الساعه :09:30 صباحا
مر أول يوم لمجيهم مثل العلقم ....... بإختصار كان يوم هباب !!!
طبعا بالليل طلعوا يتمشون و أنا رفضت و رحت نمت طبعا نداوي كان رايها من رايي
و الله مساكين العيال أكيد هالنسرات نشبوا لهم نشبه !!
اليوم يوم مميز قمت و أنا نشيطه
تسبحت و لبست لي فستان هادي واسع بدون أكمام لونه برتقالي رفعت شعري و كحلت عيوني و حطيت غلوس و طلعت من الغرفه
نزلت مالقيت أحد غير صوفي اللي كانت تقرى جرايد
رحت للحديقه لقيت أحمد و ناديه يفطرون عند المسبح
أميره : غريبه صاحيين بدري و لا بالعاده محد يقوم غيري
ناديه : محد يقوم غيرك !!!!!!
أميره : وش تفطرون ؟؟
ناديه : فطور عادي
أميره : لا ما أبي فطور عادي
قال أحمد بمزح
أحمد : أطلب لك ذبيحه ؟؟
أميره : لا مشكور ... بفطر على ذوق صوفي
قمت بأمشي
ناديه : من متى ؟؟
ضحكت و قلت
أميره : من اليوم ؟؟
طلعت للدور الثالث بدون هدف رحت للمطبخ صلحت لي الطبق المعتاد في مثل هالأوقات
فواااااااااااااااااااااالا !!
تدرون وش هو .......... اندومييييييييييييييييي !!
سمعت مره وحده تقول ان الإندومي أكل الفقراء ؟؟؟ الأغنياء ما يعرفون له !!
بس بالعكس كل الطبقات تاكل اندومي ؟؟؟
الله يا زمن أول كانت أكلتي المفضله أنا و رنا الإندومي كنت متحمسه و أنا أسويها
كأني في معمل تجارب
....... : وش تسوين ؟؟
التفت مرتاعه
أميره : بسم الله الرحمن الرحيم ؟؟ الجوهره تعوذي من ابليس وش هالترويع ؟؟
الجوهره : ههههههههه حبيت اسوي لك مفاجأه
كشرت في وجهها و رديت لتجربتي
الجوهره : أميره تراي ادري انك ما تدانيني بس و الله انا مب مثلهم صدقيني ؟؟
التفت و طالعتها بإبتسامه مشرقه !!
أميره : و الله ادري مين قالك اني ما ادانيك .... تاكلين اندومي يالغلا ؟؟
الجوهره : يمه روعتيني حسبتك زعلانه مني ؟
أميره : تستاهلين كذا تعادلنا !! كفك على كذا يا قمر ؟؟
الجوهره : المكان هنا مره روعه و خصوصا انه قريب من البحر
أميره : الجوهره وش رايك تطلعين عصير من الثلاجه على بال ما يطبخ الإندومي ؟؟
قامت تطلع العصير و أنا أحط البهارات
أميره : الا ما قلتيلي كيف كانت جولة أمس ؟
الجوهره : أمس ما رحت معاهم !!
أميره : الله ليه ؟؟
الجوهره : مالي خلق ؟؟
رفعت القدر و قمت أفرغ الإندومي في الصحون
أميره : وش اللي مالي خلق خلينا نفطر اندوميتنا و نعين من الله خير و نطلع ؟؟
حطت الجوهره العصير على الطاوله و طالعتني
الجوهره : رنا !!!!
أميره : ...............
الجوهره : أنا قاعده أشوف رنا قدامي
قمت أصرف
أميره : يا شيخه شيلي العصير و امشي قدامي
و رحنا للصاله
جلسنا ناكل
الجوهره : اندومي !!
أميره : نعم نعم الأكل المفضل
ضحكت و قالت
الجوهره : ينفع تكونين بدعايه
أميره : و انتي ينفع تكونين غلاف مجله ههههههههه
ابتسمت ابتسامه حزينه حيل
الجوهره : مب قادره أنسى ؟؟
أميره : أصاله ؟؟
الجوهره : ايه ؟؟ مشتاقه لها حيل ودي أجلس معاها لو ساعه بس !!
أميره : الشوق ذبحنا و ما خلى فينا صبر بس وش نصلح هذا امر الله ؟؟
الجوهره : تدرين مين معاي بالغرفه ؟؟
أميره : مين ؟؟
الجوهره : حلا الغثيثه ؟؟
قمت أضحك
أميره : و الثلاثي الناري لا يكونون سوى ؟؟
الجوهره : طبعا
أميره : أجل وش رايك تتركينهم و تجين في جناحي
الجوهره : هي فكره حلوه بس أخاف أزعجك ؟؟
أميره : ليه !!
