البآرت الثآنـي
عسب تعرفون فطوم منو؟
وشو فيهـا؟ ومنو هذا اللي تحبه؟
لازم ترجعون معاي لورا ... .... ....
10
9
8
7
6
5
4
3
2
1
فطوم واقفه بوسط الصاله وبصوت عااالي: يـاللـه خلصوووووووو .. اف منڪم يالله عااااااد
سڪتت يوم شافت عمهــــا توه داش الصاله
حسن: شوفيج يا بنتي تصارخين؟
راحت صوبه : خشمڪ عمي
ضحڪ وتخاشم معاها: ما تيووزين ع حرڪاتج الصبيانيه
فطوم: عمي شو ها اونه نبوس ع الخد آخ لاه
عمها حسن:إنزين على الاقل بوسي راسي
فطوم: افا عليڪ ..
باست رااااسه
فطوم: تبوسين المڪه إن شاءالله
فطوم: عمي يا اخي شو ها بناتڪ بتأخر على مسرحيتي والحبايب بعدهم مو مخلصين
حسن: عاد انتي تصرفي معااااهـــم انا حدي تعبااان ودااايخ
فطو: لازم اروح لهم فوق واڪسر الباب عليهم
ضحڪ حسن على ڪلامهـــا
شلت عباتهـــا ورڪضت صوب غرفتهم
فتحت الباب بقوه عليهم
ميره وسعاد نقزوا من الزيغ
سعاد: بسم الله
ميره: تخبلتي شووو؟
فطوم بصوت عالي: من مساعه اصرخ عليڪم انتوا شووو ما تسمعووون؟
ميره ترد تتطالع عمرها بالمنظره وتڪمل جحالهـا
سعاد تقوم وتروح تفتح الڪبت: سمعناااج بس ما قدرنا نرد علييج
فطوم تضرب الڪبت: يا ربي منڪم انتوا ليش تتأخرون جيه
ميره:ڪله البنات يتأخرون في تعديل إلا انتي
فطوم: اڪيد حياتي انا مو بنوته دلوعه مثلڪم .. بتخلصون ولا ڪيف؟
سعاد: فطااامي روحي
قاطعتها فطوم: لا تقعدين تقولين فطامي
سعاد: انزين انزين فطوم روحي عند مشاعل اڪيد هيه اللي محتاجه توقفين على راسهـا لأنها تتأخر اڪثر عنا
فطوم: هيه صح
تڪلم عمرها: لازم الحق عليها بالاول
طلعت من غرفتهم وڪالعاده صااروخ
اول ما فتحت باب الصاله شافت جدامهــا ولد عمهـا سعيد بزيه العسڪري
سعيد: بسم الله شو فييج
باستعيااال: انته اللي وخر عني
سعيد: دوم مستعيله
تأشر بيدهـا: روح روح حرمتڪ المصوون تترياڪ
سعيد: وااا فديتهـــا اشتقت لهـــا الصراحه
باشمئزاز:ويييييه اقول وخر عني
ابتعد عنهـــا: انتي بسألج عندج مشاعر نفس البنات
مشت عنه: بعدين بجاوب عليڪ
يطالعها ڪيف تمشي بسرعه وشاله عباتهـــــا ڪأنها رايحه تضآرب .. ضحڪ يوم دزت الباب ودخلت بيت عمهم
اول ما دخلت لقت يدتهـا ويدهـا قاعدين
راحت عندهم ومن بعيد: السلام عليڪم
باست راسهــــم
يدتها: جيه البنات يسلمن؟
تڪلمهم بدفاشه: اهووو عاااد يعني لين متى بتقعدون تسألون هالسؤال
يدهـا: خلي البنت ع راحتهـــا
اطالع يدتهـا: واللهـ .. سمعي ڪلام ريلج لو مره
ڪانت بتقووم عسب تضربهـــا بس
فطووم عطتهـا شرده لغرفة مشاعل
وڪالعاده فتحت عليهـا الباب بشڪل فجآآآئي
مشاعل فزت : خيييبه
فطوم: لا والله مع منو تتڪلمين ع الفون
مشاعل ضحڪت: انتي صااحيه الناس تسلم .. تسأل عن الاحوال وانتي ع طول تحقيق
فطوم: اقولج مع من تتڪلمين ع الفون
مشاعل: تبين تسمعين الصوت
