البارت الثامن عشر
الساعه : 11:10 صباحا
كنت أتقلب على سريري ما قدرت أنام من كلام دانيا المقرف
نفضت بطانيتي على رنة الجوال مسج يعلن عن وصوله !!
فتحت المسج بكسل :
صباح الغلا يالغلا
اليوم عندي موعد في الوزاره إدعيلي
مجنونك فيصل
ابتسمت بإعياء
غريبه طيب ليه ما يتصل يكلمني
لا حتى لو اتصل ما راح أرد عليه !!!
ما احبه و حتى لو أحبه ما راح أرد ؟؟؟
أميره : الله يوفقك .... يا فيصل
مدري ليه تذكرت سالفة التنفس الصناعي ؟؟
حطيت الجوال جنب المخده و قمت !!!
توضيت و صليت و جلست أقرى قرآن شوي
رن جوالي .... مسج
يسألوني ليه احبك حب ما حبه بشــــــــــــــر
و ليه انتي في حياتي شمسها و انتي القمــــــــر
و ليه صوتك لي وصل صحراي يملاها زهــــــــر
علميهم يالحبيبه آه يا أغلى حبيبه
يسألوني و ليتهم مثلي يعيشون الهــــــــــــوى
الأصابع في اليدين الواحده ما هي ســـــــــــــوى
عندهم حبك طبيعي و عندي فوق المستــــــــــوى
اعذريهم يالحبيبه آه يا أغلى حبيبه
يسألوني و في شفاتي يرتعش حر الجــــــــــواب
ما دروا انتي بحياتي راحتي و انتي العـــــــذاب
و انتي حلمي اللي عشقته و طار بي فوق السحاب
خبريهم يالحبيبه آه يا أغلى حبيبه
يسألوني و انتي أكبر من سوالفهم جميـــــــــــع
و انتي أجمل ما خلق ربي في الكون الوسيــــــــع
و اني أتلاشى بدون عيونك الخجلى أضيـــــــــع
علميهم يالحبيبه آه يا أغلى حبيبه
مجنونك فيصل
لهالدرجة شاغلتك يا فيصل و ربي آسفه بس أنا ماني لك !!
كنت أقولها لنفسي بالغصب ما أبي أحب و أعشق و أتعذب في الأخير
الحب في الأول و الأخير حلو بس مريع !!!
لا تسألون كيف أحب اسئلوني وش بعد الحب ؟؟
طيب و عبدالله علاقتك مع عبدالله وش هي يا أميره ؟؟
هذا السؤال اللي أعتقد ان الأيام راح تجاوب عليه !!
آآآه يا فيصل أعتذر لك بصمت اني ما أقدر أحبك ؟؟
و بكل صراحه قلبي متعلق في غيرك !!
حطيت الجوال و قمت بدلت ملابسي لبست بنطلون جنز كحلي و بلوزه بيضا
حرير كأني بدوام رسمي رفعت شعري و ربطه صاير مثل ذيل الحصان
حطيت ميك آب خفيف و تعطر بعطر المشمش و نزلت
لقيت صوفي بالمطبخ مع ماري
أميره : صباح الورد
صوفي : صباح الهنا كيفك مس أميره ؟؟
أميره : الحمد لله نحمده رب العالمين على كل حال
صوفي : شو بدك تفطري اليوم ؟؟
أميره : ودي في تشيز كيك بالفراوله و موكا بدون سكر
تركتها و رحت للحديقه لقيت دانيا قاعده تتمشى انصدمت من لبسها رحت لعندها
أميره : وووووووووش هذا !!!!
كانت لابسه تنوره بيضا فوق الركبه بالمره و لابسه بلوزه زرقا بدون أكمام و بطنها باينه
و فاله الشعر .
دانيا : وش فيك ؟؟
أميره : وش هاللبس ؟؟
دانيا : يوه يا أميره خوفتيني ؟
أميره :وش اللي خوفتك (( و قمت أقلدها يوه يا أميره خوفتيني ...)) وش هالبس يا دانيا
افرضي واحد مر من العيال وشافك ...
