البارت الخامس
________
يوم الأحد
الساعه : 10:00 مساءا
بيت أبو أحمد
______________
أميره
ياه أخيرا طلعت من المستشفى
و حولي هلي و اللمه اللي أحبها
أخيرا برجع لأرضي الحبيبه لحياتي الروعه اللي مالي غناة عنها
الحمد لله انه مب حلم !!!
الحمد لله أني في الواقع في الحقيقه إلي دوم أغرب من الخيال
تدرون و مع هذا متحسفه على شي أخذ مساحه كبيره من تفكيري !!
ما أكذب عليكم لو قلت اني حلمت فيه
حلمت اني أنا وياه سوى نسولف بسعاده مب طبيعيه
كنت سعيده معاه أغني له و يغني لي أشتاق له و هو معاي يطالعني
و يحضن يديني بين يديه
عبدالله ......
و مع ذلك كل هذا كان حلــــــــــــــم !!
( الحلم ... أجمل مااا في الحب لحظاااته السريعه .. دقااائقه المثيره تصرخ بتجدد مع بزوغ الشمس )
من كثر ما علق هالحلم في بالي رحت للمرسم أتأمل صورته
اللي اعتبرتها من أجمل لوحاتي و أروعها
ودي أشوفه بصراحه قبل لا أسافر الرياض
يمكن الشي الوحيد اللي بتحسف عليه في دبي هو اني رحت و عيني ما ودعته
كنت ساهيه في أحلامي و خيالاتي بلا حدود !!!
ويرن الجوال !!!
أميره : يا شينك يا رنا قطعتي علي أجمل أفكاري
رنا : لا و الله لا تقولين لي تفكرين في ناصر لو تفكرين فيه زين اني قطعت عليك حبل أفكارك !
أميره : لا مين جابلك سيرة ناصر .... ناصر هذا Game over عليه من حياتي
رنا : ههههههههههه أجل مين صاحب الحظ السعيد اللي تفكر فيه أموره
أميره : مين راح يكون غير شموخ ؟
رنا : علينا هالحركات !
و قامت تقلدني
رنا : يا شينك يا رنا قطعتي علي أجمل أفكاري ههههههههههه كل هذا و تقولين لي شموخ ...... مين راح يكون غير شموخ !!!
أميره : رنوه عن التريقه و الله مب رايقه لك خلصيني وش تبين ؟؟
رنا : أفأ و أنا بنت خلودي وش ذا ؟؟
أميره : رنا و بعدين معاك
رنا : أنا جاهزه للسفر مررررررررره متحمسه
أميره : اسمعوا مين يتكلم ؟؟
رنا : أميره كنت بأقولك و الله واحشني موووووووت
أميره : هههههه لا يا شيخه ليتك بس قدامي آه تدرين يديني تعورني ؟؟
رنا : عسى ما شر ليه ؟؟
أميره : لأني ودي أضربك ..................رنو يا حبي أمر لا بد من تنفيذه
قلنا مع بعض بصوت واحد
رنا و أميره : سكري السماعه و ضفي وجهك ههههههههههههه
رنا : حفظناها هالأسطوانه المشروخه هههههه ياالله مع السلامه
أميره : ههههههههههه مع السلامه في امان الله
رجعت لعالمي قصدي للصوره ياااااااااااااه رائعه
ما بقى شي على سفرنا آآآآه ليتني بس أشوفه
لأني حلمت فيه و أبي أشوفه و مشتااااااااااااااااقه له
____________________
يوم الأربعاء
بيت أبو أحمد
الساعه : 07:00 صباحا
____________
أمير :
وداعيه يا إمارات وداعيه
مني مصدق خلاص بنرد للرياض !!؟؟
ليه لا أصلا ما في أجمل من الديره بس الإمارات حلوه بعد
أساسا أنا يوميا أودعها
من غاب هالثامر من البيت و أنا أشبر الإمارات أدور عليه
طول الأيام اللي راحت و هذي شغلتي
و الله يحق له من الفشله مب قادر يقابلنا
و مع ذلك خليه يتأدب ؟؟
أميره : أمييييييييييييييير وين سارح ؟؟
أمير : ها فيك و أنا اخوك
أميره : لا يا شيخ مصدقتك تدري !!
