البارت الحادي و العشرين
الساعه :08:30 مساءا
لبست بلوزه بنفسجيه كمها جبنيز و تنوره سكريه مشجره ببنفسجي تحت الركبه بشوي
سويت ميك آب سهرات و مدري وش خربطت بعد !!
شلت جوالي و نزلت لقيت صوفي واقفه عند الدرج
أميره : وش فيك متوتره ؟؟
صوفي : شي بيأهر ؟؟
أميره : الله ليه !!
صوفي : مدري عنا هالمدام شو بدى وشو ما بدى !
هزيت راسي و انا أبتسم
تركتها و رحت للمجلس لقيت الضيوف واصلين و مدام حليمه و لا خبرتني !!
تدرون أول ما دخلت المجلس قامت تطالع الأرض >>> أحسن أنا أوريها !!
سلمت على ضيوفها و كانوا يطالعوني بإنبهار ..
جايبه لي من نساء المجتمع الراقي .... الله يا نساء المجتمع الراقي!!
جلست شوي مع الضيوف أرحب فيهم و أتعرف عليهم لأني أنا ..... صاحبة البيت
و باقي ما انجنيت مثل ما تعتقد مدام حليمه !!
بعد ما تأكدت اني أكلت الجو عليها و قهرتها طلعت و تركتها تلف حول نفسها !!
هههههههههه
رحت جلست بالصاله أفكر في كل شي حولي
أتأمل حوض السمك و أتابع حركة الأسماك بشرود !!
جاني صوت قطع علي شرودي
دانيا : الى وين وصلتي !!
ولا التفت لها ...... تميت اطالع لحوض السمك ..
جلست جنبي و هي تطالع السمك
دانيا : حلوه هالسمكه الذهبيه .... شكلها جذاب
أميره : .....................
دانيا : لبسك مره حلو كالعاده !!
أميره : ......................
دانيا : شفتك طلعتي اليوم ليه ما عزمتيني ؟؟
التفت لها بهدوء و طالعتها بحده
أميره : ما ودك تبعدين عني و توخرين عن حياتي !!
دانيا : ليه تعامليني كذا ؟؟
أميره : لأنك كذا شايفه نفسك ولا شي فأنا أشوفك ولا شي
دانيا : و مين قالك اني أشوف نفسي و لا شي ؟؟
أميره : لأن أفعالك تدلل على انك و لا شي ؟
طالعت الأرض بحزن و قالت :
دانيا : حتى لو قلت لك اني تغيرت و .....و تخلصت من ..........
قاطعتها و قلت ....
أميره : و كيف ممكن تثبتين لي إنك تخلصتي من هاللي تقولينه !
ابتسمت بأمل
دانيا : جربيني !!
عدلت جلستي و طالعتها بتحدي
أميره : و أنا موافقه ؟؟
دانيا : طيب و كيف راح تتأكدين ؟
أميره : تتزوجين !!
كأني كبيت عليها مويه حااااااااااااااااااره
دانيا : أتزوج !!!!!
أميره : وش فيك مب قد الوعد !!
دانيا : إلا ...... بس تفاجأت !
أميره : أها أشوى .........فكرت في شي ثاني !!
دانيا : ليه في أحد يبي بيتزوجني !
أميره : ياي منك حتى عباراتك قويه مثلك قولي في أحد متكلم علي ... خاطبني ...
على طول يتزوجني !! شوي شوي على فمك تراه صغير و ما يتحمل هالكلام !!
قامت تضحك
أميره : ايه في أحد بيتزوجك !!
البنت فتحت فمها
أميره : سكري هالفم مسكين بينشق بعد شوي !!
دانيا : مين !!
أميره : ثامر أخوي !!
طالعتني بإستغراب
قمت و قفت
أميره : شوفي يا قلبي فكري على راحتك و اعطيني رد وقت ما تبين !!
تركتها في حيرتها و رحت لغرفة الموسيقى جلست قبال البيانو
و دقيت على ثامر ........
ثامر : تو عرفتي ان لك أخ اسمه ثامر !
أميره : منك العذر و السموحه يا خوي
ثامر : مب مشكله كان الأميره أميره ناسيتنا
أميره : ههههههه وش أخباركم لكم وحشه و ربي كيف أحمد و طلال و تركي وش أخبارهم..
