يوم الخميس
الساعه : 03:00 عصرا
بيت أبو عبدالله الله يرحمه
_______________
أماني :
تدرون اني تعاطفت مع عبدالله
مسكين حزني و الله من بعد ذيج الرمسه
و أنا أفكر فيه يلست بالحوش أفكر هل يقدر عبدالله يتزوج أميره بكل هالسهوله
نوره : أمـــــــــــــــاني
فزيت من مكاني
أماني : بسم الله الرحمن الرحيم شو هالترويع شو فيج جذي مثل عيالج مخبله !
نوره : بسم الله على عيالي شو اللي جابلهم التخبل غيرج انتي و ودو
شوي و يات ود ..
ود : أشوف اسمي انذكر في رمستكم أصلا ما تذكروني بالخير يا شينكم بس تحشون فيني
نوره : يتنا ودو مسودة الويه شيفكنا من لسانها الطويل و نقرتها الماصخه
أماني : أشوفكم يتوني شو اللي يابكم تركوني بروحي شوي أتنفس الهوا بعيد عنكم
ود : شوف شوف شوف الأخت الشاعريه !
قمت معصبه
أماني : سمعي و بعدين معاج و الله اني مب متفيجه لك و لا للرمسه معاج فكيني من شرك و اللي يرحم والديك
البنت انصدمت
ود : شو قلت أنا ؟؟؟ كنت أمزح معاج ... اذا ظايقتج أنا آسفه
نوره : أماني شيا عليج البنت مب قصدها كانت تمزح معاج
قلت بضيج
أماني : يووووووووووه
ود : الله لهالدرجه قلبك متروس علي !!!
تركتهم و دخلت للصاله ما لقيت أحد طلعت لغرفتي
بس كان ودي أشوف عبدالله و أقول له اللي عندي أدري محد بيسمعني غيره !!!
توني اكتشفت هالشي !!
رحت لغرفته طقيت الباب ما رد أكيد زعلان مني و مضايق من ذيج المره
رجعت طقيت الباب بس ما رد فتحت الباب و دخلت
لقيته متمدد عالشبريه و شكله تعبان حيل يلست عداله
أماني : عبدالله عبدالله اشفيك
كان يتأوه من شي بس مب عارفه من شو حطيت يدي على صدره تنفسه ضعيف
أماني : عبدالله يا غناتي شو تشكي منه ؟؟
حسيته ما يقدر يرد علي و الله خفت
نشيت من مكاني من الفجعه نزلت تحت أصارخ بخوف ...
أماني : لحقو علي عبدالله طايح مدري شفيه !!
_______________
يوم الخميس
الساعه : 05:15 مساءا
بيت مساعد بن عبدالرحمن
الرياض
_________________
أميره
من قوة الفرحه قمت أحضن أمي بلا شعور
أميره : يا يمه و الله مستانسه
أم أحمد : الله يديم عليك يا يمه و يسعدك يا رب
ناديه : تدرين و الله اشتقت لكل قطعه في هالبيت
قمت أمزح معاها
أميره : قولي اشتقنا للحبايب
أحمد : أي حبايب ؟؟
قامت ناديه تطالعه و عيونها مليانه حب
ناديه : ما لي حبايب غيرك يالغلا بس لا يروح فكرك بعيد
أحمد : أمزح أصلا مالي غلا غير الغلا
أنا استحيت و أمي قامت تطالعهم مستانسه
أم أحمد : الله يديم عليكم المحبه يا عيالي
أميره : ما تستحي تغازل حرمك قدامنا
أحمد : يا شيخه خليني أعيش حياتي و بعدين حرمتي بالرياض لها شكل ثاني
أميره : لا يا شيخ
ناديه : ليه كيف كنت شايفني بدبي ؟
أحمد : بصراحه يالغلا كنتي دايم حزينه و اللحين أشوفك انتعشتي
المره استحت و حمرت !!
تركتهم في الحب و الغرام و طلعت للحديقه أتأمل كل شبر فيها و أتذكر حنيني لكل شي فيها !!!
الحلو إن كل اعمامي جو استقبلونا بالمطار الشي اللي وسع صدر الوالد و خلاه يرضى
رجعت لهلي و للمتي و لحياتي اللي أحبها و أغليها لا و مصلحين لنا بكره سهره روعه بالمزرعه
ياه و ناااااااااااااسه ......
