البارت الخامس عشر
معقوله ...
كنت أطالع الكراسه بسكون كأني تحولت لصنم ....... لااااا صاحب هالدفتر أكيد ماله عقل >>> أكيد انجن !!
هذا ......... هذا راسمني أنا ؟؟
هذي أنا ... كأني كنت قدامه و رسمني و قمت أقلب الصفحات
رسمني في كل الحالات مع الورد عند المسبح في الحديقه و أنا حزينه و أنا أبكي
بصراحه رسام ... و في آخر الكراسه راسم صورتي برقه عجيبه بهدوء مدقن و كأنه رسام
محترف ...
رسمني و أنا نعسانه يااااااااااااه !!!
مين هالإنسان اللي أقدر أقول انه مجنون في شي اسمه أميره ؟؟؟
لا مجنون فعلا فعلا مجنون !!؟؟؟
قمت أتذكر كل اللي جونا !!
مين اللي جانا ؟؟
عيال عمي سامي .... عبيد و سعد و فهيد أعتبرهم أخواني و يعتبروني اختهم
و محمد و حامد عيال عمي خالد حياتهم أشغال و مالهم في الحب و بعدين مين فيهم راح يحب أميره ياه مني متخيله أحد منهم يحبني ؟؟ لأني ببساطه أعتبرهم اخواني !!
باقي ناصر .... بس ناصر مهو رسام و غير كذا ما يدخن ..!!
هذولي هم اللي بالبيت ... سكرت الكراسه و حطيتها عالسرير
وقفت مكاني فجأه مرت قدامي صورة فيصل صديق أمير... شموخ .... لا تلمسين جرحها!!!
فيصل ............... أهاااااااااا تذكرته الإنسان اللي شفته و انا جالسه عالنافوره ؟؟
انسان غامض السيجاره ما تفارق شفايفه بارد طول الوقت بنظاره شمسيه !
معقوله .... بدى اللحين عقلي يشتغل صح و يربط الأحداث ببعض ؟
الورد المجهول اللي جاني بالمستشفى و المجنون اللي طول الوقت يرسل لي مسجات كلها هذي ... كلها أشياء غامضه ما تطلع إلا من انسان غامض مثله ... معقوله أكون مجننته لهالدرجه !!!
طالعت لنفسي في مراية تسريحته و قلت
أميره : آسفه لو اني احتليت مساحه من تفكيرك ؟؟
يا ويلي و ربي شكلي معذبته حيل ..... أكثر شي يألم تعذيب المشاعر و القلوب !!
يا ربي معقوله أنا قاسيه بهالطريقه لدرجة اني شاغله تفكيره !!
قمت أطالع الغرفه كل شي فيها مختلف و كئيب .... الدولاب اللي نفض ملابسه بملل و السرير اللي يئس من صاحبه !!!
و لا المرايه اللي تحسسني أكثر بالذنب بس أنا عمري ما فكرت
اني راح أنحب بهالطريقه الغامضه !
أميره : بسم الله على قلبي
الجوهره : أميـــــــــــــــــــــــره
أميره : خيررررررررررر خرعتيني يا دبه
الجوهره : وش تسوين هنا ؟؟
أميره : ها لا و لا شي .... يالله خلينا نطلع هالغرفه تكتم على أنفاسي
طلعنا و أنا أطالع الغرفه بحزن على صاحبها ... مسكين ؟!!
طلعنا من الملحق كله و صوفي المسكينه ماسكه المنديل حاطته على أنفها هههههههههه
و تشرف على الشغالات الله يعينها !!
الجوهره سبقتني و راحت للصاله أنا بقيت بالحديقه و ربي ضاقت نفسي مدري وش فيني
حزنت و ربي ضاق صدري حيل على فيصل رحت لحديقة الورد و أنا أقول :
أميره : فيصل أنا مب لك ؟؟! لا تفكر فيني و تتعب أعصابك
تذكرت كيف كنت متعذبه و أنا بعيده عن ناصر هجرني ثلاث سنوات كانت هالثلاث السنوات كابوس على قلبي جربت عذاب القلوب و جرح المشاعر و ربي صعبه ... صعب على نفسي أعذب انسان بدون ما أدري ... تنهدت و قمت أطالع الورد
أميره : معقوله أميره تجرح .... تدرون محد راح يصدق الكل يقول اني ما اقدر أأذي نمله !!!
و اللحين قلب انسان يتعذب بسببي آه يا دنيا ؟
سمعت صوت وراي التفت
أميره : أمير !!!
سلمت عليه و جلسنا في حديقة الورد
أمير : شالأخبار ؟؟!! سلامتك و الله
طالعته بتفكير ... و الله ناصر عرف كيف يقنعهم !!
أميره : الله يسلمك
قام حط يده على يدي و قال
أمير : بس لا عاد تعيدينها
أميره : ها ...... ان شا الله
أمير : اليوم لازم تتطلعين معانا ؟؟ بعد صلاة العصر بنطلع
أميره : وين ؟؟!!
