مشاعل تنتبه للصامته التي يبدو انها في عالم آخر : صمود ليش ماتاكلين؟!
ابعدت صمود جانبا من شعرها الطويل خلف اذنها هامسه: مالي نفس... (وما ان رات ملامحهن العابسه تداركت قولها بـ ) بس بشرب العصير عشانكم ..
مشاعل بفضول : لاتقولين مسويه دايت وتتبعين حميه ؟!
صمود ترفع حاجبها الايسر : لا بسم الله علي !! واتبعت حديثها بنبره واثقه .. جسمي ما يحتاج
ابتسمت مشاعل باعجاب : بسم الله عليج ... كلج حلوه وما عليج زود
اكتفت صمود بابتسامه ...
" عقلها مشغول بمكالمة شقيقتها غدير منذ لحظااات ..وهاهي تتبادل معها المسجات التي حرصت عليها ان تمسحها بعد قراءتها ...."
.
غدير
" اقولج غاااثني طاقها ضحك وسوالف معاهم
ويطلعهم ويمشيهم مادري على أي اساس ؟ ما جنه ولد خالتنا "
دلال : صمود دقي على صقر عشان نمشي ...
تمتمت : كلميه انتي ...
ردت دلال : ايه بكلمه .. بس اتصلي ..
بحثت عن اسمه فلم تجده ؟؟
تذكر انها سجلته بحرف ص .. وكيف ان تنسى " صقير "
عقدت حاجبيها ثم قالت لدلال : عطيني رقمه
دلال : **************
ثانيه ثم
جاري الاتصال بـ
" تاج راسي "
توسعت عيناها دهشه ؟
اغلقت المكالمه ثم سالت دلال اخرى : اعطيني الرقم مره ثانيه
بان الاستغراب على ملامح صمود وكذلك دلال : شنو فيه ؟
صمود : ولا شي بس عطيني بتاكد منه
دلال : ********
جاري الاتصال بـ
" تاج راسي "
رفعت حاجبها لتهمس بغيض : احلف بس ؟!!
مشاعل تهمس لصمود التي تعبث بهاتفها: ممم صمود مم عادي اخذ رقمج واذا فيها احراج ترا مو لازم !
انتظرت مشاعل الرد بتوتر وندم لاستعجالها توتر زاد مع رفعة حاجبي صمود وملامحها الجاده ...
لكنه ما لبث ان اختفى عندما وصلتها ابتسامة صمود ونبرتها الساحر : ولو !
وانزلت نظراتها لهاتفها تفتح المسج الجديد
" دودي امي وصلت هذا اخر مسج ادزه "
تنهدت .. وانتقلت لتغير الاسم لـ صقير كما كان وهي تبتسم بخبث كانه يراها الان ...
اتصلت .. ثم مدت الهاتف لدلال ...
والتفت لمشاعل تملي عليها رقم هاتفها ..
% اللهم صلي على محمد وآل محمد %
خارج المجلس .. يستقبلون الضيوف وينتظرون صقر والمأذون ...
زفر سلطان بضيق عابثا بالحجر اسفل قدمه : ياخي اخيرا اقنعته اني ادخل الجيش واترك الدراسه تقولي خبل
ثامر مصر على رايه : أي خبل .. احد بوضعك ويترك دراسته عشان الجيش
سلطان بضجر : يا معود اش اخذنا من الكتب غير وجع الراس ..على الاقل الجيش وراه معاش وفلوس اشيل نفسي فيها ..
ثامر بهدوء : ومستقبلك بالدراسه اكبر .. بس انت شد حيلك وخل عنك سوالف ربعك الضايعين
كلح وجه سلطان وزفر بغضب : يوه يا ثامر لا تصير امي الثانيه
ضربه ثامر على راسه : ثامر اللي هو خالك .. وامك اللي هي اختي
سلطن يرفع حاجبه مستنكرا : ما بقى الا هي !! اقول لثويمر يا خالي
توسعت عينا ثامر وصرخ به : سليطين يمال الوجع يا ....