و مع ذلك أحس بشي غريب أحس إني فاقده شي أو ضايقه شوي شعور ما قدرت أفسره
دقيت على رنو !!
رنا : هلا و الله مسرع اشتقتي لي ..
أميره : طبعا اشتقت لك .... يا روحي من بكره ألقاك أول الموجودين بالمزرعه
رنا : أكيد ما يبيلها كلام .... و الله الكل يسأل عنك أولهم البنات متولهات عليك يااااااااه يااااااااااااه يا أميره مستانسه !
أميره : الله يديم عليك يا قلبي
رنا : أميره فيك شي ؟؟
أميره : و الله يا رنا مدري أحسن اني فاقده شي في شعور رهيب يحاصرني
رنا : وش هالكلام انتي مب سعيده انك رجعتي للرياض ؟؟
أميره : رنا و الله مب عارفه ليه بس ما أعتقد انه من رجعتي للرياض لالا بالعكس مره سعيده بس !!
رنا : أقدر أقول بكل بساطه انك تركتي قلبك في دبي و جيتي للرياض ؟؟
أميره : نعم
رنا : عبدالله يا روحي يا قلبي انتي ما قلتي لي وش صار معاك في الكوفي شوب ؟؟
سكت .......... أتذكره تدرون اني اشتقت له و ودي أشوفه بلهفه تدفعني لهالشي !
رنا : أميره وش فيك ؟؟؟
أميره : ودي أشوفه مع اني مالي يوم من شفته الا اني متولهه على شوفته
رنا : خلاص عرفنا السبب في هالضيقه
أميره : كيف ؟؟؟
رنا : يمكن حبيب القلب صابه شي
أميره : أعوذ بالله وش هالكلام بسم الله عليه
رنا : لا يا قلبي بسم الله عليك انتي اللحين انتي مب قايله انك حلمتي فيه و هو حلم فيك أجل خلاص !!!
بينكم تواصل روحي لدرجة انك تحسين فيه حتى لو كان بينكم آلاف الأميال ...
أميره : لا و الله !!!
رنا : صدق و الله و تبين تعرفين ان كلامي صح اتصلي على أماني و حاولي تجيبين سيرته بدون ما تحس عشان ما تشك فيك !!!
أميره : آخاف تورطيني !
رنا : دقي و شوفي ؟؟
أميره : ان شاء الله
قفلت من رنا كنت متردده أتصل على أماني يا ربي أدق و لا لا
قمت أتمشى في الحديقه بحيره و تردد
طلع لي أمير متشقق من الوناسه
أميره : بسم الله الرحمن الرحيم خيييييييير
أمير : مبسوووووووط ؟؟
أميره : الله يهنيك
أمير : وش فيك تقوليها بهالطريقه ؟؟
أميره : ممكن تبعد عني ؟؟
أمير : أفا و الله
رن جوالي !!!
أول ما شفت الشاشة توترت بقوه
أماني !!!
أميره : هلا و الله أهلين
أماني : هلا فيك
استغربت بصراحه
أميره : بسم الله أماني وش فيك يا حبي وش فيه صوتك كذا !!
أماني : أميره عبدالله تعبان
أنا من الصدمة تنحت تدرون مثل اللي أخذ كف على وجهه !
أماني : أدري ان عبدالله متعلق فيج و يحبج يا أميره و حسيت بهالشي من أول مره
أنا خلاص دمعتي جاهزه خلاص بتنزل أمير شافني طالعته بحده سحب نفسه بهدوء !
أول ما راح ...
أميره : أماني و لي يسلمك أبي أكلمه أبي أسمع صوته سمعيني أنا بالرياض ليتني أجلت السفر لو يوم بس آآآآآآه يا ربي !
أماني : عبدالله اللحين بالعنايه المركزه ممنوع عليه الزياره
أميره : يا ويل قلبي ؟؟
أماني : سمعيني اميره أنا ما اتصلت عليج الا عشان اعرف شي واحد ........ انتي تحبين عبدالله !!!
سؤال جاني في الصميم و كل ما أسأله لنفسي ألقى نفسي ترفض الإجابه عليه !!!