ثامر : يسلمون عليك يالأميره
أميره : الله يسلمهم
ثامر : انتي وش أخبارك خبرينا عنك ؟
دخلت عرض و بدون مقدمات
أميره : ثامر بقولك شي بس ما تزعل !!
ثامر : أنا عارف ما دقيتي الا ان وراك شي ؟؟
أميره : أنا ...........
ثامر : انتي ؟؟ ......... انتي وشو !!
أميره : تبي الزبده المختصره أنا .... أنا خطبت لك ؟؟؟؟
و بعدت السماعه عن اذني خايفه من ردت فعله ...
و رجعت رديتها مره ثانيه !
ثامر : طيب حلو لأني كنت بأقلك اخطبي لي !
أميره : ايش !!!!!!!!!!
ثامر : وش فيك ....... ايه و الله انا انسان ابي أتزوج ؟؟
أميره : .........................
انا كنت مصدومه !!
ثامر : الا ما قلتي لي و مين العروس !!
أميره : دانيا بنت خالي عبدالكريم
ثامر : و النعم !
أميره : ليه تعرفها ؟
ثامر : لا بس بنت خالي يعني شي أحسن من اني أتزوج بنت عم !!
أميره : و ليه يعني !!
ثامر : بس كذا بدون سبب
أميره : الله يخلف !
ثامر : و وافقت بنت الخال و لا لاء !؟
أميره : باقي أنتظر الموافقه !!
ثامر : على خير ان شا الله
أميره : مب ناوي تمرنا ؟؟
ثامر : انتي اللي مب ناويه تمرينا مرت أحمد على وشك ولاده !!
أميره : أوف ايه صح كلمتها أمس و الله نسيت !!
ثامر : خلينا نشوفك
أميره : ان شالله
سلمت عليه
و سكرت !!
يعني لازم اسافر للرياض عشان ناديه !!
صدق اني ما استحي المفروض و من هي في شهرها السابع أكون معاها
و اللحين هي في التاسع الله يعينها !!لازم أسافر !
حطيت الجوال عالطاوله و قمت أعزف عالبيانو
______________________
الساعه : 10:20 صباحا
سافروا خوالي و عيالهم و رجع البيت رايق و هادي مثل ماكان بقيت أنا و الجوهره
نطلع من البيت نتمشى و نرجع مره ثانيه للبيت مرات أطفش و اروح لمرسمي و مرات غرفة الموسيقى و مرات مع عبدالهادي في صالة الرياضه
مره طلعت الجوهره مع عمي خالد مدري وش راحوا يشترون ؟؟
و أنا جلست أكمل رسمتي الجديده ...
سلطانه ....... قديش واحشتني هالبنت
كل هالأيام اللي مرت تقريبا خمس أيام و فيصل مدري عنه !!
حجزت رحله للرياض مع عمي بدر و الجوهره أبي أتطمن على ناديه !
طلعت لغرفتي أشوف أغراضي اللي بسافر فيها
فتحت الجوال لقيت مسج من فيصل
أميره : يااااااااااه توه يتذكرني !!
وداااعيه يا آخر ليلة تجمعنااا وداااعيـــــــة
وداااعيه اعز الناااس يودعنااا
ليلة ويااا عساااك تعود..ليلة..
عسى الله يصبر الموعود..
أنااا بعدك عمر مفقود
دنيااا بلااا معنى..بلااا معنى..
لحظة يااا بقااايااا الليل..لحظة
لحظة مااا بقى بااالحيل لحظة!!
بااالهدااا يااا ليل ..مااا بقى بااالحيل لحظة..
حسيت اني بنحرم شوفي..
ماااا أقدر أوااادع قطعة من جوفي..
قااال الودااااااااااااع قااال..
لحظة وداااااااااااع قااال
وهلت الدمعة
وسااال الكحل فوق السواااطر
كل دمعة من عيونك اشتريهااا بألف خاااطر
انت غربة..وانااا بدروبك محطة..
آهـ ياااحظي مااا وصل يمي وخطى
قـــــــــااال الودااااااااع قـــــــــــاااااااال
توصلين بالسلااامه يالغلااا
مجنونك : فيصل
على طول دقيت عليه
من أول رنه رد
أميره : زعلان !!!