الجوهره : أتحرك كثير و أنا نايمه
ضحكت و ضربت على كتفها
أميره : يا جوجو محلوله
خلصنا فطورنا و دخلنا جناحي
الجوهره : ماشاء الله مره كبير هذا أكبر من الشمالي و الغربي بكثير
أميره : ما قلت لك ؟؟ تعالي بوريك شي ؟؟
و فتحت البلكون
الجوهره : يااااااااااااااه يطل على البحر مباشرة بصراحه فكرة اني أشاركك الجناح أقنعتني!!
تركتها في البلكون و رحت لغرفة الملابس قمت أطلع ملابس عشان الطلعه لبست بنطلون جنز كحلي و تي شيرت أبيض و طلعت
أميره : الله انتي للحين هنا ؟؟
رحت لها بالبلكون لقيتها ساهيه في عالم ثااااااااااااني
كانت تطالع الحديقه طالعت مكان ما تطالع لقيت عبدالهادي يلعب رياضه تدرون وش يسوي
يلعب ملاكمه مع جزع النخل !!
أحححح يدي !!
كل ما أتذكره أحس يدي تعورني !!
بالله ما يتألم ما ينجرح لهالدرجه حزين لهالدرجه يتذكر و مب قادر ينسى !!!
كانت الجوهره تطالعه و عيونها تدمع شوي لقيتها تركض و تنهار المسكينه على السرير
و تبكي !!!
رحت لمها و أنا مستغربه موقفها
قلت بمرح
أميره : مش حنأضيها دموع بأ و نسيب الشغل يا جميل ؟؟
رفعت راسها و طالعتني بحزن
الجوهره : أميره فيني ألم مب قادره أتحمله فيني حزن محد في هالدنيا يستوعبه
ردت تدفن راسها في البطانيه و تبكي !!
أميره : يالجوهره وش فيك طيب فهميني السالفه و قولي لي وش فيك ؟؟
الجوهره : أحبه !!!
طالعتها بذهول و قلت :
أميره : مين ......... و قمت أأشر على البلكونه بإستغراب .... عبدالهادي !!!
صدمتني !!!
الجوهره : أحبه يا أميره مب قادره أفكر في غيره ... هو يحب أصاله أدري بس !!
من بعد وفاتها حبيته !!
جلست أطالعها بصمت و أتأملها و اقلب الأمور في راسي
الجوهره : مالقيت أحد أعترف له غيرك !! من زمان ابي أحد يسمعني ... أميره ولي يسلمك لا تطالعيني بهالطريقه !!
أميره : ها .... هو فعلا عبدالهادي باقي يحب أصاله الله يرحمها بس تقريبا قرب ينساها
ياويلي عالكذبه اللي ما تتزحلق !!
لأنه يحب وحده ثانيه !!
الجوهره : ......................
أميره : يالجوهره حبيبي قومي نغير جو شوي مخنوقه !!!
قومتها و قلت :
أميره : عندك غرفة الملابس اختاري اللي تبينه بسرعه و اختاري أي عباه بسرعه بنطلع !
و هي المسكينه منصدمه مني دخلتها غرفة الملابس و قفلت عليها
رجعت للغرفه حطيت يدي على قلبي ..... في بلاهه أكثر من كذا ؟؟؟
بصراحه ما أعتقد ؟؟ جيت بأكحلها عميتها ؟؟
يا ربي استر قمت أطالع المرايه و أسوي شعري .... ربطته و قمت أظفره
لبست عباتي و أخذت أغراضي و رحت للصاله أنتظرها
يا ويلي على الكذبه أنا ليه مكبره السالفه يمكن يصير شي يغير الموازين !!
أميره : الجوهره ما بعد خلصتي ؟
جاني صوتها من الغرفه
الجوهره : لااااااااء انزلي و انا بلحقك
شلت قشي و نزلت رحت للصاله
أميره : صوفي قولي للسواق يجهز السياره
صوفي : أي سيارة فيهم مس أميره
قلت بنفاذ صبر
أميره : أي سياره يا صوفي احنا حنأضيها رغي !!!
رحت للحديقه الجو طالع شيييييييييي ..... قمت أطالع عبدالهادي اللي كان باقي عند جزع النخله و باقي يضرب فيه !!
رحت لعنده و مسكت يده
أميره : أكيد انجنيت ؟؟
ابتسم لي و هو يمسح عرقه
عبدالهادي : صباح الخير أميره هذا تدريبي اليومي
قمت أقلب يده بعدم اقتناع !!
