أم إني بنتهي راحل بلا عاشق معي يسهر
تعبت اسامر الوحدة واردد فالخلا ويلاه
ويرد من الصدى صوتي وارد اقول له اصبـر
تعبت احاصر دموع" فموقي سيلها ادماه
وإلى منّي بغيت انسى بغزارة شفتها تهمر
تعبت أجمع بقى جروح" تنادي للألم تنخاه
وكل ماجيت أنثرها تزيد فخافقي و تكثر
تعبت آنادم الظلمه وِنجم" لي يلوح ضياه
أراقب صبح هالليله عساه بطلته يَنْوِر
تعبت اضف احساس" ولدته والحزن ربّاه
حضنته بين ضلعين" ياخوفي لا كبر يغدر
دخيلك ياحزن إبعد, خفوقي طالبك تنساه
دخيلك ودّع ركوني وخل السعد بي يزخر
ياكم عانيت فالدنيا وعشت بوقت يامقساه
وشفت فهالزمن اشيا ابد عالبال ما تخطر
ألا ودي بمن يفهم شعور" فالخفا معناه
أبي انسان يحضنّي واهيم بعالمه وابحــر
ابي لا من بكيت القى على خدّي دفى يمناه
وتمسح ايده اليسرى دموع" حرّها يسعر
ألا ياليل كيف اقدر احقق للخفوق مناه
وكيف احس بالفرحة وقلبي نبضتــه تضمـــر
ضناني الشوق و تشطّر كتبني عاشقه للآه
وكل ماجيت أقراني كتبت بصفحتي أسطـــر
يقولون الشعر معنى ويوصل للذي يقراه
وانا اقول الذي يقرا ياليت يحس أو يشعر
ألا ياليـل مــا ودّي اعكّــر لِلْسّـواد صْفــاه
واخلّي كل من حولك يشاهد نفس هالمنظـر
ياليتك تقدرتوضّح ملامح ضيقتي فسماه
وترسم دمعة فعيوني لمن يمسحها هي تنطر
مدامي جيتلك أسأل وش آخر ليلتي بلقاه
اكيد انّي معك بلقى اجابــه تقولي أبشر
للاخت بحر الحبر
منتدى الم لامارات
صقر بعد ان استمع الى حديث مشعل وآهاته .. همس له : يعني بحزنك بتحلها يا مشعل .... كل شي قسمة ونصيب واللي كاتبه ربك بيصير غصب علي وعليك وعلى الكل ...وتراه خيره وخير وان كان ظاهره سوء ... محد يعلم وينها الخيره الا ربك ... فوض امرك له وارضى باللي كتبه
مشعل بذات الضيق الذي يشعر به : مادري شقول يا صقر ... بس الكلام اسهل من الفعل
صقر ينكر : هذا للضعيف مهوب لك يا مشعل ... لا تنزل راسك ابد دامك ما غلطت ... وان طحت طيح واقف
مشعل بياس : لمتى يا صقر لمتى
صقر : ليش رحت بروحك وابوك وعمي موجودين ؟
مشعل بحسره : مابغيت لهم الحرقه اللي تشتعل بفؤادي الحين ... كأني حاس بجوابهم بس منيت نفسي ...
صقر محاولا مواساته : ماهي اول مشكله ولاهي اخرها ... اصبر واتصبر ياخوك .. واللي اعرفه انك اكبر منها
مشعل بابتسامه ساخره : اخاف اصدمك بس بضعفي
صقر بثقه : ابد ماعندي ادني شك.. انت مشعل ... ولد بوفهد ... ماخاب ظني فيك يوم
مشعل بحيره : والحيله!!
صقر : فكر باللي ينفعك ويرفعك واترك مريم على جنب
مشعل : شلون!!
نهض صقر ليبقى مشعل جالسا والذي للتو ركز في شكل صقر : الا شفيها ثيابك ؟؟
نظر صقر لثيابه كانه يتاكد منها فابتسم : .. سلامتك ... جلب اكرمك الله ... وجا في بالي اعيد تربيته ...
ضحك مشعل وهو يعلم يقينا ان الكلب ليس بكلب حقيقي ..
همس له صقر قبل ان يمضي : الدنيا كبيره يا مشعل... ما تضييق الا لما تضيق نظرتك لها .... وربك ما يسد باب الا يفتح غيره ابواب ...
ثم اردف : قم اذكر ربك وصل ...ما باقي ع الفجر شي ...
&&
سبحان الله وبحمده .. سبحان الله العظيم
&&
لاحول ولا قوة الا بالله
اغتسل وغير ثيابه ثم هم خارجا .. راى خالد متمددا في المجلس..
فلم يزعجه اراد الخروج فاوقفه صوت خالد :
: الشمس قربت تغيب وانت نايم من البارحه ...
صقر : لا صليت فروضي ورجعت نمت ...
خالد ينهض جالسا : حرقنا تلفونك وينك فيه ؟
التفت صقر لهاتفه المتصل بالكهرباء وكاد ان ينساه : مافيه شاحن ... ليش اشصاير ؟
خالد : وصلت اهلك من شوي ... احتمال اليوم يرخصون بنت عمك ...وتدري خالتك ما بتطلع الا معاك او مع عيال بوناصر ...
