لو "ڪـثرت" cـيوبيـﮯ بـ / cـيونـڪ [ تباهيت]
" آلـ / ثامن"
يلس حذآلها : منـّور..؟ بلــآج..؟
أم عمر طالعته بـ ضيج :..
بو عمر رفع حياته بــاستغراب :..
دخلـــوآ الصاله يــآيين من الصلــآه : السلــآم عليكم..!
أم عمر : وعليـــكم السلــآم..
التوأم ركضوا ويلسوآ حذال أبوهم :..
عمير : وإنت جيه ما ترد السلــآم..؟
عــآمر : يمكن لسانه يعورهـ...[يوايج عـ ويهه أبوه]..أشوف.؟
بو عمر دزه وهو يبتسم : قووـم خسك الله..!
عمر تخطــــى الكل للـ دري بس وقفه صوت أمه :..
أم عمر بـ ضيج : تقبل الله..!
عمر وهو يسحب نفس ويكمل صوب الدري : منـــآ ومنكم..
بو عمر طالع عمر لين أختفى عن أنظارهم :..
عــآمر وهو يحط رآسه عـ ريل عمير : أبويه هذآ ولدك ليش معقـــّــد..؟
بو عمر طالعه بـ نظرة : هذا أخوك العود..!
عمير كمّل بـ تأييد : معقد بعد شو..مروآن مــآت من شهر..خلــآص عـ شو ذآبح عمره هو..؟
بو عمر طالع أم عمر يبى يحس بـ حد وآقف ويى عمر..بس القهر اللي مبين عـ ملــآمح ويهها ما يظني معنــآه يسر :..
عآمـــر بـ استهبال : عميرووه لــآ يكون يوم بـ موت بـ تسوي شرآت أخوك...؟
عمير : خسيــــت...للـ زعل ثلــآث أيام بس..
عــآمر يضخم صوته : سبع..أخـــو سبع..!
بو عمر هز رآسه : أستغفر الله منكــــم...
عمير وقف..ووقف ويــآه عــآمر : بنروح نلعب كورة..!
بو عمر تابعهم بـ نظره لين طلعوآ..وعقب طالع حرمته : بلــآج..؟
أم عمر بـ قهر : بـ ذمتك عايبنك حـــآل ولدك...؟ العزى طــآف عليه شهر وهو ما غير من الحجرة لين الصلــآه..وملجتــــه أجلهــآ لـ أجل غير مسمــى...وحتى الدوآم ما رآحه..!
بو عمر سحب نفس بـ ضيج ووقف : أنـــآ أدري إنه عمّور مصخها شوي..بس مــآ لومه..وإنتي أكثر وحده تدرين شـ كثر عمّور متعلق بـ مروآن..ولـــآ نسيتي إنه ما كان عنده رفجه إلــآ بعد ما عرف مروآن الله يرحمه..!
أم عمر وقفت ورمست بـ ضيج : الله يرحمــــه..أنـــآ مابغي أرمس عنه..بس شـ حصّل عمّور من ورى هـ الرفجه..؟/ مـــآ غير السجون والسمعه الخــــآيسه..!
بو عمر ضحك بـ دهشه : منّــور..؟ إنتي تقولين جيه عن مروآن..؟ نسيتي يوم كان يبات بيتنا وأنــآ أعصب عـ رفجته لـ عمّور وإنتي تقوليـــن خلهم يعيشون حيــآتهم..مردهم بيتعلمون..!
أم عمر بـ غصه : أنـــآ قلت..بس أنــآ شـ درآني إنه مروآن بـ يموت وبيخلي عمّور جيـــــه..!
بو عمر طالعها ثوآني وعقب لوى عليهــــآ : ما عليهـ....الحزن مـــآ يدوم..~
×
×
×
صرخت بـ عصبيه : الحيــــن ياي تصلح غلطــــآتك...! أطلع مـــــآ أبغيك بـ حياتيه..! أطلع..!
عبدالعزيز عصب : مريووــم هذآ أبووــج..!
مريم وهي تمسح دموعها بـ عصبيه : أي أبـــو هذآ اللي توه حس عـ دمه..!