أميره : متأكد انك بخير
طالعني لا لا بس ما طالعني ...... طالع للي وراي
قمت أطالع اللي وراي !!!
التفت لقيتها مب داريه عن نفسها كانت ملتهيه تسكر العبايه و هي تمشي
الجوهره : يوووووه يا أميره شنطتي بالغرفه و حلا الغثيثه نايمه آخاف تنشب لي
أول ما رفعت راسها تصنمت في مكانها
ياويلي عالإحراج !!!!
هي مدري كيف كان وضعها بس بسرعه ركضت للصاله
التفت لعبادي أشوفه
قالي و هو مشدود في عالم ثاني !!
عبدالهادي : سجلي لها اعجابي بشعرها بصراحه ..........مذهل !
قمت أضحك و هو باقي ما تحرك من مكانه
طالعته و أشرت بيدي قدام عيونه
أميره : أزوجك اياها !!!
عبدالهادي : ياليت
كان عايش عالم ثاني
ضربت كف بكف و مشيت ألحق البنت لا يكون صار لها شي !!
ناداني ...
عبدالهادي : أميره
أميره : نعم !!
عبدالهادي : وش اسمها !!
أميره : مدري ؟
جاني مسرع
عبدالهادي : بتقولين و لااااااااا
أميره : الجوهره .... تهددني يعني
عبدالهادي : و ربي ما اهدد بس ....
تركته و دخلت للصاله لقيت الجوهره تبكي
أميره : خير يا بنتي وش فيك ؟؟
الجوهره : ما كنت أبيه يشوفني ؟؟
أميره : ليه ؟؟
الجوهره : لأنه يحب أصاله
أميره : و الله يا الجوهره انتي معقده الموضوع كل اللي كان في قلبه من ناحية أصاله هو الكم يوم اللي شافها فيهم و أصاله توفت الله يرحمها خلاص و بعدين لو كانت عايشه كان تنازلت لك عنه عشان خاطر عيونك !!
رفعت راسها و قلت
أميره : و بعدين خلاص امسحي دموعك بنطلع
مسحت دموعها
أميره : على فكره عبدالهادي يسجل اعجابه بشعرك .... مسويتلي فيها اغراء انتي و وجهك يا جنيفر
الجوهره : صددددددق !!!
هزيت راسي بنعم بصراحه ما ألومه شعرها ما شا الله ابداع طويل و فاحم و مثل الحرير
ينهف مع الهوا و يوم شافها كان مفلول و هي حلوه تشبه هيفا اختها كأنها دميه
خدودها حمر مره و عيونها عسليه و شفايفها حمر يحقله المسكين و هو اللحين على قوله
انه نسى أصاله و قام يحب وحده غيرها بس قهرني مدري مين هي ؟؟
تذكرت يوم وريته اللوحه اللي رسمتها لأصاله في المرسم شافها بس ما علق و قالي انه
صحيح حبها في يوم من الأيام بس بعد وفاتها ... قلبه انشغل بوحده غيرها
صدق يالرجال مالكم أمان !!!
مقهووووووووووووره ودي أعرف مين هي عشان أرتاح و ترتاح هالمسكينه اللي متعذبه
و هي تحبه و الله ما درى عنك يا الجوهره الله يصبرك و ايانا !!!
طلعنا من البيت و قمنا نتمشى في الشوارع و بديت أوصف لها الأماكن و الذكريات اللي لي فيها !!
رجعنا للبيت على وقت الغدا بالزبط لقيت الكل صاحي و أنا دايخه حيل و تعبانه لفينا لين قلنا بس !!!
دخلنا الصاله لقيناهم كلهم مجتمعين
حلا : وين كنتوا ؟؟
الجوهره : مب شغلك ؟؟
هلا : الله الله من متى يا الجوهره ؟؟
ضحكت بسخريه و قالت
الجوهره : من اللحين !!
قمت أضحك بشماته
سلمت عليهم كلهم و طلعت أتسبح يمكن أصحصح الجوهره راحت تجيب أغراضها
من الجناح الشمالي طبعا لو شافتها صوفي تنقل أغراضها بيجي لها الشلل !!!
حسب قانون الإيتيكيت رقم مليون : على بنت العز و الفلوس ما تشيل أي قطعه أو غرض من أغراضها الا بمساعدة الخدم هههههههههه منتهى القرف !!!