فيصل : منك لاء
أميره : أجل ؟
فيصل : من الزمن و من الألم من الحياه و من الحلم من كل شي
أميره : الله و ليه زعلان من ذولي كلهم !!
فيصل : لأن محد فاهمني حتى اللي أحبهم ما يبوني
قلت بإنفعال طلع غصب عني
أميره : وش هالإحباط مين اللي قال ان اللي تحبهم ما يبونك !
اولهم الأطفال اللي شفت الحب في عيونهم الحب هذا كان للهوا أكيد كان لك
لأنك انسان غير الناس كلها !!
فيصل : و الله .... هل أنا انسان غير الناس كلها حتى بالنسبه لك
قلت بإنفعال و بدون ما أحس
أميره : ايه حتى بالنسبه لي !!
لحظة صمت !!!!!!!!!
فيصل : أحبك
أميره : مع السلامه
سكرت ........ أنا وش قلت ياااااااااااااااااااااااااااه !!
رميت الجوال عالسرير و قمت لبست عباتي و طلعت للسوق !
رحت لمول كبير كان هادي جدا
تسوقت على راحتي قشيت لي قشه محترمه كلها هدايا للبيبي الجديد
و لبنات عمي الغثيثات و لكل اللي أعرفهم بالرياض
ثقلت علي الأكياس فناديت السواق ياخذها يوديها للسياره
كنت بروح أبي أشرب قهوه !!
بس تذكرت فيصل ...
دخلت محل هدايا و تحف و الخرابيط حقت الحب ههههههههه !!
أول شي خطر في بالي هو قلم فخم من الخشب و كراسة رسم كبيره
مغلفه بالقصدير الذهبي مرشوش ببخاخ برونز
طلبت من صاحب المحل اني أنا أنسق هديتي بنفسي ..
ودخلني لقسم كله اكسسوارات و تغاليف هدايا
و كل الأشياء اللي أحتاجها
و سويت كراسه ماتخرش الميه !!
أاااا قصدي كراسه حلوه و كتبت عليها
محتاجه أحبك بس ما أقدر
كتبت تحتها ( الساميه )
غلفتها بتغليف مره رايق
و اخترت كيس حلو كله ورد
حاسبت عليها و طلعت
آه رحت للدور الثاني أشرب موكا في الكوفي شوب
طبعا وقفت أكلم الفلبيني عشان يسوي الطلب موكا و دونات بالسكر
سمعت صوت من وراي خافت
...... : ما عندنا بنات تكلم رجال
التفت بخوف أطالعه
كأنه الخوف تلاشى يوم شفته و حل محله الإستغراب
أميره : جواد !!!
معقوله ما سافر معاهم وش جايبه هنا !!
جواد : لا تسوين لي فيها محترمه !!
هالكلمه نرفزتني و قومت شعر راسي
رفعت يدي و عطيته كف !!
غير متوقع !!!
أميره : أنا محترمه غصب عليك انت اللي مب محترم
الناس تجمعوا و الكل قاموا يطالعونا !
هو كأني صبيت في فمه صمغ !
أنا جريت مدري كيف وصلت للسياره و قلت للسواق
يوديني للبيت بسرعه !!
دخلت البيت و أنا منفعله وصلت لغرفتي و يالله أشيل عمري
الجوهره : بسم الله وش فيك ؟؟
ما صدقت على الله شفتها انهرت و رحت ضميتها و قمت أبكي ؟؟
الجوهره : وش فيك يالغلا اهدي وش اللي صار ؟؟
أميره : شفت جواد بالمول صفعته كف على وجهه
البنت انصدمت بعدتني عنها و قامت تطالعني
الجوهره : من صدقك !!
هزيت راسي بنعم
الجوهره : طيب ليه وش سوى لك !!
قمت أحكي لها كل اللي صار ؟؟
الجوهره : و الله يستاهل و لا تبكين عشانه ما يستحي !
قمت اطالع الأرض بحزن ليه يصير معاي كذا ؟؟
رحت تسبحت و بدلت ملابسي
و فليت شعري لأنه غرقان مويه !!
