البارت الرابع
___________
يوم الخميس
الساعه : 01:00 صباحا
بيت أبو أحمد
_______________
أميره
بصراحه استانست اليوم و انصدمت طبعا لأنه سهيل طلع ولدهم و الله حاله و عبدالله بصراحه توقعت سهيل ولده !!!
بعد ما طلعت من عندهم رحت لبيت رنا ما كنت متوقعه ألاقيها دقيت عليها جوال ما ترد
فقلت للسواق يوديني عندها بالبيت و تفاجأت انها موجوده !
أميره : رنو ما طلعتي اليوم من البيت لا إله إلا الله وش جا عليك بصراحه من عجايب الدنيا !
رنو : ههههههههه مين قالك ما طلعت الا طلعت يا قلبي توني جايه
أميره : ول عليك مالت توني بقول عقلت البنت هههههههههه
رنو : أي عقلت الله يهديك خلاص العقل روح
ِأميره : الحمد لله عالعافيه
جلسنا نسولف و أقولها وش صار معاي عند أماني !!!
رنا : آه يا أموره ما يمديني على الرومانسيه اللي انتي فيها ليته شافك ?
أميره : وش تخربطين انتي وش يشوفني استحي على ويهج ؟؟
رنا : يا ربي ويهج ما يمديني قلبتي اماراتي و لا وش جا عليك
و الله استحيت و ضربتها بالشنطه على ظهرها
رنا : آآآآآآآآآآآه أي عليك وش هذا آآآآآآآآآآه عورتيني
قلت بتريقه ...
أميره : لا يا كحيل العين تعورتي و الله انتي لو صدموك بتريلا مب سياره ما بيصير لك شي !!
رنا : ليه وش شايفتي جمس بوند و لا فاينل فانتزي ؟؟
أميره : هههههههههههه لا ذا و لا ذا أشوفك أندر تيكر !
متنا من الضحك !!!
رنا : وش أخبار شموخ ؟؟
أميره : آه لا تذكريني اتصلت على رسول و قالي انها بخير يا اني متولهه على شوفتها
رنا : تصدقين ودي أرد للرياض
أميره : غريبه ... انتي لو رحتي الرياض بتموتين !
رنا : الله ليه ؟؟
أميره : ما بتسوقين يا روح أمك ؟؟
رنا : ايه صح و الله انك صادقه بس مع ذلك ناويه أتباحث مع نفسي في الموضوع
أميره : أحلى يا فخامة الرئيس
رديت للبيت كان ظلام و ما في أحد
طلعت لغرفتي خذت لي شور بارد ينعنشني و نشفت شعري و تمددت على سريري
يااااااه وناسه غمضت عيوني و قمت أفكر أحيانا تختلط علي الأفكار مدري شذكرني
بذاك الإنسان اللي شفته عالشاطئ عبدالله هذا اسمه ما توقعت انه أخو أماني ليتني ألمحه
أو أشوفه مره ثانيه رجعت أتذكر صوته و موقفه معاي :
.. : لو سمحتي .... الاخت اماراتيه
فاجأني سؤاله بصراحه ... التفت و قلت :
أميره : لا مب اماراتيه
ابتسم لي و قالي :
.... : عيل انتبهي على روحج
قلت مستفسره و على وجهي ابتسامه بريئه
أميره : ليه أعتقد انه بلدكم أمان !
... : لا اختي الأمان من الله كل مكان في هالعالم فيه شر
أميره : و الله انك صادق الشر في كل مكان .. على العموم مشكور على النصيحه
ياااااااااااه وصلت لدرجة اني أرسمه يا ربي مدري وش يعني ؟؟
و فجأه تذكرت ناصر تدرون اني .... اني ... احبه
زين ان رنا مب هنا كان صارت علوم !!!
و الله مدري يوم المول أتذكر لهفته و لحقته و راي تدلل على انه باقي علي و ما باعني
يا ربي ليتني وقفت أسمعه ليتني ما هربت ليتني يوووووووه و الله حاله !!
و فجأه حسيت بهوا حار يصقع في وجهي فتحت عيوني وجمدت تصلبت من كثر ما بققت عيوني عورتني من الصدمه !!!!
مين هذا اللي في وجهي ؟؟؟؟؟
توني أستوعب ....... ان اللي قدامي ........ رجال غريب في غرفتي ريحته مقرفه و انفاسه عفنه و يبتسم لي بخبث أول ما قمت
مسكني صرخت و دفيته رجع مسكني بقوة و قربني منه بشكل رهيب و أنا أصرخ ...
و هو يضحك بمكر و خباثه و يقرب مني مب قادره أفلت منه !!!