دانيا : يووووووووه منك يا أميره ؟؟
البنت برطمت و دخلت للصاله و هي زعلانه
قمت أدلع
أميره : يا ربي ياي زعلتي ؟؟!!!
ضحكت و هي تختفي من قدامي ...
رحت للخيمه لقيت عبدالهادي جالس يتفرج تيلفزيون
عبدالهادي : هلا و الله بأميره زارتنا البركه
دخلت و جلست
أميره : هلا فيك ؟؟ وين خوالي ؟؟
عبدالهادي : الكل نايمين .... خربوا علينا تدريبات الصباح ؟؟
ابتسمت و قلت :
أميره : تحمل ... من جانا الله يحييه !!
عبدالهادي : الله يحيي الجميع .... على فكره تراي خطبت ؟؟
طالعته بإستغراب
أميره : أما ما مداك توك أمس معي ...كيف تخطب من وراي !!!
عبدالهادي : كلمت أبوها و بيردون لي جواب بعد كم يوم ؟؟
أميره : و من هي تعيسة الحظ اللي بتخطبها !!
ضحك و قال :
عبدالهادي : الجوهره
نطيت في وجهه من الفرح
أميره : لا و الله صدق .... بالله من صدقك تتكلم ...
عبدالهادي : اركدي يا بنت ايه خطبت الجوهره
أميره : أماااا .... الشينه كلمتني و لا علمتني و الله لأوريها
عبدالهادي : لا تقولين عن زوجة المستقبل شينه !!؟
أميره : ما عليك هذي مصطلحات بينا لا تشغل بالك فيها .......
بعدين تعال هنا قلي وش دراك انها بتوافق عليك !!
عبدالهادي : احساسي ؟؟
أميره : ياي يا احساسي و لا الربطه الحمرا..... لا يكون هي البنت اللي معذبتك !!
ضحك علي و قام طلع من الخيمه مخليني في حيرتي
الله يهنيهم يا رب !!
قمت رحت للمطبخ خذت التشيز كيك و الموكا
و جلست بالصاله ..
أميره : اللحين أقولك البسي مستر تقومين تلبسين لي دراعه !!!
دانيا : و الله انتي يا أميره ما يعجبك العجب و لا الصيام في رجب !!
بست على خدها و قلت
أميره : حقك علي يا قلبي و لا تزعلين ... الا قولي لي وين خالتي بدريه و خالتي حليمه
دانيا : طلعوا من بدري ؟؟
أميره : حركات و الله يعرفون كيف يرفهون عن أنفسهم !
كان التلفزيون مشغل على فيديو كليب لصابر الرباعي " عزة نفسي "
كانت ساهيه و سرحانه فجأه التفتت لي تسألني !!
دانيا : مين عبدالهادي !
أميره : أخوي بالرضاعه و ولد عمي
دانيا : أها ...
قلت بمزح
أميره : لا تكونين حاطه عينك عليه تراه خاطب ؟
دانيا : لا بس شفته مار من الحديقه سألت ؟؟
أميره : و كيف عرفتي ان اسمه عبدالهادي ؟؟
دانيا : سمعتك تنادينه أمس ؟!
أميره : أمممممممم أها
دانيا : لا يروح فكرك بعيد .... ترى مشاعل ماليا علي حياتي !!
قلت و انا اطالعها بنفره
أميره : مشاعل !!!!!!! و وجع يوجعك انتي و اياها ...... مشاعل حقت أمس !!
قالت لي بإستنكار
دانيا : اسمها خويتي و حبيبتي يا أميره !؟
أميره : صدق انك قليلة أدب !!
قربت مني و قالت
دانيا : بالله أميره ما فكرتي يكون لك خويه انتي مزيونه و .......