أمير : خخخخخخخ أدري انك مكذبتني
أميره : ياااااااااااه مني مصدقه مستانسه بالحيل خلاص بكره بنرد للرياض و الله متولهه عليها
طالعتها باستغراب !
أمير : لا يا شيخه !!
أميره : و الله
شوي جت الوالده
أم أحمد : أميره يمه خلاص رتبتي أغراضك ؟
أميره : أكيد طبعا لها يوم كامل مرتبه و جاهزه
أمير : ما شاء الله الأخت متحمسه
أم أحمد : و انت ما ذهبت أغراضك ?!
أمير : لا
أم أحمد : و ليه ان شاء الله
أمير : قبل لا أنام أجهزها
و حنا في هالمعمعه سمعنا صوت باب الصاله ينفتح سكتنا نشوف مين اللي دخل !! ؟؟
أول ما بان لنا وجهه نقزت من مكاني و ما سمعت الا صرخة الوالده
أمير : ثامــــــــــــــر !!!!!!!!!!!!!!!!!!
وقف يطالعنا بحيره مب عارف وش يقول أول ما شاف الوالده تبكي سحب نفسه بكل هدوء و طلع لغرفته
كلنا سكتنا مدري وش بنقول يا هلا و مرحبا فيك و لا سودا الله وجهك مدري و الله !!
____________
من مذكرات رنا
___________________
يوم الإربعاء
بيت محمد
الساعه 11:50 صباحا
___________
رنا :
من صدقك ثامر رجع.... طيب رجع كيف !!!!!!
أميره : وش دراني ؟؟
رنا : حسبي الله عليه و له وجه يرجع وجع فيه ؟؟
أميره : يا بنت لا تدعين على الولد يمكن الله يهديه
رنا : يا ربي يالحنونه !
أميره : اسمعي أنا ما جيتك عشان هالسبب جيتك عشان أقولك اني خايفه
رنا : من !!
أميره : ناصر
رنا : نعــــــــــــم .......... ناصر !!
أميره : ايه أبي أنساه يا رنا أصلا خلاص مسحته من حياتي بس أخاف أرد للرياض ألقاه هناك ما أبيه !!
رنا : بصراحه معك حق لأن ناصر مجنون و لو عرف انك ما تبينه بينهبل الرجال يمكن يقتلك !!!
طالعتني أميره و هي متفاجأه
أميره : يقتلني !! رنا وش هالفال أعوذ بالله
قلت ببرود قاتل
رنا : يقولون و من الحب ما قتل ؟؟
أميره : بس ما أتوقع انه هالكلام ينطبق علي أنا و ناصر
رنا : اسمعي يا قلبي بأقول لك تخيلي و أشياء متوقعتها لأني أعرف في الطبيعه البشريه مثل ما انتي عارفه طيب ؟
أميره : اتفضلي يا عالمة الإجتماع قولي ريحيني
رنا : تخيلي انك مثلا حبيتي عبدالله أخو أماني صديقتك و هو بعد حبك
و رجعتي للرياض و لقيتي ناصر و صديتي عنه و قلتي له الحقيقه في وجهه انه مثل ما باعك راح تبيعينه أو بعتيه ... انفعل الرجال و ضربك مثلا أو .........!!!
أميره : و الله هذا اللي ناقص من هو عشان يضرب بنت مساعد انتي قاعده تحكين لي ميلودراما و لا ايش بالزبط ؟؟؟
رنا : يوه يا أميره اسمعي لا تضيعين السالفه خليني أكمل
قالت بغيظ
أميره : كملي
رنا : طيب بيجي عبدالله يخطبك ناصر يحاول بشتى الوسائل يمنع هالخطبه
تنخطبين و تملكين و تتزوجين عبدالله غصبا عن ناصر ....... ناصر انسان مجنون و أعصابه
ما تتحمل انه يشوف حبيبته بين يدين رجال غيره !!!