..... : من زمان أسمع عن هالجمال و ما اشوفه وينك يا حلو هههههههههههاااااي
بكيت خلاص خفت يغمى علي و لا شي و بعدين اروح فيها شكله يخرع و شكله بعد طفح خمره لين غرق!!!!!
أميره : الله يخليك فكني أبوس يدك و اللي يرحم والديك لا اااااااااااااء
دفني على السرير و طحت قام قرب مني بشكل خطير دفيته و قمت لأنه بفعل الخمره كان شوي ضعيف !
و مب صاحي قمت أبكي و أصارخ و لا فيه أحد يسمعني !!!
ضربته على صدره دفيته و هربت دخلت الحمام و سكرت على نفسي قام يضرب الباب بقوه
وقفت ورى الباب أحاول أهدي نفسي طالعت في دولاب الحمام رحت له أدور أي شي أطعنه فيه !!!
مع الفجعه أصلا نسيت وين حطيت شنطتي اللي فيها السكين !!
مب معقوله البيت ما فيه أحد وين راحوا ..... آآآه رجولي مب شايلتني و هذا شلي جابه بغرفتي يمه وينك ؟؟؟
تذكرت ان أمي و أبوي سافروا اليوم بس آه لو انهم أجلوا سفرهم يوم واحد بس ؟؟؟
بكيت و صرخت مب عارفه وش أصلح !!
شوي سمعت باب غرفتي ينفتح و ينصك !!
هديت شوي قربت اذني من الباب قبل لا أفتحه
ما سمعت صوت ..... شكله طلع .... فتحت باب الحمام و طلعت أول ما طلعت مسكني من وراي وضمني بقوه
عجزت أتنفس ...
أميره : ابعد عني يا حقير حرام عليك آآآآآآآآآآآه اتركني
...... : اتركك ههههههههههههههههههه
قمت أقاومه و أبعد يده عني صرخت بصوت عالي قام حط يده على فمي عضيتها بكل قوتي
فكني و هربت و أنا أتنهد و أبكي جريت للباب أبي أفتحه و أهرب تعنقلت بأسلاك الأبجوره لأنه من المقاومه حاست الغرفه و تنثرت الأغراض على الأرض و طحت آآآآآآآآآآآآه
كان بيني و بينه مسافه متر مرتبكه بقوه و مب حاسه في نفسي جا بيهجم علي قد فكيت الأسلاك من رجلي فرحانه بهرب مسك يدي بقوه و عطاني كف ما حسيت براسي من قوته طحت على الأرض !!
رفعت شعري عن وجهي أشوفه لقيته رايح يصك الباب قمت بكل قوتي و شلت الأبجوره بأسلاكها و ضربته على راسه شوي و طاح قدامي على الأرض ان شا الله يموت الحقير !!
شفته قدامي طايح و الدم يصب من راسه انهرت و قمت أبكي .... وين أمي و ين أبوي و ين أمير و الخدم وينهم وين راحوا ؟؟
و تركوني .... سمعت صوت أنفاسه !!!!!
خفت لا يقوم يهجم علي طلعت من غرفتي و هربت بكل سرعتي نزلت أنادي الخدم محد منهم موجود طلعت للحديقه شوي و سمعت أصوات بالغرفه اللي بالحديقه شفته و ليتني ما شفته !!!
ثامر مو معقول ثامر و معاه شلة كلهم سكرانين طالعته أتأمله بألم نزلت على خدي دمعه مثل الجمر !!!
هو أول ما شافني قام حتى قومته من كثر الخمره اللي شاربها شوي و يطيح شفته يبي يلحقني
هربت منه فتحت باب البيت و طلعت بدون وعي لبيت أخوي أحمد كان قريب من بيتنا
قمت أدق الباب بقوه و أصارخ و أدق إلا و يفتح لي أحمد و هو مفجوع ارتميت في حضنه و بعدين ما دري وش اللي صار ....
من مذكرات أحمد
___________
يوم الجمعه
الساعه :07:00 صباحا
المستشفى
__________
أحمد
من كثر الفجعه ما قدرت أتماسك طلبنا الإسعاف
و جو خذوا أميره للمستشفى و أنا مب عارف شجا عليها وش فيها طالعه من البيت كذا بهالحاله !!
رحت لبيتنا أشوف وش صار دخلت لقيت المجلس أنواره والعه !!!
أول ما دخلت شفت و ياليتني مت قبل ما أشوف شباب دايخين من الخمر و ريحتهم عفنه كنها ريحة جيفه و ثامر معاهم !!
و مناظرهم مخزيه بدون ما أقول عصبت من قلب و قمت أصارخ عليهم و اللي نايم أشوته و أطردهم من البيت ....
أحمد : قم أنت وياه سود الله وجيهكم يا سفله وش هذا وش هذا يا قرف و الله منتم برجال
قاموا مثل الملدوغين و طلعوا من البيت بقى ثامر اللي مب عارف كيف اتصرف معاه و وش أقوله ؟؟؟
هو كان مصدوم و يمكن توه يفوق من تأثير الخمره حسبي الله و نعم الوكيل !!