[طالعت أبوها]..هو الوحيد اللي كـــآن ما يباكم تطلقون..!
هو الوحيد اللي ضـــآع بـ هالشتات..وبـ حياته ما حسيتوآ أنه محتاجكم...
الحين يوم رآح..يـــــآيين تبرونه..!
بو مروآن يطالعها بـ هدوء :..
عبدالعزيز مسك مريم من إيدها وهمس : بـس..!
مريم طالعته بـ ضيج :..
بو مروآن بـ حزن : مريــــوم أنا اليوم يــآي طالبنج..
مريم بـ عصبيه : طـــآلبني بـ شو..؟ عسب تقول لي زيوّد صار شرآت مروآن..!
صـــآر خريج سجون ورآعـــي مشــآكل..!
كل اللي يصير لـ زآيد إنت السبب فيه شرآت ما كنت السبب بـ اللي كـــآن فيه مروآن..
إنت اللي فرقت زيوّد عن مروآن..وشوف النتيجه
صـــآر يعوض فقدآن أخوه بـ إنه صــآر شرآته..! بس مروآن عمره مــآ كان شرآنــي جيه..!
بس هب هـــذآ اللي بنيته بـ عمرك....ذوقه بـ روحك
ما عــآد يعنيني شي بعد مروآن..[ودخلت حجرتها ورضت الباب]
عبدالعزيز طالع بو مروآن : عمــ....
بو مروآن رفع إيده يسكته..وطلع من الشقه :..
×
×
×
طـــــآلعه : يــ آلله بو عبود..وصلنـــآ..!
مروآن طالعه : أدري هب أعمـــى..
هــآشل طالعه بـ نص عين وسحب السويج : يـ الله..[ونزل من السيارة]
مروآن نزل..طــــآف شهر عـ آخر مرة شاف فيها حمدآن..! هع..بــعد ذآك الطرآق..ما شــــآفه..سحب نفس.. والحين كل رفجة هـــآشل متيمعين بـ البر..وهــآشل ما يشبّر برع القصر إلـــآ ويى مروآن..هع..يـــا زعم يخــــآفه يشرد..صح هو ما قال هـ الشي بـ لسانه بس يبين..طآلع هــآشل لقاه يطالعه..رآح جدآه :..
هـــآشل وهو يمشي ومروآن حذآله : ثره اللــــي دآخل فوق الثلـآثين وآحد..في منهم الطيب وفي منهم الخقــآق و..
مروآن قاطعه : أسكت واللي يرحم وآلديــــك...جنك عيوز توصي
هــآشل بـ قهر: أمنية حيــآتي أكمل جملة وحده بدون لــآ تقاطعني
مروآن طالعه بـ برود :..
هــآشل بـ استغراب : بلــآك..؟
مروآن بـ برود : أحقق أمنيتك توك قلت جملة وما قاطعتك...!
هــآشل : يـــآ سخفك عــآد
مروآن بـ غياض : تؤتؤتؤتؤ..قول يــآ سخف أمنيــآتي..
هــآشل طالعه بـ نص عين ودخلوآ الخيمـــــه :..
مروآن..بدوآ بـ الموآيهه..يلـــعن إبليسك يا هاشل الحين هذيل بـ حدود الثلــآثين..! طفرت وأنــآ أدق خشوم..خشميه عورنيـــه..هع..يــآ حظهم الحريم يتلقن بـعض بـ البوس..توسعت ابتسامته يوم طرى عـ باله ذآك اليوم..~
فر عليه العبـــآة : يوّد..[وبدى هو يلبس العباة اللي سارقنها حقه]
مروآن : هههههههـ...أتخيل شكلي عــآد
ذياب : ههههههههـ...شــرآيك فيني..؟
مروآن وهو يحط العباة عـ راسه : هههههههههههـ...تـــووحفه..!
ذياب بـ طنازة : عـــآد إنتي اللي مسكت..!
مروآن : عـ الأقل أنا لابس عباة رآس ما بيشكون فيني
ذياب وهو يحط الخمــآر..[النقاب]..عـ ويهه ونعّم صوته : والحين..؟
مروآن : ههههههههههههههههههههـ...أحلــى هنــآك
ذياب : إيييييه سووآ صوتك نـــآعم عسب لــآ يشكوون
مروآن : هع..لـــآ تحــــآتي..بس تعال بـ نروح للـ وكيل..
