الواقع اللي وصلهم لهالمأساه !!
للحظات غبطتها على قوة قلبها و صبرها و تحملها في نفس الوقت حزنت عليها و وش نظرت أولادها لها و لأبوهم ...
جلسوا العروسين عالكوشه رشتهم بالورد و رقصت شوي نزلت بدون ما ينهز فيها شعره أو بيتهيأ لي ....!!
سكتت القاعه كلها فجأه على صوت ولد صغير طالع عالكوشه و ينادي بلهفه بابا .. بابا
و هو يجري لأبوه طاح بسبب اسلاك المايكرفونات اللي يغنون فيها الطقاقات...
قام الأب من جنب عروسته و راح لولده اللي طاح و الشوق و الحزن و الأبوه كل هالمشاعر تضم الولد ...... ناس بكت و ناس تأثرت و ناس مثل هديل تنرفزت و قالت بتحمس
هديل : و العروسه حسبي الله عليك
و ناس مثل العروسه الدهشه و الذهول منع تفكيرهم عن ردت الفعل اللي ممكن تصدر منهم
و ناس مثلي قاموا يتأملون بصمت !!
دينا للبيت و كن على رؤوسنا الطير كل وحده راحت لغرفتها و أولنا جوري اللي كانت طول الوقت تبكي بتأثر ..!
طلعت لغرفتي خذت لي دوش لبست ملابس قطنيه مره قصيره ماخذه راحتي و تمددت عالسرير و أنا أفكر ....
مدري ليه خفت أتصل على جواد هو طلبني بس ما لي وجه أتصل عليه أقوله وش تبي !
حسيت بحنين لا يقاوم للدفتر الجلد .. فتحته غصب عني لأني ما قدرت أقاوم جاذبيته قصدي جاذبية اللي كتبه
__________________
عندما حطمتني ....
بللتني بشوق
و أحرقتني بنهم
و لكن حطمتني ..
بقسوه
عودة الى الوراء الي حيث
الشوق و الحنين
أتراها تفهمني و تفهم غيرتي و جنوني
لا أدري و لكن ربما ؟؟
" عجزت أشيلها من تفكيري لما شفتها مع عبدالله تقريبا جنيت كرهتها في لحظتها و رديت للبيت أوعد نفسي اني أشيلها من بالي ....... بس للأسف ما قدرت سحرتني مثل ما سحرت كل الرجال اللي قابلوها جننتني شعللت البركان في قلبي ما نومتني الليالي طيب ليش !!
سألت هالسؤال لنفسي بإلحاح لقيت الجواب
اني أحبها مجنون فيها عاشقها لا إلا وصلت لهالدرجه من عشقها أهواها
للحظه صرخت أكرهك لكن ما لقلبي وجهين هو وجه واحد....هو الوجه اللي يقول أحبك ؟!!
شهقت بكيت ضميت الدفتر و أنا أبكي
أميره : و الله يا جواد غصب عني ....... ما ... ما .... لااااااااااااااااااء
رن الجوال .... هذا جواد
ما رديت ...... رد رن مره ثانيه
أميره : ألو
قال بعصبيه
جواد : وينك انتي خوفتيني عليك ليه ما تردين علي !
أميره :................
جواد : و أعتقد اني قلت لك اتصلي علي لما تردين من العرس
أميره :...............
جواد : أميره ردي عليييييييييييييييي
عصب مره
أميره : جواد معليش تعبانه ممكن أكلمك بعدين !
هدى صوته شوي
جواد : على راحتك
___________________
مرت الأيام سريعه و حنا من سوق لسوق عشان الأخت جوري قال ايش ما عجبها الفستان اللي فصلته تبي واحد غيره !
أميره : و الله دلع بنات
جوري : لا تقنعوني ما أبيه
رجاوي : تعالوا نشوف هالمحل ........
أميره : حلو باين عليه من بره
دخلنا و حنا نتفرج عالفساتين
جوري : مهي حلوه مب عاجبني شي خلاص تعبت من الدواره
رجاوي : حنا اللي يحق لنا نقول هالكلام لنا خمس أيام و حنا ندور بالأسواق الا حضرت جنابك ما أبي ذا و أبي ذاك !!