أمير : على يخت ؟؟
أميره : يخت !! لا يا أمير تعرف اني ما أحب أركب السفن و اليخوت
أمير : لا تخافين هاليخت كبير و ما فيه أي مشاكل و غير كذا جديد
قمت و قفت و قلت :
أميره : لا مب رايحه ما أبي أركب اليخت نهائيا ؟؟
رحت و تركته مدري ليه ..... أصلا ليه سويت هالمهرجان هذا ؟؟!!
و أنا داخله الصاله وقفت أنا وش صلحت .... يوووووووووه مب ناقصه !!
رجعت لفيت و رحت للحديقه الخلفيه جلست على المرجيحه و قمت أهز نفسي
سمعت صوت عبدالهادي يناديني ..
وقف قدامي و طالعني و هو يبتسم
طالعته ببرود و لا رديت
عبدالهادي : وش فيها الأميره ؟؟
أميره : .................
عبدالهادي : آسف اذا كنت انسان غير مرغوب في وجوده في هاللحظه
قفاني و جا بيروح وقفت و رحت له
أميره : عبدالهادي
التفت لي ....... ضميته و قمت أبكي
هو كان متفاجأ فيني !!!
عبدالهادي : وش فيك ليه هذا كله ؟؟
أميره : ...................
عبدالهادي : يعني ما راح تقولين وش فيك ؟؟
أميره : ....................
فجأه مدري وش فيني بعدت عنه و ركض عالبيت مدري ليه صلحت كذا ؟؟
فيني شي مب قادره أطلعه آه يا ربي ..
رحت لغرفتي صليت العصر و الله ارتحت شوي يوم صليت الحمد لله ؟؟
شلت جوالي شبكته في الشاحن ......حتى جوالي متعذب بسببي مسكين !!
كان مقفل شغلته و بدت المسجات تعلن عن وصولها !!
مسج من نفس الرقم الغريب اللي صاحبه فيصل أكيد !!
(( سلااامتك يااالعزيزه مهمااا يقولون عنك مااا راااح أصدق
لأنك مثل نفحااات العبير طيبه و نقيه ))
ابتسمت .... و الله و صار لك معجبين يا بنت يا أميره !!
مسج كان من أمير بس من أمس صحيح فتحت جوالي الصبح بس ما انتبهت له
(( أميره ليتك تردين لأنك قلبتي البيت فوق تحت مااا راااح أصدق أي كلااام لمااا أسمعك ))
اكشخ و الله اني مسويه سالفه و انا ما ادري ؟؟!!
مسج توه واصل من عمي فهد
(( أميره أبيك تجين للملحق أبي أكلمك في موضوع مهم ))
حركات صاير عمي يرسل لي مسجات من متى !!
قمت أضحك ... حطيت الجوال يكمل شحنه
و رحت أشيك على شكلي اللي مدري كيف صار ؟؟
حطيت غلوس و رتبت شعري و بخيت شويت عطر و طلعت
لقيت الجوهره ....
الجوهره : على وين يا قمر ؟؟
أميره : عمي فهد يبيني .... شايفتك مستانسه ؟؟
الجوهره : مين يشوف أميره و ما يستانس ؟؟
أميره : لا يا بكاشه مب علي هالكلام !! على فكره بتروحين الرحله معاهم
الجوهره : توني عرفت بس ما أدري أروح و لا لأ انتي بتروحين ؟؟
أميره : أنا لااااا طبعا لأني أخاف من البحر !!
الجوهره : أجل خلاص بتم معاك ....
هزيت راسي و نزلت لقيت الكل مجهز و طالع ...
لقيت ناديه تلبس عباتها في الصاله
ناديه : مب رايحه ؟؟
أميره : لااااااااء
ما انتظرت ردها و رحت للملحق
طقيت الباب
فتح لي عمي فهد
و ربي لما أشوفه أحس بالأمان يا قلبي على عمي فديته بعمري و الله
فهد : يا هلا بالساميه
أميره : هلا فيك يالغلا ..
فهد : تفضلي تو ما نور المكان
دخلت معاه للصاله اللي بالدور الأول
فهد : وش فيك يا بنيتي .... ما في أحد العيال طلعوا لسياراتهم
جلست جنبه و سكت
فهد : أميره
أميره : هلا
فهد : وش فيك يا بنيتي منتي مثل ما أعرفك ؟؟!
أميره : بخير يا عمي ما فيني شي ؟؟
فهد : ناصر سوى لك شي ؟؟
تفاجأت من السؤال ما توقعته بيجيب سيرة ناصر أساسا
أميره : لا
فهد : هو جاب لي سيرتك و قال انه يبي يخطبك .... توافقين عليه يا بنتي ؟؟
رفعت راسي و طالعته عيوني دمعت بس باقي ما نزلت على خدي !!
