اريج: لا بس احس عندك سوالف واجد... صار حشرك
الحبيب وملزم تطبخين له؟
عبير وهي تقلب بجوالها: ايوا
اريج: وبتطبخين؟
عبير: اكيد وانتو عاد خليكم معايه وساعدوني....وارسلت
مسج لفهد وحطت الجوال بشنطتها
اريج: ههههههههههههههههههه بعدي فهود واخيرا بتدخلين
المطبخ وتصيرين مرة سنعة
كملو ضحك وسوالف الين وصلو البيت ... اما فهد اول
ماوصله مسج عبير فتحه وقراه بلهفة ....
( كل مايسأل حبيبي:وش كثر عندي غلاه؟؟
أشهق وأرفع يديني كثر هالدنياا وزود....
يبتسم ويهز راسه ... ادري ...ويحرك شفااهـ..
آآآهــ ياااحلوهـ سؤالن ماايدور له ردود!!!!
ماسأل لجل إيتأكد.....يدرى مالكني هواهـ!!!!
كل مافيني نطق به والقصايد له شهود,,,,,
يدري من هالدنيا كلها ماملا عيني سواااااهــ.....
يدري ماسكن بقلبي حب غيره بالوجود.....
يدري,,,,ويدري,,,,
ولكــــــــــــــن....!!!!
رغم كل اللي دراه.....
كل ماوده يذوب بالغلا حس البروود......
يرجع ويسأل:
حبيبك قلتي وش كثره غلااااااااه؟؟؟؟
أبتسم......
ابتســــــــــــم وأحلف,,,,,,
أبتسم واحلف بربي!!!!!!
كثر.......
هالدنياااااااااا,,,,,,,
كثر هــالدنـــيــــــــــــــا وزووووووود...... )
تنهد بخاطره ... ياكبر حبها بقلبه وكل يوم يتعلق فيها
اكثر من قبل ...
( هالدنيا حلوة بشوف عيونك الحلوة
يامن غديت بحياتي كل مافيها
إن غابوا الناس عني قلت انا فدوة
إلا انت لا تغيب عن عيني وتجفيها
إن قلت أحبك ترا ماقلتها رضوة
من كل قلبي أحبك صدق واعنيها
لكن خذني حبيبي خطوتـن خطوة
بكرة الليالي تفسر لك معانيها
آنا تمنيت شوفك في العمر منوة
والروح تسأل عيوني وين غاليها
وأحلم بك ان كنت صاحي والا في غفوة
واليوم دنياي تتحقق أمانيها
ياقلب طيب أبد مايعرف القسوة
ياسنين شفت السعادة في لياليها
من نور حسنك غدت أيامنا حلوة
تحلا بشوفك ويحلا كل مافيها )
ارسل لها هالمسج ... وهو من قلب يدعي ربي يعدي
هالشهور بسرعة ويجتمع شمله معاها .....
****************************
وصلو البيت ودخلو وكل وحدة راحت مكان ...
عبير غيرت ملابسها ... ولبست لها قميص قطني
لونه ابيض ... ومرسوم بالنص ع الصدر صورة تويتي
بالأصفر ... قصير يوصل لنص الساق .. واكمام كت
لمت شعرها ونزلت للمطبخ..