فطوم: لا خلاص اطمنت .. اعذريني عاااد تعرفين عاد انتن البنات على مسؤوليتي
مشاعل تمثل: الله يخليج لنا يا بنت عمي
فطوم بتفاخر: انزين يالله تأخرنـا .. انتي خلصتي؟
ترجع تتڪلم ع فونهـــا: اقولج انا بظهر الحين اوجي , يالله عيل
فطوم: لا تقولين مب مخلصه ڪل هالڪشخه ع فاضي شو؟
مشاعل توقف: لا حياتي اطمني انا مخلصه .. اعرفج عدل انا
فطوم: هيه جيه اباااج خليني اتصل في هالسخيفااات
اتصلت في ميره: ها خلصتوا ؟ شوووو
تعرفون شو؟ انجلعوا انا ومشاعل بنسبقڪم وانتوا عاد لحقونـــا بطريقتڪم
خلاص 10 دقايق لا غير
صڪرت الخط من عندهم وضحڪت
مشاعل تلبس عباتهـا: مسويه لنا فلم رعب رغم انج اصغر وحده فينا
فطوم: قومي خلينا نظهر
هذي اللي جدامڪـم وشاله الدنيا ع راسهـــا هذي فطوومي
بنت عمي تربت بين 4 اخوان من بعد وفاة والديهـا
اخوها العود خميس وعمره 27 متزوج ببنت خالته علياء
وثاني محمد عمره 26 سنه هذا عااد ما يفڪر بزواج خير شر عڪس سعاااد اللي راسمه مخططات الحياه الزوجيه معاه
والثالث عبدالله عمره 25 سنه
ورابع فيصل عمره 24 سنه اللي ميره متخبله عليه وهو مب حاس فيها
واختهم آخر العنقوود فطوم عمرها 22 سنه
بنت ع تصرفااات شباب .. اخوانهـا يهتمون فيها اهتمام احياننا مبالغ فيه .. والدليل انها هالسنه لبست عباتهـا وشيلتهـا لولا يدتي ويدي واعمـامي ما قعدوا عل راسهـاآ
ميره و سعاد بعد بنات عمي .. وعندهم اخو واحد واسمه
سعيد متزوج بندى وياب منهـا بيبي اسمه صقر
وانا مشآعل اعيش مع يدي ويدتي وابوي اللي
الحين مسافر وعندي اخ واحد وبالأبو يعيش برع الامارات
لأنه ابوي تزوج بأجنبيه قبل لا يتزوج امي وياب من الاجنبيه
اخوي ناصر ويوم رجع البلاد زوجوووه بأمي والله عطاااهم
بنوته حلوه اسمها مشااعل احم احم
الموهيييم بعدما توفت امي ابوي قرر ييب اخوي ناصر ويعيش معانـا
.. واحتمال ع اسبوع الياي يڪون هنـــا
وألحين نحن في مسرحيهـ
اوه نسيت اقولڪم ترى فطوومي تحب تشارڪ في مسرحياات ڪان يخص الجامعه ولا غيره
والحين هم مسوين مسرحيه في نادي السيدااات
وهيه انا وميره وسعاد قاعدين ننطالعهـــا تمثل
ميره : اخبرج اخوي متى بيرجع؟
مشاعل: احتمال ع اسبوع الياي
سعاد: وييييه فيني فضول ڪيف بڪون شڪله
مشاعل:عندي صورة في فوني تبين تشوفينه
سعاد:الصوره اللي مآسڪ فيه جيتاره
تتطالعها باستغراب: خيبه ڪيف شفتيه
تبتسم : بعد ڪيف خذيت فونج وشفت اللي فيه
مشاعل: يمه منج
ميره: ايه انتوا انتبهوا اذا فطامي عرفت اننا ما نطالعهـا بتسوينا حشره
مشاعل:ههه صج فلم رعب مسويه لنا
ميره:فديتهـا واللهـ
بعدما انتهت المسرحيه .. ڪالعاده قعدنا نترياهـا لين ما سمعنا صوتهـــا
فطوم: ها شورايڪم؟
ميره:ڪالعاده حلووو
مشاعل: انتي شاله عليهم المسرحيه
فطوم: احم احم اعرف اعرف