ما في حل غير انه يقتلك و ينتحر !! أو يقتلك و يصير مجنون
طالعتني أميره هالمره بدهشه أكبر
أميره : رنا وش هالتفكير أعوذ بالله صايره أخاف منك ؟؟!!!
رنا : يا حبي أنا أعرف ان ناصر عنده تسرع و جموح فظيع لدرجة انه لحقك و لدرجة انه كان على استعداد انه يسرع عند المنعطف و نموت كلنا !!! ناصر مجنون و يسويها و أعتقد انك تعرفينه أكثر مني صح !!
سكتت فتره طويله تطالعني بذهول !!
مهي مصدقه !!!
رنا : و عموما يا أمورتي هذا مجرد تخيل بسيط أو سميه توقع !!
أميره : شوفي يا رنا فكرة اني أتزوج عبدالله مستحيله و أعتقد انك عارفه ليه !!
جماعتنا ما يرضون يدخلون غريب بينهم أو يزوجونك من واحد أجنبي و مب من بلدهم و بعدين تعرفين مقولتهم المشهوره
(( ما نبي دمائنا تختلط )) أفكار متخلفه لازم واحد من نفس عايلتنا و لا ما في زواج
و ناصر بالنسبه لي انسان منتهيه صلاحيته !!
رنا : كل شي جايز في هالحياه و بعدين شوفي يا حبي أنا هالمبدأ أرفضه و أعرفك لو حبيتي
راح تحبين بإخلاص و تنسين عقلك و أشوفك مهتمه بعبدالله كثير و أعتقد انك حبيتيه أو للحين في طريقك لحبه ...
حمر وجهها و عصبت
أميره : كيف مهتمه فيه كل ما في الموضوع اني رسمته و بس و الدليل اني إلى اللحين حتى ما فكرت أشوفه !!!
رنا : مب علي هالكلام من نظرة وحده لعيونك صرت أفهمك يا حلوه
عصبت البنت زياده و جت مسكتني من كتوفي بقوه
أميره : اسمعي لو انجنيتي جنانك هذا مب علي فاهمه و لا تفكرين اني مثلك ...
رنا : مثلي في ايش يا أميره ؟
أميره : في هبالك
طالعتها ببرود
رنا : كلنا في الهبال سوى بس الهبال اللي للحين ما سويته اني ما حبيت و الحمد لله لأنه اللي يحب في هالزمن مجنون و في هالحاله انتي مجنونه أكثر مني عرفتي يا أموره !!!
أميره : يا ماما لا تنسين نفسك و شوفي مين تكلمين !!
رنا : أميره وش جا عليك اصحي وشوفي الواقع و عيشيه يكفيكي وهم و خيال و أحلام تحلمين بهوس و تجين في الأخير
تنصدمين في الواقع ... الواقع دايما يكون أغرب من الخيال !!
لمتى بتمين معلقه في أوهامك و حياتك اللي كلها خيال لدرجة انك
مب مستوعبه انك عايشه هالحياه اصحي و عيشي الحياه صح و اتركي عنك هالخرابيط اللي انت عايشتها !!!
عيش الحياه بواقعيه !
دفتني و بعدت عني !!
أميره : تدرين انك كريهه !!
قلت بنفس برودي
رنا : أدري ...... بس انتي كريهه اكثر مني !
صرخت في وجهي
أميره : انتي و بعدين معاك ترى تحملتك كثير
رنا : تحملتيني !! حلوه هالكلمه يا أميره
أول ما قلت هالكلمه هدت و قامت تبكي !!
رنا : على راحتك لو شايفه اني ثقيلة و كريهه مثل ما تقولين ممكن أنـ .......
أميره : لا لا تقولينها يا الغاليه لا و الله يا رنا مدري بدونك وش أسوي ؟؟!!
جت و حضنتني بقوه و قامت تبكي بإنفعال و هي تهتز !!
نزلت دموعي حاره على خدي أدري انه هالحياه متعبه مثل شبكة العنكبوت خيوطها خفيفه و تنقطع بسهوله
و ما لها نهايه ..... !!
ممكن يكون لها بدايه بس دايما البدايه تضيع مع الأحداث !