اريج: هههههههههههههههههههه يمه بموت ضحك
عبير تناظرها وهي رافعة حاجب: خير ان شاء الله
اريج: من زمان اتمنى اشوف هالمنظر والحمدلله تحققت
امنيتي اخيرا
عبير: مررررة بايخة
ندى: هههههههههههههههه ياحبك للشماتة والله
اريج: والله هالفهد خطير ياحبي له بس
ندى: عبير وينها خالتي؟
عبير: معزومة عند جارتنا ام راكان
اريج: يعني البيت لنا بس؟
عبير: يب... انقذوني وش اسهل طبخة ممكن اسويها؟
اريج: اندومي
ندى: ههههههههههههههههههه عشان يطلقها فهد
عبير تطق ندى: عمى لا تتفاولين عليه
ندى: بسم الله عليكم يارب
اريج: ساندويتش جبن
عبير: اروووووج عن الاستهبال والله جد محتارة
ندى: صينية خضار
عبير: يعني اقطع خضار وبصل ؟
اريج: لا حبيبتي بس تصوري معاهم
ندى: ههههههههههههههههه الله يقطع سوالفك اسكتي
خليني اعلمها ترى البنت شايلة هم
عبير: ايوا ندو حبيبتي علميني
ندى: زين قومي المطبخ اعلمك
قامو البنات ودخلو المطبخ
اريج وهي مازالت مستانسة على الموقف وميتة ضحك
على شكل عبير: هههههههههههههههههه عبورة تكفين
صورة للذكرى
عبير: ههههههههههههههه مرة مبسوطة انتي
اريج: اي والله... الله يسعدكم ونستوني
قعدو البنات على طاولة المطبخ ... وعبير تستمع
لتعليماتهم وتتبعها بحذافيرها ... قعدت تقطع بصل
وهي تتأفف ومنزعجة وعبير تكلم فهد وتضحك
اريج: ههههههههههههههههه فهود ودي اصورها والله
حتى السكين ماتعرف تمسكه... ياخي خفف الحكم
خلنا على الأقل نمسك لها الخضار
فهد: اريجوه وجع تتشمتين في عبير
اريج: افاااا من قال اني اتشمت ..؟ انا اندب حظك
السيء اللي رماك على وحدة رفلا
عبير: اشوف فيك يوم يارب
اريج مطنشتها وتكلم فهد: والدموع اربع اربع من البصل
هههههههههههههه المهم تعشى انت .. وصينية عبير
اقلبها سحور وصوم بكرة اذا قمت شكر لله انك ماتسممت
فهد: تبين الجد؟
اريج بخبث: ايييه
فهد: بطلب لي عشى الحين
اريج: ههههههههههههههههههه والله لاعلمها
فهد يترجاها: لا اروووج تكفين والله تزعل علي
اريج: زين مو عشانك عشانها
عبير جاية لأريج: وش قاعدين تخططون من ورايه؟
اريج: ولا شي
عبير: والله انكم تتآمرون عليه ( وسحبت الجوال من
اريج)... فهد
فهد: لبيه.. عيونه ...آمري
عبير استحت وذوبها كلامه: وش قاعدين تتفقون عليه؟
فهد: انا ماقلت الا اني احبك وميت فيك
عبير: بايخ والله ورمت الجوال لأريج وراحت تكمل
اريج: هههههههههههههههه ياويلي مو قادرة اتحمل ضحك
اكثر
فهد: وخري بس انتي تبين تسببين بينا مشاكل قومي
ساعديها كسرت خاطري والله
كملت عبير طبخ ... وسط تعليقات اريج ... ومساعدة ندى
حطت الصينية في الفرن واتصلت في فهد: الو
فهد: هاه بشري خلصتي المفطح؟
عبير: ههههههههههه حتى انت تعلق عليه؟
فهد:طفشتك الخايسة اريج؟
عبير: لا عادي اتقبل منها اي حاجة
فهد: يااااارب تحبيني كثر ماتحبينها
عبير: ومن قال انه هي اكثر؟
فهد: يعني انا اكثر
عبير: امممم
فهد: اموت واعرف وش تعني هذي امممم؟
عبير: يعني ايوا
فهد: يااااقلبي انتي
عبير: طيب عشر دقايق وارسل لك العشا مع السواق
فهد: افااا وليش ما اجي اتعشى عندك؟
عبير: الوقت متأخر ... ومحتاجة وقت كمان عشان استعد
يعني ماينفع
فهد: مادري ليش تحبين تعذيبي
عبير: هههههههههههه واللي انت مسويه مو تعذيب يعني؟
فهد: ياحبي لك والله ...انا راحمك بس عشان تعبتي..