وش أقوله ؟؟؟ مثل ما قالت الجوهره تذكرت كلام الجوهره :
((بيخطبك ..... وافقي ))
طيب و عبدالله اللي راح يتفاجأ اني انخطب لا و وافقت بعد .... جاني سؤال مفاجئ من نفسي وقف تفكيري كله !!
أميره انتي تحبين عبدالله أصلا ؟؟!!
عمرك ما اعترفتي انك تحبينه بس هل هو يستحق كل هالتضحيات اللي سويتيها و اللي راح تسوينها على شانه و واحد مثل ناصر يبتزك بقذاره !
و انتي تسويين المستحيل عشان عبدالله !!
فهد : أميره .... أميره .... وش فيك ؟؟
صحيت من ضلالاتي و قلت
أميره : ها ....... بصراحه فاجأتني يا عمي ؟؟
فهد : ما في أي مشكله يالساميه خذي راحتك في التفكير و متى ما رديتي جواب يحلها الحلال ...
أميره : ان شا الله
فهد : ما بتروحين لليخت ما أشوفك جهزتي ؟
أميره : مب رايحه
فهد : ليه يا بنتي روحي غيري جو و فرفشي مع الناس ؟
استحيت أقوله أخاف من البحر و استحيت أكسر بخاطره ...عمي له ألفين خاطر عندي
أميره : إن شا الله يا عمي
فهد : بقولهم ينتظرونك
قمت بسرعه رحت لغرفتي لقيت الجوهره جالسه تقرى مجله
أميره : اللي توقعناه صار
حطت المجله بالكرسي اللي جنبها و قامت
الجوهره : وش ؟؟
أميره : ناصر خطبني كلم عمي فهد و قاله ...... آه يا الجوهره خايفه ؟؟
الجوهره : لاااا لا تقولين ... ما توقعته بيقدم على الخطبه بهالسرعه ؟؟
أميره : لازم نتصرف بسرعه ..........
الجوهره : مثل ما قلت لك وافقي بس بشرط تسون فحص قبل الملكه هذا هو الحل ..
هزيت راسي و انا أفكر في شي ثاني مختلف !!
أميره : يالله طيب نتكلم في هالموضوع بعدين قومي اللحين البسي لأنهم ينتظرونا تحت
الجوهره : خلاص قررتي تروحين ؟؟
أميره : و الله مب برضاي ؟!
لبسنا عالسريع و طلعنا أنا لبست بلوزه كمها قصير ضيقه من الصدر لونها سكري
و بنطلون زيتي و جزمه ذهبي و بس مكياج جدا خفيف
و لبست عبايه ساده و طرحتي و برقعي كالعاده الشنطه كانت تجمع اللون الزيتي و السكري و الذهبي ..
الجوهره لبست لبس مره حلو كان يجمع التفاحي و الوردي طالع عليها خطير لبسنا و طلعنا هي مثلي ببرقعها و نزلنا ...
لقيناهم شوي و يصفقونا !!!
لما طلعت للشارع قمت أدور بعيوني و أسأل نفسي وين راح ؟؟
و هل بيروح معانا !!!
تدرون كنت أدور على مين ؟؟
فيصل !!!
ركبت أنا و الجوهره مع سواقنا كانت راكبه معنا عمتي غاليه
غاليه : وش فيكم تأخرتوا ؟؟
الجوهره : تدرين يا عمتي كنا نلبس ؟؟
قاموا يسولفون طول الطريق و أنا ساهيه في عالمي بروحي ؟؟
أسأل نفسي بصمت أسئله أجوبتها صعبه جدا !
أسأل الشوارع و البيوت و الناس و المحلات هل أنا أحب عبدالله !!!
هو بعد سالفتي مع ناصر المفروض يتصل يسأل علي وش سويت ؟؟؟
ليه المبادرات ما تجي الا مني أنا وبس ؟؟!!
يا ربي كم ضحيت عشانه ؟؟ هو هل ضحى عشاني !!!
على الأقل يقول لأماني تتطمن علي بما انها هي رسول الحب اللي بينا ؟!
ليه عبدالله انسان بارد و لا عشان صار له حادث المشروع ... لا لا من قبل حادث المشروع
و هو كذا ؟!!
المفروض الفتره الطويله اللي بعدت فيها عنه يسأل علي بس للأسف ما سأل ...؟
و شكله ما راح يسأل ؟؟
شالقوة العجيبه اللي جذبتني له !!
عشاني حلمت فيه !!! و اذا يعني حلمت فيه !!
تذكرت كلام ناديه يوم شافت صورته بالمرسم
ناديه : تحبينه !! مبين من الرسمه انه انسان غالي على قلبك حيل انسان بهالوسامه الصارخه ما اتوقع ان بنت تشوفه ما تحبه ؟؟
معقوله أكون منجذبه له لأنه وسيم !!!
لا أنا مب من هالنوعيه لا لا أنا يهمني جوهر الإنسان أكثر من خارجه في شي جذبني له
بس ليتني أعرفه !!!