ذياب : لـــآ ..لـــآ هـ الوكيل كريه..نروح للـ أخصــــآئي
مروآن : لـــآ الوكيل أحسن..لـــأنه حجرته جريب حوي المدرسه..وما بيحسوون إنه متأخرين عـ الطابور
ذياب بـ ضيج : اففف..هو غصب يعني نحضر الطابور
مروآن ضربه بـ كوعه :..
ذياب رفع حياته بـ قفطه يوم شاف الوكيل يــآي صوبهم :..
الوكيل : حيـــآكن الله خوآتي..أي خدمه..؟
مروآن تنحنح بـ الخفيف وقــآل بـ صوت نــآعم : والله مادري شـ أقولك
الوكيل رفع حياته بـ استغراب :..
ذياب كمّل الجذبه : يـــآ وخيتي لــآ تستحين هذا شرآت أخوج..!
الوكيل طالع الحرمه المنقبه..[ذياب] :..
مروآن بـ دلع : يعنـــي أقولهـ...؟
ذياب : هيـــه يـ الغاليه ونحن هب متعنين كل هـ الدرب..عسب خـــآطر حمودي
الوكيل فج عينه بـ استغراب..حمودي..! قـــآل بـ حزم : خير الشيخه شـ بغيتي..؟
مروآن : امم..أستحـــــــــي..!
ذياب يوّد ضحكته عـ طريقة مروآن وعـ عيون الوكيل اللي نطت من الأستغراب :..
الوكيل : الشيخه عندج ولد بـ هالمدرسه ويــــآيه تسألين عنهـ..؟
مروآن..ابتسم بـ خبث : وفي حد غيرك غناتي..؟
ذياب مــآ رآم يكمّل ضحك بـ صوت عـــآلي :..
الوكيل صد بـ صدمه لـ الحرمه المنقبه..[ذياب] :..
مروآن ضربه عـ ظهره : خس الله عدوك فـضحتنا..!
الوكيل بـ عصبيه : مروآنووه..!!
مروآن بـ دلع : عنونه
الوكيل صرخ : بـ سرعه عـ حجرة المدير..!
ذياب فج النقــآب : أووف..أوكسجيــــن..
مروآن نزل العباة عـ جتفه :..وين تبــآنا نسير..؟
الوكيل صرخ : عـ المدير..!
مروآن يستهبل..قــآل بـ دلع : أستغر الله..خلوه محرمه..!
ذياب : ههههههههههههههههههههـ...
هــآشل رفع حياته بـ ضيج وقــآل بـ هدوء : أيلــس بلــآك...؟
مروآن رفع حياته وعطى هاشل نظرة احتقار..يلس وهو يتذكر ذاك اليوم اللي حولوهم فيه عـ الأحدآث..كــــآن أمــآ يوم بس اللي هب حلو أنه أهل ذياب غسلوه من الضرب..أمـــآ هو ما عنده أهـــــل يحـــآسبونه عـ أي شــــي..رغم إنهم موجودين بـ هالدنيـــآ :..
خليفه : ليش تـــأخرتوآ..؟
مروآن طالعه بـ هدوء...كــآن يكلم هاشل..هــ الريـــآل كشخه بسرعه ينرفع ضغطه..هع.. بس هــــذآك وينــــهـ...؟ لـــآ يكون للـ حين معصب عـ الكف اللي يــآه.؟ :..
هــآشل طالع مروآن : أتريــــآ العروس تتكشـــّــخ
الكل ابتسموا وطالعوا مروآن :..
مروآن فرش عـمره عـ الغنفه وهو يبتسم بـ سخريه : قصدك أقرّر إذا نروح ولــا لأ..!
الكل صدوآ لـ هاشل مستغربين..أمــــآ..خليفه+ســآلم+فهد..تضايجوا بس ما بينوا :..
هــآشل أرتبك...: إلــآ حمدآن وينهـ...؟
فهد ضحك بـ الخفيف : انصبت عليه القهوه ودخل يسبح
هــآشل رفع حياته وابتسم بـ عذوبه : هذا بيخلص عنــّــآ درآمات الماي من أول يوم..!
