مد لــهــآ إيده : يودي..
مريم : إنت خبيل..؟ وين يحطون بيض بـ المجبوس..!
عبدالعزيز : أنـــآ ما يخصني..قلتلج أبغي بريـــآني جيه تسويين مجبوس..؟
مريم : أنــــآ أبغي مجبوس..
عبدالعزيز : ما يخصنــــي حطي بيض..!
مريم طنشته ورآحت صوب المغسله شوي إلـــآ وتسمع صوت نقعه خفيفه..طالعته :..
عبدالعزيز رفع حياته بـ برآءة : ..
مريم راحت صوب القدر.. وبطلت غطاها : عزوز...!!
عبدالعزيز وآيج عـ القدر : أووه..ليش صــــآر جيه..؟
مريم : لأنه يـ الغبي ما يحطون البيض جيه بـ العيش
عبدالعزيز يوّد ضحكته : يعني شو..؟
مريم طالعته بـ قهر : ما شي غدآ اليوم..
عبدالعزيز ضحك بـ الخفيف : فديتـــــوو...أنزين خلاص سوي برياني
مريم : جب..!
×
×
×
طالعه بـ استغراب : شو هذآ..؟
هــــآشل : سويـــج سيارتك...!
مروآن فر السويج عـ غنفة الصاله : مـــآ أخذ صدقه من حد..!
هـــآشل : هه..ومنو قـــآل صدقه..أعتبرهـــآ هديه
مروآن بـ طنازة : هدية شو يــــآروح وآلديك..؟
هــآشل بـ برود : هديه ظهرتك بـ السلــآمه
مروآن تكتف : شايفني هندي تخورط علــــي
هــآشل ابتسم : يـــآخي لا تسوى فيها ســـآلفه..ثره ما يرد الكريم إلــآ اللئيم
مروآن : أونك كريــم عــــآد..
هــآشل ضحك بـ الخفيف وهو يرد يشل السويج من عـ الغنفه : يقولون..!
مروآن بـ طنازة : يقصون عليــــك...!
هاشل ابتسم : ما عليه خلهم يقصون علي..[فر السويج بـ ثبان مروآن]..لا تسوي فيها سالفه
مروآن طالعه بـ هدوء وهو مقفــــــــي .. يـ نقال يـ حطه أمــــأم الأمر الوآقع..! :..
×
×
×
سند رآسه عـ المكتب..صــــآر له إسبوعين من ظهر من المستشفى...ذابحنه الملل..
هه..منو كـــآن يصدق إنه "بو عبود" يتم ساعتين عـ بعضها بـ البيت..! سحب نفس.. أنـــآ اللي مسوي فيهـــآ سالفه..السيارة عندي من أسبوعين ولــآ كلفت عمري حتى أشوفهــــآ..مسوي فيهـــآ سالفة "كرآمه" ..ثره قـــآل إنها هديه..خلـــآص أنا لا طلبته ولـــآ ضربته عـ إيده عسب يعطينـــي..هو عطــــآني بـ طيب خــآطر.. ~
وبعدين أحسن..خل أغيّر جو..بدل الخنقه بـ البيت..وبـ المره أشوف الــأودآم...هب بس مجابل هاشل.. وويهي بـ ويهه..هه..لو كـــــآن عمّور ولــآ عزوز..والله ما مليت..ذيلـــآك غير..يمكن هب هم غير.. بس أنــــآ اللي تغيرت..!
وقف وهو يتجهه لـ مدخل حجرته..سحب السويج والموبايل اللي ما منه فايده غير الاتصال عـ هاشل ورفجته..تعطر وجيك عـ سفرته وطلع للـ "لفت"..والحمدلله ظهر قبل لا يتجابل مع هــــآشل..من ظهر ريله من باب المدخل..شاف وآحد من اللي الهنود اللي يشتغولن هنيه يركض له..اففففف :..
الهندي : نئـــم تويل الئـــمر..!
مروآن : إييييه..لــآ تيلس تقول طويل العمر لــآ أهفك بـ طرآق..