تركته على حالته و طلعت لغرفه أميره أول ما دخلت شفت عند الباب واحد طايح بالأرض و الدم حوله !!
أحمد : أعوذ بالله منك
لقيت الغرفه فوق تحت و عرفت من هذا كله بالسالفه !
دقيت عالإسعاف يجون يشيلون هالوصخ من هنا
رجعت لغرفة أميره أتأملها و بدون شعور نزلت دمعتي مب قادر أتصور الحاله اللي وصلت لها و ما في أحد بالبيت !!!!
أمير وينه ؟؟
حسبي الله و نعم الوكيل لا حول و لا قوة الا بالله العلي العظيم
أمي و أبوي كل الخطا عليهم من جينا لدبي ما عينا خير وش فيها يعني لو تمينا بالرياض
كانت البنت بتروح فيها و يضيع مستقبلها بسبتهم !و سمعت العيله أهم شي بالنسبه لي
أمي طول الوقت برى البيت ... و أبوي مشغول في الشركه و على طول مسافر
صاير البيت مقر للنوم و الأكل كنه فندق !!
طلعت من غرفة أميره لقيت ثامر قدامي
ثامر : أحمد أنا ..........
طالعته بحزن على حاله
أحمد : انت ايش ؟؟؟
دفيته و نزلت ....
رحت للمستشفى أشوف أميره
الدكتور : معلش البنت دي عندها انهيار عصبي و مبتكلش كويس و عندها فقر دم
نزلت راسي أقول في نفسي
أحمد : آه يا دكتور لو تدري ان أمها و أبوها مسافرين
اتصلت على أمي و أبوي قلتلهم وش صار بصراحه ما علي في ردت فعلهم !!!!
بسبت اهمالهم بغت تضيع البنت .. و يضيع اسم العيله!!!
و أمير أول ما اتصلت عليه جا بالمستشفى
قلت له السالفه ما قدر يستوعب المسكين انصدم
الأخ كان في الملعب !!!!
وش ملعبه هذا اللي الساعه وحده باليل الله المستعان ؟!
_______________
يوم الجمعه
الساعه : 10:30 صباحا
المستشفى
___________
أمير
معقول !!!!!!
بنت مساعد آل
يصير لها كذا ... حنا لو تأخرت عن البيت نقوم الدنيا ما نقعدها !!
و اللحين يصير لها .......
يا ربي مب قادر أنطقها !
أدري اننا مقصرين في حقها و حسبي الله عليك يا ثامر حسبي الله عليك !!
مر وقت طويل شوي الا و أمي جايه تبكي و تصيح من هول الصدمه مب قادره تجمع !!!
أم أحمد : بنتي وين وينها بنتي أبي بنتي أميره يا يمه !!
أمير : يا يمه استهدي بالله ما صار لها شي تعوذي من ابليس
أم أحمد : ما اقدر أهدى يا يمه ما اقدر وين أخوك هذا الله لا يوفقه و لا يعطيه خير
أمير : يا يمه لا تقولين كذا الله يخليك و تدعين على الولد الله يهديه !
أحمد كان مثل الصنم !!!! كان يطالع أمي بحسره حتى زوجته ناديه ساكت ما يرد عليها !!!
كلنا مكتئبين و امي طول الوقت بس تصيح
طلعت لنا الممرضه !!!
الممرضه : الدكتور بيأول ممكن تزوروها بس لازم الهدوء لأنه المريضه محتاجه الهدوء و الراحه !
قامت أمي أول من دخل راحت لأميره اللي كانت منسدحه أول ما شافتنا جلست
قامت أمي تحضنها و تبوسها
أم أحمد : كيفك حبيبتي الحمد لله على سلامتك
ناديه : الحمد لله على سلامتك
أمير : سلامتك أموره ما تشوفين شر
أحمد : سلامتك
طالعها بحزن و على طول طلع من الغرفه
هي ساكته ما ردت علينا كانت نحيفه أول مره أنتبه على هالنحف و صفرا و مذهوله و متحطمه و حالها ما يسر عدو و لا صديق !؟
شفت خدها مورم عصبت مب قادر أمسك نفسي
أمير : الحقير الله يصيبه
طالعتني الوالده بحده .....
أم أحمد : ها يا بنيتي كيفك الحين ؟؟؟
طالعتها أميره برجاء
أميره : أمي أبي أشوف أبوي الله يخليك
أم أحمد : ان شاء الله اللحين هو بالطريق بيجي شوي
أميره : ممكن تتركوني بروحي و لي يسلمكم أبي أكون بروحي
ما حاولنا نجادلها تركنها على راحتها و طلعنا ....