كيف عرفته ؟؟ كيف انجذبت له .... نبدى من البدايه ؟؟
شفته عالشاطئ أول مره مع ولد اخته سهيل .... لاااااااااااااااا لاااا يا أميره
انتي شفتيه قبل قبل بكثير وجهه ما كان غريب علي أحس اني شفته قبل ... قبل حتى سالفتي معاه عالشاطئ آآآآه ليتني أتذكر !!!
معقوله أكون احبه و انا ما ادري ؟؟؟
معقوله أكون أحبه من زمان حتى قبل ما اشوفه !!!؟؟
قطع أفكاري وقوف السياره ..
لقيت نفسي قبال البحر آآآآآه يا ليت البحر يتكلم و يقولي هل عبدالله يحبني !!!
الجوهره : بالك مب معاي نهائيا
أميره : الا معاك !!
الجوهره : أجل وش كنت أقول ؟؟!
أميره : كنتي تتكلمين عن هيفا ؟؟
الجوهره : لاااا الحمد لله طلعت ما اكلم نفسي ... شفتي وش لابسه ؟؟
التفت أطالع هيفا شكلها مره حلو بس مب مغطيه وجهها
و قايمه تتغندر مدري على ايش !!
أميره : روحي كلمي اختك هالمجنونه و قولي لها تتغطى وش هذا ؟؟
تركتني و راحت
أنا و قفت جنب السياره أطالع البحر و أسأله و أتأمله
ناصر ألغيته من حياتي مدري متى تنتهي سالفتي معاه على خير !!
و عبدالله أحسه مل مني لدرجة انه ما يعرف عني شي أو انه يعرف بس طفش من انسانه مثلي حياتها لخبطه و تحكمها تقاليد و عادات قديمه !!
و فيصل اللي أميره مجننه قلبه و هي ما تدري و قال ايش يحبني ههههههههههه
قطعني من أفكاري صوت قد سمعته قبل
فهيد : هالو يا سرحان ؟؟
أميره : هلا فهيد .... وش اخبارك ؟؟
فهيد : هلا فيك يا بنت العم
أميره : و الله كبرت يا فهيد
فهيد : ههههههههه المفروض أنا اللي أقول هالكلام مب انتي لأني أكبر منك ؟؟
ضحكت و قلت :
أميره : اعتبرني من اللحين أكبر منك ؟؟
فهيد : ليه لاء لي الشرف يا أصيله
أميره : الله يسلمك
فهيد : أموره اليخت بيتركنا و يروح يالله وش تنتظرين ؟؟
طالعته و قلت
أميره : أنا انسانه أخاف من البحر
فهيد : أفا و انا ولد عمك بس ماعليك هاتي يدك و بنطلع سوى يالله
ابتسمت و عطيته يدي و مشينا أنا تمسكت يده بقوه من الخوف
و طلعنا اليخت ...
كان في وجهي ناصر قام يطالع فهيد بحقد لأنه ماسك يدي و فهيد ولد عمي صحيح هو أخو عبدالهادي بس ما يجوز نكشف على بعض أنا على نياتي و هو مسكين على نياته
هو في مقام أخوي و أنا في مقام أخته و هالناصر تفكيره غبي و مقرف !
أميره : طيب وين بجلس وين البنات ؟؟
ناصر : البنات بأول اليخت هناك شوفيهم ؟؟
يا ربي ما كلمته و يتدخل ...... انسان بغيض !!
أميره : مشكور يا فهيد
ترك يدي و قال
فهيد : العفو يالغاليه و دايم برسم الخدمه
ناصر لو حطيت عليه ورقه كان شبت !!!
ههههههههههههه بصراحه استانست حيل !!
كان اليخت مره حلو و فخم حيل
بس كنت خايفه ما حاولت أتلقف و أشوف وش فيه هاليخت !!
جلست مع البنات اللي كانوا مستانسين حيل يبون يلفتون أنظار الشباب
الجوهره كانت تطالع عبدالهادي خلسه و مشغول بالها ... اللي شاغل عقلها يتهنى به !!
جلست على الكرسي و قلبي يدق بعنف خايفه حيل مشى اليخت بسرعه و كان قلبي
يروح و يجي مع كل موجه !!
ناديه كانت تحت لأنها تعبانه و تخاف من دوار البحر و عمتي غاليه معاها
كان ودي أنزلهم تحت أمان أكثر من هنا ...