طلعت من الحمام على صوت ناديه
ناديه : يوه يا اميره تأخرتي عالغدا ؟؟
مسكت المنشفه و قمت أنشف شعري
أميره : و اذا يعني تأخرت ؟؟
ناديه : يا ربي من هالبنت و بعدين من وصلوا أعمامك ما سلمتي عليهم
أوف و الله صادقه نسيت كيف ما جا على بالي
أميره : بسلم عليهم بعد الغدا ....... على فكره من هم ؟؟
ناديه : عمي سامي و خالد و فهد و أبوي
قمت صرخت
أميره : عمي فهد هنا و ما تقولون لي
ناديه : لا يا شيخه عاد بتهتمين ؟؟
أميره : نداوي حبيبي طلعيلي ملابس و ارحميني من هجومك
ناديه : أمرنا لله وش بنسوي ؟؟
لهيت و أنا أنشف شعري و قمت أفكر في الجوهره الله يسعدها و ينولها مرادها يا رب !!
*
*
*
*
*
*
*
الساعه : 09:30 مساءا
الكل طلع ما بقيت الا أنا و صوفي ترجتني ناديه أطلع معاهم بس رفضت
رايحين شاليه مدري وين ؟؟
قمت أقلب التلفاز بملل و أطالع لصوفي اللي أجبرتها تجلس معاي و طبعا هذا كسر لقوانينها ..
أميره : صوفي يا قلبي انتي عمرك ما ضحكتي
طالعتني و قالت برسميه :
صوفي : بضحك بس كل وأت و لو آدانه
أميره : بس من عرفتك ما شفتك تضحكين !!!
صوفي : ..............
أميره : يقولون السكوت أبلغ ... مع انه في قانون الإيتيكيت و النظام لازم الخادم يرد على أسئلة المخدوم مهما كانت !!!
<<<< طبعا هذا جايبته من عندي !!
صوفي : مس أميره قانون الإيتيكيت بيأول يسقط حق الجواب اذا عرف من قبل المخدوم !
أميره : بس يا صوفي ما أعرف الجواب عشان أسقط حقه بالنسبه لك
طالعتها و سكت طفشاااااااااااااااانه
أميره : صوفي اتصلي على السواق بطلع
صوفي : شو !!
أميره : ايه يا صوفي بسرعه
طلعت لغرفتي بدلت ملابسي عالسريع و لبست عباتي و طلعت
رحت للبحر كالعاده مرمى أحزاني و همومي الناس بيروحون و أنا توني أجلس على الشاطئ !!!
و بعدين أنا دايم أروح للمنطقه الهاديه اللي مافيها صخب
طفشت من الجلوس وقفت و مع وقفتي سمعت صوت جوالي يرن
رساله : ماااتت أشواااقي !!
بس بقربك عااايشه طول العمر
أحبك
صرخت بصوت عالي
أميره : يوه من هالمجنون جنني أبي أرتاح يا ناس
أشوى ما كان فيه أحد يسمعني !!
له ثلاث أيام هالمجنون يرسل لي مسجات الصبح و الليل و العصر خلاااااااااااااص طفشني
وقفت أتأمل البحر و أنا خلاص ميته قهر !
متى بأرتاح من عذابي آآآآآآآآآه يا بحر أشتكي لك ايش و لا ايش و ربي كرهت نفسي
مب قادره أتخيل حياتي هالكثر ممله هالكثر حزينه و كئيبه لو ما ارتسم الحزن على وجهي أشوفه على وجه اللي أحبهم أوووووف تعبت !!
في ذيك اللحظه حسيت بشي يلمس يدي بحنان التفت !!
أميره : عبدالله
ابتسم لي
عبدالله : توقعت اشوفج هني يالغاليه ؟؟
ضغط على يدي
عبدالله : وش فيج ؟؟
تنهدت بتعب
أميره : قول وش ما فيني !! تعبانه حيل
عبدالله : عطيني همومج أشيلها عنج و الله ما تستاهلين الألم
ابتسمت و قلت
أميره : بعطيك همومي بس بشرط لا تشتكي لو زادت أحمالي عليك
مدري ليه حسيت في ذيك اللحظه بيدي بعيده عن يده و هو طايح على الأرض و العربه بقربه قمت أشوف المشهد اللي قدامي بتمعن
أميره : نـــــــــــــــــــــــــــــــــــــاصر !!!!!!!!!!!!!!!!!!!!!!!!!
كان يطالعني بشراسه و كره غير طبيعي
شفت عبدالله يحاول يرفع نفسه و يزحف للكرسي
رحت لمه و حاولت أساعده
قام ناصر ضربني على وجهي و سحبني و قام يضربني بقوه و أنا ماسكه يد عبدالله
ناصر : هذا هو اللي فضلتيه علي
رفس الكرسي برجله و قال بقرف
ناصر : معااااااااااااااااق !!!!!!!