عبير: خلاص بشوف العشا لا ينحرق
فهد: زين
عبير: باي.. وسكرت وراحت ركض للمطبخ
جهزت العشا .. وارسلته مع السواق لفهد... اللي اخذ
منه الأغراض وهو مبتسم
البنات طبعا طالبين لهم عشى من برا .... راحت عبير
خذت لها دش سريع وجاتهم قعدت معاهم ... حطو
عشاهم وتعشو
ندى: تتوقعون فهد بيتعشى؟
عبير: هههههههههههه ما اظن
اريج: الحمدلله اعترفت
عبير: اول مرة في حياتي اطبخ ... انا اعرف الناس
تقطع الخضار شرايح دائرية انا طالعة معايه اشكال
غريبة مدري ليه
اريج: من الرفالة ياحبي
ندى: ههههههههههههه حرام لاتحطمينها محد يطلع
من بطن امه عالم
دق جوال عبير في هالاثناء وقامت وقلبها يرقع خوف
من ردة فعل فهد ردت بكل هدوووء: هلا
فهد: هلا حياتي
عبير: اخبارك؟
فهد: آخر اخباري؟
عبير: اكيد
فهد: الحين احبك اكثر من قبل شوي
عبير: فهد انت عارف انا ابغى اي اخبار
فهد: تبين اصارحك ولا اجاملك؟
عبير: لا اكيد الصراحة
فهد: كتجربة اولى تعتبر تجربة شبه ناجحة
عبير استانست: والله؟ حلو
فهد: لعنبو ابليسك انا من اليوم افكر كيف اصيغ الجملة
بطريقة ماتحطم آمالك واثاريك مستانسة
عبير: ايوا اكيد مبسوطة ...يعني مشيت حالي
فهد: تقدرين تقولين تجربة تشكرين عليها بس اتمنى
ماتكررينها
عبير: هههههههههههههه مرررة ماتحطم
فهد: عبورة تكفين ادخلي المطبخ كل يوم وربي كذا
بموت جوع
عبير: الشغالة موجودة مو انت كل يوم تآكل من يدها؟
فهد: اي بس لاصارت مرتي عندي مايهنا لي الأكل الا
من يدك
عبير: طيب ان شاء الله بحاول بس انت لا تضغط عليه
فهد: ماراح اضغط عليك بس حاولي جد مو تضحكين علي
عبير: لا والله بحاول
فهد: زين ياقلبي انتي ... تعشيتي؟
عبير: قاعدين نتعشى
فهد: خلاص روحي كملي عشاك وقعدي مع خواتك
عبير: اوكي... باي
رجعت عبير قعدت مع خواتها وكملو سهرتهم الين راحو
خواتها كل وحدة مع رجلها ....
****************************
اليوم مسوين عشا ببيت ابو تركي بمناسبة رجوع
خالد وشهد من فرنسا ....اللي وصلو امس بالليل
شهد اللي راحت المشغل من عصر ورجعت على
المغرب لبيتها ... قاعدة تلبس وتشوف اطلالتها النهائية
شلون راح تصير
خالد اللي توه راجع من صلاة المغرب دخل عليها
وشافها لابسة فستانها الفضي الحريري الناعم: حبيبتي
شهد التفتت له وهي تلبس الحلق: اهلين
خالد: لازم تلبسين هالفستان؟
شهد تناظر فستانها مستغربة:ليش مو حلو؟
خالد: الا حلو بس عاري شوي...
شهد: من جدك انت؟ لا عاري ولا شي كل البنات
يلبسون نفس الشي
خالد: انا ماعلي من البنات انا علي من زوجتي مابي
احد يشوفها الا انا
شهد: حبيبي والله ماينفع اغيره الحين ... نسقت مكياجي
وكل شي مع هالفستان
خالد: زين غطيه بشال او اي شي
شهد: امممم ما اتوقع عندي شال يناسبه
خالد: زين شوفي عند خواتك او خواتي
شهد: خااااالد ليش تعقدها ؟
خالد: لا صرت اخاف عليك اصير معقد؟
شهد: ماقلت كذا بس هذي المرة عديها عشان خاطري
خالد: اوكي حبيبتي ... بس مرة ثانية خليني اعرف
وش راح تلبسين قبل لا تقررين ..
شهد: من عيوني
خالد باسها على خدها: تسلم لي عيونك حبيبتي ....
اهم شي حصني نفسك ...
شهد: ان شاء الله
كملت اللي بقى لها .... ولبست عباتها وطلعو متوجهين
لبيت ابو تركي...
****************************
البيت زحمة وكل الأحباب مجتمعين .... ريحة
العطور والبخور فايحة بأرجاء البيت ... والكل ينتظر
اطلالة العروس عليهم ...
اريج: كللللللللللللللللللللوش هلا والله يالله حيها مرة اخوي
التفتو كل اللي بالصالة وقامو لها ... اللي تاخذ عباتها ...
واللي جاية لها بالمبخرة تطيبها .... واللي يسلمون عليها
عبير ضمتها بقوووووة : وحشتيييييييني
شهد: بعد عمري وانتي بعد والله
اريج تدفها : وخري بس تراها مرة اخوي انا بعد
سلمو عليها .... ودخلت لمجلس الحريم ... قعدو شوي
وبعدها صلو العشا ... وصارو يستقبلون الضيوف اللي
توهم جايين .. ومن ضمنهم اهل شهد ....
