|
هذا جنون الحب
السلام عليكم ورحمة الله وبركاته
قصيدة جديدة أتمنى تنال إعجابكم ,,
( جنون الحب )
اتعبت في رحلة حياتي المشاويـر
واخذت من لوعة زمانـي كفايـة
قلت اتنحى واترك الحـب للغيـر
واعيش بالذكـرى لحـد النهايـة
لكنهـا الاقـدار تأتـي بتقـديـر
وانا قنوع ان القـدر لـه عنايـة
صدفة تقابلنا ومـن غيـر تدبيـر
الله جمع قلبين مـن غيـر غايـة
وتقابلت صدق المشاعر على خير
وطيب النفوس ويالها من بدايـة
اشتاق واحلم وانتظر حزة اعصير
قبل الخروج يمر حـول المرايـة
طله من اسفـل زاويتهـا بتعبيـر
منظر خيالي فـي بدايـة روايـة
سرت اتخيل طيفها وين ما اسيـر
اشوفها تحكـي وتضحـك معايـة
عندي جنون الحب مالـه معاييـر
ما يعترف بحـدود مالـه نهايـة
تعبت واتعبت الخطـا والمشاويـر
حتى حروفي اتعبتها , مو كفاية .؟
|