أميره : بالله اسكتي لا تكملين بلا كلام فاضي كيف أحب وحده مثلي بنت !!
بنت يا دانيا اللي فيها فيني و بعدين هالشي حرام و نهايته شينه فليه أروح للشين برجولي !!
بلا قرف يا شيخه .... تقليعه جديده مخترعينها على غير سنع ؟!
قطعت علينا السالفه شيخه ...
دخلت بدلع
شيخه : هاي جيرلز
طالعتها بتعجب
أميره : و عليكم السلام
دانيا : على وين يا حافظ ؟
شيخه : بروح أمشي في الحديقه
كانت لابسه ترنج رياضي مجسم جسمها و ووكمن في جيبها و السماعات بإذنها !
و لابسه جزمه سبورت !!
و الله شكلها يحمس عالرياضه لأني من زمان ما سويت رياضه
أميره : تنتظريني لين أبدل ملابسي و أجي معاك !!
هزت راسها و هي تنطنط
طلعت لغرفتي و لبست ملابسي الرياضيه المعتاده بلوزه قطنيه بدون أكمام و بنطلون على الجسم قطن جزمتي السبورت و الربطه اللي أحطها دوم على راسي
قمت أتأمل شكلي في المرايه .... حسيت ان وزني زاد !!!
نزلت لهم بالصاله
دانيا صفرت و هي تطالعني بذهول
دانيا : جسمك روعه مثل جسم جيسكا ألبا واااااااااااو
شيخه : شكلك كيوت يا أموره
قامت تنطط و تكمل ...... جو هد أميره !
طلعنا من الصاله للحديقه
أميره : في صاله رياضيه كبيره في الجزء الغربي تعالي بوريك اياها ؟؟
شيخه : واو صدق ... عز الطلب ؟؟
ما تدرون هالبنت نعومه كيف و طيوبه بعد بس مايعه و ياي تتقرف من كل شي !!
و احساسي يقولي انها انسانه خبيثه و رايحه فيها و بوجهين الطيب اللي أشوفه اللحين و الخبيث اللي ما يبين الا في وقت هالله هالله !!
( من أصعب الأمور في الحياااه هي أن تطلق الأحكااام من المظهر الخااارجي )
دخلنا صالة الرياضه
شيخه : واااااااااااااو روعه
راحت تجرب كل جهاز بالغرفه و أنا قمت أسوي تدريبات اليوغا ..
قامت تمشي عالسير و تسولف
شيخه : تدخلين هالمكان عشان تدريبات اليوغا بس !!
هزيت راسي بنعم
شيخه : اليوغا استرخاء ... مالها دخل بالرشاقه الجسميه
أميره : يوه يا شيخه هالرياضه تحتاج لتركيز خليني أركز و خليك مع أغانيك
شيخه : تدرين وش أسمع ؟؟
أميره : وش !!
شيخه : أغنية سيلين ديون a new day has come
أميره : طيب ممكن تشيلين السماعه خلينا ننسجم سوى !!
بعد ساعه و نص خلصنا من الرياضه و طلعنا
رحت لغرفتي تسبحت و صليت سويت مساج ليديني و رقبتي و رجليني
طالعت الجوال بملل مكالمه من الجوهره و مسج من .....
مجنوني !!! هههههههههه
غلاااي اشتقت لك
و ضاااع القلم و انسكب حبر الأماااني و الورق
تهااات معاااني كلمتي في خيااالك
و ابتدى الحب في عروق الأمل
ابيع لك حبي و اشري لك حناني
يااا روح الهوى و يااا كل الأماااني
أحبك
توفقت الحمد لله في الوزاره برد لك اليوم
أشتقت لك حيل حتى لو من بعيد لأني أحبك
يا أغلى حبيبه
مجنونك : فيصل
تدرون اني بكيت ؟؟!!
ودي أدق عليه و أقوله أنا مب لك انت تستاهل انسانه أحسن مني
تحبني بهالقدر و تتمنى الأماني و أنا بروحي هنا متعذبه !!
