ضحكا .... وساد الصمت لما همست دلال .....
: الو..
: هلا صقيـ .. آآ ص ص قر
كشت ملامح دلال بخوف .. بينما توسعت ابتسامه صمود بخبث
واطلقت عهود ضحكاتها وشاركتها ميثا الضحك . ..
دلال بلعثمه : مم ..
حثتها صمود على التحدث وهي تشير باصبعها على ساعتها ..
دلال بتردد : صقر آ آ ..
اطلقت صمود زفرات الغضب وحركت يدها بـ اسرعي ..
دلال : فديتك يا خوي .. انت مشغول ؟! آآ .. سم الله عدوك .مممم لا ..ما يآمر عليك عدو ... بس ...آ بنت عمك صمود طالبتك بخدمه ..
شهقت صمود بصدمه .............. ومثلها عهود وميثا .................
وتوسعت ابتسامة دلال بخبث على الوان الغضب التي اصطبغ بها وجه صمود المصدوم ..
دارت المبخره على راسه وهي تردد بفرحه
ام فهد : عقبال عندك ياولدي .. عقبال مافرح فيك وباخوك يالله يا كريم ..
ابتسم لها فهد بحنان مر.... وانحنى يقبل راسها ببر : وجودج فرحتي بالدنيا كلها ..
قالت باصرار: وفرحتي بشوفة عيالك يا فهد ...
جاهد للمحافظه على ابتسامته المصطنعه ومسح على راسها : الله كريم ...
برقت عيناها املا : عطني اشاره ... بس اشاره وتشوفها عندك من بكره ...
توسعت ابتسامته وقهقه بصدق هذه المره : اشدعوه يالغاليه منو هذي اللي مزهبه جنطتها تنطرني بس اناديها ..
ردت بثقه : تحط ايدها فوق راسها انك خطبتها وفكرت فيها ... انت فهد شيخ الشباب
ردا ساخرا : قصدج الشياب
ضربت صدرها بخفه : وهـ بسم الله عليك قال شياب ... الا شيخ وزين الشباب كلهم...
قاطعهم الاخر بدخوله الملفت دائما .. ونبرة صوته المميزه : افا اذا هالشايب شباب .. احنا شنطلع يالغاليه..
التفتت اليه والدته وتوسعت ابتسامتها فرحه: هلا هلا بنظر عيني .. تعال يمك قرب ابخرك ..
اقترب بابتسامته الساحره .. وملامحه الحاده الصحراويه . قبل راسها ثم ضمها اليه بشقاوته المعهوده ..
لتصرخ محذره...: المبخره المبخره لااا تحترق يااا مشيعل وتحرقنااا معاك
ابعدها عنه ناظرا لفهد رافعا حاجبه : شف العجوز خايفه على نفسها وانا الشباب ما همني احترق او لا
ضحك له فهد المنشغل بمكالمته ... وصرخت به والدته : عجوز بعينك ... تعال قرب بس
ابتسم مشعل وضم راسها لصدره : افا زعلت علينا شيخة الحريم ... ما عاش من يزعلج يالشيخه
ابتسمت مبتعده ورفعت له المبخره برفع اصابع قدميها لتوازي شيء من طوله المتميز به رغم انحنائه لها ...بخرته بفرحه عارمه متخيله ذلك اليوم الذي سيزف فيه لعروسه
وكانه اقتحم افكارها وقرأ بواطنها فهمس ملتمسا جوابها : يمه الوظيفه وحصلناها .. ما بقى الا العروس ...
ردت بثقه : موجوده يا روح امك ... بس شيل ذيك من راسك واجيب لك سيد سيدها ...
قهقه ضاحكا: الله سيد سيدها مره وحده ...
حركت راسها ايجابا : وانت وذيك تقربون لها بالنسب .. وهي اقرب لك من ذيك ...
ثواني ليستوعب كلمات والدته بل الغازها .. عبس وجهه وعقد حاجبيه مفكرا .... ثم رفع حاجبه وبسطت ملامحه بابتسامة ساخره : صمود؟!
التفت فهد على اسمها .....
و توسعت ابتسامة الوالده وهي تحرك راسها ايجابا .......
المعزوفه السادسـه
________________________________________
.
يآربْ نَسْألك ابتسَامةً لآ تغيبْ
عـَـــزفُ المَحَـــاجـــــرْ ..~.
% أستغفــــــر الله واتــــــوب اليــــــــــــه %
:بنت عمك صمود طالبتك طلب
اجاب بنبره ساخره : خير ان شاءالله !!