الهندي هز رآسه بـ طواعيه : أوكيه بــــآبآ
مروآن ابتسم : هيه جيه زيـــن..ذكرتني بـ رآع الدكـآن..حليله
الهندي رفع راسه يطالع مروآن :..
مروآن : هيه صح..شـ تبغي داق صيم ورآكض لـــي..؟
الهندي : بابا..إنته يبى شـــي..؟
مروآن..ما كان بيطرشه بس كرآج السيارآت بعيد : يوّد السويج وهات السيارة لي
الهندي شل السويج..ورآح يركض..ثوآني ويــــآب السيارة جدآم مروآن ونزل :..
مروآن تخطاه :..
الهندي : بــآبــآ إنته في سوق.؟
مروآن بـ طنازة : لا دخيلك تعال سوق بـدالي
الهندي سكت :..
مروآن تخطاه وركب بـ كرسي السايق..تحرّك ...والله حــــــآله..أنــآ قبل رآع الدكان إذا ياب البيبسي عني يحصل طرآق..مع إنه حليله ما يبى يتعبني..يبى يسوي فيني خير.. بس الله يســــآمحك يـــآ أبويه..علمتني أنه الريـــآل ما يحس..! ما يتعذب..! ما يتـــألم...!
الدموع بـ حياته غلطه..!
الإحســـآس بـ حياته عيب..!
عيب حد يخدم الريـــآل إلـــآ عياله وحرمته..! عيب تبين ضعفك لـ حد..! عيب تروح المستشفى لأنه بـ الأساس الريـــآل ما يحس..! هه..مـــآ أنكر إنه بعضهــــآ صادق فيها..بس الريال ما يروم يكون شديد طول الوقــــت..!
[سحب نفس]..مـــآ دري مريوم شـ مسويه الحين..؟ متـــأكد إنها الوحيده اللي تحاتيني..! بس مردهـــآ بـ تنسى..شـ تبغي بـ وآحد ما ياب لها إلـــآ عوآر الـــرآس..؟
وقف السيـــآرة بـ الباركن ونزل.. دخل المول وعلـــى طول خذ له طاولة بـ"ستار بوكس".. يــآلله وينك يا عموّر..وينك يـــآ ذياب..وينك يــآ سعيد..وينكم يــآ أخوآني..وينكم كلكم..تشوفوني يالس بروحيه بـ المول شرى الخبله..! : ..
أحم...الشيــــخ...!!
مروآن رفع رآسه..بهت ثوآني وهو يشوفه :..
عبيد : ممكن سؤال..؟
مروآن ابتسم بـ ارتباك : آمــــر..!
عبيد : شـ أسمك...؟
مروآن عقد حياته وهو فـــآهم عبيد رفيج "زآيد" ليش يسأل: ليش..؟
عبيد ابتسم : مادري يـا ريال مشبهه عليـــك...!
مروآن ابتسم ونطق بـ جذب : لـــآ ما ظني شايفنك قبل..
عبيد : إنـــزين ما تعرف واحد اسمه "زآيد حمد الـ[ـــ]ــي"..؟
مروآن..هه محلـــآني وأنــآ أقولك أخويه : لـــآ والله..ما حصل لي الشرف..! [أشر عـ الكرسي اللي جدامه]..حيــــآك...!
عبيد ابتسم : لــــآ ما عليه موآعد الربع..!
مروآن بـ مغزى : وزآيد ويـــآكم...؟
عبيد بـ استغراب : شـ عرّفك بـ زيّود..؟
مروآن ابتسم : توك تقول زآيد حمد..قلت بشوف شبيهي..!
عبيد ابتسم : أهـــآ..لا ما ويــآنا..
مروآن : أفـــا..!
عبيد ابتسم بـ حزن: ذآك خله عـ الله..من توفـــى أخوه وهو هب فـ حاله
مروآن فز وأعتدل بـ يلسته :..