أماني : صدقيني أميره بيظل هالسر بينا حتى هو ما راح أقوله بس اصدقيني و الله ودي أساعدكم ؟؟
في هاللحظه بكيت خلاص انهرت جريت بسرعه و أنا ماسكه الجوال و طلعت لغرفتي سكيت الباب و قمت أبكي
أميره : أماني كل اللي مر بيني و بين عبدالله مثل الحلم كلها صدف و الله العظيم آه يا أماني مدري وش بقولك تدرين اني كنت حاسه ان فيه شي و الله صدري ضايق من أول ما وصلت الرياض ... حتى توي كنت أفكر اتصل عليك بس .........
أماني : صدقيني يا أميره بأبذل جهدي عشان أساعدج !!!
أميره : مشكوره يا قلبي .... بتصل كل شوي عليك أتطمن عليه تمي معاه يا أماني لا تتركينه عشان خاطري !!
أماني : بإذن الله انتي بس ادعي له ....الله يشفيه
أميره : أكيد بإذن الله
انهيت الإتصال و جلست مصدومه مب قادره أستوعب قمت أبكي بعنف مب متخيله انه هالإنسان اللي شفته أمس انهار بهالطريقه .....فتحت شنطتي أدور على الصدفه
لقيتها و صرت أتأملها و أتذكر ..
((( لو نسيتيني تذكريني بهالتذكار )))
و ربي ما نسيتك أتذكرك في كل لحظاتي يا كل لحظاتي
من أتذكر ابتسامته أبكي أكثر !!
رن جوالي
أميره : رنا عبدالله تعبان بالعنايه المركزه
رنا : بسم الله الرحمن الرحيم شوي شوي ردي السلام أول و بعدين وش جا عليه ؟؟
أميره : مدري و ربي مدري ؟؟
رنا : طيب اهدي يا قلبي و لا تبكين هدي نفسك
أميره : كيف أهدى و هو مريض و تعبان
رنا : تحبينه
أميره : .....................
رنا : خلاص عرفت !!
أميره : و الله يا رنا تعبانه و مب عارفه كيف أتصرف !!
رنا : يا قلب رنا ما في غير انك تدعين له و بكره لنا لقاء
أميره : ما أظن اني بجي
رنا : أفا ياذا العلم ؟؟ ما يصير يا أميره وش بيقولون عنك اسمعي و غير كذا شموخ وش صار عليها ؟
أميره : و الله متولهه عليها حيل
رنا : خلاص يا قمر بكره بتجين ؟؟
أميره : ان شاء الله
يا رب اشفي عبدالله و عافيه و الله اني متولهه عليه
قمت أطالع الصدفه كأن وجهه مرسوم عليها
صليت و دعيت له و نزلت للحديقه أسأل الورد عليه و أدور عليه بين خيالاتي و أحلامي
قمت أغني و أنا في قمة السرحان
مشتاااق له ميت عليـــــــــــــــــــه
و ينه بعد عمري أبيـــــــــــــــــه
بحكيله عن كل اللي صـــــــــــااار
عن غيبته ليل و نهــــــــــــــــااار
و بلهفتي بحضن يديــــــــــــــــه
وينه بعد عمري أبيــــــــــــــــــه
حسيت في غيااابه بحــــــــــــــزن
مريت بأصعب ظـــــــــــــــــروف
ليته يجي ليته يحــــــــــــــــــن
و بعين أحوااالي يشــــــــــــــــوف
من ياااخذ أشواااقي اليـــــــــــــــه
وينه بعد عمري أبيــــــــــــــــــه
راااح اللي بعيونه الهــــــــــــــــنااا
غاااب الفرح في غيبــــــــــــــــــته
ليله بعد ليله و أنـــــــــــــــــــــااا
بس أنتظرهااا رجعتــــــــــــــــــه
و أتخيل ايديني بديـــــــــــــــــه
وينه بعد عمري أبيــــــــــــــــــه
أمير : الله الله من زمان ما سمعنا هالصوت
أميره : الله يسلمك
أمير : وش فيك و أنا أخوك ؟؟
أميره : سلامتك
أمير : يا ربي على غموضك اللي يقتلني و الله محد يعرف لك غير رنو
أميره : يا قلبي عليها مكسره الدنيا
قام يضحك مستانس الأخ !!!
( عندمااا تخطئ الخيااار .... و لا تعلم كيف يسير بك الإحساااس و في أي اتجاااه ينطلق !! احسم أمرك سريعااا كي لا تسقط )
_______________________
|