و الله يا فيصل أنا مب لك !!!
آه يا ربي لو قلبي ما تعذب لابد قلب غيري يتعذب ؟ و عشاني !!
حطيت الجوال على المخده و دفنت راسي في البطانيه و قمت أبكي
فجأه ... مسج يعلن عن وصوله
مجنون أميره
ودي أسمع صوتك ...
ودي اسمع نبرة الصوت الحزين
و همسة القلب الجموح
تهز أطراااف الحنين
معشوقتي ودي أسمع صوتك مشتاق له حيل
لبي لي هالرغبه الجموحه اللحين لأني بكل
بساطه مشتاق لك يا أغلى نااااااااااسي
ما كمل دقيقه الا و هو يدق
طالعت الجوال و هو يرن و الدموع تسقط عالشاشه بإنتظام
أرد و لا ما أرد !!!؟؟
قررت أرد قبل الرنه الأخيره عشان أحسم الأمر و أقوله على كل شي
رديت ..............
أميره : فيصل لو سمحت ممكن تسمعني ؟؟
سحبت نفس قوي لصدري أخفف التوتر اللي صايبني بعدين أكمل !
جاني صوته وااااو على هالصوت يجنن !
صوته دافي و حنون أول مره أكتشف هالشي مع اني سمعت صوته قبل ...
معقوله الجوال يحلي الصوت بهالطريقه !!
فيصل : قولي يالغلا أسمعك ؟ ليه ما أسمعك و انتي الدنيا باللي فيها ؟
أميره : أنا يا فيصل .......
قاطعني و قال :
فيصل : ليه تبكين !! أشوف دموعك حزينه أشوفها تراي ليه الدموع يا أميره ?
كاتمتني هالكلمه أبي أقولها أبي أقوله اني مب له بس حراااااااااام بينجرح أكثر
و أكثر لا عرف صدي عنه مدري وش أقول غير ؟؟
يا رب تعرف الحقيقه يا فيصل حقيقة اني مب لك ؟؟
أميره : فيصل ؟؟
فيصل : عيون فيصل و قلبه يسعد لي هالصوت توني أعرف ان اسمي حلو !!
أميره : ممكن ......... ممكن .... ما تتصل على جوالي ؟!
سكت شوي بعدين قال :
فيصل : اللي تشوفينه يا أمورتي مجنونك عند الطلب وقت ما تبين !
مدري ليه هالكلمه يوم قالها ضحكتني .... ضحكت من قلب و ربي نسيت اني أكلمه بالجوال و الله اني ما استحي !!
فيصل :.................................
توني أتدارك المصيبه قاعده أضحك وش بيقول عني ؟؟
أميره : آسفه ..... مب قصدي
فيصل : لا لا ء أنا مستانس مدري كيف أوصف لك كيف هالضحكه ذوق ؟
أميره :..................
فيصل : تدرين
أميره : نعم
فيصل : أحبك ......... برد اليوم لدبي بعد كم ساعه
أميره : ..............
فيصل : أدري اني أحرجتك بس ...... أحبك
أميره : فيصل مع السلامه
سكرت و أنا حاطه يدي على قلبي يووووووووووووووه آآآآآآآآآه يا قلبي
توني ألتقط أنفاسي إلا و أمير يتصل ...
أميره : هلا
أمير : لا إله إلا الله أول مره تردين بهالسرعه ......... منتظره مكالمه ؟؟
أميره : هاااا لا لا بس كان الجوال قريب مني !
أمير : المهم اليوم ناوي أسوي حفله للعيله ؟
أميره : بمناسبة ؟
أمير : كذا فكره هفتني و بعدين ودي يفرفشون شوي !!
أميره : يا شيخ !!