البنات قايمين على ضيافتهم على اكمل وجه .....
اريج توزع المهام على البنات : جوجو خوذي انتي وندى
وفاتن القهوة... وانا ومشاعل واماني صحون الحلويات
عبير: وانا؟ اقعد اتفرج فيكم؟
فاتن: خبري فيك ماتعرفين
عبير: ماتعودت بس على الأقل اعطوني صحن حلى
كذا شكلي مرررة بايخ
اماني: زين خوذيه .. وانا بالمرة الثانية .....وراحو
البنات يدورون بالقهوة والحلى ويرحبون بالضيوف
... مرت الليلة بكل فرح والكل احتفل بحضور عروس
العايلة شهد.... رقص ووناسة وضحك كان عنوان ليلتهم
ليلة اكتملت فيها كل وجوه الفرح ... وعسى هالفرح دوم
يارب...
قررو البنات ينامون ببيت ابوهم ... وعبير استأذنت امها
تقعد مع خواتها ...اللي وافقت على طول وما اعترضت
خصوصا ان ابو تركي الليلة راح يبات عندها ...
قعدو البنات سهرانين ... كان مجمل جلستهم وناسة ....
ماعكر صفو هالسهرة الا تنغيزات فاتن اللي تقطهم كل
شوي على عبير... اللي تضايقت من هالشي وماقدرت
تسكت اكثر...
عبير: فاتن ممكن اتكلم معاك لوحدنا؟
اريج وندى حسو بتوتر الجو بس انتظرو رد فاتن: ليش
يعني في شي تخبينه عن خواتي؟
عبير: لا ما اخبي حاجة بس ابغى الكلام يكون بيني
وبينك بس
ندى قامت بهدووووء: يالله انا بروح انوم فروس وانام
تصبحون على خير
اريج: انا بعد بطلع غرفتي لا صار شي ولا قامت
حروب دقو علي اجيكم مطامر
عبير ابتسمت بخاطرها .. وشافت خواتها وهم يرقون
لغرفهم... سمت بالله وبدت كلامها بهدوء: فاتن انتي ليه
تعامليني كذا؟
فاتن: شلون اعاملك يعني؟
عبير: محسستني اني عدوتك ما كأني اختك ...... وبعد
فترة بسيطة راح اكون زوجة خالك كمان
فاتن: انا ماسويت شي غلط
عبير: تتوقعين اني اكرهك؟
فاتن: يمكن ليش لا
عبير: بالعكس والله اني احبك .... يمكن يختلف حبي
لكل وحدة فيكم عن الثانية .. بس يكفيني انه اسمي
نفس اسمك واللي يجمعنا دم واحد
فاتن سكتت وماعلقت على كلام عبير
اما عبير استرسلت في كلامها : انا ما اطلب منك
تحبيني .. ولا انك تعامليني مثل اريج وندى .....
بس على الأقل احترميني مثل ما أنا احترمك واقدرك
فاتن: عبير انا مو سيئة مثل ماتتصوريني ....
عبير تقاطعها : انا عمري ماتصورتك سيئة والله
فاتن: مو مهم اللي تتصورينه بس انا من كبرت وانا
متعلقة في امي واللي يجرحها يجرحني ..... وانتي
وامك بالنسبة لها جرح ... وهالشي ينفرني منكم
عبير: انا ما اعترضت على مشاعر امك لأنه شعور
طبيعي واي انثى في الدنيا تكره اللي يشاركها في
اللي تحبه... بس انا غير وماما غير... انا وانتي
غير عن علاقتهم ... احنا اخوات
فاتن اللي كلام عبير صحى كل الجروح اللي بقلبها
وخلاها تتنهد وتنزل دمعتها : آآآهـ ياعبير ماتحرق
النار الا رجل واطيها ...