الشباب كانوا مسويين هيصه مشغلين أغاني و مبسوطين و أعمامي ما شفتهم
كنت أدور على فيصل ودي أشوفه بس شكله ما جا أساسا قمت أطالع البحر بصمت
و أتأمل الشمس اللي كانت تغرب و أنا خايفه سهيت فجأه مع الأغنيه :
يعذبني بخصااامه و لا أدري وش عذااابه
يقول اني جرحته يغااالط في كلااامه
يعرف اني أحبه و لا لي غير حبه
قريب الكل مني و لا ابغي الا قربه
منع عني حنااانه و هو غااالي مكااانه
مكااانه في عيوني و لو يقسى زمااانه
و هو اغلى الحبااايب و قلبي فيه ذااايب
حرااام انه يصدني بلا ذنب و سبااايب
غريبه مني يزعل و لا عن حااالي يسأل
يعرف اني بدونه ثواني مااا اتحمل
متى بيحس فيني مخليني فحنيني
متى يرضى عليااا و يحن قلبه و يجيني
يعذبني بخصااامه و لا أدري وش عذااابه
يقول اني جرحته يغااالط في كلااامه
يعرف اني أحبه و لا لي غير حبه
قريب الكل مني و لا ابغي الا قربه
واو راح الوقت و كأن الأغنيه كانت اهداء لي
الجوهره : وش فيه القمر سرحان ؟؟
كنت سرحانه و أنا أتأمله
فيصل !!!
كان واقف يطالع البحر لابس النظاره الشمسيه و السيجاره في فمه
و الغموض يلفه كالعاده !!
الشمس غابت معلنه نهاية اليوم واعدتنا انها تشرق لنا الصبح في يوم جديد مفعم بالأمل
كل ما يزداد غروب الشمس يزداد خوفي أكثر و أكثر !!!!
الجوهره : أموره مدري ليه أحس اني قلقانه ؟؟
أميره : الله ليه ؟؟
قربت مني و قالت لي بهمس :
الجوهره : تركت الشريطه اللي كنت رابطه فيها شعري في غرفة عبدالهادي و اللحين
هو رابطها في يده !
التفت لها و ضحكت ضحكه بصوت عالي
طالعوني البنات مستغربين .... طول الوقت ساكته ؟؟؟؟ تو ما طلع صوتي !!
أميره: رهيبه انتي يالجوهره
قالت و هي زعلانه : وش يضحكك ؟
أميره : لأنه حركتك تضحك
الجوهره : في ايش يا ماما ؟؟
و الله البنت عصبت و أنا ما قدرت أرد عليها
قامت و طالعتني بعصبيه
الجوهره : سخيفه !!
راحت الجوهره و تركتني بروحي و أنا متفاجأه لهالدرجة صرت ما أراعي مشاعر الناس و الله اني سخيفه من جد .... !
البنات نزلوا تحت و تركوني بروحي ... فجأه التفت حولي ما لقيت أحد !!
قمت و وقفت قرب سور اليخت فصخت برقعي و طرحتي و قمت أطالع البحر واو الجو
روعه مره شي و الهوا يلعب بشعري بنعومه ليه أنا خايفه !!
احساس غير طبيعي حسيته مدري ليه خايفه !؟؟
طلعت الجوال و قمت أرسل رساله ترضيه للجوهره و ربي مب قصدي ازعلها
حتى و لا خليتها تكمل سالفتها !!
(( جوجو يا قلبي آسفه على سخافتي معك أنتظرك يالغلا بسرعه تعالي لي أبيك ))
ما كملت خمس دقايق الا و الجوهره بوجهي حضنتني بقوه و قالت :
الجوهره : ما حصل الا الخير يا قلبي تعالي تحت البنات يرقصون و الجو وناسه
أميره : يالله مشينا ؟؟
جينا بنمشي تفاجأنا برجال ضخم متلثم واقف قدامنا و يطالعنا و الشر في عينه
أول ما شافنا صوب تجاهنا مسدس كان في يده !!
..... : و لا وحده منكم تصرخ و لا بتموتون ... يالله قدامي
طالعته منفجعه
أميره : قدامك ......... وين .... وين !
...... : للبحر يا حلوه
الجوهره المسكينه ما تحملت قامت تبكي
الجوهره : البحر لاااااااااء الله يخليك الا البحر
صرخ فينا !!
....... : يالله بسرعه قدامي بدون كثرة هرج ما أبي أسمع أي نفس
مشينا و هو مصوب علينا المسدس لين وصلنا لحد السور
و أنا أبكي مني مستوعبه الوضع و مين هالإنسان اللي يبي ينتقم مننا بهالطريقه الوحشيه
ذكرني بفيلم قراصنة جزر الكاريبي !!!
كان في ذاك الوقت جوالي في يدي آه يا ناس وينكم معقوله كلهم تحت !!
تشجعت و أنا أحسب الثواني رميت الجوال بقوه على الجدار اللي كان قدامي عشان اللي تحت ينتبهون لنا ؟؟؟
هو أول ما شافني التفت دفني بقوه و لأنه السور قصير
طحت في البحر ... و الجوهره دفها بعدي ... سمعتها و هي تصرخ !!!
ما اعرف أسبح !!!
البحر عميق ماله قرار يخوف حسيت البحر بدا يشدني له لتحت لبعيد....... لأمي و أبوي !!
بديت أحس الأكسجين يتلاشى و موية البحر تدخل لصدري بهدوء بعد صراع بيني و بين البحر خسرت فيه و كسب البحر !
