[ الموت ْ ]
الموت !! شيءٍ يضيق به الفضاء نوبه
... و الموت!! روحه و لكنها بلا .. جيٌه
يا رب .. و عبادك بما صار .. منكوبه
... أحلامنا سود .. لا ماهيب ورديٌه
البيت .. مايه تنثر .. و أنكسر كوبه
.... و الحال واحد .. ترى الكيٌه هي الكيٌه
و النفس .. كنها على السلوان مغصوبه
.... و الناس تنسى .. و تبقى جروحنا حيٌه
والصبر .. كاساته من الناس مشروبه
..... حياة دنيا .. و كل الناس طرقيٌه
و أنا .. دموعي على الحرمان مسكوبه
.... و أقداح عيني .. على الحرمان .. مكفيٌه
و الضربه اللي تهز العاقل .. عقوبه
... كنت أحسب انها وحيده .. جات مثنيٌه
جيش المنايا .. خذو قلبي و قفو به
.... في ليلةٍ من رداها .. جت رماديٌه
يا ناعي الموت .. و الخطوات محسوبه
..... ما مات مسلم .. و له فالارض ذريٌه
تطلب له الله .. كريم العفو و التوبه
..... و تبر لأجله .. زكاة .. و صوم .. و ضحيٌه
فالضحكه .. اللي من الايام منهوبه
.... ما عاد تغني .. لو ان نفسي غناويٌه
طفل العرب .. ينولد .. في يديه(لعبوبه)
.... و أنا .. أنولدت و لعبت .. (بفركة أيديٌه)
ولدت طفلٍ تلبس .. حزنه و ثوبه
.... الحزن في دنيته .. تسعين بالميٌه
و الحزن .. لا من بغاني .. لطف أسلوبه
.... يضحك بوجهي .. و انا .. خابر وش النيٌه
لكني أصبر .. و اقول ان العمر .. نوبه
... و الناس بالصبر .. مأموره و منهيٌه
أشياء ما تنقرا .. و تكون مكتوبه
... و أشياء ما تنكتب .. و تصير مقريٌه
’
|