______________
يوم الأربعاء
كوفي شوب في .....
الساعه :04:20 عصرا
____________
أميره
طلعت من عند رنا أفكر في كلامها و في لهجتها الغريبه اللي كلمتني بها اليوم
معقوله ناصر يقتلني !!!
قلت للسواق يوقفي عند كوفي شوب حلو رحت له مره أنا و رنا .... هادي ما فيه ناس كثير
طلبت لي قهوه تركي و جلست أتأمل الشارع و أشوف اللي رايح و اللي جاي!
معقوله أنا أحب عبدالله مثل ما قالت رنا لا عاد وش هالفكره المجنونه و الله غباء منها انها تفكر كذا !!
طيب لو ما أحبه ليه رسمته ليه حلمت فيه ليه ........
قطع أفكاري صوت يناديني
......... : ممكن أقطع عليج أفكارج شوي
طالعته متفاجأه مصدومه جلست دقيقه كامله أطالعه ............. معقول عبدالله !!
حاولت أتدارك الموقف و قلت :
أميره : تفضل
عبدالله : اشفيج تفاجأتي
قلت و الإرتباك عامل عمايله
أميره : ايه يا كثر الصدف !!
ابتسم ..... و الله العظيم ابتسامته تريح القلب
عبدالله : أنا اتفجأت مثلج بس ما صدقت اني شفتج هني
أميره : ليه ؟
عبدالله : مدري بس هالصدفه وايد اعيبتني
ابتسمت بتفهم و قلت :
أميره : me too
سكتنا فتره مب عارفه وش بقول و هو بعد مثلي أحس انه يبي يقول شي بس متردد
طالع في فنجاني ...
و نادى الجرسون و قال
عبدالله : اثنين كابتشينو لو سمحت
طالعته مستغربه و الله غريبه المفروض يسألني وش تبين مب يطلب لي يمكن ما يعجبني الكابتشينو
عبدالله : وش فيج ما اعجبج الطلب ؟
طلعته مقهوره
أميره : المفروض تسألني وش أبي أول بعدين تطلب الطلب ؟؟؟
ضحك من قلب على شكلي و وقف الجارسون
عبدالله : ييب واحد موكاتشينو و واحد كابتشينو
طالعني الجارسون و ضحك و راح يجيب الطلب
و أنا مقهوره ..
أميره : و يمكن ما يعجبني الموكا اللي طلبته !!
قام يضحك و أنا هنا أغلي !
قمت من مكاني و شلت شنطتي
أميره : أنا آسفه اني جلست معاك أصلا الغلط مني مب منك !!
جيت بأمشي مسك يدي و قام يطالعني
وقفت أطالعه مستغربه
أميره : انت ............!
قاطعني و قالي بصوت هادي حنون :
عبدالله : تدرين اني حلمت فيج !
تدرون كأنه صب علي ماي بارد هديت بس مدري وش بقول سكت
عبدالله : حلمت اني أمسك يدج و أطالعج و أسرح بعيد في ملامحج
ترك يدي و طالعني ....
مدري وش جا علي هديت أو سهيت أو بكيت مدري كل اللي أعرفه اني سكت !
جا الجارسون بالطلب حطه عالطاوله جلس عبدالله في مكانه و طالعني
عبدالله : ما ودك تيلسين ؟؟
وقفت متردده بعدين جلست
عبدالله : اللحين كيف بعرف الموكا من الكابتشينو
ابتسمت و قلت :
أميره : هذا موكا و هذا كابتشينو
ابتسم لي و شال الكوبين و صار يخلطهم على بعض
طالعته مستغربه تصرفه
أميره : انت شتسوي !!
ضحك لي و قال
عبدالله : أبي أخترع خلطه يديده
كان منهمك و هو يخلطهم شكله يضحك كأنه يلعب في لعبه صايرشكله مثل الأطفال
قمت أطالعه بهدوء و أضحك عليه في داخلي
أميره : تدري أنا بعد حلمت فيك ؟
في واحد من الأكواب اللي كان ماسكها انكب على الطاوله و طالعني بذهول !!!