و قمت أطالع وجهي بالمرايه
الجوهره : تدرين كذا شكلك احلى بدون ميك آب ؟؟
أميره : كذا بدون شي و الله اني أخرع !!
عيوني بدون كحل خدودي حمر و شفاتي مثلهن
كنت مقرره في داخلي شي بعدين بطلت !!
رحت للبلكونه أطالع الحديقه مره ضايق صدري على اللي سويته بالمول
بس و الله انه يستاهل !!
كنت أطالع الحديقه و خصوصا قسم الورد لقيته واقف هناك بس هالمره بدون سيجاره ؟
دخلت غرفتي و شلت الكيس اللي سويته عشان فيصل و طلعت من الغرفه بدون ولا كلمه
و الجوهره مصدومه مني ....
نزلت و رحت لحديقه الورد و هو مهو داري عني ؟؟
قلت ....
أميره : ممكن !
على طول التفت يطالعني ...
كان يطالعني بإبتسامه عذبه حلوه مدري كيف أوصفها ؟
فيصل : هلا يالغلا !!
ابتسمت و قلت ...
أميره : تفضل هذا لك ؟؟
عطيته الكيس و جيت بروح ..
فيصل : ممكن ؟؟
التفت أطالعه بإبتسامه هاديه
أميره : تفضل
فيصل : قولي لي أحبك ...... حتى لو ما تعنينها أبي أرتاح أبي ... أبي أسمعها منك !!
وخرت خصله من شعري على وجهي ورى اذني و قلت
أميره : أكذب عليك لو قلتها صدقني ما اقدر !!
مدري ليه حسيت انه تضايق من ردي بس عشاني و عشانه لازم اقول كذا !!
جيت بروح ؟؟
فيصل : تتزوجيني !!؟؟
طالعته مبهوته من الكلام اللي يقوله
فيصل : أنا كلمت أخوانك و قلت لهم اني أبيك زوجه لي !
لفحتني نسمه بارده خلت أوصالي ترتعش و خصوصا ان شعري باقي مبلول !!
فيصل : أميره وش فيك بردانه !!
طلعت من ذهولي و قلت بشرود
أميره : يمكن تكون بداية برد !! بطلع لغرفتي بعد اذنك
مشيت و رجولي مب شايلتني طلعت لغرفتي ما لقيت الجوهره
نمت عالسرير و أنا ألف البطانيه حولي لف و اضمها بيديني و أبكي بصوت مخنوق !!
كيف بسافر بكره للرياض و انا بهالحاله !!
ليه يا فيصل آه ليه ليه أبي أفهم !!
الجوهره : بسم الله وش فيك !!
نفضت البطانيه و جلست
أميره : فيصل خطبني
الجوهره استانست و جت باستني على خدي
الجوهره : مبروك ايه كذا خلينا نفرح استقري خلاص و اعقلي !
أميره : ما ابيه !
طالعتني بإستغراب
الجوهره : و ليه ان شا الله !
أميره : مدري ؟؟
الجوهره : ابصم بالعشره اللحين انك خرفتي !!!
سافرنا للرياض كان الإستقبال حافل !!
ناديه ولدت و جابت بنت الحمد لله بالسلامه مثل ما تمنت
و سمتها يارا كنا كلنا مبسوطين أيامها
سوينا لها حفله مره شي و وناسه !!
رجعت لدبي و رجعوا معاي كلهم احمد لأن عنده شغل و عبادي و امير !!
ثامر سافر للجنوب و خطب دانيا رسمي من خالي و شافها طبعا وافقت لأنها تبي تتحداني !! بعدها رجع لدبي
انتشر خبر خطبتي لفيصل حتى بدون ما يسمعوا رأيي و صار له صدى واسع في عايلتنا و خصوصا ان فيصل من برى العيله !!!
و لقى من العايله كلها استنكار قوي محد وقف معاي غير عمي فهد و اخواني طبعا و أولهم عبادي !!
الباقي رافضين و متوعديننا بالهجر و القطيعه لو حصل و تزوجت فيصل
أحمد كان كلام ثاني كان موافق بقوة و استانس مره و كان كل ما صادف و التقينا يحاول يقنعني !!