اتصلت على محمد ولد عمي يقول لرنا ان أميره بالمستشفى يمكن تقدر تهدي عليها شوي لأن رنا توأم روحها
بس طبعا ما قلت له وش صار !!!
____________
من مذكرات رنا
______________
يوم الجمعه
الساعه: 12:20 ظهرا
المستشفى
____________
رنا :
رنا : أميره بالمستشفى !!!!!!
محمد : ايه ؟؟
رنا : ليه بسم الله عليها كنت حاسه ان فيها شي
محمد : تعبانه شوي
ما انتظرت أسمع التفاصيل بدلت ملابسي و لبست عباتي و طلعت ركبت سيارتي و مشيت
مب من عوايدها أميره تقفل جوالها غريبه ...!!!
من الصبح أدق عليها جوالها مغلق مدري وش جا عليها ؟؟؟
رحت للمستشفى و دخلت عليهم لقيتهم واقفين عند غرفة أميره و عمتي حصه تبكي
سلمت عليهم ...
رنا : وش السالفه و الله خوفتوني
جات عمتي حصه و حضنتني
أم أحمد : ادخلي عليها يا رنا لعل و عسى تسمع منك مب راضيه تخلينا ندخل غرفتها !!!
أمير : مب راضيه تسمع منا كلمه !
حسيت ان الموضوع كايد و مولع ...
دخلت عليها بهدوء و سكرت الباب لقيتها جالسه بس .......
انسانه غير مب ذيك اللي شفتها أمس حتى شكيت انها هي لا مب أميره !!!
رحت لها و حضنتها أول ما شافتني بكت ... ما قدرت أتحمل شكلها يكسر الخاطر و الله بكيت يوم شفتها
أميره : أبي أرد للرياض ؟؟
رنا : انتي قولي لي السالفه بالأول
أميره : رنا تخيلي دخل علي واحد في غرفتي و أنا نايمه
رنا : نعـــــــــــــــــــــــــــــــــــــــــم
أميره : وهجم علي و ..........
حبست أنفاسي مثل اللي يشوف فلم رعب
رنا : ايييييييييييييه !!! و بعدين !!!!!!
أميره : ضربته على راسه بالأبجوره و هربت لبيت أخوي
رنا : أوف الحمد لله أشوى ما صار شي ثاني !
أميره : بس أبي أرد للرياض اللحين
رنا : ليتهم يوافقون ... يا شيخه المهم حمد لله على سلامتك يا قوي قلبك ما شا الله
قمت و بستها على خدها أطالع في وجهها أشوف خدها مورم
رنا : وش هذا ؟؟
أميره : ضربني
رنا : جعل يده الكسر و الخلع ان شا الله .... ؟؟
أميره : تدرين يا رنا الحمد لله انه صار لي كذا عشان ارجع للرياض
طالعتها مستغربه
رنا : لااااااااااا شكل عقلك انهف من جد أعوذ بالله أحد يفاول على نفسه كذا !!!!!!!!
قامت تطالعني و هي تبتسم ذكرتني بلوحه في متحف اللوفر لما رحنا فرنسا اسمها
""الفتاه الحالمه ""
كانت تبتسم و هي تفكر في أحلامها اللي متخيله انها راح تتحقق في يوم من الأيام بصراحه روعه هالأميره و الله مع كل هاللي جاها و تبتسم !!
(لعلنااا نتمنى المصاااائب تتلقفنا من كل جااانب كي تستقر بعض الأمور و تعود لمجراااهااا الصحيح )
أميره : عشان أرد للرياض و أرجع للناس للي أحبهم و أولهم شموخ
رنا : يا حبي لك ليتني شموخ كان لنا نصيب على الأقل من هالحب و الإهتمام
أميره : ههههههههههه
رنا : ايه كذا يا شيخه اضحكي و وسعي الصدر ترى ما في شي يسوى الحمد لله انها جت على كذا !
أميره : الحمد لله
رنا : اللحين بيجي عمي مساعد بس لا أوصيك مثلي الدور صح ههههههههه خلينا نرجع للرياض و نستانس !!
أميره : هههههههه و الله انك مرجوجه
قمت أشرت عليها
رنا : وافق شن طبقه
قمنا نضحك
رنا : ايه هذا هو الوجه اللي أبي أشوفه منور مثل فلقة القمر و الحمد لله على كل شي .......... يالله يا قلبي بأتركك ترتاحين شوي ... و بأمرك بالليل ان شا الله
سلمت عليها و قمت رحت للباب بأطلع نادتني
أميره : رنا
رنا : هلا
أميره : شكرا
رنا : على ايش يادبه ما بيننا هالكلمه ؟؟
رحت لمها و ضميتها و بكينا ....
|