أمير : كلمت صوفي تزبط الأوضاع ؟؟
أميره : اللي تشوفه
سكرت منه و قمت ... أبلغ البنات و العايله الكريمه .. و رجعت طلعت لغرفتي ؟
تمددت عالسرير و قمت أتأمل تعليقة فيصل ...
*
*
*
*
*
*
*
*
الساعه :09:11 مساءا
الطرب واصل حده من هنا في غرفتي كنت أسمع أصوات الموسيقى و الله صوفي خطيره
كشخت عالآخر استشورت شعري آح راسي و الله طلع شعري ناعم و سايح هههههههههه
لبست فستان عادي فتحت الصدر وسط مخصر الجسم يجمع بين اللون السكري و السماوي و الأصفر و التفاحي لبست تعليقة فيصل و حلق خفيف لبست صندل سماوي
حطيت ميك آب خفيف و غلوس بيج تعطرت بعطر ريحته مره قويه و نزلت
لقيت سلطانه جالسه في الصاله شكلها جنان مره شي و الله هالمشاري ضيع من يده انسانه روعه بس هي الله يهديها لو تترك هالغرور شوي !!!
سلطانه : شكلك حلو
أميره : شكرا مب ناويه تطلعين الحديقه ؟؟
مسكتها من يدها و طلعنا للحديقه الجو وناسه
تجمعوا حولنا البنات
دانيا : يا أميره شكلك خطير
عبير : ذوق ما شا الله
كانت صوفي مسويه دي جي مره خطير كل أغنيه فيه أحلى من الثانيه
ابتهال : بنات واو تعجبني هالأغنيه تعالوا ؟؟
بدت الأغنيه و قاموا البنات يرقصون قمت أرقص معاهم من زمان ما رقصت تدرون !
أنااا دبت دوب دوبني تاااني
أنااا في العيون دي أحب أدوب
يااا دوب يااا دوب رمشك نداااني
خلصت شوء كل الئلوب
يااا عيني أولي لو يوصفوااا لي
عن العيون دي اذاااي أدوب
ويااا العيون ديااا ألبي مااالوش نيااا
أصل الهوى جاااني
خوفي من الغيااا لاتسبني وحديااا
و أرجع لأحزاااني
و انا ارقص شفت صوفي تطالعنا بصمت
رحت سحبتها ترقص معانا كانت مستحيه حييييييييييل
مسكت يدها و قمت ارقصها
اللي الأمر غنااا لعينيهااا و اتهنى
صحت لي موااالي
بين نظره و التنياااا احلوت الدنيااا
و لائتهااا جيااا لي
يااا عيني أولي لو يوصفوااا لي
عن العيون دي اذاااي أدوب
أنااا دبت دوب دوبني تاااني
أنااا في العيون دي أحب أدوب
يااا دوب يااا دوب رمشك نداااني
خلصت شوء كل الئلوب
ديمه : يا هوووووووو عاشوا عيدوها مره ثانيه .....مره شي
دانيا : لا لا خلينا نشوف وش الأغنيه اللي بعدها ؟
أنا مره تحمست و بدينا ننتظر الأغنيه اللي بعدها
ابتهال : واااااااااااااااااو اسمعوا يا بنات
يعني يعني ماااودك تجينااا
يعني متكبر علينااا يعني متكبر علينااا
يعني مااا ودك تجينااا يعني متكبر علينااا
صرت متغير و قاااسي صرت حتى تشك فينااا
دانيا : واااااااو بنات يالله
قمنا نرقص مدري وش جا علي ؟؟!!
و قمت أرقص
ما نسينااا الماااضي و الله
و عن جفاااك يعين الله
و ان نسيتوااا بشكي يالله
و ان هويتونااا هوينااا
حط نفسك في مكاااني
كيف اتحمل زماااني
جرب احساسك عشاااني
قول و الباااقي علينااا
صدق حبيتك يااا غااالي
و اسهر عشااانك ليااالي
كيف بنسى ذااا محااالي
و من العواااذل مااا علينااا
يعني مااا ودك تجينااا يعني متكبر علينااا
صرت متغير و قاااسي صرت حتى تشك فينااا
يعني يعني ماااودك تجينااا
يعني متكبر علينااا يعني متكبر علينااا
أميره : آه يا بنات أنا تعبت
و قمنا جلسنا
خالتي حليمه و بدريه كانوا يسولفون بإنسجام تام مب داريين عن شي ؟؟!!