و هذا الشي اللي كرهته في حياتي
أحمد : و الله انه انسان محترم رجال و لد رجال و غير كذا من عايله مرموقه مركزهم الإجتماعي في مستوانا تقريبا و ناس أغنياء يعني تضمنين مستقبلك و خصوصا ان فيصل هذا لوحده شريك لنا في مشروع قرية سياحيه ضخمه في دبي !!!
أنا طالعت فيه مفهيه و مندهشه !!
يا مزاج الأغنياء الغريب انسان غني مثل هذا ليه ما يعيش في قصر وش جايبه معيشه عندنا !!!
أحمد : تدرين انه عايش بالقصر عندنا بتوصيه مني ما رضيت انه يعيش بسويت
لأنه قاعد الحين يبني قصر بحي من أحياء دبي الراقيه تقريبا بقى له شهر
و ينتهي !!!
كأنه كان يقرى أفكاري ؟؟
بس بصراحه كثير كنت أقرى عن أغنياء عندهم قصور و فلوس و ينبسطون لا ناموا على التراب في الصحراء و لا قاموا يرعون أغنام قبال الخيمه بالبر و لا قالوا فلان بن فلان واحد من رجال المال و الأعمال و الإستثمارات الضخمه محد يصدق !!!
أحمد : أميره أميره وين رحتي !!
أميره : ها اااا
أحمد : لك اللحين شهر كامل لاطعه الرجال ماعطيتيه جواب ..... اذا على أعمامي مصيرهم بيوافقون محد راح يوقف قدام هالموضوع بالذات و انا موجود !!
طالعت فيه ببلاهه و أنا أفكر في اشياء كثير أولها عبدالله اللي اقتحم تفكيري فجأه !
أحمد : يا أميره فيصل هذا انسان ما يتعوض ها وش رايك !!؟
قمت وقفت و أنا أطالعه بجمود
أميره : ما أبي أتزوج يعني مني موافقه ؟
طالعني بصدمه و وقف
أميره : أنا حياتي كذا أحلى مني متخيله نفسي متزوجه و بعدين الأهم من هذا كله
ما أبي أجيب القطيعه لعايلتنا مين أميره اللي بتكسر عادات و تقاليد لها سنين عشان
شويت فلوس أو استثمارات عقاريه !!!
أحمد أنا تعودت أكون حره منطلقه دائما ....
جا بيتكلم و يرد علي قاطعته !!!
أميره : أحمد مع احتراماتي الشديده لك لا تجادلني في قرار أنا اتخذته و اقتنعت فيه ......أنا آسفه
قام يطالع الدنيا اللي حولي بزعل
أميره : اذا على المشروع اللي شراكه بينكم ما أتوقع ان فيصل بهالنذاله عشان يفركش مشروع طويل عريض لأني ما وافقت أتزوجه لا تشيل هم المشروع بيكون من أحسن المشاريع
بالبلد آسفه لو زعلت بس هذا قرار و اتخذته !! و ما أقدر أتراجع عنه
رد يطالعني و يبتسم لي بهدوء
أحمد : لا تتأسفين هذا قرارك و حرية شخصية أحترمها في الأول و الأخير هذي حياتك
مدري حسيته ما قدر يكمل كلامه و طلع بسرعه حتى بدون ما يكمل !!!
أكثر شي قهري اني حسيت اني كسرت كلامه كان متعشم اني أوافق !!
جيت أبي أطلع من الصاله !!!
نطو بوجهي ثلاثتهم عبادي و ثامر و أمير
كانوا متشققين من الوناسه صفقولي بحراره و طالعوني بفخر
مسويين لي مسلسل كل واحد فيهم يسلم علي
أمير : قرار مذهل و لو انه صديق عمري ما أرضى عليه بس انتي أهم
جا ثامر و سلم علي
ثامر : عاقله و الله عاقله أحييك من قلبي
أما عبادي ضرب على يدي بإنتصار الأخ معلمني حركات الإنتصار حقت الرياضيين
عبادي : انجاز
قلنا أنا و اياه سوى
عبادي و أميره : انتصار مذهل
و ثامر و أمير يطالعوني
أمير : بصراحه أنقذتينا من كارثه و فضيحه بتصير بين العربان !!