عبيد طالعه بـ استغراب .. ثم طالع ورآه..يتحرى مروآن فز عسب شاف حد..رد طالعه : بخليك عيل
مروآن ابتسم بـ ارتباك ...ومن ابتعد الريـــآل حط 100 عـ الطاولة عسب يحاسبون النسكافيه وطلع لـ سيارته..! هب مصدق..معقولة "نهيان" أخوي توفـــى...! جيف..؟ ومتــى..؟
بـ رجى : قوم حوطنـــي
مروآن أشر عـ "التكسي" بـ طنازة : حيـــآك...!
نهيان عبس : آآآخ..أنـــآ أركب تكسي..؟
مروآن : لـــآ يا ديايه أمك....روح أركب الهمر اللي موقفه بـ حويكم...!
نهيان : هه..أصلــن أنا من أخلص الثانويه وأشتغل بـ أشتري لي "مــآيبآخ"
مروآن صفعه عـ ويهه بـ الخفيف : أشتر لك "أكورد" عقب فكّر بـالـ...[كمّل بـ طنازة] مــآيبــآخ
زآيد طلع : ههههههههـ...شفيكم...إنتوآ..؟
نهيان بـ خقه : يالس يترجـــآني أحوطه بـ السيارة أول ما أشتريها
مروآن : ههههههههـ...[رفع حياته]..والله مهزلـــــــه...!
نهيــآن : إنزين..وين بتروحون..؟
مروآن بـ طنازة : بـ نروح وحده من المعارض نشتريلك الـ "ما يبآخ"
زآيد : هههههههههههههـ...
نهيان طالعه بـ نص عين : وأنا كنت محطي فـ بالي أشتري لك "لمبرقيني" بس هونت
مروآن : ههههههههههههههـ...لــآ..لـــآ..؟ ما قلتلي من قبل..لزوم التقردين
زآيد : هههههههههـ...نهيانوه..روح بدل بدلتك وألبس كندورة
نهيان بـ استغراب : ليش..؟
مروآن بـ ملل : بنروح دبي..
نهيان بـ طنازة : بـ تكسي..؟
زآيد ومروآن طالعوا بعض وضحكوا :..ههههههههههههـ...
مروآن : مالت عليك بس..ما تشوف الرنج واقفه..[أشر بـ رآسه] هنــــآك...
نهيان صد لـ الرنج ورد يطالعه بـ استغراب : من متى عندك سياره..؟ وليش عيل التكسي..؟
مروآن : والله الرنــــج...مستأجرنها حق السيرة..والتكسي عسب زيود يروح فيه
زآيد طالعه بـ نص عين : ..
مروآن ضحك بـ الخفيف وتخطاهم : يـ الله..استعيلـــوآ..!
فرك عيونه عسب يبعد الدموع اللي تيمعت فيهــــآ..ووقف السيارة ونزل :..
الهندي يـــآه ركض : ..
مروآن ما تفيج له..فر له السويج ودخل داخل :..
هـــآشل : وينك...؟ تــــأخرت..؟
مروآن تنهد : هلــــآ...!
هاشل ابتسم : مروآن أنـــآ خطبت لك...!
مروآن عقد حياته بـ استغراب : جيف..؟
هــآشل كمّل : خطبت لك بنت عم سيف..[كمّل بـ توضيح]..إخت محمد رفيجنــــآ وهم ما ردونـي
مروآن طالعه بـ هدوء وعقب تخطاه : ..
هــآشل بـ استغراب : مروآن ما قلتـــي شـ رآيك...؟
صحيح الزمن ما [نصفني] كثير
ولـــا قصر مـــ ع ــي بأوجاعه..!
بس علمني أكون بكل شي "كبير"
أشتري >شخص< وما أنوي وداعه
أعطي بصدق ماأنتظر
عطا "الغير"..!
[أحب] ويكفي إني [أحب] وهذي "قناعه"
مانفعني >منطقي< بس باالأول والأخير
هذا [قلبي] وهذي طباعه..!
مروآن وهو مكمّل طريجه للـ لفت: سووآ اللي يريحــــــك....!
{.. إسمحوا لي قربت لحظه [ذبولي] مافهمتوا وش أبي.؟ لــآ تحاتوآ.. "طفل" وإحساسه "غبي"..!
