السلام عليكم ورحمه الله وبركاته
للحنين صوت . . وللعزه فصل رغم انسدال الحكايه ، لاتسعفني المقدمات لذا إليكم بكل ود
مدخلْ :
كيف أبكتب قصيده في وداعك وأقول
حان موعد زفاف القلب ( للمقبره ) ..
من كثر حزني اللي يسخف أهل العقول
خايف أكتب قصيده ، تطلع مكسّره .. !
أبي أكون إنسان عادي ومسكين
مايشغله جدول مشاريع وحساب ..
أشتاق أعيش وبيتنا بيت من طين
فيه المطر لا صب يلقى له أصحاب ..
أتذكّر إن ضقت إني بـ قلب دارين
وأسعى لـ تحقيق الأمل وأبذل أسباب ..
دارين لو كنتي عن الحال تدرين
كنت ألعن البوح ومشاريه الاحباب ..
حتى إسمك أوهمته لجل ما تحسين
إني حزين وخاطري منكسر باب ..
إذا قريتي لي قصــيده تقــولين
أشوا ، عشق له غيري وخاطره طاب ..
كل الأسامي إنتي ، ولا تخافين
لي قلب جرحه صبح وطيوره أسراب .. !
صحيح ذللتي دمــوع العــزيزين
وصحيح خليتيني آخاف وأرتاب ..
لكن عرفت إن الصحاري عناوين
لـ معانق النسيان في طرد الأعشاب ..
أحسن لي أحيا بين الاعراب مسكين
وأموت بين عيونهم ، موت الأغراب .. !
لا ينكسر خاطر ، ولا تنسكب عين
تدفنّي الريح ويكفنّي إتــراب .. !
لـ الشاعر غازي بن مشعل