ثامر : كنا بنحضر الجلسه من أولها بس خفنا أحمد يطردنا
قمت أضحك عليهم فجأه تذكرت صورة فيصل تقتحم هالضحكه !!
نزلت راسي بحزن و طلعت لغرفتي و أخواني مستغربين هالتغير !!!؟
جيت بدخل لغرفتي لقيت صوفي في الصاله
جت قربت مني
صوفي : سلامتك مس أميره
أميره : رفضت فيصل ؟؟
حسيتها تنهدت بإرتياح
صوفي : منيح اللي رفضتيه !!!
دموعي كالعاده غدرتني و سالت على خدي
أميره : ليه كلكم تباركوا ليه بهالشي ليه !!! و ليه أنا حزينه في داخلي على هالقرار
نزلت راسها بحزن
صوفي : بس هيك انتي أنقذتي سمعة العيله
طالعتها و أنا أشهق ....
قامت و ضمتني !!!!!!!!!!!
صوفي تضمني .... من عجايب الدنيا !!
أميره : بس أنا راح أفتقده كثير يا صوفي
صوفي : آه حبيبة ألبي .....
وخرتني عنها و مسكتني من كتوفي
صوفي : من الأصول الفلسفيه انك ما تندمي على قرار جاد انتي اتخذتيه بعد تفكير !!
انتي صح مس أميره لا بأ تخلي عواطفك تهزمك ....
مسحت لي دموعي و طالعتني بتشجيع و هي تصفق
صوفي : برافو مس أميره بحييكي على شجاعتك و قرارك الصائب
ابتسمت و ضميتها بقوه
_________________
الساعه : 07:30 مساءا
صحيت فجأه من النوم ؟؟
على رنين جوالي المزعج و المتواصل مين هالمتصل الغثيث اللي يقطع نومي بهالعفاشه !!
رديت بملل
أميره : هلا يا جوجو
صرخت في السماعه بعلو صوتها
الجوهره : جوجو في عينك !!
بعدت السماعه عن اذني و حطيت اسبيكر
رميت الجوال جنب مخدتي و انسدحت
أميره : وش تبين انتي بعد !!
الجوهره : وجع يوجع العدو وش هالرد حسبي الله على ابليسك
أميره : نايمه يالجوهره و قومتيني من نومي !!
الجوهره : قاهرتني و رافعه ضغطي لا و تبيني أخليك تنامين هذا اللي ناقص بعد
أميره : و وش هو الشي اللي رافع ضغطك ؟؟
الجوهره : رفضتي فيصل يالغبيه
عدلت مخدتي بإستغراب و قلت :
أميره : ما شالله لحق الخبر ينتشر ؟؟؟؟ فعلا عائله عجيبه !!
الجوهره : ليه رفضتيه ؟؟ لا تقولين لي عادات و تقاليد !!
استغربت انها زعلانه اني رفضت فيصل مع ان الكل أيدوني
أميره : و انتي شلي مزعلك !!
الجوهره : مدري !! بس فيصل انسان ما يتعيب ليه رفضتيه أبي أفهم
طالعت للسقف وقلت :
أميره : ممكن تقفلين على هالموضوع و اللي يعافيك !!........
قمت و تعدلت في جلستي و كملت
أميره : جوجو بكلمك بعدين !
الجوهره : على راحتك !!
قالتها و هي معصبه حيل الحمد لله مهي هنا كان اقلها اقتلتني !!!
أميره : لا تزعلين يالله باي !!
سكرت منها و قمت أطالع لشاشة الجوال
خمس مسجات و عشر مكالمات لم يرد عليها
ابتسمت و حطيت الجوال عالطاوله و قمت أتأمل الصدفه اللي طول الوقت تذكرني
بالإنسان اللي ما نسيته أبدا ...... قمت تسبحت
بدلت ملابسي لبست لي بلوزه خضرا مشجره و تنوره بيضا و جزمه خضرا
صليت و مشطت شعري بإهمال و نزلت للصاله لقيت عبادي
عبادي : هلا على وين ؟؟
أميره : عالمرسم ؟؟!!
و فعلا رحت للمرسم أتأمل اللوحات لبست المريله و قمت أرسم !