شيخه :وش رايكم بنات نلعب ؟
ديمه :فكره حلوه ..
عبير : نلعب بلوت وش رايكم ؟؟
شيخه : لا هاللعبه عفشه أحسها تصلح للرجال
طالعتها دانيا بإستغراب
دانيا : ليه يالشيخه وش ودك تلعبين ؟
في هاللحظه كانت تبدى أغنية
لا تصدقونه يوم لا قااال ناااسيني
و الله مااا يقدر أبد يوم ينساااني
أنااا اتحداااه اذا يقدر يخليني
مسكين كل مااا اصد عنه ناااداااني
شيخه : شطرنج
قلت بدلع :
أميره : يا ربي بتلعبين شطرنج ليه ؟؟
شيخه : لعبه رايقه بس تغيرين أماكن الأحجار بذكاء اللي عليها بسرعه
جا هالمقطع من الأغنيه
دوم أتغلى و بكيفه يراااضيني
و يموت لي قلت له حبيت أنااا ثاااني
هو صااار عندي مثل لعبه في يديني
من وين مااا راااح قلبه صااار يلقاني
أميره : يا قلبو النعومه !!
شيخه : يوه يا أميره بلا تريقه بتلعبين و لا لاء
أميره : امممممم موافقه
دانيا : أنا ما راح ألعب لعبه سخيفه مثل هاذي ؟
عبير : و لا انا ؟
ديمه : و لا أنا
ابتهال : أنا بروحي ما أطيقها
سلطانه : أنا بروح أسولف مع أمي و خالتي أحسن
قلت أبي أقهرهم
أميره : كيفكم انتوا الخسرانين ؟
قمنا دخلنا الصاله شغلنا التلفزيون
و جبنا لعبة الشطرنج
بدينا نلعب أنا أخذت الجيش الكريستال و هي أخذت الجيش الأسود
و بدينا اللعب الحماسي كانت يا ناس حريفة بمعنى الكلمه كانت تحرك أحجار الشطرنج
برقه و نعومه مليانه مكر و خداع بين لحظه و الثانيه تبتسم بإنتصار على غبائي في تحريك الجيش ..... أصابعها تحرك الأحجار بإدقان .... امرأه من الزمن الغابر !!
كذا وصفتها في وحده من لوحاتي امرأه فاتنه الأنوثه تتفجر من وجهها بأسلوب عجيب
رشيقه كما الغزال تتمايل محل ما يوديها الريح تروح تفضل اللبس المغري فستان أسود خالع يوصف الجسم وصف أظافر يدينها و رجولها ممنكره باللون الأحمر شفايفها قطعة جمر و شعر غجري طويل يتمايل برشاقه على وجهها و أكتافها
شيخه : كش ملك ؟!
كلمه ختمت فيها اللعبه و هي تعض على شفايفها بإغراء ؟؟
طالعتها بتفكير
أميره : مبروك ...... بس ممكن تقولين لي .... مين شاغل فكرك لدرجة انك غلطتي حتى في حط المناكير ؟؟؟ و انتي تهتمي بكل صغيره و كبيره تخص أناقتك !!!
البنت انقلب وجهها من السعاده و الإنتصار للخبث و الشر مدري ليه حسيت كذا و لا يتهيأ لي!
شيخه : ما توقعتك بهالذكاء كيف عرفتي ؟؟
توقعتها بتنكر أو بتقول شي ترقع فيه السالفه ؟؟
طالعتها بإستغراب أراقب حركة عيونها العجيبه راسمتها بشكله احترافي
أميره :........................