خليفه : لـــآ تحـــآتي ما خذين أحتياطاتنا..
حمدآن دخل : أوه..وصلتـــوآ..[ووآيهه هـــآشل]
هــآشل ضحك بـ الخفيف : هلـــآ بـ النظيف..!
حمدآن : ههههههههـ...عـ الأقل أحسن منكم...[ورآح صوب مروآن ووآيهه بـ رسميه..!]
مروآن..مـــــآ أهتم بـ الأساس..وبـ طبيعته الحاليه ماحب يرمس وآيد ويســأل عن حاله..ثره هذوه جدامه يضحك وبخير بعد يســـأله شحـــآلك...هو مضيعة وقت بس..! :..
×
×
×
طالعته بـ تعب : بس أنـــآ ما طلعت من العده..!
رآشد يلس حذالها وأبتسم بـ حنــآن : بـ تكملينه فـ بيتنــآ..[رفع راسه]..ولـــآ حميد..؟
حميد يطالع بـ صمت :..
شهد بـ رجى : رشــود دخيلك...خلنــي هنيه
رآشد طالعها بـ ضيج : شهّووــد مروآن كــآن رفيجي قبل لـآ يصير ريلج..بس ما يصير جيه..أنـــآ سجلتج بـ جامعه العين وبتبدين درآسه معاهم بـ أول الكورس..!
شهد طالعته بـ ضيج ووقفت : أنـــآ بكمّل العده عند أبــويه..!
رآشد وقف بـ عصبيه : هب كيفــــج..إذا أبوج نفسه منجلب حـــآله..!
حميد بـ ضيج : شهد..!! خلـــآص سيري ويـــى أخوج..
شهد طالعته بـ قلة حيلة وصــآحت : مابغــي..مــــآبغي..!
رآشد طالعهـــآ بـ ضيج وهي تصيح وعقب تقرب ومسح دموعهـــآ : بس لــآ تصيحين..!
شهد : بـــس مابغي أروح عيمـــآن..!
رآشد سحب نفس بـ طولة بـــآل : لـــآزم تيين ويـــآيه أمايه وايد تحاتيج..
شهد طالعت أخوـــها بـ قلة حيلة..وعقب لوت عـ أبوهـــآ :..
رآشد : يـ الله بروح أسلّم عـ عمّور وبيي أشلـــج..[وطلع]
شهد..تابعت خطوآت {أخوهـــآ من أمهـــآ} لين طلع وعقب صرخت بـ ضيج : وأمايه كان لازم تييب لي أخوو..!
حميد مـــآ علّق..طلع من الصــــآله ودخل حجرته..عندهـــآ..! يلس حذالها : نورة..!
أم مروآن طالعته بـ صمت :..
حميد مسح عـ شعرهــــآ : شهــّــود بـ تروح ويــى أخوهـــآ
أم مروآن مسكت إيده : لـــآ حميد خلهـــآ أتم..!
حميد عقد حياته بـ ضيج : أمهــــآ تبغيهـــآ..!
أم مروآن بـ صيــآح : بس أنـــأ عيالي ما يبوني يـــآ حميد..ما يبوني..!
×
×
×
كـــآن يبدل عيونه مبينهم بـ ملل وآضح..! هم يسألونه ويحاولون يسولفون وياه لـــكن رده عليهم يبين إنه ما يبى يسولف..وهـــآشل كل ثـــآنيه قال لهم إنه شحيح رمسه.. عسب لـــآ ياخذون فكره غلط عن مروآن..! / لمـــح حد يطالعه..توسعت ابتسامته الجانبيه :..
حمدآن رفع حياته بـ استغراب..من تقلب مزآج هـ الــآدمي :..
مروآن مـــآ يدري ليش تفيّج وسووآ لـ حمدآن ســـآلفه..يمكن لــأنه ويهه حمدآن البشوش ما يسمح له يسويلــــه طـــآف..ويمكن من تــــأثيرآت الملل..خبـــركم يسوي بلـــآوي خاصه بـ شخص كـــآن أجتمـــآعي حيل..وصـــآر ما يروم يجابل إلـــآ ويهه هـ الهاشل..! لـــآحظ إنه حمدآن يرفع له حيـــآته بـ معنى..{شو..؟}..توسعت ابتسامته وتنحنح :..