تنهدت و أنا أتهالك على واحد من الكراسي بتعب
أميره : خلاااااااااااااص رجووووووووولي الرحمه يا جوري
تقريبا بدون مبالغه سوينا كل شي و جبنا كل شي و شرينا فساتينا و أغراضنا بس باقي العروسه ست الحسن باقي على ملكتها يوم و قاعده تدلع
ردينا البيت نشوف فستانها اللي مب عاجبها و مدري شالسبب و تعطينا أعذار غير مقنعه !!مره ان الورده مهي متناسقه مع الفستان و مره ان الإكسسوار مب لايق ...
فإقترحت حل يرضي جميع الأطراف
أميره : وش رايك أكون المليكان ...
درت حول نفسي و كملت
أميره : ..... الموديلز يعني ؟
رجاوي : كيف ؟؟
أميره : يعني ألبسه و تشوفينه علي بما انك حتى رافضة تلبسينه ؟
جوري : لا يا أميره ما راح أقتنع
رحت لبسته و طلعت لها و الحمد لله جواد مب هنا لأنه الفستان خالع بمعنى الكلمه مع ان فستان عرسي كان شوي بس مب لهالدرجه !
رجاوي : بصراحه منتهى الروعه جسم فتان
جوري : تتوقعين بيطلع علي كذا حلو
أميره : طبعا يا حلوه أكيد يالله بجيبه لك تجربينه
دخلت علينا عزه اللي صايره مختفيه ما تبان الا في المناسبات
عزه : واو شي فوق الوصف رائع و حلو
قلت و خدودي تحمر
أميره : عيونك الحلويين
رحت فصخت الفستان و عطيته لجوري اللي لبسته و طلع عليها مره يجنن
أقنعناها في الأخير انها تنام و تستريح و ربي معذبه نفسها خايفه من يوم ملكتها اللي تقريبا بعد يوم رحت لجناحي أفرك في رجليني ياااااااااه جوري فصلت عظامي من الدوران في السوق اليوم جواد ما اتصل بالمره ما قلت لكم عن أيامي اللي راحت قديش انشغلت مع جوري و قديش فرحت اني نسيت آلامي شوي أو تناسيتها كل ما اشتاق لجواد أطالع لصورته مع المعجبين ... ليتني وحده منهم أشوفه في أحلامي و بس !!
مب انسانه عايشه في حياته متعذبه أو مالها أي معنى مثل المويه اللي تنصب في جره مشطوبه .....
________________
و تحب ........
أحبته بصمتها و دموعها
عادت تعود كالنسور
تنظر بنصر
آلمته !! حطمته !! مزقته
و تعود لتحب من جديد
كلمة أحبك قالتها و شفايفها ترتجف سمعتها من ورى الباب و هي تقولها
خنقتني هالكلمه ... ما تدرين قديش مزقتني هالكلمه لأشلاء !!
اصطدمت مشاعري لما شفتها تحب واحد معاق قلت يمكن شفقه بس رديت انصدمت
بإنها تحبه و راسمته بيدها في لوحه من لوحها
ما أعتقد ان هذا حب ؟ الا حب لأنها تتأمل صورته كل وقت و بكل الحب
لآخر لحظه عطيتها الأعذار بس في النهايه ما لقيت لها أي عذر غير انها انسانه كريهه نجسه أحقد عليها !
دخلت في الصورة شيخه أغرتني بجمالها بس للأسف ما انغريت ليه أقول للأسف لأني في لحظه تمنيت اني غلطت مع شيخه أو حتى ألمسها عشان يصير تاريخنا الشريف واحد !!!
كل ما أشوف شيخه تقتحمني صورة حبيبتي خايف أخونها كيف أخونها و هي ساكنتني بس هي عاشت في ضلالاتها مع واحد معاق آلمتني صورتها و هي تنضرب من ناصر بس للحظات كنت ابتسم مستانس و فرحان و أنا أتشفى فيها ....
دخلت الدفتر بهدوء تحت المخده انخشيت زين تحت البطانيه و بكيت بمراره
لا.... أكتشفت ان أحبك اللي قلتها لعبدالله ما كانت صدق كانت مجرد أحاسيس مختلطه أحاسيس ما قدرت أصرفها أو ألقى لها نتيجه لا يا جواد أنا ما حبيت عبدالله أبد أبد
كرهته بعد ما كذب علي و خدعني لأنه كذاب
قمت أبكي طول الليل و أنا أردد أنا ما حبيت عبدالله .... أنا ما حبيت عبدالله
_____________
و كالعاده قمت على رنت الجوال
أميره : هلا
جواد : يالله قومي الساعه صارت ست !