طق الباب ....
صوفي : مس أميره
أميره : نعم يا صوفي ؟!
صوفي : في وحده بدى اياكي
حطيت الفرشه عالحامل بإستغراب !!
أميره : مين !!
صوفي : آلت لي انك تعرفيا من زمان !!
فصخت المريله و قمت وراها !!
رحت لغرفة الضيوف ... صوفي فتحت لي الباب و دخلت !!!
و بصراحه أول ما شفت الضيفه المزعومه انصدمت !!!!!!!!!!!!!
أماني !
يااااااااااااااااااااااااه وش ذكرها فيني هالوقت بالذات !!
أول ما شافتني وقفت !!
سلمت عليها بذهول و ابتسامه غريبه !!!
أماني : شحالج أميره ؟
أميره : الحمد لله انك بعد ما نسيتي اسمي !!؟؟
حطت يدها على يدي
أماني : و الله ما نسيتج صدقيني !!
طالعت ليدها اللي على يدي و طالعتها
أميره : أنا وش قلت ؟؟؟ قلت الحمد لله بقيت في الذاكره بدليل مر وقت وش طوله !!
و باقي في ناس من الزمن الغابر متذكريني !!!
أماني : اعذريني يالغاليه لأنه جوالي انسرق و ضاعت كل الأرقام .....
قاطعتها و قلت
أميره : و من ضمنها رقمي !!
أماني : ايه أميره شو فيج ؟؟
صديت عنها و طالعت للجهه الثانيه بملل
أماني : افتقدتج ؟؟
أميره : ايه صح !! و مبروك عالخطوبه !
طالعت ليدها بإرتباك و قالت
أماني : الله يبارك فيك ؟؟
أميره : مين سعيد الحظ ؟
أماني : ولد خالتي .....
قربت مني !!
أماني : تغيرتي يا أميره
أميره :.........................
أماني : طيب ممكن نطلع نتمشى شوي ما ينفع نرمس في هالمكان !
التفت لها أطالعها !!
أماني : يالله يا أميره !!
تنهدت بقهر و قمت طلعت لغرفتي بدلت ملابسي لبست عباتي
و شلت قشي و طلعت
لقيت عبادي باقي في الصاله يتفرج تلفزيون
أميره : بطلع
عبادي : لوين !!
ابتسمت بسخريه
أميره : للهنا يالهنا !!
مشيت و تركته ....... و طلعت مع أماني
طول الوقت و أنا ساكته
أماني : عبدالله يسلم عليك !
التفت لها بعصبيه غير متوقعه و قلت
أميره : و اللي يرحم والديك ما تجيبين لي سيرته هالإنسان !!
وقفت السياره و طالعتني مصدومه !!
و قالت بزعل
أماني : على أمرك يالشيخه ؟
نزلت راسي و سكت
هي شغلت السياره و مشت !!!
أميره : أنا آسفه
أماني : ................
جلسنا ربع ساعه تقريبا ساكتين !!؟
لين وصلنا عند مستشفى .............!!!!!!!
وقفت السياره و التفتت لي
أماني : بتنزلين !!!
أنا كنت مستغربه اننا هنا مع ذلك شلت شنطتي بإستسلام و طلعت !!!
دخلنا المستشفى !!!
اللي كان يدور في بالي ذاك الوقت اني دخلت المستشفى بإرادتي و انا واعيه لاني مريضه
و لا ماخذه جرعة منوم قاتله و لا مجنونه !!!
داخله بكامل قواي العقليه بصحتي و عافيتي !
أتأمل المرضى و الممرضات ...
و الدكاتره اللي رايحين و جايين .....
فجأه و أنا في هالأفكار مر من قدامنا سرير يدفونه مجموعه من الممرضات و الأطباء !!
يد استسلمت بصمت و طاحت من على السرير و وجه مكسي بالدم و الجروح !!
حتى الملامح يا ربي مب واضحه !!
و أكياس المغذيات و الدم موصله بأنابيب لمريض ميت !!
وقفت من الصدمه نزلت دموعي و أنا أتخيل و أتذكر أبوي اللي كان الدم مغطي وجهه و القزاز متناثر عليه و هو يتألم مب لاقي أحد يساعده !!