مــــآ لومه..مــــآلومه../ لو غـــأبت علـــومه..!
وإن مـــآ سأل عني..؟ / من حقـــه مــــآلومه..~
[رفع حياته وهو مبتسم] .. أنـــآ اللي زعلتـــه../ وآصلني وأهملتـــه..!
ولـــآ حبيب القلب../ طيــّـوب من يومه..~
حمدآن توسعت ابتسامته..وقــآم صوب مروآن :..
الكل يـــطالعون بـ استغراب :..
مروآن وقف ووآيهه حمدآن :..
حمدآن ضحك بـ الخفيف وضربه عـ جتفه : أونـــــك تعرف ترآضي..!
مروآن ابتسم ويلـــس : لـــآ تاخذ من عمرك مقلب..
هـــآشل بـ ضيج : بلـــآكم..؟
حمدآن ابتسم رغم إنه لـــآحظ الضيج بـ ويهه هـــآشل :..
×
×
×
رفعت ريلها اليمين عـ الغنفه..وبدت تحركها بـ توتر..طالعت الســـآعه {11.23p.m} ..تــــأخر..! :..
بطل باب الشقه :..
مريم راحت صوبه : تــــأخرت..!
عبدالعزيز ابتسم وبـــآس رآسها : عندي لــج مفاجأة..!
مريم بلعت ريجها : لقيتوا جثه مروآن..؟
عبدالعزيز طالعها بـ صمت ثوآني :..
مريم : خلــآص قول..
عبدالعزيز : إنتـــــي حــآمل دآري عمرج شوي..! وبس من هـ الطاري..!
مريم طالعته بـ هدوء : بس هذآ مروآن أخـ....
عبدالعزيز حط إيده عـ ثمها : جب يـ الثرثارة خليني أرمس..!
مريم ابتسمت بـ الخفيف :..
عبدالعزيز كمّل وهو مبتسم : حجزت لنـــآ عـ طيرآن الإمارات
مريم بـ استغراب : ليــش..؟
عبدالعزيز : ما تبيني أعتمر عن روح مروآن..؟
مريم طالعته بـ هدوء ثوآني ثم لوت عليه بـ قو وبدت دموعهـــآ تنزل : قســــم بـ الله أحبك...!
عبدالعزيز سحب نفس بـ رآحه ولوى عليها : تدرين جم أشتقت لج ولـــا لأ..؟
×
×
×
عقد حياته وهو يتبع هــآشل بعد ما ناداه..وصلوا صوب السيارة :..
هـــآشل بطل السيارة ويلس بـ كرسي السايق وهو مبطل الباب وحاط ريل داخل وريل برع :..
مروآن بـ نذاله : هــآشل تخيّل أسكر عـ ريلك الباب
هــآشل بسرعه دخل ريله الثانيه : يــآلنذل..!
مروآن : ههههههههههـ...بعدني أنزين ما سكرت..!
هــآشل : هيه بـ ترياك أنــآ..
مروآن تساند عـ السيارة وهو يسند إيده اليسار عـ باب السايق المبطل : شـ تسوي أنت..؟
هــآشل : لــآ تاكل قرصك نـــي..!
مروآن حاس شفايفه بـ ملل : إنت أمثــآلك كلها عن الــأكل..؟
هــآشل ضحك بـ الخفيف : توي متعشي لــآ تحاتي..!
مروآن : هع..عرفت ليش منـــآدني..!
هاشل وهو يجلب بـ {درج السيارة} : ليش يــآ حكيم زمانك...؟
مروآن بـ طنازة : تخاف تطلع بروحـــك بـ هالليل..
هــآشل ضحك بـ الخفيف : والله إنـــــك... الحين أنــآ أخــآف..[نزل من السيارة وسكر الباب]
مروآن يطالعه بـ استغراب من ســـآسه لـ رآسه :..
