في خاطري حسره وفي نومي إزعاج ..

ماعاد احط الراس فوق المخده .

الصدر شاطي هم وافكاري امواج ..

الله عطاني ماعطا بحر جده .

ودعت منها افواج واستقبل افواج ..

ماكنها ألا عسكرن مستعده .

انا سجين ينتظر يوم الإفراج ..

وانا غريب بيح الوقت سده .

بالليل أصمم لي عمارات وأبراج ..

والصبح يهدم كل حلم ويهده .

دنيا الشقاوه مالها طب وعلاج ..

تبحث خفا الطيب وتجتاح حده .

احدن تقدم له حرير وديباج ..

واحدن تحط أقدامها فوق خده .

يالله عساني كل ماأحتد وأحتاج ..

ألقى الرفيق اللي لزومي يسده .

أجيه في وجهي من الضيقه إحراج ..

وأروح وآنا فرحتي مستجده .

الموت لاجت حاجتي عند هلباج ..

وجهه بغيض وخاطري مايوده .



كلمات / حمدان العصيمي

ربي يحفظك لي ياأمي ولايحرمني اياك