أميره : ان شا الله
كان ودي أسأله ليه ما اتصلت أمس بس رديت بطلت مب من حقي أسأله و أنا راح أطلب الطلاق منه !
جواد : غريبه ما سألتيني ليه ما اتصلت أمس !
أميره: أكيد مشغول
جواد : و الله ما يشغلني عنك شي لو عندي .........
قاطعته
أميره : جواد لا تكمل يا ليت تقفل عشان بروح أتسبح ما أبي أتأخر عالفطور يالله باي
ياالله قديش كنت قاسيه عليه !
صرخت و أنا أروح الحمام
أميره : ما أستاهله ما أستاهله هديل أحق مني فيه
و كالعاده رحت فطرت بنفس الملل كان اليوم أربعاء
جوري ما حضرت الفطور طلعوا لها اياه الخدم فوق ...
طلعت عزه للحديقه اللي من دخلت هالبيت ما طبيتها خلاص صار عندي مناعه من الحدايق
و خصوصا ان بندر أخوهم موجود لا الله يرحمكم أكتفي بنظره بريئه من غرفتي عليها
دخلت غرفة جوري لقيتها بس تصيح رحت و ضميتها خايفه عليها
جوري : خايفه من بكره يا أميره
أميره : يوه الله يهداك هي مجرد ملكه يعني تشوفينه و السلام مب زواج أو ليلة دخله
جوري : ما أبي أشوفه بقول لجواد يقوله يأجل الشوفه ليوم العرس
أميره : ليه انتي ما شفتيه أو شافك ؟
جوري : لا أنا رفضت .......
شهقت بمراره
جوري : و أجلتها للملكه
أميره : هذا اسمه لعب عيال يعني وش بيصير لو شفتيه ؟
جوري : أخاف و أستحي
هزتني كلمة أستحي ...
وين الحيا راح لما شفت عبدالله يوم زارني بالمستشفى و مسكت يده بلهفه !
أميره : هي كم دقيقه تشوفينه فيها و تطلعين لا تخافين و الله سهله بتشوفينها بعدين مره سهله !
مسحت دموعها و قلت :
أميره : يالله يا قمر قومي غسلي وجهك و افطري فطورك ما أبي المعرس يشوفك مصفره و حزينه أبي هالوجه مشرق و مبتهج
ابتسمت لي بنعومه و هي تبوسني على خدي
جوري : شكرا يا أميره
أميره : على وش ما سويت شي يا قلبي يا الله عن الدلع
قمت بمشي و أروح لغرفتي
جوري : لأنك ملاك انتي غير كل الناس
طلعت من غرفتها و الدمعه حاره في عيني تحرقني بألم
وصلت بعد تفكير اني أكمل الرسمه أضفت لها بعض الرتوش و بعدتها بعيد
نزلت تحت أجلس مع عزه في ........... الحديقه
عزه : اضفاءات ساهره على لوحه مستميته
أميره : ما فهمت ..
عزه: يعني مثل قصة الصقر المشوي ؟؟
أميره : بس أعتقد ان الحياه أكبر من انها تنوصف في كتب الفلاسفه القدماء أو المعاصرين
عزه : صح بس من خلال دراستي للماجستير عرفت عكس هالكلام اللي تقولينه
أميره : المساحه اللي تشوفيها حولك مليانه بالحياه أو تنبض بالحياه على قولك ما تعبر عنها الرسوم أو الأقلام .... على فكره وش هي قصة الصقر المشوي !
ابتسمت و هي تعدل نظارتها بحركه خفيفه
عزه : هذا يا طويله العمر فارس من فرسان بلده و قائد من قوادها .......
جوري : ممكن نقط معاكم بالسالفه ؟
أميره : بسم الله علينا وش فيك !
رجاوي : بوووووووووووم
فجرت كيس مليان هوا
نطيت بروعه و أنا أضربها
أميره : لا حووووووول شغالين لي فزيعه !!
جوري : عزوزه حبيبي كملي السالفه اللي أكيد وحده من قصصك الحلوه
قامت عزه بدون كلام قفتنا و راحت
أميره : شفتوا كيف !!!!!!زعلتوها
رجاوي : يا شيخها خلها تولي أستاذة الجامعه
أميره : يا بنت عيب هذي أختك مب وحده من الشارع
جوري : هي كذا لسانها متبري منها ؟!