هــآشل ضحك بـ الخفيف : ليش أطـــآلعني جيهـ...؟
مروآن : بذمتك من مساعه يـــآلس بـ السيارة شـ تسوي..؟
هــآشل ابتسم بـ غموض : بيوصلك الخبر..[وطلع شي من جيبه ومده لـ مروآن]
مروآن وقف قلبــــه..والــألوآن كلها شردت من ويهه..مـــآ يروم يحدد من أي سبب بـ التحديد.. لـــأنه ألف سبب..يدور فـ بـــآله..! طـــآفوآ شهرين عـ يلسته بـ قصر هــآشل كـــآن دومه يحـــآول يتصل لــ هله بس ما يروــم..مع إنه مـــآ يخــآف لا من المطيرزيه ولا من هــآشل نفسه..بس من وين بيتصل..؟ / ليش يوم حب حمدآن يساعده منعه..! معقولة أنـــآ بقرارات نفسي مابغي أروح لـ هلي..! هيه أنـــآ أبغي أنسى الماضي..بس..سحب موبايله من إيد هــآشل بسرعه :..
هاشل ابتسم بـ طيب : من متى أبغي أعطيك بس نـــآسيه..!
مروآن هز رآسه وهو بـــاله ما عند هـــآشل..ابتعد رآيح لـ خيمه الرقــآد..
رص عـ الموبــآيل بـ قوه وهو يحس بـ نبضات قلبه تتســـــآرع :..
{.. كـم قلتلـك " لاتغيـب .. و .. لاتفارقـني " واثـرك مشيـت و | بقـى | زولـك هنـا فيـني..!
{..سلـآمي g سمآحي..~
لو "ڪـثرت" cـيوبيـﮯ بـ / cـيونـڪ [ تباهيت]
" آلـ / تاسع"
دخـــّل رقم ورى رقم..بس الرد كله وآحد..!
{إن الهاتف اللذي طلبته مغلق أو خارج نطاق الخدمة حـــآلياً..يرجــى الإتصال في ما بعد}
عض عـ شفايفه وهو مبتسم بـ حزن..هــالحركات ما تفوته..هــآشل حــآظر كل الإرقام اللي بـ موبـــآيله..ههـ...يعنـــي هـ الموبايل ما ينفع إلــآ لـ اتصال
عـ/هــآشل..!
ثوآني ويسمع المسجــآت أتيي وحده ورى الثــآنيه..لــآنه كان مغلق فـ الحين توصل المسجــآت..ولـــأنهم فـ البر..الإرســـآل ضعيف فـ تأخرت الرســـآيل..!
بدى يبطل مسج ورى مسج..كلهـــآ كانت محاتاة وهزآبـ...من :..
مريوم / عموّر / عزوز / حميد / أبوه / زيود
وغير هذيــــل رفجته وآيدين يتشرهون لــأنه ســـآفر وما قالهم..!
لــ فطنته عرف إنهم غطوآ عـ فضيحتـــه بـ كلمة "مســآفر"
بطل المسج الـ 53..واللـــي كــآن من / مريــوم..~
بدت دموعــــــه تنزل بـ انسيابيه عـ شـــآشة الموبــآيل..!
كـــآنت صورة شهد بـ يوم الملجه ومكتوب تحتهـــآ
{يـ الحمـــآر.. هذي حرمتك قلت أسوي فيك خير دآمك مـــآ تعرف إلـــآ أسمهــآ..!}
رص عـ شفايفه وهو يطـــآلع صورة شهد..بـ يوم الملجـــــه..
كرهـــه شي بـ ويههــآ..!
كره الحــــزن اللي رآسم ملــآمحها رسم..رغم ابتسامتهــآ..!
فر الموبـــآيل عـ المطرح..[الفرآش اللي ينــآم عليه]
ومسك رآسه وهو يصيح بـ حرقه..: حسبـــي الله عليـــك يا هــآشل..
حسبي الله عليك دآمك خربت علي عرســـي..!
حسبي الله عليك دامـــــك عذبتني وعذبتهم..!
يــــــــآرب أرحمنــــــي..[رفع رآسه بـ سرعه..وعقب دزه ووقف]
بس هو مـــآ سووآ له ســـآلفه..سحبه ولـــوى عليه يهديه :..