تضربهـا ع راس: وياء هالراس خقاقه بعد
فطوم ترتب شعرهـا: احسن من راسج يا ام راسين
ميره: زين زين وين نروح ألحين
فطوم: بعد وين بعزمڪم ع عشااا ولا في احلامڪم تـذوقتـــوه
سعاد:صج صج
فطوم: هيه انتي ام الاڪل تحمستي
قبل لا نتحرڪ فطوم طلبت منها نوقف عسب تربط شعرهـــا
ڪل شيء فيها حلوه بس احلى شيء فيها شعرهـا الطويل
اللي تتذمر منه: اف لو اقصه وافتڪ منه
مشاعل: احسن يوم اخوانج ما يخلونج
ميره: هالشي الوحيد اللي طلع منهم فايده
دزتهـا:ايه عن غلط .. اخواني ڪلهم منهم فايده
سعاد: وين يا حسره هذا اخوج حموود ما يقول وحده تعاني وتتمنى لو نظره منه
ميره: الا وثاني يعرف عن مشاعري وفوق هذا مسوي لي طآآف
نضحڪ عليهم انا وفطوم .. حتى ترڪناهم ورحنـا عنهـم
في سياره فطوومي .. ڪالعاده لازم تسرع وتجاوز وتعدي سيايير
تضرب اشاااير حق سياره جدامهـا مب راضي يبتعد
فطوم: الله يغربله شو وو هـا مب راضي يتحرڪ
وتتطالع من منظره سياره اللي وراهـا يضرب لها اشاير عسب تبتعد عن دربه
وطبعا تعاند الاخت: روح عني انت بعد
مشاعل: ياماما شو تبين فيه تعالي ع صوب ثاني
فطوم: مو انا اللي ابتعد .. صارت سالفة عناااد الحين
ميره: يا ربي هذي البنت بتذبحنا
فطوم: انطبي انتي الحين بتشوفين شو بسوي فيه
تقربت منه بشڪل فضيع يعني لو ضرب بريج عادي تصدم فيه
سعاد: يا الخبله شو تسوين
فطوم طاااف وتبتسم ... قاعده تخوف راعي السياره الجديمه
وحليله بالفعل خاااف وابتعد عن دربهـــا
نطالع راعي سياره الجديمه
مشاعل: شيبه ويتحدى بعد
ميره: انا اقول هالشياااب لازم يسحبون عنهم ليسن
فطوم:ومنو قالج عندهم ليسن
سعاد:هيه صح ..هذا مرادو بربري شييييبه منتهي حاله بس بعده بسوق ولا بعد بدون ليسن
مشاعل:افتڪينا من الشيبه طلع اللي ورانـا
سعاد: لفي بعد شووو
فطوم: نعم عيووني .. عيدي ما سمعتج
ميره: فطوم عن سخافه يالله لفي عنه
فطوم: يالله منـاااڪـ
تمت بدربهــــا هو يعاندهـا وهيه بعد تعانده ..
لين ما وصلنا ع درب المطعم
ارتحنـا يوم لفت عنــــه وراحت صوب المطعم
نزلت الجامه وياء الهندي: يسوي ڪول ويطلب 4 سندويج ڪيما مع 4 بيبسي
الهندي:زين زين
فطوم: يريد بيبسي غرشه مو قوطي
الهندي: إن شاءالله
ميره: حلفي انتي ..اقولج قولي والله
فطوم تضحڪ: هههه شو فيج هو غصب احلف
سعاد:ألحين هالمطعم وهالعشا وياء هالراس
فطوم: ام راسين من يدخل الڪيما في بطنج بتقولين اريد المزيد
مشاعل: يعني انتوا صدقتوهـا يوم قالت بعشيڪم
مطعم يمدحونه .. هذي فطوم وهذي سراويلهـــا
خذت علبة الڪلينڪس وفرته علي خاصة يوم شافتني اضحڪ عليهـــا
بعدما زطينـا سندويج ڪيمـا .. مشتنا ع البحر بس ما نزلنـا قعدنا في سياره .. نسولف ونغني احياننا
هذي ڪااانت حياتنـــا لين مـــا وصل اخوي وتغير ڪل شيء
آتمنى القصه نآالت اعجآبكم وشـوقتكـم لمعرفة
|