جواد: تبكين ؟
قلت بمنتهى البلاهه
أميره : أبكي مين قال بالعكس أنا في منتهى الوناسه
جواد: تكذبين على العالم هذول كلهم و لا تكذبين على جواد ما تقدرين العبي غيرها
أميره : يعني ايش ألعب غيرها ..... جواد روح لتدريباتك و ارحمني !
قام يقلدني
جواد: انتي مركبه كاميرات مراقبه و تجسس في الصاله الرياضيه .... كيف عرفتي ؟
أميره : من صوتك اللاهث
جواد: لاهث في خطاك أمشي وراك أعمى العيون
غصب نزلت دموعي مدري ليه حسيت اني ما أستاهل و لا كلمه من اللي قالهم
أميره : ممكن تعطيني رقم سلطانه...
جواد: توعديني ما تبكين أعطيك الرقم ؟!
أميره : بصراحه ما أقدر أوعدك بشي أنا ما أقدر أتحكم فيه صار جزء مني و من حياتي !
جواد: طيب يالله خذي الرقم ........
أخذت الرقم سكرت منه و دقيت على سلطانه
جلست فتره مب قصيره بعدين ردت
أنا لا سلام و لا كلام قلت بحده
أميره : من وين جبتي الدفتر ؟!
ردت بنفس لهجتي مع اني متأكده انها مهي مصدقه طريقتي معاها
سلطانه : في المستودع
قلت و أنا أبكي
أميره : معقوله أكون ظلمته !
سلطانه : أعتقد
أميره : طيب و كلام شيخه عنه
سلطانه : و هو أي كلام شيخه تقوله بيكون صحيح شيخه انسانه حقوده من عرفتها
أميره : طيب وش مصلحتها في هذا كله ؟
سلطانه : هي كانت من أول حاطه عينها عليه بس كان يصدها و يقولها انه لا دينه و لا أخلاقه يسمحون له باللي تسويه و طبعا جن جنونها لما شافته يكسر لك المرسم عرفت انه يحبك فإخترعت هالسالفه عشان تخدعك مثلت عليك صح !!
أميره : أنا شفت خالي مطلق لما ضربها و هي قالت لي لأنها ضربت جواد
سلطانه : قصدك لأنها طلبت من جواد يتزوجها فرفض !!
بعدت السماعه عن اذني بذهول ..... في ناس بهالخسه و الحقاره !!
سلطانه : جواد من أطهر الناس اللي عايشين عالأرض حنا اللي كنا نلح عليه بالزواج بس كان يرفض الحريم و المعجبات يتمنون النظره من عيونه و مب لاقيينها فأعتقد انك لازم تعيدين نظر في كل شي بينك و بينه لأنه ما يستاهل مهما قسى عليك فهو بدافع الغيره أوكي جواد شكاك و أكبر شكاك و إذا غار فلازم تتحملين غيرته و جنونه ...
لأنك يا أميره و لا مؤاخذه تاريخك حافل و تخيلي لو كان هالتاريخ على مرأى من عين جواد ما أعتقد ان أي رجال شرقي راح يرضى انه يتزوج انسانه ماضيها مثل ماضي أميره
آل ......... حاولي تكسبينه لأنه مجنون أميره الحقيقي !!
سكرت منها و أنا متسمره في مكاني من الذهول و جملتين من هالكلام كله تتردد فيني تخنقني تألمني و تجرحني ببطء تكويني بدون رحمه و حقيقه كنت أهرب منها دايم
( ما في أي رجال شرقي راح يرضى انه يتزوج انسانه ماضيها مثل ماضي أميره آل .....
ماضيها مثل ماضي أميره آل .....
ماضيها مثل ماضي أميره آل .....
ماضيها مثل ماضي أميره آل .....
______________
مرت ثلاث أيام بروتينيه قاتله
لدرجة اني التهيت بالرسم و تصومعت في جناحي أرسم بأدوات الرسم اللي ارسلتلي اياها سلطانه ......
البنات في جامعاتهم ما نتقابل الا وقت الوجبات ...
ساميه في غرفتها
و خاله خيريه عند التلفزيون
ذكروني بحياتي أول ما سكنا دبي يا الله كانت فظيعه عانيت رتابه خانقه !!
جوري الوحيده اللي كانت تجلس دوم معاي يا تناديني لغرفتها أو أناديها لغرفتي
أحيانا ننام و حنا ما كملنا سالفتنا قويت علاقتي فيها حيل و صرنا بس نسولف عن كل شي معدا جواد لما تجيب سيرته أقفل موضوعه بأي سالفه ثانيه !!
جواد كان دايم يكلمني و كنت أكره مكالماته لأنها تذبحني و لأني بصراحه ما أستاهلها تحسسني بالذنب تدرون ليته يرد و يضربني من جديد و يقسى على من ثاني ليته يكرهني و يطلقني لأني ما أستاهله و لأني تفكيري مثلي فكنت أعتقد انه راعي بنات ياااااه عالتفاهه كل يشوف الناس بعين طبعه طبعا .......
كنت أبكي و أنا نايمه أصرخ في الحمام و أنا في البانيو و أصرخ بألواني و أنا أمرر الفرشه و أرسم ملامحه بكيت كثير و أنا ألمس الدفتر الجلد و أضمه لصدري بكيت و أنا أتفرج على ألبومات الصور مرات و مرات بكيت على بلوزته السماويه و أنا أضمها آلاف المرات عرفت اني انسانه بماضي لا يغتفر و نسيت اني مسلمه و غير كذا تجاوزت الحدود
ما تتخيلوا قديش كنت أتجنب أفتح الدفتر الجلد عشان ما أقراه قديش حسيت بحنين لصاحب الدفتر و شوق يدفعني اني أطلبه يرد للرياض إحساس يبحر في داخلي بإني ما أستاهله و راح أعيش عذاب لايطاق كل ما يقرب مني أو يلمسني لأني بكل بساطه نجسه و قذره و أقرف ... متأكده انه لما جواد قالها لي قالها و هي طالعه من قلبه ...