توسعت عينا صقر من ذاك الاسم ...
قال بحده : والحين ؟؟
خالد : مادري يمكن تكلم زيد والا ناصر ...
رجع صقر بخطواته ثم نزع هاتفه من الشاحن وفتحه خمس عشرة مكالمة ... ضغط ارقام معينه ثم زر الاتصال ...وهو يخطي بخطواته للخارج
ليصله صوت خالد : مر اهلك يبون يطرشون معاك اغراض ..
حرك صقر راسه واعاد الاتصال مره واثنتان..وووو.........
/
" المستشفى "
عبير من مصلاها تصرخ على غدير : غدور ردي على التلفون ...
غدير تقفز على السرير الطبي بقرب صمود : صمود ردي ؟
صمود تبعد عن شقيقتها الهاتف : لاااا عييب ..( وببرود ) خلي امي تخلص وترد
غدير ترفع حاجبها مستنكره : احلفي بس.!!.. عطيني اشوف منو المتصل ... امي تصلي ...
ابعدت صمود يد غدير عنها: ابعدي ... (ثم ابتسمت بخبث) بشلع قلبه مثل ما شلع قلوبنا ... خليه يذوق اللي ذقناه
عرفت غدير من المقصود فانفجرت ضاحكه ...
غدير بحركة سينمائيه تجمع كفيها عند قلبها : وهـ الشيخ صقر ؟؟
صمود ترفع حاجبها باستنكار : احلفي يا شيخه ؟؟
غدير باستعباط : وااو ... شيخ وشيخه تحسينا لايقين لبعض مو ...
ثم تحولت ابتسامتها لضحكات عاليه بعد الضربه التي تلقتها من صمود على راسها ...
لتمتد حينها يد والدتهن المبتسمه منتزعه الهاتف من صمود : الله لا يوليكم على احد ....
ابتسمت صمود وهي تنقل الهاتف لوالدتها : اجل من ساعتين واحنا نتصل والاخ سافهنا ..
بادلتها والدتها الابتسامه وهي ترد : ياهلا بولدي ...
صقر : هلا بج زوود يمه ... شلونج يالغاليه
ام فيصل : مانشكي باس .. نحمده ونشكره ..
صقر : وشلونها صمود ؟؟
ام فيصل : لله الحمد ... رخصها الدكتور ... بس باقي توقع الاوراق ونطلع ...
صقر : أي انا جاي في الطريق ....
ام فيصل بحرج : اذا مشغول اكلـ ...
صقر بفزعه : افا بس ...اشهالكلام يالغاليه ... ازعل منج ها .... اجهزي دقايق وانا عندكم
ام فيصل بامتنان : باذن الله .. حافظك الله يمه ...
رفعت صمود حاجبيها تنتظر الاجابه : فهمست والدتها : يالله اجهزوا دقايق ويكون عندنا
تنهدت بسخريــه : زييين واخيـرا تنازل الاخ صقيـر ...
والدتها من بعيد : اهجدي يااا بنت ...
/
اخذ الاغراض من دلال ... كيس صغير طلبت منه ايصاله لصمود ....ثم تبعته والدته بتوصية وتاكيد ان يأتي بهم جميعا الى هنا لتقوم بضيافتهم
فوعدها بذلك .... توقفت خطواته عند المجلس الخارجي ... لم يستطع ان يكمل قبل ان يطئمن على عمامه ...
سلم ودخل كان المجلس عامرا برجال المنطقه كالعاده ...
جلس بالقرب من عمة بوخالد الذي ساله عن حاله وصمود فقال صقر : الحمدلله اليوم يرخصونها
ابو خالد : الحمدلله .. ماقصرت ياولدي
صقر : ما قمت الا بالواجب يا عم ...
" كان الحديث الدائر كـ العاده عن الاوضاع والحيره التي تكتنفهم .. عن المآسي والمشاكل التي تواجههم عن الابواب المفتوحه والطرق التي يمكن ان يسلكوها بآمان عن القرارات الجديده ......."
بوخالد بعد تردد : صقر
صقر : سم ..
بو خالد : ثامر من كم يوم كان في السجن
صقر بدهشه : افاااا .... وليش ماجاني خبر ؟؟؟ وخالد ماجاب لي سيره ابد ؟؟؟
وضع بوخالد كفه على فخذ صقر مطمئنا اياه : انت مشغول ياولدي ... والحمدلله انها عدت على خير
صقر مستفسر : واللي صار؟
بوخالد : كان واقف قدام بسطه له ولـ خويِّه ... وخالفوهم ...
صقر مستغرب : بسطـه ؟؟
: أي بسطة خُضار استأذن مني بهالاجازه وسمحت له.... مابي اكسر مجاديفه يا صقر... وبدال لا يقضيها لعب خله يعتمد على نفسه ماني بدايم له
ابتسم له الصقر : الله يطول بعمرك على طاعته ..
بادله عمه الابتسامه : ترا خويِّك النايف ما قصر ...
رفع صقر حاجبيه باستنكار : وهذا الشيخ ماجابلي خبر ؟؟ ( وامسك بكف عمه ) انا لك فيهم
|