نزلت دمعتي على خدي بقوه و حراره !!
......... : لو سمحتي ....... لو سمحتي
التفت بسرعه لمصدر الصوت !!!
طالعتني الممرضه بعصبيه و هي تبعدني عن طريقهم عشان ينقذون المريض الميت !!
قلت بهستيريه و أنا أبكي
أميره : تنقذون انسان ميت !!
التفت الدكتور و طالعني !!!
أماني : أميره يالله
مسكتني من يدي و سحبتني
أميره : شفتيهم المجانين هههههههه ينقذون واحد ميت هم كذا مجانين !!
ما يجون الا في الوقت بدل الضائع ههههههه !!
طالعتني بهدوء و نزلت راسها !!
ركبنا اللفت و حنا نطالع بعض ....... اختارت الدور الثالث !!
كان هالدور هادي جدا !!
لأن اللي فيه كانوا تقريبا ميتين موت مؤقت !!
مرينا في ممر كبير و فجأه وقفت أماني !!!
قدام باب غرفه فتحت الباب و دخلنا ؟؟
رفعت عيني أطالع المريض اللي سحبتني من البيت عشان نشوفه
من الصدمه من الروعه شهقت و حطيت يدي على فمي !!
عبدالله !!!!
نزلت الدمعه حاره مثل الجمر هي نفسها تتألم !!
مشيت ببطء أحاول أستوعب الوضع لا شكلي أحلم
ضغطت أماني على يدي بصمت و هي تطالعني
وصلت عند سريره لقيته ممدد لا حول له و لا قوه ملامح جامده لإنسان ميت !
قلبه ينبض في جهاز تخطيط القلب بهدوء و يده موصله بكيس مغذي
ملامحه هادئه مثل ما أعرفه كأنه نايم ...
تذكرت الإنسان المرح اللي كان يخلط الموكا بالكابتشينو ببراءه الإنسان اللي أهداني الصدفه
الإنسان اللي حسسني بالأمان و الحب الإنسان اللي تعذبت عشانه و تعلقت فيه
الإنسان اللي عاش معاي في فتره من فترات حياتي ...... حلمت فيه حتى قبل ما أشوفه
قطعتني من ذكرياتي .........
أماني : عبدالله يسلم عليج دايم .....
ابتسمت و هي تكمل كلامها
أماني : من سبع شهور و هو على هالحال .... من دخل في الغيبوبه و أنا كل يوم أيي هني
ارمس له و أبكي شوي و أطلع و هو لا يحس و لا يسمع !!!
طالعته و أنا منهاره و أبكي
نزلت لمستواه و قلت
أميره : عبدالله أنا أميره تسمعني صح !!
حطيت يدي على شعره
أميره : انت باقي عايش ما مت أكيد لأني أنا اللي مت رد علي الله يخليك !!
أنا باقي على وعدي ما نسيتك أتذكرك يالغالي و ربي !!
قمت بسرعه و طلعت من الغرفه ما قدرت أتحمل نزلت بسرعه باللفت و طلعت من المستشفى !!
و صرت أمشي و أنا أبكي .... دقيت عالسواق يجيني
( لحظه صامته ... يكسوها الألم ... و يكسرها الحنين و الشوق )
_______________
الساعه : 09:00 صباحا
نزلت أفطر ......... لقيت عبادي و ثامر و أمير و أحمد
سلمت عليهم و سحبت لي كرسي بهدوء و جلست
صبيت لي شاي بدون سكر
و حطيته قبالي !!
و قمت أقلبه !؟؟
رفعت راسي و طالعت أحمد
أميره : أحمد ممكن أقول شي !!
أحمد : تفضلي
أميره : أبي أشتغل معاكم بالشركه
لحظة صمت أخواني كلهم طالعوني !!
أحمد عصب و ضرب بالملعقه اللي كانت في يده على الطاوله
أحمد : قلت لك ألف مره لا تفتحين معي موضوع منتهي
دف الصحن بعصبيه و قام !!
طلع من غرفة السفره و أنا أسمعه يقول لصوفي تقول لسيتي تودي له الشاي في الحديقه !
طالعت بإستغراب
أميره : وش فيكم تطالعوني !!
|