عبدالله : نعم
أميره : وش فيك ؟؟
عبدالله : عيدي لي شو قلتي ؟؟
أميره : أنا بعد حلمت فيك !
رجع مره ثانيه للأكواب و صب لي في كوب منهم و اخذ الكوب الثاني
أخذت منه الكوب و سكت ..
أما هو سكت مدري وش كانت ردت فعله بس سكت حتى و لا ابتسم
طالعني و قال :
عبدالله : تحبين الرسم !!
أميره : ايه أنا رسامه بس كيف عرفت ؟؟
عبدالله : عندج اسطبل خيول كبير و تحبين الخيل
أميره : ايه عندي اسطبل خيول
عبدالله : لج فرس اسمها شموخ
بصراحه استغربت معقوله أماني قالت له كل هالمعلومات
أميره : ايه كيف عرفت !؟
عبدالله : لأني حلمت فيج
طالعني بهدوء و قام يتأملني
أميره : معليش تأخرت ممكن أستأذن
وقف و قالي :
عبدالله : تدرين أحس اني ما راح اشوفج مره ثانيه
ابتسمت له و قلت :
أميره : وش يدريك يمكن الصدف تجمعنا مره ثانيه ؟؟
عبدالله : ممكن أهديج شي ؟
طالعته مبتسمه
دخل يده بجيب ثوبه و طلع لي صدفه حجمها متوسط بحجم ميداليه و عطاني اياها
عبدالله : لو نسيتيني تذكريني بهالتذكار
ابتسمت له و جيت بمشي وقفني و قالي :
عبدالله : ما راح تهديني شي أتذكرج فيه ؟؟
طالعته و أنا أبتسم له و الله الود ودي أتم معاك على طول
فتحت شنطتي و طلعت عطري و عطيته اياه
أميره : بصراحه فاجأتني بس ما عندي غير هالعطر
قام يتأمل العطر و يطالعه رش منه في الغطا و شمه
طالعني و هو يبتسم
عبدالله : تدرين اني شميت هالعطر قبل ؟
أميره : وين ؟؟
عبدالله : في الحلم
ابتسمت له بمرح و قلت
أميره : بصراحه أحلامك رهيبه
عبدالله : لأنج فيها
طلعت من الكوفي شوب لقيت السواق ينتظرني ركبت السياره و أنا ميته من الضحك
صحيح عبدالله جريء بس مؤدب ليه ما طلب رقم جوالي بدل العطر ؟؟؟
____________________
يوم الأربعاء
بيت أبو عبدالله الله يرحمه
الساعه : 08:20 مساءا
_____________
عبدالله
بصراحه متردد............. أقول لها و لا أسكت
و بعدين أنا بيني و بينها مشاكل شو كثرها و هي ما تدانيني و لا تطيق رجعت ويهي كيف بأقول لها هالكلام الخطير !!
أقلها بتقولي اقلب ويهك !!
و كيف بأرمس لها هالرمسه شو بتقول عني !!
طلعت لها فوق عند دارها و طقيت الباب
أماني : مين ؟
عبدالله : عبدالله
على طول انفتح الباب بويهي و طلع لي ويها !!
طالعتني مكشره
أماني : شو تبغى مني هالحزه ؟؟
قلت بهدوء
عبدالله : أبي أكلمج في موضوع مهم و أبيج تساعديني
ابتسمت بإستغراب و دخلتني غرفتها و صكت الباب و يلست مجابلتني و قالت
و هي تأشر على نفسها
أماني : شو بتسوي لك هالمسكينه الضعيفه اللي مجابلتنك ؟؟؟
أنا نفسي استغربت ردت فعلها .... توقعتها بتقفل الباب بويهي و تصدني
طالعتها بإرتباك و تردد
عبدالله : أنا ........ أنا ............ أنا بصراحه أبي أتزوج
البنت انقعت من الظحك !
أماني : أبويا هالكلام تقوله حق امايه مب حقي هههههههههه شو هالرمسه الحلوه هاي هههههههههه عبدالله يا ناس ياي لي يقولي أنا !!! أبي أتزوج !!