قمت أنازع و أعافر و أصارخ بس في اللحظه اللي طحنا فيها في البحر
زادت سرعة اليخت و بدت تتلاشى صورته من بين عيوني !!
قمت أحرك رجولي و يديني بعنف و أصارخ و أنادي الجوهره اللي اختفت من اللوحه اللي رسمها البحر في ذاكرتي !
و أنا أحرك يديني و رجليني مع قوة الموج ما قدرت ما قدرت أصارع البحر اللي غدر فيني
كنت أصارخ لآخر لحظه و بدت شوي شوي الصورة تختفي و بديت أعلن استسلامي للموت
و صورة جميله بديت أشوفها قدام عيوني ... صورة أمي و أبوي ياااااااااااااه
في هاللحظه حسيت بيد تنتشلني من هالمكان و صدر يضمني بقوه و انسان يناديني
..... : أميره تمسكي فيني .... أميره تحملي شوي !!
و اختفيت في عالم الظلام ... !!!!!!
*
*
*
*
*
*
*
*
الساعه 02:00 صباحا
آآآآآآه راسي ..... قمت لقيت نفسي في غرفه عالسرير
وين أنا ؟؟!!
المفروض أكون في البحر لأني كنت في .........
سمعت صرخة الجوهره تتردد في راسي
الجوهره وينها ؟؟؟
قمت أبي أدور عليها و قفني صوته !!
فيصل : اذا تدورين على بنت عمك هي بخير ..... في الغرفه الثانيه
كان مقفيني و يدخن بنفس الهدوء و الغموض اللي أعرفه !!
طالعته و قلت :
أميره : كيف جيت لهنا ؟؟
ما رد علي تركني في الغرفه و طلع
أنا وين و بعدين الغرفه صغيره و سقفها مره قصير !!!
شوي دخلت علي وحده كبيره في السن وجهها بشوش و على خدها شامه كبيره قالت :
..... : أميره صحيتي الحمد لله على سلامتج
طالعتها بتساؤل يمكن ترد على أسئلتي
أميره : مين انتي ؟؟ و كيف وصلت لهنا !!
...... : معاج ام طلال انتي باليخت مالتنا كنتي غرقانه و أنقذج هالشاب اللي مدري شسمه
ايه اسمه فيصل ... و الله انه انسان شجاع و بصراحه أنقذج بشجاعه و كنتي شبه ميته
سوى لج تنفس صناعي و الحمد لله انج بخير
طالعتها و أنا مصعوقه بمعنى الكلمه !
أميره : تنفس ايش !!!!!!!!!!!!!!!!
ردت علي أم طلال و هي مصدومه من ردت فعلي
أم طلال : تنفس صناعي يا بنيتي
جلست أطالعها و أنا أتخيله يسوي لي تنفس صناعي حطيت يدي على فمي
مستحيل !!!!!!!
أم طلال : يالله يا بنتي بجبلج العشا
طلعت بدون ما أحس فيها
تنفس صناعي ........... آآآآآآآآآخر شي ممكن أتوقعه !!!
فيصل !!
أحس تفكيري انشل !!
قمت وقفت لفيت الشرشف حولي وفتحت الباب و طلعت من الغرفه مشيت في ممر صغير كان في نهايته غرفه !!!
دقيت الباب بس محد رد فتحت الباب بهدوء و دخلت لقيت الجوهره نايمه و نور خافت
منور رحت لها بخوف و هي نايمه قمت أهمس في اذنها
أميره : يالجوهره ...جوجو قومي الله يخليك قومي كلميني محتاجه لك
ما ردت علي لأنها كانت نايمه بعمق جلست جنب سريرها و تكومت على نفسي و قمت أبكي بصوت مكبوت ....
ليه وصلت لهنا و ليه أنا هنا آه يا قلبي ليه ضميت الشرشف اللي كان علي يوم صحيت من غيبوبتي !!!
آه كنت كل بعد فتره أطالع الجوهره يمكن تكون صحت ....
انفتح الباب فجأه
أميره : ممكن تتركيني بروحي !!
أم طلال : براحتج يا بنتي بس هالأكل لج و لصديقتج !!
حطت الصينيه عالطاوله و غطتها بالسفره و طلعت
آه يالجوهره قومي ... حطيت راسي عند راسها و بكيت ... انا بروحي اللحين لاااااء
وينك يا يمه وينك يا يبه آآآآآآآآآه يا رنا وينك .... أصاله ليه ليه تركتوني بروحي ليه !!
غمضت عيوني بصعوبه و ضميت الجوهره و بكيت
أميره : جوجو قومي يكفيكي نوم حبيبتي قومي كلميني أحتاج لوجودك في هالمكان المخيف أبيك تردين علي !!
كلميني ........ ردي علي !!!