دلال : ممم تبي تروح لبيتهم ناقصها شغلات مهمه ومحتاجتها ضروري قبل الحفله
قاطعها : و انتي ؟!
ردت بارتباك : انا ؟ ليش ... شفيني ؟
قال بنبره اقرب للهمس : مو محتاجه شي ؟
ردت بلعثمه : آآآ م م .لا .. بس ..لا
وصلها صوته : اها ...... ( ربما حانت فرصته وعليه استغلالها الا يقال صدفه خير من الف ميعاد )
دلال بحذر : اشقلت ؟
وصلها رده : نص ساعه واكون عند الباب ..
شهقت بابتهاج : وهـ فديتك لاخلا ولا عدم يآآآرب
.
( جوابه كان صدمه .. ربما كانت شبه متاكده تماما من رفضه ومعارضته ...لذا اقترحت الذهاب معه ... لم تتوقع ان يوافق ابدا ..... )
رددت صمود بذهول : وافق ؟!!
دلال تؤكد : أي وافق ليش متوقعه يرفض يعني ؟ والا ليش طلبتي مني اكلمه ؟
صمود تستدرك موقفها : لاآ .. مو عن .. بس .. غريبه ..
دلال : يالله خلينا نجهز بسرعه عشان ما نتاخر ..
عهود : وانا وميثه بنستلم الضيافه ولا يهمكم ... خلصوا شغلكم هناك وتعالوا ...
دلال وهي تتجهز : أي جذي احســــن ..
ميثا تعقد جبينها: بس منو يحط لج مكياج ؟ انا اللي اضبطه لج ؟
التفتوا لبعض بحيره .. ثواني.. ثم همست دلال : تروحيــن معانا ؟!
فتحت ميثا فمها ثم اغلقته بتردد ...
اجابت عهود بعجل : المكياج ينحل .. المهم النفنوف ..خلينا نخلص منه يا دلال ..
قاطعهم صراخ ام صقر من الصاله : دلال ...دلال ... يا دلول ...
تركت دلال ما بيدها واسرعت لوالدتها تكاد تتعثر بعباءتها حتى وصلت بانفاس متقطعه رغم قرب المسافه : هلا يمه .. آمري ..
ام صقر تشير للهاتف وهي تهم خارجه للمطبخ : صقر ع التلفون كلميــــه وانا امج ...
اسرعت له ورفعت السماعه : هلا خوي ..
اجاب : اطلعي برا ..ثم اردف مشددا على الكلمه بروحج ..
بصدمه بعد الاستيعاب : ها بروحي ؟ بـ ...
: أي ابيج بروحج دقايق بس
: آه... ان شاءالله
عادت للغرفه لترتدي غطاءها واسرعت اليه دون ان ترد على تساؤلات الفتيات ..الا بكلمات متقاطعه ...
خرجت لتجده عند باب المنزل وبيده كيس متوسطه ..
دلال مستغربه : هلا صقر ...
ناولها الكيس قائلا : هذي عباة وغطا لبنت عمج اذا تبي تروح معاي تلبسهم ...وتنزل بسرعه
همست بخيبه : صقر!!
قال بجديه : خمس دقايق بالضبط
تهدج صوتها : بس لو ما رضت
اجاب بحده : ماتشوف شر
همست بعبره : بس الروحه كلها عشاني مو عشانها .. انا اللي محتاجتها... انا اللي ابي النفنوف منها ( خنجر غرس بصدره .. وتاكدت شكوكه اكثر )
قاوم ألَمَه قائلاً بحده : روحي لها وردي لي خبر ...
% أستغفــــــر الله واتــــــوب اليــــــــــــه %
% أستغفــــــر الله واتــــــوب اليــــــــــــه %
.
.
يا سلالالام اخاف ما عنده بس ؟! ان شاءالله ما رحت وانا شهامني واصلا لو ما طلعت من الغرفه محد بيشره علي ... هه آخر زمن ؟!
دلال برجاء : تكفين صمود عشاني ...
صمود مازالت بثورة الغضب: لا والله ... استريحي بس ... هذا اللي يبيه وقاهره .. بس نجوم السما اقرب له .. ماتحرك من هنيه لو شنو صااار
عهود تتدخل تستعطفها : صمود حرام عليج عشان دلول
التفتت لها صمود وقالت بحده : روحي انتي يا روح دلول ؟ انا ماتحرك شبر مع المتخلف هذا ....وضربت بقدمها الارض غاضبه
قاطعتها ميثها : صمود عيييب .. انتي في بيتهم .. وبعدين هذا ولد عمج وتاج راسج
صمود تصرخ بها : تاج لراسج انتي .. وبالعافيه عليج
|