شيخه : شوفي يا أموره أنا انسانه أحب أجيب من الآخر ما أحب اللف و لا الدوران ؟
قامت من قدامي و هي ترفع خصله من على وجهها بدلع
شيخه : أشياء كثيره تعجبني فيك أولها ........ صراحتك و سرعة بديهتك و دقة ملاحظتك و ذكائك !!
و راحت .... موجه من الإعصار مرت على صحراء و روحت !!!
ذكرتني بكلام مشاري في المطعم !!
(مشاري : يعجبني الإنسان اللي يجيب من الآخر ... بطبعي ما أحب اللف و الدوران !!)
شيخه !!!
استغربت منها صراحه هي ملاحظه لفتت نظري انه واحد من أظافرها فيه خطأ بسيط
بس !!!
عيال خوالي غير تقليديين نهائيا ؟
طلعت للحديقه لقيت البنات يلعبون بلوت جلست معاهم شوي بعدين مليت و قمت أتمشى و ربي شيخه ضيقت صدري !!! صدمتني فيها ؟!
معقوله تكون تحب و لا تكون لها خويه شاغله بالها مثل دانيا و لا مسويه مصيبه
من ورى أهلها ممكن أأيد الإحتمال الأخير و خصوصا ان اللي داخلها غير ... فاتنه بس خبيثه كنت أحسبها طيبه طلعت نعومه بس في داخلها قوه جباره ممكن تحطم بلد !!
ممكن لو قالت لضميرها باي باي ... على الدنيا السلام الله يعين مين يطيح تحت يدها !!
تشبه مارلين مونور !!
رفعت راسي للسما أطالع النجوم و أبتسم لها بشوق ...
كانت أغنيه كل يوم في عمري يتردد صداها في كل مكان ......
كل يوم في عمري بيعدي و انتااا معااايااا
بك بحس اني بيزيد احساااس جوااايااا
و ألئ غصب عني بشتاء لعنيك
أجمل الليااالي أنااا لما تشوفك عيني
كل شيء في بااالي بنسى أول مااا تجي لي
دنتى عندي غااالي و بفكر فيك
لحظتها جا في بالي عبدالله معقوله خلاص جفاني تركني ما يبيني هنت عليه بهالسهوله !!
قمت أغني مع الأغنيه
بحبك و عرفه كلااام الشفاااايـــــف
مااا يأدر يوصل لألبك هــــــــوى
و طول عمري خيفه تفااارء عيوني
و اعيش كل عمري بستنى اللـئ
و أنا أغني شميت نفس ريحة عطر عبدالهادي
التفت بسرعه و قلت بمرح
أميره : عبادي !!!!!!!!!!!!!!
تلاشى المرح و حل مكانه ......... خوف .. ارتباك .... توتر
يوم شفته تصنمت مكاني مين !!!
أميره : فيصل !!!
ابتسم لي و قرب مني و قال :
فيصل : أميره
قلت بخوف
أميره : لا تقرب مني لو سمحت
فيصل : ما راح أأذيك بس انتبهي ان في وراك السور مكسور
ألتفت بأشوف شاللي وراي بالزبط !!
هو انتهز الفرصه و قرب مني و مسكني من كتوفي !!
فيصل : أحبك
طالعته بخوف أول شي منه ثاني شي خوف لا أحد يشوفنا
أميره : فيصل ممكن تبعد عني ؟
تغير وجهه و قال بزعل
فيصل : انتي ليه خايفه مني بهالشكل !!
أميره :......................
شوي قام يكح و ينتفض قدامي و يطيح عالأرض أنا خفت يوم شفته فجأه انهار قدامي بهالطريقه خفت لا يكون صار له شي بسببي جلست قرب راسه و أنا خايفه عليه مره روعني و الله !!!