رجاوي حطت يدها على خصرها و قالت و هي شايله الكيس و تدوره في الهوا
رجاوي : عروسه مثلك ملكتها بكره وش مجلسها هنا قومي روحي شوفيلك مرطبات
كريمات سويلك مساج صدق قلبك بارد
طالعت في أختها بقهررررررررر
جوري : أقول انثبري ما بقى الا المعص........
رجاوي : حدك عاد يا ممشوقة القوام !!
قالتها بتريقه
قمت أبي أصرخ صدعوني بهواشهم
أميره : أنا بطلع لغرفتي أبرك
مشيت لغرفتي رغم النداءات المتكرره من جوري و رجاوي
في مساحه مؤلمه من التفكير رديت أكمل الرسمه اللي تمثل وجه جواد و أشواك كثيره حوله و دم و حبل مقطوع احساس عميق بالفجوه اللي بينا ياه تعودت أسامح تعودت أغفر تعودت أتغاضى بس محتاجه انه يسامحني !!
رديت اللوحه لمكانها و رحت أغسل يدي في الحمام و أنا أطالع المويه و هي تزيل الألوان بهدوء و انسيابيه طالعت المرايه أشوف وجهي شفت وجهه في المرايه
لفيت بسرعه أبي أشوفه
سحبني بره الحمام و قال و هو يبتسم
جواد : واحشاااااااني
استغربت هالتبدل الفظيع معقوله سامحني حتى بدون ما أدافع عن نفسي أو يكون بينا جلسة مصارحه !!
وجوده المفاجئ زاد أربكني ..... شلت المنشفه من على الكرسي أنشف يدي
مسكني و شدني قباله
جواد : أقلك واحشاني تقومين تمسكين لي المنشفه ؟!
كان ودي أقوله افتقدك أقلها وحشتني عيونه الناعسه وحشني و أنا أشعر بالدفا هو نايم قربي حتى و هو مجافيني و يصد عني طالعت لعيونه و عيوني تدمع و هو الفرحه متشققه في عيونه ..... رفعت يدي أبي ألمس شعره ما قدرت صديت عنه و بعدت يدي عنه !!
جا وراي ...
جواد : وش فيك يا أميره ليه هالصد لهالدرجه ....
قاطعته و أنا أحط اصبعي على شفايفه
أميره : لاء بس لا تكمل عشان خاطري لا تكمل و ربي تحطمني نظراتك !!
جلست عالكرسي جلس جنبي و هو مره مستغرب مني هزني من كتوفي
جواد : وش فيك ؟
انهرت و أنا أبكي على فخده بمراره
أميره : جواد سامحني الله يخليك سامحني ما يسوى علي أشوفك متعذب فيصل و ربي هو اللي حبني أنا ما عطيته وجه !!
رفعت راسي و طالعته
كان يطالعني بعدم تصديق و كأني أكذب عليه
و هالشي حز في نفسي و خلاني أبكي زياده
أميره : جواد و ربي هو اللي كان يرسل مسجات بس ما أرد عليه صدقني
جواد : و يوم شفتك معاه هذا وش كان ؟!
و ولع سيجارته
بعدت عنه و قلت ...
أميره : هربت منه مسكني غصب عني وقفت ..... أنا يا جواد لا ء ما أقدر أقولها
مو مصدقني صح .. لا ء لاء لا تقول مو مصدقني حرام عليك يا جواد
جواد : طيب فسري لي كذا وش سالفة عبدالله يمكن أكون ظلمتك ؟
أميره : عبدالله انرمى في طريق أقداري أول ما وصلت دبي
عصب من كلامي و قام يهزني
جواد : أنا اللي انرميت في طريق أقدارك صح و شتيني بالجزمه و لااا
قلت بتوسل
أميره : لا مب صح جواد لا تناظرني كذا لا تكون انت و الزمن علي !
طالعته برجاء و أنا أرخي راسي
رفع راسي بيده و قال بحنان
جواد : أطوي صفحة الماضي و انسي
قومني و هو يطفي سيجارته
جواد : أميره أنا أعرفك أنا ساكن جواتك بس انتي مب حاسه فيني ماضيك انسيه و طالعيني أنا المستقبل أنا جواد مستقبلك !!
_________________
|