اسرع سلطان بخطواته نحو المجلس ضاحكا : هذا صقر وصل ..
% اللهم صلي على محمد وآل محمد %
ارتفع اليباب بدخول دلال بفستانها الفستقي الناعم ..وشعرها المرفوع بتاج ملكي بريقه يسرق الانظار
وقد تمردت خصل من شعرها الاسود على وجهها المشرق ...
رافقتها صمود كما طلبت منها الى الكرسي الذي يتوسط الجلسه ... لم تتوقع كل هذا الحضور .. وجوه غريبه لم تميزها بعد .. وحضور كثيف ...
جلست دلال بتوتر وانحنت صمود ترتب فستانها من الاسفل وهي تهمس : حصه موجوده ؟!
ناظرتها الاخرى بدهشه او عدم استيعاب ... فاشارت صمود براسها ناحية اليمين وحركت شفتيها باسمها : حصه بنت خالتي ..
فتحركت نظرات دلال الى حيث تجلس تلك ... ثم عادت بنظراتها الى صمود رافعه حاجبيها دهشه ..
فحركت صمود اكتافها بدهشه مماثله .. ونهضت حيث تقف بقربها ..
% اللهم صلي على محمد وآل محمد %
خالد : مشعل سمعنا اخر ما كتبت على مايجي المأذون
مشعل بسخريه : اسليك يعني ؟
خالد بضيق : ياخي طقت جبدي ... لو جايبينه من السعوديه جان وصل ....
قهقه مشعل : ههههههه الله يرزقنا ... على الاقل انت حصلت احمد ربك ياخويلد
خالد يفز بوجهه : اعووذ بالله ... خلها تتم بالاول يا وجه الفقر ...
مال حلق مشعل بابتسامه ... وسكت
خالد يعود لنفس الطلب : من جد اكلمك ..سمعنا يا ولد عمي
زفر مشعل بضيق : ياخي خلنا نعدي اليوم على خير
رفع خالد حاجبه : ليش ان شاءالله ؟!
زم مشعل فمه : جوها ما يناسب اليوم ..
خالد يضرب فخذه بلطف : اقول سمعنا وانت ساكت
رفع مشعل حاجبه ثم عقد جبينه : وشلون تجي ؟ اسمعك وانا ساكت ؟؟ ثم توسعت ابتسامته الساخره
عبست ملامح خالد ثم التفت لمن حوله : يا جماعة الخير .. شاعرنا مشعل الـ ... يبي يسمعنا آخر ما كتب ...
ابتهج الحضور .. وتوجهت انظارهم لمشعل الذي ود لو يحطم ملامح خالد الذي يبتسم بمكر ...
نايف يهمس لصقر : مشعل شاعر ؟!
رشف صقر من فنجاله : وقصايده تجي على الجرح ؟
استطاع نايف ان يستشف معنى قول صقر ... فصمت بترقب لكلمات مشعل ..
ارتفع صوت عمه ابوخالد : سمعنا يا ولدي ...
تنحنح مشعل ثم قال قبل البدأ موضحا : من الحين اقولكم جوها ما يناسب ... يعني.... حللوني ..
ابتسم البعض .. وتحمس البعض ... وترقب الاخر قوله بلهفه ... والبعض كان يجزم بمعنى كلماته مسبقا قبل اطلاقها ..
كمثل الذي حدق به من بعيد ... والتقت عيناه بعيني مشعل الذي ابتسم له وحرك راسه بالايجاب..
ما قدرت القى اجابة من اكــــــون؟ ..... في وطن بذري نما في تربته
بارضهجذوري ارتوت لين الغصــــــون ..... عناقيد الطيب .. والحب شالته
صار يسألنيطلع نبتك شلــــــــون؟ ..... ولا كن اللي سقتني غيمته !!