حطيت يدي على يده بخوف
أميره : آسفه مب قصدي يا فيصل و ربي مب قصدي وش فيك تعبان ؟؟
قمت أجس نبضه و أنا خلاص شوي و أبكي قمت عشان أشوف أحد يساعده
قام مسك يدي ... التفت له لقيته يضحك !!
انقهرت كان طول الوقت يخدعني حسبي الله على شيطانه !
صديت عنه براسي شعري طاح على وجهي و فعلا الدموع غدرتني و نزلت على خدي
رفع شعري و رفع راسي بيده و قال :
فيصل : أميره ؟
أميره : .......................
صديت عنه و طاحت خصلات من شعري على وجهي !!
رفع شعري عن وجهي و طالعني ........
أميره : لا تلمسني ......
صرخت
أميره : سمعت ... لا تلمسني أقولك هي بأي لغه !!
بكيت زياده !!؟
تجاهل أمري و قال
فيصل : تبكين ؟؟!
التفت و هالمره طالعته بحزن و قهر و قلت :
أميره : ابعد يدك عني أرجوك ....... ارحمني و ارحم عذابي ....
بعد يده عني بصدمه
فيصل : ليه يا أميره ؟
أميره : لأني ..... لأني ببساطه أنا مب لك يا فيصل .... و بعدين انت خاطب فـ ...
طالعني بتأمل حزين .... قاطعني
فيصل : لا ..... لا تكملين انت الغلا و اذا على بنت عمي مستعد أسوي .....
هالمره أنا اللي قاطعته .....
أميره : أنا مب لك ممكن تفهم هالشي ..... راح تلقى مليون وحده أحسن مني تستاهلك ...
قاطعني و قال :
فيصل : انتي لي لمجنونك فيصل انتي انخلقتي لي فاهمه أنتي توهتيني عمري ما شفت انسانه شدتني لها بهالطريقه غيرك ... كانت العواطف آخر شي ممكن أفكر فيه في حياتي
لما شفتك غيرتي كل شي في لحظه ...... لحظه شفت فيها هالعيون .... هالوجه فتني صار صورة لأفكاري و خيالاتي كل يوم ... صرت أتمنى أشوفك كل دقيقه
أسرق اللحظات عشان ألمحك كل يوم و أشوفك عند المسبح في الحديقه مع الورد
صوتك يرن في اذني يطربني يا اميره تعرفين كيف يطربني أسهر الليالي أفكر فيك
أجبر نفسي اني أدور عليك حتى في خيالي لأني أخاف من الشوق!!
لما تنومتي في المستشفى كنت أدخل لغرفتك خلسه عشان أشوف هالوجه اللي سحرني أتأمل فتنة هالعيون و غموضها عشان ألمسك و احس نبضك و أشتاقك حتى و انتي جنبي ...
بعد كل هذا يا أميره ... تقولين انك مب لي !!
أنا انهرت و قمت أبكي بمراره .....
أميره : ارحمني و عيش حياتك بعيد عني لأني مب لك ؟؟
طالعني بهدوء عجيب ....
فيصل : طيب ليه هالعقد مزين رقبتك ؟؟
رفعت عيني و طالعته بهدوء
أميره : ......................
فيصل : أحبك افهمي يعني كيف أحبك ؟؟
بعدت يده عني و قمت بسرعه و ركض عالغرفه و صرت ابكي
لحظتها نسيت نفسي تهت في أفكاري بعيد و أنا أفكر فيه آآآآآآآآه ليه الألم ليه ؟؟؟
ليه مب قادره أحبه ليه وش فيني يوم جاني الحب رفضته و انا اللي كنت أدور عليه
أحب ........... لا مستحيل أحب شلون و أنا ضايعه في عالم كله ألم و حزن و عذاب
و مصطلحات مخيفه مالها نهايه معقوله أجبر نفسي على هالكلمه عشان أرضيه
عشان خايفه على مشاعره و أقول يكفيه جراح ... !!!
( تتمااايل القلوب أحياااانا و لكن أين تستقر !! )
|