{..سلـآمي g سمآحي..~
لو "ڪـثرت" cـيوبيـﮯ بـ / cـيونـڪ [ تباهيت]
" آلـ / حادي عشر"
شــآف الأسم..عقب فر الفون عـ السرير..حذآله..!
مسك رآسه بــأياديه..يـــآربي والله اللي فيني مكفينـــي..خاطري أعرف ليش المصايب تتلقفني من أول مـــآ أقوم من رقادي..قسم بـ الله حتى رقادي ما تهيى لـي رقادي..~
بــس معقولة نهيــآن توفى..؟ بس يمكن هب نهيـــآن ..! يمكن [نفض هـ الأفكــآر من رآسه]..وأنـــآ ويني..؟ أنـــآ ليش هنيه.؟ أنـــآ مكاني غلط هنيه..أنـــآ مكاني هب هنيه..!
أنـــآ لــآزم أكون مبينهم..! أنـــآ لازم أعزّي أبويه.. لــآزم أوآسي أخوانيه..لـــآزم ألوي عـ سلامه وأهديهـــآ.. يــــآربي والله إنه ظلم...! أبغي أعزّيهم..أبغي أشوفه..هب كافي هب حاضر الدفــآن والعزى..!
أنسدح ومن وطـــى رآسه عـ المخده رن الفون مرة ثـــآنيه..غمض عيونه بـ تعب..يـدري منو متصل قبل حتى لا يشوف الرقم..هذا هاشل يستعيله..!
حد يصدق إنه اليوم "يوم الشوفه"..يوم تسليم المهـــر..!
أعتدل بـ يلسته بـ سرعه يوم سمع صوت دق عـ الباب..ويتبعه صوت خليفه الهادي : مروآن..!
مروان ركض للـ حمام...غسل ويهه وهو يتعوذ من إبليــــس عـ فكرة "الشرده" .. بطل الباب ورآح صوب المستوآليت : هلــآ خليفه..!
خليفه طالعه بـ هدوء : متـــأكد إنك تبغي هـ العرس..؟
مروآن ابتسم بـ سخريه وهو يرد يضبط سفرته :..
خليفه : يعنـــي لــأ..؟
مروآن : خليفه..إنت تتحرى هاشل غاصبني عـ هالشي..[صد له]..هب أنـــآ اللي يغصبوني عـ اللي ما بغيه..أنــــآ بـ مزآجي ساكت..!
خليفه : إنزين وحرمتــــك...؟ هب جيه بـ تظلمهـــآ..؟ معقولة أرخصتهـــآ..؟
مروآن حس بـ غصه..الغبنه يـــآلسه عـ قلبه..وهـ الشي بيّن يوم رص عـ عيونه..بس صد بـ برود للـ مستواليت وهو يتعطر : أكيد رفعوآ قضيه طلــآق وكسبوهــــآ..صارلي شهور غـــآيب عنهم...محد يرضى لـ بنته أتم جيه معلقه..!
خليفه حط إيده عـ جتف مروآن : أتمنـــى تفكر قبل لــآ نروح لهم..!
مروآن : هه..أفكر بـ شو..أقولك وآفقوآ..! البنت وآفقت..! تقولي أفكر.؟
خليفه سحب نفس : مروآن إذا تبى تهوّن مــا يهمك حد..المهم تفكر بـ منطق..هذا زوآج..!
مروآن ابتسم بـ عذوبه يطمنه وغيّر الســـآلفه : سرينــآ..~
×
×
×
غمضت عيونها بـ قوه : يـــآ غبيه فريتي البودرة بـ عيوني..!
ساره : ههههههههههههـ...سوري..سوري..!
شهد فركت عيونهـــآ : حوله مـــآ عليج شرهه..
هند : ههههههههههـ...شهّود بلاه ويهج أبيض..؟
ساره : هههههههههههههههههههههـ...
أحمد رفع عيونه عن الجريده : ساروه..بـــآجي عـ الساعه 9 ربع ســآعه
ساره عبست..وطالعت "أم أحمد" : خالوه عايبنج الوضع..من يطلع أدخل شرات الحراميه..وأشرد قبل لا يقبل..!