تذكرت لما مسكني فيصل في الحديقه و أنا أتمشى بفستان خالع و كيف تميت معاه و خليته يلمسني و يرفع شعري عن وجهي كل هذا و أكيد جواد شايف و كل ما يشوفني يلعني ألف مره لأني ما احترمت حتى اسم العايله ....؟
انسانه بماضي مثلي وش تتوقعون منها تسوي غير انها تطلب الطلاق و لا تتم تتألم بصمت و في داخلي نار والعه تحرقني بقسوه حتى غيره المفروض ما أغار عليه هو أشرف من انه يلمسني لازم نتطلق و يتزوج له وحده بدون تاريخ مجيد و حافل بالإبداعات مثلي تجيب له عيال لهم عزوه و أهل مب خوال الله المستعان يكفيهم أحمد هذا الإنسان حطم الأرقام القياسيه في الجشع و الفجعه على الفلوس ...
كنت أرسم لوحه تعبر عن ألمي بطريقتي ....
سمعت طق عالباب
أميره : هلااااااا
جوري : يا هوووووووو يا الرسامه وش ترسمين ؟
طالعت للوحه بتمعن
جوري : وااااااااااااااااو ما توقعت جواد حلو للدرجه هاذي
ابتسمت بمرح
أميره : جواد طول عمره حلو ويجنن سواء باللوحه أو بغير اللوحه
جوري : يا عيني يا عيني عالحب .... اشتقتي له
حطيت الفرشه بالكوب و قلت بحزن
أميره : مشتاقه بس أشوف عيونه !!
جوري : بس !!
أميره : بس لأني أشوف جواد من عيونه
جوري : يوه يبي لي كورس عندك اتعلم هالكلام الحلو عشان أقوله لقرادة حظي ؟؟
ضحكت عليها و قلت
أميره : ليه مخطوبه ؟!
جوري : ايه و مع الأسف ملكتي الأسبوع الجاي ؟!
أميره : ما شا الله و لا تقولين لي ........ طيب جهزتي شي للعرس ؟؟
جوري : و لا شي
أميره : أوف ليه !
جوري : مالي خلق !........ أوف نسيت تروحين معانا
أميره : وين ؟
جوري : عرس فيه البدع ؟ راح يعجبك لأنه لوحده قصه تسطرينها في لوحتك !
أميره : هاللحين !
جوري : طبعا أنا جيت أقولك خذتيني بالسواليف يالله أنا بروح ألبس
اتصلت على جواد أبي أستأذن منه ترددت بس بالأخير لما سمعت صوته
انثبرت !!
جواد: يا فدى هالقلب و لأول مره في تاريخ هالجوال تدقين منه علي
ضحكني أسلوبه
أميره : دقيت أبي أقولك اني بروح مع أهلك لعرس !
جواد: عرس !!
أميره : عرس لمين مدري بس تو جوري قالت لي و .......
جواد: جوري هذي بروحها عرس
ضحكت من قلب هالمره
جواد: فديت هالضحكه و صاحبتها
قلت بجديه لأني مستحيل أسيح بمشاعري عليه أحتفظ فيه بعيد عن قلبي أفضل لي و له
أميره : أروح !!
جواد: روحي بس لبس خالع ما أبي و تتغطين زين مثل ما علمتك عيونك لا تكشفينها
و لفي العباه حولك زين لا تبعدين عن .........
قاطعته و قلت بتريقه
أميره : طيب يا سي السيد أمرك و لا تزعل كله راح يتنفذ بالحرف
جواد: لما تردين كلميني طيب
خفت من اللهجه الجاده اللي كلمني فيها
أميره : ان شالله
رحت تسبحت و تمكيجت صح يعني مب مكياج صارخ لاء يعني متناسب مع طبيعة فستاني اللي كان بني جبنيز ضيق بس واسع من الأرداف طويل بدون فتحات " لا يفوتكم تنفيذ دقيق للأوامر " خليت شعري على طبيعته مفلول استشورته على تحت و لبست مجوهرات بسيطه و ساعه ذهبيه خلصت من دنيتي كلها على دقت جوال من جوري !
نزلت تحت لقيتهم كلهم لابسين معادا عزه اللي اعتذرت عن الروحه لأنها مشغوله
خالة خيريه كانت تجنن بالفستان العودي و الذهبي مع الذهب اللي لابسته بتناسق
جوري لابسه فستان أحمر شوي عاري و روج أحمر يفقع العين بس بصراحه تجنن هي و عدساتها العسليه اللي مركبتها !!
هديل كان فستانها سكري و جاي مره قصير على جسمها اللي صدق عجبني ما شاالله
شعرها كان حلو رافعته بشكل مرتب ببكله من الماس
رجاوي لبست فستان فيروزي مره حلو بس خالع مره تسريحتها كانت مره كيوت
بس ما عجبني الخاتم الكبير اللي في اصبعها !!
ساميه مره نعومه بفستانها اللي مزخرف بالورود الزرقا متناسب مع بشرتها البيضا و ورده سكريه حلوه تلمع ورى اذنها
طبعا ما سلمت من التعليقات بس كلهم قالوا اني مره حلوه مع تلميحات بسيطه من هديل بس ما علقت عليها !
|