قمت مسحت دموعي و صرت أطالعها و أسولف لها كنها صاحيه
آآآه يا جوجو رجعت بروحي مثل ما كنت تدرين محد درى عنا ؟؟
تدرين حتى خواتك و بنات عمي ابراهيم مبسوطين كنا عقبه في طريقهم
تدرين بعد عبدالله بيرتاح مني يالله هي كم يوم و ينساني !!
محد بيحزن علي غير ناديه !
أخواني بيرتاحون من مشاكلي اللي ما تنتهي !
قمت أبكي و أضمها بقوه
أميره : عبدالهادي بيحزن عليك يالجوهره
و صرت أبكي لين غفيت و ما دريت عن نفسي !!
*
*
*
*
*
*
*
الساعه : 06:30 صباحا
قمت بكسل و كأني كنت في حلم و صحيت منه
أشعة الشمس تداعب خدودي و عيوني
فتحت عيوني بصعوبه
لقيت ... الجوهره
أول ما شفتني قمت جت ضمتني و هي تبكي !!
الجوهره : آه يا أميره وحشتيني و ربي وحشتيني الحمد لله على سلامتك
طالعتها بفرح و قمت أمسك وجهها أتأكد انها هي عايشه باقي على قيد الحياه !!
الحمد لله ... تنهدت براحه و ضميتها بقوه
الجوهره : الحمد لله يا رب قومي يا أميره تعالي شوي و بنوصل للشاطئ
قمت معاها كانت ام طلال جايبه لي منشفه
أم طلال : كيفج يا بنتي
ابتسمت و قلت :
أميره : الحمد لله ....... آسفه على موقفي ...
قاطعتني و قالت :
أم طلال : لا تشيلين فبالج ... شوفي الحمام مجابلنك حطيت لج ملابسج مغسله بتلجينها
في المعلاق !!!
دخلت الحمام توضيت غسلت وجهي بالمويه كثير و طالعت المرايه طالعت وجهي حطيت يدي على شفايفي بقهر يوم تذكرت فيصل !!!
لبست ملابسي و صليت و جلست بصمت أطالع البحر جلست الجوهره قبالي ...
الجوهره : مالي نفس آكل شي
تنهدت بألم كانت هالتنهيده تعبر عن كل شي بداخلي
سكتنا و قمنا نراقب البحر بهدوء و حنا نقرب للشاطئ طالعنا بعض و قمنا نضم بعض و نبكي .....
الجوهره : آه و ربي تعبانه حيل
وصلنا للشاطئ ... ودعنا المره الطيبه ام طلال هي المسكينه هي و زوجها و ولدها كانوا طالعين يستانسون في البحر جينا خربنا عليهم !!
أنا و الجوهره مشينا ورى فيصل اللي كنت ما أبي حتى أشوفه
فيصل : كلمت أهلكم و هم بالطريق ؟؟
الجوهره : شكرا أخوي ما قصرت
أنا سكت و لا قلت شي جلسنا عالشاطئ أنا و الجوهره و هو كان بعيد كان ما يطالعنا
نهائيا و يكلمنا و هو مقفينا كان مؤدب لأبعد حد بس لما أتذكر سالفة التنفس الصناعي أغير رأيي بالكامل !!!
أميره : كيف أنقذك ؟
و أشرت عليه
الجوهره : أنقذني !! مدري بس مب هو اللي أنقذني !!
أميره : أجل مين ؟؟
الجوهره : طلال
أميره : طلال مين ؟؟
الجوهره : طلال ولد المره الطيبه اللي ساعدتنا
شوي وقف ولد صغير قدامنا و قال :
.... : يا بنات هذا لكم
و ناولنا كيس فيه سندوتشات و عصيرات
..... : ذيك الريال قالي أعطيكم اياه
أشر على فيصل ... و راح
طالعت لفيصل بهدوء و أنا أفكر كم مره أنقذتني يا فيصل !!!
الجوهره : تدرين اني ميته جوع و الله نشمي و مؤدب هالإنسان
فتحت الكيس و قامت تتفحص السندويتشات
ناولتني سندويش و عصير و هي خذت لها و قامت تاكل
أنا صرت أطالع السندويشه و أتأملها يااااااااه يا فيصل !!!
فتحتها و جلست آكل لأني ميته من الجوع أكلنا و خلصنا
جو أخواني و عيال عمي اللي كانوا على نار !!!
و بدو يشكرون فيصل و يسلمون علينا و يتحمدون لنا بالسلامه
و السالفه و ما فيها ان هذا واحد حرامي مالقى غير يختنا يسرقه كان طول الوقت متخبي تحت في غرفة المعدات و أول ما طلع خاف يوم شافنا عشان كذا غرقنا في البحر و بعد عشان ما ينكشف و في الأخير انكشف و مسكوه الشباب و سلموه للشرطه ..... !!!
رجعنا للبيت لقينا أعمامي عند الباب !
أول ما دخلنا عمي خالد ضم الجوهره و عيونه تدمع ..