عبدالله : اماني سمعيني أنا أبيك تساعديني أتزوجها ............. اهي وحده في بالي !
أماني : أكيد شمه بنت عمي عبدالعزيز أمايه حاطه عينها عليها من أول و تقول هذي حق عبدالله الله يعينها عليك !
طالعتها معصب و مقهور
عبدالله : مين قالج اني أبي شمه أصلا ما تعيبني هالبنيه كلش شايفه نفسها ؟؟
أماني : و مين تعيسة الحظ اللي حاط عينك عليها ؟؟
عبدالله : ................. أميره بنت مساعد صديقتج !
تجلعت عيون البنت من مكانها و طالعتني بإستغراب ما سمعتو هالصريخ اللي عور اذوني
أماني : شوووووووووووووووووووووو !!!
عبدالله : أوووووووووش شو ينيتي سكتي لا يسمعج أحد !!
أماني : انت من صجك تبي تتزوج أميره
حطيت يدي على فمها
عبدالله : شو اللي صاب مخج !
هدت شوي و طالعتني بمكر
أماني : شو اللي اعيبك في هالبنت ؟؟
عبدالله : أحبها و أبي أتزوجها
أماني : أها !!
عبدالله : و الله قصدي شريف
طالعتني و اسكتت
عبدالله : شو قلتي ؟
أماني : و الله عادي بقول لها ......... بس اهي بتسافر لديرتها باجر و انت لك الله
عبدالله : شوووووووووووووو !!!
أماني : ايه حبيبي تبي تخطبها الله يسلمك روح لديرتها و اخطبها !!!
يلست ساعه مصدوم ما كنت عارف ان هذي أول خطوه في طريق الألف ميل
دخلت غرفتي و يلست أفكر و أحسبها عدل يوووووووووووه
و الله أحبها أحبها أحبها ......... أحبج يا أميره تدرين بهالشي مينون فيج و الله متعذب
آآآآآآآآآآآآآآه
كيف دخلتي وسط هالقلب بدون استئذان و استقريتي فيه فجأه جذي مب عارف
العالم الله يالمحبين !!
____________
من مذكرات رنا
____________
يوم الخميس
الساعه : 09:00 صباحا
المطار
_____________
رنا :
يااااااااااااااااه ما أحلى العوده للوطن
ونااااااااااسه و خلي أخوي بدبي بروحه هههههههههه أدريبه يموت فيها
و أنا أرجع للوناسه و الفله يااااااااااااه روعه
و الشي اللي قاهرني اني راجعه مع أميره و عمي مساعد و عياله
أمير طول الوقت يخزني بعيونه مدري وش فيه علي و الله لو عليه كان سطرني أعرفه مجنون !!
و الشي اللي يخوف انه يلعب رياضه و كمال أجسام يعني الكف من يده بيكون بعشره كفوف !!
و مين هو عشان يضربني يا ربي وش هالتفكير البغيض ........ بلاهه !!!
رنا : و الله العظيم ان ماخليتي أخوك يحترم نفسه ترى طفشني
أميره : ههههههههه و الله بعدي أمير يعرف كيف يوريك شغلك !!
رنا : و الله العظيم ان ما مسك نفسه و الله لأوريه شغله تدرين و لا لا !!
أميره : لا يا شيخه وش بتسوين ؟؟
عصببببببببببببت
رنا : تتحديني يعني و الله لأوريك انت و يا أخوك
خرجت من الإنتظار و رحت له كان يسولف مع أحمد رحت له و أنا أطالعه بتحدي
رنا : نعم انت وش عندك علي ؟؟
القهررررررررررر انه ابتسم حسبي الله عليه
رنا : وش فيك مب توك تخزني بعينك ؟
أحمد فطس ضحك و قاموا يضحكون علي
أمير : مني مستوعب للحين انك رنا ههههههههه مني متخيل انك بتردين للرياض معانا
رنا : لا يا شيخ ليه ؟؟
أمير : البنت ماراح تسوق و ما راح تكشف هههههههههههههههه
عصبني و قهرني
رنا : وش قصدك ؟؟
أمير : اللبيب بالإشارة يفهم هههههههه
و هو و أحمد ماتوا من الضحك
رنا : ليه تتحداني أسوق يعني
أمير : طبعا .....لأن هذا مستحيل
قلت بأسلوب يقهر
رنا : لا يا حبي بأسوق و غصب عن اللي يقول لا
عصببببببب و هذا اللي أبيه !