عبير تندمت على كلامها : فاتن انا آسفة ماكان قصدي
حاجة والله
فاتن: لا تعتذرين ابد انتي ماغلطتي .... كلامك عين
العقل ... انا فعلا اوقات اتصرف بغباء ... ومشاعري
بعد تكون غبية ... تصدقين اني احب بدر ولد سعود؟
عبير: بس هذا مو غباء .. انتي تحبين سعود ,, واي
شي منه تحبينه
فاتن تنهدت بوجع : تدرين عاد ... كلامك فتح عيني
على اشياء اجهلها ... طول عمري اعرف انك اختي
بس اول مرة احس هالإحساس... يمكن ماتناقشنا كثير
وماقلتي كلام واجد .... بس انا بداخلي اوقات اغار من
علاقتك مع خواتي ... لكن في شي بداخلي يمنعني
اجي لك واتكلم معاك مثلهم ... كنت اتردد لاني اخاف
انك تردين علي برد جارح ... يجرح لي كبريائي
بس تفاجئت من كلامك الحين ... يوم عرفت انك
تحبيني مثل خواتي
عبير: فاتن والله ما ابغى الا تتحسن علاقتنا لأني
ما احب احد يحقد عليه او يكرهني
فاتن بابتسامة صافية عذبة : ان شاء الله مع الايام
تتغير للأحسن ...
...عبير تبادلها الابتسامة وهم طالعين الدرج: الله
يسعدك يارب . ويعطيك على قد نياتك
اريج: يعيش الحب وتسقط العداوة يعيش يعيش
فاتن وعبير اخترعو : بسم الله
فاتن: مجنونة انتي؟ قلنا على انفراد وشوله قاطة
اذنك معانا؟
اريج: الحين انتو اللي صاحين؟ معقولة افوت علي
هاللحظة التاريخية؟
عبير وفاتن ضحكو على اريج وراحو لغرفهم ينامون
بكل حب وصفاء وراحة قلوب ....
ايام تلت الأيام ... فرح وحب وغرام .... وامنيات
تحققت واخرى في طور الأحلام ...
فصول تعددت ووجوه عاشت هذه الفصول بكل تفاصيلها
ضحكت فرحا ... وبكت حزنا... وتنهدت اشتياقا ..
وتمضي الحياة كما قدرها رب العالمين ....
يبقى للحب بقية .....
للحزن بقية.....
للشوق بقية.....
ولفصول روايتي وابطالها بقية....
مع الأيام ستظهر تفاصيلها
*
*
*
*
*
*
الجزء السادس عشر
*
*
*
*
*
*
نايمة بهدوء وسلام ... بعد ليلة سهرت فيها
تخطيطات وتجهيزات لزواجها ... صحت على
صوت طرقات خفيفة على الباب... فتحت عينها
بصعوبة .. وشافت امها واقفة تطالعها بابتسامة
ماتدري ليش حست انه في شي .. وان ابتسامة امها
تخبي وراها اشياء ...
ام عبير: صباح الخير... ازعجتك؟
عبير بصوت مثقل بالنوم: صباح النور .. لا عادي
ام عبير:تبغين تكملين نومك؟
عبير استوت قاعدة على سريرها : ماما فيه حاجة؟
ام عبير:بسافر الطايف اليوم
عبير تفاجأت وقبل ماتنطق امها كملت : خالك طلال
تعب شويه عليهم وبروح
عبير: ماما بروح اشوفه
ام عبير: ماينفع ياقلبي تروحين ... ناسية ان بكرة
عندك اختبار... وزواجك باقي له شهر .. ولازم تنتهين
من كل حاجة ... وخالك الحمدلله عدى مرحلة الخطر
بس مخلينه في المستشفى يتطمنو عليه
عبير دمعت عيونها وبترجي: ماما احلفك بالله وش
مخبية عني؟
ام عبير قربت من بنتها : والله مافي شي غير اللي
قلت لك بس انتي عارفة اخويه ولازم اكون معاه
الكلى عنده تعبانة وراح يركبون له جهاز غسيل كلى
وان شاء الله يقوم ومافيه الا العافية...المهم انا مسافرة
بعد العصر .. انتي جهزي نفسك وخذي لك ملابس
تكفيك اسبوع وروحي بيت ابوك
عبير: بابا بيسافر معاك؟
ام عبير: ايوه
عبير: وانا اروح هناك ليش؟ حتى اخواتي ولا وحدة
منهم فيه .. وخالتي بتقعد لي على الطالعة والنازلة
ام عبير: اولا هذي بتصير اخت زوجك يعني تجاهليها
على الأقل عشان فهد.. وبعدين انتي في بيت ابوك
عندك غادة ... وتركي بيكون مسئول عنك
|