مـــــآ يدري ليش أستسلم لــــه..: وربي اللي فـ سمــآه يا خليفه إنــي تعبـــآن..!
×
×
×
دخل : حووووـه مسويين قرص تبين..؟
شهد طالعته بـ هدوء : مشكـــــور..!
رآشد طالعها بـ ضيج وعقب سحب إيدها : قومــي..قومــي..
شهد سحبت أيدهــآ: افففـ...رشود لوّعت جبدي ثرك...!
رآشد : جب..وأمشـــــــي..
شهد طالعته بـ نقمه :..
رآشد : طــــــآعوآ هذي..أبوي أنـــآ أكبر عنج..!
شهد بـ ملل : متنــآزلة لك بـ هالسنتين..
رآشد بـ حزم : شهــّــود.؟
شهد استغربت لهجته : ..
رآشد : مروآن الله يرحمــــه بس ما يصير هـ الشي..بــآجي عـ عدّتج شهرين..والجامعه بــآجيلها شهر ونص وبـ تفتح..!
شهد رفعت حياتها : تباني أطلـــع وأنا بـ عدتي..؟
رآشد طالعها بـ صمت ثوآني وعقب أقفى :..
شهد يلست عـ السرير وهي تسمع صوت صراخه من برع :..
رآشد : قسم بـ الله يـــآ أمايه..هو شهر وآحد..وعقب أنـــآ اللي بـ تصرف..[ولحقته صوت رضه الباب بـ قو..!]
×
×
×
رفع عيونه بـ ضيج :..
الملــآزم بـ عصبيه : قبل مروآن والحيـــــــن إنت..
زآيد بـ عصبيـــه : جــــآآب..ولـــآ تييب طـــآري مروآن عـ لسانك...!
الملــآزم وقف بـ عصبيه : قســـم بـ الله إن ما لميت ثمك بـ لمك بـ طرآق..عـ الأقل مروآن كـــآن ذرب هـــب إنت فوق الشيـــــن قوآن عيــــن..!
زآيد طالعه من فـــوق لين تحت :..
×
×
×
طــآلعها بـ نص عين : خيــــر الشيخهـ...؟
مريم توسعت ابتســـآمتها : شكلك حلـــو..
عبدالعزيز : أطنزي..أطنــــزي..!
مريم اكتفت بـ ابتسامة هــآديه وهي تشوفه :..
عبدالعزيز ابتسم ويلس حــذآلها : أحبـــج..~
مريم وقفت وبعدت عنه : عيب يـــآ حآج ما يصحش كده..!
عبدالعزيز ضحك : تدرين إنج حمـــآرة..؟
مريم رفعت حياتها : والحمارة مــآ تاخذ إلــآ حمــآر..صح..؟
عبدالعزيز رفع عيونه بـ تفكير : لــآ عادي تاخذ حصــآن ويصير الولد جحش
مريم صرخت : جب يــالخايس..لــآ تيلس تسب مروآن..!
عبدالعزيز ابتسم بـ حزن : فديتــــه أنــآ..
مريم طالعته بـ حزن : ..
عبدالعزيز أشر لهـــآ بـ رآسه تقرب :..
مريم قربت ويلست حذاله :..
عبدالعزيز : مليت الحزن اللي بـ ويهج مريوم..!
مريم يلست تلعب بـ أصابعها : شـ سوي يعنـــي..؟ كــآن دوم جدآمــي..يلعب ويعصب.. يضرب وينضرب..يصرخ ويصيح..يضحك ويبتسم...ليـــل ونهـــآر ويهه مجــآبل ويهي.. [بلعت ريجها ودمعتها نزلت]..هــب رايمه أتأقلم بـ هالعيشه..
[طالعته]..عطنــي وقت يـالغالي..!
عبدالعزيز ابتسم بـ حب..ومسك إيدهـــآ : هب أطوليــن..إذا ربيتـــي وإنتي عـ هالحال بعرس عليج
مريم ضربه : فـ خاطرك يعنــــي يـ الخايس..؟
عبدالعزيز ضحك بـ الخفيف :..
×
×
×
|