أمير : نعم و مين راح يسمح لك .... هنا يا ماما في رجال مب لعبه
رنا : مادام ابوي راضي وش دخلك انت ؟؟
أحمد : الله و أكبر افتحت رنوه فمها وش بيسكتها ذي ؟؟
أمير :يعني ايش وش دخلك ليه مني مالي عينك ؟؟
قلت بأسلوب استفزازي
رنا : لا يا قلبي مالي عيني وقلبي و روحي بعد ..... لا يا ماما خفت لحقي علي يا يمه ... يا شيخ وش بتسوي يعني !!!
أمير : نعمممممممممممممممم
رنا : ايه أصلا بعد كلمة أبوي محد له كلمه علي أنا رنا بنت خالد آل ...!!
طالعني معصب و مسك يدي بقووووووووووووه و سحبني
أحمد : أمير يا أمير وش بتسوي يا رجال تعال
رنا : آآآه فك يدي وخر عني
و قاموا الناس يطالعونا ... وقف عند الإنتظار و نادى أميره
جتنا أميره ميته ضحك
أميره : وش فيكم ؟؟
أمير : امسكي اختك مدري بنت عمك بعيد عني أحسن ما ......
قاطعته بحده
رنا : لا يا شيخ مالقيت الا أميره
أميره : بنت و أنا وش فيني احشميني شوي ؟؟
أمير : أصلا هي ما احشمت نفسها ؟؟
طالعته باستنكار
رنا : لا يا شيخ .... خليت الحشيمه لك .... و بعدين ممكن تترك يدي ؟
توه الأخ يتذكر ترك يدي بخشونه
رنا : آآآآآآآآآه أي حسبي الله عليك وجع ؟؟ آه عورني يا أميره شفتي أخوك
أميره : أشوف ........ أوف وش هذا أمير شوي شوي على البنت !
أمير : خلها تتأدب ؟؟
و في هاللحظه نادو على رحلتنا يا ربي قهرررررررر
_____________
يوم الخميس
الساعه : 11:30 صباحا
مستشفى علاج الإدمان بدبي
___________
ثامر :
آآآآآآه أحس بالألم مو قادر أتحمل
العلاج من الإدمان صعب
أدري إني غلطااااااااااان بس مب قادر أتحمل
يا الله تعبااااااااااان حيل
وينهم أخوياي ... أصدقاء السوء
يوم طحت محد راعاني أو وقف معاي
وقفتهم على الكاس و الخمره و البنات
و رئيس عصابتنا الحقير مات !!!!!!!!
للحين مب مستوعب انه هجم على إختي يااااااااه يا أميره
مسكينه هالبنت بتاخذها من مين و لا من مين !!!؟؟
مع انها كانت تراعيني و الله بس مدري كيف صار هالشي و الله مالي وجه أطالعها
أما أمي فدموعها مثل الجمر على قلبي توني أحس فيها
و أبوي تعامل مع الموضوع بدبلوماسيه !!
دخلني هالمستشفى و قالي لما تتعالج لنا كلام طويل مع بعض
ليه ما هزأني أو دعا علي ليه ما ضربني أو احتقرني كل اللي قاله تعالج و ارجع لنا بالرياض
الرياض اللي ما كنت أحبها عشان ما آخذ راحتي في الكيف و القرف اللي كنت أشربه و البنات !!
و الحياه الواطيه اللي كنت أعيشها ؟؟!
آآآآآآآآآه أحس بالألم
ودي أشرب غرشة خمره و لو نقطه بس ما أحس بهالألم
يا رب سامحني و الله تعبان حيل
محمد ولد عمي خالد ما قصر و الله انه خدوم دايم يزورني و يرفع معنوياتي
|