أميره : وخر عني يالوصخ ابعد ... هالمعاق اللي مب عاجبك أشرف منك و ارجل منك
دفيته عني و حاولت أبعده عني بقوه فلت منه و رحت لعبدالله
قمت أساعده يجلس على كرسيه
أميره : حقك علي يالغلا
و قمت أبكي و هو كان كسير مدري حسيت انه يبي يسوي شي بس مب قادر
حط يده على خدي و قام يمسح دموعي
لحظتها حسيت بيد ضخمه تشد راسي و تضربني بقوه !
أميره : حرام عليك ابعد عني ما أبيك ابعد
و قمت أبكي
ناصر : اسكتي طيحتي اسم عايلتنا بالرمل مع واحد معاق يا ........
عبدالله : المعاق هو انت يا.................
ما كمل كلمته الا و هو عالأرض و ناصر قربه
عبدالله دفه بالعربه فطاحوا الإثنين عالأرض !!!!
كنت مشتته لحظتها اجتمعوا الناس علينا و انا مب حاسه
هربت من بين الجموع اللي بدت تجتمع و مشيت في الشارع بدون هدف !!!
كنت أبكي أبكي بدون ما أدري ليه أبكي مشيت لأبعد مسافه ممكن تتحملها رجولي
صرخت للسكون و للنظرات الخبيثه للي تطالعني
مشيت عالأرصفه مدري وين بروح !!!
و قفت جنبي سياره مليانه شباب و كل واحد فيهم يرمي كلام مشيت في طريقي و طنشتهم لحقوني و في الأخير فقدوا الأمل مني و قالوا : لا نكون نلحق مجنونه
وينك يا يبه معقوله بترضى لي هالحال ؟؟
أنا اللي طول عمري راسي فوق يصير لي كذا !!!
تركتني بروحي أصارع هالعالم بروحي أشوف الناس تنهش في لحمي و أسكت
و الألم يجرحني بمخالبه بدون رحمه و يتركني كتله فقدت الحياه !!
يا يبه لو الموت راحه ادعيلي بالموت خذني معك لعالمك يمكن أرتاح !!
قمت أمشي بالشوارع و الكل يطالعني نظرات الناس تحاصرني من كل صوب
و ألسنتهم تهمس و تنشر سمومها عن وحده مجنونه تمشي بالشوارع و تكلم نفسها
أربع ساعات و أنا أمشي بالشوارع مب حاسه في نفسي
حسيت براسي يعورني آآآآآآآآه يا عبدالله وش صار فيك ؟؟؟
وقفت تاكسي وصفت له عنوان البيت يوه ما معاي فلوس
ما كان مصدق اني أنا ساكنه في المكان اللي وصفته حتى الحارس رفض يدخله المنطقه بكبرها ...
أميره : انا بنت مساعد بن عبدالرحمن أرجوك أسمح له يدخل
طالعني فتره لأني ما كنت لابسه غطى على وجهي
رفع العامود الكهربائي و هو ساكت و خلى السياره تمر
أول ما وقفت عند القصر السواق فتح فمه مستغرب
أميره : انتظر لو سمحت أجيب لك الفلوس
نزلت من السياره و رحت للبوابه أدق الباب
شفت سيارة عبدالهادي توه كان نازل منها رحت له أول ما شافني ارتاع المسكين
أميره : عبدالهادي عطي للتكسي فلوسه
كان مصدوم بمعنى الكلمه !!
أما أنا فركض على البيت دخلت لقيت الرجال مجتمعين بالحديقه دخلت الصاله من الباب الخلفي و ركض على غرفتي سكرت الباب و انهرت على الأرض و قمت أبكي بحراره
من دخلت الغرفه الطق على الباب ما وقف
ناديه دقت لين شبعت فقدت الأمل في اني أفتح الباب و راحت
شوي أخواني قاموا الواحد بعد الثاني يطقون الباب بس مافي أمل أفتح
عبدالهادي : و الله لو ما فتحتي الباب بأكسره وش جايبك بتكسي وجه الفجر
افتحي الباب يالله
و قام يصارخ و يضرب الباب بكل قوته
عبدالهادي : افتحي الباب بسرعه
ما رديت رغم تهديداته قمت أبكي لين تعبت من البكى و حسيت عيوني بتنعمي
رحت و أنا في مكاني عالأرض في عالم مره حلوووووووو
( ان القدره على تحمل الألم ... و الصمود أمااامه ..قوة عظيمه لا يدرك معناااها الا بعد فوااات الأوااان )
|