خالد : يا بنتي حمد لله على سلامتك الحمد لله اللي ردك لي يكفي أمك و رنا راحوا عني
وقفت أطالعه بحزن..
لو أبوي عايش كان لقيته هنا في نفس هالمكان يضمني و يبكي ...
لو لقيت أمي موجوده تضمني و تبوسني بلهفه و فرحه برجعتي
عمي فهد سلم علي و كأنه حس بالموقف و اللي فيني فضمني و تحمد لي بالسلامه
هو و عمي سامي ..
دخلت للحريم لقيت ناديه أول ما شفتني ضمتني و بكت و هي تسلم علي
البنات طالعوني بخوف سلموا علي و كأن كل وحده تسحب يدها من يدي بخوف أما عمتي غاليه فسلمت علي و هي مبتسمه و بنفس البهجه اللي أعرفها فيها
طلعت لغرفتي و انا عايشه الصدمه بكل أنواعها !!!!
مرت علي الأيام و أنا بهالحال ساكته ساكنه ما أحرك ساكن !!!
يكلموني و كأنهم يكلمون قطعة أثاث أو تحفه خاليه من الروح جوالي كان يرن و لا أرد
هو اتصال واحد لو شفته كان رديت بس للأسف اللي بغيته ما اتصل و لا رد !!!
عبدالله لهالدرجه هنت عليك و أماني و لا تسأل عني و لا شي !!!
من لقى أحبابه نسى أصحابه !!
مرت أيامي يلفحها الألم بقسوته و غموضه !!!
جا اليوم الموعود و خطبني ناصر و وافقت حسب الخطه بشرط الفحص الطبي قبل الملكه
الكل كان سعيد و يبارك لي جو أهلنا كلهم و أعمامي كلهم
و الشي اللي صدمني فعلا ان عمتي ام ناصر كانت تعاملني بود و حنان !!!
و أنا كنت أطالعها بخوف و نفره ...
مرت الأمور مثل ما خططنا كنا فرحانين و خايفين أنا و الجوهره سووا لي حفله كبيره بمناسبة الخطوبه !!!
و في ذاك اليوم العجيب رن جوالي و رديت :
كان رقم غريب رديت لأني توقعته عبدالله !!
أميره : هلا مين معاي !!
ما سمعت رد ... كررت السؤال
أميره : ألو ألو مين معاي !!
انهيت المكالمه و انا مستغربه ... رحت للبلكون بغرفتي
كانت ليله ربيعيه حلوه القمر فيها مكتمل و الحديقة كانت روعه كانوا الرجال فيها
يسولفون و مستانسين شفته من بينهم الإنسان اللي جرحته حيل بقصد او بدون قصد
فيصل ... مثل ما هو بس كان كاشخ و شايل النظاره لأنه ليل كانت ملامحه هاديه أشوفها من بعيد ..
قلت بصوت مسموع
اميره : أشكرك يا فيصل على كل شي !!
نزلت للناس و جلست مع حماة المستقبل !!!
كنت لابسه فستان ليلكي ناعم جدا و شعري و وجهي سويتهم عند كوافير
كنت أطالع وجهي في المرايه و الحزن كاسيه بصمت و أنا أخفي هالحزن بإبتسامه خفيفه
و الجوهره أحيانا تجي تنبهني على اني لازم ابتسم .. !!!!
خلصت الليله و راحوا الناس لبيوتهم و عمتي ام ناصر رجعت للرياض بنفس اليوم و كثير من عيال عمي و أعمامي صلحوا مثلها و راحوا !!؟
الجوهره تعبت حيل معاي هي و ناديه طبعا طلعوا يرتاحون و ينامون
أما أنا فطلعت للحديقه أصفى شوي مع نفسي !!
القمر ذيك الليله كان بدر قمت أطالعه و أسولف معاه
آه شايف العذاب اللي أنا فيه لو فيك اللي فيني كان طحت على الأرض و انهرت
و ضحكت عليك النجوم ابتسم يا قمر ترى النجوم تغار منك و قمت أغني
انت قمرهم كلهم لا ينشغل بااالك بهــــــم
الكل في عيني نجوم بس انت قمرهم كلهم
بعدين صرت أدندن .... فصخت صندلي اللي بكعب .... كسر ضلوعي !
و قمت أرقص على اطراف أصابعي و أدور و أغني
رحت طفيت أنوار الحديقه معدا نور واحد قوي كان مسلط على مساحه من الحديقه
و قفت في هالمساحه و قمت أدندن و أرقص كل مكان كان ظلام الا المكان اللي انا فيه
وناسه !!
وفجأه وقف قدامي خيال عمري ما توقعت أشوفه
جيت بأهرب داخل البيت منعني
....... : أميره انتظري شوي !!
التفت و نفذت أمره بدون اي تمرد
أنا معروفه بالتمرد و تكسير القوانين و يشهد على كذا صوفي !!
كان هو في جهة الظلام ... قرب من النور و طالعني
انصدمت !!!!!
( تأمل العيب ... عيب )
|