أم أحمد ابتسمت : روحـــي البيت الحين..رشود يـــآي..!
ساره وقفت : افف..حتى اللعبه ما كملنـــآها..[طالعت شهد]..إيييييه..خلي الكيرم جيه لين باجر
هند : هههههههههههـ...ساروه ورآج..!
ساره عقدت حياتها..طالعت وراها..وعقب ركضت ورى خالتها : ..
شهد+أحمد+أم أحمد+هند : هههههههههههههههههههههههههـ...
رآشد رآفع حياته : إنتي شـ يايبنج هنيه..؟
ساره طالعت أحمد : يــالجذآب قلت باجي ربع ساعه..!
أحمد ابتسم : وحد قــآلج إنه أخوي دقيق بـ مواعيده..؟
ساره طالعت رآشد وابتسمت بـ غباء : أتفضل ليش وآقف..؟
رآشد تكتف :..
أم أحمد ابتسمت : خلاص يـــآبويه أمسحها بـ ويهي هـ المرة..!
رآشد طالع أمه بـ ضيج..وعقب طالعها وأشر عـ الباب : عـ بيتكم بـ سرعه..!
ساره : أكشــــــــــــــخ...! أحلى طرده..!
شهد+أحمد+أم أحمد+هند : هههههههههههههههههههههههههـ...
رآشد مـــآ غير نظره عنهـــآ : ..
ساره وقفت بـ قفطه..ومشت صوب الباب ويوم وصلت حذاله همست : شوي شوي علينـــآ..!
رآشد طالعها : حلفـــي..؟
ساره سوت له طـــآف وطلعت :..
شهد ابتسمت : خف عليهــــآ شوي..!
رآشد طالع شهد..وعقب طلع ورى ســـآرة : ساروه..؟
ساره كانت عند باب سيارتهـــآ..ما كلفت عمرها تصد له : نعم..؟
رآشد بـ استهزآء : الله ينعم بـ حالج..!
ساره طالعته بـ قهر : شـ تبغي بعد..؟ عندك غير الطرده المحترمه اللي حصلتها توي..؟
رآشد بـ غياض : هيه عنــــدي..!
سارة طالعته بـ صمت :..
رآشد تقرب ووقف جدامهــــآ :..
ساره سحبت نفس : آمر الشيــــخ رآشد..؟
رآشد ابتسم بـ عذوبه : قسم بـ الله من زود مـــا أحبج ما بغي كلـــآم الناس يوصلج..!
ساره طالعته ثواني بـ هدوء : بس حبيبي هب جيه..عـ الأقل عاملني زين جدام هلك...~
رآشد رفع حياته بـ غياض : شـ أسوي إذا إنتي مــآ اتيين إلــآ بـ الهزاب..؟
ساره ابتسمت : لـــآ واللهـ...؟
×
×
×
بدوا الموايهه..وكل حد يبـــآرك له بـ هالزواج..ههـ...يا ناس أنا حتى أسم العروس ما أعرفه.. هه عـ الأقل قبل مريوم قـــآلت لي..الحين مادري منو بـ يقولي..ابتسمت للي يلس حذالي :..
محمد : هلــــآ والله بـ النسيب..!
الكل ابتسموا..وهم يطالعون مروآن :..
مروآن ابتسم بـ طيب : هلـــآ بـ المهلي..~
سيف بـ غياض : والله وصرت من الـــأهل..!
مروآن ابتسم بـ غياض : مجبـــور دامك ولد عم محمد..بـ نتحملك...!
سيف طالعه بـ نقمه..بينمـــآ الشباب ضحكوا :..
مروآن كــآن مستغرب .. ليش أنهم الشباب روحهم يـــالسين .. هذي تتسمى خطبه رسميه بـ ذمتكم..؟ بس ما كمّل تفكيره ثواني لين تبطل الباب ودخلوا :..
الشباب كلهم وقفوا يوايهون :..