فبيتي عايش ! لكن (بشرع السجون) ؟ ..... حر .. لكن .. ما يحس حريته؟
ليه جرحي يا وطن عندكيهون ؟؟ ..... ليه قلبك ما شملني برحمته ؟؟
الوفا بدمي ولا يمكن اخون...... تشهد اجساد دماها سالته
على اسوارك صارت دروع وحصون ..... ليه كفك ها الوفاما ردته !؟
رقم كل هذا .. نرددلك تمون ..... وطنا وباكر يحس بغلطته
للشاعر حافظ الرسن ( غريب بديرته )
% اللهم صلي على محمد وآل محمد %
ارتفع صوت الاغاني من المسجل والتي حرصت دلال ان تخلوا من الموسيقى تماما لكنها بحق رائعه وتحرك الجو كما الاخرى واكثر .. "
رضا المولى هو ما نحتاج اليه اليوم وغدا وبعد الغد وفي كل حين ...
ابضع ساعات لهو تستحق ان نغضب لها الرحمن ؟!! ...
خاصه ان الشرع ما حرم امر الا وجعل له بديل ...
ولكنها النفوس الضعيفه التي تستجيب للهوى ووسوسة الشيطان .."
اخترقت الصفوف لتنتهي بعناق حار لصمود...وهي تطلق ضحكاتها
صمود تحيطها بذراعيها : مريوووووم
مريم تهمس بعتاب : اشتقت لج يا القاطعه
صمود بسعاده : وانا اكثر والله
همست دلال : ماجنكم كل يوم تهذرون مع بعض لين تطق اذونكم وسماعة التلفون ..
ضحكن الاثنتان ثم همست صمود لها: بسلم على الضيوف وارجع ...
دلال بتوتر : لا .. خلاص نادي عهود والا ميثا.........
ابتسمت صمود بخبث : زين بس لا تبجين
ضحكت مريم وصرخت دلال من بين اسنانها : صميِّد وجع ..
% اللهم صلي على محمد وآل محمد %
هذا ما قاله المأذون بنبرته الناصحه الامينه
: انا يا جماعة الخير اقدر اسوي اللي تبونه ولا ضارني شي...
بس لاني ناصح واعتبركم اخواني وهلي قلت لكم ... وانتم بعد تاكدوا من هالكلام ...
هذا لمصلحتكم عشان تكونون على بينه
حرك بوخالد راسه شاكرا : الله يجزاك الخير ويحسن اليك ..
ومثله قال بوفهد ..
بينما انتشر كل من صقر وفهد وخالد ومشعل ونايف كل امسك بهاتفه يبحث عن جواب..
وبقي الاخرين على جهل بما يدور ... يتناولون اطراف الحديث .. ويترقبون اعلان التتويج ...
اغلق نايف هاتفه وبان على ملامحه الضيق
صقر : بشر يا نايف ؟
نايف بضيق وانزعاج واضح : والله مادري يا صقر .. بس يقولون قرار جديد ومادري ايش ...
صقر : ايه .. وشنو هالقرار ؟؟
% اللهم صلي على محمد وآل محمد %
قبلتها على كلا وجنتيها وهي تهمس بفرح : الف الف مبروك يا حرم اخوي المصون
توردت وجنتاها حمرة وهي ترد بخجل: الله يبارك فيج يام سلطان ..
اما عبير فكانت اشد سعادة وهي تتوسط حلبة الرقص وترقص .....بعد ان باركت لدلال وعانقتها بحب ...
*
انحت صمود على عمتها تقبل راسها وهي تبعد جانباً خصلات شعرها الكستاني الطويل المنعكس عليه بريق
فستانها الاحمر لتمسك ام فهد بوجهها وتقبله
: بسم الله عليج يا قلبي الف لا اله الا الله ... والله كبرتي يا صمود ياجعل عين امج ما تبجيج ونفرح فيج بعد دلول
ابتسمت صمود بعذوبه وهي ترد : الفال لميثا يا عمه هي اكبر مني وتوسعت ابتسامتها العذبه لتخطف قلب ام فهد اكثر واكثر ..
وانتقلت من ام فهد لاحضان الخاله ام ناصر
|