مروآن كان يبتسم ويرد عليهم بـ عبارات بسيطه..بمـــا إنه المعرس..! :..
محمد اشر عـ واحد من الشياب : أحم .. هذا شيخك عبدالله الـ[ـــ]ــي
مروان فهم إنه هذا بو محمد..وبـ عبارة ثانيه "بو العروس"..تقرب وباس راسه : ..
بو محمد ابتسم : تحب الكعبه الغــــآلي..!
مروآن ابتســـم...أرتـــآح له من اللقى الأول..يعني في ناس من أول نظرة ما نرتاح لهم..بس هنيه البدآيه تبشر بـ الخير :..
سيف : عمـــي عيل وين أبوي..؟
بو محمد : كان ورآنـــآ..الحين بيي
سيف صد لـ مروان : عاده لا تشوف عمي وتقول خسوف..أبوي أحلـــى عنه..[وضحك]
بو محمد عطـــاه نظرة :..
محمد ابتسم وضربه عـ ظهره :..
مروآن ابتسم بـ مجاملة..ونزل راسه يطالع زوالـــي الأرض..اللي يشوفه يقول يدرس تخطيطهــــآ بس بـــآله عند "شهد"..مقتنع أنه حميد رفع قضيه طلــآق وأحتمال كسبهـــآ..آسف يـــآ شهد صرتي مطلقه حتى قبل لا نتجابل فيس تو فيس..! بس والله إن تجابلنا بـ يوم من الـــــأيام...بشيلج بـ عيونـــي..مـــآ برخص عليج شي..! إنتـــي الــأولى بـ الشرع وبـ قلبي..بس الزمـــن عيّى يخليج الأولى والــأخيره..! :..
هاشل نغزه بـ كوعه وهمس: مروآن..!
مروان رفع راسه..شـــآف وآحد يوايهه الريـــآييل..وقف بـ سرعه شكله "بو سيف" :..
سيف : يـــالله يابوي..سنه لين توصل..!
بو سيف : شـ أسوي بـ الزحمه يعنــي..؟..[ووايهه هاشل]
مروان طالعه بـ صمت..يــــآ ناس هو ولـــآ هب هو..أخاف أنطق ويكون هب هو..بس وربي يشبهه..بس كبر شويه..لـــآ مستحيل يكون هو..! :..
بو سيف ابتسم : حي الله المعرس..!
مروان ابتسم ودق وياه خشوم : الله يحيك ويبجيك...!
بو سيف ابتسم ويلس حذال بو محمد :..
مروان بلع ريجه وهو يرد عيونه للـ أرض..يرد لـ سرحـــآنه الدآيم..وربي نفس الصوت..كل شي يتغير إلــآ الصوت..هو..متــــأكد إنه هو..بس..[تنهد]..والله التفكير هد حيلــــي :..
محمد همس له : بلـــآك...مويّم..؟
مروآن صد له وابتسم بـ عذوبه : لــا أتبلى عليّه..!
محمد ابتسم..خـــآطره يعرف مروآن ليش راضي بـ حكم هاشل..شـ اللي يخليه ينسى هله :..
سيف : ههههههههههههههههههـ...~
الكل طالعوه بـ استغراب : ..
حمدان : تخبلــــت شو..؟
سيف : قلتلكم أبويه حليــو شوفوا مروآن ما شال عيونه عنه
مروآن رفع حياته بـ سخريه وهو يطالع سيف :..
بو سيف ابتسم : سيفـــآن ما تيوز إنت..؟
هاشل ابتسم : لو مــآ الحشيمه جان قام صفعك الحين..!
مروان سحب نفس وطالع بو سيف : عمـــي..طلبتك...؟
بو سيف ابتسم بـ استغراب : عطيتــــك
مروان بلع ريجه بـ قو : إنت بو ندى..؟!
إنتظار , !!
يعني شو .. إنتظار ..!؟
كلمه تجمع من خليط المفردات البؤس كله ...!!
كلمة تعني ..
إحتضار ..
و
إنهيار ..
و
إنكسار ..
و [ كل لحظاته . . مرار ]
|